Jay Shetty, super yll i mediave sociale dhe drejtuesi i podkastit numër 1 "Qëllimisht", ka përmbledhur këtu mençurinë e përjetshme që mësoi si murg, duke e përkthyer në hapa praktikë, të cilët mund t'i ndjekë çdo ditë kushdo që dëshiron të ketë jetë me më pak ankth e me më tepër kuptim. Gjatë tri viteve të shkuara, Jay Shetty u shndërrua në një nga ndikuesit më të njohur në botë. Një nga klipet e tij është videoja tepër e ndjekur në Facebook, me mbi 360 milionë shikime. Ndjekësit e tij në mediat sociale janë mbi 32 milionë, ka prodhuar mbi 400 video virale, të cilat kanë grumbulluar mbi 5 miliardë shikime, kurse podkasti i tij është renditur disa herë si numri një në botë mbi çështjet e jetesës së shëndetshme. Në këtë libër frymëzues, Shetty na tregon për kohën që kaloi si murg i traditës vedike, për të na mësuar si të pastrojmë rrugën e jetës nga pengesat, drejt një potenciali e fuqie të plotë. Duke shfrytëzuar mençurinë e lashtë dhe përvojat e tij të pasura në ashram, "Mendo si murg" na tregon si të kapërcejmë mendimet dhe zakonet negative, si të gjejmë qetësinë dhe qëllimin që kemi brenda vetes. Mësimet e murgjve janë të thella, por shpesh duken si abstrakte. Shetty i shndërron ato në këshilla dhe ushtrime, të cilat mund t'i vëmë në zbatim për të pakësuar stresin, përmirësuar përqendrimin dhe marrëdhëniet me të tjerët, për të identifikuar aftësitë e fshehura, për të rritur disiplinën dhe për t'i dhuruar vetes dhe të tjerëve dhuratat që na jep bota. Shetty vërteton se të gjithë munden dhe duhet të mendojnë si murgjit.

"Ne kemi tashmë shumë të rinj e të reja që shkruajnë e botojnë libra, por jo të gjithë dinë të shkruajnë e të nyjëtojnë qartë e me mëtime të dukshme për saktësi e duke e tëholluar mirë brumin e shqipes. Kaon Serjani e ka nisur mbarë e mirë udhën e shkrimtarisë. Ai e ka në thua të shkruarit, por ka edhe zellin e përkushtimin për të bërë emër në letrat shqipe. Mbas romanit "Qelia e lirisë" dhe sprovave të tjera i është shtruar prozës filozofike e teologjike. Kemi nevojë për porozatorë që u qasen edhe lavrave studimore që kërkojnë dije e mençuri, sikundër është edhe libri Mbi të vërtetën, religjionin dhe moralin, të cilin e lexova me ëndje. Më duket se, në personin e Kaon Serjanit, ish-studentit tim të mirë, kemi një hulumtues të urtë e me perspektivë." Prof. Dr. Gjovalin Shkurtaj Akademik Emeritus "Kaon Serjani i prezanton lexuesit shqiptar me plot sukses të dhëna të reja empirike për sa i përket të së vërtetës, religjionit dhe moralit. Kjo është një prurje meritore për kuadrin e mendimit historik shqiptar për tri temat bosht që ka preokupuar kronologjikisht gjithë qytetërimin perëndimor. Autori ka përfituar të japë një përgjigje sa epistemologjike, pragmatike, etike po kaq edhe ontologjike bazuar në perceptimet, kërkesat dhe pikëpamje postmoderniste që po zotërojnë modelin dhe paradigmën e re jo vetëm shqiptare por edhe më gjerë këto dy dekadat e fundit" Dr. Femi Cakolli Instituti për Studime Shqiptare dhe Protestante "Kaon Serjanin e kam patur student në Seminarin e Denverit, ku shkëlqeu në lëndët që ndoqi, duke treguar premisa të mëdha për studiues. Këtë libër bën mirë ta lexojë cilido që po përpiqet të bëjë lidhjen e pjesëve të mozaikut të jetës sipas kuptimit të tyre." Dr. Douglas Groothuis Profesor i filozofisë dhe etikës në Seminarin e Denverit, Kolorado, SHBA.

