titleToAlt
Nëse do të përpiqeshim ta katalogonim në një gjini të përcaktuar veprën që sot po i paraqitet lexuesit shqiptar, mund të kishim ndonjë vështirësi në emërtim, gati sui generis. Pena e sigurtë, e konsoliduar, mjeshtërore e shkrimtarit, përkthyesit e estetit letrar Bashkim Shehu, na sjell kësaj radhe të konceptuar në një mënyrë moderne dhe mbase jo fort të rrahur në lëminë e letrave shqipe, një vepër që mbart të gërshetuara sa tiparet e një analize të mirëfilltë studimore të karakteristikave të komunizmit shqiptar e atij ndërkombëtar të ish-kampit socialist, por po aq edhe rrugëtimin biografik tragjik të njërës prej protagonisteve të skenës politike shqiptare të pas vendosjes së komunizmit në Shqipëri, Liri Belishovës. Por, rasti Belishova, është vetëm ilustrimi i një analize të thelluar, shterruese, të kontekstit politik e ideologjik të kohës në Shqipërinë që rrëshqiti shumë shpejt në totalitarizëm. Vepra na vjen si një mozaik i plotë analizash politike, gjeopolitike, përsiatjesh sa filozofike aq edhe letrare e psikanalitike të cilat e kornizojnë, por duke mbajtur në qendër të tyre Belishovën si një ndër shembujt më dramatikë ku mbrojtësja dhe bija e ideologjisë komuniste, shndërrohet në viktimën e saj. Nëpërmjet një shpjegimi të argumentuar hollësishëm dhe me imtësinë e kirurgut, autori Shehu na sjell në paradë faktet e vendosjes së terrorit dhe totalitarizmit të komunistëve shqiptarë që në kohën e luftës së rezistencës, një rrugëtim i gjatë, i programuar gati në përsosmëri e që në rrënjë, i strukturuar thuajse me akribi shkencore. Arkitektët e këtij terrori na vijnë me një identikit qartësisht të Ibyrët nga autori i kësaj vepre, duke filluar nga kryearkitekti Enver Hoxha e, duke mos kursyer asnjë, as të atin e tij, Mehmet Shehun, një nga emblemat e atij pushteti e sistemi, si në të gjallë, por po aq me ikjen e tij nga kjo botë duke u shndërruar kësisoj në një legjendë permanente të mistershme. Ky qëndrim i distancuar dhe objektiv i autorit, i cili nuk është thjesht hartuesi i veprës, por tek e fundit edhe dëshmitar e vuajtës i intrigave e tragjedive të kurdisura në"oborrin e mbretit", i bën nder të jashtëzakonshëm atij, po aq sa rindërtimit të kujtesës historike të një periudhe shumë gdhendëse për fatet e shqiptarëve.
Çmimi: 800 Lekë
titleToAlt
Më 17 qershor 1999, një autokolonë makinash larashe, të shoqëruara me disa civilë të armatosur me kallashnikovë, hyri brenda bazës ushtarake të Tetovës në Maqedoni. Baza ishte vënë në dispozicion të trupave gjermane që pak ditë më parë kishin hyrë në Kosovë dhe qenë vendosur në Prizren. Një helikopter ushtarak, me fundin e hapur dhe me një mitraloz të rëndë montuar në të, priste me helikat e ndezura. Hashim Thaçi, lideri politik i UÇK - së, Kryeministër i Qeverisë së Përkohshme të Kosovës, do të udhëtonte drejt saj. Helikopteri fluturoi plot 45 minuta. I ulur mbi një ndenjëse të hekurt, në krah të Arbër Xhaferrit që udhëtonte me të, Hashim Thaçi nuk ia ndante sytë dritares. Kishin kaluar 2 vjet nga dita kur ai dhe disa të tjerë, braktisën përfundimisht Zvicrën për të luftuar në Kosovë. Ngjarjet kishin lëvizur shpejt dhe tani, nën të, shtrihej një tokë e lirë. Ashtu siç e kishin ëndërruar për afro 100 vjet, breza të tërë. Stërgjyshi, gjyshi apo babai i tij. Shumë prej atyre që e kishin nisur atë betejë, nuk jetonin më. Toka që ata e deshën aq shumë, i kishte marrë në thellësitë e saj, si dëshmi e një kohe që po kthente mbrapsht historinë 100 vjeçare të atij trualli...
