titleToAlt
Ja, zotërinj, rregullat e mia: po të mos më eci - forcohem, po më eci - mbahem, dhe për çdo rast askujt nuk dua t'i bëj gropën. Nuk jam intrigant dhe me këtë krenohem. Si diplomat unë nuk do të mund të bëja. Thonë, gjithashtu, zotërinj, se zogu vetë i sulet gjuetarit. Ç'është e vërteta, jam gati ta pranoj: po kush është këtu gjuetari, cili është zogu? Kjo është pyetja, zotërinj!
Çmimi: 1200 Lekë
titleToAlt
Nuk dihet me saktësi se kur filloi Tolstoi ta shkruajë romanin e tij të parë "Lumturia martesore", i cili u botua fillimisht në dy numra të muajit prill 1859, të periodikut "Russkij vjestnik". Ashtu si shumica e romaneve të Tolstoit, edhe kjo vepër ka karakter autobiografik. Këtu përshkruhet historia e marrëdhënieve të tij në vitet 1856-1857 me Valeria Arsenjevën, me të cilën, siç është shprehur vetë Tolstoi, ai kishte ndërmend të martohej. Romani flet për dashurinë dhe martesën e një vajze të re shtatëmbëdhjetëvjeçare, Masheckës, me Sergej Mihajlliçin, një burrë shumë më të madh në moshë, mik prej kohësh i babait të saj të ndjerë. Pas një lidhjeje romantike disi të trazuar, ata martohen bashkë dhe shpërngulen te shtëpia e Mihajlliçit. Me kalimin e kohës Masheçka zbulon se jeta martesore dhe ndjenjat e saj për burrin, janë më të ndërlikuara nga ç'kishte menduar dhe kanë të bëjnë fare pak me nocionet e saj të mëparshme e paksa naive për martesën, prandaj edhe titulli ka një ton ironik, "Lumturia martesore"
Çmimi: 700 Lekë
titleToAlt
"Pulëbardha", që është pa dyshim një ndër kryeveprat e Çehovit, u shkrua në vitet 1895-96, në atë periudhë kur shkrimtari jetonte në Melihovo. "Pulëbardha" ka karakter autobiografik. Në Melihovo shkonte shpesh Lidia Stahieva Mizinova, vajzë ruse me një bukuri të rrallë. Anton Pavlloviçi nuk dukej indiferent ndaj saj. Miqësia e tyre i përngjante shumë një dashurie që sapo kish filluar të lindte. Por Çehovi nuk e bëri hapin vendimtar. Ai i ruhej pasionit duke u sjellë me Lidian në një ton tallës dhe ironik. Por ky ton nuk e kënaqte vajzën. Në një letër ajo i lutej shkrimtarit që ta ndihmojë të shpëtojë nga ndjenja që e mundon. Ai e ndihmoi Lidian duke i shtuar edhe më tepër shakatë, duke e bërë atë të besonte se gjendja e tyre nuk ishte edhe aq serioze. Kaloi ca kohë dhe Lidia mundi më në fund të kujtonte e qetë se "qe refuzuar" nga Çehovi dy herë me radhë. Kurse shkrimtarit i ndodhi si heronjve të tij, të cilët, shumë herë heqin dorë vetë nga lumturia. Ai nuk ishte krejtësisht i vendosur për t'iu shmangur dashurisë së fortë. Dramën "Ivanovi" Çehovi e shkroi në vjeshtën e vitit 1887. Pjesa u përpunua dy herë për teatrin Aleksandrin të Peterburgut. Situata dramatike e heroit (Ivanovit) nuk buron vetëm nga karakteri i tij disi i veçantë, por i ka rrënjët edhe në realitetin ku jeton ai. Ivanovin e mbyt ajo sëmundja e posaçme që e shkaktonin disa rrethana të jetës shoqërore ruse të asaj kohe që arrijnë t'i thyejnë vullnetin Ivanovit e të krijojnë dyshim e pesimizëm, pa rrugëdalje. Në përplasje me realitetin mbytës Ivanovit të lodhur nuk i mjaftojnë forcat të luftojë. Këtu e kanë burimin edhe veçoritë e mënyra e sjelljes së tij. Për Çehovin Ivanovi nuk është njeri i dobët moralisht, por nuk di t'i përshtatet jetës e të mposhtë vështirësitë e pamënjanueshme të saj, megjithëse po të shprehemi me fjalët e Ivanovit - ai nuk është "një frikacak". Pasojat e paaftësisë së tij për jetën janë të tmerrshme si për atë vetë, ashtu edhe për të tjerët që ka përreth (porsi fati i Sashës).