"Rendi bektashian, me besimet dhe praktikat e tij të dallueshme islamike, ka luajtur rol të rëndësishëm në historinë e shqiptarëve. Kushdo që e studion atë histori, duhet t'i studiojë bektashinjtë dhe anasjelltas. Ky libër paraqet fragmente të një numri të gjerë e të shumëllojshëm raportesh e shkrimesh, shumë nga ta pak të njohur dhe të përkthyer këtu për herë të parë; po ashtu përmban një begati informacionesh për vendet e shenjta të bektashinjve dhe për anëtarët më të rëndësishëm të tyre. Ky vëllim i domosdoshëm ishte njëri nga librat e fundit të Robert Elsiet, një studiues jashtëzakonisht i talentuar i botës shqiptare. Mençuria e kthjellët dhe dija enciklopedike janë shenjat dalluese të saj, siç janë edhe të të gjitha veprave të tjera të tij". SIR NOEL MALCOLM, studiues në All Souls College, Universiteti i Oksfordit, Britani e Madhe Rendi bektashian është tarikat sufist alevit që gjendet në Anadoll dhe Ballkan, me prani të fuqishme në Shqipëri. Në këtë libër, i fundit i tij, Robert Elsie analizon bektashinjtë shqiptarë dhe merr parasysh rolin e tyre në historinë dhe shoqërinë e vendit. Ndonëse është shkruar shumë për bektashinjtë në Turqi, pak është botuar për degën shqiptare të sektit. Robert Elsie shqyrton historinë dhe kulturën e bektashinjve, analizon shkrimet për rendin nga udhëtarët e hershëm në rajon si Margaret Hasluck dhe Sir Arthur Evans dhe sjell një listë gjithëpërfshirëse të teqeve (kuvendeve) dhe tyrbeve (faltoreve) në Shqipëri dhe në vendet fqinje. Në fund e paraqet një katalog të figurave të shquara të bektashinjve shqiptarë në histori dhe legjenda. Ky libër është i pajisur me një udhëzues të plotë referencash për bektashinjtë në Shqipëri që do të jetë thelbësor për studiuesit e Ballkanit, sekteve islamike dhe historisë e kulturës shqiptare. ROBERT ELSIE (1950-2017) ishte studiues kanadez dhe përkthyes, i specializuar në studimet dhe folklorin shqiptar.

RRËNJËT ISLAMIKE TË EVROPËS Rreth vitit Një mijë, ndërsa Perëndimi i krishterë ishte zhytur në fazën e një prapambetjeje të thellë që zgjati pesë shekuj, një valë e fuqishme qytetërimi, shkencë e kulturë e ardhur nga bota islamike filloi të zbrazej mbi Evropë, duke e shkulur atë nga pazhvillimi dhe duke e hedhur drejt pushtimit të Humanizmit dhe Revolucionit shkencor të shekujve XIV. XVII. Prandaj është me vend të theksohet që Islami bën pjesë me plot të drejtë në rrënjët tona. I frymëzuar edhe nga përvojat e sapo jetuara përgjatë disa udhëtimeve mes shkëlqimeve islamike të Andaluzisë e të Siçilisë, Massimo Jevolella tregon fazat e spikatura të këtij “vërshimi të paçmueshëm të qytetërimit" përmes një sërë episodesh tërheqëse e pjesërisht të padëgjuara, me stilin e romanit dhe saktësinë e rindërtimit më të rreptë historik, për t'u mbyllur me një kapitull kushtuar shkrimtarëve dhe artistëve evropianë që mes shekujve XVIII e XIX udhëtuan në zbulim të botës së larme të Gjysmë hënës. I lindur në Milano në vitin 1950, islamist dhe studiues i feve abrahamike, Massimo Jevolella është gazetar nga viti 1975: korrespondent i posaçëm në "Epoka" dhe pastaj korrespondent kulturor në "il Giornale", dhe drejtor në "Meridiani". Ka bashkëpunuar me Institutin e Historisë së filozofisë të Universitetit të Studimeve të Milanos. Ka një aktivitet të dendur në fushën e eseistikes ("Akme", "Studime katolike", "Servitium", "Panorama”.

