titleToAlt
NJË MARRËDHËNIE E NDËRLIKUAR NUSE-VJEHËRR, QË DO TË PËRFUNDOJË... ME NJË VDEKJE Që në çastin e parë kur u njoh me vjehrrën, Lusi e kuptoi se nuk ishte nusja që ajo kishte ëndërruar për djalin e saj “të përsosur". E sjellshme, miqësore dhe gjithmonë bujare, Dajana gjithashtu mban distance nga nusja e djalit, me gjithë përpjekjet e saj të vazhdueshme per t'ia fituar zemrën. Një gur themeli në shoqërine amerikane, ndihmëse e vajzave dhe grave refugjate dhe një grua e dashuruar marrëzisht me të shoqin edhe pas disa dekadash martese, askush nuk mund të thotë një fjalë të keqe për Dajanen, përveç Lusit. E gjitha kjo, deri para pesë vjetësh. Tani, Dajana ka vdekur dhe pranë trupit të saj është gjetur një letër, ku thuhet se ajo donte t'i jepte fund jetës, sepse, tekefundit, kanceri po ia merrte atë dalëngadalë. Vetëm se autopsia nuk gjen asnjë gjurmë kanceri në trupin e saj. Kush mund ta donte vdekjen e Dajanës? Pse e kishte ndryshuar ajo testamentin vetëm pak kohë para vdekjes?
Çmimi: 1200 Lekë
titleToAlt
"Duhej të kishte pak fitues dhe shumë humbës. Megjithatë, njerëzit luanin, sepse shpresonin te ishin ata fatlumët." Historia rrallëherë tregohet zemërgjerë. Në këtë sagë epike që rrjedh në katër breza, shkrimtarja Min Jin Lee shpalos historinë e një familjeje koreane të varfër, por krenare, e cila do të përndiqej përjetësisht, për shkak se vinte nga një tokë që, në të vërtetë, as që e kishte njohur kurrë. Në fillim të viteve 1900, Sunxhaja adoleshente, vajza e adhuruar e një peshkatari të gjymtuar, dashurohet marrëzisht me një të panjohur në breg të detit. I panjohuri i premton botën, por, kur mëson se është shtatzënë (ndërsa i panjohuri ishte i martuar), Sunxhaja refuzon të jetë në shitje. Në vend të kësaj, ajo pranon ofertën e përulur dhe dashamirëse të një zotërie që ndodhet kalimthi në Kore, në rrugën për në Japoni. Vendimi i saj për të braktisur vendlindjen dhe për të mos u kthyer në dashnoren e babait të të birit, i jep udhë një sage dramatike që do të jehojë nëpër breza. Një rrëfim sa prekës, aq edhe i mbushur me dashuri, sakrifica, ambicie dhe besnikëri. Personazhet komplekse, por gjithaq të zjarrta të "Paçinkos” arrijnë të mbijetojnë dhe të lulëzojnë në harqe të ndryshme të historise.
Çmimi: 1400 Lekë
titleToAlt
Kur gazetarja amerikane, Pamela Drakermen, solli në jetë fëmijën e saj në Paris, nuk aspironte të ishte një prind parisian, por, krejt papritur, vërejti se fëmijët francezë fillonin të flinin gjithë natën që kur ishin dy apo tremuajsh. Ata hanin presh të gatuar. Prindërit e tyre pinin qetësisht kafe, ndërsa fëmijët luanin vetëm. Fëmijët francezë janë edhe kureshtarë dhe tepër krijues. Po pse? Me një bllok të fshehur në çantën e pelenave, gazetarja amerikane kupton se francezët jo vetëm që kanë një filozofi të ndryshme prindërimi, por edhe një këndvështrim krejt ndryshe për fëmijën. Në bazë të vëzhgimeve të saj të mençura dhe interesante, Drakermeni na rrëfen se si zbuloi që fëmijët, përfshirë edhe të vetin, janë të aftë të kuptojnë plotësisht dhe të kenë pavarësinë e tyre, ashtu siç asaj nuk ia kish marrë mendja kurrë. Këtë libër, ku përfshihen këndvështrime dhe receta nga "Bebe Day by Day: 100 Keys to French Parenting", duhet ta kenë të gjithë ata prindër, të cilët duan të rrisin fëmijë të shkëlqyer e me sjellje të patëmetë, pa cenuar jetën e tyre.
