"Elefantët" - një histori ku tregohet sesi një qytet përfundon nën thundrat e elefantëve dhe "Shtamba" - një histori e dhimbshme gjakmarrjesh që nis nga thyerja e një shtambe.

Një nga kryeveprat e letërsisë botërore për fëmijë dhe të rinj «Djemtë e rrugës "Pal"» (me titullin e përshtatur “Ushtari i lavdishëm Nemecek") vjen në gjuhën shqipe përkthyer nga shkrimtari Viktor Canosinaj.

“Pianistja belge” u botua në vitin 2009. Ky roman trajton fatin e grave të huaja që u martuan me burra shqiptarë dhe jetuan në Shqipëri gjatë shekullit XX, duke kaluar në shumë raste momente tragjike, burgje e persekutime. Në qendër të romanit është një grua belge, e cila martohet me një avokat shqiptar në vitin 1943 dhe fati i jetës së saj ndiqet deri në vitin 1991.

Dela dhe Erdi, dy gjimnazistë të vitit të tretë, përjetojnë dashurinë e tyre të parë, e cila ndesh në shumë vështirësi dhe të papritura. Në këtë histori përfshihen edhe familjet e tyre, të cilat përpiqen të tregohen sa më të kujdesshme me adoleshencën e fëmijëve të tyre. Romani shtjellon fatin e tre brezave: fëmijë, prindër dhe gjyshër, duke pasqyruar ndryshimet e mentalitetit nga njëri brez në tjetrin. "Nesër do të jetë ndryshe" është një roman që duhet lexuar nga prindërit dhe dhe fëmijët e tyre adoleshentë për të shmangur gabimet dhe konfliktet mes brezave.

Një ditë, në breg të detit, një djalë dhe qeni i tij gjejnë një valixhe të vjetër, brenda së cilës ndodhet një e fshehtë që do të ndryshojë plotësisht jetën e tyre. Për shkak të kësaj të fshehte ata nisin një sërë aventurash dhe marrin një arrati të gjatë drejt vendesh të panjohura, duke krijuar miqësi të reja dhe duke provuar forcën e karakterit të tyre. Çfarë fshihej vallë brenda në valixhe...?

Fati i dy njerëzve ndryshe në një shoqëri të mbyllur dhe paragjykuese, që luftojnë për të ndryshuar jetën e tyre...

Në shumë nga luftërat e pafunda të racës njerëzore pjesa më ë madhe e atyre që vishen me uniforme ushtarake nuk kanë lidhje as me luftën as me uniformën. Kjo është historia e jashtëzakonshme e një oficeri të Hitlerit dhe e një partizaneje shqiptare, e parë në një këndvështrim të ri për Luftën Nacionalçlirimtare.

Historia e jashtëzakonshme dhe prekëse e një djali shqiptar nga fshati Ishëm i Durrësit, i lindur me një talent të rrallë për pikturë, i cili falë përpjekjeve të tij, përkrahjes së njerëzve që e deshën dhe mbështetjes financiare të familjes mbretërore shqiptare dhe shtetit italian, që e ndihmuan të shkollohej, ia doli të bëhej një nga piktorët më të njohur të Italisë dhe Europës. Ky djalë quhej Ibrahim Kodra.

Historia e vecantë e jetës së një gruaje, e vendosur në tri periudha kohore: monarki, Luftën e Dytë Botërore dhe komunizëm; sfida që ajo i bën shoqërisë dhe moralit të saj fals në emër të një dashurie të madhe. Një histori për të gjitha gratë që sfidojnë kohën e tyre, një histori për të gjithë burrat që u qëndrojnë pranë

Një anilje shqiptare me origjinë ngafshati, prindërit dhe dy fëmijë adoleshentë, emigrojnë në SHBA, ku ndeshen me një sërë vështirësish dhe problemesh, të cilat duhen kapërcyer. Në roman trajtohet fenomeni i bulling-ut, i përhapur edhe në shkollat tona. Po ashtu një vend të spikatur zënë edhe marrëdhëniet fëmijë-gjyshër, të cilat në ditët tona po kalojnë një krizë.

