titleToAlt
Në romanin e tij më personal, Paulo Coelho kthehet me një udhëtim të mrekullueshëm në zbulimin e vetes. Si Santiago, bariu i Alkimistit, edhe Paulo po ballafaqohet me një krizë të thellë të besimit dhe është në kërkim të një rruge që ta ndihmojë në rilindjen e tij shpirtërore. Mundësia e vetme e vërtetë është ta fillojë gjithçka nga e para. Kështu, ndërmerr një udhëtim që e shpie nëpër Afrikë, Evropë dhe Azi gjatë të përshkuarit të Transiberianës, një udhëtim që do t'i risjellë energji dhe pasion. Ajo që Paulo nuk di, është se do të takojë Hilal-in, një vajzë violiniste plot talent, që e ka dashur para pesëqind vjetësh, por që e ka tradhëtuar me një gjest aq ekstrem paburrërie, sa e ka penguar të arrijë lumturinë në këtë jetë. Së bashku do të fillojnë një udhëtim mistik në kohë dhe hapësirë, që do t'i çojë më afër dashurisë, faljes dhe guximit për të kapërcyer të gjitha pengesat që jeta na paraqet në mënyrë të pashmangshme. I mrekullueshëm dhe ndriçues, Aleph na fton të reflektojmë mbi domethënien e udhëtimit tonë personal. Vërtet e dimë se çfarë duam të jemi, vërtet bëjmë atë që duam të bëjmë? Shumë libra lexohen, Aleph jetohet.
Çmimi: 800 Lekë
titleToAlt
Prej shumë vitesh, thashethemet për "Vajzën e Moçalit" gëlonin në Barkli Kov, një qytezë e qetë në bregun e Karolinës së Veriut. Nga fundi i vitit 1969, kur djali i pashëm Çejs Endrus gjendet i vdekur, banorët dyshojnë menjëherë te Kaja Klarku, e ashtuquajtura Vajza e Moçalit. Po Kaja nuk është ashtu si e përfytyrojnë ata. E ndjeshme dhe inteligjente, ajo ka mbijetuar prej vitesh e vetme në moçal, të cilin e quan shtëpi, duke zënë miqësi me pulëbardhat dhe duke mësuar nga natyra. Po vjen një kohë kur ajo ka ëndje të dashurojë dhe të dashurohet. Dy djem të rinj nga qyteza intrigohen prej bukurisë së saj të egër dhe Kaja hapet ndaj një jete të re - derisa ndodh e paimagjinueshmja. Përmes historisë së Kajës, Delia Owens na kujton që fëmijëria formëson të ardhmen tonë dhe që të gjithë ne i nënshtrohemi sekreteve të bukura dhe të dhunshme të natyrës.
Çmimi: 1200 Lekë
titleToAlt
Dr. Methju Hilleri po përballet me çastin më të vështirë të jetës. Neurokirurgu brilant ka takuar shumë njerëz të dëshpëruar. Po rasti i radhës nuk është thjesht një pacient që vuan e për të cilin ai ka mbetur shpresa e fundit e shpëtimit. Është Silvia, dashuria e tij e vetme. Tani, martuar me njërin prej burrave më të pasur të botës, ajo ka aftësinë t'i evokojë atij ende të njëjtat ndjenja si shumë kohë më parë në Paris dhe Afrikë. Edhe pse ka kaluar kohë mjaft e gjatë, ai nuk e ka marrë ende veten nga zhdukja e saj e pashpjegueshme në vigjilje të martesës së tyre; mendimet për të e kanë ndjekur nga pas si hije Dr. Hillerin në gjithë këta vjet. Si mjek, ai duhet të përpiqet ta ndihmojë. Si i dashur i braktisur, ai duhet të mundohet ta hedhë pas krahëve të shkuarën e të harrojë. Mirëpo, i kapluar nga dilemat, nuk guxon të mendojë se ç'do të ndodhë, nëse ia del mbanë ta shpëtojë ish-të dashurën e vet nga thonjtë e vdekjes...