Libri i autorit Prashant Trivedi «P’s gita» i titulluar në shqip ‘Eposi i P.T’ është i shqipëruar nga Afërdita Zaja. Një libër që këshillohet të lexohet nga kushdo që dëshiron të vërë në praktikë lumturinë, evoluimin, perfeksionimin mendor, psikollogjik, shëndetsor dhe shpirtëror. Ndër të tjera autori i këtij libri shpjegon qartë përkufizimin e lirisë së vërtetë, evoluimin si një nga qëllimet kryesore të çdo njeriu ne tokë nëpërmjet lavdërimit të natyrës apo më të lartit dhe hyjnisë! Për çfare shërben trupi dhe përse njeriu në këtë jetë duhet të përgatisi trupin apo adn-në e tij për të kapërcyer matriksin e këtij plani. Ç’do të thotë të lindësh dy herë, lindja e parë është kur del nga nëna fizike kurse lindja e dytë është kur ti hyn brenda tek hyjnia dhe hyjnia bëhet nëna, babai, gjithçka. Në libër do të lexoni a ekziston ferri, përse ferri është thjesht dhimbja dhe tortura, çfarë është demiurgu i kësaj bote, kozmogonia etj. Përmbajtja e këtij libri është e shkurtër dhe mjaft e thjeshtë për t’u lexuar pasi përmban shumë parime të pastra apo ligje të multiversit. LPSH-ja është një nga ligjet e universit dhe qendron për Lavdërim, Përkulje dhe Shërbim ndaj natyrës, më të lartit dhe hyjnorit!

Si individët ashtu edhe shoqëritë ishin gjithmonë në kërkim të vërtetësisë së gjërave me qëllim që t'i dallonin ato nga gjërat që thjesht dukeshin të vërteta. Pastaj ata përdornin atë që konsideronin si të vërtetë, sipas nevojave të tyre. Kjo është e qartë për këdo që lexon rreth zakoneve dhe traditave në histori dhe shqyrton monumentet e tyre arkitekturore dhe arritjet e tjera. Në këtë mënyrë, njeriu ka qënë gjithmonë i interesuar dhe madje e ka dashur këtë lloj kërkimi të cilin ne e quajmë në veçanti një kërkim filozofik, në gjithçka që lidhet me ekzistencën dhe çështjet e ndryshme të jetës së tij. Megjithatë, ai nuk është i vetëdijshëm për detajet e tij dhe as nuk është i vëmëndshëm ndaj tij në realitet. Në të vërtetë, ai impuls psikologjik i cili bën dallime, që lidhet me natyrën njerëzore, përmbush funksionin e tij rregullisht dhe vazhdimisht. Njeriu, në të gjitha detajet e qëllimeve dhe dëshirave të tij dhe në gjithçka që është e lidhur me çështjet e kufizuara të jetës së tij, ndjek këtë drejtim me vendosmëri. Por, duke qenë se nga natyra njeriut i jepet për përgjithësime, ndonjëherë ai e zgjeron këtë kërkim në diskutime të ekzistencës dhe llojeve, atributeve dhe parimeve të saj në një mënyrë të përgjithshme. Si rrjedhojë, ai mediton mbi shkakun dhe pasojën, të papriturën dhe nevojën, mundësinë dhe realitetin, përjetësinë dhe origjinën

"Tre të shoshjanët" (besa) futet në kategorinë e krijimtarisë së mirëfilltë letrare me portrete e tregime nga jeta e Dukagjinit. Besa, fjala e nderit, pasaporta fisnikëruese e shqiptarit, kult që kalon kufijtë e natyrës si një krijesë e indeve tona gjenetike në themel të së cilës rrjedhin virtytet dhe morali arbëror. Besa si parim dhe si vepër është kulmi i sakrificës dhe mirësisë njerëzore. Madhështinë e besës shqiptare, kurorë e të gjitha virtyteve tona e gjejmë të mishëruar në shkallën më të lartë në theroritë e patriotëve Mark Milani, Babun Celi dhe Zef Delia. Libri vjen si vegim i bekuar për një ngjarje të pashoqe historike e kthyer në baladë dhe kënduar brez pas brezi në zharkun e lahutës.

