titleToAlt
Ky libër përshkruan si të përballojmë këtë krizë të shumëfishtë, kryesisht në nivelin individual dhe me përdorinimin e minimumit të kapitalit. Libri hedh një vështrim në kulturat e kohëve para-industriale si dhe në kulturat tradicionale të kohëve moderne për tu përgatitur për realitetin dhe të ardhmen post-karbon.
Çmimi: 500 Lekë
titleToAlt
Ky libër bestseller në shumë vende të botës, zgjidh problemet në prostatë me anë të regjimit në ushqyerje, masazhit, bimëve mjekësore, homeopatisë dhe shumë etodave mjekësore. Prostata është një organ shumë i rëndësishëm prej të cilit burrat marrin vitalitet, energji krijuese, impulse seksuale dhe pa të cilin shëndeti i përgjithshëm dhe cilësia e jetës rrezikohen tej mase. Për fat të keq, çdo vit, mijëra burra i nënshtrohen heqjes me kirurgji të prostatës ose iu nënshtrohen rrezatimeve të rrezikshme: dy mënyra drastike ndërhyrjeje, të cilat, nëse arrijnë ta zgjidhin problemin e shfaqur, nuk arrijnë kurrë ta eliminojnë shkakun dhe, mbi të gjitha, përcaktojnë një përkeqësim të ndjeshëm të cilësisë së jetës, me një rrezik të lartë për impotencë dhe inkontinencë. “90 ditë për të shëruar prostatën”, jo vetëm që ofron një tablo të plotë të teknologjive më të fundit mjekësore tradicionale, por edhe paraqet me shumë qartësi mundësi të reja dhe të sigurta kurimi pa efekte anësore. “90 ditë për të shëruar prostatën” ndër të tjera, na mëson: Të kuptojmë se çfarë e shkakton kancerin, duke përfshirë toksinat nga ushqimi, nga medikamentet, nga pesticidet dhe nga parazitët, që mund të hiqen qafe fare lehtësisht; T'iu kundërvihemi efekteve kancerogjene të toksinave dentare me prejardhje nga infeksionet e fshehura, nga mjekimi i kanaleve dhe nga mërkuri i pranishëm në 50% të amalgamës së mbushjeve dentare; Të pastrojmë dhe të forcojmë organet jetësore, duke përfshirë zorrën e trashë dhe prostatën; Të përmirësojmë jetën seksuale dhe të bëhemi më të fortë fizikisht dhe mendërisht; Të mos kemi mundësi të sëmuremi, duke riekuilibruar pehashin qelizor. Një kapitull i veçantë i kushtohet personalizimit të programit të shërimit për ta përshtatur me kërkesat dhe karakteristikat e çdo lexuesi.
Çmimi: 1000 Lekë
titleToAlt
Pas vdekjes së nënës, Karteri u detyrua t'i shkojë pas anembanë botës të atit, Juliusit (egjiptolog), dhe të jetojë i ndarë nga motra Sejdi. Familja Kein mund të kalojë së bashku vetëm dy ditë në vit, dhe në një prej këtyre ditëve Juliusi vendos t'i çojë fëmijët në Muzeun Britanik. Por diçka nuk shkoi mbarë. Juliusi thirri një figurë misterioze. Sa çel e mbyll sytë, ndodhi një shpërthim i fuqishem dhe burri u zhduk. Karteri dhe Sejdi u gjendën përpara një të vërtete të beftë dhe tronditëse: zotat e Egjiptit të Lashtë po zgjohen dhe më i keqi ndër të gjithë, Seti, bluan në mendje një plan të frikshëm kaosi dhe shkatërrimi të mbarë planetit. Për të shpëtuar të atin, vëlla e motër nisin një udhëtim të ethshëm midis Londrës, Kajros, Parisit dhe Shteteve të Bashkuara, që do t'i çojë drejt të vërtetës rreth familjes së tyre dhe lidhjeve të saj me Shtëpinë e Jetës, një shoqëri e fshehtë që nga koha e faraonëve. Përherë e më shumë të çmeritur, përherë e më shumë të përfshirë, përherë e më shumë të zhytur në rrezik, do të zbulojnë që shpesh dukja të gënjen....