Çmimi: 600 Lekë
titleToAlt
"Asan" është një roman për luftën në Çeçeni. Këtë luftë ju nuk e njihni dhe, njëkohësisht, as që mund ta imagjinoni realisht, pa lexuar faqet e këtij romani të mrekullueshëm.
Çmimi: 1000 Lekë
titleToAlt
Studenti i filozofisë Foma Bruti, i rënë pré e magjisë së një shtrige plakë e cila e shëtit nëpër rrethinat e Ukrainës kaluar mbi kurrizin e tij, ia arrin të lirohet duke i thënë fjalë të shenjta dhe duke e rrahur. Fare pak kohë më pas ai mëson se shtriga në të vërtetë ishte një vashë me bukuri rrëqethëse, e sidomos e bija një fisniku kozak. Ai e thërret filozofin për t'u lutur tri net me radhë mbi arkivolin e saj. Në këtë mënyrë, Foma Bruti, në secilën natë, e gjen veten në një betejë ballë fuqive demoniake cilat arrin t'i mposhtë gjer në natën e tretë, kur shfaqet edhe Kukudhi. Kjo novelë e Gogolit është një rrëfim i jashtëzakonshëm që na tregon se njeriu zotëron vetëm një dobësi që mund ta mposhtë apo rrënojë atë, dhe ajo është frika.
Çmimi: 500 Lekë
titleToAlt
Romani trajton fatin e personalitetit të njeriut në Rusinë e viteve '30 të shekullit XIX. Figura e Pecorinit në romanin Një hero i kohës sonë të Lermontovit, përbën thelbin e veprës dhe është përfaqësues tipik i të riut intelektual, plot aftësi, dhunti e aspirata, që shoqëria e bluan në mokrat e kotësisë, egoizmit dhe cinizmit. Peçorini, sikurse edhe Eugjeni Onjegini i Pushkinit, të sjellin ndër mend qartësisht antiheronjtë bajronianë të fillimshekullit XIX. Këta libra u bënë burim frymëzimi edhe për kryeveprat e Tolstoit dhe të Dostojevskit, dhe i paraprinë në mënyrë brilante prozës ekzistencialiste të shekullit XX. Satirë e hidhur e kohës së vet, po aq sa edhe një përsiatje që i qëndron kohës për mbijetesën në një univers të veçuar dhe absurd, Një hero i kohës sonë është vepër e rrallë në letërsinë ruse dhe në botën moderne.
Çmimi: 700 Lekë
titleToAlt
Në vëllimin e dytë të "Vëllezërve Karamazov" shpalosen karaktere të rinj, tipa të dyshimtë, kemi gjak dhe hakmarrje, endje të filozofisë së hollë, paralele të gjithanshme, kërkime e zhbirime të rëndësishme, shpalosje të energjisë së grumbulluar, siç ndodh shpërthimi i furtunës pas bunacës. Bunaca ishte romani i parë, vëllimi 1. Filozofia e përvetësuar hidhet në veprim. Ndaj dhe vëllimi 2 është nga faqja e parë deri në fund, ku shpaloset një furtunë e vërtetë.
Çmimi: 1300 Lekë
titleToAlt
Vëllezërit Karamazovë 1 është pjesa e parë e romanit e cila na njeh me botëkuptimin dhe përbërjen e familjes Karamazov. Po ashtu nga njeh me jetën e murgjve dhe të Kuvendit, duke bërë lidhjen e pikave kyçe të subjektit, duke shpalosur ide dhe gjendje mistike, sociale dhe filozofike, të rëndësishme për këtë epope të jashtëzakonshme...