Trashëgimia Ortodokse në Shqipëri" është numri i parë i një gjerdani të veçantë botimesh që revista kulturore periodike "Art & Trashëgimi" ia kushton trashëgimisë kulturore dhe historike të komuniteteve fetare në vendin tonë. Ky botim u realizua falë bashkëpunimit të stafit të revistës "Art & Trashëgimi" me Kishën Orthodhokse Autoqefale të Shqipërisë dhe Shoqatën Shqiptare të Studimeve Bizantine. Emra të njohur në fushën e historisë, religjionit, arkitekturës, restaurimit, arkeologjisë, arteve të zbatuara, muzikologjisë, paleografisë dhe kodikologjisë, historisë së artit dhe letrave, si Kryepeshkopi Anastas, Hirësi Joan Pelushi, Aleksandër Meksi, Pirro Thomo, Kostantinos Giakoumis, Dhori Qiriazi, Lida Miraj, Shaban Sinani, Andi Rembeci, Skënder Muçaj, Sokol Çunga, Vladimir Myrtezai, etj. Kanë kontribuuar me penën e tyre, duke i ofruar lexuesit një botim të çmuar historik mbi trashëgiminë e Ortodoksisë në Shqipëri. "Art & Trashëgimi" është një botim dygjuhësh, në shqip dhe anglisht, që promovon trashëgiminë kulturore, historinë dhe artet e bukura në Shqipëri. Përmban informacione, artikuj historikë, analiza, reflektime si dhe ese të penave më të njohura të fushës. Anglisht: Art & heritage has just published “Orthodox Heritage of Albania”! This publication is an indispensable contribution aiming to first recognize and then preserve the history of the Christian heritage of Albania – a legacy of faith that can be traced back to antiquity and christian civilizations, which our modern world must protect with a passion and regard with respect, as it is part of the treasures that have made our identity. The archbishop Anastas, Joan Pelushi, Aleksandër Meksi, Pirro Thomo, Kostantinos Giakoumis, Dhori Qiriazi, Lida Miraj, Shaban Sinani, Andi Rembeci, Skënder Muçaj, Sokol Çunga, Vladimir Myrtezai, Elio Hobdari, Ylli Drishti etc. with their articles have contributed to an important publication on the orthodox heritage of Albania. It has been difficult to track the history of the Christian orthodox heritage in Albania in the context of various political, religious, geographical and cultural entanglements that the country has known, but through this publication we hope to introduce the public to the values and trajectory of the orthodoxy from its origins in Albania to now; how it came to be, how it spread and develop and how, for about a quarter of a century it secretly survived the communist regime. What about its renewal after the fall of communism? Art & Trashëgimi, is a bilingual publication, in Albanian and in English, is a historical and cultural magazine to promote the Albanian Cultural Heritage and Fine Arts. In the field of the publications, Art & Trashëgimi (Art & Heritage) is filling a gap for the promotion of historical and heritage sites of Albania.

Zoti është i hapur ndaj lutjes dhe pendimit tonë Duhet të kujtojmë se Zoti nuk vendosi midis Tij dhe nesh ndonjë Kerubin me shpatë të zjarrtë. Përkundrazi, Ai është i hapur ndaj lutjës dhe pendimit tonë dhe dera për tek Ai kurrë s'ka qenë e mbyllur. Ai është gjithmonë me ne dhe me durim pret dëshirën dhe, sigurisht, përpjekjet tona për të shkuar tek Ai. Adami do të donte të kthehej në parajsë e të pajtohej me Atin Qiellor, por kjo qe e pamundur; ne, ndryshe nga paraardhësi që mekatoi, mundet te rindertojme marredheniet me Zotin ne gdo kohe, sepse Ai eshte gjithmonë i gatshëm të pranojë pendimin tonë dhe në këmbim të na jape falje atërore. Predikim në Javën e të Lidhurit të Djathit (22 Shkurt 2004)

Arkeologjia përfundimtare e kishës, ose ecclesia, ishtë pallati qiellor. Ishte vetë gjithësia që konsiderohej si një strukturë e madhe, njëstrukturë në të cilën të gjitha gjërat jetonin dhe ekzistonin për të nderuar krijuesin e tyre. Në simbolizmin gnostik, hyjnitë egjiptiane u përdorën shumë për të njëjtin qëllim. Një nga transmetimet që kemi në pothuajse të gjitha pjesët e botës është transmetimi i Isis, nëna e madhe e mistereve. Isis është, dhe gjithmonë ka qenë, emblema e traditës ezoterike vetë. Isis është nëna gjithnjë e frytshme e mençurisë, Virgjeria e Sophia e kabalisteve dhe troudvareve. Ajo eshte Maha Maya, nena e Budes, sepse të dyja si Maya dhe Maria kanë të njëjtin kuptim, ujë. Ajo është uji i jetës. Më së shumti ajo është simboli i disiplinës mistike që duhet të lindë heroin e botës, të Shelbuesit. Isis ishte nëna e Horusit, i cili hakmerrej për vrasjen e babait të tij. Në të gjitha këto fe, i afti, mistiku, i ndriçuari dhe i iniciuari ka lindur nga hapësira e nënës së madhe, në mitrën e misterit shpirtëror universal.