Çmimi: 650 Lekë
titleToAlt
Jackie Collins sjell të gjallë në këtë libër botën e egër dhe seksi të të qenit yll kinematografie. Romanet e saj, tejet fenomenalë në suksesin e tyre, e kanë bërë atë po aq të famshme sa edhe ata që tundin e shkundin botën mbarë, pushtetmbajtësit dhe superyjet, për të cilët ajo shkruan si njohëse e brendshme. Me më shumë se 200 milionë kopje të librave të shitur në më shumë se 40 vende, Jackie Collins eshtë një nga shkrimtarët në majat e lavdisë për libra të shitur. Në një seri librash bestseller sensacionalë, ajo ka shpërthyer tej kapakun e jetës dhe dashuriçkave në Hollivud. Gjithçka është e vërtetë, thotë ajo. Unë shkruaj për njerëzit e vërtetë të maskuar. Nëse ka ndonjë gjë tjetër për të shtuar, është vetëm fakti se po të zbresin personazhet e mi nga piedestali - ajo çka do të shihni do të jetë mjaft më e çuditshme. Në botën e letërsisë ka pasur shumë imitues, por vetëm Jackie Collins mund t'ju tregojë me vërtetësi se çfarë ndodh në të vërtetë në korsinë më të shpejtë të autostradës. Nga dhomat e gjumit në Beverli Hills në një fermë ndanë rrugës së Hollivudit. Nga mbrëmjet e koncertet plot me gurë të shndritshëm e deri në limuzinat e stërgjata dhe vilat e pushtetmbajtësve - kronikat e Jackie Collins pasqyrojnë vetëm të vërtetën.
Çmimi: 1000 Lekë
titleToAlt
Sikundër nënkuptohet dhe nga titulli, Garcia Marquez ka shkruar një roman për dashurinë, Për dashurinë me të gjitha fytyrat e saj: dashurinë rinore, dashurinë bashkëshortore, dashurinë romantike, dashurinë e mishit, dashurinë madje edhe me shenjat e kolerës. Për më tepër , ai ka shkruar një vepër arti që rrezaton një humanizëm të atillë, që lexuesit do ta ruajnë thellë në zemër si diçka të shtrenjtë dhe do ta kujtojnë sa të kenë jetë në këtë botë.
Çmimi: 1500 Lekë
titleToAlt
Spanjë, 1492: Inkuizicioni dëbon nga Spanja mijëra hebrenj sefarditë, që gjejnë strehim në Afrikën Veriore dhe në Perandorinë Otomane. Pas një udhëtimi me peripeci të pabesueshme që zgjati për disa vite, Rakelë de Toledo, e arratisur bashkë me familjen për t'i shpëtuar persekutimit fetar arrin më në fund të mbërrijë në Stamboll dhe tek njeriu që dashuron, me të cilin do të ketë një vajzë, Esterin. Shumë e bukur, inteligjente dhe ambicioze, kjo vashë e re bëhet kira (shitëse ambulante, po jo vetëm) e haremit të Stambollit dhe falë miqësisë me Hyrremin, gruan e parë te sulltanit, ia del të kthehet në një prej personazheve më me ndikim e të fuqishëm të Perandorisë Otomane. Po dashuria e saj per Burakun pengohet nga e ëma dhe shtyhet drejt nje fundi fatal e tragjik. Do të arrijë e bukura Ester të shpëtojë veten nga konspiracionet e oborrit dhe nga intrigat politike, apo do të detyrohet të mbytet në fatin e trishtë, që u ka rënë për pjesë të gjitha grave të familjes së saj? Një shekull dashurish, luftërash e intrigash oborri, parë nga sytë e grave më pasionante e të angështuara të familjes de Toledo.
