titleToAlt
Historia e një lojtari të pasur të Harvardit dhe e një mjeshtreje të zgjuar të muzikës në Redklif, që nuk kanë asgjë të përbashkët përveç dashurisë dhe kanë mundësinë të ndajnë gjithçka, veç kohës. Kjo është historia e mrekullueshme, tronditëse dhe e sinqertë e Oliver Beretit IV dhe Xhenifer Kavilerit. Me humor dhe thumbues, i trishtueshëm dhe sfilitës, romani i mrekullueshëm i Erik Segalit do t'ju rrëmbejë, do t'ju mbajë dhe do të bëhet juaji përgjithmonë. Mbi 21 milionë kopje të "Histori Dashurie" janë shitur në 33 gjuhë. Ju, sikurse më shumë se 21 milionë të tjerë do të bini në dashuri me librin "Histori Dashurie”. Jo një eksperiencë. Lexuesi që i bashkohet këtij libri do të ndihet më shumë si një personazh i pashkruar i Segalit se sa thjesht lexues, duke e jetuar historinë nga brenda.
Çmimi: 450 Lekë
titleToAlt
Alauija Sobh u lind në Bejrut në vitin 1955. Studioi Letërsi Arabe e Angleze në Universitetin Kombëtar të Libanit. Sot është kryeredaktore e revistës kulturore më të shitur të botës arabe, krijuar prej vetë asaj. Romani më i fundit, “Emri i Saj Është Pasioni”, konsiderohet një revolucion i vërtetë në letërsinë, kulturën dhe mënyrën e jetesës së botës arabe dhe është botuar në mbi dyzet gjuhë të Lindjes dhe Perëndimit, sadoqë në disa vende radikale islamike censura e ka bllokuar botimin. “Kur ai burrë qe ulur përballë saj dhe e kishte vështruar drejt e në sy, i tërë trupi i qe përshkuar nga dridhma. I qenë paralizuar këmbë e duar dhe nga koka sikur i dilte zjarr. Duart zakonisht të ftohta, madje akull, i zienin. Pëllëmbët i digjnin si prush. Shpina sikur do t'i thyhej në dysh dhe ndërsa vëzhgonte buzët e tij, përfytyronte t'i mbyllte e t'i fshihte nga shikimet e padëshiruara me një puthje. Diçka e mistershme po ndodhte në trupin e saj. Diçka që i ngjasonte dhimbjes, po nuk ishte dhimbje. Diçka që i ngjasonte një trilli gëzimi, po nuk ishte gëzim i pastër. Me sytë në lot, më pyeti nëse ajo që ndiente quhej pasion."
Çmimi: 1000 Lekë
titleToAlt
Xhejni dhe Elizabetë Beneti nuk janë vetëm motra, por edhe shoqe të ngushta. Ato ndajnë me njëra-tjetrën shpresat dhe ëndrrat. Kur Xhejni bie në dashuri, Elizabeta ngazëllehet për të. Mirëpo ëndrra e Xhejnit copëtohet dhe Elizabeta e di se kush e ka fajin: Darsi, një zotëri i pashëm dhe krenar, ai burrë, që Elizabeta e dashuron dhe e urren njëkohësisht! Si e gjejnë, më në fund, dashurinë vajzat Benet? Kjo eshte nje nga histonte me te njohura dhe më të dashura të rrëfyera ndonjëherë.
Çmimi: 620 Lekë
titleToAlt
Romani i parë i Francesca Segalit është shembulli se si dikush mund të ndikohet nga shkrimtarët e mëdhenj të kohëve të shkuara, e megjithatë të mos zihet në kurthin e tyre. Romani “Të Pafajshmit”, ka në themel të tij pasionin, tundimin, besnikërinë dhe flet për një histori dashurie në Londrën bashkëkohore. Ky roman i Franceska Segal, është shembulli se si dikush mund të ndikohet nga shkrimtarët e mëdhenj të kohëve të shkuara, e megjithatë të mos zihet në kurthin e tyre. Frymëzuar nga “Mosha e Pafajsisë”, libri i Segalit është më i ngrohtë, më zbavitës dhe pikturon një portret më dinamik e më njerëzor të një bashkësie që funksionon, e cila i bën karshillëk të mrekullueshëm shtresës së ftohtë shoqërore në Nju Jorkun e Epokës së Artë.
