titleToAlt
Befasues, drithërues, i mrekullueshëm, mahnitës - Gillian Flynn Ana Foks jeton e vetme në shtëpinë e saj në Nju jork, pa guxuar të hedhë këmbën jashtë saj. Ajo e kalon ditën duke pirë verë (ndoshta duke e tepruar pak), duke parë filma të vjetër, duke kujtuar kohët e vjetra dhe... duke spiunuar fqinjët... Derisa në shtëpinë përballë shpërngulet familja Rasëll, e përbërë nga nëna, babai dhe djali i tyre adoleshent. Një familje e përsosur! Por një mbrëmje, kur Ana pikas diçka të pazakontë nga dritarja, të cilën nuk duhej ta kishte dëshmuar, bota e saj nis të shembet dhe sekretet e errëta dalin në sipërfaqe. Çfarë është e vërtetë? Çfarë është fryt i imagjinatës? Kush është në rrezik? Në këtë triller diabolik, askush dhe asgjë nuk është ashtu si duket. “Një libër që nuk e lëshova nga dora deri në fund”- Stephen King
Çmimi: 1300 Lekë
titleToAlt
Vite më parë, një grua e re është zhdukur në pyllin pranë një resorti malor. Vite më vonë, një grua e re përndiqet nga një e vërtetë e fshehur. Ngjarjet reale e sureale zhvillohen brenda një kohe të shkurtër duke kthyer përmbys jetën e disa personazheve. Makthe pafund, frikë, dyshime që lidhin të tashmen me të shkuartën... Rimishërimi egziston? Po hakmarrja e përtejme? Të gjitha këto i gjeni brenda novelës Nightmares (makthe).
Çmimi: 400 Lekë
titleToAlt
”Të gjithë kanë tre jetë: një jetë private, një jetë publike dhe një jetë të fshehtë...” Gabriel García Márquez Në vitin 1999, pasi kishte botuar tre romane të shndërruara në kult, shkrimtari i njohur Natan Fawles njoftoi se nuk do të shkruajë më dhe tërhiqet në Bomont, një ishull i egër dhe sublim në brigjet e Mesdheut. Vjeshtë 2018, Fawles nuk ka dhënë asnjë intervistë të vetme për njëzet vjet. Ndërsa romanet e tij vazhdojnë të rrëmbejnë lexuesit, Matilda Monej, një gazetare e re zvicerane, mbërrin në ishull, tepër e vendosur për të zbuluar sekretin e tij. Të njëjtën ditë, trupi i një gruaje zbulohet në një plazh dhe ishulli mbyllet nga autoritetet. Pastaj fillon një përballje e rrezikshme midis Matildës dhe Natanit, ku përplasen të vërteta të fshehura dhe gënjeshtra të pranuara, ku preken rrëshqanthi dashuria dhe frika... “Ndërtuar me mjeshtëri! Asnjëherë Guillaume Musso nuk i ka rrëmuar karakteret e tij kaq mirë, nuk u ka dhënë atyre kaq thellësi psikologjike.” -Bernard Lehut - RTL “Shkrimi është gjithnjë po aq i rrjedhshëm, i mprehtë, që të lë pa frymë.” -Bernard Thomasson, - France Informacion “Një histori miqësish helmuese, thriller që (pothuajse) të gjithë prisnin.” -Pascale Frey - SHE “Midis Twin Peaks and Hitchcock-ut.” -La Republicca
Çmimi: 1200 Lekë
titleToAlt
Ngjarjet zhvillohen në vitin 1969, në Zonën e Ulet Lindore të qytetit të Nju-Jorkut. Janë përhapur fjalë për ardhjen e një gruaje mistike, një shtegtuese me fuqi të mbinatyrshme, e cila pretendon se është në gjendje t'i tregojë kujtdo ditën se kur do të vdesë. Fëmijët e familjes Gold - katër adoleshentë në pragun e vetëndërgjegjësimit - shkojnë fshehurazi tek ajo, për të dëgjuar fatin e tyre. Profecitë paraprijnë pesë dekadat e ardhshme të jetës së tyre. Simoni, djaloshi flokëverdhë, ia mbath për në Bregun Perëndimor, në San-Franciskon e viteve '80, në kërkim të dashurisë; ëndërrimtarja Klara bëhet një magjistare në Las Vegas dhe është e fiksuar pas përzierjes së realitetit dhe fantazisë; djali i madh, Danieli, përpiqet të ruajë sigurinë si mjek ushtarak; dhe Varya, e dhënë pas librave, ia ka kushtuar veten hulumtimeve mbi jetëgjatësinë, për të testuar kufirin midis shkencës dhe pavdekësisë. Duke qenë një roman i dyfishtë, një histori dashurie familjare verbuese dhe një roman gjithëpërfshirës i ambicies dhe i thellësisë së jashtëzakonshme, libri "Të pavdekshmit" trajton vijën delikate midis fatit dhe zgjedhjes, midis realitetit dhe iluzionit, të kësaj bote dhe asaj tjetrës. Ky libër është një testament thellësisht prekës i fuqisë së rrëfimit, i mënyrës së besimit dhe i lidhjes së ngushtë familjare.
