...Gjuha shqipe u dha shumë prej te ashtuquajturve 'grekë' dhe 'turq' një mjet të përbashkët komunikimi dhe ndonjeherë një ndjenjë të përbashkët solidariteti, e cila mund të kapërcente ndarjen fetare dhe shpesh minonte fushatat e sulltanit. Me kalimin e kohës, shqiptarët u ndanë midis atyre që ndiqnin çështjen greke dhe atyre që ndoqën sulltanin. Ushtritë otomane në Ballkan i varën shumë shpresat te luftetarët shqiptarë, të krishterë dhe myslimanë, të kontraktuar me një pagë mujore dhe Porta e Lartë shqetësohej me të drejtë rreth pamundësisë për të besuar tek ata. Shqiptarët etnikë gjithashtu ishin në qendër të kryengritjes greke.

Një përjetim interesant i historisë së ndërlikuar, të lavdishme dhe tragjike të një qyteti me mësime pozitive dhe negative për kohën tonë. “Selaniku, qyteti i fantazmave” trajton historinë e një qyteti ku Lindja takon Perëndimin nën sundimin e sulltanëve osmanë. Se si kjo botë perandorake tolerante dhe aktive e kozmopolitane u shfaq dhe më pas u zhduk nën presionin e nacionalizmit, zjarrit dhe nga dy luftërat botërore, është tema e kësaj elegjie të mrekullueshme për atë që humbi, teksa Europa hyri në epokën e modernizmit.