Darma është natyra e brëndshme, e cila ka arritur brenda secilit prej nesh një fazë të caktuar të zhvillimit dhe shpalosjes." Annie Sesant Njeriu e sheh veten të ndarë nga e gjithë shoqëria dhe bota, por pëmes këtij libri do të kuptojmë se nuk jemi të ndarë nga asgjë dhe se jemi të lidhur me gjithcka. Fija e artë e cila na lidh me ço gjë është Darma dhe mënyra me të cilën ajo funksionon është Karma. Për secilin lexues ky libër është një portë që të fton të njohësh vetveten dhe rolin tënd në këtë botë dhe njëkohësisht merr rolin e një manual,i cili na tregon përmes miteve dhe shembujve praktik se cfarë do të thotë të jetojë dikush me të vërtetë, të gjejë arsyen e jetes së tij duke u bërë kështu një me Darmën.

A ka vetëm një zot? Pse duhet të vuajnë njerëzit? Çfarë ndodh mbasi vdesim? Miliarda njerëz në mbarë botën e gjejnë kuptimin te feja, por cilat janë idetë që i mbështesin këto besime dhe si janë zhvilluar ato? I shkruar me një gjuhë të thjeshtë e të kuptueshme për të gjithë, Libri i besimeve fetare parashtron gjithë besimet e mëdha të botës me shpjegime të shkurtra e të sakta që na njohin me parimet themelore të doktrinave fetare. Është i pajisur me ilustrime të veçanta që u japin krahë perceptimeve që kemi për besimet fetare.

Kjo vepër është e rrallë në llojin e vet, për shkak të analizës që i bën At Anton Harapi botës shpirtërore të shqiptarëve dhe domosdoshmërisë për rritjen e nivelit të vetëdijes dhe besimit. Kjo vepër konsiderohet një kontribut në trajtimin mendor të shqiptarit.

“ISLAMI, një religjion agresiv (?!)” është një libër studimor mjaft interesant, që vjen për lexuesin shqipitar nga studiuesi afetar Ibrahim Kelmendi. Ky duhet të jetë edhe studimi i parë në gjuhë shqipe, që shqyrton fenë islame (në shqip: islam -nënshtrim/skllavëri) si religjion dhe si dogmë, nga këndvështrimi islam dhe iluminist, duke i ballafaquar mes tyre. Kjo vepër polemizuese ofron informacion burimor islamik për Biografinë e "profetit" Muhamed (570 - 632?), si njeri "i rëndomtë", i cili më 1 shkurt ose 27 shtator 610 duhet të ketë ëndërruar në shpellën e Maht Hira (biizë Mekës), se i ka folur engjëlli Xhibril, i cili ia paskësh komunikuar gradimin "profet" nga ana e Allahut dhe ai ëndërrim, të ciht as vet Muhamedi nuk i ka besuar, tashmë besohet nga rreth një miliardë muhamedanë... Ky studim ofron, gjithashtu, informacion burimor (islamik dhe studimor) për Muhamedin si misionar (610-621), por edhe si komandant e udhëheqës i zoti, poligamist, pedofil, nekrofil, dhunues seksual, vrasës (622-632), etj. Libri përmban edhe shqyrtimin e kanunit zakonor beduin, i quajtur Kuran (shqip: recital), duke nxjerrë përfundime se është "vepër" tejet primitive, me kundërthënie, pasaktësi historike, broçkulla naive për krijimin e Gjithësisë, të "njeriut të parë" (Adamit), të "tokës së sheshtë", me përcaktime amorale, diskriminuese, pedofile, shoviniste, agresive, i sajuar nga Muhamedi dhe bashkëveprimtarët e tij dhe jo nga personazhi muhamedan, i quajtur Allah. Në këtë studim nuk ka hamendësime, por fakte dhe të dhëna burimore. Me shqetësim ekstra shtjellohet edhe rreziku i tanishëm nga agresiviteti i myslimanëve shqipfolës fundamentalistë dhe domosdoshmërinë për mbrojtje edhe të islamit paqësor tradicional nga agresiviteti i tyre, meqë si të tillë, ata janë rrezik potencial edhe për sulme terroriste...