Çmimi: 1300 Lekë
titleToAlt
NJË MARRËDHËNIE E NDËRLIKUAR NUSE-VJEHËRR, QË DO TË PËRFUNDOJË... ME NJË VDEKJE Që në çastin e parë kur u njoh me vjehrrën, Lusi e kuptoi se nuk ishte nusja që ajo kishte ëndërruar për djalin e saj “të përsosur". E sjellshme, miqësore dhe gjithmonë bujare, Dajana gjithashtu mban distance nga nusja e djalit, me gjithë përpjekjet e saj të vazhdueshme per t'ia fituar zemrën. Një gur themeli në shoqërine amerikane, ndihmëse e vajzave dhe grave refugjate dhe një grua e dashuruar marrëzisht me të shoqin edhe pas disa dekadash martese, askush nuk mund të thotë një fjalë të keqe për Dajanen, përveç Lusit. E gjitha kjo, deri para pesë vjetësh. Tani, Dajana ka vdekur dhe pranë trupit të saj është gjetur një letër, ku thuhet se ajo donte t'i jepte fund jetës, sepse, tekefundit, kanceri po ia merrte atë dalëngadalë. Vetëm se autopsia nuk gjen asnjë gjurmë kanceri në trupin e saj. Kush mund ta donte vdekjen e Dajanës? Pse e kishte ndryshuar ajo testamentin vetëm pak kohë para vdekjes?
Çmimi: 1200 Lekë
titleToAlt
I mbërrin një tufë me karafila të bardhë dhe një zarf me një pusullë. Për të kushedisatën herë... Kristian Taideli, shumë i ngarkuar me përgatitjet për të promovuar romanin e tij të parë, njeh në pusullën e bardhë që i ka ardhur pikërisht para një takimi me lexuesit, të njëjtën kaligrafi të kuruar që e përndjek prej mëse një viti dhe e humb toruan. I tregon Erika Falkut, këshilltares së tij të çmuar gjatë shkruarjes së romanit, për letrat anonime që ka marrë prej kohësh. Një i panjohur e kërcënon me vdekje dhe rreziku duket përherë e më afër. Ndërsa nga akulli përgjatë bregut peshkohet trupi i një miku të vjetër të Kristianit, i zhdukur në mënyrë misterioze tre muaj më parë, inspektori Patrik Hedstrom bindet që mes dy episodeve ka një lidhje dhe nis të hetojë. Ndërkohë Erika, në pritje të mundimshme të binjakëve, vendos të ndjekë një pistë krejt të sajën. Kush më mirë se ajo e njeh psikologjinë e një shkrimtari? E di mirë që, kur shkruan ndodh përherë që në ngjarjen e romanit të fuse diçka nga jeta e vet, E tashmja e Fjelbakës kapërthen tanimë drama të së shkuarës së largët, një zinxhir të tymtë shkak-pasojash që na kthen pas ndër vite, duke na berë të kuptojmë që sekretet nuk mund të varrosen përjetë dhe e shkuara kthehet për të na tronditur nga fillimi.
Çmimi: 1200 Lekë
titleToAlt
I ngatërruar, i akullt dhe i zjarrtë njëkohësisht, Gruaja midis nesh, shkruar nga Greer Hendricks dhe Sarah Pekkanen eksploron ndërlikimet e fshehta të një martese të lakmueshme dhe të vërtetat e rrezikshme, që ne i shpërfillim në emër të dashurisë. Kjo është historia e një ish-bashkëshorteje xheloze, e brejtur nga ankthi për gruan që i ka zënë vendin. Por është edhe ajo e vajzës që pret të martohet me burrin e ëndrrave të saj, e përkundur në shpresat e një nuseje të re. Pra, është historia e një trekëndëshi ku është e vështirë ta kuptosh cilit t'i zësh besë. Një histori dashurie dhe urrejtjeje, joshjeje dhe frike, tradhtie dhe lojërash pushteti, ku, njëlloj si në realitet, asgjë nuk është ashtu siç duket, sepse s'mund të ketë dashuri pa sekrete. Ka vetëm thërrime të vërtete pas gënjeshtrave. Apo gënjeshtra të vogla që, të mbledhura tok, bëjnë një të vërtetë. Një thriller me një mijë fytyra, që do t'ju mbajë të gozhduar me befasitë e tij.
