titleToAlt
Në këtë libër përfshihen tregimet: + Qypi + Jeta lakuriq + Në shenjë + Shpirt ndrituri + Tre mendimet e gungaçes + Zoti i vjetër + Në heshtje + Tersllëku i Pitagorës + E vdekura dhe e gjalla + Mendohu Xhakomino! + Rini + Lumturi + Kandelora + Në hotel vdiq dikush + Kërcim i hareshëm + Drita e shtëpisë tjetër
Çmimi: 800 Lekë
titleToAlt
Regjimi totalitar mund të fillojë me censurën, por vetëm duke e çuar më tej - sepse nuk kërkon aq t'u imponojë qytetarëve çfarë nuk duhet thënë në publik, sa t'i stërvitë këta për ta riprodhuar veten në publik duke thënë ato që duhen thënë, pra nëpërmjet indoktrinimit. Indoktrinimi paraqitet si e kundërta e censures, sepse ka natyrë (logjikisht) pozitive; të bën të thuash gjëra të caktuara dhe, përkatësisht, të marrësh fjatën në rrethana të caktuara, të skriptuara. Individi gjuhësisht i indoktrinuar flet në publik me para fabrikate, ose me fraza të përdorura prej të tjerëve, duke e lejuar veten të flitet nga ligjërimi i tjetrit. Qytetarët të cilëve liria e fjalës veç u mohohet, okupojnë nivelet më të ulëta të hierarkisë sociale; për të bërë përpara, nuk mjafton të mos thuash atë që nuk i pëlqen pushtetit, por duhet të thuash atë që i pëtqen pushtetit. Kjo e dyta i kërkon qytetarit edhe punë ligjërimore për konstituimin e rendit publik totalitar. Puna ligjërimore është punë e mirëfilltë, që angazhon trupat dhe mendjet e folësve publikë: zërin dhe aparatin e nyjëtimit të fjalës, frymën, duart - në rastin e të shkruarit -sytë dhe veshët; vëmendjen dhe mendjen. Njerëzit komunikojnë mes tyre për të shkëmbyer informacion dhe emocion; për të riprodhuar komunitetet dhe veten si subjekt social; per t'u organizuar në punë dhe në kohën e lire. Njerëzit e indoktrinuar punojnë për të siguruar hegjemoninë e doktrinës - duke e kthyer komunikimin publik në një lloj radioje intertekstuale, ku veç rimerren dhe risillen në vëmendje blloqet e gatshme të thënieve të tjetrit
Çmimi: 1500 Lekë
titleToAlt
Kulla e Sahatit u shndërrua vetvetiu në simbol të gjithçkaje të shtrenjtë, njerëzore, dhe apolitike në Tiranë: të dashurisë për jetën, gëzimit të së qenit në shoqëri, mirë­qenies ­kryeqytetase, shkëlqimit të së vetmes festë jopolitike që kishte mbetur pa u dëbuar nga kalendari: 1 Janarit. Në atë kohë ndoshta nuk arrinim ta kuptonim se sa i dety­ro­heshim këtij simboli për gëzimet tona të pafajshme. Bukur e dukshme në horizontin e Tiranës, përtej tejdukshmërisë së minaresë fqinjë, Kulla ishte vendi gjeometrik i shpresës, vatra ku dhjetëra mijëra vështrime takoheshin, shkëmbenin dritë dhe, tek e fundit, ngushëlloheshin ndërsjellas.
Çmimi: 700 Lekë
titleToAlt
Çmimi: 1000 Lekë
titleToAlt
Nëse sot, në ag të mijëvjeçarit të tretë, do të këqyrnim hartën gjeolinguistike të Tokës, do të gjendeshim ballas me një Babel gjuhësor marramendës. Njehsimet e tashme përcaktojnë në fakt se në planetin tonë fliten rreth 6.000 gjuhë. Sidoqoftë kjo shifër nuk duhet të na grishë të mendojmë se shpërndarja e gjuhëve është kryekëput e rrëmujshme. Në të vërtetë gjuhët historiko-natyrore kanë lloje të ndryshme marrëdhëniesh të ndërsjella mes tyre, pra mund të radhiten në grupime homogjene. Në thelb gjuhët mund të klasifikohen, paçka larmisë së bujshme që paraqesin. Krejt ndryshe nga sa mund të mendohej, përkatësia në të njëjtën familje gjuhësore nuk parakupton edhe njëtrajtësinë strukturore të atyre gjuhëve. Pra gjuhët e botës përveçse në bazë lidhjesh farefisnore, mund të klasifikohen edhe duke u nisur nga përkimet strukturore sistemike e pavarësisht marrëdhënieve gjenetike. Kjo qasje, ndoshta më pak e njohur për lexuesin jo specialist, bën të mundur të spikasë tipologjia gjuhësore së cilës në këtë manual kemi synimim t'ia shtjellojmë lëmin e studimit, metodën dhe objektivat.