Çmimi: 1000 Lekë
titleToAlt
Një autobiografi thellësisht prekëse rreth vitit që do të ndryshonte përgjithmonë një familje dhe një vend. "Një libër emocionues, udhëzues dhe thellësisht ndikues." IRISH INDEPENDENT "Në këtë libër të pasur në detaje marrin jetë prapaskenat e një drame njerëzore të rrëfyera me sinqeritet të thellë. Kushdo që ka humbur një njeri të dashur do të gjejë ngushëllim të vërtetë te fjalët e autorit. Fragmentet drithëmese që ndikojnë drejtpërdrejt te lexuesi, e bëjnë të paharrueshëm librin "Premtomë, baba". Detajet e vogla dhe prekëse që dëshmohen në marrëdhënien midis Bajdenit dhe djalit të tij në prag të vdekjes, do të qëndrojnë gjatë në kujtesën e lexuesit." NEW YORK TIMES "Në këtë rrëfim, Bajdeni ndërthur dramën e tij therëse me historinë e fushatave zgjedhore dhe me zhvillimet historike të marrëdhënieve me jashtë. Si rrjedhojë, ai ofron diçka për të gjithë sepse çdo lexues merr nga përvoja e autorit atë që i intereson më shumë." NEW YORK TIMES BOOK REVIEW
Çmimi: 1400 Lekë
titleToAlt
I ri në moshë, kureshtar, dhe i sapo diplomuar në biznes, Phil Knight mori pesëdhjetë dollarë borxh nga babai dhe themeloi një kompani me një mision të thjeshtë: të importonte këpucë sportive me cilësi të lartë dhe kosto të ulët nga Japonia. Knight i shiti këpucët nga bagazhi i makinës së tij Plymouth Valiant, dhe në vitin e parë, në 1964-ën, arriti të ardhura bruto prej tetëmijë dollarësh. Sot, shitjet e kompanisë Nike e katojnë vlerën $30 miliard. Në këtë epokë start-up-esh, kompania Nike e Knight-it është standardi i artë, dhe logoja e saj është simbol i elegantes dhe madhështisë, një nga ikonat e pakta që njihen menjëherë në çdo cep të botës. Por Knight ka qenë gjithnjë misterioz. Tani, në këtë autobiografi të habitshme, modeste, pa filtra, me humor, dhe të gdhendur bukur, ai tregon më në fund historinë e tij. Gjithçka nis me një moment tipik udhëkryqi. Njëzetekatër vjeç, duke udhëtuar me një çantë shpine përmes Azisë, Europës dhe Afrikës, në luftë me Pyetjet e Mëdha të jetës, Knight vendos se rruga e pashkelur është e duhura për të. Në vend që të punojë për një korporatë të madhe, ai do të krijojë diçka të tijën, diçka të re, dinamike, dhe ndryshe. Knight tregon në detaj rreziqet tmerruese me të cilat është përballur përgjatë rrugëtimit, vështirësitë dërrmuese, konkurrentët e pamëshirshëm, ata që hidhnin hije dyshimi dhe e kritikonin, bankierët armiqësorë, si dhe triumfet emocionuese. Mbi të gjitha, ai kujton marrëdhëniet themelore që krijuan zemrën dhe shpirtin e kompanisë Nike, me ish-trajnerin e tij gjaknxehtë dhe karizmatik, Bill Bovverman, dhe me punonjësit e tij të parë, një grup i çorganizuar jokonformistësh dhe intelektualësh, që shpejt u kthyen në vëllezër të çmendur pas kompanisë. Së bashku, duke shfrytëzuar fuqinë elektrizuese të një vizioni guximtar dhe besimin e përbashkët te fuqia shpëtuese dhe transformuese e sporteve, krijuan një brand dhe një kulturë, që ndryshoi gjithçka.