Çmimi: 1400 Lekë
titleToAlt
Ky botim përmban novelat: Jetë në vetmi, Net të bardha, Netoçka Nesvanova, E druajtura, Heroi i vogël, Një ndodhi e pështirë dhe Krokodili
Çmimi: 1300 Lekë
titleToAlt
Në veprën e 5-të të kolanës me veprat e plota të Çehovit përfshihen tregimet: MILLKINI; KRYEPLAKU; SHËTITJE; NË PARKUN "SOKOLNIKI"; MAHIKANIA E FUNDIT; NË HOTEL; VILA MË E LIRË; ÇİZMET; "AJO" IMJA; PORTOFOLI; PAS SHPËRBLIMIT; VERUESIT; KUJTIMET E NJE IDEALISTI; BALLEGJERI; HUMBEN RRUGEN; HAKMARRJA; VEROCKA; ARMIQTË; BILETA E LOTARISE; E PAMBROJTURA; BOLLA DHE LEPURI; PRINCESHA; GRATË; MURGUIZI; VIOLINËN JEPJANI ROTSHILDIT; TREGIMI I KOPSHTARIT PLAK; VOLLODIA; MOT ME SHI; I JASHTELIGJSHMI; TREGIMI I ZONJES NN; TRE VJET; KRYQI I ANËS; BALLËBARDHI; KULLUMBRIA; PËR DASHURINË; IONICI; ME SHËRBIM.
Çmimi: 1500 Lekë
titleToAlt
Vepra e katërt e Kolanës me veprat e plota të Çehovit përfshin: Një nga të tre, Belaja, E dala huq, Mashtrues pa dashje, Shpifja, Shkrepesja suedeze, Nata e krishtlindjes, 7500, Komediani, Hakmarrja e femrës, Në gjueti, Oh! Gra, gra!, Perpetuum mobile, Leximi, Trifoni, Njeriu krenar, U grind me gruan, Kirurgia, Kultura e përgjithshme, Provimi i ngritjes në detyrë, Lotët që s'i pa bota, Në varrezë, Lumturia e grave, Dasma e kuzhiniores, Muri, Në dhe të huaj, Kaposhi i detit, Porosi për ata që duan të martohen, Ninocka, Qeni i shtrenjtë, Martesat pas 10-15 vjeteve, Pleqëri, Pasqyra, Propozimi, I jashtezakonshmi, Shshsht, Mullis, Oratori, Jubileu, Vanjka, Ishte ajo, Fundi i mirë, Sirena, Zinoçka, Doktori, Hakmarrësi, Mesimet e shtrenjta, Kriza, Këpucari dhe qoftëlargu, Hajdutët, Gusevi, Tregimi i nje të panjohuri, Studenti, Ne karro, Mes miqsh Njeriu në kallëf, Rast nga praktika, Në përrua, Peshkopi, Letra.
Çmimi: 1500 Lekë
titleToAlt
Vepra e tretë e Kolanës me veprat e plota të Çehovit përfshin: Kosa e gjelber (Një roman i vogël), Takimi u bë, por, Lulet e vonuara, Budallai, Vëllaçkoja, Një natyre misterioze, Dinaku, Kuvendimi, Hajduti, Fjalë, fjalë dhe vetëm fjalë, Vjehrra avokate, Provimi i greqishtes së vjetër, Maçoku, Si u lidha me martesë, Një herë në vit, Djalka i lig, Paja, E bija e albionit, Skllavi ne lirim, Tutori, E çoi në vend porosinë, Përshpirtja, Pjese nga ditari i një lëneshe, Në det, Mysafiri, Gënjeshtarët, Kryefamiljari, Hapi serioz, Koristja, Rara avis, Fatkeqësia e tjetrit, Bashkëshorti, Fatkeqesia, Çorapi rozë, Vogëlsi jete, Hetuesi, E puthura, Drama, Telashi, Pa titull, Dua gjumë, Bukuroshet, Ditëlindja, Një histori e mërzitshme, Historia e një ndermarrjeje tregtare, Pavioni nr. 6, Ariadna, Pecenjegu, Në folenë prindërore.
