titleToAlt
Verë e vitit 1975. Nola Kelergani, një vajzë 15-vjeçare zhduket në mënyrë misterioze në qytezën e qetë të Aurorës në Nju Hempshajër. Kërkimet e policisë nuk japin asnjë rezultat. Pranverë e vitit 2008, Nju-Jork. Markus Goldmani, një shkrimtar i ri i suksesshëm po përjeton një nga rreziqet më të mëdha të profesionit rë vet: është bllokuar dhe nuk mund të shkruajë asnjë rresht të romanit që duhet t'ia dorëzojë për shumë pak kohë botuesit të vet. Por diçka e papritur ndodh në jetën e tij: miku i tij dhe profesori i universitetit, Herri Kjuberti, një nga shkrimtarët më të famshëm të Amerikës, akuzohet për vrasjen e së resë Nola Kelergan. Kufoma e vajzës gjendet në kopshtin e vilës së shkrimtarit në Gus Kouv, në periferi të Aurorës, në breg të oqeanit. I bindur në pafajësinë e Herri Kjubertit, Markus Goldmani braktis gjithçka dhe shkon në Aurora për të bërë hetime. Pas më shumë se tridhjetë vjetësh, Markusi duhet t'i japë përgjigje pyetjes se kush e vrau Nola Kelerganin? Dhe, sigurisht, të shkruajë një roman të suksesshëm. "E vërteta mbi çështjen Herri Kjubert" është një lumë i rrëmbyeshëm që e mbështjell lexuesin dhe e merr me vete duke e përkundur nga faqja e parë deri tek ajo e fundit, është libri i verdhë i quajtur si një fenomen botëror editorial: gjenial, argëtues, pasionant, i aftë për të mahnitur në fillim Francën, pastaj gjithë botën mbarë.
Çmimi: 1400 Lekë
titleToAlt
LIBRI THRILLER MË I SHITUR NË BOTË, MË SHUMË SE 100 MILIONË KOPJE! "Kur lexon se çfarë ndodh pas kësaj, nuk do ta besosh, por do të vazhdosh të lexosh dhe dora-dorës që një ngjarje e pabesueshme ndiqet nga një tjetër edhe më e pabesueshme, do të lexosh i magjepsur. Gjithçka është krejtësisht e pamundshme dhe tejet interesante. Është romani mister më tronditës që Agatha Christie ka shkruar dhe, nëse ndonjë shkrimtar tjetër e ka tejkaluar ndonjëherë këtë, emri i tij i shpëton kujtesës sonë, sepse ne i referohemi, natyrisht, mistereve që kanë shpjegime logjike, siç është ky." -The New York Times Book Review Dhjetë persona krejt të panjohur për njëri-tjetrin janë ftuar të kalojnë një javë pushimi në një vilë të bukur në Ishullin Indian, pa ditur madje as emrin e mikpritësit bujar. E, megjithatë, secili prej tyre, dikush për kërshëri, dikush nga nevoja për pushim, dikush ashtu kot, e kanë pranuar ftesën. Dhe tashmë janë të gjithë aty, në atë ishull në mes të detit. Por kur mbërrijnë, nuk e gjejnë të zotin e shtëpisë t'i presë. Gjejnë vetëm një poezi të futur në kornizë dhe të varur mbi oxhakun e secilës dhomë. Gjatë darkës së parë të gjithë dëgjojnë nga dhoma ngjitur nëpërmjet gramafonit, një zë çnjerëzor e depërtues që buçet, duke i akuzuar të gjithë të ftuarit si vrasës. Për mysafirët e mbyllur si në një grackë, është fillimi i një ankthi pa fund. Dhjetë vrasës, të izoluar, viktima tashmë të një vrasësi të padukshëm. Të gjithë personazhet gjenden përballë njëri-tjetrit: fajtorë, akuzues, hetues dhe njëkohësisht vrasës. Derisa, në mënyra nga më të çuditshmet, vriten të gjithë dhe në ishull nuk mbetet më askush.