Çmimi: 1200 Lekë
titleToAlt
Një rrëfim ekstravagant, emocionues dhe gjithëpërfshirës i një ngjarjeje të pakohë, të ngërthyer në kthetrat e historisë. Në ishullin grek të Qefalonisë, dikur perënditë luanin me jetën e njerëzve dhe shenjtori vendas ngrihej hera-herës nga sarkofagu për të kuruar të marrët. Një ditë, vala e Luftës së Dytë Botërore pushton brigjet e ishullit, duke zbarkuar aty ushtrinë italiane. Të përfshirë nga kjo valë janë Pelagia, një bukuroshe vendase, dhe dy mëtuesit e saj: Mandrasi, një peshkatar kavalier, i cili kthehet në një gueril të pamëshirshëm, dhe Koreli, kapiteni sharmant, i apasionuar pas artit. I pasur me elemente besnikërie, po aq sa edhe tradhtie, dhe me ngjarje të zhvilluara në një vend ku realiteti bëhet njësh me fantazinë, libri "Kapiten Koreli" është një romani mrekullueshëm pasioni, politike dhe historie.
Çmimi: 1400 Lekë
titleToAlt
NJERËZIT TË ZHGËNJEJNË TË BRAKTISIN NËSE VARESH NGA DIKUSH NËSE U BESON TË TJERËVE, ATËHERË LËNDOHESH. “Nëntë djem dhe përpjekjet e tyre epike për të fituar medaljen e artë në Lojërat Olimpike të Berlinit në vitin 1936” Historia e vërtetë, në dukje e pamundur, e nëntë djemve amerikanë, të cilët i treguan botës se ç'është kuraja e vërtetë. Në fillim, askush nuk e besonte. Me një skuadër të përbërë nga djem minatorësh, punëtorësh dhe fermerësh, kurrkush nuk priste që Universiteti i Uashingtonit të mposhtte skuadrat elitare. Megjithatë ata e bënë: tronditën botën, duke sfiduar edhe skuadrën që garonte për Adolf Hitlerin. Në qendër të ngjarjeve të pazakonta qëndron Xho Rantzi, një i ri pa familje, pa perspektivë, i cili synon jo vetëm të fitojë respektin e duhur, por dhe të gjejë vendin e tij në botë. Me përshkrimin e djemve dhe kujtimet e gjalla, autori ka sjellë në jetë portretin e paharrueshëm të një epoke arritjesh të jashtëzakonshme.
Çmimi: 1200 Lekë
titleToAlt
Shkëputur nga libri: “- Kush është mamaja jote? - pyeti e ligështuar. - Kam dy. Njëra është nëna jote. Unë isha Arminuta, e kthyera. Flisja një gjuhë tjetër dhe nuk dija më se kujt i përkisja. Fjala "nënë" më kishte ngecur në fyt, si një nyjë gërvishtëse. Edhe pse nuk dua ta di se ku është ajo, më mungon ashtu siç të mungon shëndeti apo siguria.” Për të rrëfyer të tatëpjetat e jetës duhen fjalë të vrazhda, të drejtpërdrejta, dhe Donatella Di Pietrantonio e njeh mirë hijeshinë që mbartin ato. Pena e saj ka një tingull unik, që përcjell aq dritë, sa mund të na ndriçojë me delikatesë rrugëtimin drejt një historie të zjarrtë.
Çmimi: 1000 Lekë
titleToAlt
Takimi i pare Masha është një mistrece e vërtetë! Një ditë të bukur, ajo shkon te shtëpia e këndshme e ariut dhe kthen përmbys gjithçka. A mund të jetë ky fillimi i një miqësie të jashtëzakonshme? Zbulojeni duke lexuar këtë tregim magjepsës. Aventurat e çmendura të Mashës dhe ariut të duruar do t'ju bëjnë të qeshni me lot!