Çmimi: 1500 Lekë
titleToAlt
Vepra e dytë e Kolanës me veprat e plota të Çehovit përfshin: Ai dhe ajo, Dy skandale, Idili! Ah e uh!, Pasqyra shpërfytyruese, Gëzimi, Rrëfimi, Mënyra e vetme, Hipnotizuesi, Ikja, Gruaja pa paragjykime, Falënderuesi, Qullacja, Martesa me prike, Midhjet, Pema e vitit të ri, Qejfprishuri, Bëzhdila, Njëri më i mire se tjetri, I pashpresi, Jeta është e mrekullueshme, Gjahtari i çifligarit, Parathënie e domosdoshme, Zonjat, I njohuri, Ilumturi, Në vile, Nga mërzia, Tmerret, Farmacistja, Të tepërtit, Fshehti, Kazaku, Takimi, Basti, Dueli, Frika, Vrasja, Shtepla me pullazine, Pas krishtlindjes, Muzhikët, Shpirtka, Prishje drejtpeshimesh
Çmimi: 1500 Lekë
titleToAlt
Vepra e parë e Kolanës me veprat e plota të Çehovit përfshin: Në ndjeksh dy lepuj, nuk kap asnjërin, Babushi, Gjithçka mori fund, Një histori e ndyrë, Zonja, Malli i gjallë, Dy njerëz brenda në një, Në gozhdë, Këshilla, Shampanja, Lypsari, Një histori e ndyrë, Kashtanka, Rast nga praktika gjyqësore, Vdekja e nëpunësit, I trashi dhe i holli, Kameleoni, Maska, Kapteri Prishibejev, Uniforma e kapitenit, Bashkëbisedimi njeriut me qenin, Heqja e gradës, Sorsa, Mbiemer kali, Fëmijët, Pikëllimi, Anjuta, Shakaja, Agafia, Ujku, Torturat e Vitit të Ri, Stepa, Pilivricka, Pas teatrit, Fragmenti, Komshinjtë, Mësuesi i letërsisë, Bashkëshortja, Jeta ime, Zonja me kone.
Çmimi: 1500 Lekë
titleToAlt
“Çfarë pamje të madhërishme kishte im atë kur dilte nga studioja i kënaqur nga ç'kishte bërë. Lëvizte më shkathtësi, fytyra e tij qe e gëzuar, sytë të qeshur. Ndonjëherë rrotullohej mbi njërën thembër ose ngrinte këmbën mbi mbështetësen e karriges.” -Aleksandra Tolstoi “Në thelb ç'është vepra e Tolstoit? Është klithmë e ndërgjegjes së përbotshme. Është ndërgjegjja e gjithësecilit nga ne, e shprehur sinqerisht nga me e zjarrta dhe më e ndjeshmja zemër e tij. Popullariteti i Tolstoit në botë shpjegohet vetëm me thjeshtësinë dhe sinqeritetin e doktrinës së tij, që i drejtohet gjithkujt duke i kujtuar njerëzve të njëjtën të vërtetë të madhe, të njëjtën përpjekje të madhe morale, realizimin e Dashurisw.”-Lev L'vovic Tolstoj “[Tolstoi në shtratin e vdekjes] Në një qoshe nuk dergjej një mal, por një plakush i drobitur, një nga ata pleqtë e krijuar nga Tolstoiuno, e përshkruar në dhjetra faqe nga ai. Gjithkund përreth rriteshin bredha të rinj. Dielli në perëndim shenjonte dhomën me katër fasha drite të pjerrëta.”-Boris Pasternak “Kontradiktat e tij e bëjnë Iartërisht të besueshëm. Është e vetmja figurë e së shkuarës që në kohën tone mund të merret seriozisht.”-Elias Canetti “Ne kemi dy Carë: NikoIIën II dhe Lev Tolstoin. Cili është më i forti? Nikolla II është i pafuqishëm ndaj Tolstoit, nuk mund ta trondisë fronin e tij, ndërsa Tolstoi pa dyshim është në gjendje ta trondisë fronin e Nikollës dhe të dinastisë së tij. Nëse dikush provon ta prekë Tolstoin, bota e tërë do të ulërasë.”-Aleksej Suvorin “Kur lexoni Turgenievin e dini se po lexoni Turgenievin. Kur lexoni Tolstoin, e lexoni sepse nuk mund te ndaleni më.”-Vladimir Nabokov “Mbetet në shumë drejtime profeti i parë i kohës sonë. Nuk ka sot asnjë që të ketë të thelle.”-Albert Einstein “Tolstoi qe drita më e pastër që e ka ndriçuar rininë tonë në atë muzg të errët hijesh të përzishme të shek. XIX, që po perëndonte.”-Romain Rolland
Çmimi: 1200 Lekë
titleToAlt
Osipov është njëri nga shkrimtarët më të njohur e të vlerësuar që ka nxjerrë Rusia viteve të fundit, autor i shumë eseve, tregimeve të shkurtra, pjesëve teatrale dhe romaneve. Veprën e tij e kanë quajtur letërsi të vërtetë, në kohëra të tmerrshme, me ndershmërinë e saj të thjeshtë dhe stilin krejtësisht të veçantë si kui-tesencë artistike. Emri tij i shtohetasaj vijës së jashtëzakonshme ruse, doktor-shkrimtar. Ai ka fituar çmime të shumta dhe pjesët e tij teatrale shfaqen në mbarë Rusinë. Në vitin 2005, ndërsa punonte në spitalin rajonal në Tarusa, Maxim Osipov, si humanist vizionar, themeloi një fondacion humanitar për të siguruar mbijetesën e këtij spitali. Veprat e tij letrare janë përkthyer deri tani në më shumë se 18 gjuhë. Aktualisht jeton në Tarusa, i njohur si qytet artistësh, pikërisht 101 kilo-metra nga Moska.
