Nga autori bestseller i Neë York Times për librat “Fillo me pse” dhe “Liderët hanë të fundit”, na vjen një strukturë e guximshme për lidership-in, në botën e sotme që ndryshon vazhdimisht. Si mund të fitojmë në një lojë që nuk ka fund? Lojërat e fundme, si futbolli apo shahu, kanë lojtarë që dihen, rregulla fikse dhe një pikë fundore të qartë. Fituesit dhe humbësit identifikohen lehtë. Në lojërat e pafundme, ato që nuk kanë vijë finishi, si biznesi, politika, apo dhe vetë jeta, lojtarët vijnë e ikin. Rregullat në një lojë të pafundme janë të ndryshueshme sepse lojërat e pafundme nuk kanë një pikë fundore të përcaktuar. Nuk ka as fitues e as humbës - vetëm përpara dhe pas. Pyetja është, si të luajmë që të kemi sukses në lojën ku ndodhemi? Në këtë libër zbulues, Simon Sinek na ofron strukturën për të udhëhequr me një mendësi të pafundme. Nga njëra anë, askush nga ne smund t'i rezistojë emocioneve të shkurtra të një ngritjeje në detyrë apo të fitimit të një gare, e megjithatë këto triumfe zbehen shpejt. Në ndjekje të një kauze të drejtë, ne do t'i zotohemi një vizioni për një botë në të ardhmen që është kaq tërheqëse, saqë do ta ndërtojmë javë pas jave, muaj pas muaji, vit pas viti. Pavarësisht se nuk e dimë formën e saktë që do të marrë kjo botë, përpjekja për ta realizuar këtë i jep kuptim punës dhe jetës sonë.

A doni të përballeni me vetminë? Një shoqëri si jona, e cila ecën me ritme të shpejta, nuk e pranon vetminë. Të jetuarit vetëm shihet si veprim antisocial, madje për disa është diçka kërcënuese. Përse ndodh kështu, kur autonomia, liria personale dhe individualizmi vlerësohen më shumë se kurrë më parë? Kësaj pyetjeje, autorja Sara Maitland i përgjigjet nëpërmjet hulumtimit të qëndrimeve të ndryshme që ka mbajtur shoqëria njerëzore gjatë historisë. Ajo propozon eksperimente dhe strategji për të mposhtur frikën që kemi ndaj vetmisë, na ndihmon t'i praktikojmë ato pa ndjenjën e ankthit dhe na nxit të shohim sa e dobishme është vetmia për njeriun. Duke e përjetuar plotësisht përvojën e të qenit vetëm, mund të frymëzohemi për të zbuluar fuqinë tonë të brendshmë dhe të jetojmë një jetë më të pasur e më të plotë. Seria "Shkolla e jetës "përmban këta tituj: Si të përballemi me vetminë - Sara Maitland • Si të përballemi me sprovat e jetës - Christopher Hamilton Si të përmirësojmë shëndetin emocional - Oliver James • Si të përballemi me moshën - Anne Karpf .. Sara Maitland thekson se çdo qenie njerëzore ka nevoja spirituale dhe mistike, të cilat veç izolimi apo vetmia mund t'i përmbushë. The Indipendent Jetojmë në një shoqëri që e konsideron vetëvlerësimin si një provë të mirëqenies, megjithatë nuk duam të kemi një marrëdhënie të ngushtë me këta persona të admirueshëm, që bartin këtë cilësi. Ne i shohim konvencionet morale dhe sociale si pengesa të lirisë personale, por nga ana tjetër, frikësohemi kur dikush shkëputet nga turma dhe kultivon zakone "të çuditshme". Besojmë që secili ka "zërin” e vet unik dhe, para së gjithash, është krijues, por e shohim plot dyshim dhe mosbesim (në rastin më të mirë) këdo që përdor një nga metodat më të qëndrueshme të zhvillimit të aftësisë krijuese: të qenit vetmitar. Mendojmë se jemi qenie unike, të veçanta dhe e meritojmë lumturinë, por tmerrohemi nga vetmia.Pohojmë se liria personale dhe autonomia janë të drejta dhe të mira, mirëpo e konsiderojmë "të trishtuar, të çmendur ose të keq" këdo që e ushtron këtë liri në mënyrë të pavarur.