Duke na përshkruar këta portrete biblikë shenjtërie, Atë Antonio Maria Sicari ka dashur të na mësojë ta shohim edhe vetë Bilbën si libër ku flitet për shenjtër, në të cilin Shenjti e Shenjtërve është protagonisti kryesor. Kështu, edhe çdo libër tjetër shenjtërish, do të mësojmë ta shohim pothuajse si faqe të Biblës, në të cilat gjithnjë Hyji tregon se e vazhdon historinë e shëlbimit dhe se mbetet gjithnjë protagonisti kryesor. Duke u ndihmuar dhe nga arkeologjia dhe teologjia bashkëkohore, autori na ofron një mënyrë të thellë teologjike dhe historike të të shikuarit disa figura biblike. Kështu, persouazhet që jemi mësuar t’i njohim vetëm nga tekstet biblike, tani kemi mundësinë t’i shohim në mënyrë më të plotë e më të kuptueshme nga të gjithë.

“Ju keni në dorë mënyrën për të pasur një jetë magjike... E mbani mend kohën kur ishit fëmijë dhe besonit se jeta ishte e magjishme? E pra, jeta magjike është diçka reale, madje edhe më ngazëllyese, më frymëzuese e më interesante mga sa e imagjinonit kur ishit fëmijë. Po, ju mund t’i bëni ëndrrat tuaja realitet, ju mund të keni çdo gjë që dëshironi, jeta juaj mund të marrë ndriçimin e yjeve!Bashkohuni me mua në një rrugëtim të paharrueshëm njëzet e tetë ditor, gjatë të cilit do të zbulojmë për herë të parë se si mund t’i japim jetës sonë një pamje marramendëse. Aventura jonë fillon dy mijë vjet më parë, atëherë kur në shkrimet e shenjta u zbuluan disa njohuri jetë-ndryshuese. Për njëzet vjet me radhë, këto njohuri kanë qenë një mister për njerëzit. Pothuajse të gjithë ata që i kanë lexuar janë ngatërruar keq, madje dhe i kanë keqkuptuar...”-Rhonda Byrne.

Me përhapjen e islamit në mbarë botën, është bërë vështirësisht e dallueshme lidhja që bashkon një fe me një shoqëri a territor të caktuar. S’duhet harruar se sot, kryesisht në sajë të emigracionit, pothuajse një e treta e gjithë myslimanëve jetojnë në vende ku ata përbëjnë një pakicë. Duke na shpjeguar gjendjen në të cilën gjendet islami përtej kufi jve të tij tradicionalë, Olivier Roy tregon sesi e ashtuquajtura ringjallje islamike, apo “ri-islamizimi” në të vërtetë është kryesisht rezultat i përpjekjeve që bëjnë myslimanët që jetojnë në Perëndim për të afi rmuar identitetin e vet në një kontekst jo-mysliman. Kjo shpjegon përse neofondamentalizmi, që po fi ton terren para së gjithash, pikërisht ndër të rinjtë rrënjëdalë myslimanë që jetojnë në Perëndim, më shumë sesa një reagim ndaj oskidentalizimit, duhet parë si një pasojë e tij. Në fakt, siç na shpjegon O.Roy, sot në botën myslimane vërehet një skizmë mes lëvizjeve tradicionale myslimane, nga njëra anë, dhe militantëve rrënjëdalë, të cilët rreken të krijojnë një umma (apo bashkësi myslimane) imagjinare, që s’ka lidhje me ndonjë shoqëri apo territor të caktuar, nga ana tjetër. Olivier Roy sjell një tablo mjaft të detajuar të universit kompleks të lëvizjeve të shumta ekzistuese islamike, duke argumentuar se dukuria e fondamentalizmit islamik më shumë se sa reagim ndaj procesit të oksidentalizmit, përbën një produkt të globalizimit.

Ky është një libër për forcën më të madhe në univers – Fuqinë për të pasur gjithçka që dëshiron. Pa Fuqinë ti nuk do të mund të kishe lindur. Pa Fuqinë nuk do të kishte asnjë qenie njerëzore në planet. Çdo zbulim, shpikje dhe krijim njerëzor mundësohet nga Fuqia. Një shëndet i mirë, një marrëdhënie e shkëlqyer, një karrierë e admirueshme, një jetë e mbushur me gëzim dhe me para, aq sa të nevojiten për të bërë e për të pasur gjithçka dëshiron, të gjitha këto mundësohen nga Fuqia. Jeta e ëndrrave të tua ka qenë gjithmonë më pranë sesa e ke menduar, pasi Fuqia për të pasur gjithçka të mirë në jetë është brenda teje. Për të krijuar dhe ndryshuar gjithçka, të duhet vetëm një gjë: FUQIA.