Çmimi: 300 Lekë
titleToAlt
"Mënyra e lehtë e Alen Kerit" është metoda më e suksesshme e të gjitha kohërave në fushën e lënies së duhanit. Ajo u ka ardhur në ndihmë miliona duhanpirësve anekënd globit. Ata e kanë lënë duhanin menjëherë, lehtësisht dhe përgjithmonë. "Lëre duhanin tani" është prezantimi më i fundit dhe më cilësor i metodës. Është një format më i përditësuar, më i qartë dhe më lehtësisht i asimilueshëm nga lexuesit. Ky libër jua bën më të lehtë se kurrë më parë çlirimin nga varësia e duhanit. Kur ndiqini “Mënyrën e lehtë të Alen Kerit", nuk ju nevojitet forcë vullneti për të lënë duhanin, pasi ajo eliminon dëshirën për të tymosur. Kjo metodë zhduk frikërat që ju mbajnë të mbërthyer në kurthin e nikotinës dhe, pasi ta lini, nuk do t'ju shkojë më mendja për cigare. Ajo funksionon për ata që pinë shumë duhan, por edhe për ata që pinë cigare herë pas here. Nuk përdoren teknika tronditëse, ju mund të tymosni gjatë leximit të librit dhe nuk do të shtoni në peshë pasi të lini duhanin.
Çmimi: 1200 Lekë
titleToAlt
Po sikur të mund ta ndryshonit jetën tuaj, sikur të kishit fuqinë dhe të bëheshit sundimtari i mbretërisë suaj? Unë mendoj se kjo është e mundur! Libri "Fuqia e mendimeve" është një histori e vërtetë që tregon se si unë përdora mendimet pozitive për të ndryshuar jetën time. Kur diagnostikohesh me një sëmundje të pashërueshme, kupton se shumica e kokëçarjeve të përditshme nuk janë aspak të rëndësishme. Gjithçka fashitet kur kupton se jeta është dhurata më e çmuar. Atë çast, fillon t'i kushtosh vëmendje çdo frymëmarrjeje dhe çdo sekonde që kalon, mendimi i vetëm që të vërtitet në mendje, është: "Çfarë duhet të bëj"? Sekreti qëndron te fuqia që keni brenda vetes. Të ndryshoni mënyrën e të menduarit për çdolloj situate me të cilën përballeni, është gjëja më e mirë që mund të bëni dhe libri "Fuqia e mendimeve" është udhërrëfyesi i duhur për të nisur rrugëtimin tuaj. Në fund të fundit, shëndeti qëndron përmbi gjithçka!
Çmimi: 1000 Lekë
titleToAlt
RREGULLAT E XHON GOTIT: 1. Sa herë të jetë e nevojshme, vartësit duhet të marrin përsipër krimet për të cilat mund të akuzohen Goti ose familja e tij. 2. Sa herë që të jetë e mundur, përdorni nofka poshtëruese për njerëzit që i keni nën vete. Në këtë mënyrë do të përcaktohet se kush drejton dhe kush duhet të nënshtrohet. 3. Çdo anëtar apo bashkëpunëtor e ka kategorikisht të ndaluar të ketë marrëdhënie seksuale me bashkëshorten, të dashurën apo bijën e ndonjë anëtari tjetër të organizatës. DHE SHUMË TË TJERA! Mafia amerikane mori sistemin e vlerave të komunitetit italo-amerikan dhe e bastardoi atë duke e përdorur për përfitimet e veta. Konceptet e nderit, besnikërisë dhe respektit, koncepte qe vazhdojnë të karakterizojnë pjesën më të madhe të familjeve italo-amerikane, ashtu si makaronat dhe goftet për darkën e së dielës, u deformuan në një kod sjelljeje që u jepte pushtet dhe status gangsterëve dhe mafiozëve. Xhon Goti e luajti mirë këtë lojë. Xhunior Goti e shfrytezoi atë, por asnjëherë nuk diti të luante si duhej. Në mënyrë krejt ironike, Alite, me prindër shqiptarë, e kuptoi këtë lojë më mirë sesa Xhuniori. Mësonte më shumë me kalimin e moshës. Në fillim u tundua dhe u magjeps nga mafia, e tërboi pushteti dhe karizma e familjes Goti, por më pas u abuzua prej saj. Në fund, u shkëput fare. Mos vallë ai bashkëpunoi me drejtesine për të shpëtuar lëkurën? T'i lëmë kësi pyetjesh. Kjo është pjesë e historisë së tij. Por ka më shumë se kaq...
