titleToAlt
Zbavitu dhe lexo këto përralla të bukura me princeshat e magjishme. Ktheji 6 librat me shpinë dhe shfaqi që të krijosh figurën me princesha.
Çmimi: 1000 Lekë
titleToAlt
Katherine Rundell, fituesja e disa çmimeve dhe autorja e librave Rooftoppers, The Wolf Wilder dhe The Explorer, sjell magjinë e Krishtlindjes nëpërmjet një historie ku ndërthurret klasikja me modernen. E shkruar me shumë ngrohtësi dhe mbushur me nota humori, "Një dëshirë për Krishtlindje" na sjell në vëmendje vlerat dhe njerëzit që vërtet kanë rëndësi për ne. Një djalë i vogël shpreh një dëshirë, që e nxori nga thellësia e zemrës sapo pa një yll që po bie, natën e Krishtlindjes. Dëshira është shumë e thjeshtë, por shumë domethënëse për kohët moderne që jetojmë: “Nuk dua të jem vetëm! Kam dëshirë të kem sot dikë të rrijë me mua." Këtu fillojnë edhe aventurat e djalit të vogël. Teodori, djali i vogël i përrallës sonë, kalon një natë të paharruar me katër miq shumë të veçantë, aq të dashur dhe të çuditshëm njëkohësisht. Libri ka shitur, në Mbretërinë e Bashkuar, më shumë se 7,000 kopje.
Çmimi: 1500 Lekë
titleToAlt
Receta për të qenë një katastrofë: 4 përbërës. Shto 2 shoqe dhe dashurinë sekrete. Pjesëtoji me një vajzë të keqe, të gatshme për të shkatërruar Nikin. Përzieji mirë, fërko sytë dhe fillo të qash.
Çmimi: 900 Lekë
titleToAlt
VETËM ZJARRI MUND TA SHPËTOJË KLANIN TONË Për breza të tërë,katër Klane macesh kanë ndarë bashkë të njëjtin pyll. Por, Klani i Bubullimës është në rrezik të madh, teksa Klani i Hijes forcohet çdo ditë e më shumë. Në mes të kësaj trazire, shfaqet një maçok shtëpie i quajtur Ndryshkamani... i cili mund të rezultojë të jetë luftëtari më i guximshëm nga të gjithë.
Çmimi: 1000 Lekë
titleToAlt
Një luan i përzënë nga tufa e tij. Një elefant që mund ti lexojë kockat të vdekurve. Një babun që ngre krye ndaj fatit të vet. Për breza me radhë kafshët e rrafshinave të Afrikës janë sunduar nga një kod i pandryshueshëm: vrit vetëm për të mbijetuar. Por ekuilibri i brishtë midis grabitqarëve dhe preve tani qëndron në dorë të këtyre tre heronjve të pazakontë... “Personazhe të thellë, një fabul e larmishme, mitologji e pasur dhe një peizazh që të lë pa frymë. I egër dhe i mrekullueshëm.” - Kirkus Reviews
Çmimi: 1000 Lekë
titleToAlt
E parapëlqyer për vite radhazi, ky roman klasik ndjek aventurat e Ana Shirlit, kokëkuqes energjike, e cila shkon të jetojë pranë një familjeje në Grin Grejbëlls dhe fiton zemrat e gjithë atyre që takon aty. Romani “Ana flokëkuqja”, është një nga më të paharruarit dhe njëkohësisht një nga më të këndshmit nën të gjithë letërsinë botërore.
Çmimi: 1100 Lekë
titleToAlt
Dy dhelpra dhe një sekret. I takon Morisit që ta zbulojë. Në moshën 11-vjeçare sapo është shpërngulur në Dautremer, një fshat i përhumbur në Korsikë: ndërkohë që prindërit do të merren me drejtimin e hotelit të rrënuar Napoleon, ai do të vërdalloset duke regjistruar tingujt e detit. Të paktën, kjo ishte ideja, derisa një ditë takon Odrin, një moshatare të tij. Ajo i tregon për zhdukjen e një marinari gjerman. Ky nuk është i vetmi mister. Shumë shpejt, Morisi dhe Odri do të zbulojnë se në të gjithë fshatin fshihet një sekret i errët. që i ka rrënjët në Luftën e Dytë Botërore. Në të njëjtën Luftë, Romeli, gjenerali nazist i quajtur Dhelpra e Shkretëtirës, dhe Sant-Ekzuperi, autori i famshëm i Princit të vogëi mund të kenë bashkëpunuar për të ndryshuar fatin e konfliktit, duke nisur një gjueti thesari që zgjat prej 40 vjetësh dhe që shpie pikërisht në ata shkëmbinj...