Çmimi: 1100 Lekë
titleToAlt
Mei, Kristina, Hida, Xhuniëri, Vida - madje edhe L-ja: të gjitha gra të fiksuara pas Bill Kozit. Pronar i pasur i të famshmit Hotel dhe Shtëpi Pushimi, ky u jep formë dëshirave të tyre për atë, burrë, dashnor, kujdestar dhe mik, dëshira që sundojnë jetët e këtyre grave edhe shumë kohë pas vdekjes së tij. Sidoqoftë, ndërkohë që është o boshllëku, o qendra e historive të tyre, ai vetë drejtohet nga fuqi të fshehta - një e shkuar turbulluese dhe nje grua magjepsëse me emrin Silestiël. Ky zhbirim i guximshëm brenda natyrës së dashurisë dëshirës, zotërimit sublim, frikës - është i pasur në karaktere, skena gjurmëlënëse dhe në një pranim të thellë të së vërtetës se sa e gjallë mund të jetë e shkuara. Romani përbën një pasurim madhor në veprën e një prej mjeshtërve të letërsisë botërore.
Çmimi: 750 Lekë
titleToAlt
Luiza dhe Adriani ishin të lumtur së bashku. Të rinj, të pasur, me fat, dashuroheshin që prej adoleshencës me një marrëdhënie totale të çlirët dhe të gëzuar. Por asaj martese iu fanit papritmas hija e akullt dhe fatale e një tjetër gruaje: ish-supermodeles, dashnore e babait të tij, për të cilën Adriani braktis gruan. Papritmas bota e Luizës shembet dhe brishtësia e pasiguritë e saj shpërthejnë, duke e dërrmuar. Vetëm, e dobët, e dëshpëruar, bie në një vorbull depresioni dhe vetmie, në një det trishtimi. Kur më në fund ringrihet, me ndihmën e dashurisë së re, Pablos, i cili i qëndron pranë me durim, e sheh burrin me sy tjetër: dallon egoizmin (e kishte shtyrë të abortonte që të mos shqetësohej në një çast vendimtar për karrierën e tij) dhe marrëzinë, por sigurisht qartësohet edhe brenda vetes. Me një stil të drejtpërdrejtë dhe thellësisht të sinqertë, në distancën e duhur nga një material autobiografik, ende me dhimbje të gjallë, një rrëfim-çlirim, në të cilin Justine Lëvy nuk fsheh asgjë nga vuajtja e saj e brendshme dhe duke qortuar pa mëshirë veten, ngre për kontrast boshllëkun e errët të atij që i qëndronte pranë. "Një roman i bukur me stil të mprehtë, që vazhdon i lëmuar dhe i ashpër... Nuk bën lëshime dhe pasqyron mosvëmendjen e njerëzve, indiferencën e përgjithshme, kultin e dukjes së një klase shoqërore, e ashtuquajtura e privilegjuar." Le Monde "Një monolog i stisur me tonin e duhur: rrëfimi i menjëhershëm dhe i qetë i një gruaje të rilindur dhe i një shkrimtareje premtuese." L'Express
Çmimi: 700 Lekë
titleToAlt
"Dead End" është histori dashurie midis dy të rinjve, studentë nga fillimi i viteve nëntëdhjetë, kur në Tiranë dhe në Shqipërinë e pllakosur nga kriza e gjithanshme ideologjike, morale e shpirtërore, po ndodhin ndryshime të thella - secili po ekspozohet në përmasat e tij reale, të mjerueshme. Viktimë e parë e këtij zgjimi ndërgjegjësues janë të rinjtë e të rejat, studentët shqiptarë të kohës të cilët, në pak muaj e vite kaosi biblik, pësojnë metamorfozën groteske: nga shpresa e një vendi bëhen mjerimi i tij dhe i vetvetes. Roman dashurie e zhgënjimesh rinore, shkruar me nota të ndjera lirike dhe humor të zi, ku pafajësia rinore, ankthi dashuror, etja për shpëtim nga ferri i ri social-kulturor, ndërthuren mjeshtërisht duke krijuar dhe duke rrënuar utopitë autentike të një tjetër brezi të rinjsh e të rejash, humbur pa adresë dhe shfytyruar keq nëpër rrugët pa krye të historisë sonë moderne.