Çmimi: 1300 Lekë
titleToAlt
NJË HISTORI E VËRTETË Ish-pjesëtari i grupit mafioz të drejtuar nga Xhon Goti dhe i familjes Gambino, Xhon Alite, rrëfen historinë e jetës së tij në një mënyrë tejet origjinale, me shpresën për të zbuluar misteret e mafies dhe për të frymëzuar këdo që t'i qëndrojë sa më larg botës së krimit. Ai numëron orë të zeza pa fund, por ia doli t'u mbijetonte atyre falë shpirtit këmbëngulës, mendjes së kthjellët dhe qëllimit qe i vuri vetes. Si çdo gjë tjetër në jetë, Alite është ngjitur në majë me një vendosmëri të patundur dhe me këmbëngulje. Një bursë në bejsboll ishte e vetmja mënyrë për t'u arratisur nga lagja e varfër ku jetonte, por ëndrra për t'u bërë profesionist u thye në mes nga një dëmtim në krah. Xhon Alite u detyrua të kthehej në shtëpi, në të vetmen jetë që njihte. Asokohe, të jetoje në rrugët e Nju Jorkut, do të thoshte vetëm një gjë: të mësoje të mbijetoje. AI ISHTE AMBICIOZ AI ISHTE EKSTREMIST AI ISHTE TRIM POR, MBI TË GJITHA, AI ISHTE BESNIK
Çmimi: 1200 Lekë
titleToAlt
"Diplomat me pahir" është një vepër në të cilën jo vetëm pasqyrohet politika e jashtme dhe historia diplomatike e Turqisë, por sillet edhe një këndvështrim i ri për Luftën e Dytë Botërore. Botimi i parë i këtij libri ngjalli interes dhe pati jehonë brenda dhe jashtë vendit, duke u përkthyer në disa gjuhë të botës, me në krye rusishten, Libri me kujtime "Diplomat me pahir" lexohet me kureshtje dhe hedh dritë në periudhën kur Jakup Kadri Karaosmanolluja ka shërbyer si diplomat në vende të ndryshme të botës, mes tyre edhe në Shqipëri. Në këtë vepër shfaqet qartë mjeshtëria e Jakup Kadri Karaosmanollusë për pastërtinë dhe pasurinë gjuhësore.
Çmimi: 700 Lekë
titleToAlt
"I huaji" është një nga romanet e rralla të letërsisë turke, që shqyrton hapur dhe larg shqetësimit humnerën mes shtresës intelektuale dhe asaj të popullit të thjeshtë. Ky libër mund të konsiderohet si një hallkë e romaneve të autorit Jakup Kadri Karaosmanollu, ku pasqyrohet një këndvështrim tjetër i Anadollit. Ngjarjet në roman zhvillohen në një fshat pranë përroit Porsuk, që gjendet në zonën e Anadollit të Mesëm, dhe përfshijnë një periudhë që nga vitet e Luftës së Parë Botërore e deri në përleshjet në Sakarja. Ahmet Xhelali, një i ri nga një prej konakëve më në zë të Stambollit, një ushtar në pension në moshën tridhjetedyvjeçare, tregon një të vërtetë krejt ndryshe të Anadollit: pashpirtësinë e madhe që buron nga varfëria. Pasi jeta e tij u pre përgjysmë dhe të gjithë e lanë në baltë, i vetmi që i zgjati dorën dhe e ndihmoi, qe miku i tij, Mehmet Aliu.
