titleToAlt
Adriena ka tre fëmijë dhe disa nipër e mbesa. E di që zakonisht e konsiderojnë si zonjë të qetë e të matur, madje të padjallëzuar, dhe shpesh e zbavit fshehja pas këtij stereotipi. Po kur vajza e saj, Amanda, bie në depresion të thellë pas vdekjes së burrit, vendos t'i tregojë një të fshehtë të cilën e kishte mbajtur për një kohë të gjatë brenda vetes, për të mos minuar figurën e saj që shërbente si bosht i baraspeshës familjare. Të ulura në tryezën e kuzhinës, i tregon për një mbrëmje para katërmbëdhjetë vjetësh, kur zëvendësoi një shoqe në kujdesjen për një bujtinë buzë oqeanit dhe gjatë atyre pak ditëve ndryshe nga jeta e saj e zakonshme, përjetoi diçka që do t'i ndryshonte përgjithmonë jetën. Dhjetor 1988: në një ishull të vogël të Karolinës së Veriut ndeshen fatet e Polit dhe Adrienës, dy persona që mbledhin me vështirësi copëza nga ekzistenca e tyre e shkuar. Në atë vend të veçuar që do të përfshihej nga uragani dhe era e tërbuar, ata të dy afrohen shumë me njëri-tjetrin. Rizbulojnë kështu lumturinë e thjeshtë të bashkimit me një tjetër qenie njerëzore, por mbi të gjitha, e shohin si të lidhur së bashku fatin dhe të ardhmen, duke iu dhënë njëri-tjetrit në dashuri.
Çmimi: 900 Lekë
titleToAlt
Në pranverën e vitit 1984, kur frekuentonin liceun, Amanda dhe Donsoni ishin dashuruar me njëri-tjetrin: thellësisht, në mënyrë të pakthyeshme. Pavarësisht se u përkisnin dy botëve të kundërta, dashuria e tyre dukej aq e madhe, sa për ti sfiduar rregullat e jetës së Orientalit, qytezës së Karolinës së Veriut ku ishin rritur. Donsoni, tek i cili kishte lënë shenjë dhuna e familjes së tij, mendonte se ndjenja për Amandën do ta kishte shpërblyer dhe shpëtuar nga një fat vetmie e fatkeqësie. Për Amandën, Donsoni ishte një shpirt i lirë e i pasionuar, gjithçka që edukimi i saj i rreptë prej vajze të përkryer ia kishte mohuar. Por, në mbarimin e asaj vere të fundit, e paparashikueshme dhe e rrufeshme si një shtrëngatë gushti, rrugët e tyre ishin ndarë papritur. Tani, njëzet e pesë vjet më pas, Amanda dhe Donsoni takohen sërish në Oriental për varrimin e Tukut, mikut të vjetër që dikur i kishte dhënë strehë pasionit të tyre rinor. Asnjëri prej të dyve nuk ka pasur jetën që shpresonte... dhe asnjëri prej të dyve nuk e ka harruar dashurinë e parë tronditëse, që i kishte ndryshuar përgjithmonë. Ndërsa plotësojnë dëshirat e fundit të Tukut, të shprehura në dy letra, zbulojnë në ato faqe të vërteta të papërfytyrueshme për ata që kanë mbetur, për ata që kanë shkuar përgjithmonë dhe, mbi të gjitha, për lidhjen e tyre. Të detyruar të përballen me kujtime shumë të hidhura, Amanda e Donsoni do të mësojnë arsyet e vërteta të zgjedhjeve të bëra në të kaluarën. Dhe, në një fundjavë të vetme, më e gjata e jetës së tyre, do të mundin të besojnë, prapë edhe një herë, ndoshta e fundit, se dashuria zgjat përgjithmonë.
