titleToAlt
Brija gjashtëmbëdhjetëvjeçare dëshiron të bëhet një repere e madhe. Ose, të paktën, të fitojë betejën e parë. Si vajza e një legjende të hip-hop-it underground, i cili vdes vetëm pak kohë para se të arrinte të bëhej i suksesshëm, Brisë i duhet të matet me një emër shumë të madh. Por është e vështirë të ngrihesh, kur në shkollë të vënë etiketa, të tilla si e paedukuar, apo kur frigoriferi në shtëpi është bosh, pasi mamaja jote ka humbur punën. Dhe gjithë zemërimin dhe inatin e vet, Brija e shfryn në këngën e saj të parë... për shumë arsye të gabuara. Shumë shpejt Brija e gjen veten në qendër të një polemike, e portretizuar nga media më shumë si e rrezikshme sesa si repere. E ndodhur nën presionin e dëbimit nga shtëpia, pasi familja e saj nuk paguante dot qiranë, Brija jo vetëm do, por duhet t'ia dalë mbanë medoemos. Edhe sikur t'i duhej të bëhej pikërisht ajo që mendonte publiku se ishte.
Çmimi: 1500 Lekë
titleToAlt
Një autobiografi thellësisht prekëse rreth vitit që do të ndryshonte përgjithmonë një familje dhe një vend. "Një libër emocionues, udhëzues dhe thellësisht ndikues." IRISH INDEPENDENT "Në këtë libër të pasur në detaje marrin jetë prapaskenat e një drame njerëzore të rrëfyera me sinqeritet të thellë. Kushdo që ka humbur një njeri të dashur do të gjejë ngushëllim të vërtetë te fjalët e autorit. Fragmentet drithëmese që ndikojnë drejtpërdrejt te lexuesi, e bëjnë të paharrueshëm librin "Premtomë, baba". Detajet e vogla dhe prekëse që dëshmohen në marrëdhënien midis Bajdenit dhe djalit të tij në prag të vdekjes, do të qëndrojnë gjatë në kujtesën e lexuesit." NEW YORK TIMES "Në këtë rrëfim, Bajdeni ndërthur dramën e tij therëse me historinë e fushatave zgjedhore dhe me zhvillimet historike të marrëdhënieve me jashtë. Si rrjedhojë, ai ofron diçka për të gjithë sepse çdo lexues merr nga përvoja e autorit atë që i intereson më shumë." NEW YORK TIMES BOOK REVIEW
Çmimi: 1400 Lekë
titleToAlt
Në moshën tridhjetedyvjeçare, zemra e Kimbërly Rozit është thyer aq herë, sa nuk e mban mend më. Me dy fejesa të dështuara, një divorc dhe tanimë e vetme dhe pa asnjë dritë në fund të tunelit, Kimi duket se "nuk plotëson asnjë kusht" për të pasur sukses në jetë. E trembur se mos tani duhet të kalojë edhe një Krishtlindje tjetër vetëm, ajo regjistrohet në një konferencë letrare në hotelin "Streha e Krishtlindjes". Gjithashtu, ka fjalë se në atë konferencë do të jetë i pranishëm edhe shkrimtari i saj i parapëlqyer dhe Kimi nuk do ta humbasë rastin për t'u njohur me të. Një ditë, ajo njihet me një shkrimtar tjetër të ri, një burrë i zgjuar, i cili duket po aq i interesuar për Kimin, sa edhepër konferencën. Teksa Ziki e ndihmon të zbulojë pse libri i saj është i dështuar, ajo pyet veten nëse në të vërtetë ai nuk e ka fjalën për librin, por për jetën e saj. Ndërkohë, edhe vetë Ziki ka pasiguritë dhe dështimet e tij në jetë. Mbi të gjitha, ka një tëfshehtë për të cilën nuk guxon të rrëfehet... Ashtu si letërsia, edhe marrëdhëniet njerëzore duhen jetuar me pasion dhe ndjeshmëri, që të jenë të suksesshme e jetëgjata.
