Një vëllim i cili përbëhet nga 16 tregime të shkurtra, që dëshmojnë për mjeshtrinë në trajtimin realist dhe bindës nëpërmjet humorit dhe satirës së mprehtë. Tregimet pasqyrojnë boshësinë klasike të burokracisë apo edhe situatat komike në të cilat ndodhen personazhe nga shtresa të ndryshme të popullit. Duke lexuar faqet e këtij libri, tregim pas tregimi, do gjesh sigurisht mjaft satirë, por edhe do të njohësh ambiente nga më të ndryshmet e shoqërisë turke, që nga ushtria e deri në zyrat e bashkisë, në lagjet e qytetit apo në fshatra të humbur. Lexuesi do të gjejë në tregimet e këtij vëllimi naivitet dhe injorancë, burokraci, korrupsion dhe varfëri, të gjitha këto të shkruara bukur dhe që dëshmojnë për njohjen e thellë të shoqërisë turke të kohës. Herë-herë autori fshikullon edhe absurditetet në qëndrimet politike që i çorientojnë njerëzit e thjeshtë, si me pyetjet: "A keni të drejtë? A jeni majtas apo djathtas?" Një tufë historish gazmore, të pëlqyeshme që e çlirojnë njeriun nga mendimet duke shëtitur lehtësisht nëpër faqet dhe historitë plot gaz dhe satirë.

Babai i Matildës, Zoti Krimbaçi, mendon se ajo s’është veçse një picirruke mendjemadhe. Ndërsa e ëma kalon çdo pasdite duke luajtur bingo. Po drejtoresha e shkollës? Ajo është më e tmerrshmja nga të gjithë! Një grua tirane që mendon se të gjithë fëmijët duhen zhdukur nga faqja e dheut... Kurse Matilda vetë është një vogëlushe e jashtëzakonshme me mendje magjike, së cilës tashmë i ka ardhur në majë të hundës! Kështu që të gjithë këta të rritur bëjnë mirë ta ruajnë veten, pasi ka ardhur koha që Matilda t’u japë një mësim të mirë!

Rrugëtimi i Nikit drejt famës: ✔ Përballja me Divën ✔ Mosmarrëveshja me shoqet e ngushta ✘ E guximshmja, e cila e fiton famën falë talentit të saj.

Receta për të qenë një katastrofë: 4 përbërës. Shto 2 shoqe dhe dashurinë sekrete. Pjesëtoji me një vajzë të keqe, të gatshme për të shkatërruar Nikin. Përzieji mirë, fërko sytë dhe fillo të qash.

Sot në shkollë ndodhi diçka emocionuese. Berenike fon Bëdekeri krijoi grupin e vajzave të quajtur VAJZAT RREZATUESE. Aty bëjnë pjesë të gjitha vajzat e klasës, përveç meje dhe Shajenit, shoqes sime të ngushtë, kështu që ne u themi gjithnjë Delet acaruese. Por nuk e kemi aspak problem, pasi edhe ne kemi krijuar grupin tonë, LEPURUSHAT EGERSIRA. Duke qenë se dy veta janë shumë pak për një grup, kemi futur në të edhe Paulin bashkë me shtëpinë që ai ka në pemë. E sikur të mos na mjaftonin vetëm DELET ACARUESE tani duhet të merremi edhe me Rokerët. A thua do të na ndihmojë fyelli indian që kam për t'i hequr qafe? Apo do të na ndodhin edhe më shumë gjëra të çuditshme? Aventura e dytë e Sharlotë Petermanit, një ditar mëse gazmor për vajza!