Në librin e saj "Ringjallja e erosit", Esther Perel merr në shqyrtim çështje të vështira, përballet me pengesat dhe ankthet që lindin kur kërkimi ynë për një dashuri të sigurt gjendet në konflikt me kërkimin e pasionit. Ajo na fron të eksplorojmë bashkimin paradoksal të përditshmërisë me dëshirën seksuale dhe shpjegon se ç'duhet bërë që epshi të bëhet sërish pjesë e jetës sonë. Gjatë punës së saj 20-vjeçare si terapiste, Perel-i ka trajtuar qindra çifte, të cilave u ka humbur flaka e pasionit. Ajo shpjegon që prirjet tona kulturore për barazi, solidaritet dhe dëlirësi absolute janë krejt në antitezë me dëshirën erotike që kanë të dyja palët, si burrat, si grarë. Poetika e seksit del shpesh nga kornizar e të qenit korrekte dhe nuk zbaton asnjëherë rregullat e imponuara nga shoqëria. Ajo lulëzon përmes lojërave të pushtetit, përfitimeve të padrejta dhe në hapësirën ndërmjet vetes dhe tjetrit. Seksi mund të jetë vërtet ngazëllues, lojcak, madje dhe poetik, por së pari duhet të nxjerrim nga dhoma e gjumit idealin e barazisë dhe ndjenjat familjare. Është libër i jashtëzakonshëm, ku shkrihen maturia, humori, thjeshtësia: libër që hedh dritë mbi një mori ndjesish, të cilat do ta shndërrojnë mënyrën se si jetojmë dhe dashurojmë. Ndërkohë që rutina e bën intimitetin më të fortë, krejt e kundërta mund të thuhet për erotizmin. Ai lulëzon kur ka elemente misterioze, të reja dhe të papritura. Dashuri do të thotë ta kesh tënden diçka, dëshirë do të thotë të duash ta bësh tënden. Në dashuri njeriu kërkon diçka te kapshme, ndërsa dëshira lidhet me diçka të pakapshme. Neve na intereson më shumë pasioni qe do ta karakterizoje dëshirën në të ardhmen, sesa si ka genë ajo në fillimet e saj. Por teksa çiftet mësohen me rehatinë që u fal dashuria, shpesh harrojnë ta ndezin flakën e dëshirës, madje harrojnë se zjarri ka nevojë për ajër. "Ringjallja e erosit" i kundërvihet haptas njërit prej institucioneve më të nderuara të të gjitha kohërave të historisë njerëzore: martesës pa seks”. -The New Yorker ‘‘Pyetja nëse ekziston seksi pas martesës, është po aq e rëndë sa pyetja a ekziston jeta pas vdekjes dhe barrën e saj mund ta marësh nga niveli i shqetësimit që mund të shkaktojë ajo edhe në një darkë gazmore. Kësaj pyetjeje mundohet t'i japë përgjigje Esther Perel-i.’’- The Guardian

Pak fjalë për autorët: Nazim Shtino ka lindur më 1940. Prej vitit 1965 ka ushtruar profesionin e psikiatrit, psikiatrit-ligjor dhe neurologut. Po kështu, ai ka kryer detyrën e mësimdhënies në Universitetin e Tiranës, Fakulteti i Drejtesise, në Fakultetin e Mjekësisë dhe në disa universitete jopublike. Në veprimtarinë e tij shkencore bëjnë pjesë këto monografi dhe tekste mësimore: 1.Psikiatria ligjore - Tiranë, 1975 2.Psikiatria ligjore - Tiranë, 1986 3.Personaliteti dhe çrregullimet e tij - Tiranë, 2001 4.Çregullimet seksuale - Tiranë, 2002 5. Çregullimet e gjumit - Tiranë, 2003 6.Psikiatria ligjore - Tiranë, 2004 7.Psikiatria ligjore - Tirane, 2011 8. Vlerësimi i shëndetit mendor tek të dënuarit me privim lirie - Tiranë, 2014 Redi Shtino ka lindur më 1974. Ka kryer studimet e larta në Universitetin e Bolonjës - dega Fakulteti i Juridikut Në vitin 2015, ai ka mbrojtur titullin doktor i shkencave juridike me temën: "E drejta parlamentare kushtetuese" pranë Universitetit Shtetëror Tiranë - Fakulteti i Shkencave Juridike. Po kështu, në vitin 2016 ka mbrojtur te drejtën për të ushtruar profesionin e avokatit. Autori ushtron veprimtari pedagoglike ne Universitetin Shtetëror te Tiranës (Fakulteti Juridik) dhe në disa universitete jopublike, prej vitit 2008 e në vazhdim. Prej vitit 2016, vazhdon veprimtarinë e tij profesionale pranë Ministrisë së Arsimit, Rinisë dhe Sportevë në sektorin e arsimit shkencor të lartë. Në veprimtarinë e tij shkencore ka kontribuar si bashkëpunëtor për hartimin e tekstit E drejta Proceduriale Civile e Bashkimit Europian dhe e Drejta Parlamentare e krahasuar. Gjeneza Italo-Shqiptare - Tiranë, 2017