Çmimi: 1200 Lekë
titleToAlt
Vetëm njëzet e gjashtë vjeç, heroi kryesor i këtij romani, Herri "Lepur" Engstrëm është një burrë-fëmijë, i zënë në një luftë midis instinktit dhe mendimit, vetvetes dhe shoqërisë, kënaqësisë seksuale dhe detyrës familjare. Frika se mos humbet në rutinën e jetës konvencionale shoqërore dhe fetare e bën të vrapojë dhe t'ia mbathë nga një situatë pa rrugëdalje në tjetrën. - Po ke guxim tëjesh vetja, të tjerët e paguajnë çmimin. - thotë Lepuri. "Lepur, vrapo" është romani i parë i tetralogjisë së Lepurit, që përcaktoi vendin e John Updike si një prej autorëve më të rëndësishëm amerikanë. Autori u vlerësua me çmimin Pulitzer për dy romanet vijuese, "Lepuri është i pasur" dhe "Lepuri prehet". Së bashku me romanin "Lepuri kthehet", kjo tetralogji unike rrëfen historinë nga rinia në vdekje të yllit të dikurshëm të basketbollit, Herri "Lepur" Engstrëm, i cili i përket shtresës së mesme të shoqërisë amerikane. Ngjarjet zënë fill në qytezën imagjinare të Bruërit, Pensilvani, kur instinktivisht, pa asnjë plan të paracaktuar, Lepuri braktis gruan shtatzënë dhe djalin. "Tetralogjia për Lepurin vazhdon të jetë romani më i mirë amerikan pas Luftës së Dytë Botërore". -Julian Barnes, The Guardian "Tetralogjia e Herri 'Lepur' Engstrëmit është kryevepra dhe, pa dyshim, monumenti letrar i Updike. Ashtu si Saul Bellow, Updike është mjeshtër i kalimit nga rrëfimi në vetën e tretë në atë në vetë të parë, nga metafora e fuqishme tek e përditshmja, nga detajet e veçanta te përgjithësimet, nga e njëmendta te metafizikja, nga e frikshmja te komikja". -Ian McEvvan, The New York Review
Çmimi: 1000 Lekë
titleToAlt
Imagjinata e Roul Xhefersonit na sjell një aventurë të përmasave epike. Bashkohuni me Rolandin dhe shokun e tij të ngushtë, Garg Barbarin, teksa lënë fshatin e tyre të rehatshëm dhe nisen në një mision për të shpëtuar nga Magjistari i Bardhë mamin e Rolandit. Do të arrijnë heronjtë tanë të mbijetojnë? Zbulojeni në "Aventurat e shokut fantastik" të Roul Xhefersonit.
Çmimi: 700 Lekë
titleToAlt
FRANÇESKA është vajza e një kumbari të mafias italiane në Çikago. Ajo ka bërë një jetë të mbyllur dhe është edukuar në mënyrë unike. Është rritur për të përvetësuar vlerat e dikurshme, ato tradicionale. E vetmja gjë që dinte me siguri, ishte se ajo donte të martohej me djalin e një anëtari të Autfitit të Çikagos, me Anxhelon. ANXHELO është i pashëm, simpatik dhe punon për biznesin familjar. Ai është i gatshëm të luajë sipas rregullave, kur bëhet fjalë për Françeskën. SENATORI UOLF KITËN është një i panjohur dhe një enigmë. Ai është tërheqës si mëkati, i pamëshirshëm, i fuqishëm, i këndshëm kur i do qejfi, dhe ambicioz. Ai ka reputacionin e madh të një gruari, të cilin e ka merituar plotësisht. Bota e Françeskës ndryshon papritur kur ajo përfundon e fejuar me Uolfin në vend të Anxhelos. Ajo kapet pas mënyrës se si gjithçka ndryshoi kaq papritur, ndaj reagimet e saj janë të kuptueshme, duke pasur parasysh moshën e re dhe edukimin e saj. Françeska nuk është aspak siç e priste Uolfi dhe ata përballen për gjithçka. Ajo sfidon Uolfin në një mënyrë krejt e re për të.
