titleToAlt
Sakumati, piktor turk, u thirr për të pikturuar muret e bardha mes të cilave jetonte një fëmijë, i mbyllur për shkak të një sëmundjeje të çuditshme. Raporti ndërmjet piktorit, fëmijës dhe të atit nuk do të jetë një kontratë e thjeshtë pune, por një pakt marrëdhëniesh njerëzore. Figurat që do të lindin dhe do të jetojnë në mure, do të reshtin së qeni thjesht një zbukurim, kur të krijohet lulja-xixëllonjë, që do të jetë edhe thelbi i të gjithë krijimit: Stralisku. Historia e këtij libri është historia e një miqësie të pastër dhe delikate, që mund ta quajmë edhe një përrallë për fuqinë e dashurisë.
Çmimi: 550 Lekë
titleToAlt
Qielli, si gjithmonë në këtë histori, ishte i qetë e plot dritë. Kështu mbyllet kapitulli i dhjetë i Matia dhe gjyshi, ndonëse tregohet diçka e dhimbshme dhe vendimtare - vdekja. Pakti i shpresës, që autori e kishte nisur që te libri Stralisku, vijon edhe në këtë libër. Një i madh dhe një i vogël, ndërsa këmbejnë përmasat, ecin së bashku, flasin, shohin botën, luajnë deri në fund. Luajnë lojën më të madhe me rregullat e dashurisë. Ky libër rrëfen dashurinë e një nipi për gjyshin e vet, që edhe pas vdekjes mbetet shoku i tij i pandarë.
Çmimi: 470 Lekë
titleToAlt
Libri për fëmijë “Ditari i Lasë” shpalos ditarin e Laurës, të cilin ajo fillon ta shkruajë kur nis vitin e ri shkollor, klasën e katërt. Ajo shkruan në ditar gjërat më të rëndësishme që i ndodhin gjatë ditës. Laura mendon se është me fat çdokush që mban ditar, të cilin e konsideron jo vetëm si mik, por edhe më shumë se kaq. Laura ia beson të gjitha sekretet faqeve të ditarit, duke e trajtuar atë si qenie njerëzore, duke i kërkuar falje sa herë që e ka lënë pas dore. Ajo i vendos atij emra, duke e quajtur Di ose Diti. Në këtë libër ditari luan një rol të rëndësishëm, pasi në të rrëfehen gjërat që nuk mund t’ia thuash as një miku, madje mund të mos ia thuash as vetvetes, ditari këtu është “vetvetja-mik”, është “vetvetja-pasqyrë”. Vetëm ditari ia di asaj emocionet, frikërat dhe mendimet. Ditari nuk mban vetëm sekretet e Laurës, por ajo aty rrëfen edhe për njerëzit që e rrethojnë, duke pasqyruar në të faktet dhe përshtypjet. Protagonistët e faqeve të ditarit të saj bëhen Ami, shoqja e klasës dhe familjarët e saj.
Çmimi: 300 Lekë

 

Të gjitha të drejtat e rezervuara. © 2015 Librari Albania