Çmimi: 1100 Lekë
titleToAlt
Fëmijët Kid janë rritur me zhytjet në thellësi të deteve e me udhëtimet nëpër botë, duke ndihmuar prindërit e tyre të famshëm të nxjerrin nga thellësitë e oqeanit shpata, dupje floriri lloj-lloj objektesh të tjera. Por kur prindërit e tyre zhduken për shkak të detyrës fëmijët gjenden papritur në gjahun më të madh të thesareve të jetës së tyre. ata duhet të punojnë të bashkuar për të mposhtur piratët e rrezikshëm dhe të mashtrojnë gjahtarin rival të thesareve duke ndjekur gjatë gjithë kohës shenjat e fshehta për të zbërthyer misterin se ç’u ka ndodhur në të vërtetë prindërve dhe për të zbuluar nëse ata janë ende gjallë. Kjo seri e re premton gjithçka: piratë të pamëshirshëm, spiunë të CIA-s, terroristë, vepra arti dhe thesare të paçmueshme të vjedhura. Për më tepër, ajo rrëfen një aventurë të tillë në dete të hapura që do ti duket tërheqëse edhe tokësorëve më të vendosur. ‘’Nuk ke kohë as të marrësh frymë ndërsa fëmijët e familjes Kid hidhen sa në një telash në tjetrin në një rrëfim plot humor e që nuk lëshohet nga dora. Për moshën 8-12 vjeç. ‘’ -Publishers Weekly ‘’Piratët, shenjat e fshehta, stuhitë detare dhe Xhejms Patersoni janë një përzierje shpërthyese.’’ -Barnes and Noble
Çmimi: 1200 Lekë
titleToAlt
Pas dredhisë me kalin e drunjtë, grekët pushtojnë dhe i vënë flakën Trojës. Enea e braktis qytetin mes flakëve, duke mbajtur mbi supe babanë e tij, Ankiein, dhe për dore djalin e tij, Julin. Pasi u end deteve, përpara se të shkonte në Itali për të lënë aty popullin e tij, Enea qëndroi në Butrint. Kjo vepër epike përbëhet nga dy pjesë: - në pjesën e parë përshkruhen peripecitë e heroit trojan, Eneas, nga Troja drejt brigjeve të Italisë; - në pjesën e dytë përshkruhen luftërat fitimtare të trojanëve kundër latinëve, në krye të të cilëve ishte Enea, si dhe vendosjen e trojanëve në tokën latine, për të ngritur një qytet të ri në brigjet e lumit Tiban. "ENEIDA” është vepër epike latine, e shkruar rreth viteve 29-19 p.e.s., nga poeti romak, Virgjili. Ajo i përket epokës së poemave homerike. Në të rrëfehet historia legjendare e princit trojan, Enea. Ai ishte i biri i Ankieit, mbretit dardan dhe i perëndeshës Venus (Afërdita). Pas rënies së Trojës, perënditë kishin përcaktuar fatin e tij dhe ai duhej të themelonte një qytet të ri tokën e latinëve. Enea ndërmori një udhëtim plot peripeci drejt Italisë, ku u bë dhe paraardhësi i romakëve. Enea ishte i njohur tashmë me legjendën dhe mitin greko-romak, duke qenë personazh i Iliadës. Eneida konsiderohet gjerësisht si një nga veprat më të mëdha të letërsisë latine.
