titleToAlt
Pavdekësia rrëfen ngjarje në dy periudha kohore: Në Francën bashkëkohore, Anjeza, e martuar dhe me një vajzë të rritur, ndihet e tëhuajësuar nga i shoqi, e bija dhe motra e saj. Në Vajmarin e shekujve 18-19, Gëtja, tashmë i martuar prej kohësh dhe drejt pleqërisë, përjeton një histori të ngatërruar me Betina Brentanon, njëzet vjet më e re se ai dhe e sapomartuar.
Çmimi: 1200 Lekë
titleToAlt
Dhuna është komplekse dhe ciklike. Kur një individ, grup, autoritet, zgjedh ta ushtrojë, ai mundohet të gjejë, dhe më pas të imponojë, një pretekst për ta justifikuar. Në më të shumtën e herëve, përmbledhur në fraza të gatshme, në një renditje të rastësishme të tyre, preteksti tingëllon kështu: ne kemi qenë të persekutuar nga ju, jo ju nga ne; ne jemi zot të kësaj toke dhe të kësaj prone qysh prej krijimit të botës, ju po përpiqeni të na e merrni ose tamam na e keni marrë; ne jemi këtu bashkë me ju, por nëse do të pranojmë të bashkëjetojmë ende, një ditë ju do të bëheni më të fortë se ne dhe do të na robëroni; ne jemi autoktonë, ju jeni ardhacakë; ne jemi të qytetëruar, ju jeni barbarë; ne jemi në rrugën e drejtë, ju jeni në rrugën e gabuar; ne jemi të pastër, ju jeni të ndyrë; ne jemi të zhvilluar, ju jeni të prapambetur; ne jemi në qendër, ju jeni në periferi; ne kemi histori, traditë, ju nuk keni; ne jemi pronarë, ju jeni skllevër; ne jemi të zgjedhur të Zotit, ju jeni të mallkuar etj.
Çmimi: 800 Lekë
titleToAlt
Po nis një punë që është e pashembullt, të cilën nuk do ta imitojë askush. Dua t'u tregoj njerezve të tjerë jetën e një njeriu, pa fshehur asgjë që ka të bëjë me natyrën e tij dhe ky njeri do të jem unë. Vetëm unë. E ndiej ç'më thotë zemra dhe i njoh njerëzit. Nuk i ngjaj asnjërit nga ata që kam parë; guxoj të besoj se natyra nuk më ka bërë si ndonjë nga njerezit që ekzistojnë. Në qoftë se nuk vlej më shumë, së paku jam ndryshe nga ata. Po qe se natyra ka bërë mirë apo keq, duke e thyer kallëpin në të cilin më derdhi, për këtë gjë njerëzit mund të gjykojnë vetëm pasi të kenë lexuar librin tim. Le të buçasë kur të dojë trumbeta e Gjyqit të fundit, unë do të vij të paraqitem me këtë libër në dorë përpara gjykatësit sovran e do ti them me zë të lartë: "Ja çfarë kam bërë, çfërë kam menduar dhe cili kam qenë". Kam folur për të mirën dhe të keqen me të njëjtën çiltëri. Nuk kam heshtur për asnjë gjë të keqe, nuk kam shtuar asgje të mire dhe nëse më ka ndodhur të përdor ndonjë zbukurim që nuk ngre shume peshë, këtë e kam bërë vetëm për të mbushur një zbrazëti të rastit, të shkaktuar nga harresa; mund ta kem quajtur të vërtetë atë që e dija se ishte e tillë, asnjëherë atë që e dija se ishte e rreme. E kam treguar veten time ashtu siç kam qenë të përbuzshëm dhe të poshtër kur kam qenë i këtille; të mirë, bujar, sublim kur kam qenë i atillë e kam shpalosur botën time të brendshme, ashtu siç e ke parë ti vetë.