Çmimi: 1000 Lekë
titleToAlt
Kur Liza, e bija e dy miqve të tij të dashur, zhduket lë rrethana të mistershme, Kolti pranon të angazhohet në gjetjen e saj. Askush nuk mund t'ia dalë më mirë se ai: si hetues privat, me pasionin e fluturimit, është mësuar me misionet e rrezikshme. Sigurisht, as nuk i shkon nëpër mend se kësaj here rreziku kryesor do të përfaqësohet nga shoqëruesi, që policia i cakton për ta ndihmuar në hetime: flokëkuqja Altea, një kërcënim ndaj zemrës së tij...
Çmimi: 500 Lekë
titleToAlt
Janë të shumtë "zogjtë grabitqarë" që i janë vërsulur pasurisë së mbetur së Spartak Kangonit, i mbiquajtur "Korsari’, për shkak të shpirtit të tij aventuresk dhe të anijeve të tij që transportojnë drithëra në të gjithë botën. Por për Lenën, bashkëshorten e tij, tashmë tetëdhjetë vjeçare, gjëja që ka më shumë rëndësi është të shpëtojë nga ankandi ku po shiten pasuritë e familjes, një karficë në formë trëndafili të cilin ajo e konsideron si fatndjellëse. Dhe ndërsa lufton për ta shtënë sërish në dorë xhevahirin e çmuar dhe për të shpëtuar fatet e familjes, ajo përjeton edhe njëherë gjithë historinë e saj, që nga vitet '30 deri në ditët tona.
Çmimi: 890 Lekë
titleToAlt
Historia plot aventura e mundime e një familjeje shumë të pasur nga Milanoja; ngjarjet, që zhvillohen përgjatë një shekulli, madje edhe në një hapësirë ndërkombëtare, sillen rreth një personazhi të paharruar femëror. Hija e një incesti, krijimi i një perandorie të madhe industriale, ngjyrimet e përgjakura të luftës, bota vezulluese e modës, plogështia e sensualitetit dhe të fshehtat e patreguara të njerëzve të pushtetshëm - këto janë pjesët përbërëse të këtij romani të dhunshëm e romantik, që e josh lexuesin dhe e përfshin në thellësitë e veta.
Çmimi: 900 Lekë
titleToAlt
Trashëgimtari i fundit i njërës prej familjeve më të vjetra siçiliane, Bruno Briani Sajeva i Monrealit, thirret nga të gjithë si "Baroni". Shpesh i fotografuar në krah të grave më të bukura e të njohura, ai ngjall një kureshtje gati-gati të sëmurë te njerëzit. Por jo gjithçka që shkëlqen është e vërtetë. I përfshirë në bizneset e princërve të naftës, mes njerëzve më të pushtetshëm të botës, historia e tij kapërthehet me atë të tre grave shumë të bukura e të largëta njëkohësisht. Një roman i madhërishëm dhe i pazakontë në një botë ku pasuria dhe prestigji vlejnë më shumë se jeta vetë.
Çmimi: 900 Lekë
titleToAlt
Një libër që flet për pasionet njerëzore, ato që përshkojnë gjithë këtë histori ku mbizotëron një protagoniste e vendosur të realizojë ëndrrat e saj pa tradhtuar vetveten. Liliana Korti rritet, së bashku me të tre vëllezërit, në një familje punëtore në Milanon e pasluftës. Nga prindërit ka mësuar të ruajë dinjitetin e saj dhe të kërkojë të drejtat në një shoqëri ku më dobëtit pësojnë shpesh padrejtësi. Ndërkaq kohët ndryshojnë me shpejtësi: janë vitet e bumit ekonomik, të revoltave, vitet e errëta të terrorizmit, në një Milano ku ndërthuret politika me biznesin. Liliana djeg etapat: një sukses i jashtëzakonshëm në jetën e saj profesionale, një martesë e mrekullueshme me një burrë të dashur, të kuptueshëm dhe pastaj fundi i karrierës së saj të gjatë. Edhe një herë një formulë që të siguron fitoren dhe shumë vullnet për t'ia dalë mbanë.
Çmimi: 900 Lekë
titleToAlt
Familja Montalto është saga e tre brezave botuesish përgjatë pesëdhjetë vjetëve të fundit. Midis pasioneve, intrigave, tradhtive e zhgënjimeve, që shpesh e vënë në rrezik fatin e ndërmarrjes, dalin në pah figurat e Emilianos, i mbiquajtur "Mjellma e Zezë", i biri i kryetarit të trungut të familjes, dhe Arletës, gazetares së bukur e të re, të dashuruar me të. Bashkë me forcën e ndjenjës që i bashkon, do të arrijnë t'ia kthejnë dinjitetin dhe prestigjin emrit të Montaltove. Një roman plot patos e suspansë, i shkruar me mjeshtëri.