Çmimi: 700 Lekë
titleToAlt
ALASKË, 1974 Sporova përfundimtare për një familje në krizë Erni Ollbrajt, një ish-i burgosur lufte, kthehet nga Vietnami i shndërruar në një njeri tjetër. Pasi humbet disa punë njëra pas tjetrës, ai merr një vendim drastik: të shpërngulet bashkë me familjen në veri, në Alaskë, ku të gjithë bashkë do të jetojnë larg trazirave që kanë përfshirë vendin. Trembëdhjetëvjeçarja Leni, një vajzë që po rritet në kohë të vështira, e ngecur në rrjetën e dashurisë së prindërve të saj, në një marrëdhënie pasioni të sëmurë, guxon të ëndërrojë se familjen e saj e pret një e ardhme më e mirë në atë tokë të re. Ajo kërkon me çdo kusht të gjejë vendin e saj në jetë. Kora, nëna e Lenit, do të bëjë çmos dhe nuk do të ngurrojë t'i shkojëpas kudo burrit që dashuron, edhe nëse kjo do të thotë të niset drejt së panjohurës... Në këtë portretizim të pakrahasueshëm të brishtësisë dhe rezistencës njerëzore, shkrimtarja Kristin Hannah shpalos karakterin e pazbutshëm të pionierëve amerikanë dhe shpirtin e Alaskës në zhdukje: një vend me bukuri të rralla, por me po aq rreziqe. "Parajsa e bardhë" është një roman i guximshëm për dashurinë dhe humbjen, për luftën për mbijetesë dhe për egërsinë që gjendet si në natyrë, ashtu edhe te njerëzit.
Çmimi: 1400 Lekë
titleToAlt
Në zemër të luftës, ajo solli në jetë zërin e njerëzve të thjeshtë. ...dhe gjeti veten. Historia e vërtetë e gjeniut të letrave amerikane, Ernest Heminguejit, dhe gruas së tij të tretë, korrespondentes së luftës, Marta Gellhornit. Në vitin 1937, njëzetetetëvjëçarja Marta Gellhorn niset e vetme drejt Madridit për të raportuar mizoritë e Luftës Civile në Spanjë dhe tërhiqet nga historitë e njerëzve të thjeshtë në atë konflikt shkatërrues. Kjo është mundësia e saj për t'i provuar vetes se është një gazetare e denjë, në një fushë ku mbizotërojnë burrat. Atje, ajo dashurohet me Ernest Heminguejin, një burrë që ka nisur rrugëtimin e tij drejt të qenit legjendë. Në prag të Luftës së Dytë Botërore dhe pas prapavijave të trazuara të Madridit dhe Kubës, zë fill marrëdhënia e Martës dhe Ernestit, si dhe karriera e tyre profesionale. Mirëpo, kur Ernesti boton veprën më të suksesshme të karrierës së tij, "Për kë bie kambana", ata nuk janë më të barabartë dhe Marta kupton se duhet të krijojë rrugëtimin e saj, si grua dhe si shkrimtare. Paula McLain, e cilësuar si "ylli i ri i prozës letrare historike", sjell historinë e Marta Gellhornit, duke e lartësuar këtë të fundit si heroinën e epokës: një grua që do të rrezikonte gjithçka për të gjetur zërin e saj.