Çmimi: 800 Lekë
titleToAlt
Pas romaneve "Vdekja e Narcisit", Fytyra e Djallit", "Mëria e Zanave", "Simfonia e pambaruar", dhe "Aromat e Vjeshtës" vjen "Vals në shkretëtirë" që është romani i gjashtë i Grigor Banushit dhe njëkohësisht pjesa e dytë e trilogjisë që nis me "Aromat e Vjeshtës". Në qendër të këtij romani është përsëri figura e një gazetari e shkrimtari, të cilit nuk i ndahen shqetësimnet e peripecitë, por vazhdojnë ta ndjekin këmba-këmbës. Në këtë pjesë të dytë ai tashmë nuk është pre e intrigave të vogla dhe thashethemeve, por gjendet para shantazhit e kërcënimeve dhe një rreziku serioz për jetën. "Vals në shkretëtirë" paraqet ankthet e ditës dhe makthet e natës që kaplojnë personazhin kryesor i cili herë qëndron pasiv e herë guxon të përballet me to, duke kërkuar një zgjidhje që do t'i japë fund njëherë e përgjithmonë kësaj gjendjeje. Pjesa e dytë e trilogjisë është ndërtuar në formën e thrillerit, që e merr me vete lexuesin dhe e shpie në skutat e errëta ku kanë folenë krimi dhe korrupsioni.
Çmimi: 1000 Lekë
titleToAlt
Xhek Mekevoj është gazetar i kronikës së zezë në një gazetë lokale të qytetit të Denverit: profesioni i tij janë vdekjet e dhunshme. Kështu që kur Shoni, vëllai i tij binjak, detektiv në sektorin e vrasjeve në policinë lokale, gjendet i vrarë dhe mendohet se ka vrarë veten, ai gjykon se mënyra më e mirë për t'u përballur me këtë tragjedi, do të ishte të bënte atë që dinte të bënte më mirë: të shkruante për të. Por kur i futet punës të kërkojë të kuptojë arsyet që mund ta kishin shtyrë të vëllanë të vetëvritej, gjithnjë e më tepër bindet se jo vetëm që i vëllai s'e kishte vrarë veten, por se ai ishte viktimë e një vrasësi serial, i cili me sa duket kishte vrarë po ashtu një numër policësh të tjerë nëpër Amerikë. E vetmja gjurmë që vrasësi kishte lënë pas ishin disa vargje enigmatike nga Edgar Allan Poe. Dhe kështu Xheku nis të kërkojë të vërtetën e një historie që rezulton mjaft më e komplikuar nga ç'e kishte përfytyruar, nga e cila ai do mund të shkruante atë që padyshim kishte për të qenë vepra e jetës së tij, por sigurisht nëse ndërkohë s'do kthehej vetë në një viktimë. “Një roman që është e pamundur ta lëshosh nga dora... një kryevepër e vërtetë nga pena e një prej mjeshtërve të zhanrit të thriller-it.” - New York Times ‘Libri me të cilin Connelly u bë i njohur në mbarë botën, si mjeshtri i padiskutueshëm i letërsisë policore.” - François Busnel, Lire
Çmimi: 1200 Lekë
titleToAlt
Pasi është dignostikuar me kancer, Enn Padrik vendos të hetojë mbi "vetërasjen" e së bijës dbe miqve të saj në një shtëpi pranë Viljandit. Zbulimi i misterit të vdekjes së vajzës do të kthehet në misionin perfundimtar të tij, në atë pak kohë jetë që i mbetet. Ai do të udhëtojë kryq e tërthor nëpër Bstoni, madje edhe në Francë, për të folur me ata që mund të kenë informacion sadopak të vfefshëm. Disa prej këtyre njerëzve duket sikur e prisnin ardhjen e tij, të tjerë refuzojnë të flasin. Pak e nga pak, gjurmët fillojnë e ndriçohen. Nga fundi i 1970-ës, e deri në mesin