Çmimi: 1000 Lekë
titleToAlt
“Vepra e vërtetë e Pavël Florenskit, nuk janë librat e tij, as mendimet e tij dhe fjalët, por ai vetë, dhe gjithë jeta e tij që ka kaluar gjatë kapërcyellit të këtij shekulli dhe shekullit që do të vijë”-At Serge Boulgakov
Çmimi: 800 Lekë
titleToAlt
Një version artistik tërheqës i ngjarjeve historike të zhvilluara para më shumë se 70 vjetësh. Procesi i Nurenbergut është gjyqi ndërkombëtar i ish-drejtues-ve të Gjermanisë së Hitlerit. Një histori brilante përcjellë përmes jetës së pabesueshme të heronjve të saj, një trekëndësh dashurie dhe intriga spiunazhi. Në romanin e Alexandër Zviagincev, mjeshtrit të një zhanri me përmbajtje të mprehtë, të hulumtimeve serioze të epokës, dokumentet e zverdhura të historisë marrin jetë nga ngjyrat e shumëllojshme të emocioneve dhe pasioneve njerëzore.
Çmimi: 1500 Lekë
titleToAlt
"Zahok" është ndër romanet e rralla sot, që përmban gjithçka në përmasat e duhura: një histori të pasur, një strukturë me shumë ngjyra, zëra origjinalë të personazheve, një gjuhë që të emocionon, një përzierje me finesë të së kaluarës me trillimin. Madje ai tingëllon edhe si një aluzion i eposit iranian nga i cili merr edhe titullin disi misterioz. Romani rrëfen një histori njerëzore të dhunshme, ku "forca e pushtetit të detyron që të heqësh dorë nga idealet, që të sakrifikosh jetën për ata që janë rretheqark teje... rrëfen një histori që mund të ndodhë në çdo vend dhe në çdo kohë, atje ku ligji nuk egziston. — Gorki media
Çmimi: 1200 Lekë
titleToAlt
Romani “Jeta dhe fati” është libri më i rëndësishëm i Vasily Grossman-it. Është shkruar në vitin 1960, por botimi dhe qarkullimi i tij u ndaluan nga organet e KGB-së. U botua për herë të parë në Zvicër në vitin 1980, ndërsa në Rusi u botua në vitin 1988. Subjekti i romanit është bazuar në dramën stalingradese. Përmes përgjithësimeve të goditura dhe trajtimit të problemeve universal, Grossman ka arritur të na përcjellë me realizëm një portret të saktë të senies njerëzore. Ai ka mundur të na shpalosë të plotë tragjedinë historike të popullit rus, që mundi të siguronte fitoren mbi armikun e egër e të fuqishëm, edhe pse së brendshmi sfilitej e dhunohej prej regjimit totalitar, fals e antinjerëzor.