Çmimi: 900 Lekë
titleToAlt
Konstelacione 47 E ndërgjegjshme që, falë origjinës së dyfishtë, kam trashëguar një përvojë historike, shpirtërore e kulturore të përveçme, dëshirën për të rrëfyer "epokën time" e kam përjetuar si një nevojë të brendshme për të mos humbur rrënjët. "15 dite prilli" nuk është një libër autobiografik. E megjithatë... jam studentja e Mjekësisë që e mësoi anatominë mbi trupa djelmoshash të pushkatuar; jam qytetarja që u përball me pabesinë dhe absurditetin; jam banorja e dashuruar në qytetin-bunker; Jam intelektualja e asfiksuar nga despotizmi ideologjik; Jam artistja e dënuar për evazion ëndrrash... Shtyjeni portën pa frikë.
Çmimi: 1500 Lekë
titleToAlt
Tre poetë të mëdhenj të shekullit XX: Eugenio Montale, çmimi NOBEL 1975 Salvatore Quasimodo, çmimi NOBEL 1955 Giuseppe Ungaretti, nominuar për çmimin Nobel më 1955. Poezi të përzgjedhura e të shqiperuara prej poetit Zef Zorba, në një vëllim dygjuhësh, shqip e italisht.
Çmimi: 1000 Lekë
titleToAlt
Çarli dhe Ashensori i madh prej xhami është një libër me tregime të shkrurtra i shoqëruar me ilustrime për fëmijë . FIUUU! Ashensori i Madh pre] Xhami, po vozit hijshëm lart në qiell, treqind metra mbi Fabrikën e Çokollatave! VILI VONKA, ÇARLI BUKET dhe familja e tij mund ta shohin gjthë botën poshtë tyre mirëpo ata nuk e dinë që nuk janë vetëm atje lart! Në hotelin hapsinor "SH.B.A", mrekullia e arritjeve të epokës kozmike, i ciii sapo është lëshuar në orbitë, kanë hyrë VERMICJET PËRBINDËSHE,qeniet më lebetitëse të krejt universit. NGJESHNI KAPELET! MBANI STOMAQET ME DORË! Po ulemi poshtë! Me shpejtësi!
Çmimi: 1450 Lekë
titleToAlt
Çmimi: 900 Lekë
titleToAlt
Shënime nga bodrumi u botua për herë të parë në 1864, në stinën më të errët të karrierës së Dostojevkit. Ndër të parat romane të autorit, është si doracak i krejt filozofisë së tij dhe njëherësh vepra që u priu romaneve të mëdha të mëvonshme, si Idioti, Krim dhe ndëshkim, e vëllezërit Karamazov. “në shënime nga bodrumi , prapa historisë së një neuroze mund të rindërtohet lehtë historia e shndërimit të neurozës vetë në roman. Hyrja e gjatë por jo e tejzgjatur, psikiko-ideologjike e veprës, e cila i qëndron si premisë ngjarjes së pjesës së dytë, rrëfen në fakt një tjetër histori, atë të artistit në luftë të vazhdueshme me subjektin e tij. Si Pirandello te gjashtë personazhe në kërkim të autorit Dostojevski na rrëfen se misteri i vërtëtë nuk qëndron tek protagonisti aq sa tek autori...” shkruan Moravia në një parathënie kushtuar librit
Çmimi: 700 Lekë
titleToAlt
Çmimi: 1500 Lekë
titleToAlt
“Edhe punëtorët shqiptarë që qëndronin rreth meje dukeshin të emocionuar e të mrekulluar: ishte koka e parë që zbulonim në Butrint. E larë vazhdimisht për t'u shquar më mirë gjatë punës delikate të nxjerrjes nga dheu, koka zuri të shfaqej në gjithë madhështinë e vet: me dritën e bardhësisë së mermerit që kontrastonte me errësirën e plumbtë të baltës dhe që ia nxirrte në pah edhe më qartë tiparet e mrekullueshme... qe e paprekur. "Paska edhe hundën! Paska edhe hundën!" u thërriste shokëve një punëtor, edhe ai i pushtuar nga emocioni i thellë që mund ta kuptojë vetëm ai qe pyet me kazmë nëntokën, ai që me pasion të lindur dëshiron të futë duart në gjirin e tokës-nënë për t'ia zbuluar të fshehtat, per t'ia kthyer dritës, botës, ato thesare të mrekullueshme që ngjarjet e hershme kanë varrosur dhe shekujt kanë lënë në harresë. Shpresat tona të dridhura nuk mbetën të zhgënjyera, se mundimet tona u shpërblyen me një nga gëzimet më të mëdha. Koka ishte një origjinal grek i punuar në mënyrë të shkëlqyeshme: koka e "Perëndeshës së Butrintit"... “- Luigi M. Ugolini.
