Per shkak te situates te covid-19, do te jemi mbyllur deri ne nje njoftim te dyte.
Faleminderit per mirekuptimin.

Due to covid-19 situation, we will be closed until a second announcement.
Thanks for your understanding.

 

 

titleToAlt
Pishinë Molitor Pateli është indian, gjashtëmbëdhjetëvjeçar, i joshur nga tërë fetë, dhe mban emrin e një pishine. Emër jo i thjeshtë për t’u mbajtur, që e ka bërë objekt talljesh therëse dhe lojërash fjalësh. Deri ditën që për të gjithë vendos të jetë thjesht dhe vetëm Pi. Gjatë udhëtimit për në Kanada, bashkë me familjen dhe kafshët e kopshtit zoologjik që e drejton i ati, anija tregtare mbytet. Pi përfundon në një sandall shpëtimi, në mes të Oqeanit Paqësor, fill i vetëm në shoqërinë e katër kafshëve. S’kalojnë shumë ditë dhe nga zebra e plagosur, orangutangu i Borneos dhe hiena histerike mbeten vetëm kockat e rreshkura nga dielli. I asgjësoi Riçard Parkeri, tigri i Bengalit, me të cilin Pi detyrohet të ndajë ato pak metra vend. Kundër çdo logjike, djaloshi vendos ta zbusë. Sfida e tyre është mbijetesa, duke i bërë ballë etjes, urisë, peshkaqenëve, tërbimit të detit dhe kripës që i bren lëkurën. Udhëtimi i tyre është i jashtëzakonshëm, i tmerrshëm e plot frymëzim, ironik dhe i dhunshëm, që na çon shumë më larg nga ç’mund të rrokë përfytyrimi. Dhe zbulojmë, që po ajo histori mund të ngjasojë me një mijë të tjera. Histori, që ringjall besimin te magjia dhe fuqia e fjalëve.
Çmimi: 1000 Lekë
titleToAlt
Pak Jun Do është biri i një nëne të zhdukur, një këngëtare e rrëmbyer dhe e dërguar në Penian për të joshur të fuqishmit e kryeqytetit, dhe i një babai të rreptë, drejtor i një jetimoreje.Në moshë të rritur, shquhet për besnikërinë dhe guximin, aq sa e bindi shtetin t’i japë mundësinë të ngjitë me shpejtësi shkallët e karrierës. Kështu, i hyn kësisoj një rruge pa kthim, përmes kthinave të fshehta të diktaturës më misterioze të planetit. “Qytetar i përulur i kombit më të madh të botës”, Jun Doja do të bëhet grabitës profesionist, i detyruar të manovrojë mes rregullave të luhatshme dhe kërkesave përbuzëse të eprorëve, për të mbijetuar. Dashuria për San Munin, aktoren legjendare, do ta shtyjë t’i marrë në dorë frerët e jetës së vet, me një kthesë të beftë mbresëlënëse. Ngjarjet zhvillohen në Korenë e Veriut të ditëve tona dhe libri - zbulim i Adam Johnson-it - përshkruan jetën dhe ndodhitë, si një Kandid modern në një regjim të izoluar e të marrë. Një mbretëri e mirëfilltë eremite, ku realiteti dhe propaganda pleksen e kapërthehen derisa bëhen një dhe të pandarë. Roman aventuresk, rrëfim i një pafajësie të humbur dhe histori romantike dashurie. Zotëria i jetimëve është njëherësh edhe portret mbresëlënës i një bote, që deri më sot na është mbajtur e fshehur: një tokë e dërrmuar nga uria, korrupsioni, mizoria që godet qorrazi e kuturu, por ku ekziston edhe solidariteti, copëza të befta bukurie dhe dashurie.
Çmimi: 1250 Lekë
titleToAlt
Apofisi është i lashtë sa gjithësia dhe vetëm një armiku i trembet: Rasë. Mund edhe të mos ia dilja mbanë ta riktheja Ranë, por instinkti më thoshte se ishte mundësia e vetme. Dhe, që ta them troç, fakti që të gjithë më thoshin pareshtur se po gaboja - Basti, Horusi, madje edhe Sejdi - ma mbushte edhe më shumë mendjen se isha në rrugë të mbarë. E pranoj, jam kokë më vete unë! Autor i suksesshëm për fëmijë dhe të rritur, është vlerësuar me çmimet më të rëndësishme të gjinisë mystery. Pasi punoi si mësues anglishteje për pesëmbëdhjetë vjet, iu kushtua me kohë të plotë të shkruarit dhe jeton në San Antonio, Teksas, me të shoqen dhe dy fëmijët. Qëkur Zotat e Egjiptit të Lashtë u këshuan në botën modern, Karter Keini dhe e motra, Sejdi, janë në telashe. Si pasardhës të Shtëpisë së jetës, keinët kanë fuqi magjike, por zotat dinakë nuk iu lane kohë që t’I praktikonin ato në shkollën për trajnimin e magjistarëve të rinj, në Bruklin. Ndërkaq, Apofisi, gjarpri gjigant, armiku i tyre, po çlirohet nga forcat e të keqes. Nëse ata nuk arrijnë ta ndalojnë, brenda disa ditësh bota do të zhduket. Me fjalë të tjera, kjo mund të quhet një javë e zakonshme për familjen Kein. Shpresa e vetme për shpëtim është të ringjallin Ranë, zotën më të lashtë dhe më të fuqishme të egjiptianëve. Sipas mitologjisë, Raja, nën kanosjen e Apofisit dhe Isidës, ia lë fronin e zjarrtë Osiridit, dhe bie në një gjumë të përjetshëm. Që të mos zgjohet, e ka ndarë në tri pjesë Librin e Rasë, një papirus antik, që përmban sekretet dhe formulat magjike për ta zgjuar.