Çmimi: 1000 Lekë
titleToAlt
Ndërsa rriteshin, Xhozi dhe Meredith Garland kishin një marrëdhënie të ngrohtë mes tyre, pavarësisht se ndonjëherë edhe ziheshin. Xhozi ishte impulsive, e gjallë, e papërmbajtur, kurse Meredithi punëtore, e menduar dhe e përmbajtur. Kur i goditi tragjedia, lidhja e tyre delikate u shpërbë. Pesëmbëdhjetë vjet më vonë, Xhozi dhe Meredithi ishin në fund të të tridhjetave dhe ndiqnin rrugë krejt të ndryshme. Xhozi, mësuese e klasave të para, ishte ende beqare dhe mendonte të hiqte dorë përfundimisht nga përpjekjet për t'u lidhur me dikë. Nuk kërkonte aq shumë të gjente djalin e duhur sesa të bëhej nënë, një ndjenjë që iu rigjallërua kur vajza e ish të dashurit u regjistrua në klasën e saj. E vendosur të realizonte të ardhmen që kishte ëndërruar gjithmonë, Xhozi vendosi ta merrte vetë në duar çështjen. Nga pamja e jashtme, Meredithi ishte vajza model me jetën e përsosur. Avokate e suksesshme, ishte martuar me një burrë të mrekullueshëm dhe kishin një vajzë të bukur katërvjeçare. Megjithatë, Meredithi ndjeliej e pakënaqur dhe jo e qetë, pyeste veten nëse kishte zgjedhur jetën që duhej apo atë që kishte dëshiruar vërtet. Ndërkohë që afrohej përvjetori i tragjedisë dhe të fshehtat e dhimbshme nisën të dilnin në sipërfaqje, Xhozi dhe Meredithi jo vetëm duhet të përballen me çështjet që i ndanë, por edhe me zgjedhjet që kanë bërë. Në udhëtimin drejt kuptimit dhe faljes, të dyja motrat zbulojnë se kanë nevojë për njëra-tjetrën më shumë nga sa ua kishte marrë mendja dhe se, në kërkimin e lumturisë së vërtetë, dashuria është gjithnjë e para.
Çmimi: 1200 Lekë
titleToAlt
Aventura që zuri fill me "Sekretin e shtëpisë në ishull" dhe vijoi me "Qytetin e magjepsur", mbërrin në një përfundim drithërues me "Bibliotekën e shpirtrave". Xhejkobi 16-vjeçar zbulon te vetja një aftësi të re, tepër të fuqishme, dhe shumë shpejt do të kridhet në histori për të shpëtuar shokët e tij Të Veçantë nga një kështjellë e ruajtur fort mirë. Në udhëtimin e tij, Xhejkobin e shoqërojnë Ema Blum, një vajzë me zjarrin në mollëzat e gishtave, dhe Adisoni, një qen që nuhat fëmijët e humbur. Ata udhëtojnë nga Londra e ditëve të sotme nëpër shtigjet labirintike të Devil’s Acre, një nga lagjet më fundërrina të epokës viktoriane. Është një vend ku do të vendoset njëherë e përgjithmonë fati i të gjithë fëmijëve Të Veçantë kudo që gjenden. Ashtu si dhe në librat e mëparshëm, në "Biblioteka e shpirtrave" bëhen bashkë fantazia emocionuese me fotografitë e vjetra, të pabotuara kurrë më parë, për të krijuar një përvojë të rrallë leximi.
Çmimi: 1000 Lekë
titleToAlt
Mbi një milion njerëz në gjithë botën kanë lexuar romanin "Mrekullia" dhe u ka hyrë fort në zemër Agi Pullmani, një djalë i zakonshëm, me një fytyrë të pazakontë. Por të gjithë e mbajnë mend edhe Xhuljanin, shokun e tij të keq dhe mizor. Tashmë në "Kapitullin e Xhuljanit" vetë ai do të na rrëfejë historinë që nga njohja e parë me Agin, armiqësinë që ndjeu ndaj tij, talljen me fytyrën ndryshe të tij, si dhe grindjet me shokët e tjerë. Por pse e nëpërkëmb Xhuljani shokun e klasës? A është vërtet i lig ai, apo ka diçka më tepër në këtë mes? Ndërsa lexuesi përballet me anën e errët të Xhuljanit, do të zbulojë jo vetëm frikërat e tij dhe përpjekjet për t'i fshehur ato nën petkun e djalit "të fortë", por edhe ndjeshmërinë e një djali që zbulon mirësinë brenda vetes, teksa dëgjon e kupton historinë e trishtë të gjyshes së vet. Në "Kapitullin e