Çmimi: 1300 Lekë
titleToAlt
Një shikim i imtësishëm në jetën e zonjave të para të Amerikës moderne, që nga Xheki Kenedi, Nensi Regan e deri te Mishel Obama. Detyra e zonjës së parë të Amerikës nuk është shumë e vlerësuar, megjithatë prej tyre kërkohet kaq shumë: ato duhet të jenë udhëheqëse frymëzuese; duhet të planifikojnë më së miri çdo lëvizje apo aktivitet; duhet të jenë gjithaq politikane të mira sa bashkëshortët e tyre, që kanë në dorë timonin e gjithë botës; duhet të jenë bashkëshorte dhe nëna që i kryejnë këto dy detyra nën qindra sy vëzhgues dhe kritikë; si edhe drejtuese të afta të rezidencës së Shtëpisë së Bardhë. Ashtu si në librin e saj të parë, "Rezidenca - brenda botës private të Shtëpisë së Bardhë", edhe këtë herë, autorja Kate Andersen Brower sjell për lexuesit në mbarë botën detaje të brendshme, të marra nga stafi i ngushtë presidencial, por edhe nga vetë zonjat e para të Amerikës. Libri "Zonjat e para" na njeh me historitë e dhjetë grave të mrekullueshme, të cilat kanë lënë gjurmë në histori, si zonjat e para më të diskutuara, që prej vitit 1960. Kjo biografi në grup na ndihmon të kuptojmë çfarë ka ndodhur ndër vite pas dyerve të adresës më të fuqishme në botë.
Çmimi: 1300 Lekë
titleToAlt
Heronjtë janë mes nesh: Masha ka ëndërruar gjithmonë të bëhej superheroinë. Nuk do të ishte e vështirë, nëse dikush do të kishte nevojë për ndihmë. A do të mundet superheroina Masha të hidhet në veprim kur një nga kafshët të gjendet në rrezik? Të gjithë në shtëpi Kur vjen koha e dimrit, ariun e viziton pinguini dhe të gjithë mblidhen në shtëpi! Megjithatë jo për një kohë të gjatë, sepse Mashën dhe pinguinin nuk i mban vendi një sekondë. Ata preferojnë luftën me topa bore dhe rrëshqitjet e çmendura me motor bore!
Çmimi: 700 Lekë
titleToAlt
Një ditë prej ditësh, Masha gjen një vezë misterioze në oborrin e ariut dhe vendos të kujdeset për të. Kush do ta ngrohë vezën? Çfarë do të dalë prej saj? Mësojini këto duke lexuar këte tregim të jashtëzakonshëm. Aventurat e çmendura të Mashës çamarroke dhe të ariut të duruar, do tju bëjnë të qeshni me lot.
Çmimi: 300 Lekë
titleToAlt
20 sekrete për stilin që autorja Jennifer Scott i mësoi duke jetuar në Paris. Një udhërrëfyes i mirëfilltë për të gjitha femrat që duan të përmirësojnë cilësinë e jetesës. Një histori personale, e mbushur me rrefime gazmore dhe vëzhgime për stilin. Gjallëria dhe sinqeriteti me të cilin përcillet çdo fjalë, janë një urë lidhëse për të gjitha ato gra dhe vajza që u pëlqen modeli francez i jetesës, por që nuk kanë mundësi dhe një vit kohë të qëndrojnë në Paris. –The New Yourk Times Një libër kushtuar mënyrës së magjishme të jetesës parisiane, bazuar mbi vëzhgime dhe sugjerime të hollësishme se si të ndërthurni mënyrën e jetesës me stilin tipik të të veshurit francez. – Daily Mail
Çmimi: 1200 Lekë
titleToAlt
1914 Rusia është në zgrip të humnerës dhe familja Romanov përballet me një të ardhme të pasigurt. Dukesha e madhe Tatiana ka rënë në dashuri me një oficer të kavalerisë, Dimitrin, por ngjarjet marrin një rrjedhë të papritur, e cila do të vërë në rrezik marrëdhënien dhe jetën e tyre. 2016 Pas një ngjarjeje tronditëse, Kiti Fisher vendos të largohet nga Londra dhe të gjejë strehë në shtëpizën e stërgjyshit të saj në Amerikë. Atje, në brigjet e liqenit Akanabi, ajo gjen një medaljon që do ta shpjerë drejt zbulimit të një sekreti familjar të fshehur prej vitesh... "Gruaja sekrete" një roman mbresëlënës dhe i shkruar shumë bukur, kapërcen pa mundim shekujt teksa e kaluara shkrihet me të tashmen në një histori të paharrueshme dashurie, humbjeje dhe ripërtëritjeje.