Çmimi: 1250 Lekë
titleToAlt
Ky roman e ka zanafillën në dhjetor të vitit 782 në një abaci në ishullin Vektis (Angli), kur Oktavusi i vogël, që murgjit e strehuan për bamirësi, merr një pergamenë dhe nis të shkruajë një varg pambarim emrash të shoqëruara përbri me numra. Një listë enigmatike dhe trazuese. Ky roman zë fill në l2 shkurt 1947, në Londër, ku Uinston Çërçilli mori një vendim që do t'i rëndojë në ndërgjegje deri në fund të jetës. Një vendim që të kall datën por i nevojshëm. Ky roman zë fill në 10 korrik 1947, në Uashington, kur Herri Trumani, presidenti i bombës së parë atomike, zbuloi një të fshehtë që, nëse merrte dhenë, do të mbillte panik në mbarë botën. Një sekret i largët dhe njëherësh fare i prekshëm. Ky roman zë fill në 21 maj 2009, në Nju Jork, kur bankieri i ri David Suisher merr një kartolinë me një qivur dhe datën e asaj dite. Pak kohë më pas, gjen vdekjen. Dhe e njëjta gjë u ndodh edhe pesë personave të tjerë. Një fat mizor dhe i paparashikueshëm.
Çmimi: 900 Lekë
titleToAlt
Libri i Shpirtrave është thjesht një libër antik, por ruan brenda një sekret. Një sekret i shkruar me gjak në vitin 1297 nga shkrues të panumërt flokëkuq e sygjelbër, ndoshta të bekuar nga hiri hyjnor, ndoshta lajmëtarë të djallit. Sekret, që shfaqet rishtas më 1334-ën, në një letër të shkruar nga një abat i rrëgjuar nga mosha për t'i bërë ballë peshës së atij misteri. Sekret, që në rrjedhën e shekullit XVI, ndriçoi udhën e një teologu, ëndrrat e një vizionari dhe fjalët e një gjeniu. Është thjesht një libër antik, por që rrezikon të ndezë një katrahurë të padëgjuar. Sepse ai libër duhet të prehet në Bibliotekën e të Vdekurve, ajo mori e pamatë vëllimesh ku gjenden datat e lindjes dhe vdekjes të të gjithë njerëzve që kanë jetuar prej shekullit VIII e tutje. Dhe, pasi ndenji i varrosur nën pluhurin e historisë për më se shtatëqind vjet, tani ka dalë në dritë dhe është shndërruar në një obsesion për Uill Piperin, i vendosur ta zhdukë dhembjen që Biblioteka ka shkaktuar në jetën e tij; për Henri Spensin, që ia ka kushtuar jetën zgjidhjes së enigmës dhe që tashmë i ka ditët të numëruara; për Malkolm Frazierin, kreun e sigurisë së Bibliotekës, më i vendosur se kurrë, qoftë edhe duke vrarë, që bota të mos e marrë vesh të vërtetën. Një obsesion që sjell, në mënyrë të pashmangshme, të tjera dhembje, të tjera enigma, tjetër gjakderdhje.
Çmimi: 900 Lekë
titleToAlt
“Gerdën nuk e do askush” ose historia e zhdukjes në det të babait të dy vajzave adoleshente, Gerdës dhe Sivit. Origjinaliteti i këtij libri qëndron në faktin se Gerda është një antiheroinë, shpesh e urryeshme dhe kokëfortë, që nuk ia përton fjalën e keqe, po aq sa dajakun çdokujt që e mërzit. Ajo është e vetme në botë, e vetme me dhimbjen e saj, e brengosur menjëherë pas vdekjes së babait të adhuruar. Ka një xhelozi keqdashëse dhe një mike të vetme, Kajsën, fqinjën e saj. Gjithçka ndërlikohet kur zbarkon Maja, një krijesë e sofistikuar që vjen nga kryeqyteti dhe që shumë shpejt do fillojë të flasë majtas-djathtas për dy vajzat dhe do ndryshojë fillin e miqësive. Ky roman na mëson se pas një vdekjeje jeta vazhdon, sidomos jeta me njerëzit e tjerë. Ai prek temat e miqësisë, xhelozisë, tradhtisë, që te fëmijët përjetohen me shumë emocion. I ndjeshëm, shpesh i trishtuar, por me humor dhe ironi, “Gerdën nuk e do askush”, është një roman tërheqës dhe rrëmbyes që i jep fund fashitjes, si në kuptim të drejtpërdrejtë ashtu edhe në kuptim të figurshëm, së shtrëngatës që zë vend mes këtyre faqeve. Pra, zbulimi i të vërtetës rreth zhdukjes së babait dhe i brengës në zemrën e Gerdës.