Xhuljanit" tregohet që njeriu mund të ndryshojë dhe të gjejë të mirën e pendesën e sinqertë brenda vetes. Ndonjëherë, urrejmë ato gjëra të cilat i kemi frikë. “Që të gjithë - fëmijë e të rritur - duhet të lexojnë "Mrekullinë. "Kapitulli i Xhuljanit" i jep vlerë edhe më të madhe historisë së "Mrekullisë". Na sjell ndër mend rëndësinë e dhembshurisë në jetën e përditshme.” -BBC Radio 4 “[...] historia e Xhuljanit është e mbushur me befasi që theksojnë temën e dhembshurisë jo vetëm ndaj viktimës, por edhe ndaj dhunuesit. Fëmijët do të mësojnë se ç'do të thotë të futesh nën lëkurën e tjetrit, kur të zbulojnë se çfarë e shtyn Xhuljanin të sillet aq keq.”-School Library JournaL “Lexuesit e njohin Xhuljanin si "i forti" që e bëri të vuajë Agin, por kjo histori hedh dritë mbi anët e errëta të tij, duke nxjerfë në pah të vërtetën e tij.” -Booklist
Çmimi: 600 Lekë
titleToAlt
Një histori epike për dashurinë, luftën dhe forcën e shpirtit njerëzor Itali, 1943 - Lufta e Dytë Botërore. Gjermania ka pushtuar pjesën më të madhe të vendit, ndërkohë që rrezikohet jeta e popullatës hebraike. Eva Roseli dhe Anxhelo Bianko u rritën si motër e vëlla, por të ndarë nga feja dhe nga rrethanat. Me kalimin e viteve, të dy kuptojnë se ata duhet të jenë vërtet një familje, por jo ashtu si i mendojnë të gjithë. Megjithatë, duket se thirrja e Anxhelos në jetë është kisha dhe pavarësisht nga ndjenjat e forta për Evën, ai zgjedh të bëhet prift. Pas më shumë se një dekade, Anxhelo është prift katolik, ndërsa Eva një grua e mbetur fillikat. Kur Gestapo i shtrin kthetrat më gjerë, Anxhelo e strehon Evën brenda mureve të një kuvendi. Por ajo nuk mund të qëndrojë e fshehur, sepse ka shumë arsye për të luftuar. Anxhelo nuk e ndal dot, por bën të pamundurën që ajo të jetë gjithmonë larg rrezikut. Gjithë bota është në luftë dhe të gjithë njerëzit në vuajtje. Eva dhe Anxhelo do të kalojnë sfidë pas sfide, derisa fati të mos jetë më në anën e tyre dhe t'i detyrojë të bëjnë zgjedhjen më të vështirë...
Çmimi: 1400 Lekë
titleToAlt
Për disa, jeta është një ëndërr. Lotoja dhe Matilda - djali i artë dhe princesha prej akulli - njihen pas mbarimit të universitetit dhe martohen menjëherë. Të rinj, të bukur dhe marrëzisht të dashuruar, nisen drejt fatit të tyre të lumtur. Lotoja, pa shumë dhimbje, rrëfen ambicien e tij për t'u shndërruar nga aktor në një personazh të njohur në fushën e dramaturgjisë, ndërsa Matilda dëshmon se është gruaja e përsosur, muza e heshtur; ai dëshiron të jetë në qendër të vëmendjes, kurse ajo zgjedh prapaskenat; ai është i sigurt dhe i hapur me njerëzit dhe të ardhmen, ajo rri në hije dhe është e padukshme. Ajo çka të gjithë shohin ose besojnë se shohin nga jashtë, janë njëzet e katër vjet martesë të një çifti të përsosur. Por mjafton vetëm të ndryshojë këndvështrimi dhe maska bie. Fati tronditet pa mëshirë dhe Matilda kthehet në shtrëngatën që shkarkon një ngarkesë të tërë të panjohurash. Me një stil të shkruari tejet të thellë dhe të shkëlqyer, Lauren Groff ka arritur t'i japë mjeshtëri rrëfimtare asaj që mund të lexohet si një pjesë teatrore, si një tragjedi e vënë në jetë nga dy personazheve të shkëlqyer; sepse çdo histori ka dy anë, ndërsa çelësi i një martese nuk është e vërteta, por sekreti. «Një nga kënaqësitë që të ofron ky libër janë të papriturat. Lauren Groff di si ta shndërrojë çdo fjali në një uragan të vogël». The NewJork Times
Çmimi: 1400 Lekë
titleToAlt