Çmimi: 850 Lekë
titleToAlt
Milano. Mëngjes i ftohtë janari. Në funeralin e Çezare Boldranit, një njeri i pasur dhe i pushtetshëm, vështrimet e të pranishmëve janë drejtuar mbi Anën, vajzën dhe trashëgimtaren e vetme të tij. Që nga ai çast, si drejtuese e një perandorie të madhe ekonomike, gruaja do të jetë e detyruar të përballet me të kaluarën e saj, por mbi të gjitha me atë të të atit; një udhëtim nëpër kohë, ku historitë pasionante të dashurisë pleksen me ngjarje misterioze dhe dramatike. Një histori e ngjeshur, e mbushur me ngjarje mbresëlënëse dhe e treguar në mënyrë të shkëlqyer.
Çmimi: 900 Lekë
titleToAlt
Në një fshat të vogël të Sicilisë, një murgeshë enigmatike i jep një intervistë të bujshme një gazetari të guximshëm. Ajo quhet Nensi Pertinaçe dhe përpara se të zhdukej në mënyrë të beftë, pa lënë gjurmë, kishte qenë një nga gratë më të famshme të Nju Jorkut, madje që synonte deri edhe kolltukun e kryetares së bashkisë. Por mbi të kaluarën e saj rëndon hija e gjatë e Koza Nostras, ndërsa e tashmja nuk ngjan aq e qartë dhe e kthjellët... Një roman mbresëlënës.
Çmimi: 850 Lekë
titleToAlt
Pronari i një shtëpie botuese vdes, duke iu lënë të bijve dhe nipërve një pasuri të pafund dhe një mister të madh: mijëra miliarda, që përbënin një pjesë domethënëse të trashëgimisë, janë zhdukur si kripa në ujë. Leximi i testamentit i hap rrugën kështu, një gjuetie në kërkim të thesarit.
Çmimi: 850 Lekë
titleToAlt
"A ekziston 'përgjithmona'?" më kishte pyetur. Të kisha shtrënguar pas vetes me më shumë forcë. Nën shtresën e bluzave, pulovrave dhe xhupit, kisha ndier të gjallë dhe të ngrohtë trupin tënd të hajthëm. “Ekziston vetëm 'përgjithmona'”, të isha përgjigjur.Ky ishte pakti i dashurisë dhe jetës, filli i pazgjidhshëm mbi të cilin kishin ndërtuar intrigën e ditëve të tyre.E megjithatë kanë kaluar pesëmbëdhjetë vjet që kur Nora është ndarë nga jeta dhe Mateoja kujton çdo ditë pikëpyetjet që kanë shënuar rrugëtimin e tij dhe që shënojnë rrugëtimin e çdo njeriu: nga sa dhimbje përbëhen jetët tona? Po kur marrin fund? Si dilet nga ferri?Po kush është Zoti? Një rrugëtim i brendshëm, që na tregon se sa shumë një njeri mund të përhumbet në dhimbje dhe se si forca ripërtëritëse e natyrës dhe misteri i jetës së përmbajtur në gjërat më të vogla mund ta përkundin, ta shërojnë dhe ta çlirojnë duke ia kthyer botës. Me këtë roman, autorja e "Thuaji zemrës po" na dhuron një histori origjinale dhe pabesueshmërisht poetike, që bën të kumbojnë sërish telat e dashurisë, të brishtësisë njerëzore dhe të çudisë që provohet përballë jetës.
Çmimi: 800 Lekë
titleToAlt
Më 25 nëntor të vitit 1960, tri motra të bukura u gjetën pranë Jeep-it të tyre të shkatërruar në fund të një humnere në bregdetin verior të Republikës Dominikane. Gazeta zyrtare shtetërore e raportoi vdekjen e tyre si aksidentale. Por nuk përmendi që motra e katërt jetonte ende. Nuk shpjegoi gjithashtu se motrat ishin midis krerëve opozitarë kundër diktaturës së gjeneralit Rafael Leonida Trujillo. Dhe nuk kishte përse ta bënte këtë. Të gjithë i njihnin Las Mariposas(Fluturat). Në këtë roman të jashtëzakonshëm, zërat e katër motrave (Minervës, Patrias, Maria Teresës dhe të mbijetuarës, Dedesë) flasin përmes dekadave për të rrëfyer historitë e tyre, nga kordelet e flokëve dhe sekreteve të fshehura, te kontrabanda e armëve dhe torturat e burgut dhe për të përshkruar tmerret e përditshme të jetës nën sundimin e Trujillo-s.
