Aventura të reja e presin Ana Shirlin, ndërkohë që po bën gati valixhet për t’u larguar nga Ejvonli, duke u ndarë nga fëmijëria e saj, që të nisë studimet në kolegjin e Redmondit. Me mikeshat e saj të ngushta, ajo zbulon një jetë të re të pavarur të mbushur me surpriza, në qytetin e zhurmshëm të Kingsportit; duke përfshirë një propozim për martesë, shitjen e tregimit të saj të parë dhe një tragjedi që i shkakton shumë dhimbje. Por lotët kthehen në të qeshura kur Ana dhe mikeshat e saj zhvendosen te “Shtëpiza e Patit”. Anës nuk ja merr mendja se djali i pashëm Gilbert Blith do t’ia fitojë zemrën. Papritmas asaj i duhet të vendosë për t’iu përgjigjur dashurisë.

Ky vëllim i serisë “Ana flokëkuqja”, nga ana kronologjike është i katërti, ku shtjellohen ngjarjet në periudhën midis diplomimit të Anës në Redmond dhe fejesës me Gilbertin, që vijoi me martesën e tyre, tre vjet më vonë. Çaste dhe karaktere të paharrueshme në këtë libër që do të mbetet gjatë në kujtesën tuaj.

Ana martohet me Gilbertin dhe zhvendosen me banim në një shtëpi të re, në "Shtëpinë e Ëndrrave", ku i presin fqinjë të rinj interesantë. Por, si gjithmonë, Ana Flokëkuqja përballet me ngjarje të papritura, që e vënë në pozicione të vështira, prandaj ky libër dhe gjithë seria e botimeve të tij është kaq shumë i dashur për lexuesin.