Kërkohen gra të moshave 18 deri në 32 vjeçe, për të marrë pjesë në një studim për etikën dhe moralin, nën drejtimin e një studioje pararojë në fushën e psikiatrisë, në qytetin e Nju Jorkut. Shpërblim i kënaqshëm, anonimat i garantuar. Xhesika Farris, një grimiere e varfër, ofrohet të marrë pjesë në një studim të drejtuar nga dr. Shillds, psikiatre në Universitetin e Nju Jorkut. Më shumë se çdo gjë i intereson pagesa "e majme" e ndoshta edhe drithërima e diçkaje të re. Jeta e saj është e mbushur me bredhjet nëpër Manhatan për të trukuar studente për netët e tërbuara, apo me mbrëmjet e saj të heshtura në shoqërinë e qenit. Kur vë këmbë në sallën 214, me një kompjuter të ndezur, ku lexohet: Mirë se erdhe, subjekti 52, diçka i thotë se mbase është treguar shumë e nxituar. Sinqeritet absolut: a do të jetë e zonja? Do të ishit e aftë të gënjenit, pa pasur ndjenja faji? Keni lënduar ndonjëherë keqazi dikë që e doni fort? Do t'i lexonit mesazhet e burrit ose shokut tuaj? Dalëngadalë, pyetjet e dr. Shillds bëhen përherë e më këmbëngulëse, shumë personale e të rrezikshme. Duket sikur ka kuptuar gjithçka për Xhesikën: çfarë mendon ajo, çfarë fsheh. Dhe kur i kërkon të kalojë nga salla 214 në botën reale, për të tashmë është shumë vonë për t’u tërhequr nga loja.
Çmimi: 1250 Lekë
titleToAlt
Kjo biografi e shkëlqyer e Melania Trampit nga gazetarja Mary Jordan, fituese e Çmimit Pulitzer të gazetës "Washington Post", "zbërthen me shkathtësi dhe pa asnjë agjendë Melaninë" (NBC News), e cila ka në Shtëpinë e Bardhë më tepër ndikim nga sa kujtojnë shumë njerëz. Mbështetur në intervista me më tepër se njëqind njerëz në pesë shtete të ndryshme, Arti i marrëveshjes së saj: Historia e pathënë e Melania Trampit na skicon një portret të paprecedentë të Zonjës së Parë. Edhe pse imazhi i saj publik është ai i një gruaje të ftohtë që qëndron mbi lojërat politike të Uashingtonit, pas skenës Melania Trampi nuk është vetëm pjesë e rrethit të ngushtë të presidentit Tramp, por në disa vendime kyçe, ajo ka qenë këshilltarja e tij e vetme më me ndikim. Në jetën publike, Melania Trampi ka synuar enkas të mbetet e mistershme. Me ndihmën e njerëzve kyç që flasin për herë të parë publikisht dhe nëpërmjet dokumenteve të pabotuar më parë, Arti i marrëveshjes së saj vështron përtej sipërfaqes, për të zbuluar një emigrante këmbëngulëse dhe jetën që ka bërë përpara se të njihej me Donald Trampin. Autorja Mary Jordan ndjek gjithë udhëtimin e Melanisë nga Sllovenia, ku familja e saj dallohej për veçantinë, deri në ditët kur punonte si modele në skenën e një industrie të rëndë, në banesën e vogël të Manhatanit ku jetonte me një fotograf e deri te vallëzimi i gjatë e i ngatërruar dashuror që, në fund, rezultoi me martesën me Trampin. Autorja dokumenton rolin thelbësor të Melanisë në jetën politike të Trampit para dhe gjatë qëndrimit të tij në Shtëpinë e Bardhë, duke treguar pse ai u beson aq shumë instinkteve të saj.
Çmimi: 1200 Lekë
titleToAlt
Çmimi: 1200 Lekë
titleToAlt
Bestseller i New York Times. Libri më i mirë i muajit në Amazon Fitues i çmimit Parents Choice në 2017. Libri më i mirë i muajit në Barnes and Noble. Nominuar për çmimin Louisiana Readers në 2018-2019. Isa është një mi, një mi me ngjyrë të kaltër ç'është e vërteta, që mund të flasë, të qeshë e të lexojë, si edhe ju. Kjo histori prekëse rrëfen udhëtimin e guximshëm të Isës kur ai përpiqet të shpëtojë familjen e tij nga një laborator i llahtarshëm dhe në rrugë e sipër zë miqësi të reja.
