Ka qenë një shkrimtar, gazetar dhe aventurier amerikan. Përvojat e hershme të Londonit si detar, peshkatar dhe punëtor, e frymëzuan më vonë për shkrimet e tij. Por vetëm pasi u kthye nga kërkimi i arit në Klondajk, Londoni vendosi të përqendrohej te veprimtaria sociale dhe gazetaria. Shumë shpejt, u bë gazetar i njohur, shkrimtar i dalluar pjesësh komerciale dhe shkroi mbi njëzet romane si dhe plot tregime e poezi. Mes veprave më të njohura të tij janë “Kushtrimi i të parëve”, “Dhëmbi i bardhë”, “Ujku i detit” si dhe disa përmbledhje me tregime.