Çmimi: 500 Lekë
titleToAlt
Kur Izabela Suan transferohet në qytetin e zymtë Forks, ku takon Eduard Kullenin misterioz dhe tërheqës, jeta e saj merr një kthesë drithëruese dhe të frikshme. Me lëkurën e tij të porcelantë, sytë e artë, zërin hipnotizues dhe me dhunti të mbinatyrshme, Eduardi është njëherazi i papërballueshëm dhe i papërshkueshëm. Deri më tani ai ia ka dalë mbanë për ta fshehur identitetin e tij të vërtetë, por Bela është e vendosur që ta zbulojë të fshehtën e tij të errët. Belës nuk ia rrok mendja se sa shumë është afruar me të, se gjithnjë e më shumë po e vendos veten, dhe ata që e rrethojnë, në rrezik. Dhe, se mund të jetë tepër vonë për t'u kthyer pas. Thellësisht tërheqës dhe me suspensë të jashtëzakonshme, “Muzgu” do gjejë lexues që do gozhdohen deri në faqen e fundit.
Çmimi: 1250 Lekë
titleToAlt
Arvanitët ose arbërit e Mesjetës, të larguar nga toka amë nëpër mugëtirat historike drejt jugut ballkanik dhe të vendosur përgjithmonë aty, pothuaj nëpër tërë hapësirat e Greqisë, janë padyshim një pjesë e patjetërsueshme e historisë së kombit shqiptar. Pa jetëshkrimin e tyre e tyre, historia e kombit shqiptar do të ishte e cunguar. Kjo farë krenare, e cila, sipas burimeve greke, përllogaritet të jetë rreth 3 milion në Greqinë e sotme, vazhdon të mbijetojë dhe të bëjë historinë si një pjesë vitale e atij vendi, mes stuhive të asimilimit dhe ruajtjes së identitetit. Për historinë, rrugën, kontributet dhe identitetin e arvanitasve, sot ka më shumë anë të errëta, të panjohura, të pandriçuara sa me të drejtë çdokush mund të shtrojnë pyetjet: Si u gjend tërë kjo masë e madhe e popullsisë arbërore në këto vise? Kur shkoi, ku u vendos dhe ku gjendet ajo aktualisht? Në ç'kushte dhe për ç'arsye ndodhi ky emigrim? Si u pritën ata nga vendasit? Ç'ngjau me ta në rrjedhat e shekujve?
Çmimi: 1000 Lekë
titleToAlt
Për herë të parë, Shqipëria merr një përgjigje të plotë në lidhje me Planin e Tretë për copëtimin e saj. I kombinuar në mënyrë perfekte, historia me dokumentet dhe kujtimet, faktet reale dhe rrjedha e vërtetë e ngjarjeve të asaj kohe, ky libër vjen nga një figurë e shquar si kostë Cekrezi, dëshmitar në shumë ngjarje politike që lidhen me veprimtarinë e A. Zogut gjatë mbretërimit dhe më pas në mërgim si edhe politikën e Enver Hoxhës ndaj Perëndimit dhe SHBA. Ky libër vlerësohet si një histori e jashtëzakonshme e raporteve të Shqipërisë me Perëndimin dhe sidomos me SHBA-në. Ngjarje të panjohura mes tre të mëdhenjve të historisë e kulturës shqiptare: Fan Nolit, Faik Konicës dhe vetë autorit, Kostë Çekrezit, konfliktet mes tyre, kryesisht për shkak të interferencës së qëndrimeve politike të Tiranës në organizatat e diasporës në SHBA në vitet ’30-’50 të shekullit të kaluar.
Çmimi: 500 Lekë
titleToAlt
Të bëhesh princ, edhe sikur të mos jesh plotësisht princ, por të paktën president republike ose, të paktën, të paktën mbetet të bëhesh diktator. Ky ishte dhe është qëllimi i beut të Matit. Për këtë qëllim, ambicia e tij e pakufi nuk deshi t'ia dijë për mjetet që përdori. Për këtë plan iu desh të sakrifikonte gjithçka, edhe me kusht që Shqipërinë ta copëtonin. Për këtë nga jashtë krijoi aleancë me Jugosllavinë dhe nga brenda intrigat me feudalët. Ishin këto dy shkallët që i nevojiteshin për të hipur në fron. Në tre vitet e qeverisë së tij, i rrethuar nga ministra vasalë ose më mirë kukulla, mundi të thotë se ai nuk ishte vetëm kryetari i tyre, po i vetmi ministër i Shqipërisë! Princ i vërtetë. Deputetë të blerë e gazetarë të shitur e thërrisnin "Shpëtimtar i atdheut". Madje, disa poetucë rrugësh i këndonin në vargje ose më mirë të themi e ngrinin në qiell me himnet e këngët e tyre; ai që në kafenetë e Tiranës nuk duartrokiste kur këndohej himni i tij, do të rrihej pa mëshirë nga xhandarët e nga admiruesit e tij; bujtës të huaj stamponin nëpëlhura rrezet e fytyrës së tij princërore, pallatin e tij të rrethuar me mure, kanale, përforcime e roje trupmëdhenjsh e të fuqishëm, ish të dënuar për krime, roje nderi: të gjitha këto mund të quheshin rezidencë e një despoti.