e viteve 2000, libri shpalos jetët e dy gjeneratave, ndryshimeve globale si dhe të shoqërisë estoneze në veçanti, Çalimin nga një boteë e së drejtës dhe të gabuarës, në një bote ku shumçka duket sikur nuk është as njëra e as tjetra.., por nevoja e pashtershme për gjetjen e të vërtetave absolute akoma nuk vanitet. Shkruar me një stil mbërthyes, Rein Raud sjell një vepër me personazhe të gjallë, pa tone të errëta hidhërimi apo moralizimi por me personazhe të fuqishme për jetën. "Një roman zemërthyes që meriton një audience të gjerë." —Kirkus Revieës "Eleganca në shkrimin e Raudit vjen nga thellësia që i jep edhe personazheve më periferikë, si dhe ritmi i kujdesshëm i fabulës. Teksa "Gjurmë brenge " hyn rrëmbyeshëm në një territor filozofik, në fund, struktura e këtij romani i jep përmasat e një thrilleri, gjë që e plotëson domethënien dhe arsyen edhe mbi çështjet e identitetit dhe ndikimit familjar. Vallë a ka mundësi që një person të ndryshojë kaq shumë sa që të mos njihet më-Raud thotë po - por kjo nuk e mohon dashurinë e një babai." — Laura Farmer, The Gazette "Edhe personazhet dytësore si ish kunata e Enn-it, dhe burri me të cilin ishte martuar ajo, si dhe çfarë i ka ndodhur asaj, përbëjnë histori në dukje të vogla, por mjaft interesante, dhe zbulojnë shumë enigma rreth në lidhje me Annit" — Complete Revieë
Çmimi: 1000 Lekë
titleToAlt
Sebastian Bergman-i është një burrë i zhytur në dëshpërim. Ka humbur gruan dhe djalin në cunamin që shkatërroi arkipelagun indian, ka hequr dorë nga puna si psikolog e dizenjues profilesh psikologjikë, ka rifilluar zakonin e vjetër duke sjellë çdo natë nga një grua të re në shtrat... Ndërsa kthehet në qytezën ku ka lindur, për të sistemuar dhe shitur shtëpinë e së ëmës, nuk do ta imagjinonte kurrë se do të gjendej ballë për ballë me kolegët e vjetër të skuadrës "Vrasjet", të cilët janë duke hetuar vrasjen e një djali gjashtëmbëdhjetëvjeçar, i larguar nga shtëpia dhe që ishte gjetur në kënetën përreth Vasteras-it, me zemrën të shkulur. Një rast i pahumbshëm për të rigjetur veten dhe shijen e sfidës që e kishte bërë atë një anëtar të pazëvendësueshëm të skuadrës, por sërish edhe të kridhet në një botë të cilën e njeh mjaft mirë dhe që ka mësuar ta urrejë që nga fëmijëria, me të cilën tani tani do t'i duhet të bjerë në paqe. «Nuk ishte një vrasës. Vijonte duke ia përsëritur vetes, teksa tërhiqte zvarrë kufomën e djalit përgjatë rrëpirës: nuk jam një vrasës. Vrasësit janë kriminelë. Njerëz të këqinj. Errësira I ka përpirë shpirtrat e tyre, ata kanë përqafuar errësirën duke i kthyer krahët dritës. Kurse ai nuk ishte i keq. Përkundrazi. E së fundmi, a nuk kishte treguar pikërisht të kundërtën? Nuk kishte lënë mënjanë ndjenja e vullnete, duke arritur madje të ushtronte edhe dhunë për të mirën e të tjerëve? Kishte kthyer përherë faqen tjetër, ja çfarë kishte bërë. Prania e tij aty, në atë pellgaçe me ujë në mes të asgjësë, me kufomën e djalit, a nuk qe një provë e mëtejshme e përkushtimit të tij për të bërë gjënë e duhur. Nuk do të tradhtonte më».