Çmimi: 1250 Lekë
titleToAlt
Puthjet mizore vulosin heshtje, sanksionojnë aleanca, shpallin pafajësi dhe japin dënime. Puthje të pashlyeshme në buzë, për të farkëtuar një shpirt me shpirt, fati yt është fati im dhe për të gjithë fati është ligji i detit, ku nga gjuetar kthehesh sakaq në pre, Banda e Fëmijëve ka shtënë në dorë pushtetin, kontrollon sheshet e shpërndarjes së drogës në Forcella, por e vetme nuk mund të komandojë dot. Për të çrrënjosur familjet e Kamorrës dhe për të pasur në zotërim qendrën historike, Nikolas Marazhai duhet të krijojë një konfederatë me O'Dajtin dhe Bandën e Flokëgjatëve. Për të mos u shndërruar nga grabitqarë në pre, Fëmijët duhet të jenë të bashkuar si një grusht i vetëm. Por kjo nuk është aspak e lehtë. Çdo anëtar bande, në të vërtetë, rend ethshëm pas misionit të tij: Nikolasi dëshiron të bëhet mbret i qytetit, por ka edhe hakun e të vëllait për të marrë: Dragoit i rëndon mbi supe një mbiemër i rëndësishëm, fort e mundimshme ta mbash lart me nder, Dhomçi, I ndërkryer nga dhembja, ka dalë nga grupi i zjarrit dhe tani kërkon të eliminojë Marazhanë: Biskotushit I duhet të ruajë një sekret për të shpëtuar jetën; Pot’thosha nuk ia ka mbathur shumë larg: Droni, Peshku i Flashkët, Tukani, Briatoja dhe Lollipopi i qëndrojnë besnikë Nikolasit, por ëndërrojnë një bandë krejt të vetën... Mes allishverisheve, tradhtive, hakmarrjeve dhe shantazheve, familjet e vjetra i mbështesin për të mbijetuar ose orvaten t'u vënë shkopinj në rrota, duke mbjelle përçarje bash në gjirin e bandës. Mos pritet të shpërthejë një luftë e re? Vazhdon cikli Banda e Fëmijëve dhe Roberto Saviano kthehet të na rrëfejë për djemtë e ditËve tona, mizorë, të lindur në një tokë vrasësish e të vrarësh, të zhgënjyer nga premtimet e njË bote që asgjë s'iu fal aq më pak atyre. Të zijosur nga uria dhe sypatrembur nga mllefi. Te gatshëm të japin dhe të marrin puthje që lënë një shije gjaku.
Çmimi: 1200 Lekë
titleToAlt
NJË NOIR TRALLISËS QË I MBAN LEXUESIT TË MBËRTHYER PAS LIBRIT DERI NË FAQEN E FUNDIT, NUK KE NGA IA MBAN. Osloja është e shtrënguar në daren e një prej verave më përvëluese që mbahet mend në histori. Në një apartament të qendrës një grua e re dergjet e vdekur, në një pellg gjaku. Një gisht i është prerë nga dora e majtë dhe brenda qepallave i është fshehur një diamant i vockël pesëcepësh, ylli i djallit. Po atë çast, në një tjetër pikë të qytetit, Herri Holi dergjet në apartamentin e tij krejt i dehur. Gjithsesi, është pikërisht shefi i policisë, Bjarne Molleri, që e detyron të dalë nga izolimi ku e ka futur veten. Nuk ka shume personel në dispozicion, por, mbi të gjitha, dëshiron t'i japë Holit një mundësi të fundit. "Tani për tani, autori norvegjez i krimit. Madje, tani për tani, autori krimit dhe pikë." THE NEW YORK TIMES BOOKS REVIEW JO NESBØ ka shitur 30 milionë kopje të librave të tij në mbarë botën. Ndër këto përmendim: Lakuriqi i natës, Furrtaret, Gushëkuqi, Hakmarrja, YIli i djallit, Leopardi. Fantazma, Policia, Etje - të gjithë pjesë e serisë tejet fatlume me protagonist detektivin Herri Hol dhe thrillerat Gjuetari i kokave, Gjak dhe dëborë, Dielli i mesnatës.