Çmimi: 1000 Lekë
titleToAlt
SHOQËRIA E MBËSHTETUR TE GRUPIMET ku besonte dikur Tris Prajëri po shpërbëhet... e thyer nga dhuna dhe betejat për pushtet, e gërryer nga humbjet e tradhtitë. Prandaj, kur i vjen mundësia për të eksploruar botën përtej kufijve që njihte deri atëherë, Trisi ishte gati. Ndoshta përtej gardhit, ajo dhe Tobiasi do të gjenin një jetë më të thjeshtë së bashku, pa gënjeshtrat e ngatërruara, besnikërinë e vështirë dhe kujtimet e dhimbshme. Por realiteti i ri i Trisit është edhe më alarmues se ai që la pas. Zbulimet e dikurshme tani i duken të pakuptimta. Të vërteta të reja e shpërthyese u ndryshojnë zemrën njerëzve që do. Edhe kësaj here, Trisi duhet të luftojë për të kuptuar natyrën e ngatërruar njerëzore - dhe të vetes së saj - ndërkohë që përballet me zgjedhje të pamundura që i vënë në provë guximin, besnikërinë, sakrificën dhe dashurinë. I treguar nga një perspektivë e dyzuar, libri Besnikja i autores më të shitur sipas New York Times-it, Veronika Roth, përmbyll në mënyrë të fuqishme serinë “Divergjentja” duke zbuluar të fshehtat e botës imagjinare që tërhoqi miliona lexues me librat “Divergjentja” dhe “Kryengritësja”.
Çmimi: 1000 Lekë
titleToAlt
Moli është vetëm shtatëmbëdhjetë vjeç, por ka një dhunti të veçantë për t’u futur në telashe. Në kujdestarinë e dy prindërve që e shohin si mish të huaj, pasi vodhi Xhejn Er-in nga biblioteka e shkollës, si ndëshkim, është e detyruar të shkojë çdo pasdite në shtëpinë e zonjës moshëthyer Vivian, për ta ndihmuar që të pastrojë. Takimi mes të dyjave s’premton asgjë të mirë: Moli është ngaherë çehrengrysur, më shumë mbllaçitet nëpër dhëmbë sesa flet, ka pirsing në gjithë trupin dhe dy cullufe të oksigjenuara që i varen ndanë fytyrës. Vetëm se Viviani është një grua e rrallë, të cilës jeta i ka marrë e dhuruar shumë: nuk stepet aspak nga pamja e Molit. Ditë pas dite, që të dyja zbulojnë se ka diçka që i bashkon: edhe Viviani ka mbetur vetëm në vogëli dhe, si shumë fëmijë të tjerë të kohës së vet, futet në “Trenin e jetimëve” për të gjetur një familje që ta merrte në kujdestari. Dhe, kur Moli e kupton se mund ta ndihmojë, që ta davarisë atë tis misteri, që prej vitesh e përndjek, shkëndija e ndjenjës më të zjarrtë e të sinqertë do t’i çlirojë të dyja. Historia e një miqësie që magjeps dhe mallëngjen. Christina Baker Kline rrëfen mrekullinë e një zemre të madhe dhe bujare.
Çmimi: 900 Lekë
titleToAlt
Do të donit më tepër të dinit të vërtetën që iu bën të ndiheni pa shpresë apo të vazhdonit të besoni gënjeshtra? Autorja e dashur dhe bestseller Colleen Hoover kthehet me historinë magjepsëse të dy të rinjve me të kaluar të dhimbshme që nisin një udhëtim pasionant dhe intrigues për të zbuluar mësimet e jetës, dashurisë, besimit dhe mbi të gjitha, fuqinë shëruese që vetëm e vërteta mund ta sjellë. Sky, një nxënëse në vitin e fundit të shkollës së mesme, njihet me Dean Holder-in, një djalë me një reputacion të keq që rivalizon të sajin. Që nga takimi i tyre i parë, ai e tmerron dhe e pushton. Ka diçka tek ai që ndez kujtimet e së kaluarës së saj thellësisht të trazuar, të një periudhe kohore që ajo është përpjekur shumë për t'a varrosur. Megjithëse Sky është e vendosur për të qëndruar larg tij, ndjekja e palëkundur dhe buzëqeshja e tij enigmatike prishin mburojat e saj dhe intensiteti i lidhjes mes tyre rritet. Por Holderi misterioz ka kohë që mban sekrete gjithashtu dhe sapo ato zbulohen, Sky ndryshon përgjithmonë dhe aftësia e saj për të besuar mund të jetë viktimë e së vërtetës. Vetëm duke përballuar me guxim zbulimet e zymta, Sky dhe Holder shpresojnë të shërojnë plagët e tyre emocionale dhe të gjejnë një mënyrë për të jetuar dhe dashur pa kufij. S’ka shpresë është një roman që do t’ju lërë pa frymë, të magjepsur, dhe duke kujtuar vetë dashurinë tuaj të parë.