Çmimi: 2000 Lekë
titleToAlt
Në këtë roman jashtëzakonisht origjinal fragmentet e rigjetura vendosen në ekspozitë: imazhet dhe anekdotat, kujtimet e përziera që përbëjnë jetën e një gruaje. Një shall i mëndafshtë dhe një kuti argjendi cigaresh; një monedhë floriri dhe një tufë flokësh; nga fotografi të zbehta shfaqen fytyrat e një brezi që thjesht sapo ka ikur, tashmë i humbur përgjithmonë ... Koha lëviz me një ritëm më të shpejtë, më të dhunshëm dashurie dhe humbjeje, tradhtie dhe mërgimi. "Mbresëlënës dhe thellësisht i ndjerë - karakteristika që jo gjithmonë shkojnë së bashku - dhe meriton një numër të gjerë lexuesish". TIMES LITERARY SUPPLEMENT "Një hapësirë mjeshtërore, magjepsëse rrëfimi dhe reflektime me ritëm të lartë. Me indinjatën dhe dhimbjen e saj, Ugreshiçi flet. për shumë njerëz, për shumë përvoja. Ajo është një srikrimtare që duhet ndjekur. Një shkrimtare që duhet dashur fort." SUSAN SONTAG
Çmimi: 700 monedha
titleToAlt
Arrestimi!! A nuk duhet thënë se ai do të bëhej kthesë rrënjësore në jetën tuaj? Ç’është kjo rrufe e drejtpërdrejtë kundër jush?Ç’është kjo tronditje e paperceptueshme shpirtërore, të cilën jo kushdo mund ta përballojë dhe që shpesh kalon në çmenduri? Gjithësia ka kaq ëndrra, sa qenie të gjalla ka në të. Secili prej nesh është qendër e gjithesisë, por bota shkërmoqet, kur ju fishkëllejnë: "Jeni i arrestuar!" .. .Por truri i errësuar është i paaftë t'i përfshijë këto ndryshime të botës; edhe më të rafinuarit, madje edhe më të thjeshtët prej nesh në atë moment, nga e tërë përvoja e jetës, nuk janë në gjendje të shqiptojnë asgjë tjetër përveç se: -Unë?? Për ? Çfare?!?.. pyetje që me miliona e miliona herë është përsëritur para nesh, por që asnjëherë nuk mori përgjigje. ... Arrestimi… është një kapërcim befasues dhe i menjëhershëm, një zhvendosje, një rishtresëzim i habitshëm nga njëra gjendje në tjetrën. Ju. Ju... jeni i arrestuar! Dhe nuk gjeni dot as edhe një fjalë për t'u përgjigjur, përveç një blegërime të mekur. - U-unë?? Për cfarë??.. Ja çfarë është arrestimi: ai ngjason me shpërthimin verbues dhe goditjen, prej të cilave e tanishmja papritur zhvendoset në të kaluarën, kurse e pamundura shndërrohet në të tanishme me të drejta të plota. ... Arrestimi tradicional... vazhdon akoma, pas shoqërimit të varfanjakut: brutalitet i paparë për disa orë me radhë në apartament. Kjo do të thotë: shkatërrim i orendive, shqyerje edhe flakje të objekteve të varura në mure; përmbysje të rafteve dhe tavolinave, grisje librash e dokumentesh, shkelje qelqurinash me cizme dhe pirgje me sende të hedhura mbi dysheme. Asgjë njerë zore nuk vihet re gjatë kohë së bastisjes.
Çmimi: 2000 Lekë
titleToAlt
Çmimi: 800 Lekë
titleToAlt
Oh çfarë dashurie ishte ajo, e lirë, e paparë, nuk ngjante me asgjë! Ata mendonin siç këndojnë të tjerët! E dashuronin njëri –tjetrin jo nga pashmangësia, jo “të ndezur nga pasioni”, siç përshkruet shpesh rrejshëm. Ata e dashuronin njëri-tjetrin, sepse këtë e donte gjithçka përreth tyre: toka nën këmbët e tyre, qielli mbi kokat e tyre, retë dhe pemët. Ajo dashuri u pëlqente gjithçkaje e të gjithëve që i rrethonin, ndoshta, më shumë se vetë atyre. Të panjohurve në rrugë, largësive të rreshtura për shëtitje, dhomave, në të cilat ata banonin e takoheshin. Ah, po, pikërisht kjo ka qënë kryesorja që i bashkonte dhe i afronte! Kurrë kurrë madje edhe në çastet e lumturisë më të madhe, më të çmendur nuk i braktiste gjëja më e lartë dhe më interesante: kënaqësia nga ngjizja e përgjithshme e botës, ndjesia e përkatësisë së vetë atyre ndaj gjithë tablosë, e përkatësisë ndaj bukurisë së gjithë pamjes, ndaj tërë kozmosit.
Çmimi: 1500 Lekë
Të gjitha të drejtat e rezervuara. © 2015 Librari Albania