Çmimi: 1000 Lekë
titleToAlt
- Mos!- tha Suzana, kur ai e pushtoi përsëri në errësirë. - Ajo mund të vijë. -Jo jo,- ja priti ai tërë afsh. Ata degjuan me kujdes, por çdo gjë ishte e qetë. Ai vazhdoi të bisedoi për gjëra të ndryshme, ndërsa vazhdonte të përkëdhelte krahun e zhveshur të Suzanës. Bukuria e vajzës, magjepsja e natës, dehja e muzikës, e bënë ta humbiste mëndjen. Me gjithë kundërshtimet e Suzanës, ai e tërhoqi në krahët e tij dhe, në atë çast, u duk befas Anxhela te dera , në qoshen tjetër të studios. Ishte e kotë të përpiqeshe për të mbuluar të vërtetën, ajo i kish parë të gjitha...
Çmimi: 990 Lekë
titleToAlt
Është e çuditëshme se si sukseset e jetës janë në gjëndje të mbyllin plagët e së kaluarës; të mbulojnë të çarat, siç bëjnë bimët kacavjerrës dhe të krijojnë iluzionin e lumturisë dhe të mirëqenies aty ku ndodhen vujte shpirtërore dhe dëshpërime. Kështu ndodhte puna edhe me Anxhelan dhe Juxhinin.Ata po jetonin prapë së bashku, po u afroheshin pak nga pak të gjithë miqve të tyre të vjetër dhe, në pamjen e jashtme, dukeshin aq të lumtur, sikur anija e lumturisë së tyre bashkëshortore të mos kish kaluar asnjë shtërngatë...
Çmimi: 1190 Lekë
titleToAlt
Konelli dhe Mariana ndjekin të njëjtën shkollë në një qytet të vogël irlandez. Por përndryshe ata s'kanë asgjë tjetër të përbashkët. Në shkollë, Konelli është një tip popullor që të gjithë e duan, ndërsa Mariana një tip i vetmuar, që të tjerët e shohin me dyshim. Por kur njihen, mes tyre krijohet një raport sa kompleks aq dhe elektrizues, i cili ka për t'u ndryshuar jetën që të dyve. Sidoqoftë gjithçka ndryshon kur shkojnë të ndjekin universitetin në Dublin: tanimë, Mariana e gjen veten dhe ndjehet mirë në ambientin e ri social, ndërkohë që Konelli bën një jetë të mënjanuar dhe ndjehet i pasigurt. Të dy janë në kërkim të përvojave dhe mundësive të reja, por gjithnjë një forcë magnetike i tërheq në mënyrë të parezistueshme drejt njëri-tjetrit. Dhe kur Mariana hyn në një rrugë vetëshkatërruese, dhe ai po përjeton një periudhë të vështirë në jetë, secilit prej tyre i duhet t'i bëjë vetes pyetjen: deri ku është i gatshëm të shkojë për të shpëtuar tjetrin. "Njerëz normalë" është historia magjepsëse e miqësisë dhe dashurisë mes dy njerëzish që kuptojnë se e kanë të pamundur të jetojnë larg njeri-tjetrit. Bazuar te ky roman, BBC ka prodhuar një film mjaft të suksesshëm teieviziv me 12 seri, i cili filloi të shfaqet në prill të 2020. The New York Times, The Times, Daily Mirror, The Oprah Magazine, Time, NPR, The Washington Post, Vogue, Esquire, Glamour, Elle, Marie Claire, Vox, The Paris Review, Good Housekeeping, Town & Country e shpallën "Njerëz normalë" librin më të mirë të vitit 2018. “Vetëm 27 vjeç dhe konsiderohet talenti më i madh i një brezi.” - Jojo Moyes
Çmimi: 900 Lekë
titleToAlt
Në periferinë e qetë dhe të fisshme të Shejkër Hajtsit, gjithçka është e planifikuar: që nga ngjyra me të cilën do të lyhen shtëpitë e deri tek e ardhmja e ndritur që do të kenë banorët. Elena Riçardsoni është personifikimi i gjallë i gjithë kësaj. Mia Uorreni, artistja enigmatike dhe nëna e një fëmije pa baba, mbërrin në këtë oazë idilike me vajzën adoleshente, Perlën, dhe strehohet në shtëpinë e dytë të familjes Riçardson. Nuk kalon shumë dhe Mia me të bijën bëhen më tepër se qiramarrëse: të katër fëmijët e Riçardsonëve mahniten nga dyshja joshëse nënë-bijë. Sidoqoftë, Mia nuk pranon kurrsesi të pajtohet me rregullat, bindje që kërcënon të shkatërrojë këtë komunitet të planifikuar deri në hollësi. Nga ana tjetër, kur miqtë e Riçardsonëve vendosin të adoptojnë një fëmijë me origjinë kineze, në qytet shpërthen një betejë Ligjore që do t'i ndajë në dy pjesë banorët dhe do t'i hedhë Mia Uorrenin dhe Elena Riçardsonin në kampe kundërshtare. Zonja Riçardson është e vendosur të zbulojë sekretet e së shkuarës së Miës, mirëpo, ngulmimi për të nxjerrë në dritë të vërtetën do të ketë pasoja shkatërruese për familjen e saj... dhe të Miës.