Lexuesi ynë ka pasur rastin të njihet për herë të parë me autorin Fatos Mullisi nëpërmjet librit të tij me tregime humoristike “Një tregim për të qarë”. Ai ka pasur edhe botime të tjera, dhe me mënyrën e tij të humorit ka vazhduar me romanet satirike “Tango mushkonjash” dhe “Jetë qeni”. Në çdo rresht të librave të tij ndjehet stili i autorit dhe ai gjen ato hollësira të jetës së përditshme të cilat e karakterizojnë dhe dallojnë veprën me humorin e veçantë të tij. Këtë radhë lexuesi i apasionuar pas humorit do të ketë rastin të lexojë librin me tregime humoristike “Trashëgimtarët e Stambollit”. Në çdo tregim Mullisi përshkruan një realitet që shumë prej nesh në një farë mënyre ose tjetër e jetojmë, por ajo që padyshim e bën tërheqës librin është mënyra e të rrëfyerit ku humori është i pranishëm kudo. Në përfundim të këtij libri, jam i bindur se lexuesit do t'i mbetet në kujtesë një e qeshur herë gazmore dhe herë e trishtë.

Ky libër është përplot me materiale poltësuese për të të mbajtur të zënë nëse edhe ty, sikurse mua, nuk të shkuan pushimet sipas planit. E kujt do t’i kishte shkuar ndërmend se letrat ngjitëse të shënimeve do të shërbenin për krijim logosh, krijim librash me imazhe lëvizëse e dedikime të bukura për tu ngjitur mbas shpinës së Markusit.

Dikur jeta ka qenë më e bukur, apo jo? Kjo është pyetja që ngre Gregu, teksa qyteti i tij stakon pajisjet elektronike vullnetarisht. Por jeta moderne ka komoditetet e veta dhe Gregu s’është prerë për një botë të stilit të vjetër. Me tencionin që ngrihet brenda dhe jashtë shtëpisë së Gregut, a do ta gjejë dot Gregu një mënyrë për të mbijetuar? Apo jeta sipas stilit të vjetër, për një fëmijë si Gregu, është tepër e vështirë?

Në ka më keq për një grua se sa kriza e të tridhjetave, është ajo e të tridhjetë e pesave. Xhepi, aktore komike, grua me jetë sentimentale të kënaqshme në dukje, këtë e di mirë. Është goxha me vonesë në lidhje me projektet e jetës dhe pas dy vjetësh dashurie në largësi, i duhet të merret akoma me Mikelen. Ai është i mençur, me humor, ka bërë gjithë atë karrierë dhe nuk ka ish të dashura të marra, që i marrin shpirtin. Kësisoj, duket si burri ideal për t'u martuar e për të bërë fëmijë. E vetmja kleçkë në këtë lidhje romantike është fakti që, Mikele, kurrë nuk i ka nxjerrë nga goja të lidhura bashkë ato fjalët "unë", "ti", "përjetë", "fëmijë", dhe Xhepit, kjo mungesë planesh, zë t'i rëndojë.

Një jetë e zënë, një garë konstante kundër kohës, një punë si një avokate e cila nuk të jep armëpushim: kjo është jeta e Abit. Po në qoftë se një ditë, papritmas, ajo detyrohet të ndalojë? Nga një incident i parëndësishëm, ndërsa është duke vrapuar, godet kokën e saj dhe kur ajo zgjohet , ndodhet në spital. Por sa kohë ka kështu? Abi nuk e di, nuk mund ta di, sepse truri i saj nuk është në gjendje për t’i fiksuar më kujtimet. Çrregullimi mund të jetë jetëshkurtër, ose ndoshta Abi mund të harroj çdo gjë që jeton në vend. Kjo perspektivë e tmerron atë, por nuk do të dorëzohet. Po në qoftë se kjo është një mundësi për të revolucionarizuar jetën e saj? Që të filloj të kujdeset për atë që ajo e ka neglizhuar gjithmonë? Dhe kështu ajo fillon të hartojë një listë të dëshirave: afrohet me familjen, rizbulon gjëra që deri atëherë i ka injoruar, kapërcen frikën e saj të udhëtojë dhe vendos për të shkuar në Nju Jork, ku motra e saj sapo ka lindur një vajzë. Ajo do të jetë në këtë qytet të bukur ,ku do të kalojë momente të papritura të lumturisë dhe dashuria do të trokasë në derën e saj përsëri ... Tani Abi ka gjetur diçka të vlefshme, kështu që është e gatshme për të luftuar me të gjithë forcën e saj. Sepse nga jeta e saj nuk është më e gatshme të humbi asnjë kujtim, qoftë edhe më të parëndësishmin....