Çmimi: 1000 Lekë
titleToAlt
Kur një grua e re misterioze me emrin Kejti, shfaqet në Karolinën e Veriut, në qytetin e vogël të Sauth-portit, prania e saj, papritur ngre një seri pyetjesh për të kaluarën e saj. E bukur por e ndrojtur, Kejti duket e vendosur për të shmangur krijimin e ndonjë lidhje intime, derisa një seri ngjarjesh do ta tërheqë në dy marrëdhënie ndaj të cilave ngurron: ajo me Aleksin, pronari i një marketi, një i ve zemërmirë me dy fëmijë të vegjël, dhe marrëdhënien me fqinjën e saj të vetme, Xhoit. Pavarësisht nga hezitimet e fillimit, Kejti dalëngadalë fillon të prishë mburojën e saj, duke hedhur rrënjë në komunitetin e ngushtë dhe duke u lidhur gjithnjë e më shumë me Aleksin dhe familjen e tij. Ndërsa Kejti fillon të bjerë në dashuri, ajo lufton me të fshehtën e saj të errët që ende e lëndon dhe tmerron, një e kaluar që e detyroi të nisë një udhëtim të frikshëm dhe të pasigurt për të gjetur një parajsë sigurie në Sauth-port. Me mbështetjen dhe këmbënguljen e vazhdueshme të Xhoit, Kejti, përfundimisht kupton se në kohët më të vështira, dashuria është e vetmja parajsë e vërtetë.
Çmimi: 1000 Lekë
titleToAlt
Trevis Parkeri ka gjithçka që një njeri mund të dëshirojë: një profesion që e adhuron, miq besnikë, madje edhe një shtëpi buzë oqeanit në provincën e Karolinës së Veriut. Duke ndjekur një stil të mirë jetese,shëtitje me varkë, not, dhe festa të shpeshta me miqtë e tij të ngushtë, ai ka bindjen e mjegullt se një marrëdhënie serioze me një femër vetëm do të ndërlikojë stilin e tij të jetesës, derisa Gebi Holand do të bëhet fqinja e tij. Megjithë përpjekjet e tij për të qenë fqinj të mirë, flokëkuqja tërheqëse mban mëri ndaj tij... dhe prania e të dashurit të saj prej vitesh nuk e ndihmon. Megjithatë, Trevisi nuk resht së përpjekuri që të bëjë për vete fqinjën e tij të re, dhe përpjekjet e tij të vazhdueshme do t'i çojnë ata të dy në pragun e një udhëtimi, që as mund ta kemi parashikuar. Duke na përfshirë në plot ngjarje të dashurisë së të rinjve, martesës dhe familjes, “ ZGJEDHJA” në fund të fundit na ballafaqon me pyetjen që të copëton më shumë zemrën: Sa larg duhet të shkoni për të mbajtur gjallë shpresën e dashurisë?
Çmimi: 900 Lekë
titleToAlt
A ekzistojnë me të vërtetë hajmalitë? Ish ushtari Logan Tibolt mendon se ka gjetur një. Duke mbajtur gjithmonë në mendje kujtimet e shokëve që humbi në Irak, Logani e di që është më shumë fat që arriti të kthehet në shtëpi. Ai beson se një fotografi që mbante gjithmonë me vete, fotoja e një gruaje të buzëqeshur që nuk e ka takuar asnjëherë, ishte ajo që I shpëtoi jetën. I vendosur ta gjendte, Logani ndërmerr një udhëtim me zbulime të pabesueshme. Beti, gruaja e fotografisë,po orvatet të zgjidhë problemet e saj: një ish bashkëshort që nuk mund ta pranojë që lidhja e tyre ka marrë fund dhe që kërcënon cilindo që i afrohet. Dhe pavarësisht nga tërheqja e madhe që ekziston mes atyre të dyve, Logani I ka mbajtur Betit një të fshehtë të madhe: si e gjeti fotografinë…
Çmimi: 1000 Lekë
titleToAlt