Çmimi: 1000 Lekë
titleToAlt
 Me "Kujtimet e një geishe" ne hyjmë në një botë ku pamja e jashtme ka vlera të jashtëzakonshme ku virgjëria e një vajze i jepet si mall ankandi atij që ofron më shumë, ku gratë stërviten të mashtrojnë burrat më të pushtetshëm dhe ku dashuria ndëshkohet si iluzion. Është një vepër letrare e papërsëritshme dhe shumë e suksesshme e stilit fiction - romantike, erotike dhe që të mban në ankth. “Duke qenë pjesërisht roman historik, pjesërisht përrallë, pjesërisht romancë dikensiane, “Kujtimet e një geishe" e fut lexuesin në një botë ekzotike. Një paraqitje e jashtëzakonshme dhe mbreslënëse” The New York Times
Çmimi: 1100 Lekë
titleToAlt
Disa muaj pasi djaloshi Aleksandër futet bashkë me gjyshen e tij në zemër të Amazonës në kërkim të një shtaze legjendare, do të përjetojë një aventurë tjetër. Këtë herë, reporterja Kejt Kolldi shoqëron nipin e saj dhe Nadian, shoqen më të mirë të Aleksandrit, bashkë me fotografët e International Geographic-ut, në një udhëtim në një tjetër skaj të largët të botës. Misioni i ekipit është që të futet në një mbretëri të ndaluar, të fshehur në majat e ngrira të Himalajeve dhe të gjejë Dragoin e Artë legjendar, një statujë e shenjtë dhe orakull i paçmueshëm që është në gjendje të parashikojë të ardhmen e mbretërisë. Në rrugën për të mbërritur te statuja, para se të shkatërrohet nga koprracia e një furacaku, Aleksandri dhe Nadia duhet të përdorin fuqinë shpirtërore të kafshëve të tyre totemike: Jaguarit dhe Shqiponjës. Me ndihmën e një murgu të mençur budist, dishepullit të tij të ri, princit trashëgimtar, si dhe një fisi të egër luftëtarësh jeti, Aleksandri dhe Nadia do të luftojnë për të mbrojtur "Mbretërinë e Dragoit të Artë". «Adhuruesit e romanit "Qyteti i Shtazëve", librit fantastik të Isabel Allende-s, do të jenë në ankth derisa ta lexojnë këtë libër po aq tërheqës sa i pari.» Publishers Weekly
Çmimi: 1000 Lekë
titleToAlt
Në zemër të luftës, ajo solli në jetë zërin e njerëzve të thjeshtë. ...dhe gjeti veten. Historia e vërtetë e gjeniut të letrave amerikane, Ernest Heminguejit, dhe gruas së tij të tretë, korrespondentes së luftës, Marta Gellhornit. Në vitin 1937, njëzetetetëvjëçarja Marta Gellhorn niset e vetme drejt Madridit për të raportuar mizoritë e Luftës Civile në Spanjë dhe tërhiqet nga historitë e njerëzve të thjeshtë në atë konflikt shkatërrues. Kjo është mundësia e saj për t'i provuar vetes se është një gazetare e denjë, në një fushë ku mbizotërojnë burrat. Atje, ajo dashurohet me Ernest Heminguejin, një burrë që ka nisur rrugëtimin e tij drejt të qenit legjendë. Në prag të Luftës së Dytë Botërore dhe pas prapavijave të trazuara të Madridit dhe Kubës, zë fill marrëdhënia e Martës dhe Ernestit, si dhe karriera e tyre profesionale. Mirëpo, kur Ernesti boton veprën më të suksesshme të karrierës së tij, "Për kë bie kambana", ata nuk janë më të barabartë dhe Marta kupton se duhet të krijojë rrugëtimin e saj, si grua dhe si shkrimtare. Paula McLain, e cilësuar si "ylli i ri i prozës letrare historike", sjell historinë e Marta Gellhornit, duke e lartësuar këtë të fundit si heroinën e epokës: një grua që do të rrezikonte gjithçka për të gjetur zërin e saj.