“I pafund ishte oqeani” – Kjo është një vepër e ngritur mbi një simbolikë tepër të veçantë: udhëtimin e detyrueshëm nëpër oqeane të një mase njerëzish drejt një bote lumturie që nuk ekziston askund. Kjo masë njerëzish mbahet forcërisht në një anije gjigante dhe askush nuk e di çfarë do të ndodhë të nersërmen. Udhëtimi i tyre është metaforë e pasigurisë që e rrethon racën njerëzore në ditët tona, por edhe gjatë gjithë historisë së saj.

Burri ndjeu fare pranë aromë vajze. Flegrat e hundës po i çaheshin. Nuk mund të ndodhte që ta ngatërrronte atë aromë me aromën e ndonjë luleje që rritej në atë vend të huaj. Ishte aromë lëkure. Ndoshta flokësh. Ai u kthye në drejtim të murit të lartë prej guri që ndante kopshtin e tij me shtëpinë ngjitur dhe nuhati në ajër me pamjen e një kali në livadh në stinën e ndërzimit, që ngre kokën lart dhe tund jelet duke u dridhur i tëri. Për një çast iu bë sikur do të hingëllinte. Papritur u dëgjua një e qeshur e zgjatur grykore që të kujtonte rrjedhjen e një përroi mali nëpër gurë. Kurrë franku i kështjellave nuk kishte dëgjuar të qeshur aq robëruese. Duke çaluar paksa me këmbën e djathtë, ai kërkoi nëpër kopësht një shkallë druri me të cilën shërbëtori i tij krasiste pemët në pranverë dhe i vilte në vjeshtë. E gjeti, e ngriti në supin e majtë dhe u nis drejt murit, ndonëse e dinte mirë se po kryente një veprim rreptësisht të ndaluar. Kurrë mos e kapërce murin e një shtëpie myslimane, iu kujtuan fjalët e Mehmet efendiut, anëtarit më të rëndësishëm të divanit të pashallëkut, të thëna dikur, në javët e para të mbërritjes së tij në Janinë.

Viktor Canosinaj e nisi aktivitetin letrar në moshë të re, duke botuar vjersha e tregime. Libri i tij i parë, një novelë për fëmijë, u botua në vitin 1981. Në vitin 1984 u pasua nga një roman me temë historike po për fëmijë. Në vitin 1989 botohet romani i tij i parë për të rritur "Katër yje në qytet", i cili fitoi çmim kombëtar dhe tirazhi prej 8000 kopjesh u shit brenda një kohe të shkurtër. Pas një ndërprerjeje prej disa vitesh, Viktor Canosinaj i rikthehet përsëri letërsisë, kryesisht në romanin për të rritur dhe për fëmijë. Ai boton disa romane për të rritur dhe rreth 20 libra për fëmijë e të rinj, duke u bërë brenda pak viteve një nga autorët më të lexuar në vend. Ka fituar çmimin e Ministrisë së Kulturës për librin më të mirë për fëmijë e të rinj në vitet 1996 dhe 2002. Romani i tij "Meriyll" është renditur në Listën e Nderit të IBBY - it për vitin 2002. Pas një anketimi të kryer nga UNICEF - i, Lëvizja "Mjaft" dhe Shoqata e Botuesve Shqiptarë, në vitin 2006, Viktor Canosinaj u shpall shkrimtari më i lexuar për fëmijë e të rinj. Ai vazhdon ta ruajë këtë pozicion në mënyrë të pandryshuar dhe disa nga romanet e tij ndjekin rrugën në treg si bestseller. Viktor Canosinaj është gjithashtu autor i studimit " Nga Liza te Harri Poteri", studim kushtuar letërsisë për fëmijë. Ai ka përkthyer nga anglishtja dhe italishtja letërsi për fëmijë dhe të rritur. Ndërsa për fëmijë e të rinj ka përshtatur romanin "Don Kishoti i Mançës".

Në Janinën e kohës së Ali Pashës një arkitekt napolitan i arratisur nga vendlindja njeh një vajzë shqiptare myslimane. Fatet e këtyre dy njerëzve ndërthuren, ndërkohë që janë të rrethuar nga një mjedis i egër dhe armiqësor paragjykimesh, ku spikat figura e sundimtarit të Janinës. Një histori e rrallë njerëzore, që shkon përtej mureve ndarës të shoqërisë dhe kohës që i përket.