Po sikur të mund ta ndryshonit jetën tuaj, sikur të kishit fuqinë dhe të bëheshit sundimtari i mbretërisë suaj? Unë mendoj se kjo është e mundur! Libri "Fuqia e mendimeve" është një histori e vërtetë që tregon se si unë përdora mendimet pozitive për të ndryshuar jetën time. Kur diagnostikohesh me një sëmundje të pashërueshme, kupton se shumica e kokëçarjeve të përditshme nuk janë aspak të rëndësishme. Gjithçka fashitet kur kupton se jeta është dhurata më e çmuar. Atë çast, fillon t'i kushtosh vëmendje çdo frymëmarrjeje dhe çdo sekonde që kalon, mendimi i vetëm që të vërtitet në mendje, është: "Çfarë duhet të bëj"? Sekreti qëndron te fuqia që keni brenda vetes. Të ndryshoni mënyrën e të menduarit për çdolloj situate me të cilën përballeni, është gjëja më e mirë që mund të bëni dhe libri "Fuqia e mendimeve" është udhërrëfyesi i duhur për të nisur rrugëtimin tuaj. Në fund të fundit, shëndeti qëndron përmbi gjithçka!

Libri "Në kërkim të kuptimit në jetë", shkruar nga Viktor Frankëlli, është një nga veprat më madhështore të epokës sonë. Në përgjithësi, nëse një libër ka një fragment, një ide që mbart fuqinë për të transformuar jetën e njeriut, kjo është një arsye e mirë për ta lexuar, për ta rilexuar dhe për ta vënë në reshtin e parë të raftit. Ky libër ka shumë fragmente të tilla. Para së gjithash, ky është një libër për mbijetesën. Si shumë hebrenj nga Gjermania dhe Evropa Lindore, të cilët mendonin se ishin të parrezikuar në vitet 1930, Frankëlli përfundoi në rrjetin nazist të kampeve të përgendrimit dhe shfarosjes. Ai shpëtoi për mrekulli. Mbijetoi ashtu siç thuhet në Bibël: "një urë zjarri e shkëputur nga zjarri". Por rrëfimi i tij në këtë libër ka të bëjë më shumë me burimet e forcës për të mbijetuar sesa me mundimet, vuajtjet dhe humbjet që përjetoi. Disa herë në këtë libër, Frankëlli konfirmon shpesh thënien e Niçes: "Ai që ka një Arsye për të jetuar, mund të përballojë çdo mënyrë jetese". Ai përshkruan me tone prekëse ata të burgosur që hoqën dorë nga jeta, që kishin humbur gjithë shpresën për të ardhmen dhe vdiqën pashmangshmërisht të parët. Ata vdiqën më shumë për shkak të mungesës së shpresës, mungesës së një kauze për të jetuar, sesa për shkak të mungesës së ushqimit apo ilaçeve