Çmimi: 1300 Lekë
titleToAlt
"Nata e gjatë e Alberto Savianit" botohet në vazhdën e rreth 50 librave botuar nga ky autor, disa prej të cilave, romane. Një histori e dhimbshme dhe e jashtëzakonshme dashurie që lidh dy epoka, luftën, emigrimin dhe kërkimin e ethshëm të një dashurie. "Pas pak avioni doli nga retë e dendura dhe tani po fluturonte në një kaltërsi qielli të pafund. Poshtë ishte deti Adriatik. Mbylli sytë. Ndjente një lloj lumturie që e kishte pushtuar të tërën. I vdekuri, dashuria e saj e madhe dhe e humbur, tashmë ishte ringjallur... "
Çmimi: 400 Lekë
titleToAlt
Kjo sagë magjepsëse e shkrimtares së mirënjohur ADRIANA TRIGIANI, vendoset në fillimin e viteve '40 dhe gjatë Luftës së Dytë Botërore, në kohën e lulëzimit të grupeve muzikore. Shikrimtarja rrëfen historinë e dy të rinjve të talentuar që vijnë nga shtresa punëtore, por me dëshirën e zjarrtë për të çarë në rrugën së muzikës dhe për t;u bërë të famshëm. Kiki dhe Saverio arrijnë që të bashkohen me grupet legjendare të Glen Millerit, Tom Dorsit dhe Ben Gudmanit. Karriera e tyre arrin kulmin në të kënduarin live, nëpër klube por edhe në radio dhe televizione. Kur fama e tyre ka arritur kulmin, ata duhet të bëjnë një zgjedhje të rëndësishme. Kush prej tyre duhet të sakrifikojë artin në emër të familjes dhe cili do të vazhdojë të ndjekë shkallët e karrierës? Nga bregu i Xhersit, në Las Vegas, pastaj në Hollivud dhe me të gjitha gjarpërimet që sjell jeta, kjo histori që kapërcen kohën dhe vendin është plot gjallëri dhe ngjyra historike duke ruajtur në thelbin e saj, muzikën më të bukur të atyre viteve nostalgjike. Romani 'GRUAJA E TONIT" është një epikë dramatike e mrekullueshme e jetës në një familje tradicionale italiane, e cila pëson ndryshime tronditëse dhe me ritme të shpejta. Kjo histori e shkëlqyer njerëzore; me personazhe të paharrueshme me një botë të pasur shpirtërore, nxjerr në pah cilësitë e shkrimtares Adriana Trigiani, për të rrëfyer deri në detaje, dhimbjen, dashurinë dhe psikologjinë familjare.
Çmimi: 1400 Lekë
titleToAlt
"Ka pasione që ndizen si zjarre, derisa fati i mbyt me një të rënë të putrës. Por edhe në këto raste mbeten thëngjij të ngrohtë, që janë gati të digjen sërish sapo gjejnë oksigjenin". Historia epike e dashurisë midis vajzës së re Alma Belasko dhe kopshtarit japonez Ikimei: një ngjarje që del përmbi kohën dhe endet lirisht nga Polonia e Luftës së Dytë Botërore në San Franciskon e ditëve tona.