Çmimi: 1500 Lekë
titleToAlt
Jorgos Seferis u lind më 13 mars 1900, në Smirnë (Izmiri i sotëm). Me shpërthimin e Luftës së Parë Botërore, familja e tij u vendos fillimisht në Athinë, ku J.S. kreu gjimnazin, dhe pastaj në Paris. Më 1924, u diplomua për drejtësi. Punoi si diplomat për Ministrinë e Punëve të Jashtme të Greqisë dhe shërbeu si konsull, këshilltar ambasade e ambasador në Londër, Korçë, Kajro, Pretoria, Ankara e Bejrut. Botoi dhjetë përmbledhje poetike, si dhe një numër të madh esesh, të cilat janë grumbulluar në tre vëllime. U nderua me çmimin Nobel për letërsi më 1963 dhe me një sërë çmimesh të tjerë ndërkombëtarë. Përktheu në greqisht disa prej zërave më të rëndësishëm të poezisë franceze dhe asaj angloamerikane të kohës së tij, si Valëry, Eliot, Pound, Yeats, Claudel, Gide, Jouve, Auden etj. Vdiq më 20 shtator 1971, në Athinë. Pas një vëllimi me ese të zgjedhura të-J.S. të sjellë gjithashtu nga Pika pa Sipërfaqe, në këtë botim shqip jepet pothuajse gjithë poezia e tij me përjashtim të pak vjershave që nuk iu nënshtruan aftësive tona në përkthim, si dhe të disa vargëzimeve që vetë autori, duke i shkruar për të eksperimentuar a për t'u argëtuar, i vlerësonte si të dorës së dytë dhe që nuk u përfshinë tek asnjë nga përmbledhjet e botuara në gjallje të tij, por vetëm - si shtojcë - në botimin e veprës së plotë poetike.
Çmimi: 800 Lekë
titleToAlt
Vështirë t'ia kesh zili këtij njeriu zgjedhjen që ka bërë dhe frytet që ka mbledhur nga pema e dijes të së mirës dhe së keqes. Ai e di se vendin e tij e pret në të ardhmen një dozë vuajtjeje gjithnjë e më e madhe. Ballë për ballë me vetveten, e di se asnjë nga fjalët e tij nuk do të jetë me të vërtetë e vetja. "Unë jam gënjeshtar", mendon ai, dhe beson se për gënjeshtrat e tij vetëm determinizmi historik e ka përgjegjësinë. Mirëpo herë-herë e gërmon mendimi se djalli, të cilit ia shesim shpirtin, e gjen burimin e forces te vetë njerëzit dhe se determinizmi historik është një sajesë e trurit njerëzor.
Çmimi: 800 Lekë
titleToAlt
Çmimi: 800 Lekë
titleToAlt
Drama Aliu nëmakth zë fill në një cast historik specifik: Ali Pashë Tepelena është plagosur në oborrin e manastirit të Shën Pandelejmonit dhe nga aty është sjellë, pa ndjenja, në katin e dytë të manastirit, ku më vonë do të ekzekutohet nga Qose Mehmet Pasha. Midis plagosjes dhe vdekjes zhvillohet makthi i Aliut. Në këtë gjendje ëndrre/zhgjëndrre, nëpërjmet debatit të zgjatur të Aliut me dy engjëjt që kanë ardhur t'i sjellin hesapin e jetës dhe veprimeve të tij, drama ofron një dritare në psikologjinë e figures historike, Ali Pashë Tepelenës, dhe trashëgiminë e tij në mitologjinë kombëtare. Megjithatë, drama nuk është aspak një dramë historike. Përkundrazi, ndonëse ajo nuk shtrembëron asgjë nga "historia" e Aliut, ajo e shkëput Aliun nga historia. Në këtë kuptim, drama përsiatet të jetë një dramë-metaforë mbi drejtësinë. Drejtësia si çështje themelore e njeriut në çdo epokë, por edhe drejtësia si problem praktik, problem që rishfaqet në mënyrë të përsëritur në jetën tonë të përditshme: reforma e drejtësisë, "hakmarrja për drejtësi", korrupsioni në drejtësi.