Një libër për të rinj të moshës 14-18 vjeç. Romani i përket zhanrit fantastiko-shkencor. Një grup të rinjsh gjimnazistë, gjatë një ore praktike mësimore nën det, bien robër të një baze të fshehtë ushtarake, nga e cila pritet që së shpejti të nisë një sulm për pushtimin e vendit të tyre. Të rinjtë humbin kujtesën, vetëm njëri prej tyre arrin t’i shpëtojë këtij kurthi dhe pas shumë rreziqesh kthehet në atdhe për të njoftuar në lidhje me ekzistencën e bazës.

Viktor Canosinaj e nisi aktivitetin letrar në moshë të re, duke botuar vjersha e tregime. Libri i tij i parë, një novelë për fëmijë, u botua në vitin 1981. Në vitin 1984 u pasua nga një roman me temë historike po për fëmijë. Në vitin 1989 botohet romani i tij i parë për të rritur "Katër yje në qytet", i cili fitoi çmim kombëtar dhe tirazhi prej 8000 kopjesh u shit brenda një kohe të shkurtër. Pas një ndërprerjeje prej disa vitesh, Viktor Canosinaj i rikthehet përsëri letërsisë, kryesisht në romanin për të rritur dhe për fëmijë. Ai boton disa romane për të rritur dhe rreth 20 libra për fëmijë e të rinj, duke u bërë brenda pak viteve një nga autorët më të lexuar në vend. Ka fituar çmimin e Ministrisë së Kulturës për librin më të mirë për fëmijë e të rinj në vitet 1996 dhe 2002. Romani i tij "Meriyll" është renditur në Listën e Nderit të IBBY - it për vitin 2002. Pas një anketimi të kryer nga UNICEF - i, Lëvizja "Mjaft" dhe Shoqata e Botuesve Shqiptarë, në vitin 2006, Viktor Canosinaj u shpall shkrimtari më i lexuar për fëmijë e të rinj. Ai vazhdon ta ruajë këtë pozicion në mënyrë të pandryshuar dhe disa nga romanet e tij ndjekin rrugën në treg si bestseller. Viktor Canosinaj është gjithashtu autor i studimit " Nga Liza te Harri Poteri", studim kushtuar letërsisë për fëmijë. Ai ka përkthyer nga anglishtja dhe italishtja letërsi për fëmijë dhe të rritur. Ndërsa për fëmijë e të rinj ka përshtatur romanin "Don Kishoti i Mançës".

“Ëndrrat e anijes me vela” – ( Për moshën 12-16 vjeç). Roman i llojit me probleme shoqërore. U botua në vitin 2003. Trajton botën e fëmijëve dhe të rinjve në kohën e diktaturës komuniste. Familja e Lorikut bëhet viktimë e një dënimi të padrejtë: babai i tij, drejtor i një uzine, burgoset për sabotazh, ndërsa pjesa tjetër e familjes internohet në një fshat të humbur. Shkatërrohen shumë gjëra në jetën e Lorikut dhe motrës së tij më të vogël, pikërisht në moshën e tyre më të bukur. Por duhet mbijetuar dhe fëmijët bashkë me nënën e tyre arrijnë të mbijetojnë me shumë sakrifica e vuajtje.

Roman i llojit fantazi dhe aventurë. U botua në vitin 1996 dhe fitoi çmimin e Ministrisë së Kulturës. Libri tregon fatin e një kali të rritur në liri, i cili bie rob te njerëzit, të cilët e shesin dhe e shfrytëzojnë gjatë gjithë jetës për punë dhe për luftë. Kali njeh mizoritë njerëzore, sidomos ato të luftës. Ëndrra e madhe e lirisë e çon kalin, me emrin Biri i Erës, drejt arratisë bashkë me shokët e një cirku shëtitës, ku punonte prej disa vjetësh. Më në fund ata shpëtojnë nga zgjedha e njerëzve.