Çmimi: 1500 Lekë
titleToAlt
Kjo biografi e shkëlqyer e Melania Trampit nga gazetarja Mary Jordan, fituese e Çmimit Pulitzer të gazetës "Washington Post", "zbërthen me shkathtësi dhe pa asnjë agjendë Melaninë" (NBC News), e cila ka në Shtëpinë e Bardhë më tepër ndikim nga sa kujtojnë shumë njerëz. Mbështetur në intervista me më tepër se njëqind njerëz në pesë shtete të ndryshme, Arti i marrëveshjes së saj: Historia e pathënë e Melania Trampit na skicon një portret të paprecedentë të Zonjës së Parë. Edhe pse imazhi i saj publik është ai i një gruaje të ftohtë që qëndron mbi lojërat politike të Uashingtonit, pas skenës Melania Trampi nuk është vetëm pjesë e rrethit të ngushtë të presidentit Tramp, por në disa vendime kyçe, ajo ka qenë këshilltarja e tij e vetme më me ndikim. Në jetën publike, Melania Trampi ka synuar enkas të mbetet e mistershme. Me ndihmën e njerëzve kyç që flasin për herë të parë publikisht dhe nëpërmjet dokumenteve të pabotuar më parë, Arti i marrëveshjes së saj vështron përtej sipërfaqes, për të zbuluar një emigrante këmbëngulëse dhe jetën që ka bërë përpara se të njihej me Donald Trampin. Autorja Mary Jordan ndjek gjithë udhëtimin e Melanisë nga Sllovenia, ku familja e saj dallohej për veçantinë, deri në ditët kur punonte si modele në skenën e një industrie të rëndë, në banesën e vogël të Manhatanit ku jetonte me një fotograf e deri te vallëzimi i gjatë e i ngatërruar dashuror që, në fund, rezultoi me martesën me Trampin. Autorja dokumenton rolin thelbësor të Melanisë në jetën politike të Trampit para dhe gjatë qëndrimit të tij në Shtëpinë e Bardhë, duke treguar pse ai u beson aq shumë instinkteve të saj.
Çmimi: 1200 Lekë
titleToAlt
Çmimi: 1200 Lekë
titleToAlt
Robert Shuman dëshmoi se çështjet e mëdha politike dhe kolektive tejkalojnë fatet tona vetjake dhe kërkojnë nga ne marrjen përsipër të përgjegjësive, pa kërkuar kurrë ndonjëherë shpërblim për këtë. Këtu gjendet edhe sekreti i harmonisë dhe qetësisë së një jete si ajo e atit të Evropës: përballë konvulsioneve të historisë ai diti të mbjellë kopshtin e tij të brendshëm, pak a shumë si ai në Si-Shazel, për të rimarrë frymë dhe për të pranuar të shkojë gjithmonë e më larg drejt solidaritetit. Do të ishte me shumë vlerë sikur lexuesit e shumtë, sidomos ata që ushtrojnë dhe do të ushtrojnë përgjegjësi në gjirin e shoqërisë, të mund të gjenin në këto faqe frymëzimin dhe kurajën për t'i shërbyer një njerëzimi së fundmi të çliruar nga frika dhe urrejtja e të rimerrnin rrugën e vëllazërimit që nuk njeh asnjë kufi.
Çmimi: 1000 Lekë
titleToAlt
Për figurën e Talejranit është shkruar shumë dhe vazhdon të shkruhet edhe sot. I mëshohet dhe jo pa të drejtë, karakterit të tij dhelparak dhe natyrës prej zhvatësi të regjur, manipulimeve dhe intrigave fantastike, shpesh të paskrupullta, për arritjen e synimeve politike. Theksohet bashkimi në një i pragmatizmit politik me amoralizmin njerëzor. Sigurisht, janë veçori të pamohueshme dhe Tarleja realist nuk i kursen penelatat më të thekshme për evidencimin e tyre. Por po aq gjerësisht dhe me ngulm, madje, pa u druajtur as përpara përsëritjeve, thekson faktin se Talejrani diplomat dhe burrë shteti njohu vetëm fitore në karrierën e tij të gjatë dhe të ndërlikuar. Librin e përshkon ideja brilante se busulla talejraneze funksionoi mrekullisht saktë dhe prandaj rruga e zgjedhur e çoi drejt fito-reve. Lajtmotiv të jetës dhe të veprës së Talejranit akademiku rus ka bërë fjalët e vetë Talejranit: “Për hir të Francës".