Çmimi: 1300 Lekë
titleToAlt
Eksperti i parë në botë për krijimin e zakoneve, ju tregon si mund të keni jetë më të lumtur dhe më të shëndetshme: duke e nisur pak e nga pak. Kur vjen puna te ndryshimi, vogëlsirat janë të fuqishme. Niseni me dy pompa mbi krahë në ditë, jo me stërvitje dy orëshe, me pesë frymëmarrje të thella në mëngjes, jo me një orë meditim. Te "Zakone të Vogla", BJ. Fogg sjell përvojën e tij në trajnimin e mbi 60,000 njerëzve, të cilët i ka ndihmuar të bien në peshë, të largojnë stresin, të flenë më mirë apo të arrijnë çfarëdolloj objektivi. Gjithçka ju duhet është vetëm formula e sjelljes që ka shpikur Fogg: Bëjeni të thjeshtë, gjejini një vend ku ta fusni në jetën tuaj dhe ndjehuni mirënjohës. Sa herë hipni në makinë, mbushuni një herë thellë me frymë. Buzëqeshni. Sa herë shtriheni në shtrat, fikeni telefonin. Përgëzojeni veten për këtë. Ndryshimi mund të jetë i thjeshtë, pasi fillon, vazhdon të rritet. Dhe BJ.Fogg jua tregon se si. Me "Zakone të Vogla" do të mësoni: • Një metodë të thjeshtë për t'i bërë qëllimet të vogla dhe të arritshme • Pse emocionet, dhe jo përsëritja, janë baza e krijimit të zakoneve • Si të hiqni qafe zakonet e këqija • Dhe shumë më tepër!
Çmimi: 1200 Lekë
titleToAlt
Autobiografitë janë si përrallat moderne. Në to, shkrimtari përballet me sfidën e vështirë të të përpjekurit për të kuptuar, falur e madje edhe për të dashur. Lexuesit do të mrekullohen nga inteligjenca dhe dashamirësia e fëmijëve të famiijes Uolls. "Kështjella prej xhami" është një autobiografi e shkëlqyer dhe argëtuese, e cila do t'ju njohë me një familje sa të çuditshme, aq edhe unike. Kur është esëll, babai karizmatik dhe brilant i Xhanetës, u kushton shumë kohë fëmijëve dhe madje u mëson atyre fizikën, gjeologjinë dhe se si t'i bëjnë ballë jetës pa iu trembur syri. Ama kur është i dehur, ai kthehet në një mashtrues dhe shkatërrimtar. Nëna e saj ishte një shpirt i lirë, së cilës nuk i pëlqeu kurrë përgjegjësia e rritjes së fëmijëve dhe mirëmbajtjes së shtëpisë. Kështu, fëmijët Uolls mësuan të kujdeseshin vetë për veten. Ata e ushqyen, veshën dhe e mbrojtën njëri-tjetrin, derisa një ditë të bukur arritën të shkonin në qytetin e Nju Jorkut. Ky libër portretizon mjeshtërisht një familje të veçantë, por shumë besnike. Xhaneta Uolls e tregon historinë e saj në një mënyrë brilante dhe pa asnjë grimë vetëmëshirimi.
