Harriet Menërs di shumë gjëra, ajo di se: -Nju-Jorku është qyteti me popullsinë më të dendur në Shtetet e Bashkuara të Amerikës. -Motoja zyrtare e këtij qyteti është "Gjithnjë e më lart". -27% e amerikanëve nuk besojnë se njeriu ka shkuar ndonjëherë në Hënë. Por, ajo nuk ia ka idenë se si bëhet modelimi në Amerikë. Dhe më e rëndësishmja, ajo nuk e di se çfarë duhet të bëjë kur kupton se i dashuri i saj nuk është më ai romantiku i dikurshëm.

20 sekrete për stilin që autorja Jennifer Scott i mësoi duke jetuar në Paris. Një udhërrëfyes i mirëfilltë për të gjitha femrat që duan të përmirësojnë cilësinë e jetesës. Një histori personale, e mbushur me rrefime gazmore dhe vëzhgime për stilin. Gjallëria dhe sinqeriteti me të cilin përcillet çdo fjalë, janë një urë lidhëse për të gjitha ato gra dhe vajza që u pëlqen modeli francez i jetesës, por që nuk kanë mundësi dhe një vit kohë të qëndrojnë në Paris. –The New Yourk Times Një libër kushtuar mënyrës së magjishme të jetesës parisiane, bazuar mbi vëzhgime dhe sugjerime të hollësishme se si të ndërthurni mënyrën e jetesës me stilin tipik të të veshurit francez. – Daily Mail

Doktoresha Gillian McKeith ka bërë epokë me librin e saj "Ti je ajo çka ha" duke ua ndryshuar jetën shumë njerëzve në botë. Është një doracak i mrekullueshëm, që jep informacion të thjeshtë rreth ushqimit, asaj çka duhet të përmirësojmë në zakonet tona të përditshme për të qenë të shëndetshëm dhe njëkohësisht në formë. Doktoresha nuk merr përsipër t'ju ofrojë dieta drastike dhe shkatërruese për shëndetin, por shpalos një informacion konkret lidhur me mënyrën se si duhet të hani dhe të silleni në mënyrë që të ndiheni mirë dhe të ngjani të bukur... Do të mrekulloheni me sa pak ndryshime do të ndodhë kjo gjë dhe se sa e thjeshtë mund të jetë.

Ju mëson gjithçka që duhet, për të shndërruar pamjen dhe për të nxjerrë në pah bukurinë tuaj të natyrshme. 50 pamje fantastike, nga makijazhi i përditshëm deri te paraqitja joshëse e mbrëmjes.

Ju mëson të realizoni stilime të ndryshme, nga elegante e të rafinuara e deri te krehja joshëse për një mbrëmje të veçantë. 50 stilime të mrekullueshme flokësh, që nxjerrin në pah bukurinë tuaj natyrore.

Në një kohë kur dyqanet e veshjeve shtohen me të shpejtë, kur çdo ditë, me shumë seriozitet, paraqitet "plotësimi i modës", libri "Zhvishmëni" interesohet për mekanizmat psikologjikë të sjelljeve tona mbi pamjet e jashtme, ngaqë, mbas një kotësie të sipërfaqshme, ato zbulojnë gjeste intime dhe të pavlerësuara të dëshirave tona.nVeshja, kjo "lëkurë e dytë", bën pjesë njëkohësisht si në pjesën e brendshme, ashtu edhe në pjesën e jashtme të organizmit. Ajo ruan në fibrat e saj kujtimin e përkujdesjeve të para të nënës; shpreh, sipas mënyrës së saj, ëndrrat dhe shpresat tona, madje pasqyron edhe ndërtimin e identitetit tonë.