Çmimi: 900 Lekë
titleToAlt
Botimi i 4 të i ripunuar, viti 2014.
Çmimi: 500 Lekë
titleToAlt
Në qytetin e Forshallës, komisar Lindmarku përballet sërish me një hetim delikat: Petra, një vogëlushe nëntëvjeçare, është zhdukur. Fillojnë menjëherë supozimet hetimore: Petra mund t’ia ketë mbathur ose mund ta ketë rrëmbyer një fqinj, i cili ka dosje penale. Nga ana tjetër, disa dëshmitarë deklarojnë, se, një natë para zhdukjes, kanë dëgjuar ulërima, që vinin nga shtëpia e Petrës, dhe kështu dyshimet bien mbi prindërit, të njohur si të alkoolizuar. Por diçka e pazakontë e shqetëson Lindmarkun: një Toyota gri e errët, e parkuar për ditë të tëra përpara shtëpisë së Petrës, është zhdukur në mënyrë misterioze së bashku me vajzën. Vlerësohet edhe pista e pedofilisë, për të cilën hetimet përqendrohen mbi Nils Dunanderin, trajnerin e hokejit të Petrës. Por disa ditë më vonë, gjendet trupi i pajetë i Nilsit, të cilit i kanë prerë një vesh. Ndërkohë, Petra gjendet shëndoshë e mirë, por i jep policisë një variant aspak bindës të ngjarjeve. Në mbrëmje, kur Lindmarku kthehet në shtëpi, gjen një letër: “E di se kush je. Petra është Ndëshkimi”. Një letër shumë e ngjashme me atë të gjetur një vit më parë, fill pas arrestimit të kolegut të tij, Gunar Holmit... Një dyshim i ankthshëm depërton në mendjen e detektivit: Mos ndoshta ka një lidhje ndërmjet dy çështjeve?
Çmimi: 700 Lekë
titleToAlt
NJË ZGJEDHJE MUND TË TË SHNDËRROJË - ose mund të të shkatërrojë. Por çdo zgjedhje ka rrjedhimet e saj. Ndërkohë që në të gjitha grupimet lindin trazira, Tris Prajëri vazhdon përpjekjet për të shpëtuar njerëzit që do dhe veten, teksa përballet me pyetjet që e mundojnë rreth dhimbjes, faljes, identitetit e besnikërisë, politikës dhe dashurisë. Dita e parë e Trisit pas stërvitjes me grupimin e ri që zgjodhi duhet të ishte ditë feste e fitoreje, por ajo ditë u mbyll me pamje të tmerrshme. Lufta është pranë dhe konflikti mes grupimeve i pashmangshëm, ndërkohë që ndasitë mes ideologjive të tyre sa vijnë e rriten. Dhe në kohë lufte duhet të zgjedhur një anë, të fshehtat do dalin në shesh dhe zgjedhjet e bëra do jenë edhe më të pakthyeshme - por edhe më të forta. E shndërruar nga vendimet e saj, por edhe me ndjenjën e dhimbjes dhe të fajit në shpirt, me zbulimet e reja që ka bërë dhe marrëdhëniet e tendosura, Trisi duhet ta përqafojë plotësisht Divergjencën e saj, megjithëse nuk e di se çfarë mund të humbë duke vepruar kështu. Ky është libri i dytë dhe i shumëpritur i serisë Divergjentja nga autorja bestseller Veronica Roth sipas gazetës New York Times. Është një rrëfim tjetër marramendës i një historie të pasur me kthesa të papritura, thyerje zemrash, romancë dhe përsiatje të thella për natyrën njerëzore.