Krejtësisht i ri dhe origjinal... Forca e karakterit pastron paragjykimet se sa larg mund te na çoje potenciali ynë ... Blijeni. jepuni kopje miqve tuaj dhe tregojini botës se ka në fakt, shpresë.Të gjithë mund të shkëlqejme". -SUSAN CAIN. autore e librit "Quiet: The Power of Introverts in aWorld That Can't StopTalking' "Forca e karakterit është një përgjigje bindese dhe e mahnitshme ndaj kultit të fondamentalizmit të IQ-së (koeficienti i inteligjencës). Duckworth na kujton se karakteri dhe këmbëngulja i veçojnë të suksesshmit". —MALCOLM GLADWELL. autor i librave 'The Tipping Point, 'Blink' dhe 'Outliers" "Forca e karakterit do t'ju ndryshojë jetën. Ky libër magjepsës, rigoroz dhe praktik, është i destinuar të bëhet një klasik në literaturën e suksesit". -DAN HEATH. bashkautor i librave 'Made to Stick', 'Switch', dhe 'Decisive' "Tërësisht mahnitës, frymëzues dhe origjinal... Sapo të nisni të lexoni librin Forca e karakterit, nuk do ta hiqni dot nga duart". -AMY CUDDY, pedagoge në Harvard Business School dhe autore e librit "Presence" Në këtë libër të domosdoshëm për këdo që kërkon të arrijë sukses, psikologja pioniere, Angela Duckworth, u tregon prindërve, studentëve, edukatorëve, atletëve dhe biznesmenëve (me dhe pa përvojë), se sekreti i arritjes së jashtëzakonshme nuk është talenti, por kombinimi i veçantë i pasionit dhe këmbënguljes të cilën ajo e quan "forcë karakteri, vendosmëri". Duke marrë nga historia e saj personale si vajza e një shkencëtari që ia vinte shpesh në dukje mangësinë e "gjenisë", Duckworth, tashmë një studiuese dhe pedagoge e mirënjohur, përshkruan përvojat e saj të hershme që i hapën sytë në mësimdhënie, konsultime për bizneset dhe në neuro-shkencë, dhe që çuan drejt hipotezës se ajo çfarë e sjell suksesin nuk është "gjenia", por një kombinim unik i pasionit dhe këmbë-nguljes afatgjatë. Në librin Forca e karakterit, ajo e çon lexuesin në terren që të vizitojë kadetët që sfiliten nga ditët e para të trajnimit në Ëest Point, mësuesit që punojnë në disa nga shkollat më të vështira, dhe finalistët e vegjël në Konkursin Kombëtar të Gërmëzimit. Ajo gjithashtu shfrytëzon informacione të mrekullueshme nga historia dhe tregon se çfarë mund të mësohet nga përvojat moderne në performancën e lartë. Së fundmi, ajo ndan ato që ka mësuar nga intervistat që ka kryer me dhjetëra persona të suksesshëm, që nga CEO-ja i bankës J. P. Morgan, Jamie Dimon, karikaturisti i revistës New Yorker, Bob Mankoff, te trajneri i skuadrës Seattle Seahawks, Pete Carroll.

"Vetëm sepse gjithçka duket një rrëmujë, nuk do të thotë se edhe ti duhet të jesh i tillë. Libri i Mark Manson-it është një thirrje për një jetë dhe botë më të mirë, e nuk mund të jetë më i domosdoshëm se tani". – Ryan Holiday, autor bstseller i New York Times për “Pengesa ëhstë rrugëdalja” dhe “Egoja është armiku” "Mark Manson vazhdon të analizojë pyetjet për lumturinë dhe mirëqenien njerëzore në mënyra kreative e të paparashikuara. Rezultati është një libër lehtësisht i kuptueshëm që trajton disa nga pyetjet e thella mbi drejtimin e botës sonë, dhe si të kujdesemi më mirë për veten (dhe njëri-tjetrin) derisa të mbërrijmë destinacionin". -SCOTT BARRY KAUFMAN, PhD, pedagog i psikologjisë në Universitetin e Kolumbias dhe prezantues i emisionit The Psychology "Mark Manson ia ka dalë mbanë t'i shpjegojë botën e çmendur një brezi të tërë, duke cituar nga shkenca, nlozofia morale, me plot zgjuarsi dhe humor. Ky libër do t'ju bëjë të qeshni, të vini në pikëpyetje besimet tuaja, dhe me shpresë do t'ju ndryshojë jetën". —NIR EYAL, autor bestseller i librave Hooked dhe Indistractable Jetojmë në një epokë interesante. Nga ana materiale, gjithçka është më mirë se kurrë më parë: jemi më të lirë, më të shëndetshëm dhe më të pasur se kushdo në historinë e njerëzimit. E megjithatë, duket sikur çdo gjë është dhjerë në mënyrë të tmerrshme e të pariparueshme - planeti po ngrohet, qeveritë po dështojnë, ekonomitë po përmbysen, dhe të gjithë ofendohen vazhdimisht në rrjetet sociale. Në këtë moment të historisë, kur kemi akses në teknologji, edukim dhe komunikim të cilat paraardhësit tanë mund vetëm t'i ëndërronin, shumë nga ne ndihen të pashpresë. Tashmë, në librin Çdo gjë është fucked, Manson e kthen vëmendjen nga defektet e pashmangshme të secilit prej nesh, te katastrofat e panumërta që po ndodhin në botën përreth. Duke marrë nga studimet psikologjike që janë bërë mbi këto tema, si dhe nga mençuria e përjetshme e filozofëve si Platoni, Niçja, Tom Waits, ai analizon fenë, politikën, dhe mënyrat shqetësuese se si të dyja po i ngjasojnë njëra-tjetrës. Ai flet për marrëdhënien tonë me paranë, argëtimin, internetin, dhe se si gjërat e mira me tepricë mund të na hanë të gjallë nga ana psikologjike. Ai kundërshton hapur përkufizimet tona të besimit, lumturisë, lirisë, dhe madje vetë shpresës.