Çmimi: 1000 Lekë
titleToAlt
Çmimi: 1000 Lekë
titleToAlt
"Libri për zonjën e paharruar Rushen Golemi më ka përpirë. Kemi një libër biografik ku përshkruhet jeta e një gruaje të rrallë të cilën e kam njohur. Ky libër është përshkrimi besnik i jetës së gruas intelektuaie shqiptare, një jetë që përshkon trajektoren e faqeve më tragjike të historisë së vendit tonë... Autorja ka ditur të qëmtojë momente pikante nga jeta e dikujt që ka lënë një emër të madh! Emocionohesh duke e lexuar këtë libër! Një fëmijëri e qetë e protagonistes e cila thyhet jo pak nga sistemi absurd, figurat e gjyshërve-këtyre fajtorëve pa faj, tatëpjetat e familjes pasi babai burgoset, egërsia e kohës mbi Rushenin e vogël dhe adoleshente më kujtojnë "Shënimet nga shtëpia e vdekjes" e Dostojevskit. Sfida për ta stampuar emrin si një kirurge grua në mjekësi, skenat aq prekëse për shpëtimin e pacientëve, krijimi i familjes, thirrja që i bëri koha për t'u angazhuar në politikë bashkë me skenat tronditëse të Sigurimit të Shtetit, të cilat na kthejnë në ligësinë e asaj kohe, dhe epilogu i librit janë përshkruar mjeshtërisht e me elegancë nga autorja. Spikat një delikatesë stilistikore në të shkruar e një realizëm besnik në përmbajtje, të cilat bëjnë që libri të lexohet me kureshtje e të vijë rrjedhshëm tek lexuesi. Vihet re një përkujdesje stili, e stili në një vepër, është ndjenja. Autorja shkruan për nënën e saj duke derdhur dashuri e respekt mes rreshtash të cilat komandojnë edhe stilin e veprës. Pra, stili në këtë libër nuk është një term i ftohtë, abstrakt, akademik: ai është dashuri, ndjenjë, është entuziazëm! Urimet e mia më të sinqerta autores për këtë libëri ku çdo lexues do gjejë mbase një pjesë të vogël të jetës së vet. Kjo prozë biografike është një himn për gruan inteligjente, të fortë shpirtërisht, të pakompromis në jetë, e cila la një shembull perfekt për jetën e të tjerëve! Urime Inis!"- Rudolf Marku, shkrimtar
Çmimi: 1200 Lekë
titleToAlt
Sa herë që të kaloni andej e të hyni në ato varreza dinjitoze të Shkodrës, aty ku dikur ka qenë një vresht gjigant që përfundonte diku aty në afërsi të rrethinave të Koplikut, merrni pak djathtas dhe përkuluni pak, nderojeni atë njeri të madh, që prehet nën dhe të shpatullave të maleve të Maranajt dhe Cukalit. Kujt i vjen dora për pikturë, t'i bëjë një portret dinjitoz, kujt i vjen dora për skulpturë, le t'i bëjë një shtatore dhe ta dhurojë për derdhje në bronz, kush ka para, të paguajë dy herë, një herë për shtatoren e bronztë dhe një herë përta vënë diku në ndonjë tokë private, pa u merakosur, të jeni të bindur se vendi i tij është plotësisht i merituar në çdo cep të Globit, kush është poet, le t'i bëjë një poezi siç e meriton, kush ndjen frymëzim dhe vokacion muzike, t'i kompozojë një simfoni, kush është bahçevan apo lulishtar, t'i mbjellë te koka një trëndafil të bardhë, kush të jetë politikan, të devijojë rrugë, kush ndjehet më afër Zotit, të shkruajë një epitaf: "këtu prehet një gjeni i letrave shqipe" dhe të përshpirtë një lutje në çfarëdo gjuhe, ngado që të jetë dhe nga cilido religjion që vjen.