Çmimi: 1200 Lekë
titleToAlt
Lavdërata për librin: “I thjeshtë dhe i fuqishëm. Zbavitës dhe i sinqertë... Gojëprishuri dhe torollaku është shumë, shumë i vlefshëm.”- Kuami Aleksandër, shkrimtar fitues i Medaljes Newbery me librin Mbikalimi. “Një rrëfim plot me humor dhe prekës... Djemve do t’ju pëlqejë shumë kjo histori.”- Dr. Majkëll Tompson bashkëautor i bestsellerit të New York Times, Lartësimi i Kainit. “Gojëprishuri dhe torollaku rrëfen për ngacmimet, vështirësitë e miqsisë dhe fuqinë e humorit!”- Erik Kan Geil, Autori i Libri i ngacmimeve.
Çmimi: 1000 Lekë
titleToAlt
Legjendat thonë se ishulli i Hojës ishte dikur një vend ku zogjtë këngëtarë cicëronin në çdo pemë dhe ku ishullarët qenë të lirë të lëviznin si të dëshironin. Kështu ishte para se të mbërrinte aty Guvernatori i vrazhdë dhe korbat të dëbonin zogjtë e tjerë. Tani aty nuk ka më zogj këngëtarë dhe njerëzit janë të ndaluar të shkojnë përtej pyllit që i ndan ata nga pjesa tjetër e ishullit. Por për Izabelën legjendat e ishullit, që është shtëpia e saj, kanë qenë gjithnjë më shumë se thjesht histori. Dhe kur një varg ngjarjesh misterioze tronditin banorët, është Izabela, bija e hartëbërësit të vetëm të ishullit, ajo që do t’i prijë në pyll një grupi zbuluesish për të kërkuar shkaqet. Ndërsa grupi futet thellë e më thellë në ishull, të fshehta të errëta dalin në sipërfaqe dhe legjendat që Izabela ka dëgjuar vazhdimisht japin shenja se po ringjallen.
Çmimi: 800 Lekë
titleToAlt
Dashuria për vendin tënd, impenjimi për shkollën dhe punën, sakrificat, respekti për prindërit, mësuesit dhe autoritetet: këto janë vlerat që mbron me forcë libri “Zemër” dhe të cilat i ka kaluar në breza të panumërt fëmijësh. Botuar për herë të parë në Milano më 1886, romani u përhap shumë shpejt si romani më i famshëm për fëmijë i shkruar në Itali dhe një nga më të njohurit në botë, falë përkthimeve në shumë gjuhë të huaja.
Çmimi: 1000 Lekë
titleToAlt
I botuar në vitin 1880, ky roman tregon historinë e Hajdit të vogël, e cila mbeti jetime kur ishte vetëm pesë vjeç dhe, për këtë arsye, iu besua kujdesit të gjyshit, një burrë në pamje të jashtme i ashpër. Brenda një kohe të shkurtër, vajzës nis t’i pëlqejë jeta në malet zvicerane. Ditët i kalon së bashku me shokun e saj Peter, mes punëve të shtëpisë dhe livadheve. Vazhdoi kështu deri sa Hajdi u detyrua nga tezja të zhvendosej në Frankfurt, për t’i bërë shoqëri Klarës, një vajze të sëmurë me poliomielit. Mes tyre lind një miqësi e fortë, e cila vazhdoi edhe pas kthimit të Hajdit në male.
Çmimi: 1000 Lekë
titleToAlt
Është një botë tjetër, në të cilën mund të arratiset cilido prej nesh, kur realiteti i gjërave dhe veprimeve të përditshme na duket shumë i rëndë: kjo është bota e fantazisë, ku nuk ka kufij të asnjë lloji, ku gjithçka mund të jetë dhe mund të mos jetë, ku çdo gjë nuk ka pse t’u bindet ligjeve të Natyrës, të Arsyes apo të Logjikës, ku mjafton vetëm të imagjinosh... “Liza në botën e çudirave” është historia e një udhëtimi në atë botë dhe aventurat e jashtëzakonshme ku përfshihet Liza e vogël i çojnë lexuesit në një aventurë të mrekullueshme, ku mund të qeshin, zbaviten, takojnë personazhe të jashtëzakonshëm dhe prej ku nuk duan të kthehen më kurrë prapa.
Çmimi: 800 Lekë
titleToAlt
BIG NETI DO T’UA KALOJË TË GJITHË TË TJERËVE! Por, nuk do të jetë e lehtë. - Ai ka përballë Xhinën, armiken e tij të përhershme, e cila mund të prishë gjithçka! Do të fitojë apo do të humbë Neti? Do të arrijë atë që do, apo do të dështojë? Apo, do të përfundojë PËRSËRI... në dhomën e dënimit?