Autorja e bestsellërve Johanna Lindsey i përfshin lexuesit në botën e privilegjuar të aristokracisë angleze duke na paraqitur një roman të ri të mbizotëruar nga pasioni, intriga, dhe kënaqësitë romantike ku spikasin Malorët e pashoq, një familje mashtruesish të pashëm dhe mjaft elegantë, aventurierë të mëdhenj dhe të dhënë shumë pas femrave. Tani Xheremi, i biri i një pirati xhentëllmen, Xhejms Malorit, bie në dashuri. Deni, një vajzë e re që u rrit në rrugët e Londrës pa asnjë kujtim të familjes së saj të vërtetë, është dëbuar nga banda e saj sepse ka ndihmuar bukuroshin Xheremi Malori të vjedhë përsëri bizhuteritë e mikut të tij që i kishte humbur në një lojë pokeri. Deni kërkon që Xheremi t'i sigurojë një punë. Ajo është e vendosur që të bëjë një jetë të respektuar në mënyrë që të përmbushë ëndrrën e saj për t'u martuar dhe për të krijuar familje. I Intriguar nga bukuria dhe guximi i saj, Xheremi e punëson Denin si shërbyese në shtëpinë e tij, edhe pse ai dëshiron që ajo të bëhet e dashura e tij. Nën tutelën e Xheremit dhe kushërirës së tij Rexhina, Deni u shndërrua në një zonjë të vërtetë. Edhe pse ajo është e tërhequr nga Xheremi, pasionin që ndjen për të nuk e ka përjetuar kurrë më parë, ajo nuk pranon të jetë asgjë më shumë se një shërbëtore e tij, sepse e di se ai nuk është nga ata djem që i pëlqen martesa. Kur Deni shndërrohet në një Hirushe dhe prezantohet si e dashura e re e Xheremit, në përpjekje për ta ndihmuar atë të shmangë një skandal, disa pjestarë të familjes vërejnë se Deni iu duket shumë e njohur. Tani thashethemet kanë pushtuar Londrën, duke ngritur çështjen mbi identitetin e saj të vërtetë, duke kërcënuar jo vetëm shanset e Denit për të bërë për vete zemrën e Xheremit, por më shumë jetën e saj.
Çmimi: 1000 Lekë
titleToAlt
Bukuroshja Rovena Bellem duhet të ketë një trashëgimtar, përndryshe do të jetë pre e zemërimit të vëllait të saj të pamëshirshëm nga njerku, të cilit i rrezikohet nga konfiskimi pasuria e vënë në mënyrë të paligjshme. Dhe i mrekullueshmi Uerrik d'Shavill është i zgjedhuri i përkryer për babain e fëmijës së saj, edhe pse kjo do të thotë burgosje për fisnikun e pashëm dhe detyrim t'i bindet tekave të gruas që dashuron. Duke u zotuar t'i rezistojë, por i tradhëtuar nga vetë burrëria e tij, fisniku Uerrik është i dehur nga sytë e magjishëm dhe bukuria epshndjellëse e Rovenës. Tashmë ai po planifikon të hakmerret.
Çmimi: 900 Lekë
titleToAlt
Eshtë viti 1942. Uili Trusdeli arrin në Hong Kong në kërkim të një jete të re dhe menjëherë bie në dashuri me Trudi Liangun, një grua magjepsëse, që shkakton skandal me sjelljen e vet në shoqërinë e lartë të kolonisë angleze. Midis tyre lind një pasion i madh, por shpërthimi i luftës dhe kërcënimi i një pushtimi japonez e minojnë lidhjen e tyre. Uili do të jetë i detyruar të niset, duke e lënë Trudin ta përballojë vetëm, dhe shtatzënë, të ardhmen e saj të pasigurt. Dhjetë vjet më vonë, Klara Pendëltoni arrin në Hong Kong dhe gjen punë si mësuese pianoje e Lokit Çenit, vajzë e një çifti të pasur të qytetit. E mësuar me jetën në provincën e përgjumur angleze, Klara joshet shpejt nga shoqëria e lartë dhe nga shkëlqimi i saj, gjersa bëhet, Madamë Bovari e dytë, dashnore e shoferit të shtëpisë, që zbulohet se është po ai, Uili Trusdeli. Por kjo nuk është e vetmja e fshehtë e familjes Çen. Në një kreshendo rrëfyese në sfondin e atmosferave sensuale të Lindjes, Klara do të gjendet e detyruar të zgjedhë, pa mundësi apeli, midis dashurisë dhe sigurisë, midis guximit dhe mbijetesës, midis të tashmes dhe të kaluarës.