Çmimi: 1200 Lekë
titleToAlt
Çmimi: 1200 Lekë
titleToAlt
"Pëshpërima e fundit" është një roman që të bën për vete; ngjarjet e tij shtrihen në mijëra kiiometra e në dhjetëra vite, ai eksploron fuqinë e dashurisë, këmbënguijen e ndonjëherë dhimbjen që ajo shkakton. Si reziston dashuria e vërtetë në kohë e hapësirë përballë shtypjes dhe egërsisë? Kur fillon fuqia e mbijetesës nga kujtimet nostaigjike për t'i shkatërruar mundësitë e një të tashmeje të bukur dhe një të ardhmeje premtuese? Këto janë pyetjet me të cilat Pëshpërima e fundit e sfidon lexuesin të debatojë që nga paragrafi i parë e deri te fundi i tij prekës. Michael Jackson-Kryeredaktor i Black Intellect Journal
Çmimi: 1000 Lekë
titleToAlt
«Për çfarë doje të më pyesje?» Ajo ndien sërish valën e vogël të alarmit t'i ngjitet nga brenda. «Pse mrekullia është e papërkyer?» Ai ia ngul sytë, në pritje. Ajo pyet veten nëse duhet të japë një përgjigje të zgjedhur me kujdes apo ta kalojë me një batutë, por në fund flet pa u menduar: «Sepse nuk zgjat.» Gjithçka ndodh në Provansë, në vjeshtë, në stinën që përzien mjegullat e para të lagështa me një vazhdë ngrohtësie pothuajse verore. Lagjet dhe vilat po zbrazen nga banorët dhe turistët. Po ndërkaq po përgatitet edhe një ngjarje e madhe. Pothuajse befasisht, në fushën lokale të aviacionit do të mbahet koncerti i një grupi të famshëm anglez, Bebonkers, pak për qëllime humanitare e pak për të kremtuar martesën e tretë të Nik Kruikshenkut, vokalist i grupit dhe lider tejet tërheqës i tij. Përgatitjet ziejnë, gjithçka organizohet me përpikëri nga Ailina, gruaja e ardhshme e Nikut. Në fshat është një dyqan akulloresh që e administron Milenë Miljari, një vajzë e re italiane që akulloret i krijon, i mendon dhe i eksperimenton me pasion artisteje. Një inat i vazhdueshëm që sillet rreth ekuilibrit të paqëndrueshëm të akullores, rreth mrekullisë së saj të papërkryer, sepse është konceptuar për t'u konsumuar ose për të shkrirë, për të mos zgjatur. Milena u ka thënë lamtumirë meshkujve dhe bashkëjeton që prej disa vitesh me Vivianën. Po ndërkaq, ylli i rokut anglez dhe vajza italiane kryqëzojnë fatet e tyre brenda tri ditësh, nga e mërkura në të premte. Gjithçka shpejton dhe rrokulliset në një vorbull të pashmangshme dhe gazmore. Një roman që alternon ritmin e rokut, lehtësinë e komedisë brilante dhe thellësinë e kohës që ndryshon dhe modifikon gjithçka. Një ndryshim i vazhdueshëm - që është bukuria e jetës, mundësia për të qenë me të vërtetë deri në fund ata që jemi.