Çmimi: 1000 Lekë
titleToAlt
“Libri i Profesor Pëllumbit vjen në formën e një trinomi. Ai është ndarë në tre pjesë. Në pjesën e parë “Demokracia dhe zhvillimi i kapitalizmit”, në pjesën e dytë “Nata e kapitalizmit global” dhe në pjesën e tretë “Në kërkim të postdemokracisë”. Pjesa e parë e punimit është një përqasje teorike e lidhjes që ekziston ndërmjet zhvillimit të sistemit kapitalist dhe zhvillimit të demokracisë si sistem politik. Autori është mbështetur si në mendimet e klasikëve të antikitetit grek si Platoni e Aristoteli, te filozofët e kontratës sociale Xhon Lok e Zhan Zhak Ruso deri te Adam Smith dhe Karl Marks. Në këtë pjesë autori hedh në diskutim cështje sa tradicjonale aq edhe bashkëkohore të teorisë së demokracisë. Cila është alternative e këtij sistemi? Cila është lidhja që ekziston midis demokracisë dhe partive politike? A mund te ketë demokraci pa partitë politike? A e përmban demokracia si nocion lirinë? Apo liria e tejkalon demokracinë? Të gjitha këtyre pyetjeve autori i përqaset duke marrë shembuj konkretë nga historia botërore (në përgjithësi për periudhën deri në fillim të viteve 90’ për këtë pjesë) por pa lënë pas dore edhe historinë shqiptare. Kuptohet që autori nuk pretendon të japë përgjigje shteruese për këto pyetje dhe dilema por përpiqet ta bëjë lexuesin të reflektojë mbi to. Pjesa e dytë e punimit është sipas mendimit tim edhe pjesa më interesante kjo për një arsye personale. Në këtë pjesë profesor Pëllumbi merret me një cështje që edhe mua më ka nxitur kuriozitetin si studiues. Me krizën globale. Kuptohet që këndvështrimet tona janë të ndryshme sepse unë jam marrë kryesisht me anën ekonomike të krizës kurse Serveti me aspektin politik. Cështjet që trajtohen në këtë pjesë janë ndikimi që epoka e globalizimit ka ushtruar ndaj demokracisë dhe si kjo e fundit është përshtatur me këto zhvillime. Sa kanë ndikuar zhvillimet e rëndësishme të teknologjisë këto 25 vitet e fundit (dhe kryesisht interneti) në procesin e demokratizimit? Nga fokusi shkencor i autorit nuk janë lënë jashtë as lëvizjet e fundit sociale si ajo e “Occupy” ose e të “Indinjuarve” të cilat nga një pjesë e madhe e studiuesve janë parë si një formë embrionale e demokracisë së drejtpërdrejtë. Cilat janë arsyet që një numër kaq i madh i të rinjve anë e mbanë botës ndihen të përjashtuar nga sistemi dhe përpiqen të gjejnë forma alternative të të shprehurit dhe të të protestuarit? A do të mundet sistemi demokratik ti mbijetojë pakënaqësisë së kësaj gjeneratë të re apo duhet të shohim përtej demokracisë? Cilat janë gabimet që janë bërë këto pesë vitet e fundit në përballimin e krizës globale dhe sa negativisht kanë ndikuar politikat e austiritetit dhe shtrëngimit në dobësimin e shtetit social? Profesor Serveti na bën të reflektojmë mbi këto cështje të cilat nuk kanë vetëm vlerë teorike por janë thellësisht praktike sepse një gjeneratë e re, e zhgënjyer, me një papunësi që në vende si Greqia e Italia i kalon të 50%, është rreziku më i madh që i kanoset demokracisë sot. Sa më shpejt që qeveritë dhe klasat politike ta kuptojnë këtë dhe të reflektojnë, aq më mirë do të jetë. Por duhet ta pranojmë që mënyra se si elitat politike i janë përqasur krizës së fundit ekonomike e financiare ka qenë në rastin më të mirë, jo me fat. Kjo sepse politika e egër e shkurtimeve ka lënë pas plagë të rënda sociale, plagë të cilat janë përhapur edhe në sistemin politik duke lënduar edhe vetë demokracinë. I referohem këtu jo vetëm forcave ekstremiste dhe ksenofobe që vitet e fundit u forcuan në shumë vende të përfshira nga kriza por edhe për mënyrat se si vetë masat shtrënguese u imponuan në këto vende duke anshkaluar vetë institucionet bazë të demokracisë, pra parlamentet vendase. A është e moralshme një gjë e tillë? Cila është lidhja ndërmjet etikës (ithosit) dhe demokracisë? A mundet të kemi një etikokraci? Pra një sundim të ithosit? Me këto cështje autori merret në pjesën e tretë ku etikokracia paraqitet si një perspektivë teorike në lëmin e teorisë së demokracisë. Cështja që që nga koha e Aristotelit ka okupuar mendimin e cdo intelektuali, hidhet përsëri për diskutim. Sa e nevojshme është etika në politikën e sotme anë e mbanë botës. Dhe sa shumë e nevojshme është kjo gjë në vendin tonë. Profesori i nderuar na fton të reflektojmë mbi këtë temë me gjithë forcën dhe vullnetin tonë intelektual. Le të përpiqemi të gjithë me përulësi ta bëjmë këtë.”- Anastas Angjeli.