Librat shkollorë të historisë japin ndihmesë në formimin e identiteteve dhe të kujtesës kulturore të nxënësve si qytetarë të ardhshëm të shtetit kombëtar. Gjithashtu, ato përmbajnë njohuritë e domosdoshme për të kuptuar dhe për të vlerësuar diskutimet publike mbi identitetin kombëtar dhe të shkuarën e kombit. Në krahun tjetër, idetë dhe këndvështrimet që dominojnë në diskutimet e tanishme publike mbi identitetet kolektive, historinë e kombit dhe mbi “të tjerët” e tij mund të përfshihen në librat shkollorë të historisë. Duke u nisur nga vëzhgimi se në Shqipërinë paskomuniste është diskutuar shpesh mbi përplasjen midis islamit dhe Evropës dhe mbi pasojat që ajo mund të sjellë për integrimin e kombit shqiptar në Bashkimin Evropian, autori në këtë libër heton ndikimet e ndërsjella midis paraqitjes së islamit në tekstet shkollore të historisë dhe ligjërimit të atyre intelektualëve publikë që problematizojnë marrëdhënien e islamit me identitetin evropian të kombit shqiptar. Hulumtimi orientohet nga dy pyetje të ndërvarura: a e mbështet rrëfimi historik i librave shkollorë idenë se islami është “tjetri” i identitetit evropian, dhe a i ka kushtëzuar teza e përplasjes së qytetërimeve njohuritë mbi islamin të përfshira te tekstet shkollore të historisë?

“Kanuni i Lekë Dukagjinit” ose kanuni i malësisë është përmbledhja në një libër e ligjeve, rregullave, zakoneve shqiptare të Shqipërisë së Veriut në rrjedhën e disa qindravjeçarëve.Thelbi i “Kanunit të Lekë Dukagjinit” janë fjalët e urta të dala nga goja e tij, që u ruajtën (dhe u pasuruan) brez pas brezi për gati gjashtë shekuj.Ato janë përçuar gojarisht nga brezi në brez. Ligjet e kanunit kanë shërbyer për më shumw se pesë qindvjeçarë si mënyra e themeltë e sjelljes shoqërore dhe vetëqeverisjes për klanet e Shqipërisë së Veriut, edhe atëherë kur rajoni sundohej nga Perandoria Osmane. Rëndësia e kanunit në historinë e popullit shqiptar mund të mbivlerësohet pak, por rregullat dhe normat e tij vazhdojnë ende të ushtrojnë një ndikim të ndjeshëm te shqiptarët. Forma e parë e tij e shkruar i referohet Lekë Dukagjinit, edhe pse ka ekzistuar që më përpara. “Kanuni i Lekë Dukagjinit” u mblodh nga At Shtjefën Gjeçovi gjatë viteve 1910-1925.

Përdorimi më i zakonshëm i çelësit të katërfishtë është aplikimi i një formule me 4-gërma,kombinimmi i katër gvrmave(pa marrë parasysh cilat) në mënyrën e mëposhtme:Gërma e parë është transferuar në mënyrë kabalistike në parimin akasa;gërma e dytë në botën mendore nëse është e nevojshme ,në trupin mendor ,në varësi të asaj që kabbalisti synon ta bëjë ;gërma e tretë në botvn astrale dhe gërma e katërt në botën materiale,qoftë drejtpërdrejt ose në mënyrë eukaristike.

Kur të gjitha gjërat janë në ngritje atëherë Perëndia është në qiellin e tij,dhe e gjitha kjo është e drejtë me botën .Kur të gjitha gjërat janë në rënie poshtë ,atëherë djalli mbretëron dhe i gjithë feri thyen lirinë .Dhe akoma çdo gjë është e njëjtë ,një gjë -jo dy gjëra-vetëm një gjë është funksionale.Dhe kjo është e gjitha për dritën dhe për errësirën.

Dhe drita shkëlqen përmes shikimt të pafund në sytë tanë tokësor.Dhe sa më shumë të bëhet dritë ,aq më shumë kuptojmë që hapësira nuk është ajo që duket për një kohë të gjate ,por është vetëm një simbol i asaj që është pas saj, dritë e cila është e rëndësishme për t'u kuptuar.