Çmimi: 1000 Lekë
titleToAlt
Ndërtesa nr. 1 në Bulevardin e Pestë, një godinë e bukur ku spikat arti dekorativ dhe që lartësohet në lagjet e modës më të fundit, është një adresë e llojit të vetëm, nga ato ndërtesa ku, në një mënyrë apo në një tjetër, rrugën brenda saj duhet ta fitoni vetë.Për gratë e romanit të ri dhe jashtëzakonisht të bukur të Candace Bushnell-it, ndërtesa nr. 1 në Bulevardin e Pestë ndodhet në qendër të jetëve të tyre, që ato i kanë ngritur me aq kujdes apo që shpresojnë t’i ngrenë. Kemi aty Shifer Dajmondin, një aktore dyzet e pak vjeçare, që dëshmon në mënyrë energjike se gratë me stil mbeten me të vërtetë gjithmonë të reja. Kemi Lolën e llastuar dhe me vetëbesim të madh, që është e vendosur ta fusë veten në shoqërinë e lartë dhe në krahët e burrit të duhur e që kapet me thonj e me dhëmbë pas asaj ndërtese. Analiza është bashkëshortja e një menaxheri të lartë të një kompanie investimesh, si dhe një personalitet shoqëror disi ngurruese, ndërsa Mindi idhnakja është martuar me një shkrimtar jo shumë të botuar dhe ka qenë ajo shtylla e familjes për një kohë tepër, tepër të gjatë. Është gjithashtu edhe Enida, zonja e madhe magjepsëse dhe gazetare thashethemesh, që ka jetuar në pallatin nr. 1 të Bulevardit të Pestë për dekada të tëra dhe nga panorama që hapet prej apartamentit të saj në katet e sipërme sheh gjithçka që është për t’u parë.I studiuar nga afër dhe me një mendjemprehtësi të pamëshirshme, “Bulevardi i Pestë” është një histori moderne e parellinjve të rinj e të vjetër, e politikave seksuale, vjedhjeve të pasurive të patundshme apo pasurive të fituara dhe të humbura brenda ditës. Një libër i shkëlqyer dhe origjinal, që tregon se askush nuk mund ta paraqesë Nju-Jorkun ashtu si Candace Bushnell.
Çmimi: 1200 Lekë
titleToAlt
Si vetë qyteti i Nju Orleansit, Klara Laurenti është një bukuroshe magjepsëse, e rrethuar me mistere e të fshehta. Ajo është përpjekur shumë për ta shndërruar biznesin e saj "Mëndafshi francez" që prodhon të brendshme grash në një sukses të përbotshëm. Por një ditë, një ungjilltar televiziv gjendet i vrarë me tre plumba dhe Klara dyshohet si vrasëse. Ndihmës prokurori i qarkut Robert Kesidi e kupton se ajo e gënjen vazhdimisht gjatë hetimeve të tij për vrasjen, megjithëse joshet gjithnjë e më shumë nga bota dhe shpirti i saj. Por, as dashuria e Kesidit dhe as mëtimet e saj për pafajësi nuk mund ta shpëtojnë Klarën derisa ajo zbulon një të vërtetë tronditëse të cilën ishte betuar ta merrte me vete në varr. Konfliktet ndizen dhe tensioni rritet gjithnjë e më shumë... 600 faqe me vrasje, intrigë e histori dashurie që lexohen me një frymë.
Çmimi: 1000 Lekë
titleToAlt
Furia është një vepër me energji shpërthyese, një komedi e pamëshirshme dhe e zezë, një studim thellësisht shqetësues i anës më të errët të natyrës njerëzore dhe një histori dashurie që të lë pa gojë. Gjithashtu është edhe një portret mbresëlënës i Nju Jorkut.