Çmimi: 800 Lekë
titleToAlt
Shqipëria bëhet me të vërtetë e "Madhe" me njerëzit e saj, me virtytet që kanë karakterizuar në shekuj shqiptarët, me kulturën e thesaret e shumta që ajo ka, me zhvillimin dhe modernizimin e shoqërisë sonë. Ky duhet tëjetë sot thelbi i idealit kombëtar të shqiptarëve dhe mësimi tepër i vyer për 100-vjetorin e dytë, që nisi "marshimin" po në Vlorë, më 28 nëntor 2012. E përkthyer për rastin tonë, kjo do të thotë: Arritje e një konsensusi kombëtar për integrimin në Bashkimin Europian të Shqipërisë dhe të shqiptarëve, ç'ka do të realizonte edhe aspiratën e tyre për bashkim kombëtar. Në këtë rast, do të kishim një përputhje tjetër fatlume të aspiratës kombëtare të shqiptarëve, si me prirjen kryesore të progresit në botën e sotme, ashtu dhe me aspiratat pro-europiane të popujve të tjerë të rajonit dhe më gjerë. Shqiptarët nuk duan të vonohen përsëri në "sofrën e historisë", duke u dhënë pas nacionalizmit të bërë anakronik.
Çmimi: 500 Lekë
titleToAlt
"TRIMNIKA" është një roman me seri. Një botim i përmuajshëm që trajton realitetin e një personi publik në Shqipëri. Flet për padrejtësitë , shpifjet, ndjenjën e hakmarrjes që rritet si kancer tek TRIMNIKA. Libri ka karakter satirik dhe përbëhet gjithashtu nga karikaturat e personazheve dhe ngjarjeve . Flet për një hakmarrje simbolike, nëpërmjet një arme që vetëm " TRIMNIKA" di ta përdorë drejt. Flet për një bashkim forcash që vendosin të venë drejtësinë në vend , duke sajuar një Reality - Show ku njerëzit më të pushtetshëm të medias dhe të politikës, që kishin abuzuar me TRIMNIKËN dhe aleatët e saj , marrin ndëshkimin e merituar. Në këtë libër përzihet e ardhmja , e tashmja dhe e kaluara, dhe rrëfen ngjarje dhe personazhe reale, në një formë të parodizuar.
Çmimi: 500 Lekë
titleToAlt
Amsterdam, 1656. Bento, në hebraisht Baruk, Spinoza është njëzet e tre vjeç: familja e tij, që është me prejardhje portugeze, i shpëton inkuizicionit dhe gjen strehë në Holandën më tolerante. Djaloshi Baruk është fort i përkorë e sqimatar në pamje: tipare të hijshme, lëkurën pa pikë ceni, sytë e mëdhenj, të errët e të thellë. Dhe, pas atyre syve, një mendje që nuk stepet të bluajë mendime ekscentrike mbi besimin, që ushqen ide kaq të përçartura për botën, sa ngjall dyshimin për herezi. Fshehurazi, Bentoja studion gjuhën dhe idetë e Aristotelit e të filozofëve të mëdhenj grekë në akademinë e Franciskus van den Endenit, një burrë elegant që kishte parë botë me sy, atë botë të jashtme, aq të urryer për bashkësinë hebraike. Madje Van den Endeni, për sikletin e madh të Spinozës, ia besoi një pjesë të mësimdhënies së bijës, Klara Marisë, një vajzë me qafën si mjellmë dhe buzëqeshje joshëse, që aq keq ia trallisi mendjen Barukut, sa i ngjalli mendime të përlyera dhe dëshira që s’t’i nxë goja t’i thuash brenda mureve të bashkësisë. S’do shumë mend pë ta kuptuar si i shkoi filli këtij edukimi filozofik dhe sentimental: mendimtari i ri u shkishërua dhe u shtrëngua të bëjë një jetë vetmitare, në zgrip, që gjithsesi do të nxjerrë në dritë vepra, që, për nga thellësia dhe dramaticiteti, i kanë shoqet e rralla. Vepra, që treqind vjet më vonë e trazuan ligsht mendjen e “arianit” Rozenberg, që u bë një ndër themeluesit e partisë naziste dhe bashkëpunëtor i ngushtë i Hitlerit: vërtet Baruk Spinoza, ky njeri që i përket një race që s’duhet të bëjë hije mbi dhé, arriti të shtjellojë një mendim filozofik kaq të kthjellët dhe gjenial? Apo ndoshta sekreti i gjenialitetit të tij nuk qëndron te mendja, por gjetiu? Mos ndoshta në bibliotekën e vogël vetjake, në të cilën lufta i jep mundësi të rrëmojë? Pasi hulumtoi fantazmat e mendjes së Niçes dhe Shopenhauerit, Yalom-i hedh dritë mbi jetën misterioze e plot kundërshti të Baruk Spinozës në Amsterdamin e shekullit XVII dhe ankthbrerjen për veprat e tij në Gjermaninë antisemite të shekullit të shkuar. Irvin D. Yalom jep psikiatri në Universitetin e Stenfordit dhe jeton në Palo Alto, Kaliforni, ku punon si psikiatër. Ka shkruar vepra të shumta dhe bestseller ndërkombëtarë, si Kura e Shopenhauerit dhe Kur qau Niçja.