Çmimi: 800 Lekë
titleToAlt
Hapësira të pamasa bore, pyje të dendur e të vetmuar: ja bota e Dhëmbit të Bardhë. Këtu, jeta për qenin-ujk, është një luftë e përhershme me urinë, duhet të vrasë që të mos e vrasin, është një betejë e pamëshirshme kundër kafshëve të të njëjtit lloj, por edhe një lojë dinake kundër keqtrajtimeve të njeriut. Dhëmbi i Bardhë duket sikur njeh vetëm urrejtjen dhe mosbesimin... apo te ai ka vend edhe për ndjenja si dashuria dhe bujaria?
Çmimi: 1000 Lekë
titleToAlt
"Aventurat e pazakonta të shegertit të vogël", botuar për herë të parë më 1913, është një prej klasikëve të letërsisë kroate për fëmijë, shkruar nga Ivana Brlic-Mazuranic. Hlapiti i vogël është shegert në punishten e këpucarit Vetullngrysur, usta i egër dhe i zymtë, i cili sillet keq ndaj vogëlushit. Kësisoj, djali vendos të nisë një jetë të re, largohet nga punishtja dhe ndërmerr një rrugëtim prej shtatë ditësh, gjatë së cilave do të hasë shumë njerëz dhe do të bëjë aventura nga më të çuditshmet. Ai mendon se duhet të ndihmojë këdo që ndesh në udhë, që nga një shitës plak qumështi e deri te një vajzë e vogël, me emrin Gita. Së bashku me Gitën dhe qenushin e tij, Bundash, ai përshkon fusha e fshatra të tëra, duke i prishur planet një kusari të keq e duke ndihmuar dikë tjetër të kthehet në rrugë të mbarë. Kur je djalosh zemërmirë dhe nuk i trembesh punës së vështirë, nuk ka gjë që s'mund ta arrish. Në këtë libër, gjithkush mund të gjejë diçka për veten: është historia e një jetimi, një përrallë aventurash dhe udhëtimesh, mirësie dhe dashurie. "Aventurat e pazakonta të shegertit të vogël" është përkthyer në shumë gjuhë të botës dhe është ekranizuar dy herë, madje në 2013, filmi ka arritur numrin më të madh të shikueshmërisë për filmat për fëmijë që prej vitit 1990. Pjesë nga libri: Zonjë e nderuar! Faleminderit për mirësinë tuaj. Unë po iki. Do t'ju kujtoj gjithmonë dhe do të ndihmoj kë të mundem, ashtu siç më ndihmuat ju mua.-Juaji, Hlapiti
Çmimi: 600 Lekë
titleToAlt
Gjuha është arti më mbresëlënës që kanë shpikur njerëzit dhe që përdoret nga çdokush çdo ditë. Sa shumë mesazhe, sa shumë emocione e befasi përcillen përmes fjalëve! Por edhe humor, i cili na pëlqen të gjithëve. Në këtë përrallë Fjala është një fëmijë çapkën e i hareshëm, që bën rrengje dhe i zbulon magjitë e botës duke luajtur. Librat e serisë “fjalistikei” janë si kënd argëtimi fjalësor, ku luhet me format e fjalëve, me përbërësit e tyre, me kuptimet, theksin, rimat, ritmin, tingullimitimet, antonimet e sinonimet, shprehjet frazeologjike etj. Aventurat fantastike-fjalistike të presin, vogëlush!
Çmimi: 600 Lekë
titleToAlt
Shtrigat po bënin kërdinë anembanë pyllit të egër dhe zinin prita pas çdo trungu peme. Dëshira është një vajzë nga fisi i Luftëtarëve, e cila zotëron një libër të fuqishëm: "Librin e Magjive". Ksari është një djalosh nga fisi i Magjistarëve, i cili ka një vragë prej gjaku shtrige në dorë. Ksarin dhe Dëshirën i ndan një mur, më i larti që mund të imagjinohet. Por koha nuk pret... Pak gjasa ka që këta dy heronj të takohen ndonjëherë. Le pastaj të takohen për herë të DYTE.