Çmimi: 500 Lekë
titleToAlt
Libri "Kristoforidhi, një vështrim rinjohës" ka disa vlera që janë rezultat i kërkimit të autores. Shumica e burimeve: arkivistike dhe bukinistike, botohen për herë të parë. Autorja ka këshilluar në tërësi fondin e K. Kristoforidhit në AQSH, i cili është një fond modest krahasimisht me veprimtarinë e shumanshme të autorit, por, siç dëshmohet nga ky punim, ka anët e veta të shpërfillura për shumë arsye. Këtij fondi ajo i ka shtuar dokumente të administruara nga arkivi i muzeut etnografik të qytetit të Elbasanit, në mënyrë të vecantë të fondit të familjes Deliana. Veç kësaj, studiuesja, me një zell për t'u vlerësuar, që mund të shpjegohet dhe me profilin e saj si gazetare, ka arritur të krijojë mirëbesim dhe në trashëgimtarë të tjerë të burimeve që i takojnë dorës së vetë Kristoforidhit ose dhe të letërkëmbyesve me të: veprimtarë të periudhës romantike dhe postromantike. Kështu,dora-dorës është krijuar një koleksion dokumentesh që, të shpërndara siç kanë qenë deri më tani nëpër zyra e familje andej e këndej, duke përligjur vetëm prej tyre titullin e studimit: "Një vështrim rinjohës". Ky ka qenë dhe qëllimi i kërkimit: që të ndryshohet mendimi se Kristoforidhin e njohim, nuk ka më ç'thuhet për të, sidomos në pikëpamjen e lidhjeve të tij me albanologë dhe shoqata ndërkombëtare. Ndryshimi i mendimit nis qysh me gjenealogjinë e Kristoforidhëve, me historinë e patronimit, me përhapjen e tyre në Elbasan e gjetkë, me lidhjet farefisnore nëpër Shqipëri dhe rne të dhëna biografike të atij vetë.
Çmimi: 500 Lekë
titleToAlt
Në librin "Studime filologjike për letërsinë romantike arbëreshe" të prof. Matteo Mandala gjithçka është e re për lexuesin shqiptar. Të reja janë leximet e trashëgimit letrar në botën arbëreshe, prej veprave të De Radës, Gavril Darës, Zef Skiroit, Frangjisk Santorit, Emanuele Bideras dhe autorëve më të hershëm, si Nikollë Keta e Nikollë Filja. Prapa këtij libri qendrojnë dekada të tëra pune murgu, pune për të tjerët, një virtyt gati i harruar ndër ne; pune në shërbim të lehtësimit të kërkimeve, që zakonisht i bëjnë nxënësit për mjeshtrit dhe jo anasjelltas. Megjithëse autori ka preferuar ta titullojë librin e tij "Studime filologjike për letërsinë romantike arbëreshe", kemi të bëjmë me një vepër që kërkon rishqyrtime kritike për gjithë historinë e letërsisë shqipe, duke përfshirë periudhizimin e saj, ndryshimin e kalendarëve, karakterizimin e dukurive dhe zhvillimeve kulturore e letrare, prekjen e status quo-së së deritashme, funksionimin e një sistemi letrar që mbështetet mbi njësinë e gjuhës, historinë e gjinive letrare, historinë gjenetike të veprave, vështrimin krahasues të varianteve të tyre.
Çmimi: 1000 Lekë
titleToAlt
Ky libër priret të shqyrtojë e të vlerësojë prurjet e përvojës sonë më të mirë përkthimore për sa i përket poezisë ruse. Ajo që të bie në sy dukshëm është analiza moderne e strukturës poetike, çka sjell për pasojë dhe shkeljen e disa tabuve, deri më tani krejt të paprekura. Dhe kjo, padyshim, përbën një risi në fushën e përkthimit artistik. Përsa i përket mënyrës së shtjellimit, vihet në dukje ndërthurja e përjetimeve poetike me përfundimet shkencore, që vijnë pas qëmtimesh të shumta modelesh përkthimorë e që grupohen rreth një metafore të gjetur, që autori e quan dukuria e hënës, prej së cilës, deri vonë, ne kishim njohur vetëm anën e ndritshme.