Çmimi: 1000 Lekë
titleToAlt
Xheremi Marsh është një djalë i ri nga Nju Jorku; mjaft tërheqës, gjithmonë i veshur me të zeza, pjesë e etikës së gazetarëve. Një ekspert që duke u përpjekur të zbresë nga piedestali të mbinatyrshmen në artikujt që boton në Scientific American, sapo bëri shfaqjen e parë në TV kombëtar. Kur mori një letër nga qyteti i vogël i Bon Kreut, në Karolinën e Veriut, rreth dritave misterioze që shfaqen në një varrezë për të cilën tregohen shumë legjenda, nuk mundi t'i rezistonte mundësisë për të shkuar dhe për të hetuar këtë enigmë. Këtu, në këtë komunitet të vogël por shumë të bashkuar, Leksi Darnell, drejton librarinë e qytetit, ashtu si nëna e saj përpara se të vdiste në një aksident duke e lënë Leksin jetime. E zhgënjyer nga lidhjet e kaluara, duke përfshirë edhe atë me një të huaj, ajo ishte e sigurt për një gjë: e ardhmja e saj do të ishte në Bon Krek, pranë gjyshes së saj dhe njerëzve që donte. Xheremi priste që të kalonte një aventurë të shkurtër para se të kthehej në qytetin e tij. Por që nga çasti që pa Leksin, u mahnit dhe u tërhoq shumë nga kjo grua shumë e bukur e cila fliste me një zë të zvargur dhe reflektonte sinqeritet. Dhe Leksi, ndërsa nguronte t'i besonte këtij të huaji, e kuptoi se po mendonte për Xheremin më shumë nga çkishte kurajën ta pranonte. Tani, nëse lidhen bashkë, Xheremi Marsh duhet të bëj një zgjedhje shumë të vështirë: t'i kthehet jetës së mëparshme apo të bëj diçka që nuk e ka bërë kurrë më parë: të besoj.
Çmimi: 800 Lekë
titleToAlt
Çmimi: 700 Lekë
titleToAlt
Lajla, një vajzë e vogël 5 vjeçare, zhduket në një qendër tregtare të Los Anxhelosit. Prindërit e saj, të thyer, të vrarë shpirtërisht ndahen nga njëri-tjetri. Pesë vjet më vonë, vajza gjendet pikërisht në të njëjtin vend ku kishte humbur. Ajo është gjallë, por e zhytur në një heshtje dhe mister të thellë. Lumturisë së gjetjes së saj i shtohen shumë pikëpyetje: Ku kishte qenë Lajla gjatë gjithë kësaj kohe? Me kë? Dhe sidomos, përse u kthye?...
Çmimi: 1000 Lekë
titleToAlt
Kur, në një natë të ftohtë dimri, Zhylieta dhe Semi këmbehen në zemër të Broduejit, lind dashuria me shikim të parë. Ajo, franceze e bukur 28 vjeçe, kryen disa punë të vogla duke ushqyer njëkohësisht ëndrrën për t'u bërë aktore. Ai, 30 vjeçar, një pediatër i ri njujorkez i përkushtuar me trup e shpirt pas punës, qysh prej vetëvrasjes së të shoqes. Të bindur që më në fund i kishin gjetur një kuptim jetës, ata do të dashurohen intensivisht gjatë një fundjave sa magjike aq dhe të paharrueshme. Por Zhylieta është e detyruar të kthehet në Paris. Po Semi? Ç'duhet të bëjë për të penguar kthimin e saj? Megjithë përpjekjet marramendëse ai nuk mund ta bindë vajzën për ta mbajtur pranë vetes. Të paktën, jo për atë moment të vështirë dhe delikat. Sapo avioni i gruas së re shkëputet nga toka, shpërthen në fluturim e sipër...
Çmimi: 1000 Lekë
titleToAlt
Që kur erdhën në pushtet talebanët, jeta e Mosheen dhe gruas së tij të bukur, Zunaira, filloi të shkatërrohej gradualisht. Ëndrra e Mosheen për tu bërë diplomat u përmbys si dhe Zunaira nuk mund të shfaqej më rrugëve të Kabulit e pambuluar siç bënte më përpara. Atiqi është roje burgu për të dënuarit me vdekje; errësira e burgut dhe fatkeqësia e punës kanë depërtuar në shpirtin e tij. Gruaja e Atiqit, Musarrati, vuan nga një sëmundje që asnjë mjek nuk mund ta kurojë. Edhe pse, jeta e këtyre katër njerëz është gati për t’u ndërthurur në mënyrë të pashpjegueshme, me anë të vdekjes dhe burgimit historia flet për pasionin dhe vetësakrificën e jashtëzakonshme. “Dallëndyshet e Kabulit”, është një roman befasues dhe elegjiak që tregon luftën e katër njerëzve për të qëndruar njerëzor, në një vend ku kënaqësia është mëkat vdekjeprurës dhe vdekja është bërë rutinë.