Çmimi: 600 Lekë
titleToAlt
Gjatë diktaturës komuniste në Shqipëri, të gjithë ishin të barabartë për sa i takon frikës ndaj persekutimit politik. Jeta është luftë mbështetet mbi disa qindra orë intervista me gra e burra nga bashkësi etnike të ndryshme në Shqipër. Në libër tregohen historitë e gjashtë individëve, të cilët, si thuajse gjithë të tjerët, luftuan për t'iu mbijetuar trysnive të diktaturës. Nëpërmjet rrëfimeve të tyre intime, mësojmë se si shteti kontrollonte çdo aspekt të jetës, si dhe cilat ishin mënyrat me të cilat njerëzit shprehnin gëzimin apo mospëlqimin e tyre. Jeta ështe luftë dokumenton se çfarë krijuan njerëzit dhe atë çfarë u shkatërrua midis viteve 1944 dhe 1991, dhe përsiatet rreth mënyrës se si, në të tashmen e dhunshme kapitaliste, ne krijojmë kuptim nga kujtimet tona. Është koha t'i dëgjojmë këta zëra, t'iu përgjigjemi thirrjes së tyre për drejtësi dhe dinjitet.
Çmimi: 1000 Lekë
titleToAlt
Në veprën Shoqëria pa shkollë, Illich-i i paraqet shkollat si vende ku mbretëron dhe përtërihet konsumerizmi dhe bindja ndaj autoritetit, dhe ku mësimi i vërtetë zëvendësohet nga një garë me pengesa nëpër një hierarki institucionale që, në vend të dijes, shpërndan kredenciale boshe. -Në vend të shkollimit të detyruar, Illich-i propozon një model mësimor që transmeton dije dhe aftësi nëpërmjet rrjeteve të marrëdhënieve informale dhe vullnetare. Illich-i ishte po aq kritik edhe ndaj mjekësisë moderne, të cilën e akuzonte, ndër shumë gjëra të tjera, për shtimin, në vend se pakësimin, e vuajtjeve. Në përputhje me pikëpamjet e tij, në vitet e fundit të jetës Illich-i nuk pranoi të kurohej për një tumor që si përfundim, i shkaktoi vdekjen.
Çmimi: 800 Lekë
titleToAlt
Në shekullin XIX estetika ishte sfera më e lartë e mendimit muzikor, ndërsa sot kritikuesit e saj shprehin dyshimin se është një spekulim i zbrazët, tepër larg realitetit muzikor sa të mund ta prekë apo të mund të ndikojë vërtet mbi të. Nga ana tjetër, nuk mund të mohohet se gjykimet mbi muzikën, e madje çdo aktivitet muzikor, janë produkt supozimesh estetike për të cilët duhet domosdoshmërisht të ketë ndërgjegjësim nëse kërkohet që të vihen përballë proves së fakteve, apo të mbahet distance kritike. Ky libër nuk niset nga ndonjë dogmë apo metodë të përcaktuara si të vetmet e vlefshme. Në të vërtetë ai kërkon të përvijojë zhvillimin e estetikës muzikore duke u nisur nga shekulli i tetëmbëdhjetë dhe, në të njëjtën kohë, përpiqet të përzgjedhë nga tradita atë që mund të jetë domethënëse në të tashmen. Sistemi i estetikës nënkupton historinë e saj, ndaj këtu është përvijuar një parashtrim historik dhe sistematik.
Çmimi: 800 Lekë
titleToAlt
"Kështu më ra në duar Sinagoga e ikonathyesve, në një dimër të ftohtë me lagështirë, dhe ende e kujtoj kënaqësinë e pamat që më dhanë ato faqe, edhe ngushëllimin, ditësh kur gjithçka ndillte vetëm trishtim. Libri i Wilcock-ut më ktheu harenë, siç dinë të bëjnë vetëm kryeveprat e letërsisë që janë, njëherësh, edhe kryevepra humori të zi, si aforizmat e Lichtenberg-ut ose Tristram Shandy i Sterne-it... Sot, mbas shtatëmbëdhjetë vjetësh, del botimi i dytë. Në daçi të qeshni, në daçi ta përmirësoni shëndetin, blijeni, vidheni, merreni hua, po ama lexojeni."