Çmimi: 1200 Lekë
titleToAlt
“Një ndër shkrimtaret më të mëdhaja humaniste të Europës.” The Economist Një ndër veprat më të njohura të Olga Tokarczuk, një ndër shkrimtaret më të rëndësishme të panoramës së sotme letrare botërore: fituese e çmimit Nobel për Letërsinë dhe Çmimit International Man Booker Prize. 2018. Është historia e Janina Dushejkos, një inxhiniere në pension e vendosur në një fshat të largët malor ku ajo jep mësim në një shkollë të vogël, dhe po ashtu kujdeset për "shtëpitë verore". pronarët e të cilave e kalonin dimrin në qytet. Pasioni i saj janë astrologjia dhe poezia e poetit të madh mistik anglez të shek. XVIII-të, Ëilliam Blake. Jeta e saj, sidoqoftë, rrjedh e qetë, deri kur në fshat ndodhin një sërë vdekjesh misterioze. Fillimisht, policia mendon se bëhet fjalë për një rregullim hesapesh mes njerëzish të përfshirë në krim. Gati të gjithë viktimat janë pjesë e elitës lokale, të cilët po ashtu i lidhte pasioni për gjuetinë. Por Janina mendon se vrasja e tyre në të vërtetë, është një lloj ndëshkimi i merituar, aq më tepër kur gjurmët e gjetura në vendin e krimit të bëjnë të mendosh se vrasjet mund t'i kenë kryer. kafshët! Por kur Dushejko e parashtron këtë teori të saj, në fillim atë e marrin thjesht si një plakë të rrjedhur. por më pas ajo kthehet vetë në një ndër të dyshuarit kryesorë. Një roman i bukur, një thriller ekologjist e metafizik, i ndërtuar rreth një enigmë, në një stil që të kujton atë të veprave më të mira të Agatha Christie, duke na konfirmuar njëkohësisht se një thriller mund të shërbejë fare mirë si një instrument i fuqishëm i kritikës sociale.
Çmimi: 900 Lekë
titleToAlt
Verë e vitit 1975. Nola Kelergani, një vajzë 15-vjeçare zhduket në mënyrë misterioze në qytezën e qetë të Aurorës në Nju Hempshajër. Kërkimet e policisë nuk japin asnjë rezultat. Pranverë e vitit 2008, Nju-Jork. Markus Goldmani, një shkrimtar i ri i suksesshëm po përjeton një nga rreziqet më të mëdha të profesionit rë vet: është bllokuar dhe nuk mund të shkruajë asnjë rresht të romanit që duhet t'ia dorëzojë për shumë pak kohë botuesit të vet. Por diçka e papritur ndodh në jetën e tij: miku i tij dhe profesori i universitetit, Herri Kjuberti, një nga shkrimtarët më të famshëm të Amerikës, akuzohet për vrasjen e së resë Nola Kelergan. Kufoma e vajzës gjendet në kopshtin e vilës së shkrimtarit në Gus Kouv, në periferi të Aurorës, në breg të oqeanit. I bindur në pafajësinë e Herri Kjubertit, Markus Goldmani braktis gjithçka dhe shkon në Aurora për të bërë hetime. Pas më shumë se tridhjetë vjetësh, Markusi duhet t'i japë përgjigje pyetjes se kush e vrau Nola Kelerganin? Dhe, sigurisht, të shkruajë një roman të suksesshëm. "E vërteta mbi çështjen Herri Kjubert" është një lumë i rrëmbyeshëm që e mbështjell lexuesin dhe e merr me vete duke e përkundur nga faqja e parë deri tek ajo e fundit, është libri i verdhë i quajtur si një fenomen botëror editorial: gjenial, argëtues, pasionant, i aftë për të mahnitur në fillim Francën, pastaj gjithë botën mbarë.
Çmimi: 1400 Lekë
titleToAlt
LIBRI THRILLER MË I SHITUR NË BOTË, MË SHUMË SE 100 MILIONË KOPJE! "Kur lexon se çfarë ndodh pas kësaj, nuk do ta besosh, por do të vazhdosh të lexosh dhe dora-dorës që një ngjarje e pabesueshme ndiqet nga një tjetër edhe më e pabesueshme, do të lexosh i magjepsur. Gjithçka është krejtësisht e pamundshme dhe tejet interesante. Është romani mister më tronditës që Agatha Christie ka shkruar dhe, nëse ndonjë shkrimtar tjetër e ka tejkaluar ndonjëherë këtë, emri i tij i shpëton kujtesës sonë, sepse ne i referohemi, natyrisht, mistereve që kanë shpjegime logjike, siç është ky." -The New York Times Book Review Dhjetë persona krejt të panjohur për njëri-tjetrin janë ftuar të kalojnë një javë pushimi në një vilë të bukur në Ishullin Indian, pa ditur madje as emrin e mikpritësit bujar. E, megjithatë, secili prej tyre, dikush për kërshëri, dikush nga nevoja për pushim, dikush ashtu kot, e kanë pranuar ftesën. Dhe tashmë janë të gjithë aty, në atë ishull në mes të detit. Por kur mbërrijnë, nuk e gjejnë të zotin e shtëpisë t'i presë. Gjejnë vetëm një poezi të futur në kornizë dhe të varur mbi oxhakun e secilës dhomë. Gjatë darkës së parë të gjithë dëgjojnë nga dhoma ngjitur nëpërmjet gramafonit, një zë çnjerëzor e depërtues që buçet, duke i akuzuar të gjithë të ftuarit si vrasës. Për mysafirët e mbyllur si në një grackë, është fillimi i një ankthi pa fund. Dhjetë vrasës, të izoluar, viktima tashmë të një vrasësi të padukshëm. Të gjithë personazhet gjenden përballë njëri-tjetrit: fajtorë, akuzues, hetues dhe njëkohësisht vrasës. Derisa, në mënyra nga më të çuditshmet, vriten të gjithë dhe në ishull nuk mbetet më askush.