Çmimi: 1000 Lekë
titleToAlt
Gjuha de lufta e ideve Autorja e këtij libri synon që përmes shqyrtimeve të karakterit gjuhësor-kritik dhe socio-gjuhësor të dëshmojë si identifikohen sot në Ballkan përmes gjuhëve popullore dhe ligjërimeve të tyre bashkësitë etnike, grupimet politike, brezat shoqërorë dhe madje edhe individualitetet e jetës publike: kryesisht politikanë por edhe njerëz të letrave e të artit.
Çmimi: 1000 Lekë
titleToAlt
Ky punim mbetet edhe sot më i ploti dhe më i miri për këtë kategori fjalësh. Ai është një kontribut me vlerë në morfo-leksikologjinë shqipe. Punimi është shkruar në vitin 1983, por, po të nisesh nga niveli, raporti atëherë dhe sot thuajse fshihet krejt. Botimi i tij i veçantë zë vend të merituar në letërsinë tonë gjuhësore si një monografi shkencore e mirëfilltë dhe e lavdërueshme. Studimi "Ndajfoljet përemërore në gjuhën shqipe", që, vetëm sepse ka qenë detyrë, është quajtur punim diplome, e tejkalon atë në shumë drejtime. Kjo pjesëz e vogël dhe e thjeshtë e sistemit të pjesëve të ligjëratës të gjuhës shqipe, megjithëse ka rënë në një dorë të re - në atë kohë student në prag të diplomimit - është trajtuar me seriozitetin dhe këmbënguljen e një studiuesi të mirëfilltë. Autori me guxim është futur edhe në rrugën e etimologjisë së mjaft ndajfoljeve përemërore, jo vetëm të etimologjive të reja e të dukshme, por edhe të etimologjive enigmatike, të errësuara nga koha e të ndërlikuara nga struktura. Ndarjet dhe rindarjet kuptimore e strukturore janë mjaft interesante. Falë formimit të përgjithshëm gjuhësor të autorit, për përcaktimet kuptimore dhe strukturore nuk shfrytëzohet vetëm etimologjia, por edhe leksikologjia, morfologjia, sintaksa, historia; madje edhe filozofia e gjuhës. Prof. dr. Ethem Likaj, Akademik Monografia me titull "Ndajfoljet përemërore në gjuhën shqipe" e Shaban Sinanit përfaqëson një nga studimet më të thelluara dhe specialistike të këtij studiuesi, kontributet e të cilit orientohen prej vitesh nga disa fusha studimesh të përafërta si me gjuhësinë, si me letërsinë, ashtu dhe me historinë e kulturës shqiptare. Një punim i tillë na ofron një optikë të re të gjurmimit shkencor të këtij studiuesi, megjithëse formësimi i tij konceptual u realizua në një periudhë jo dhe aq të afërt në kohë, pikërisht si rezultat i një pune të kujdesshme në të cilat do të shënohet si vendimtar dhe kontributi i udhëheqësit shkencor të saj, profesorit të nderuar Shaban Demiraj, të cilit dhe i kushtohet punimi në fjalë. Studimi monografik "Ndajfoljet përemërore në gjuhën shqipe" përbën një punim origjinal që i ka munguar traditës së studimeve tona të shkruara në gjuhën shqipe mbi pjesët e ligjëratës dhe kategorizimin e tyre morfosemantik. Prof. asoc. dr. Evalda Paci
Çmimi: 800 Lekë
titleToAlt
Libri "Barbaritë greke në Shqipëri" përmban kujtimet historike të një veprimtari fare pak të njohur në studimet shqiptare për periudhën prej shpalljes, deri në njohjen e Pavarësisë së shtetit shqiptar. Libri i Kosta Papës është botuar për herë të parë në gjuhën shqipe në Massachusetts, SHBA, më 1917. Libri "Barbaritë greke në Shqipëri" është një libër tronditës. Brezave të rinj, që po rriten me antimitin e kufirit, ky libër mund t'u duket tendencioz, ilustrim pikëpamjesh historike të frymëzuara prej nacionalizmit. Sepse vërtet dëshmitë që përshkruan autori nuk janë figurativisht barbari; sepse edhe vetë fjala "barbari" në këtë dritë nuk ka kuptimin që kishte në greqishten antike, si dallim me tjetrin, që nuk fliste gjuhën e akejve; por kuptimin me të cilin përdoret në kohët moderne, si dhunë e tmerr mbi popullsinë civile. Prej këtij libri, që ribotohet i rijetësuar, ashtu si ishte në vullnetin e autorit, mund të kuptohet se sa shumë ka punuar shekulli i 20-të për shqiptarët, sa e rëndësishme ka qenë të krijohej kjo Shqipëri shtetërore që është për të mbajtur gjallë ndjenjat dhe mendimet shqiptare në hapësirën historike të vetën rreth e qark, sa ka reflektuar mendimi politik e gjeopolitik rreth faktorit shqiptar.