Çmimi: 800 Lekë
titleToAlt
Një histori dashurie në kufijtë e së pamundurës. Një rrëfim tronditës dhe origjinal në sfondin e zymtë të diktaturës. Midis baltovinës së një humbëtire ku banojnë armiq të regjimit, aty ku vdekjet janë më të shpeshta se lindjet dhe ku shpresa ngjan si një kujtim i largët e i përmallshëm, shkrep një ndienjë e fuqishme njerëzore, një dashuri thuajse qiellore, që mëton të sfidojë vdekjen dhe të zbërthejë thelbin e diktaturës. Shkrimtari Bashkim Çepele, nëpërmjet këtij romani u bën homazh të gjitha dashurive dhe ëndrrave të parealizuara nën regjimet totalitare. "Pluhur Meteorësh" është një vepër dinjitoze dhe moderne, që e lexon me një frymë dhe që të mbetet gjatë në mendje.
Çmimi: 500 Lekë
titleToAlt
Historia e një gruaje të humbur mes dy burrave, bashkëshortit dhe të dashurit, tregohet nga pikëpamja e të dashurit. Komploti është dramatik, karakteret janë krijuar me mjeshtëri dhe përfshihen në një histori njerëzore nga më të zakonshmet. Stili i shkrimit të Grinit është i përkryer. Asnjë fjalë nuk çohet dëm dhe libri është një shembull i shkëlqyer i krijimit letrar. Ai e jep në mënyrë të përsosur mënyrën se si luajnë psikologjitë e tre karaktereve kryesore për të ndërthurur zemrat e dy burrave me jetën e një gruaje. Mund të konsiderohet njëherësh edhe si një roman tepër shpirtëror, që ngre pyetje të mprehta, por me një ndershmëri të fortë që nuk e gjen shpesh në librat romantikë. Karakteret duken si realë, jeta e tyre nuk dramatizohet por përfshin edhe ato vogëlsitë, pakënaqësitë, dëshirën e pashpjegueshme për të pasur më tepër, gjë që karakterizon njeriun. Një rrëfimtar i shkëlqyer me një dhuratë që synon të ngjallë debate.
Çmimi: 1000 Lekë
titleToAlt
Në vitin 1922, Francis Scott Fitzgerald bëri të ditur vendimin e tij për të shkruar "diçka të re, diçka te jashtëzakonshme, të bukur dhe të thjeshtë, por njëherësh të ngatërruar në formë". Milioneri i sajuar dhe vetëshpikur Xhej Getsbi mishëron disa nga tiparet më karakteristike të Fitzgeraldit dhe vendit të tij: paranë, ambicien, lakminë dhe premtimin për fillimin e ri. Getsbi besonte në dritën e gjelbër, në të ardhmen që hapet vit pas viti para syve tanë e na rrëshqet nga duart. Po nuk ka rëndësi. Nesër do të vrapojmë më shpejt, do t'i shtrijmë krahët më larg. Dhe një mëngjes të bukur, ngjitja e Getsbit drejt lavdisë dhe rënia e tij bëhen një lloj përralle paralajmëruese rreth "Ëndrrës Amerikane". Është gjithashtu një histori dashurie dhe fatesh ky rrëfim i pasionit donkishotesk të Getsbit për Dejzi Bukananin. Çifti takohet pesë vjet para se të fillojë romani, kur Dejzi është një bukuroshe e hijshme nga Louisville dhe Getsbi një oficer i varfër. Ata bien në dashuri, por ndërkohë që Getsbi shërben jashtë shtetit, Dejzi martohet me pasanikun brutal e zemërgur Tom Bukananin. Pas luftës, Getsbi ia kushton veten verbërisht vënies së pasurisë me çdo mjet, si dhe ndjekjes së Dejzit. Pasi bëri miliona, Getsbi blen një rezidencë në Long Island, organizon festa bujare dhe pret që ajo të rishfaqet. Kur më në fund ajo vjen, ngjarjet shpalosen me gjithë tragjedinë e pashmangshme të një drame greke, kurse fqinji cinik Nik Karrauej shërben si një lloj kori për gjithçka ndodh.