Çmimi: 1400 Lekë
titleToAlt
Kafka Tarnura, një i ri pesëmbëdhjetëvjeçar, largohet nga shtëpia me dëshirën edhe t'i shmanget profecisë edipiane të të atit, edhe të kërkojë motrën dhe nënën e tij të humbur prej kohësh. Ndërsa Kafka largohet, po njësoj ndodh edhe me Nakatan, një djalosh i ri leshko, jeta e të cilit është trazuar nga një vrasje e tmerrshme dhe që pas një incidenti gjatë Luftës së Dytë Botërore ka fituar aftësinë të komunikojë me macet. Ajo çfarë ndodh pas kësaj është një lloj odiseje e dyfishtë e tyre, jo të lidhura drejtpërdrejt, por me shtigje që krijonë lidhje mes tyre. Murakami dëshiron të mjegullojë kufijtë mes reales dhe surreales, me çudira marramendëse, por edhe me një rrëfim prekës mbi dashurinë, vetminë dhe miqësinë. Me raste autori shkon shpesh në rrëfime metafizike, si e folur dygjuhëshe, ngjarje që ndodhin jashtë kohe, duke e çuar fundin aty ku vetë Murami përpiqet vërtet t'u japë kuptim gjërave. Kështu lexuesi detyrohet të shkojë, sikurse karakteret e këtij libri, atje ku i shpie autori, pavarësisht në e pranojnë apo e kuptojnë atë.
Çmimi: 1800 Lekë
titleToAlt
Kujtuat se tmerri i Autobusit të drithërimave mbaroi kur shpikësi i tij, shkrimtari-vampir P. Onoval, vdiq? Jeni gabuar: ja ku mbërrin Edi Gj., Gjeniu i Kompjuterit që ringjall vampirin përmes një rituali makabër. Por Onovali i ringjallur mund të veprojë vetëm në internet, në realitetin virtual, të prodhuar nga kompjuteri... Veç nëse ai arrin të thithë tre djem dhe një vajzë, atëherë ruhuni... ai mund të kthehet në botën tonë. Kjo gjë u ndodh Riçardit Berrit , Lidias dhe Shakirit që kapen nga Edi dhe jetojnë si protagonistë të tmerruar në aventurat virtuale (që janë po aq të vërteta sa jeta) dhe rrezikojnë të bëhen përgjithmonë skllevërit e Onovalit...
Çmimi: 800 Lekë
titleToAlt
"Nga reja shpërtheu rrufeja që u drejtua mu në zemër të Nedit. Ai nuk pati kohë as të thërriste, as të lëvizte. Vetëm se ndjeu magjinë t'i ngjitej në lëkurë e t’i përhapej në të gjithë trupin duke vluar, rrëshqitur e futur thellë, aq thellë sa nuk kuptonte më ku mbaronte ajo e ku flllonte ai vetë." Kur Nedi dhe binjaku i tij rrëzohen nga trapi në lumin e tërbuar e të magjepsur, shpëton vetëm Nedi. Fshatarët janë të bindur se shpëtoi gjallë djali i gabuar. Dhe duket qartë që Nedi po rritet i dobët e i metë. Më të shumtën e kohës qëndron brenda shtëpisë e oborrit të familjes së tij. Por kur një Mbret Bandit vjen të vjedhë magjinë që i është besuar nënës së Nedit, magjistares, është Nedi ai që e shpëton magjinë dhe mbledh forcat për të mbrojtur familjen e fshatin e tij. Ndërkohë, në një tjetër mbretëri përtej pyllit që kufizohet me fshatin e Nedit, jeton Ejni, vajza e shkathët dhe praktike e Mbretit Bandit. Atë e ndjekin pas fjalët e fundit të së ëmës: "Djali i gabuar do të të shpëtojë ty jetën dhe ti do t'i shpëtosh atij jetën". Por kur rrugët e Ejnit dhe Nedit takohen, a do të besojnë ata sa duhet njëri-tjetrit që të mund të kalojnë përmes pyllit të pabesë e të ndalojnë luftën që po përgatitet të shpërthejë? Me penë të shkathët, shkrimtarja e njohur Kelly Barnhill përdor elementet e përrallave klasike me temë magjike: gurë që flasin, një ujk që bëhet mik me njeriun e një mbret te ri lakmitar dhe i ndërthur ato në një rrëfim plot bukuri që flet për të mirën e të keqen, për dashurinë dhe urrejtjen për magjinë dhe forcën e miqësisë. -