Çmimi: 800 Lekë
titleToAlt
Xhek Mekevoj është gazetar i kronikës së zezë në një gazetë lokale të qytetit të Denverit: profesioni i tij janë vdekjet e dhunshme. Kështu që kur Shoni, vëllai i tij binjak, detektiv në sektorin e vrasjeve në policinë lokale, gjendet i vrarë dhe mendohet se ka vrarë veten, ai gjykon se mënyra më e mirë për t'u përballur me këtë tragjedi, do të ishte të bënte atë që dinte të bënte më mirë: të shkruante për të. Por kur i futet punës të kërkojë të kuptojë arsyet që mund ta kishin shtyrë të vëllanë të vetëvritej, gjithnjë e më tepër bindet se jo vetëm që i vëllai s'e kishte vrarë veten, por se ai ishte viktimë e një vrasësi serial, i cili me sa duket kishte vrarë po ashtu një numër policësh të tjerë nëpër Amerikë. E vetmja gjurmë që vrasësi kishte lënë pas ishin disa vargje enigmatike nga Edgar Allan Poe. Dhe kështu Xheku nis të kërkojë të vërtetën e një historie që rezulton mjaft më e komplikuar nga ç'e kishte përfytyruar, nga e cila ai do mund të shkruante atë që padyshim kishte për të qenë vepra e jetës së tij, por sigurisht nëse ndërkohë s'do kthehej vetë në një viktimë. “Një roman që është e pamundur ta lëshosh nga dora... një kryevepër e vërtetë nga pena e një prej mjeshtërve të zhanrit të thriller-it.” - New York Times ‘Libri me të cilin Connelly u bë i njohur në mbarë botën, si mjeshtri i padiskutueshëm i letërsisë policore.” - François Busnel, Lire
Çmimi: 1200 Lekë
titleToAlt
Përmbledhja "Rikthimi i Sherlok Holmsit" përbëhet nga 13 tregime, të shkruara mes viteve 1902-1903, botuar në Revistën Strend në Londër. Autori deshi të bënte një pushim e ta mbyllte kapitullin e Sherlok Holmsit, ndaj tek tregimi Problemi i Fundit planifikoi vdekjen e personazhit kaq të famshëm. Mirëpo këmbëngulja e madhe e lexuesve të apasionuar pas detektivit gjeni e detyroi që të vazhdonte me rastet e vrasjeve që kërkonin zgjidhje. Te tregimi i parë i përmbledhjes Dojli shpjegon edhe rrethanat në të cilat Sherlok Holmsi kishte mbijetuar.
Çmimi: 1200 Lekë
titleToAlt
Pasi është dignostikuar me kancer, Enn Padrik vendos të hetojë mbi "vetërasjen" e së bijës dbe miqve të saj në një shtëpi pranë Viljandit. Zbulimi i misterit të vdekjes së vajzës do të kthehet në misionin perfundimtar të tij, në atë pak kohë jetë që i mbetet. Ai do të udhëtojë kryq e tërthor nëpër Bstoni, madje edhe në Francë, për të folur me ata që mund të kenë informacion sadopak të vfefshëm. Disa prej këtyre njerëzve duket sikur e prisnin ardhjen e tij, të tjerë refuzojnë të flasin. Pak e nga pak, gjurmët fillojnë e ndriçohen. Nga fundi i 1970-ës, e deri në mesin e viteve 2000, libri shpalos jetët e dy gjeneratave, ndryshimeve globale si dhe të shoqërisë estoneze në veçanti, Çalimin nga një boteë e së drejtës dhe të gabuarës, në një bote ku shumçka duket sikur nuk është as njëra e as tjetra.., por nevoja e pashtershme për gjetjen e të vërtetave absolute akoma nuk vanitet. Shkruar me një stil mbërthyes, Rein Raud sjell një vepër me personazhe të gjallë, pa tone të errëta hidhërimi apo moralizimi por me personazhe të fuqishme për jetën. "Një roman zemërthyes që meriton një audience të gjerë." —Kirkus Revieës "Eleganca në shkrimin e Raudit vjen nga thellësia që i jep edhe personazheve më periferikë, si dhe ritmi i kujdesshëm i fabulës. Teksa "Gjurmë brenge " hyn rrëmbyeshëm në një territor filozofik, në fund, struktura e këtij romani i jep përmasat e një thrilleri, gjë që e plotëson domethënien dhe arsyen edhe mbi çështjet e identitetit dhe ndikimit familjar. Vallë a ka mundësi që një person të ndryshojë kaq shumë sa që të mos njihet më-Raud thotë po - por kjo nuk e mohon dashurinë e një babai." — Laura Farmer, The Gazette "Edhe personazhet dytësore si ish kunata e Enn-it, dhe burri me të cilin ishte martuar ajo, si dhe çfarë i ka ndodhur asaj, përbëjnë histori në dukje të vogla, por mjaft interesante, dhe zbulojnë shumë enigma rreth në lidhje me Annit" — Complete Revieë
Çmimi: 1000 Lekë
titleToAlt