Çmimi: 1400 Lekë
titleToAlt
I frymëzuar pjesërisht prej figurës historike të abolicionistes dhe ithtares së të drejtave të grave, Sara Grimkes, romani i Kidit nis të rrjedhë që nga ditëlindja e njëmbëdhjetë e Sarës, ditën kur i dhanë në pronësi një skllave, dhjetëvjeçaren me emrin Trazovaçe. "Shpikja e flatrave" i ndjek këto dy gra në rrugëtimin e tyre për tridhjetë e pesë vitet në vijim, teksa secila rreket të krijojë jetën e saj, duke lënë gjurmë të dukshme në jetën e tjetrës e duke formuar një marrëdhenië të shënjuar nga faji, dështimet, largimet dhe vuajtjet prej dashurisë.
Çmimi: 1300 Lekë
titleToAlt
Në qytezën e Kadillakut, e vetmja gjë më pikante se specat halapeno, janë thashethemet. Stela është një kokëkuqe çapkëne dhe e bukur, e cila nuk do të dijë se ç'thonë bota dhe nuk jeton për këtë, por e ëma e saj, Nensi, nuk mendon aspak kështu. Ajo jeton vetëm për ta parë vajzën e saj të vetme, të martuar, të lumtur dhe me një familje të bukur. Pikërisht ky merak do të bëhet shkas që ajo të bëjë një gabim të pafalshëm, i cili do të sjellë vërdallë një qytet të tërë dhe do ta detyrojë edhe Stelën, moskokëçarësen më të madhe që keni njohur ndonjëherë, ta mbajë të fshehtë burrin që dashuron. Por cili është ma'shkulli misterioz që i ka rrëmbyer zemrën asaj dhe si do t'ia dale Stela të sabotojë planet e së ëmës?
Çmimi: 1000 Lekë
titleToAlt
Tara dhe familja e saj u rritën duke u përgatitur për Ditët e Tmerrit, por, sipas qeverisë amerikane, ajo nuk ekzistonte në asnjë dokument zyrtar. Nuk kishte certifikatë lindjeje. Nuk kishte dëftesa shkolle, sepse nuk shkeli kurrë në një klasë mësimi. Nuk kishte kartelë mjekësore, sepse babai i saj nuk kishte besim te spitalet. Teksa ajo rritej, babai i saj bëhej gjithnjë e më radikal, ndërsa i vëllai gjithnjë e më i dhunshëm. Në moshën gjashtëmbëdhjetëvjeçare, Tara kuptoi se duhej te ikte nga shtëpia ku ishte rritur. Duke bërë këtë, ajo zbuloi si fiiqinë shndërruese që të jep shkollimi, ashtu edhe çmimin që duhej të paguante për ta fituar atë liri.
Çmimi: 1200 Lekë
titleToAlt
Bashkëjetesa e paqtë e dy beqarëve, Enderit dhe Çetinit, tronditet kur ata marrin në shtëpi, në mirëbesim, motrën e shokut të tyre. Miqësia tridhjetëvjeçare fillon të kriset pak nga pak nga prania e Nihalit, një vajze në dukje të qetë e të tërhequr. Nihali duket se po lufton me traumën e humbjes së prindërve në një aksident me makinë, por nuk kalon shumë dhe ajo del nga gjendja e depresionit. Sakaq, dy djemtë zbulojnë tek ajo një grua të re, energjike dhe plot sharm. Enderi dhe Çetini kthehen në engjëjt e saj mbrojtës dhe ajo duket se e pëlqen shoqërinë e tyre. Ç'i bëri dy shokët të pranonin një studente në shtëpinë e tyre? Sa do të ndikojë shija e Enderit për letërsinë dhe humorl i hollë i Çetinit në jetën e saj? A do të ketë zgjidhje trekëndëshi i tyre i dashurisë?
Çmimi: 500 Lekë

 

Të gjitha të drejtat e rezervuara. © 2015 Librari Albania