Çmimi: 900 Lekë
titleToAlt
Xhulius Hertzfeldi, një psikoterapist i njohur, zbulon se i ka mbetur pak a shumë një vit jetë. Ai vendos që ta shfrytëzojë kohën e mbetur në mënyrën më të mirë, duke bërë atë që ai dëshiron më tepër: punën si terapist. Filip Sleiti është ish-pacient i Xhuliusit. Ai është mbështetës i Shopenhauerit dhe aspiron të bëhet këshillues filozofik. Çuditërisht, ata kanë nevojë për njëri-tjetrin. Xhuliusi ka nevojë për Filipin si një objektiv për aftësitë e tij "të maturuara" terapeutike, pacienti që ai nuk ishte në gjendje ta ndihmonte. Filipit i duhet Xhuliusi për miratimin e hapave të tij si këshillues filozofik. Dhe Filipi i bashkohet terapisë në grup të Xhuliusit, por, gjithsesi, ngulmon se gjithçka për të cilën kanë nevojë anëtarët e grupit është filozofia e Shopenhauerit, tejet pesimiste dhe idhnake. Pra, nëpërmjet Filipit dhe Xhuliusit, romani ngre një ballafaqim të pamundur, por të besueshëm: ballafaqimin e Shopenhauerit (Filipi), që vjen në terapi grupi, me Jalomin (Xhuliusi). “Kura e Shopenhauerit”, është një libër unik, i shkruar mirë, që gërsheton filozofinë dhe trillin në një mënyrë mahnitëse. Është nga ata libra që të ndryshojnë mënyrën e të menduarit.
Çmimi: 900 Lekë
titleToAlt
Ndihesha sikur isha zënë në kurth, në një nga ato makthet e tmerrshme, në të cilat duhet të vraposh, të vraposh sa të mbetesh e pafrymë, por trupi yt nuk mundet të lëvizë mjaftueshëm shpejt. Këmbët e mia dukej sikur ecnin gjithnjë e më ngadalë teksa çaja përpara nëpër turmën e pashpirt, por akrepat në kullën gjigante të sahatit nuk ngadalësoheshin. Me forcë të papërmbajtshme e moskokëçarëse ata drejtoheshin pa u ndalur drejt fundit, fundit të gjithçkaje. Por nuk ishte ëndërr, dhe ndryshe nga makthi, unë nuk po vrapoja për jetën time; po rrekesha të shpëtoja diçka, që ishte pafundësisht më e çmuar. Sot jeta ime nuk kishte asfare rëndësi. Për Bela Suanin ka vetëm diçka më të rëndësishme se vetë jeta: Eduard Kulleni. Por, të dashurosh një vampir është shumë më e rrezikshme nga ç'mund ta kishte menduar Bela. Sakaq, Eduardi e ka shpëtuar Belën nga kthetrat e një vampiri të rrezikshëm. Por, tani që lidhja e tyre përbën rrezik për çka është e shtrenjtë për ta, ata kuptojnë se telashet vetëm sa kanë filluar. Mijëra lexues, të mahnitur nga bestselleri i Neë York Times,” Muzgu”, mezi po presin vazhdimin e historisë së dy të dashuruarve, Belës dhe Eduardit. Te “Hëna e Re”, Stephenie Meyer paraqet një tjetër rrëfim të parezistueshëm, ku romanca ndërthuret me suspancën. Pasionant, gozhdues dhe me plot degëzime e kthesa të papritura, kjo sagë dashurie vampirësh është në rrugën e duhur për t'iu bashkuar letërsisë së pavdekshme.
Çmimi: 1250 Lekë
titleToAlt
Në një vend ballkanik, që po shëron plagët e luftës, Natalia, një doktoreshë e re, përpiqet të zbulojë rrethanat e mistershme të vdekjes - që ndodhi së fundmi - të aq të dashurit gjysh të saj. Teksa kërkon gjurmët, ajo i kthehet kopjes së vjetruar të “Librit të xhunglës” dhe rrëfimeve të vetë gjyshit për takimet me Njeriun-që-nuk-vdiste-dot. Por më e magjishmja nga të gjitha, është historia që gjyshi nuk ia rrëfeu kurrë: “Legjenda e të shoqes së tigrit”.
Çmimi: 800 Lekë
titleToAlt
Kur cumani u vërsul e shkatërroi fshatin e tyre bregdetar në Indi, 17-vjeçarja Ahalja Gai dhe motra e saj 15-vjeçare Sita mbetën jetime e pa shtëpi. Në përpjekje për të arritur në parajsën e sigurt të manastirit ku ndiqnin shkollën, u rrëmbyen nga trafikantët dhe u hodhën në botën e errët të dhunës seksuale e të tregtisë së paligjshme të njerëzve, ku çmimi më i madh është pafajësi fëmijërore. Në anën tjetër të botës, në Uashington, avokati Tomas Klark përballet me krizat e tij vetjake dhe profesionale. I rrënuar nga vdekja tragjike e të bijës dhe largimi i gruas, ai vendos të shkojë në Indi për të punuar disa kohë me një organizatë jofitimprurëse, që lufton kundër trafikantëve të njerëzve në atë vend. Në Bombei, i zgjohet ndërgjegjja, kur sheh me sytë e tij tmerret e tregtisë së seksit dhe sistemin e korruptuar gjyqësor, që e mbron. Kur mëson për fatin e Ahaljës dhe Sitës, Klarku i vë vetes detyrë t'i shpëtojë, duke futur veten në rrezik, në përballje me një rrjet ndërkombëta kriminelësh të pamëshirshëm. Duke përfshirë brenda tij tri kontinente e dy kultura, “Rruga përmes diellit”, është një kronikë e një udhëtimi të paharrueshëm në botën e errët të skllavërisë moderne dhe në qoshet më të fshehta dhe shpresëdhënëse të zemrës njerëzore.