Çmimi: 1000 Lekë
titleToAlt
Një ditë kuptuat se nuk ishit vetja dhe po përjetonit të shkuarën e një tjetri me transferimin e kujtesës... Nuk mbaroi... Kjo kujtesë e transferuar ishte armikja juaj më e madhe dhe donit të arrinit te një e fshehtë... Për më tepër ju nuk e kishit pandehur kurrë që do të shndërroheshit në armikun tuaj. Tashmë armiku përballë, jeni ju para transferimit. Ju trazua mendja apo jo? Të shohim ç'ka ngjarë para se të fillojmë me lojrat e mendjes: E gjitha filloi me ardhjen në Stamboll të Nikola Teslas për një konferencë në muajin shkurt të vitit 1913. Të njëjtën ditë kur Doktori i Mjekësisë Atahunalp Urumgallatllë, i cili kishte ftuar atë, po ecte sipër Haliçes së ngrirë, akulli u thye dhe u zhyt në ujërat e ftohta... Në të njëjtën ditë të vitit 2015 një njeri hapi sytë në një breg të pabanuar. Nuk mbante mend asgjë dhe ishte lakuriq... Kur mbërriti te fanari i detit në majën më të lartë të shkëmbores pas, mësoi identitetin dhe familjen e tij. Emri e kishte Atahunalp Urumgallatllë, familja e tij jetonte në një fermë afër. Kur mësoi nga njëra anë se familja e tij shtatë vetëshe ishte kacafytur me dobësinë e kujtesës, e cila ishte një sëmundje genetike, e nga ana tjetër u përball me çudinë e të paturit një fermë në një vend kaq të shkretë, kuptoi se nuk i kishte mbetur zgjidhje tjetër veçse të ndiqte pas të shkuarën e tij. Bukur, ku ishte e shkuara? TE akujt që u thyen në vitin 1913, apo në bregun e pabanuar ku hapi sytë? Në fillim duhet të" gjente se kush ishte ai vetë!
Çmimi: 700 Lekë
titleToAlt
Ali D'Aplieze ka shkuar të marrë pjesë në një nga garat më të rrezikshme në botë të anijeve me vela, kur merr vesh lajmin e vdekjes së papritur të babait të saj birësues. Teksa kthehet në shtepinë e fëmijërisë për të takuar pesë motrat e tjera, ajo zbulon se i ati - një miliarder i pashoq misterioz, të cilin bijat e thërrisnin me dashuri Pa Salt - i ka lënë si trashëgim secilës prej tyre të dhëna tunduese, që do t'i ndihmojnë të zbulojnë origjinën e vërtetë. Së fundi, Ali ka nisur të përjetojë një marrëdhënie të thellë e pasionante dashurie, që do ta ndryshojë përgjithmonë fatin e saj. Por tashmë jeta i merr një kthesë të papritur dhe Ali vendos të heqë dorë nga deti e lundrimi dhe të ndjekë gjurmët që babai i ka lënë, gjurmë të cilat do ta cojnë në Norvegjinë e bukur e të akullt... Atje, Ali fillon të zbulojë rrënjët -sesi historia e saj lidhet në mënyrë të pazgjidhshme me atë të një këngëtareje të re, krejt të panjohur për të, Ana Landvikun, e cila gati 100 vjet më parë këndoi në premieren e Per Gyntit, dramën e Ibsenit, orkestruar nga Edvard Griegu, ikonë e muzikës. E ndërsa mëson më shumë për Anën, Alii fillon të pyesë veten kush ishte në të vërtetë Pa Salti, babai i saj. Dhe pse motra e shtatë nuk u birësua kurrë... Motra në stuhi është libri i dytë i serisë magjepsëse të Lucinda Rileyt, bazuar në rrëfimin mitologjik të një yjësie të famshme. Ai vjen pas librit të parë Shtatë Motrat. Historia e Majës, bestseller në të gjithë botën dhe i mirëpritur nxehtësisht edhe nga lexuesi shqiptar.