Çmimi: 1000 Lekë
titleToAlt
"Anna, soror...” është një vepër rinie, por prej atyre veprave që mbeten për autorin thelbësore e të dashura gjer në fund. Ajo u shkrua brenda pak javësh në pranverë 1925, gjatë një qëndrimi në Napoli e fill pas kthimit prej tij. “Me Anna, soror...“ kam shijuar të parën herë privilegjin sipëror të romancierit, që të shkrin e të bën njësh e të pandarë me personazhet, a të lëshon të pushtohesh prej tyre. Gjatë atyre pak javëve, gjithë duke vijuar lëvizjet e duke ruajtur lidhjet e zakonshme të jetës, kam rrojtur papra brenda këtyre dy kurmeve e këtyre dy shpirtrave, duke shkarë nga Ana te Migueli e nga Migueli te Ana, me një shpërfillje ndaj gjinisë që e kanë, besoj, gjithë krijesuesit përballë krijesave të veta, dhe që u mbyll gojën me turp njerëzve që çuditen se si një burrë mund të shkëlqejë tek përshkruan emocionet e një gruaje, si Zhuljeta e Shekspirit, Roksana a Fedra e Racinit, Ana Karenina a Natasha e Tolstoit..."-Marguerite Yourcenar.
Çmimi: 690 Lekë
titleToAlt
Një libër i rrallë që skanon gjendjen e Shqipërisë në kohën e pushtimit nazi-fashist, parë nën optikën e një intelektuali të ri të asaj kohe, një shkrimtari të spiktatur dhe një shqipëruesi me vlera të rralla. Botimi është paraprirë me një parathënie nga Ismail Kadare Një mémoire i Mustafa Greblleshit, gazetar, shkrimtar dhe përkthyes, në të cilin ilustrohen me thjeshtësi ndjesitë që një 17 vjeçar si Mustafai pati kur Italia pushtoi Shqipërinë dhe deri kur na pushtoi diçka ma e keqe siç ishte regjimi që autorit ia pushkatoi te atin pa gjyq. Rrëfimet e jetës intelektualr të Tiranës së viteve '30, ne Hotel Dajti apo tek Pazari i Ri kontekstualizohen në kohë me lajmë të shkurtra nga fronti. "Kujtime 1939-44" ështe padyshim një liber që aftëson lexuesin me një këndvështrim tjetër për si ta shohim dhe ta lexojmë të kaluarën. Parathënie nga Ismail Kadare: “Mustafa Greblleshi nuk u përmend më asnjëherë si shkrimtar gjersa vdiq i harruar më 1986. Në homazh të tij, botuesja e “Çabej”, boton Kujtimet, ’39-’44, nën kujdesin e Anna Shkrelit, tridhjetë vjet pas ndarjes nga jeta. Mendimi letrar shqiptar përherë e më tepër do t’u jetë mirënjohës studiuesve që janë përpjekur e vazhdojnë të përpiqen për daljen nga harresa të shkrimtarëve shqiptarë të shekullit që porsa shkoi. Harresa në letërsi është e pashmangshme, madje renditet si një nga dukuritë e domosdoshme të saj, ajo që quhet përzgjedhja e vlerave. Falë kësaj të fundit, letërsia përgatitet për jetën e saj të vërtetë, atë të ardhmen, shekulloren. Këtu nuk bëhet fjalë për këtë harresë të natyrshme, por për harresën e dhunshme, shkaktuar prej egërsisë së një epoke, prej cinizmit, burgjeve dhe prangave të saj. Do të mbeten të pashlyera në kujtesën e kryeqytetasve bordurat e Bulevardit të madh të Tiranës, kur fill pas rënies së komunizmit u shfaqën radhët e pafundme të librave që shiteshin drejt e në rrugë, prej njerëzve të rastit...”