Çmimi: 900 Lekë
titleToAlt
Ndonjëherë pyes veten se çfarë librash duhen blerë për t'u argëtuar dhe për të mësuar në të njëjtën kohë? Peter Lucas e ka këtë përgjigje në romanin e tij tërheqës, emocionues dhe tepër interesant mbi luftën, intrigën dhe romancën. Çdokush që nis ta lexojë nuk do ta ketë të lehtë të shkëputet prej tij. Njohuritë e autorit mbi subjektin janë të thella, si edhe dhembshuria për njerëzit - Amerikanët dhe Shqiptarët, të cilët jetojnë në faqet e Çezarit të Ballkanit - është shumë prekëse. Romani është shkruar kaq fuqishëm saqë mund të bëhet një nga eksperiencat më magjepëse dhe më të paharrueshme të leximit tuaj. Të mbetet gjatë në mendje ashtu sikurse vetëm libri më i mirë mundet. Nëse Peter Lucasi do të krahasohej me shkrimtarë të tjerë ai do të vihej përkrah Ismail Kadaresë dhe Ernest Heminguejit.
Çmimi: 1000 Lekë
titleToAlt
Katër mikesha fëmijërie, Mekensi, Parker, Laurela dhe Emalina kanë ndërtuar së bashku një biznes shumë të suksesshëm për planifikimin e dasmave, por, pavarësisht se kanë ndihmuar mijëra çifte për t'i bërë të lumtur, për të organizuar ditën më të madhe të jetës së tyre, të katër mikeshat janë të pafata në dashuri. Fotografja Mekensi Eliot ka kaluar një fëmijëri të vështirë dhe ka një marrëdhënie jo të mirë me nënën e saj, gjë që e bën atë të jetë shumë dyshuese. Por kur ajo takon Karter Mekguajrin, nuk mund ta ndalë veten për të rënë në dashuri, edhe pse ish e dashura e tij është e përgatitur të bëjë të pamundurën për ta mbajtur përkrah saj. Mekensi e kupton shpejt se duhet t'i harrojë "djajtë" e saj të së shkuarës dhe të gjejë dashurinë e vërtetë.
Çmimi: 1000 Lekë
titleToAlt
"Gjerdani i firmës Bulgari" është një kronikë e dhimbjeve dhe kënaqësive të betejave mes sekseve. Është një roman i vrullshëm e mjaft i bukur rreth lakmisë dhe mashtrimit të moshave të mesme, rreth dashurisë. Në këtë roman me të vërtetë të këndshëm, ngjarjet vendosen në Londrën e ditëve të sotme. Historia e Fay Weldon-it nis me trekëndëshin proverbial dashuror. Biznesmeni i pasur por i pakënaqur Barli Salt, lë gruan e tij pa shije, Grejsin, për folësen e famshme televizive Doris Dybua. Grejsi e pranon se burri i saj "duket më pak i plakur se ajo" dhe se Dorisi "është 23 vieç më e re se mua, është më elegante dhe më e zgiuar". Greisi përpiqet ta mposhtë Dorisin, por dështon. Për fatin e saj të keq, dënohet edhe me tre vjet burg. Megjithatë, kur njihet me artistin e ri Uollter Uells, i cili parapëlqen "trëndafilin e lulëzuar dhe jo gonxhen", Grejsi i hyn një jete të re. Ndërsa jeta i merr përsëri kuptim, Barli dhe Dorisi nisin ta humbasin kontrollin e jetëve të tyre egoiste.
Çmimi: 1000 Lekë
titleToAlt
Elioti, mjek i dëgjuar, baba i kënaqur, nuk është ngushëlluar asnjëherë nga zhdukja e llenës, gruas që donte, e vdekur para tridhjetë vjetësh. Një ditë, në një rrethanë të jashtëzakonshme, ai është kthyer në të shkuarën dhe takon djaloshin që kishte qenë ai vetë dikur. Vitet 70-të janë në kulmin e tyre në San Françisko, Elioti është një mjek i ri i apasionuar dhe plot ambicie. A do ta bëjë ai vallë atë gjest vendimtar që të mund të shpëtojë llenën? A do të dijë ai të ndryshojë fatin e pamëshirshëm?
