Pasion i pamposhtur ( Published by: Fan Noli in 2011 )

---

Pasioni u ndez shpejt, ashtu si flaka nga era. Ai e puthte me afsh që ta bindte, t'ia prishte mendjen, ta joshte. Delia u flashk gjithë epsh në krahët e tij. Ajo i ngriti duart, ia mbështolli qafën me to dhe iu përgjigj duke e puthur me zjarr. Teksa i jepej me tërë trupin, edhe bota e Dellit u mbyll. U përqendrua tek ajo, e cila iu ngjesh me besim dhe sinqerisht. Pasi mbylli sytë dhe tërhequr kokën mbrapa, pas çdo goditje të zemrës Delia thithte fuqinë mashkullore të saponjohur, ndiente se si duart e fuqishme kërkonin linjat dhe përthyerjet e figurës së saj, duke e eksituar, por pa e detyruar aspak. Dell dëgjonte frymëmarrjen e shtruar të së dashurës, ndiente me kënaqësi ngrohtësinë e trupit të saj.