Çmimi: 1000 Lekë
titleToAlt
Historia e ngritjes në pushtet në mënyrë të pamëshirshme e Katerinës së Madhe, e parë përmes syve të një vajze të re, e cila ishte përgatitur për të qenë spiune e perandoreshës në Rusinë e shekullit XVIII. Kur Varvarën, një vajzë të re jetime polake, e sollën për të shërbyer në Oborrin vezullues e të rrezikshëm të perandoreshë Elizabetës në Shën Petërburg, atë e mësoi vetë kancelari për mjeshtëri të ndryshme, nga arti i hapjes së çdo dryni tek arti për të bërë dashuri, duke i mësuar mbi gjithçka sesi të rrinte në heshtje dhe të dëgjonte. Shumë shpejt, ajo bëhet "gjuha" e Elizabetës: sytë dhe veshët e saj sekretë. Pastaj Sofia, një princeshë e re dhe e brishtë, vjen nga Prusia si nuse e mundshme për Pjetrin, nipin dhe trashëgimtarin e Elizabetës. E caktuar prej perandoreshës për ta spiunuar, shumë shpejt Varvara bëhet mikja e saj e besuar dhe e ndihmon të bëhet pjesë e takimeve me joshje të ndaluara, ku çdo shkelje mund të konsiderohet tradhti nga ana e Oborrit. Por fati i Sofisë është të bëhet Katerina e Madhe famëkeqe. A janë ambiciet e saj më të larta dhe me pasoja më të mëdha nga sa dyshonte çdokush dhe a do të ndalej ajo përpara ndonjë gjëje për të arritur pushtetin absolut? Duke shpërthyer me hollësitë e periudhës verbuese të jetës në Oborr - modën, ushqimet e dekorin - kjo rrëfenjë e pasionit, tradhtisë dhe hakmarrjes tregon sesi lindi legjenda e Katerinës së Madhe dhe jep një vështrim vjedhurazi e të parezistueshëm përmes vrimës së çelësit për njërën nga dramat më të turbullta e më joshëse të historisë.
Çmimi: 1000 Lekë
titleToAlt
Por kur dashuroje vrasësin tënd, atëherë nuk kishe rrugëdalje. Si mund të vrapoje, si mund të luftoje, kur një veprim i tillë do ta lëndonte atë person të dashur? Nëse jeta jote ishte gjithçka mund t'i falje njeriut të dashur, si mund të mos ia falje? Po sikur ai të ishte një njeri që e doje me të vërtetë? Të biesh kokë e këmbë në dashuri me një vampir, është njëherazi edhe fantazi edhe makth, ndërthur me realitetin tejet të rrezikshëm të Bela Suanit. E tërhequr në një drejtim nga pasioni çmendurak për Eduardin, dhe në një tjetër nga lidhja e thellë me njeriun-ujk, Xhekob Bllekun, ajo ka duruar një vit të trazuar joshjeje, humbjeje dhe grindjeje për të arritur në pikën përfundimtare të kthesës. Zgjedhja e saj e afërt për t'u bashkuar me botën e errët por joshese të të pavdekshmëve ose për të vijuar një jetë krejt njerëzore është kthyer në fijen tek e cila varet fati i dy klaneve. Tanimë që bela e ka marrë vendimin e vet, një zinxhir befasues me ngjarje të padëgjuara do të copëtohet duke sjellë pasoja potencialisht shkatërruese dhe të pazbulueshme. Kur fijet e copëtuara të jetës së Belës - fillimisht të ekspozuara te Muzgu, pastaj të hapërdara dhe të shqyera te “Hëna e re” dhe “Eklipsi” - duken gati për t'u lidhur dhe thurur me njëra-tjetrën, a mund të shkatërrohen përgjithmonë? Përfundimi mahnitës dhe marrafrymës i Sagës së Muzgut, “Agimi”, hedh dritë mbi të fshehtat dhe misteret e kësaj epike magjepsëse dhe romantike, që ka mbërthyer miliona lexues.