Sebastian Bergman-i është një burrë i zhytur në dëshpërim. Ka humbur gruan dhe djalin në cunamin që shkatërroi arkipelagun indian, ka hequr dorë nga puna si psikolog e dizenjues profilesh psikologjikë, ka rifilluar zakonin e vjetër duke sjellë çdo natë nga një grua të re në shtrat... Ndërsa kthehet në qytezën ku ka lindur, për të sistemuar dhe shitur shtëpinë e së ëmës, nuk do ta imagjinonte kurrë se do të gjendej ballë për ballë me kolegët e vjetër të skuadrës "Vrasjet", të cilët janë duke hetuar vrasjen e një djali gjashtëmbëdhjetëvjeçar, i larguar nga shtëpia dhe që ishte gjetur në kënetën përreth Vasteras-it, me zemrën të shkulur. Një rast i pahumbshëm për të rigjetur veten dhe shijen e sfidës që e kishte bërë atë një anëtar të pazëvendësueshëm të skuadrës, por sërish edhe të kridhet në një botë të cilën e njeh mjaft mirë dhe që ka mësuar ta urrejë që nga fëmijëria, me të cilën tani tani do t'i duhet të bjerë në paqe. «Nuk ishte një vrasës. Vijonte duke ia përsëritur vetes, teksa tërhiqte zvarrë kufomën e djalit përgjatë rrëpirës: nuk jam një vrasës. Vrasësit janë kriminelë. Njerëz të këqinj. Errësira I ka përpirë shpirtrat e tyre, ata kanë përqafuar errësirën duke i kthyer krahët dritës. Kurse ai nuk ishte i keq. Përkundrazi. E së fundmi, a nuk kishte treguar pikërisht të kundërtën? Nuk kishte lënë mënjanë ndjenja e vullnete, duke arritur madje të ushtronte edhe dhunë për të mirën e të tjerëve? Kishte kthyer përherë faqen tjetër, ja çfarë kishte bërë. Prania e tij aty, në atë pellgaçe me ujë në mes të asgjësë, me kufomën e djalit, a nuk qe një provë e mëtejshme e përkushtimit të tij për të bërë gjënë e duhur. Nuk do të tradhtonte më».
Çmimi: 1400 Lekë
titleToAlt
Kafka Tarnura, një i ri pesëmbëdhjetëvjeçar, largohet nga shtëpia me dëshirën edhe t'i shmanget profecisë edipiane të të atit, edhe të kërkojë motrën dhe nënën e tij të humbur prej kohësh. Ndërsa Kafka largohet, po njësoj ndodh edhe me Nakatan, një djalosh i ri leshko, jeta e të cilit është trazuar nga një vrasje e tmerrshme dhe që pas një incidenti gjatë Luftës së Dytë Botërore ka fituar aftësinë të komunikojë me macet. Ajo çfarë ndodh pas kësaj është një lloj odiseje e dyfishtë e tyre, jo të lidhura drejtpërdrejt, por me shtigje që krijonë lidhje mes tyre. Murakami dëshiron të mjegullojë kufijtë mes reales dhe surreales, me çudira marramendëse, por edhe me një rrëfim prekës mbi dashurinë, vetminë dhe miqësinë. Me raste autori shkon shpesh në rrëfime metafizike, si e folur dygjuhëshe, ngjarje që ndodhin jashtë kohe, duke e çuar fundin aty ku vetë Murami përpiqet vërtet t'u japë kuptim gjërave. Kështu lexuesi detyrohet të shkojë, sikurse karakteret e këtij libri, atje ku i shpie autori, pavarësisht në e pranojnë apo e kuptojnë atë.
Çmimi: 1800 Lekë
titleToAlt
Një grup i zgjedhur miniaturistësh të oborrit të' Sulltan Muratit të III-të, janë ngarkuar të përgarisin librin, që i plotpushtetshmi i Lindjes do t'ia bëjë dhuratë një të plotpushtetshmi në Perëndim. Libri duhet të shprehë fuqinë e perandorisë dhe aftësinë e miniaturës orientale për ta dhënë atë. Gjithçka është e fshehtë, por në punën e drejtuar nga Enishte Efendi, ka diçka ndryshe nga e zakonshmja e miniaturës së kohës. Ajo po kërkon të ndryshojë, të marrë detaje të reja, të panjohura dhe t'i përqaset elementëve perëndimorë të pikturimit, veçanërisht atyre të Rilindjes italiane. Të dyja format e artit janë të arrira, të dyja janë të përkryera. Cilën do të zgjedhin palët? Presioni, edhe pse i fshehur, duket i madh. Është koha e një fondamentalizmi të dhunshëm. Sakaq fillon saga e kundërshtisë së heshtur; miniaturistët vriten njëri pas tjetrit, dhe të tjerë pas tyre janë të kërcënuar. Simbolet e mbajnë dramën në pezulli deri në fund, bashkë me një linjë dashurie mes Zezit dhe Shekures, personazhit më fin të romanit, e cila mban peshën në bartjen e këtyre simboleve në rrëfim. «Unë jam e kuqja» është një thriller mjeshtëror letrar dhe një meditim i gjatë për dashurinë dhe devotshmërinë aitistike.