Çmimi: 500 Lekë
titleToAlt
Më në fund, pas 93 vjetësh, historia e parë e Shqipërisë shkruar në gjuhën angleze dhe botuar në SHBA në vitin 1919, ribotohet ne shqip, në gjuhën amtare të autorit, Kostë Çekrezit, një nga intelektualët dhe patriotët më të mëdhenj që ka pasur Shqipëria, pjesë e kuartetit të famshëm të diasporës shqiptare amerikane: Fan Noli, Faik Konica, Kostë Çekrezi dhe Kristo Dako. “Dhe se cilat janë të drejtat e Shqipërisë duhet mësuar jo nga ç’thonë fqinjët, rivalët apo armiqtë e saj të mundshëm, por nëpërmjet një mjeti më të drejtpërdrejtë e më të besueshëm - zërit të vetë shqiptarëve. Kjo është merita kryesore e librit të z. Çekrezi. Ai na jep mundësinë ta shohim Shqipërinë me syrin e një shqiptari. Për vite e vite me radhë, bota ka dëgjuar mjaft për punët e Shqipërisë, por ajo ka dëgjuar vetëm ç’thuhet thuajse tërësisht nga burime të jashtme; nga grekë, serbë a malazezë, dhe nga Fuqitë e Mëdha që, për arsye të vetat, më 1912 krijuan në Londër shtetin e Shqipërisë dhe ia dorëzuan atë një princi të panjohur gjerman - Vilhelm Vidit (Wied). Por asnjë popull nuk mund të shpjegojë saktë nevojat e dëshirat, të drejtat e aspiratat e ndonjë populli tjetër, njësoj sikurse asnjë individ s’mund të bëhet zëdhënës i saktë i askujt, përpos vetes së vet. Prandaj, është një kënaqësi e avantazh i qartë që, më në fund, kemi një interpretim nga vetë shqiptarët, një shpalosje të historisë së Shqipërisë, një paraqitje të kërkesave të shqiptarëve, drejtpërdrejt nga mendja dhe zemra e një vendasi. Sepse, me sa di unë, ky është i pari libër i një shqiptari për Shqipërinë që ka dalë në gjuhën angleze...”. Kështu shkruan Charles D. Hazen, profesor i historisë moderne në Universitetin e Columbia-s në parathënien e librit “Shqipëria: e shkuara dhe e tashmja” i autorit Kostë Çekrezi. Kurse vetë autori, pra, Kostë Çekrezi, shkruan në hyrje të veprës së vet: “Vend misterioz”, “Vend i mrekullive”, “Shqipëria e panjohur”, “Më e errët se Afrika e errët”; këto janë vetëm pak nga cilësimet jo të zakonshme për vendin që banohet nga populli më i vjetër në Europën Juglindore... Sidoqoftë, sot nuk ka dyshim se shqiptarët janë raca më e vjetër në Ballkan... Pavarësisht nga kjo, problemi i Shqipërisë është një libër i palexuar jo vetëm për publikun e gjerë, por edhe për njerëzit që janë seriozisht të interesuar për të. Kjo mosnjohje e punëve të Shqipërisë vjen, jo ngaqë nuk interesohet kush për to, të paktën në këto kohë që po jetojmë, por ngaqë mungon një trajtesë tërësore e praktike mbi Shqipërinë. Është e vërtetë se për të janë shkruar libra të shumtë, por ato ose janë shkruar nga autorë amatorë që priren të spekulojnë për gjëra që i njohin fare pak, ose janë veçse monografi a skica që nuk e përmbushin dëshirën për informacion të përgjithshëm. Kjo është veçanërisht e vërtetë përsa u takon librave mbi Shqipërinë shkruar në anglisht e frëngjisht, ndërsa trajtesat gjermane e italiane për të njëjtën temë kanë më pak mangësi. Një tjetër mangësi serioze për të marrë informacion të përgjithshëm mbi Shqipërinë është se shkrimet përkatëse janë të shpërndara në një numër të madh librash, të cilët as mendohet që njeriu i zakonshëm të jetë në gjendje t’i përdorë sistematikisht. Ideja për të shkruar këtë libër mbi Shqipërinë fillimisht iu sugjerua autorit nga mësuesit e tij të Fakultetit të Historisë në Universitetin e Harvardit, në veçanti nga prof. A. C. Kulixh (Coolidge), lektor mbi Çështjet e Lindjes, i cili ndjente keqardhje të thellë që nuk kishte një trajtesë të tillë në gjuhën angleze. Gjatë studimeve në institucionin e sipër-përmendur, autori pati rast të shkruante disa teza e raporte rreth asaj çka është terra incognita e historisë së Shqipërisë - historia e saj bashkëkohore dhe gjendja në të cilën ndodhet. Prandaj, është e drejtë të thuhet se ky libër bazohet në një pjesë të madhe në ato teza e raporte, për aq sa lidhet me këtë dekadë”.