Çmimi: 1000 Lekë
titleToAlt
“Studimet etimologjike në fushë të shqipes” është vepra e jetës së autorit. Vepra është fryt i njohjes së gjithanshme të gjuhës amtare, përgjithësim i dijeve të thella dhe i përvojës së pasur të autorit në fushën e historisë së shqipes, të ballkanologjisë dhe të indoevropianistikës. Në këtë vepër, studimi fonetik, gramatikor e semantik i fjalëve të gjuhës shihet i lidhur me elementet e kulturës materiale e shpirtërore të bartësve të saj. Objekt i analizës janë fjalët, të cilat studiohen për nga përhapja e tyre në të shkuarën dhe në të tashmen, vendi i formimit të tyre, zhvillimi i tyre i brendshëm, aftësitë fjalëformuese, zgjerimi a ngushtimi i kuptimit, ndryshimi formal, zhdukja, zëvendësimi me fjalë të tjera etj. Një vend të posaçëm në metodën e tij të studimit zë edhe qëndrimi i tij lidhur me grupimin e fjalëve në fond të trashëguar dhe fond të huazuar, duke iu dhënë përgjigje disa gjuhëtarëve (sidomos Majerit), që e shihnin shqipen si një gjuhë gati të romanizuar. Ai shtron tezën se si për fjalët me burim vendas, ashtu edhe për ato të huazuara, duhet të mbahet parasysh përhapja e tyre dhe denduria e përdorimit dhe se prania e elementit vendas dhe atij të huaj tregojnë "në një anë shkallën e ndikimit të huaj mbi shqipen, në anën tjetër shkallën e rezistencës së kësaj gjuhe". Nëpërmjet një analize statistikore, ai tregon se fondi me burim vendas është më i pasur se ai i huazuar.Një nga kërkesat bazë të metodës së tij në studimin e etimologjisë së fjalës ishte respektimi rigoroz i ligjësive fonetike, morfologjike, fjalëformuese e semantike, që historikisht kanë vepruar mbi gjuhën shqipe e në gjuhët në kontakt. Zbulimi i këtyre ligjësive mundësoi rindërtimin e mjaft trajtave të hershme. Nga ana tjetër, krahasimi i brendshëm u pa i lidhur ngushtë me faktorët jashtëgjuhësorë të përmendur më lart. Zbatimi i parimeve shkencore të fonetikës dhe gramatikës historike do të hidhte dritë për një varg çështjesh që ai studioi, si: evolucioni i sistemit zanor e bashkëtingëllor i shqipes posaçërisht në lidhje me theksin, gjatësinë, dukurinë e metafonisë, hundorësinë, diftongjet, zanoren ë të patheksuar, bashkëtingëlloret grykore, grupet e vjetra të bashkëtingëlloreve nt, ng, nd, si dhe mbi disa dukuri të tjera morfonologjike, si ai i nyjave, i shumësit të singularizuar, gjinia asnjanëse etj. Veçanërisht çështja e prejardhjes së fjalëve dhe afria gjuhësore në faza të ndryshme të evolucionit kanë lidhje të drejtpërdrejtë me çështjen kombëtare dhe autoktonitetin e saj. Sipas këtij koncepti, shqipja e sotme ruan me konservatizëm ashtin e lashtë të substratit: gjuha dhe etnosi i këtij populli janë në vazhdimësi të atdheut të parëve të shqiptarëve dhe të territorit të tyre. Evolucioni organik i gjuhës është bërë në lidhje të ngushtë me evolucionin e kulturës materiale dhe shpirtërore të popullit shqiptar, duke e parë këtë mekanizëm në shtrirjen e tij kohore e hapësinore. Etimologjia e Çabejit është, në fakt, historia e gjuhës shqipe, e cila përkthehet në histori të popullit dhe historia e popullit të orienton drejt përcaktimit të gjenezës, të substratit dhe të autoktonitetit.