Çmimi: 1700 Lekë
titleToAlt
Ana, 29-vjeçarja, pas një disfate në dashuri, është në përpjekje të vazhdueshme të gjejë sërish lumturinë e saj dhe t’i shkëputet së kaluarës. Autorja na fut nëpër labirintet e shpirtit të Anës dhe në luftën e saj me vetveten, mentalitetin ballkanik të të atit të saj, si dhe të tabuve të prapambetura. Dukej sikur gjërat po merrnin drejtimin e duhur dhe Ana do të merrte në dorë biznesin e suksesshëm të prindërve të saj, një kafene komode diku në Çikago. Ndërkohë jeta e Anës merr jo vetëm kthesa të papritura, por edhe tragjike. Ajo është në listën e të dyshuarve për një vrasje dhe për zhdukjen e Karlosit, të dashurit të saj të ri, me të cilin ka pak kohë që është lidhur. Nëpërmjet ngjarjeve e zbërthimit psikologjik të karaktereve të personazheve, autorja përcjell mesazhin se si natyra jonë, në bashkëpunim me mjedisin ku dhe si jemi rritur, ndikojnë në formimin individual njerëzor. Ashtu si dhe në libra të tjerë të autores, ky triller është shkruar me një gjuhë të thjeshtë, tërheqëse, plot ngjarje që të mbajnë pezull e plot shtjellime ku ndonjëherë gjejmë përgjigjet e duhura.
Çmimi: 500 Lekë
titleToAlt
Një triller veçanërisht tërheqës nga autorja e bestsellerit Një familje thuajse e përsosur. Për lexuesin shqiptar që e ka lexuar romanin e parë të Jane Shemilt, është e njohur figura e Tedit, kryekirurgut me famë botërore, që befas përballet me një fatkeqësi të madhe: dikush i rrëmben vajzën. Dhe ku ishte Tedi, ndërkohë? Ku kishte qenë ai gjatë rritjes së fëmijëve dhe adoleshencës së tyre? Në romanin e dytë, Një shtëpi tepër e qetë, autorja rrëfen fatin e personazheve të njohura tashmë dhe të të tjerëve, që do të përfshihen në jetët e tyre. Për Betin takimi me Albin, kirurg me një karrierë në rritje, do të thotë të fillojë jetën nga e para dhe t'i kthejë shpinën së kaluarës. Tani Beti duket se ka gjithçka që dëshiron: një burrë të ri, një të ardhme të ndritshme përpara... Albi, i shoqi, duket se po kalon edhe ai një kohë të mbarë: mentori i tij, Tedi, i cili me autoritetin dhe sjelljen e përkryer mban frerët e spitalit, i ka lënë të kuptojë se ka ndërmend ta emërojë si "trashëgimtarin" e tij: kryekirurg, shkencëtar me një projekt ambicioz, dhe para, para pa fund. Por ai nuk e di ose ambicia e tij e pakontrolluar e pengon të dallojë diçka që tashmë ka zënë të kriset në jetën e tij të përsosur. Dhe nga larg mund të shihen rrufetë që paralajmërojnë ardhjen e një stuhie me përmasa katastrofike ... A ekziston vërtet një martesë e përsosur?
Çmimi: 1000 Lekë
titleToAlt
Kufoma, të cilën e zbuloi rastësisht gjatë një shëtitjeje Kerin Borg, avokatja nga Oslo, nderej aty në një anë. Shoku i saj i shkollës dhe admiruesi i përjetshëm, Hekon Sand, jurist pranë rajonit të policisë, caktohet për zbardhjen e kësaj çështjeje - së bashku me komisaren simpatike Hana Vilhelmsen. E vetmja pikë referimi duket se është një student holandez, i cili vetëm pak pas vrasjes kapet nga një patrullë policie. Atë e zë frika dhe paniku sapo ndodhet para avokatëve dhe këmbëngul që të mbrohet pikërisht nga avokatja Kerin Borgu. Shumë shpejt policia dyshon se prapa gjithë kësaj qëndron mafia e drogës. Pak kohë më vonë, gjendet i vrarë edhe një avokat nga Oslo. Hana Vilhelmseni ndodhet para një rasti të ndërlikuar, që e shpie në qarqet më të larta të shoqërisë norvegjeze: avokatë e funksionarë të drejtësisë, biznesmenë, politikanë të njohur...