Çmimi: 1000 Lekë
titleToAlt
Xheniferi dhe Iani njihen prej shtatë vjetësh kurse pesë vitet e fundit i kanë kaluar në luftë me njëri-tjetrin. Mes dy shefave të degëve në një bankë të rëndësishme tregtare të Londrës lufta është krejtësisht e hapur. Urrehen, nuk e durojnë njëri-tjetrin, nuk lënë rast pa i vënë shkopinj në rrota tjetrit. Deri sa një ditë, rastësisht, u detyruan të punojnë bashkë për të njëjtin projekt: për administrimin e kapitaleve të një klienti aristokrat e plot naze. Kështu u detyruan të kalojnë shumë kohë së bashku, edhe jashtë orarit zyrtar. Iani është djaloshi më tërheqës, i pasur dhe i kërkuar i Londrës, ndërsa shoqëria e tij nuk kalon kurrë "pa u vënë re". Mjafton një darkë e pafajshme në një restorant për t'u shfaqur ditën tjetër në faqen rozë të një gazete të njohur të përditshme londineze. Ajo u tërbua nga inati: si mund ta quanin të dashurën e një mburraveci e spitullaqi si puna e Ianit? Ai e merr me të qeshur, po më tepër habitet: fotografitë me kolegen bënë të tërhiqeshin të gjitha vajzat mendjelehta që i shkonin pas. Atëherë lind një propozim i pazakontë: do t'i lërë dorë të lirë në punën me klientin e lodhshëm, nëse ajo pranon të hiqet si e dashura e tij. Sfida pranohet dhe nis loja! Por shumë shpejt, ajo që për Xheniferin dukej si shaka, bëhet më e ndërlikuar nga sa ishte menduar kurse një puthje, që bënte pjesë te loja e shtirur, bën t'i lindin ndjenja dhe reagime fare të papritura...
Çmimi: 1000 Lekë
titleToAlt
Është një nga romanet bashkëohorë më të vlerësuar në Greqi për moshat 13 vjeç e më të rritur. Shkrimtarja greke, Voula Mastori, është autore e dhjetra librave për fëmijë. Ajo ka marrë çmime nga Firma e Shkrimtarëve Grekë, nga rrethi i librit grek për fëmijë, nga Këshilli I Shkrimtareve Femra, nga Ministria e Kulturës së Greqisë, në festivale ndërkombëtare etj.
Çmimi: 500 Lekë
titleToAlt
Romani tregon historinë e të riut inteligjent, të pashëm e ambicioz, të lindur në një familje të varfër, Zhylien Sorelit, që ka fatin të arsimohet dhe guximin e ambicien të dallohet në shoqërinë e lartë. Dy dashuritë e tij pasiononte: zonja Dë Rënal dhe Matilda dë la Mol, janë simbol i kundërshtive të egra, që përplasen në shpirtin e Zhylienit: nga njëra anë pasioni i pastër, nga ana tjetër ambicia e unit të tij për të triumfuar në shoqërinë e lartë.
Çmimi: 900 Lekë
titleToAlt
Flër Deksani është një grua e bukur dhe tërheqëse, por mbi të gjitha pa skrupuj. E pajisur me një gardërobë të jashtëzakonshme veshjesh të zeza elegante, e informuar nga nekrologjitë e botuara në Times, Flëri merr pjesë në funerale dhe përkujtimore duke pasur si qëllim të joshë vejanët e pasur të pa-ngushëlluar. Pasi i ka joshur dhe ka futur duart në kartat e tyre të kreditit, ajo zhduket pa lënë gjurmë, të paktën derisa të ketë takuar një tjetër viktimë të re, naive. Historia përsëritet. Por kur ndesh të mërzitshmin dhe të paparashikueshmin Riçard Fejvër në përkujtimoren e gruas së tij të shtrenjtë, diçka ndryshon. Edhe një herë, si profesioniste e vërtetë, Flëri arrin të thyejë zemrën e vejanit të gjorë, por gjërat nuk shkojnë ashtu siç i kishte parashikuar...
Çmimi: 800 Lekë
Të gjitha të drejtat e rezervuara. © 2015 Librari Albania