Çmimi: 1400 Lekë
titleToAlt
Jeni gati per një aventurë? Vërtet? Në rregull! Imagjinoni sikur zgjoheni një mëngjes të bukur dhe të gjithë të rriturit janë zhdukur. Kjo i ndodh LUSI DANGSTONIT. Ajo është heroina e kësaj historie (por ajoende nuk e di) Ndërsa fëmijët sillen si të marrë, ajo gjen një plan për të zbuluar se çfare po ndodh. Më pas, një natë Lusi vë re katër krijesa të mistershme që vijnë vërdallë në dhomën e saj të gjumit. QELBËSI, BARKMADHI GRINDAVECI dhe GRYKËSI.
Çmimi: 1000 Lekë
titleToAlt
Jemi në vitin 1926 në qytetin e Nju Jorkut: një kohë dhe një vend ku ngjarjet e pak njerëzve -dhe krijesave - do të përcaktojnë fatin e shumë të tjerëve. Midis tyre dallohen: NJUT SKAMANDERI, i pari (dhe ndoshta i vetmi) magjizoolog, lufta e të cilit për mbrojtjen e krijesave magjike të botës merr një kthese të rrezikshme kur disa nga kafshët e frikshme për të cilat ai kujdeset, ia mbathin për në qytet; TINA GOLLDSTIN, një (ish) Aurore amerikane, e punësuar në Ministrinë e Magjisë të SHBA, e cila dëshiron me gjithë shpirt të kthehet në këtë detyrë dhe është e sigurt se lëvizja kunder magjistarëve, e quajtur "Trashëgimtarët e Salemit", është strofull e vetë së Keqes; KUINI GOLLDSTIN, motra e bukur dhe e paturpshme e Tinës, e aftë të lexojë mendimet; dhe XHEJKOB KOVALSK1, një veteran (dhe JoMagji}, i cili një herë për një herë dëshiron të hapë një furre për të shitur bukë e ëmbëlsira. Dhe shumë kafshë fantastike, të njohura nga librat e Harry Porterit ose të reja, që e popullojnë këte vepër, duke i dhënë emocion dhe një atmosferë magjike të papërsëritshme, Fansat e JX. Rowlingut do të ndeshen në cdo faqe të këtij libri me humorin, forcen e pabesueshme të saj për krijimin e një bote magjike, si dhe ndjeshmërinë dhe mirëkuptimin e thellë ndaj çdokujt me ose pa shkop magjik, emra të tillë, si Urtimori janë një urë midis kësaj historie dhe Harry Potterit,dhe lexuesit do të jenë të lumtur të ndeshen me ta në një situatë të re të botës magjike .Por kjo është një aventurë që jeton jetën e vet dhe do t’ju lëre pa frymë.
Çmimi: 1000 Lekë
titleToAlt
Rrefenjat e Bardii Bidell janë një përmbledhje e përrallave të shkruara për fëmijët magjistarë apo shtriga. Për shekuj me radhë ato kanë qenë rrëfenja popullore, me të cilat i vinin femijët në gjumë. Prandaj Kazani Kërcyes apo Burimi i Fatit të Mirë janë po aq të njohura për studentët e Hoguortsit sa edhe Hirushja dhe Bukuroshja e fjetur e pyllit, për fëmijët babanacë (jomagjistarë)... Jemi të gëzuar që me këtë rast do të botojmë edhe shënimet e Profesor Urtirnorit, së bashku me nje përkthim të ri të tekstit të Bidëllit, në kujdesin e Hermionë Granxherit. Në mendimet e Profesor Urtimorit, gjenden vëzhgime për historinë e magjisë, kujtime personale dhe informacione ndriçuese për pikat kyce të çdo rrëfenje. Shpresojmë se ato do të ndihmojnë një brez të ri magjistarësh dhe lexuesish babanacë te çmojnë Krëfenjat c Bardil Bidell.