Çmimi: 800 Lekë
titleToAlt
DETEKTIVJA LINDSEJ BOKSER HETON RASTIN MË TRONDITËS TËKARRIERËS SË SAJ Lindsej Bokser mëson të dashurojë sërish. Ajo përpiqet të vërë rregull në jetën e saj, pasi jeta e saj perfekte - si një jetë katalogu, me të shoqin Xho dhe me vogëlushen e tyre të bukur -përmbyset kur ajo zbulon se i shoqi i saj bënte një jetë të dyfishtë. Por përpara se ajo ta pranojë Xhonë përsëri në jetën e saj, qyteti i tyre i San Franciskos përballet me një kërcënim të paparë ndonjëherë në qytet dhe në vend. Kur rreziku i afrohet shumë qytetit, Lindsej dhe Xho i bashkohen kauzës së perbashkët se gjetjes së autorit të krimit, hidhen në aksion dhe arrijnë rezultate të shpejta. Ky rast fillimisht dhe në dukje i zgjidhur shpejt, pëson një kthesë 360 gradëkur i dyshuari i aktit terrorist kërçënon gjithçka që Lindsej ka luftuar fort për ta ngritur deri në ate pikë. As e vërteta nuk do të mund ta shpetojë Lindsejn teksa hetimi që ajo bën këqyret me kujdes dhe minohet nga një kriminel po aq briliant sa çdo avokat mbrojtës me pozitë të lartë dhe teksa motivet e saj vihen në pikepyetje nga çdokush që ajo mendonte se e mbështeste. Në një betejë dëshpëruese për karrierën e saj - dhe për jetën e saj - Lindsej duhet të lidhë hallkat e një konspiracioni vdekjeprurës, përpara një armiku djallëzor i cili jo vetëm e sfidon neë sallën e gjyqit por dhe i shpëton burgut, fajtor me gjak ndër duar. Një libër plot ankth dhe emocione të forta, karakteristikë e James Patterson-it shkrimtarit numër 1 bestseller në botë. Libri nr. 16, Joshja shtjellon rastin më të vështirë të Klubit të vrasësve të Grave dhe përson një emocion drithërues nga fillimi deri në fund.
Çmimi: 1000 Lekë
titleToAlt
Tregimet me te zgjedhura nga Agatha Christie, autores me te famshme te librave te vetdhe, mjeshtres se ndertimit te enigmave te pabesueshme policore qe e terheqin lexuesin si me magnet. Hetuesit me te jashtezakonshem te krijuar nga Agatha Christie jane: Mis Marpelli, protagonistja e nje cikli te tere romanesh te saj, nje heroine e jashtezakonshme, e cila e njeh me rrenje natyren njerezore dhe eshte ne gjendje ta zbuloje fajtorin pa levizur nga salloni i saj komod dhe i vjetruar. Personazh tjeter, po aq i njohur, eshte Hektor Puaro5 te cilit nuk ka arritur t'i shpetoje asnje kriminel nga duart dhe qe vete autorja e ka cilesuar nje gjeni me trurin plot e perplot me "qeliza te vogla gri". Secili prej tyre ka per te na ofruar nje zgjidhje te paparashikuar ose nje sekret per te zbuluar, duke na futur dalengadale ne boten e enigmave, suspansit, trillerit. Pra, ne boten e "zonjes se krimit".
Çmimi: 600 Lekë
titleToAlt
Agjenti legjendar dhe restauruesi i veprave te artit, Gabriel Alon eshte ne prag te emerimit si drejtor i Sherbimit Sekret Izraelit. Pak para se te merret vendimi , nje ndodhi e papritur e detyron ate te marre pjese ne nje operacion te fundit ne terren. ISIS-i ka organizuar nje sulm me bombe ne Paris, gje qe nxit qeverine franceze te vihet ne ndjekje te personit pergjegjes, para se ai te sulmoje serish. Nje terrorist ambicioz, i veshur me nje hije misteri. Rrjeti i tij perdor programe te sofistikuara kompjuterike dhe komunikon ne fshehtesi te plote, duke mos e lejuar Perendimin te depertoje ne planet e tij. Gabrielit nuk i mbetet veçse te infiltroje nje agjente ne grupin terrorist me te rrezikshem ne bote. Ajo eshte nje mjeke e re, e guximshme dhe e bukur. Misioni i saj i rrezikshem do ta coje nga periferite e Parisit, ne ishullin e Santorinit, ne realitetin e tmerrshem te kalifatit te Shtetit Islamik e ne fund, ne Uashington, ku Saladini planifikon nje nate te mbushur me terror, qe do te ndryshoje rrjedhen e historise.
Çmimi: 1400 Lekë
Të gjitha të drejtat e rezervuara. © 2015 Librari Albania