Unë besoj se ne duhet të përballemi me vdekjen, ashtu siç përballemi me frikëra të tjera. Duhet të mendojmë për fundin tonë final, të familjarizohemi me të, ta zbërthejmë e ta analizojmë, ta arsyetojmë dhe të heqim dorë nga shtrembërimet tmerruese të fëmijërisë për vdekjen. Të mos arrijmë në përfundimin se vdekja është tepër e dhimbshme për t'u përballuar, që mendimi do të na shkatërrojë, që përkohshmëria duhet të mohohet, në mënyrë që e vërteta të mos e bëjë jetën të pakuptimtë. Një mohim i tillë kërkon gjithmonë një çmim - mpakjen e jetës sonë të brendshme, mjegullimin e syve tanë, topitjen e racionalitetit tonë. “Ideja, që ankthi i përballjes me vdekjen mund të sjellë një zgjim për jetën, dredh fort telat e zemrës.” — BOOKSELLER “Yalom-i është Shehrazadja e divanit terapeutik, puna e tij një ushtrim i mrekullueshëm në artin e tregimtarit.” — NEW YORK TIMES

Robin Sharma, lideri dhe eksperti i performancës elitare, prezantoi konceptin Klubi 5 e mëngjesit 20 vjet më parë, bazuar në një regjim mëngjesi revolucionar. Ky koncept ka ndihmuar klientët e tij të rrisin produktivitetin e tyre, të bëhen më të shëndetshëm dhe të ruajnë qetësinë shpirtërore në këtë epokë jashtëzakonisht të ndërlikuar. Në këtë libër revolucionar, punë rigoroze 4-vjeçare e autorit, ju do të zbuloni zakonin e të ngriturit herët, që ka ndihmuar kaq shumë njerëz të arrijnë rezultate të mahnitshme, duke rritur lumturinë, dashamirësinë dhe ndjesinë e të qenit gjallë. Përmes një historie të këndshme dhe shpesh argëtuese me dy të huaj që takojnë një pasanik ekscentrik, i cili bëhet mentori i tyre i fshehtë, Klubi 5 e Mëngjesit është: ■ një tregues se sa shumë njerëz të mençur në botë e flllojnë mëngjesin e tyre me një metodë të caktuar, për të pasur rezultate mahnitëse; ■ një formulë për t'u zgjuar çdo ditë në 5 të mëngjesit, duke u ndier të frymëzuar, të përqendruar dhe të mbushur plot me energji; ■ një metodë që ju krijon mundësi të keni kohë edhe për të pushuar, edhe për t'u stërvitur, edhe për t'u argëtuar, edhe për t'u rritur individualisht; ■ një praktikë e bazuar në neuroshkencë, që ndihmon në ngritjen shpirtërore, duke ju dhënë kohë të çmuar që të mendoni, të shprehni krijimtarinë tuaj dhe të fllloni ditën në mënyrë paqësore, në vend që të shpejtoni për gjithçka; ■ një libër që nxit besimin tuaj për të arritur më të mirën e për të kapur majat. Nëse i vini synim vetes për t'i realizuar qëllimet e tuaja, mund t'ia dilni! Një libër që do t'jua ndryshojë jetën përgjithmonë!

JETËSHKRIM Zekerija Idrizi lindi në vitin 1969, në lagjen e Dizhonit në Shkup. Shkollën fillore dhe të mesmen "Medreseja Isa Beu" i kreu me sukses, me rezultatin "shkëlqyeshëm", në Shkup. Studimet i ndoqi në religjion dhe filozofi, pranë Fakultetit të Shkencave Islame, në Sarajevë. Botoi qindra shkrime në revistën informative, kulturore e shkencore islame "Hëna e re', organ ky i Bashkësisë Fetare Islame, në Maqedoni. Herë pas herë, botoi edhe në gazetat të tjera shqip si në: "Flaka" (Shkup), "Fakti" (botimi në diasporë dhe Shkup), "Koha ditore" (Prishtinë) dhe "Bota sot" (Cyrih). Gjithashtu botoi edhe në revistat: "Familja" (Tiranë) dhe'"Dituria islame” , organ ky i Bashkësisë Islame të Kosovës. Deri më tani ka përkthyer nga boshnjakishtja veprën kapitale "E drejta islame" të autorit dr. Jusuf Kardavi dhe si ështëbashkëpërkthyes nga arabishtja për veprën: "Tc vërtetat esenciale të Islamit" të autorit Abdullah Sead.