Çmimi: 1800 Lekë
titleToAlt
Shkrimtarja Simone de Beauvoir në veprën e saj i mëshon në mënyrë të vazhdueshme kërkimit të moralit të vërtetë dhe kritikës ndaj traditës dhe konformizmit. Në krijimtarinë e saj të pasur, e cila përfshin gjini të ndryshme, si romane, ese, vepra autobiografike e teatrale, mund të thuhet pa dyshim se vendin e parë e zë “Seksi i dytë”, vepër madhore, tashmë e famshme në të gjithë botën, frymëzuese dhe referencë e lëvizjeve feministe botërore. Drama e gruas qëndron tek konflikti midis kërkesës themelore të çdo subjekti që mbahet gjithmonë si thelbësor dhe kërkesave të një gjendjeje që e mban si jothelbësore. Si mund të përkryhet një qenie njerëzore në gjendjen e femrës? Ç'rrugë i janë çelur asaj? Cilat të çojnë në udhë pa krye? Si mund të gjesh pavarësinë në gjirin e vartësisë? Cilat rrethana kufizojnë lirinë e gruas dhe a mund t'i kapërcejë ajo? Këto janë çështjet themelore që do të donim të ndriçonim. Kjo nuk do të thotë që, duke u interesuar për fatin e individit, të mos i përkufizonim këto fate me termat e lumturisë, por me termat e lirisë. Kështu shkruan autorja në hyrjen e këtij libri që konsiderohet si një nga veprat më të rëndësishme të shekullit XX.
Çmimi: 1000 Lekë
titleToAlt
Seria e librave puzzle: Tre derrkucët; Maçoku me çizme; Gishtoja; Bambi; Kësulëkuqja; Borëbardha; Pinoku; Hirushja.
Çmimi: 200 Lekë
titleToAlt
Seria e librave puzzle: Tre derrkucët; Maçoku me çizme; Gishtoja; Bambi; Kësulëkuqja; Borëbardha; Pinoku; Hirushja.
Çmimi: 200 Lekë
titleToAlt
Përrallat më të bukura: lexo e zbavitu me formueset magjike plot ngjyra. Seria e librave puzzle: Tre derrkucët; Maçoku me çizme; Gishtoja; Bambi; Kësulëkuqja; Borëbardha; Pinoku; Hirushja; Libri i xhunglës; Piter Pan; Rosaku shëmtaraku; Shpata në shkëmb.
Çmimi: 200 Lekë
titleToAlt
Hartuesit e këtij fjalori, pesë dijetarë themelorë të kulturës shqiptare të shekullit XX, Cipo, Çabej, Domi, Krajni, Myderrizi, përpos që hartuan të parin fjalor të gjuhës shqipe, lanë si trashëgimi edhe një prerje të hollësishme sinkronike të shqipes së deratëhershme, madje mund të thuhet se ky pasqyrim ka mbërritur sot krejt i qartë, thuajse në trajtën e një arkivi fotografik të kësaj pasurie të çmuar. Në këtë kuptim, Fjalori i 54-ës e përmbush më së miri lidhjen e tij organike me fjalorët pararendës të Gazullit e Tases, të dy të botuar po nga Botime Çabej. Pra sot ai merr vetiu një vlerë tjetër po aq të madhe: vlerën burimore në studimin diakronik të lëndës shqipe të dokumentuar. Me bindjen se një fjalor nuk u shërben vetëm studimeve empirike të gjuhëtarëve, por në radhë të parë përdoruesve të gjuhës, nuk mund të lihet pa nxjerrë në pah edhe larmia e madhe e fjalëve e sinonimeve mbarëshqipe që përmban ky fjalor.
Çmimi: 1800 Lekë
titleToAlt
Dalja sërish në dritë e Fjalorit të Gazullit mëton të rivendosë raporte të drejta ndërmjet dokumentimit të dy korpuseve gjuhësore shqipe, gegë e toskë. Ky fjalor përbën një pasuri madhore pasi treva e Malësisë së Madhe ku u mbështet Gazulli është burimore dhe shumë pak e cënuar gjuhësisht në krahasim me Shkodrën dhe rrethinat, jo vetëm falë izolimit historik të saj, por edhe për veçoritë gjeomorfologjike që e karakterizojnë.
Çmimi: 1200 Lekë

 

Të gjitha të drejtat e rezervuara. © 2015 Librari Albania