Çmimi: 1500 Lekë
titleToAlt
Autobiografia UNË është e mbushur me dramë, që nga refuzimi i hershëm i punës së Eltonit me partnerin këngëshkrues Berni Topin deri në daljen jashtë kontrollit të superyllit që kryesonte listat e klasifikimit të këngëve; nga miqësia me Xhon Lenonin, Fredi Mërkërin dhe Xhorxh Majkëllin deri te vallëzimi disko me Mbretëreshën; nga orvatjet për vetëvrasje deri te varësia ndaj drogës, që do ta mbante mbërthyer për më shumë se një dekadë. Eltoni shkruan fuqishëm edhe për çtoksikimin dhe ngritjen e Fondacionit AIDS. Ai rrëfen për gjetjen e dashurisë së vërtetë me Dejvid Fërnishin, pushimet me Versaçen dhe interpretimin në ceremoninë mortore të Princeshës Diana. Përshkruan çastin ekzakt kur kupton se dëshiron të bëhet baba dhe jeta e tij ndryshon sërish kryekëput. Gazmore, argëtuese dhe herë-herë thellësisht prekëse, autobiografia UNË do t'ju çojë në një udhëtim intim me nje legjendë të gjallë.
Çmimi: 1500 Lekë
titleToAlt
“Jetët legjendë të figurave kaq madhështore, me të metat dhe cilësitë e tyre, përbëjnë romanin më estetikisht të bukur, më pasionalisht rrënqethës dhe më realisht të ndërtuar të historisë së mbarë njerëzimit.”- Autori Ky vëllim i dytë i librit Saga e jetëve legjendë përmban biografi të figurave të njohura të historisë së botës si: Vladimin Iliç Lenin, Mata Hari, Luigji XIV, Mari Kyri dhe Aleksandri i madh.
Çmimi: 1200 Lekë
titleToAlt
Libri Jetët e Artistëve i Xhorxhio Vazarit përfaqëson veprën më të madhe dhe më të rëndësishme të epokës rreth artit të Rilindjes italiane. Përmbledhjet e Vazarit rreth këtyre jetëshkrimeve gëlojnë nga faktet, vlerësimet dhe anekdotat argëtuese rreth jetës së disa qindra artistësh, duke shkuar nga figurat më të mëdha (Xhioto, Mazaçio, Leonardo, Rafaelo, Mikelanxhelo), deri tek ato të artistëve që sot njihen vetëm nga specialistët. Kjo vepër, e lexuar përgjatë shekujve, si një sfond për të kuptuar artin e madh të kësaj periudhe, përmban gjithashtu një teori jashtëzakonisht influencuese rreth zhvillimi të artit të Rilindjes. Vazari i shihte fillesat e shekullit XIII dhe XIV, të përfaqësuara nga Çimabue dhe Xhioto, si fëmijërinë e artit, e pasuar nga një energji rinore, e cila do të merrte trajtë në vepra të atilla si ato të Donatelos, Bruneleskit, Gibertit dhe Mazaçios, dhe më pas në periudhën e pjekurisë së përsosmërisë, e sunduar nga figurat titaneske të Leonardos, Rafaelos dhe Mikelanxhelos.
Çmimi: 3000 Lekë
titleToAlt
Dekadat e fundit të shekullit të XVIII dhe të fillimit të shekullit të XIX, për ne shqiptarët, përkojnë pikërisht me hopin e madh cilësor, të krijimit dhe prodhimit të vlerave materiale, të veprave të shumta me karakter urban, social, kulturor, ushtarak, arkitektonik, infrastrukturor, besimit, etj. Por, mbi të gjitha ato janë dekadat e fillimit të krijimit të një pasurie të madhe shpirtërore, dokumentare të papërsëritëshme, të shenjave të shumta të lëna nga mellani në letër apo më mirë të themi të shenjave të lëna nga mendja dhe shpirti i shqiptarëve të kohës, në dorëshkrime, për të na treguar ne gjeneratave të shekujve XX, XXI dhe atyre që do të vijnë më pas, se kush qenë, çfarë bënë, çfarë mendonin, çfarë ëndëronin dhe çfarë tentuan këta njerëz.