Çmimi: 1200 Lekë
titleToAlt
Ktheu kokën duke ecur, por tashmë nuk e pa - ai ishte fshehur në shtëpizën e vet. Ajo e ndjeu veten mirë - ai kishte veshur xhaketën e saj dhe kishte ushqimet që i dha ajo. Për qëllimin e mëparshëm - të hidhej në lumë -ajo tashmë harroi dhe të mendonte. Tani, duke u kujtuar për këtë, e quajti dëshirë të pakuptimtë. Duke u rrudhur nga gudulisjet e flokëve të borës, Xhini buzëqeshi duke menduar për këtë njohje të çuditshme. A do ta gjejë vallë atë nesër në vendin e mëparshëm? Ndoshta jo. Por, gjithsesi, ai i kishte dhënë asaj shumë më tepër se ç’i kishte dhënë ajo atij. Ajo i dha djalit xhaketën dhe ushqimin, por e dinte se, po të mos shfaqej ai papritur -kush e di se nga - ajo do të ndodhej tani në fund të lumit.
Çmimi: 1400 Lekë
titleToAlt
Klarku ishte mjeshtër për të qëndruar larg rrezes së radarëve dhe të bënte një jetë shembullore, por herë pas here kishte disa gjëra, që edhe Aliksit i dukeshin tepër të bukura që të ishin të vërteta. Asaj i duhej të pranonte se ai ishte një njeri fatlum, që kishte vënë pasuri dhe ishte martuar dy herë. Sipas Feliksit, gjithë këto nuk ishin punë fati: as investimet fitimprurëse në bursë dhe, as paratë e së shoqes. Ai ishte shumë i pasur dhe për këtë nuk mund ta qortoje, por në fillim të karrierës nuk kishte qenë aspak. Atëherë, nga vinte tërë kjo pasuri? Kjo pikëpyetje e mundonte prej shumë kohësh Feliksin. Zëvendës-presidentin askush nuk e kishte akuzuar ndonjëherë për parregullsi, por Feliksi vriste mendjen se në ç'rrugë e kishte arritur ai tërë këtë.
Çmimi: 1400 Lekë
titleToAlt
Nora shpresonte që Xhoja të vinte ta shihte tek largohej dhe kishte shpresuar që dielli do ta verbonte aq sa ajo të përkulej e të dilte në një rrugë anësore, jashtë rrezes së Manhatanhenxhit. ...Treni shkëlqente nga boja e zezë e freskët dhe përçinat e shndritshme të vendosura në një distancë të përsosur. “Të gjithë në bord”, thirri faturinoja dhe Nora shtrëngoi kolonën. Në të njëjtën kohë, byzylyku i saj me hajmali rrëshqiti poshtë kyçit, atij kyçi që ishte po aq i zbehtë dhe i lëmuar sa ç’kishte qenë në mëngjesin e 5 dhjetorit të 1925-ës. Me kokën varur dhe lotët që i rrëshqisnin butë, ajo i tha vetes se pas çdo muaji që kalonte, do ishte gjithnjë e më e sigurt se kishte bërë gjënë e duhur duke u siguruar që Xhoja qe nisur—dhe sërish po bënte gjënë e duhur që nuk e kishte thirrur atë përsëri... Ndonjë ditë mund të kishte një dashuri tjetër në jetën e saj, një jetë të cilës do t’i jepte fund pasi të kishte shijuar çdo pikëz gëzimi që mund të gjente në të. Por askush nuk do krahasohej dot me Xhonë. Nuk mund të ekzistonte një burrë tjetër me atë kombinimin e tij të rrallë e të mrekullueshëm të dashamirësisë dhe forcës. Nora Lensing do të kishte energji të mjaftueshme për dy jetë normale, por ajo nuk kishte mbaruar punë akoma me këtë që kishte tani. Ajo do të qëndronte aq kohë sa të donte dhe kur të largohej, nuk do të ishte një ditë e çfarëdoshme apo aksidentale, për t’u mbyllur përgjithmonë në mugëtirën gri. Kur të largohej, do të ishte në një perëndim fatal të Manhatanhenxhit që do ta zgjidhte vetë, kur të kapërcente pragun e dhimbjes në atë që supozonte se do të ishte ose errësirë e plotë ose ndonjë lloj tjetër drite.
Çmimi: 1400 Lekë
Të gjitha të drejtat e rezervuara. © 2015 Librari Albania