Çmimi: 1200 Lekë
titleToAlt
Shpesh në jetë, si dhe në art - në pikturën impresioniste - mënyra e rënies së dritës ndryshon krejt ngjyrën e sendit. Njësoj edhe në histori: këndi i ndriçimit mund t'i tjetërsojë ngjarjet. Ne kemi detyrë me zdritë anët e historisë sonë pa sajuar kënde. Me i ndriçue haptas, thjesht e nga të tëra anët, me dritën e lirë të diellit. Tej shpërthimeve emocionale, me pyetë veten qetë: pse mos me i trajtue vlerat e kulturës e të qytetërimit tonë sipas karatëve që kanë, më shumë jo, por edhe më pak pse? Të paktën ato vlera, rrënjët e të cilave janë aq të moçme sa më i moçmi i njohur deri sot sot në rajonin tonë, sa më i lashti i të lashtëve, Homeri.
Çmimi: 800 Lekë
titleToAlt
Përfytyroni sikur vendi në të cilin jetoni nis të ndryshojë. Përfytyroni si pa e vënë re, ky vend bëhet i rrezikshëm për disa njerëz, të cilët e kanë të pamundur të vazhdojnë të jetojnë më në të. Përfytyroni se për habinë tuaj, papritur zbuloni se babai juaj është njëri prej këtyre njerëzve. Kështu i ndodhi edhe Anës në Gjermaninë e vitit 1933. Ishte vetëm nëntë vjeçe. E zënë me mësimet nuk kishte si të vinte re parullat politike, me në ballë fytyrën e vrazhdë e të rreptë të Adolf Hitlerit, njeriut që do të ndryshonte fatin e gjithë Evropës - duke filluar që nga fëmijëria e vet asaj. Papritur, Ana e pa se gjërat po lëviznin aq shpejt sa nuk po arrinte t'i kuptonte. Një ditë babai i saj u zhduk nga shtëpia në mënyrë të pashpjegueshme. Pastaj, ajo dhe vëllai i saj, Maksi, bashkë me nënën e tyre, ikën nxitimthi dhe në fshehtësi të plotë - jashtë Gjermanisë, duke lënë pas gjithçka që kishin të shtrenjtë. Familja u ribashkua në një vend të huaj, për të nisur aventurën e refugjatit, vite të tëra në arrati duke kaluar nga një vend në tjetrin. Për Anën dhe Maksin, kjo do të thoshte se do të mësonin shumë gjëra të panjohura, dhe ç'është e vërteta, ndryshe nga ç'pritej, Ana po kënaqej shumë. Meraku i saj i vetëm ishte që familja të qëndronte e bashkuar. Vetëm kështu mund t'i bënin ballë gjithçkaje. Por, nëse diçka do t'i ndante nga njëri-tjetri...
Çmimi: 1000 Lekë
titleToAlt
Përshëndetje, Jemi tea sisters! Studiojmë në kolegjin e miushfordit dhe na pëlqejnë aventurat e misteret! Jemi mikesha shumë të veçanta, madje më shumë se mikesha... Motra! Balloja e madhe me princin Çdo vajzë ëndërron të vallëzojë me një princ, në shoqërinë e notave të një melodie të ëmbël. Në miushford, kjo ëndërr do të bëhet realitet! Sapo ka mbërritur një student i ri, që më vonë doli se ishte... Një princ i vërtetë që nuk e zbulon identitetin!
Çmimi: 500 Lekë
titleToAlt
Beteja e fundit është më e madhja e të gjitha betejave. Narnia... ku gënjeshtrat ushqejnë frikën... ku besnikëria vihet në provë... ku shpresat duken të humbura. Në ditët e fundit, Narnia do të përballet me sfidën më të egër - jo një pushtues nga jashtë, por një armik nga brenda. Gënjeshtrat dhe mashtrimet kanë hedhur rrënjë dhe, në këtë fund të mrekullueshëm të "Kronikave të Narnies", vetëm Mbreti dhe një grusht pasuesish besnikë mund ta parandalojnë shkatërrimin e gjithçkaje të dashur për ta.
Çmimi: 600 Lekë
Të gjitha të drejtat e rezervuara. © 2015 Librari Albania