Është e habitshme se sa pak kapacitet zotërojnë në shkencën e ekonomisë shumë nga njerëzit të cilët lëvizin në mes të jetës aktive.

Me publikimin e kësaj trajtese, unë vetë e quaj detyrën time të kryer. Do ta mar përsëri fjalën vetëm nëse sulme kundërshtarësh me peshë do të më detyrojnë për këtë, ose nëse është e nevojshme që të rëzohen kundërshtime të paparashikuara apo të eleminohen gabime. A është ende jo e drejtë kjo që them sot? A është ajo e parakoshme? Vuajtjet e judenjve nuk janë ende aq të mëdha? Do ta shohim. Varet pra nga vetë judenjtë, nëse kjo trajtesë shtetërore si fillim do të shihet si një roman shtetëror ose jo. Nëse brezi i sotshëm është ende shumë i shurdhër, do të vijë një tjetër, më i lartë, më i mirë. Judenjtë që e duan, do ta kenë shtetin e tyre dhe do ta meritojnë atë.