Çmimi: 1500 Lekë
titleToAlt
Në parkun publik dhe të qetë të Forshallës, në Finlandë, dikush ka mbytur një grua, ia ka nxjerrë sytë dhe i ka skalitur germën A në bark. Detektivi Lindmark merr në pyetje dhe arreston të fejuarin e viktimës, i cili e pranon vrasjen nën presion. Por pas ca kohësh, gjenden dy kufoma të tjera. Janë mbytur, janë lakuriq, pa sy dhe me një germë të skalitur në bark: nënshkrimi i frikshëm i një vrasësi serial. Pranë njërës prej viktimave është gjetur një kryq: mos ndoshta vrasësi është një fetar fanatik? Njëri nga të dy burrat ishte homoseksual: mos ndoshta vrasësi është një manjak seksual? Dhe pastaj: fakti që dy nga viktimat kishin shkruar biografinë e vet, mos ndoshta është një e dhënë e mundshme, që duhet ndjekur? I vendosur në Skandinavinë e ftohtë, ky triller mizor dhe i pamëshirshëm i ofron lexuesit një perspektivë brengosëse mbi natyrën njerëzore, një histori që të lë pa frymë.
Çmimi: 800 Lekë
titleToAlt
Ndërkohë që Siatëlli kërcënohet nga një seri vrasjesh të mistershme dhe një vampire e pamëshirshme vazhdon të kërkojë hakmarrje, Bela gjendet sërish e rrezikuar. Mes gjithë kësaj, asaj i duhet të zgjedhë mes dashurisë së saj për Eduardin dhe miqësisë me Xhekobin, duke e ditur që vendimi i saj ka mundësi të rindezë betejën e përjetshme mes vampirëve dhe njerëzve-ujq. Ndërkohë që dita e diplomimit po afrohet me të shpejtë, Bela duhet të marrë edhe një vendim tjetër: jetën a vdekjen. Lexuesit të mbërthyer nga “Muzgu” dhe “Hëna e re”, do ta përpijnë menjëherë edhe “Eklipsin”, librin e tretë, të shumëpritur të sagës gozhduese të dashurisë së vampirëve, nga Stephenie Meyer.
Çmimi: 1400 Lekë
titleToAlt
Romë, 1139. I trazuar, një burrë ngriti sytë drejt kupës qiellore. Duke ndjekur shenjat e paralajmëruara nga paraardhësit, mbërriti në Qytetin e Përjetshëm për të qenë i pranishëm gjatë shfaqjes së eklipsit, ku rreshtimi i yjeve do të jetë i papërsëritshëm. Në orën e caktuar, hëna pak nga pak u tret në errësirë dhe feksën 112 yje. Ishte shenja që priste: do të ketë edhe 112 papë, pastaj, mbi rrënojat e Kishës, do të lindë një botë e re. Romë, 2000. E çmeritur, një vajzë e re arkeologe ia nguli sytë qiellit. Pak orë më parë, Vatikani urdhëroi ndërprerjen e tërë gërmimeve në katakombet e Shën Kalistos, dhe karriera e saj akademike mori tatëpjetën. Dhe tani, ajo dergjet në asfalt, në një pellg gjaku. Gjithsesi, në çastin kur mësymësi i nguli kamën në gjoks, Elizabetës i ra në sy një hollësi rrëqethëse. Një imtësi, që s'do t'i shlyhej kurrsesi nga kujtesa.
Çmimi: 900 Lekë
titleToAlt
Kush nuk e ka menduar të paktën një herë, që të vrasë të shoqin, le të ngrejë dorë. Një shaka apo një shfrim dufi mes shoqesh, sigurisht. Po çfarë do të bënit sikur mbrëmjen e të kushedisesatit përvjetor të martesës do të zbulonit që ai ju tradhton? Por ka edhe më pasi t'ju ketë kandisur edhe për një muaj mjalti të dytë romantik, dendet me Viagra si i zijosur dhe i ndërron dashnoret si mbreti gratë? Duket si një makth marrafrymës, por pikërisht kështu i ndodhi Xhes Xhardinës, zonjë shtëpie për ta pirë në kupë dhe një nënë shembullore, që sakrifikoi gjithçka për t'u martuar me David Stadlendsin. Burrë ideal, kirurg me emër dhe i përkushtuar në bëmat më fisnike humanitare, që i vë brirët me t'iu dhanë rasti! Për fat, në krah i gjenden shoqet më të mira. Hana, galeriste arti shik, e martuar për interes, me mendjen top se dëshira e partnerit për të mos pasur fëmijë përputhet me të sajën, dhe Kejsi, mësuese me fëmijë dhe burrin veteriner, e zhgënjyer dhe e cingërisur nga mjedisi ku punon dhe çka është më e rëndësishme, nga orgazma e humbur. Jeta e Xhesit do të tronditë edhe të tyren duke nxjerrë në sipërfaqe ëndrrat dhe dëshirat e struktura thellë përbrenda. Derisa tradhtive të Davidit do t'iu shtohen edhe zbulime fort të hidhura dhe Xhesi do të paditet për vrasjen e tij. Por ta ketë kryer në të vërtetë, vallë? Gra, nëse keni një burrë, përpiquni të mos e vrisni, durimi është virtyt i bashkëshorteve, por nëse jeni ende në kohë dhe askush s'iu ka paralajmëruar për efektet anësore të martesës, atëherë lexoni këtë libër, para se të jetë shumë vonë!
Çmimi: 800 Lekë

 

Të gjitha të drejtat e rezervuara. © 2015 Librari Albania