Çmimi: 1200 Lekë
titleToAlt
Kalojmë shumë kohë duke ndjekur ëndrrat që na rrëshqasin nga duart, një lumturi që nuk e arrijmë dot. Pastaj ndodh që më e mira e jetës të na shfaqet në një çast të vetëm, ndoshta në magjinë e një takimi të beftë. Si ai i Lorencos me Fiamën, të befasuar nga një dashuri që ndoshta as ata nuk mendonin se mund t'u ndodhte. Lorenco Peregoja, burrë miklues e me kulturë, jep mësim lëndën e gjeografisë ekonomike në një shkollë profesionale të Milanos. Ai mund të zgjidhte një institut më me emër, por mësimdhënien e ka pasion dhe të ndihmojë të rinjtë e talentuar në një realitet të ashpër e shpesh zhgënjyes përbën një sfidë që e entuziazmon dhe e pasuron shpirtërisht. Nuk ka një familje të vetën, por siç i pëlqen ta përsërisë shpesh, nxënësit i ka si fëmijët e tij. Fiama Morinoja nuk i ka mbushur ende të dyzetat dhe është nënë e dy bijave që i adhuron, fryt i një martese të gabuar. Është drejtore e botimeve të një shtëpie të vogël botuese, që e ka themeluar së bashku me mikun e saj më të mirë, i cili, fatkeqësisht, ka ndërruar jetë. Ndërsa shtëpia botuese pëson një ndryshim të beftë nga drejtuesit me të cilët Fiama nuk është në një mendje, ajo është gati të bëjë gjithçka për ta mbrojtur atë e për të vazhduar, si përherë, me kujdesin dhe dashurinë me të cilat u përkushtohet ngaherë autorëve të saj. Lorencoja dhe Fiama: profesori dhe gruaja e librave. Nëpërmjet përvojës së tyre shohim një përthyerje të Italisë së sotme - kriza e shkollës dhe e ekonomisë, por edhe njerëzit me shpirt iniciative, të gatshëm për t'i përveshur mëngët e që janë të vendosur për të mos u dorëzuar. Duke përshkruar jetët e të dyve, që fati do t'i ndërthurë pikërisht falë një libri, zbulojmë një dashuri që arrin t'i shpërblejë për gjithë ato përvoja të vështira që kanë kaluar e t'ua shërojë plagët. E kështu, Lorencoja dhe Fiama arri në ta prekin lehtas me gishta lumturinë që meritojnë.
Çmimi: 1200 Lekë
titleToAlt
U lind në gusht të vitit 1966 në Goricë të Permetit. Është marrë me letërsi që në moshë të re, duke botuar poezi, tregime, dhe publicistikë në organe të ndryshme të shtypit lokal e qendror. Ka botuar këto libra: "Jetë në dallgë" poezi 2000, "Dritëhijet" poezi 2002, "Lulet e vrara" poezi 2004, "Ëngjëjt e heshtur" tercina 2006, "Lirikat e anëvjosës" poezi 2009, "Mesha e mbrëmjes" 2014 tercina, "Pasioni" roman 2016. Është fitues i disa çmimeve letrare si në vendlindje ashtu dhe në emigracion. Ka marë pjesë në disa antologji me poezi dhe prozë. Sekretar i Lidhjes së Krijuesve "Dega e Blertë"në Selanik. Në qershor të vitit 2010 W.P.S. në një konkurs të organizuar në Indi e vlerëson me çmimin special të konkursit. Në vitin 2008 libri 'Ëngjëjt e heshtur' vlerësohet me çmimin e parë nga Lidhja e Krijuesve 'Pegasi Albania", në vitin 2005 "Shoqata "Nënë Tereza" në Selanik,në konkursin vjetor e vlereson me çmim te parë në publicistikë, më 15 nëntor 2014, Lidhja e Shkrimtarëve Shqiptar të Maqedonisë së veriut i jep çmimin vjetor të poezisë në "Takimet e vjeshtës" të organizuar në Kërçovë. Romani "Pasioni" vlerësohet nga Lidhja e Shkrimtarëve dhe artistëve të Përmetit "Naim Frashëri"si romani më i mirë i vitit 2016 Më 17 nëntor 2018 Lidhja e shkrimtarëve shqiptarë të Maqedonisë së veriut i jep plakatën me vlerësimin "Për një nivel të lartë artistik në krijimtarinë letrare". Për krijimtarinë e tij letrare janë realizuar disa emisione telivizive dhe radiofonike në Shqipëri dhe në diasporë.