Çmimi: 1000 Lekë
titleToAlt
Në këtë libër autorja zbulon rrethanat historike dhe burimet e shkruara për modifikimin e njëanshëm dhe vullnetar të kufijve të Shqipërisë në pjesën e Shën Naumit, duke përfshirë dhe zbulimin, krahasimin e stabilizimin e tekstit të marrëveshjes midis dy kryeministrave pa pushtet, Zog e Pashiq. Në studimin tjetër përfshirë në këtë libër, gjithashtu, me karakter monografik, me temë për historinë e sistemit politik në Shqipëri, një histori nga më të komplikuarat dhe të padeshifrueshmet, që përmban brenda një shekulli mbretërinë e pashpallur, principatën e trashëgueshme, pashallëqet dhe republikat paradoksale autonome brendashqiptare, republikën e pashpallur me një kryesi kolektive shteti, republikën e shpallur, mbretërinë e shpallur, rikthimin në nënshtet, regjencën, republikën ateiste të komunistëve, republikën e parë parlamentare, republikën e dytë parlamentare, ndërprerë të gjitha këto prej dhjetëra episodesh e vegimesh monarkike të kohëpaskohshme deri në vitet e fundme.
Çmimi: 700 Lekë
titleToAlt
Ky libër është i dobishëm, ku qindra lexues do të gjejnë të dhëna për jetëshkrimet e prindërve apo gjyshërve të tyre, ku studiuesit e historisë së luftës antifashiste do të gjejnë burime parësore për verifikimin e pikëpamjeve dhe të tezave të parashtruara deri më tani; ku mund të vërejnë edhe pamjen e vërtetë të fashizmit në periudhën e rënies.
Çmimi: 1000 Lekë
titleToAlt
Deri në mëngjes ai kishte fjetur i përqafuar me të, si atëherë kur ishte i vogël. Guendi e kishte siguruar. Rrethi Magjik ishte aty prej vitesh e vitesh e pse do të zhdukej krejt papritur? Edhe nëse, në një rast të pamundur, Rrethi Magjik mund të zhdukej, ishte gjith-monë diçka që nuk mund të zhdukej dhe kjo ishte dashuria e tyre. Kur dy vetë duhen shumë, i kishte thënë Guendi, është si të jetë një Rreth i vogël Magjik, një rreth që qëndron brenda tyre dhe lëviz bashkë me ta dhe ky rreth është më i fortë se çdo gje. Nuk prishet dhe nuk copëtohet. Askush nuk mund ta prekë nga jashtë, askush nuk mund ta prishë.
Çmimi: 700 Lekë
titleToAlt
Çmimi: 1000 Lekë
titleToAlt
Tema e jetës familjare shpërfaqet ngacmuese që në aforizmën hyrëse të romanit. Ana, një grua e martuar, pjesë e aristokracisë, shkatërrohet nga dashuria e vet, dhe qëllimi i Tolstoit për ta bërë atë fatkeqe, por jo fajtore për dashurinë e saj, i shërben pikërisht kësaj ideje. “Ana Karenina” është një vepër me fund të dyfishtë: vdekja tragjike e Anës nga njëra anë dhe jeta familjare e saponisur e Levinit dhe e Kitit nga ana tjetër. Qëllimi i artistit nuk është të zgjidhë problemin në mënyrë shteruese, por t'i bëjë njerëzit ta duan jetën në të gjitha shfaqjet e saj të panumërta, shkruan Tolstoi në vitin 1865.
