Pasi vuan një dënim pesëvjeçar në burg, për një gabim me pasoja tragjike, Kena Roani kthehet në qytetin ku gjithçka mori tatëpjetën, me shpresën për t'u bashkuar me vajzën e saj katërvjeçare, mirëpo urat që ajo shembi dikur duket se nuk mund të ngrihen më. Të gjithë ata qe janë tani pjesë e jetës së saj, e kanë ndarë mendjen të mos e pranojnë Kenën, pavarësisht nga përpjekjet e saj për t'u vërtetuar se është e denjë për të bijën. Njeriu i vetëm që nuk ia mbyll derën plotësisht është Lexher Uardi, pronari i një lokali dhe një nga lidhjet e pakta që i mbeten Kenës me vajzën. Sikur të merret vesh se Lexheri dhe Kena pak nga pak po afrohen me njëri-tjetrin, të dy rrezikojnë" të humbasin besimin e njerëzve të rendësishëm për ta. E me gjithë rrethanat e pafavorshme romanca e tyre zhvillohet. Bashkë me të, edhe rreziku. Kena duhet të gjejë një mënyrë për të shlyer gabimet e së" shkuarës, nëse do të ketë një të ardhme të qetë.

Louen Eshli është një shkrimtare e re, e cila përballet me vështirësi financiare. Papritmas, i vjen një ofertë që nuk mund ta refuzojë, sepse do t'i sjellë të ardhura që nuk i ka imagjinuar kurrë. Xheremi Kroford, bashkëshorti i shkrimtares së suksshme Veriti Kroford, e punëson për të përfunduar serinë e librave të së shoqes, e cila ka pësuar një aksident automobilistik me pasoja të rënda shëndetësore.

E shkuara; Kuini nuk e kishte imagjinuar kurrë se do ta gjente dashurinë e jetës përpara derës së të fejuarit të saj. Një vit pas ndarjes nga partnerët respektivë, Kuini dhe Grahami kanë një lidhje të përsosur, që duket sikur jua ka sjellë fati në derë. E tashmja: Shtatë vjet më pas, lidhja e përsosur kërcënohet nga papërsosmëritë e tyre; kujtimet, gabimet dhe ëndrrat që thurën ndër vite, po i shkatërrojnë. E vetmja që mund ta shpëtojë atë martesë, është pikërisht ajo që i çoi në pikën pa kthim. I mbushur me emocione të forta, përballje në çift, nga ato që i kalojnë të gjithë, por pakkush guxon t'i tregojë, romani "Gjithçka perfekte tek ti" pati sukses të menjëhershëm në tregun botëror. Një histori shumë prekëse, që na kujton se fuqia e pashtershme e dashurisë është rruga e vetme.

Do të donit më tepër të dinit të vërtetën që iu bën të ndiheni pa shpresë apo të vazhdonit të besoni gënjeshtra? Autorja e dashur dhe bestseller Colleen Hoover kthehet me historinë magjepsëse të dy të rinjve me të kaluar të dhimbshme që nisin një udhëtim pasionant dhe intrigues për të zbuluar mësimet e jetës, dashurisë, besimit dhe mbi të gjitha, fuqinë shëruese që vetëm e vërteta mund ta sjellë. Sky, një nxënëse në vitin e fundit të shkollës së mesme, njihet me Dean Holder-in, një djalë me një reputacion të keq që rivalizon të sajin. Që nga takimi i tyre i parë, ai e tmerron dhe e pushton. Ka diçka tek ai që ndez kujtimet e së kaluarës së saj thellësisht të trazuar, të një periudhe kohore që ajo është përpjekur shumë për t'a varrosur. Megjithëse Sky është e vendosur për të qëndruar larg tij, ndjekja e palëkundur dhe buzëqeshja e tij enigmatike prishin mburojat e saj dhe intensiteti i lidhjes mes tyre rritet. Por Holderi misterioz ka kohë që mban sekrete gjithashtu dhe sapo ato zbulohen, Sky ndryshon përgjithmonë dhe aftësia e saj për të besuar mund të jetë viktimë e së vërtetës. Vetëm duke përballuar me guxim zbulimet e zymta, Sky dhe Holder shpresojnë të shërojnë plagët e tyre emocionale dhe të gjejnë një mënyrë për të jetuar dhe dashur pa kufij. S’ka shpresë është një roman që do t’ju lërë pa frymë, të magjepsur, dhe duke kujtuar vetë dashurinë tuaj të parë.