1. Asnjëherë mos errësoni figurën e eprorit tuaj. 2. Mos tregoni besim të madh te miqtë tuaj, mësoni si t'i përdorni armiqtë tuaj. 3. Fshihni synimet tuaja. 4. Përherë të thoni më pak nga sa është e nevojshme. 5. Varet shumë nga dinjteti -mbrojeni atë me jetën tuaj. 6. Kujdesuni të jeni në qendër të vëmendjes me çfarëdolloj çmimi. 7. Vini të tjerët të punojnë për ju, por gjithnjë ta korrni ju lavdinë dhe njohjet e tyre. 8. Bëni të tjerët të vijnë te ju - përdorini si karrem, nëse është e domosdoshme. 9. Fitoni me veprimet tuaja, asnjëherë me bashkëbisedim dhe mosmarrëveshje. 10. Kujdes, rrezik infeksioni: largohuni prej mjeranëve dhe fatkeqëve. 11. Bëjini njerëzit që të varen nga ju. 12. Përdorni ndershmërinë e duhur dhe bujarinë, që të çarmatosni viktimën tuaj. 13. Kur kërkoni ndihmë, mbështetuni tek egoizmi i të tjerëve, asnjëherë te dhembshuria ose bujaria e tyre. 14. Bëni miq dhe punoni si spiun. 15. Thërrmojeni armikun tuaj plotësisht. 16. Përdorni mungesën, që të rrisni respektin dhe ndikimin që ju japin të tjerët. 17. Mbajini të tjerët në një gjendje terrori të zgjatur: kultivoni një atmosferë të paparashikueshme. 18. Mos ndërtoni fortesë që të mbroheni - vetmia është e rrezikshme. 19. Të dini me cilin keni të bëni - mos dëmtoni njeri të gabuar. 20. Mos u ngatërroni me asnjë njeri. 21. Bëni si klloun që të ngrini kurth për një palaço - të dukeni budalla për qëllimet tuaja. 22. Përdorni taktikën e dorëzimimit: kthejeni dobësinë në forcë. 24. Luani rolin e oborrtarit të përkryer. 25. Rikrijoni vetveten. 26. Mbajini duart tuaja të pastra. 27. Përfitoni nga nevoja e njerëzve të cilët ju besojnë, që të mund të krijoni përkrahës të cilët do t'ju adhurojnë. 28. Veproni me guxim. 29. Bëni plane të studiuara mirë. 30. Kujdesuni që arritjet tuaja të duken të lehta. 31. Kontrolloni zgjidhjet e ndryshme: vendosini të tjerët të luajnë me letrat që u shpërndatë. 32. Shfrytëzoni fantazitë e të tjerëve. 33. Zbuloni vidën e çdo njeriu. 34. Të jeni mbret me mënyrën tuaj: veproni si një mbret dhe të tjerët të sillen ndaj jush si të ishit mbret. 35. Përkryeni artin tuaj të sinkronizimit. 36. Përbuzni gjërat që nuk mund t'i fitoni dhe hakmarrja më e mirë është t'i injoroni. 37. Shfaquni mbresëlënës në publik. 38. Mendoni si të doni,por silluni si gjithë të tjerët. 39. Turbulloni ujërat, që të kapni peshk. 40. Përbuzni gjithçka që është dhuratë. 41 Largohuni të ndiqni gjurmët e një burri të madh. 42. Nëse do të vrisni çobanin, bagëtia do të shpërndahet. 43 Punoni sipër zemrave dhe mendjeve të njerëzve. 44. Çarmatosini dhe zemërojini me mashtrimin e pasqyrës. 45. Bëjeni të ditur nevojën për ndryshim, por mos bëni shumë reforma të menjëhershme. 46. Asnjëherë të mos dukeni i përkryer. 47. Mos shkoni më tej se objektivi juaj, mësoni se kur duhet të qëndroni dhe kur jeni fitimtar. 48. Të jeni të zhdërvjellët.

Njëri nga njerëzit më të pasur në botë, Warren Buffett, e admironte kaq shumë mendësinë dhe mësimet e Dale Carnegie-t, saqë me të drejtë shprehej: "Në zyrën time nuk do ta shihni të varur diplomën nga Universiteti i Nebraska-s. Nuk do ta shihni të varur as diplomën nga Universiteti i Columbia-s. Në zyrën time do ta shihni të varur certifikatën e diplomimit 'Dale Carnegie' të cilën e mbaj me shumë krenari."