Çmimi: 1200 Lekë
titleToAlt
Në jetë kam mësuar se nuk noton dot kur e ke rrymën kundër. Nëse të gjitha gjasat janë se diçka do të shkojë shumë keq, nuk do të jemi ne ata fatlumë që do na bjerë lotaria për t'i mposhtur këto gjasa. Kam dëgjuar se ka njerëz që fitojnë lotarinë 100 milion dollarëshe, por deri më sot unë nuk kam takuar ndonjë prej tyre. Shumë pak njerëz e mundin vështirësinë e madhe në një situatë të pamundur dhe dalin fitimtarë. Më zë tmerri kur shoh fëmijët e mi të lëndohen, në çdo moshë që kanë. Kësaj i trembem më shumë dhe shumica nga ne kështu ndihet. Nuk dua që ata të trishtohen apo të lëndohen. Romani Kundër rrymës është frymëzuar nga këto përvoja jete, sepse në një pikë të gjithë fëmijët tanë, ose shumica e tyre, përpiqen të dalin kundër rrymës, pavarësisht se çfarë u themi, njësoj si kemi vepruar edhe ne kur ishim të rinj.
Çmimi: 1400 Lekë
titleToAlt
Fytyrat e fundit që pa Sasha ishin ato të tri shoqeve të Hells Kiçënit dhe të shokëve të tyre. Beni i kishte hedhur Klerit krahun rreth belit. Për të ishte një pamje shumë e bukur. Ndërkohë, kali ecte me trokth drejt hotelit dhe drejt një të ardhmeje të re. Apartamenti i Hells Kiçënit do të mbetej përgjithmonë në zemrat e tyre. Gjithçka kishte filluar atje! Dashuria dhe lidhjet që ishin krijuar brenda mureve të tij nuk do të shuheshin kurrë.
Çmimi: 1400 Lekë
titleToAlt
1914 Rusia është në zgrip të humnerës dhe familja Romanov përballet me një të ardhme të pasigurt. Dukesha e madhe Tatiana ka rënë në dashuri me një oficer të kavalerisë, Dimitrin, por ngjarjet marrin një rrjedhë të papritur, e cila do të vërë në rrezik marrëdhënien dhe jetën e tyre. 2016 Pas një ngjarjeje tronditëse, Kiti Fisher vendos të largohet nga Londra dhe të gjejë strehë në shtëpizën e stërgjyshit të saj në Amerikë. Atje, në brigjet e liqenit Akanabi, ajo gjen një medaljon që do ta shpjerë drejt zbulimit të një sekreti familjar të fshehur prej vitesh... "Gruaja sekrete" një roman mbresëlënës dhe i shkruar shumë bukur, kapërcen pa mundim shekujt teksa e kaluara shkrihet me të tashmen në një histori të paharrueshme dashurie, humbjeje dhe ripërtëritjeje.
Çmimi: 1400 Lekë
titleToAlt
Për kerë të pare Xhejms Melori dke krushqit e tij Andersonët bien dakord në diçka: ka ardhur kolia të marrin shpagim ndaj rrëmbyesit, i cili kishte guxuar të rrëmbente vajzën e dashur të Xhejms dke Xhorxhina Melorit, Xhekin, edhe pse ajo kishte mundur t’i ikte pa u dëmtuar. Xhekin e kishte pushtuar zemërimi, sepse i ati nuk pranoi ta merrte me vete, kur ndërmori udhëtimin per në Karaibe për të ndjekur keqbërësin. Kështu, kur një i panjohur misterioz i ofron ndihmën e tij për ta çuar te rrëmbyesi, Xheki sheh një mundësi për ta ndëshkuar vetë në stilin e Melorive. Gjërat nuk shkojnë sipas planit dke Xheki përfundon sërish e zënë në kurth dhe e ngujuar në një anije që po largohet nga brigjet e Anglisë. Ajo e kupton shpejt se ai që e ka kapur nuk ësktë një pirat, por një fisnik i vendosur për të zgjidhur një çështje të vjetër me babanë e saj dke ajo që e rrezikon më shumë është rritja e flakës së pasionit midis tyre.
Çmimi: 1200 Lekë
Të gjitha të drejtat e rezervuara. © 2015 Librari Albania