Çmimi: 750 Lekë
titleToAlt
Libri “Plani i fshehtë MekKormak”, i llojit aventurë dhe dramë është shkruar nga autorja Catherine Marshall. Kur babai i Tessa-s, personazhi kryesor, shkrimtari Alex MacCormack, e dërgon atë në Jug të Francës për të mbledhur materiale për librin e tij të ardhshëm, ajo gëzohet shumë. Perspektiva e diellit të Mesdheut është joshëse dhe me atë entuziazmin e saj,Tessa i kushton pak vëmendje paqartësisë së babait lidhur me të zotin e shtëpisë, me emrin Grant Sullivan. Gjithsesi, që në çastin kur mbërrin në Nice dhe takohet me Grantin, ajo është e ndërgjegjshme se s'do të ketë gjëra të zakonshme atë stinë vere. Lidhja e tyre romantike thellohet, por Tessa kupton se do të përballet edhe me gjëra djallëzore, përveç faktit se do të bjerë në dashuri. Ngjarjet zhvillohen në Europë dhe shtrirja gjeografike do ta bëjë më interesante aventurën.
Çmimi: 700 Lekë
titleToAlt
"Ditar dashurie i një shkrimtari", është një himn shqiptar për dashurinë, ku ngjarjet dhe mendimet shtjellohen në një bashkëbisedim artistik mes shkrimtarit dhe muzës së tij refleksive."Ditar dashurie i një shkrimtari" është një rrëfim ku romantika gërshetohet me erotikën. Kujdesi ndaj detajit dhe guximi artistik i autorit thyejnë mjaft tabu dhe paragjykime që kanë të bëjnë me dashurinë dhe seksin.
Çmimi: 700 Lekë
titleToAlt
Napoli, fillimi i shekullit XX. Midis Roza Avilianos - që vjen nga shtresat më të ulëta, lindur e rritur në bodrume - dhe fisnikes Jozefa Paraviçini - gruas së palumtur të princit Enrik Kastilia - merr jetë një lidhje e fuqishme që, përtej dallimeve sociale, do t'i bashkojë për gjithë jetën. Përmes ngjarjeve të jetuara, shenjuar nga tragjedi dhe pasione të mëdha, si në një afresk të fuqishëm dhe realist të një epoke, pasqyrohen dramat dhe vështirësitë e shekullit të kaluar. Duke pasur në qendër dy figura të jashtëzakonshme femërore, ky roman shpalos ndjenja dhe ideale të fuqishme.
Çmimi: 900 Lekë
titleToAlt
Në dukje Xhovana dhe Matilda, nuk kanë asgjë të përbashkët, përveç që banojnë të dyja në lagjen Brera në Milano dhe herë pas here shkëmbehen rrugës me njëra-tjetrën. Njëra është një antikuare tërheqëse, e martuar dhe me një vajzë adoleshente; tjetra një grua e moshuar, e varfër që jeton e vetme në një nënçati, prej së cilës kërkon me këmbëngulje të mos largohet për asnjë arsye. Një sërë ngjarjesh dramatike do t’i afrojnë të dy gratë, të cilat do të mësojnë të njohin njëra-tjetrën dhe të krijojnë një miqësi të thellë dhe të fortë.
Çmimi: 950 Lekë
titleToAlt
Vanilja dhe çokollata, dy shije të ndryshme, por që lidhen shumë mirë me njëra-tjetrën. Ashtu siç ndodh ngandonjëherë në dashuri. Ashtu siç u ndodhi edhe Pepes e Andreas që, pas tetëmbëdhjetë vjetësh martesë dhe tre fëmijëve, kurrë nuk reshtën së dashuruari njëri-tjetrin. Por, një ditë, alkimia magjike prishet, kështu që ajo, e zhgënjyer dhe e poshtëruar nga aventurat dashurore të të shoqit, vendos të largohet dhe ta lërë atë vetëm, e të merret me problemet e pafundme të së përditshmes. Një ndarje që gjithsesi, merr një rëndësi vendimtare për të dy, pasi i ndihmon të shohin me vëmendje brenda vetes dhe ta gjejnë sërish njëri-tjetrin.
Çmimi: 1000 Lekë
titleToAlt
Një mëngjes vere, në kishën milaneze të San Markos, dikush sulmon e godet rëndë në kokë një grua të re e të bukur, ndërsa ajo lutej. Pas shtrimit në spital dhe operacionit, në zgjim, gruaja nuk kujton asgjë nga e kaluara e saj. Dhe kështu detyrohet të fillojë një proces të vështirë për të rifituar identitetin e saj. Pak nga pak, nga errësira e harresës, nisin e lulëzojnë copëza kujtimesh e mes vështirësive, ajo nis të rikompozojë historinë e jetës së saj dhe të familjes së vet.
Çmimi: 900 Lekë
Të gjitha të drejtat e rezervuara. © 2015 Librari Albania