Çdo punë kërkon mund e sakrificë. E pra, edhe problemi i martesës suaj kërkon të impenjoheni dhe madje “të investoni”. Dhe mos harroni: Nuk është turp të kërkosh të martohesh… Vetëm se nëse mendoni që ka ardhur koha për t’u martuar, mos lejoni askënd t’ua ndryshojë rrjedhën e jetës… Përndryshe jeta ikën dhe pasuria më e madhe që do t’ju mbetet si çiflig prej vetmisë suaj është menopauza dhe shumë-shumë ndonjë kone e vogël për t’ju bërë shoqëri. Prandaj, zgjohu! Ti nuk je e destinuar të mbetesh vetëm. Familja, është vlera më e madhe e marrëdhënieve njerëzore. -Rovena (përkthyesja)

Një roman misterioz marramendës... Yalom sjell në këtë veprër artistike një mjeshtëri autentike të teknikave të psikoterapisë si edhe një gjenialitet për t 'i treguar lexuesit se çfarë shtillet në të vërtetë në kokën e një psikoterapisti teksa ai ose ajo është duke trajtuar dikë. — LOS ANGEL TIMES Një rrëfenjë e koklavitur gazmore... Ky mund të jetë romani më zbavitës dhe më i ndjeshëm i shkruar për psikanalizën. — SAN JOSE, MERCURY TIMES Depërtimi i Yalom-it nëprofesionin e tij është i mprehtë e i pamëshirë, që të sjell në mendje Oliver Sacks-in dhe Stud Turke-in. Ky është një roman për këdo që dëshiron të dijë se si punon me të vërtetë mendja e një psikoterapisti. — SAN FRANCISCO CHRONICLE

Të paktën një e treta e njerëzve që njohim, janë intovertë. Ata preferojnë të dëgjojnë, në vend që të flasin: të krijojnë, por jo të promovohen: të punojë në vetmi dhe jo në grup. Ky libër është për intovertët: për Roza Parksin, për Shopenin, për Dr. Suajsin, për Stiv Uozniakun, të cilëve shoqëria jonë u detyrohet aq shumë! Në librin ‘’Pushteti i të heshturve’’, autorja pohon se ne shpesh i nënvlerësojmë intovertët, por humbasim shumë duke e bërë këtë. Ajo rrëfen ngritjen e idealit të ekstrovertit në shekullin e njëzetë dhe se sa gjerësisht është përhapur ky fenomen në kulturën tone.Përveç këtyre, na prezanton me intovertë të sukseshëm. Susane Cain Ka hulumtuar me pasion dhe ka sjellë këto histori të vërteta. Ky libër ka fuqinë të ndyshojë këndvështrimin e të gjithëve për intovertët, por edhe mënyrën se si e shohin ata veten.

Udhëzues për fëmijë: si të mposhtin problemet me gj aknxehtësinë A e dije se zemërimi është si zjarri? Ai fillon me një shkëndijë, na mbush me energji dhe na nxit. POR AMA, mund të na dalë nga kontrolli, duke bërë që të përfundojmë në telashe. Nëse je fëmijë që merr flakë shpejt, që zemërimi të shpërthen shpesh dhe që inati yt bëhet i papërmbajtshëm, atëherë ky libër është pikërisht për ty. Udhëzuesi Çtë bësh kur të shpërthen zemërimi i orienton fëmijët dhe prindërit përmes teknikave konjitive-sjellore, të cilat përdoren per trajtimin problemeve me zemërimin. Shembujt përfshirës, ilustrimet e gjalla dhe udhëzimet hap pas hapi u mësojnë fëmijëve një sërë metodash "për ta racionuar" zemërimin, "për t'i ftohur" mendimet gjaknxehta, si dhe për t'i mbajtur nën kontroll veprimet e zemërimit, duke i bërë fëmijë të qetë dhe efektivë. Ky libër ndërveprues vetë-ndihmës është një burim gjithëpërfshirës për edukimin, motivimin dhe fuqizimin e fëmijëve që i ndihmon ata të ndryshojnë për të mposhtur zemërimin.