Çmimi: 1100 Lekë
titleToAlt
Në këtë vepër të mrekullueshme autori na ka treguar me mjeshtëri të lartë artistike dhe me thellësi të madhe psikologjike historinë e një dashurie. Dashurine e Esherstit , e një intelektuali të ri me Migenën ,një vajzë të thjeshtë fshatare. Për dashurinë e njeriut mund të ketë lexuar shumë, po kur lexon “Lulet e Molles “ duket çdo gjë e re , e fuqishme dhe interesante. Dashuria aty tingëllon aq njerëzore dhe e vërtetë,sa s’ka zemër që të mos preket e të mos ngashërehet. Sa te gazmojnë dhe të bëjnë për vete takimet lirike të heronjve , aq të lëndon ndarja e tyre mizore. -Nasho Jorgaqi
Çmimi: 400 Lekë
titleToAlt
“Dhe yjet dridhen nga dashuria” është një romancë e bukur dashurie mes dy intelektualëve të rinj, të cilët në njohjen dhe zbulimin që i bëjnë njëri-tjetrit, arrijnë të njohin dhe zbulojnë më mirë vetveten. Kris dhe Estia janë dy njerëz te ditëve të sotme, me plot dëshira të bukura dhe pasione për jetën. Të dy të lidhur me menyra të ndryshme me botën e artit, të cilët në dashurinë e tyre shumë pasionante ndjejnë gjithnjë e më shumë përsosjen e qenies njerëzore, sepse fuqi të tillë zotëron ndjenja e bukur e dashurisë. Ashtu siç Kris i shkruan Estias në një nga letrat që përbëjnë komunikimin e tyre të zakonshëm se “Dashuria është forca e botës. Prej kësaj force jemi të tërhequr deri në frymën e fundit. Duke dashuruar njerëzit arrijnë të prekin dhe të besojnë në gjëra që më parë i quanin si të paarritshme, transmetojnë lumturinë e tyre tek njeriu që dashurojnë dhe kështu lumturia e secilit bëhet akoma më e madhe, gjë që aq mrekullisht na ndodhi edhe ne të dyve. E kisha provuar edhe më parë dashurinë, por me ty provova jo vetëm dashurinë e madhe, por edhe të bërit e gjërave të vogla me një dashuri të madhe”. I gjithë libri është i shkruar me shumë frymëzim dhe romantizëm. Me një gjuhë dhe stil të rrjedhshëm pasqyrohen ndjenjat dhe përjetimet e dy protagonistëve të një lidhjeje shumë të veçantë dhe pasionante, por edhe atmosfera e kohës në të cilën ata jetojnë, Tirana e ditëve të sotme, udhëtimet e tyre si në Paris, Pragë, Londër, apo disa personazhe të tjerë në sfond, me fate të ndryshme nga ajo e tyre, duke krijuar kështu një tablo më të plotë të jetës reale që lidhet direkt ose indirekt me protagonistët. Përmes botës se magjishme të letërkëmbimeve ata tërhiqen si me magji drejt njëri-tjetrit, dhe kjo jo vetëm deri në momentin kur ata takohen, por edhe më pas, gjatë gjithë kohës. Letërkembimi është mënyra dhe mundësia e mirë e tyre për të shprehur jo vetëm ndjenjat dhe botën e tyre shpirtërore, por edhe gjykimet për gjithcka tjetër: artin, letërsinë, udhëtimet, natyrën, marrëdhëniet me të tjerët, gjithçka. Të dy protagonistët janë njerëz me kulturë, me botë të pasur shpirtërore, shumë konkrete dhe reale, adhurojnë të bukurën në gjithçka dhe po në gjithçka urrejnë të shëmtuarën. Ndaj dhe ndodh që dashurinë mes tyre e vleresojnë aq shumë, si të ishte ajo një Zot, pasi, siç shkruan njeri nga protagonistët e romanit “une vetëm këtij Zoti i falem, sepse vetëm tek ky Zot gjej parajsën tokësore. Parajsat e tjera për mua janë të huaja, ashtu sikurse jam unë i huaj për këto parajsa që gjenden kudo, veç jo në tokë”. Diku tjeter nje nga protagonistet e romanit shprehet keshtu, duke pasqyruar edhe simbolikisht gjithe mesazhin e autorit permes ketij libri: “Volteri ka thënë se, “ne do ta lemë këtë botë po aq të marrë dhe gënjeshtare, sa ç’e kemi gjetur kur kemi lindur”... Dhe nëse nuk mund të rregullojmë botën, pasi ajo do të vazhdojë të jetë gjithaq e marrë dhe gënjeshtare, kemi megjithatë një gjë shumë të rëndësishme në dorë: Të dashurojmë! Kështu do të jemi të denjë kundrejt botës dhe fatit, kundrejt të tjerëve dhe kundrejt vetvetes”.
Çmimi: 700 Lekë
Të gjitha të drejtat e rezervuara. © 2015 Librari Albania