Çmimi: 1000 Lekë
titleToAlt
Çmimi: 1000 Lekë
titleToAlt
Një temë e papritur po ngrihet në trillimet popullore të dekadave të fundit, prej gjepurave me të ulta fundamentaliste te seritë televizive {Leftovers), tema e atyre "të shpërfillurve": Kiameti po afron dhe Zoti rroku te vetja të privilegjuarit në mënyrë që t'i shpëtojë ata prej tmerreve që po vijnë... Por, po sikur të propozojmë një lexim vulgar ekonomik të joshjes popullore për këtë temë? Ashtu siç është rasti, ngjan se Zoti Vetë dëgjoi zërin e Kapitalit, në mënyrë të atille që tema e të mbeturve të lidhet me situatën tonë të vështirë ekonomike në kapitalizëm global- A mos vallë tanë ‘’të lënë prapa" nuk janë vetëm ata që ishin në gjendje te bashkoheshin me prurjet e refugjatëve dhe që iu desh të meteshin të strukur në vendin e tyre të kllaposur nga rrëmuja? Duhet të shmangim çfarëdo romantizimi të thjeshtëzuar të refugjatëve.Sidoqoftë, po vizioni i kundërt? Për aq sa dinamika e kapitalizmit të ri po bën të tepert një përqindje gjithnjë e më madhe të punëtorëve (sipas disa përllogaritjeve, në afat tëgjatë, kapitalizmi i sotëm do të kishte nevojë idealisht vetëm për një 20 përqindsh të fuqisë së disponueshme punëtore), çfarë të themi për projektin e ribashkimit të pikërisht të gjithë "të vdekurve të gjallë"të kapitalizmit global, të gjithë ata të lënë pas prej përparimit" neokapitalist, të gjithë të dalë të tepërt, që nuk bëjnë më, të gjithë ata të paaftë për t'u përshtatur me kushtet e reja? Basti është, patjetër, se do të mund të skenohej një qark i shkurtër i drejtpërdrejtë midis të mbeturve të historisë dhe aspektit më përparimtar të historisë. Zgjedhja e vërtetë është rrjedhimisht: a duhet të vazhdojmë të luajmë lojën humanitariane të t'u kujdesurit për ata të lënët pas, apo duhet të rrokim detyrën shumë më te vështirë të ndryshimit të sistemit global i cili i gjeneron ata të lënë pas? Pa një ndryshim të këtillë, situata jonë do të jetë gjithnjë e më drejtpërsëdrejti e paarsyeshme. Ky po ashtu, mendoj unë, është fakti që populli në Shqipëri - një vend në të cilin nuk ka luftë, por që një masë e pabesueshme e popullatës, sidoqoftë, do qe të emigrojnë - duhet ta marrë në konsideratë.
Çmimi: 600 Lekë
titleToAlt
Claude Lefort-i mbahet si një nga mendimtarët më të shquar të politikës në këtë shekull. Punimet e tij nga filozofia politike merren si reference e paevitueshme në të shpjeguarit sidomos të fenomeneve që mbulojnë termat demokraci e totalitarizëm.Natyisht, vepra e Lefort-it nuk na jep të vërteta të' gatshme e të pakontestueshme: ajo më tepër na nxit të mendojmë për problemet kyce që i përkasin qenësimit të njerëzve brenda atyre "kornizave", aq të ndryshme njëra nga tjetra, që i emërtojnë termat e përmendur. Subtiliteti dhe thellësia e analizave të tij e bën të vështirë paraqitjen dhe interpretimin e tyre. Që në fillim na shtrohet obligimi të skicojmë pozicionin teorik nga i cili Lefort-i kundron fenomenet politike të kohës sonë. Skicimi i këtij pozicioni kërkon një sqarim të parë të dallimit që ai e bën në të gjitha punimet e veta midis termave politika (la politique) dhe politikja (le politique). Me të parin shënon veprimtarinë e individëve e të partive politike brenda sferës politike, si vend ku sajohet instanca e përgjithshme e pushtetit dhe ku zhvillohen garat politike. Me të dytin emërton "atë lëvizje të dyfishtë të shfaqjes së procesit në saje të të cilit renditet e njësohet shoqëria përmes ndarjeve të brendshme të saj si dhe fshehjen e parimit prodhues të konfiguracionit të tërësisë". Që të mund ta rimendonte politikën, Lefort-i e pa veten të shtrënguar të shkëputet nga pikëshikimi i shkencës në përgjithësi dhe ne veçanti nga pikëshikimi i shkencës politike dhe sociologjisë politike. Ai do të kritikojë si interpretimin marksist të fenomenit politik, i cili e vendos ketë në regjistrin e një superstrukture që e ka themelin në nivelin e supozuar real të marrëdhënieve në prodhim, po ashtu edhe atë të politikologëve e sociologëve që "e gjejnë objektin e tyre të njohjes duke u nisur nga ndërtimi apo nga përcaktimi i faktit politik, të shikuar si fakt i veçantë, i ndryshëm nga faktet e tjera të veçanta (ekonomike, juridike, shkencore etj.)