Nëse keni ëndërruar ndonjëherë për një jetë më të mirë, libri Pushtet i pakufishëm do t'ju tregojë si të arrini atë cilësi të jashtëzakonshme jetese që e dëshironi dhe e meritoni dhe si të zotëroni jetën tuaj personale dhe profesionale. Anthony Robbins u ka vërtetuar miliona njerëzve përmes librave të tij, regjistrimeve dhe seminareve, se duke shfrytëzuar fuqinë e mendjes mund të bëni, keni, arrini dhe krijoni gjithçka që dëshironi për jetën tuaj. Ai u ka treguar krerëve të shteteve, familjeve mbretërore, atletëve Olimpikë dhe profesionistë, yjeve të filmave dhe fëmijëve se si të arrijnë atë që duan. Me Pushtet i pakufishëm, ai zbulon me pasion dhe rrjedhshinëri, shkencën e arritjes personale dhe ju mëson: • Si të zbuloni se çfarë doni vërtct • Shtatë gënjeshtrat e suksesit • Si të riprogramoni mendjen tuaj brenda pak minutave për të eliminuar frikën dhe fobitë • Sekreti për të krijuar raport të menjëhershëm me cilindo që takoni . • Si të dubloni suksesin e të tjerëve • Pesë çelësat e pasurisë dhe të lumturisë Pushtet i pakufishëm është një libër trajnues revolucionar për mendjen. Do t'ju tregojë, hap pas hapi, si të veproni në maksimumin tuaj ndërsa fitoni liri emocionale dhe financiare, arrini lidership dhe vetëbesim, dhe siguroni bashkëpunimin e të tjerëve. Do t'ju japë njohurinë dhe kurajën që të ribëni veten dhe botën tuaj. Pushtet i pakufishëm është një libër udhëzues për performancën e lartë, në një epokë suksesi.

Dashuria nuk përcaktohet nga sasia, po nga cilësia. Dashuria rritet kur ju e ndani me dikë/ dhe vdes kur e mbani në vetvete. Nëse jeni dorështrënguar në dashuri -ajo do të shuhet. Harxhojeni veten tuaj. S'ka rendesi kujt ia jepni dashurine tuaj - ky mendim e varfëron mendjen. "Do t'ua fal dashurinë njerëzve me cilësi të caktuara", -thotë koprraci. Ju nuk e kuptoni se brenda jush ka shumë dashuri, një re e tërë, për të cilen s'ka rëndësi vendi ku do të derdhet: mbi gurë, kopshte, oqean.

Pastrimi është një meditim më i thellë se përgatitja. Njeriu do ta kishte të lehtë të përgatitej, por pastrimi presupozon një zhytje më të thellë në meditim, zhytje të plotë, që të transformohet gjithcka e padenjë tek njeriu. Të gjitha ndjenjat si urrejtja, zilia, makutëria kanë energji. Kur këto ndjenja zhduken, energjia e çliruar ju jepet në formë të pastër. Kurse ndjenjat e padenja me të vërtetë mund të zhduken. Makutëria shndërrohet në mëshirë e bujari, urrejtja - në dashuri. Të gjitha të metat shndërrohen në një kopsht të lulëzuar.

Friedrich Nietzsche ka qënë një ndër mendimtarët më subversiv dhe revolucionar në filozofinë perëndimore dhe Kështu foli Zarathustra mbetet vepra më e famshme dhe më me ndikim e tij. Përshkruan profetin antik persian Zarathustrën dhe zbritjen e tij nga vetmia në male për t'i treguar botës se Zoti ka vdekur dhe se mbinjeriu, rnishërimi njerëzor i hyjnores, është pas-ardhësi i tij. Me fuqinë që shndrit dhe poetikën madhështore, Nice argumenton se kuptimi i jetës nuk duhet kërkuar në devocionet fetare a nënshtrimet përulëse por në forcën e jetës së plotfuqishme: pasionante, kaotike dhe të lirë.

Dashuria më është dukur gjithmonë ndjenja njerëzore më e fuqishme dhe më pak e studiuar, e rrethuar dhe e mbrojtur nga një mori e trefishtë paragjykimesh, misteresh dhe hipokrizish, të cilën njerezit e qytetëruar shumë shpesh e njohin me anë të vjedhjes së trupit. Poetë, filozofë artistë e ligjvënës i shkëpusin pak nga pak zotit të madh një copë nga rrobat dhe mishi i tij dhe nxitojnë ta fshehin mirë atë si vjelja e një fruti të ndaluar. M’u duk një punë e madhe ta studjoja dashurinë si një dukuri të jetës dhe një forcë gjigante, e cila shpaloset në njëmijë mënyra në raca dhe kohe të ndryshme: ta studjoja si një bazë e shëndetshme e individit dhe e brezave dhe mendova se qe një nder edhe vetëm të provoja ta bëja këtë.