Çmimi: 800 Lekë
titleToAlt
Ai që beson se shkencat historike dhe arkeologjike në pergjithesi jane ekzakte, nuk njeh proçesin zhvillues ciklik të të njëjtave disiplina dhe punën emocionuese e njëkohësisht të lodhëshme të interpretimit të vazhdueshëm të koncepteve. Grekët e lashtë e quajtën "Egjipt", tokën e vjetër të Kcra-it, çka do të thotë "mister" dhe "enigmë". Brenda kësaj enigme kemi zgjedhur zonën e qytetit të lashtë të quajtur Tebas. A ekziston ndonjë "histori tjetër" e Egjiptit dhe rjedhimisht, edhe e Tebasit? Nuk ekziston një variant i tillë i saktë, por ekzistojnë tradita që mund të shërbejnë si alternativa të mundshme ose të pakten, që janë disi më të mundshme sesa ato që ofron shkenca zyrtare. Me Tebasin do përpiqemi të heqim vellon, që mbulon misteret e Egjiptit te lashtë.
Çmimi: 1000 Lekë
titleToAlt
I mbërthyer në krizën e frymëzimit, fillikat dhe pa një dysh në xhep,shkrimtari Tom Bojd nuk po arrite ta fuste në hulli të mbarë romanin e tij të fundit. Ndihej i zënë në çark, një kurth që rezikonte ta shkatërronte. Derisa një natë, gjatë një stuhie të furishme i duket se bie pre e një halucinacioni, të tarracë i shfaqet një vajzë, misterioze dhe perri e bukur. I thotë se është protagoniste e romanit të tij, e rënë në botën reale nga një fjali e lënë pezull prej tij. Dhe nëse Tomi nuk do ti kthehej të shkruarit, ajo do të vdiste. Duket absurde e megjithatë... e megjithatë Tomi e beson. Sepse është marrëzisht i dashururar me të.
Çmimi: 1200 Lekë
titleToAlt
“Å lage, det er å lyde” “Hvert verk p å virker et verk” “Vitsen er å vite” “Å fatte gjor deg fattig” “Hver ting er tung” - Afërdita Zaja
Çmimi: 1500 Lekë
titleToAlt
Në veprën e tij të njohur, Dan Brown këmbëngul se informacionet historike të përdoruara në të janë bazuar në fakte të mbledhura me kujdes. Sa e vërtetë është kjo? Ashtu siç shpjegon historiani Bart D. Ehrman në këtë libër, “Kodi Da Vinçi” është mbushur me gabime historike. A mashtroi me të vërtetë kisha për ta cilësuar Jezusin si të shenjtë? A ishte Jezusi me të vërtetë i martuar me Maria Magdalenën? Bart Ehrman i demaskon këto pretendime.Gjithsesi, libri i Ehrman nuk është thjesht një listë e gabimeve në krijimin e Brawn, pasi ai ofron një informacion të gjerë, të mbështetur në fakte, mbi kristianizmin e hershëm.
Çmimi: 800 Lekë
titleToAlt
1917, në Fatima, Portugali: Virgjëresha i shfaqet Luçisë në ëndër dhe i beson tre sekrete. Dy të parët janë bërë publik. Por asgjë nuk dihet përsa i përket të tretit, derisa Gjon Pali i Dytë, jep në vitin 2000, një "version zyrtar" të vënë në dyshim menjëherë. Më 2005, në Romë, Vatikan, papa dërgon njeriun e tij të besuar, imzot Miçnerin, në Rumani me qëllim që t'i përcjellë një mesazh me përmbajtje të fshhtë një prifti të moshuar. Miçneri zbulon që ai është përkthyesi i sekretit të tretë misterioz. Që atëherë, ai duhet të demonstrojë të gjitha aftësitë e tija për të bërë të dështojë komplotin që e përgjon dhe të arratiset prej atyre që, në hijë, duan me çdo kusht të ruajnë të fshehur të vërtetën e tmershme. Sepse në qoftë se ajo do të zbulohej, dhe vetë themelet e Kishës do të jenë të rrezikuara...