Çmimi: 800 Lekë
titleToAlt
Pjesë nga libri: Të gjitha lëvizjet natyrore të shpirtit rregullohen nga ligje të ngjashme me ato të rëndesës materiale.Vetëm Hiri përbën përjashtim. Duhet të presim që gjërat të ndodhin sipas ligjit të rëndesës ,me përjashtim të rastit kur ndërhyn e mbinatyrshmja. Rëndesa .Në mënyrë të përgjithshme ajo që presim nga të tjerët përcaktohet nga efektet e rëndesës mbi ne, ajo që marrim përcaktohet nga efektet e rëndesës mbi ata.
Çmimi: 600 Lekë
titleToAlt
Biblioteka Filozofike
Çmimi: 1000 Lekë
titleToAlt
Dyzet e nëntë vjeç, i butë në fytyrë, me rroge të mirë, baba i tre femijëve, pa ndonjë sëmundje me rëndësi, i ve, llogaritari Martin Salome është në prag të pensionit. Mendon t'i hyjë kopshtarisë, të mësojë kitarën, ose të bëjë atë që bëjnë pensionistët në përgjithësi. Gjëja më e papritur për të është rënia në dashuri me kolegen e re Laura Avejaneda. Teksa përfshihet në këtë histori dashurie, Martini ndien jetën e tij të qetë të marrë fluturimin, gjersa, krejt nga hiçi, fluturimi befas ndërpritet.
Çmimi: 800 Lekë
titleToAlt
Një histori e errët dhe e fuqishme, e cila zhvillohet në një Buenos Aires klaustrofobik,që parathotë shumëçka për ngjarjet e trazuara politike që do përjetonte pak vite më vonë ky qytet. Jemi në qytetin e skuadroneve të vdekjes, të torturave; po ashtu, jemi në qytetin e inteligjenciesë radikale, të majtëve radikalë, mes fretërve borgjezë dhe të rinjve të sinqertë e të dhënë pas politikës e filozofisë, mes të cilëve ndodhet autori i këtyre faqeve, i cili jeton me ta, duke vuajtur e duke u zhgënjyer me personazhet e romanit, si të ishin prej mishi e prej gjaku. Ai thur një roman që ushqehet me të gjitha format që mund të marrë fjala: dialogë, faqe ditari, artikuj gazetash, përshkrime ëndrrash, rrëfime të kulluara etj; duke krijuar kësisoj një nga veprat më të rëndësishme të ietërsisë bashkëkohore.
Çmimi: 1200 Lekë
titleToAlt
Një aktivist politik shqiptar arrestohet nga policia e Prishtinës, që e hedh mandej në tokën asnjëanëse mes Kosovës dhe Shqipërisë. Pa pasaportë, pa indetitet zyrtar pa mundur të lëvizë i riu shqiptar detyrohet të endet në këtë no man’s land mes dy vendeve . Por me kalimin e kohës, nga problemi vetjak ai nis përsiatjet mbi fasadën e marrëdhënieve mes Shqipërisë dhe Kosovës. E pastaj mbi problemet e ballkanit, mbi kujturën e harruar e të neglizhar ballkanike. Dhe konstanton se fajtorët kryesorë pëe këtë nëpërkëmbje jemi vetë ne popujt e Ballkanit.
Çmimi: 600 Lekë
titleToAlt
Asgjë nuk e obligon poetin të jetë i angazhuar është një e mirë e pashpërblyeshme si e tillë nëse e zgjedh, e detyron veten të jetë në anën e duhur, rrezikon rëndë të përfundojë në anën e gabuar, dhe, në fund do të mbetet vetëm poezia, ngase, edhe në fillim në fillim ishte vetëm poezia.
Çmimi: 500 Lekë
titleToAlt
Çmimi: 800 Lekë

 

Të gjitha të drejtat e rezervuara. © 2015 Librari Albania