Çmimi: 1000 Lekë
titleToAlt
Me anë të tregimeve të tij të mistershme, Edgar Allan Poe ka çimentuar pozicionin e tij ndër shkrimtarët më të mëdhenj në botë. Veprat më të njohura fiksion të Poe janë ato të zhanrit gotik dhe horror, të njohura ndryshe edhe si tregime të misterit.
Çmimi: 250 Lekë
titleToAlt
Libri i tretë dhe i fundit i sagës KRONIKAT E KEINËVE Apofisi, gjarpri i Kaosit, kërcënon ta zhytë botën mbarë në terrin e përjetshëm. Karteri dhe Sejdi Keini gjenden përpara një detyre të pamundur: ta asgjësojnë një herë e përgjithmonë. Dhe fill të vetëm, për më tepër, sepse magjistarët e Shtëpisë së Jetës janë të përfshirë në një luftë të tmerrshme të brendshme dhe askush nga zotat s’mund t’i ndihmojë të luftojnë kundër forcave të Kaosit. E vetmja shpresë mbetet një magji e lashtë që mund ta shndërrojë vetë hijen e gjarprit në një armë të fuqishme kundër tij, vetëm se formula është zhdukur pa nam e nishan prej mëse një mijë vjetësh. Për ta shtënë në dorë, vëlla e motër Kein do të detyrohen t’i zënë besë fantazmës vrasëse të një magjistari tejet të fuqishëm, që mund t’iu prijë udhë deri te hija e gjarprit, ose drejt vdekjes, në thellësitë e Botës së Përtejme...
Çmimi: 1000 Lekë
titleToAlt
Struktura e romanit është një labirint i lëvizshëm, të cilin gjithkush mund ta eksplorojë në bazë të përvojave vetjake. Personazhet, ndonëse fiktivë, janë aq të përshtatur në realitetin ku jetojmë dhe lexuesi i kujdesshëm mund të arrijë të shohë, madje edhe të ndiejë, dy aureolat që i rrethojnë. Aureola e parë është në formë trekëndore dhe rrethon të gjallët. E dyta është ajo e vdekagjallëve, ose e barbarëve siç cilësohen ndryshe ata që janë ngritur së vdekurish. Kjo ka formën e një spiraleje dhe mbështjell qenien e secilit prej tyre. Unë mendoj se kjo aureolë përfaqëson njëkohësisht spiralen e pafund të tërë përjetimit human, kufirin ndarës mes dy botëve, si dhe atë ftohtësi që mbartin misteret e mistikës. Por megjithatë ekziston një urë lidhëse, një njeri që qëndron mes dy botëve si një çelës magjik. Nëpërmjet këtij personazhi, nëpërmjet kuptimit unik të tij, autori u ka përgatitur lexuesve një mundësi për t’u bërë bashkëkrijues, bashkëpërjetues dhe bashkudhëtarë në një rrëfenjë të tillë madhështore, në një kulm të ri të këtij shkrimtari. Kjo vepër, e denjë për t’u konsideruar si një hap përfaqësues i letërsisë sonë drejt letërsisë së përbotshme bashkëkohore, është po ashtu një sfidë e intelektit shumë dimensional kundrejt dogmës së intelektit të njëkahshëm dhe përbën një tjetër gur shënjimi në udhëtimin epik të letërsisë. Kjo vepër është dëshmi e përqasjes së një letërsie të re, pa kufij, pa pengesa dhe me një mision mbinjerëzor. "Apokalipsi" i Zija Çelës është një dëshmi e kthimit të letërsisë në frymëzimin burimor, zanafillor, hyjnor dhe, në kuptimin e simbolit, përbën një historik të të gjithë ekzistencës njerëzore.
Çmimi: 900 Lekë
Të gjitha të drejtat e rezervuara. © 2015 Librari Albania