Çmimi: 2000 Lekë
titleToAlt
Ky botim sjell këndvështrime të reja për jetën e Titos si dhe për rolin e tij vendimtar për formimin dhe zhvillimin e një Jugosllavie tjetër. Autori është mbështetur mbi një numër dokumentesh, të cilat ruhen në arkivat personale dhe shtetërore në Lubjanë dhe në kryeqytete të tjera të republikave të ish-Jugosllavisë. Ai gjithashtu hulumtoi mes materialeve që janë në dispozicion në arkiva të ndryshme në VVashington, New York, Moskë, Berlin, Kajro, New Delhi... Autori gjatë kërkimve të ndryshme arriti të kishte qasje edhe tek materialet e arkivave të shërbimeve sekrete vendase dhe të huaja si STAS dhe KGB, ku mësoi fakte të reja për vendimet e Titos dhe reagimet e shokëve të tij më të afërt në momentet historike kyçe. Për herë të parë, libri sjell detaje nga përplasjet e forta te udhëheqësit jugosllav me Stalinin, flirtet me Çurçillin dhe presidentin amerikan, Nikson, si dhe ndihmat ushtarake dhe ekonomike që përfitoi nga SHBA dhe Anglia. Përse Tito kishte frikë prej shqiptarëve, raportet e vështira me Enver Hoxhën dhe infiltrimi i agjentëve nga Shqipëria në Kosovë...
Çmimi: 2500 Lekë
titleToAlt
Autobiografitë janë si përrallat moderne. Në to, shkrimtari përballet me sfidën e vështirë të të përpjekurit për të kuptuar, falur e madje edhe për të dashur. Lexuesit do të mrekullohen nga inteligjenca dhe dashamirësia e fëmijëve të famiijes Uolls. "Kështjella prej xhami" është një autobiografi e shkëlqyer dhe argëtuese, e cila do t'ju njohë me një familje sa të çuditshme, aq edhe unike. Kur është esëll, babai karizmatik dhe brilant i Xhanetës, u kushton shumë kohë fëmijëve dhe madje u mëson atyre fizikën, gjeologjinë dhe se si t'i bëjnë ballë jetës pa iu trembur syri. Ama kur është i dehur, ai kthehet në një mashtrues dhe shkatërrimtar. Nëna e saj ishte një shpirt i lirë, së cilës nuk i pëlqeu kurrë përgjegjësia e rritjes së fëmijëve dhe mirëmbajtjes së shtëpisë. Kështu, fëmijët Uolls mësuan të kujdeseshin vetë për veten. Ata e ushqyen, veshën dhe e mbrojtën njëri-tjetrin, derisa një ditë të bukur arritën të shkonin në qytetin e Nju Jorkut. Ky libër portretizon mjeshtërisht një familje të veçantë, por shumë besnike. Xhaneta Uolls e tregon historinë e saj në një mënyrë brilante dhe pa asnjë grimë vetëmëshirimi.
Çmimi: 1200 Lekë
titleToAlt
Lord Bajronin e kemi njohur nëpërmjet krijimtarisë dhe sidomos për lidhjet e tij dhe të poemës që flet për Shqipërinë dhe shqiptarët. Ajo krijimtari, jetesa në sarajet e Ali Pashë Tepelenës, lëvizjet dhe përshkrimi për shqiptarët dhe territoret e tyre, na është paraqitur me nota optimiste, lidhje shpirtërore dhe dashamirësi, si për Lordin mik por edhe për mikpritësit e tij shqiptarë. Autorja e librit qe kini në dorë, pasi botoi librin "Historia e vërtetë e jetës së Ledi Bajron-it", i cili u shoqërua me shumë diskutime dhe sharje, publikoi librin që lexuesi në shqip po e merr nën titullin "Fytyra e dytë e lord Bajronit". Është një libër me jehonë të madhe në Angli, në Amerikë dhe ne shumë vende të tjera. Në këtë botim jepet ana e prapme e asaj që lexuesi ynë di, deri tani, për Bajronin, kontradiktat dhe veset e tij në shoqëri, marrëdhëniet intime dhe tradhtitë, falsifikimet dhe intimitetet seksuale të tij, deri tek debati me gruan që ishte i kurorëzuar, qëndrimin e sinqertë por edhe kontradtitor të saj ndaj atij dhe mbështetësit.
Çmimi: 1000 Lekë
titleToAlt
...emri i Kristo Floqit është përmendur e analizuar në shumë organe të shtypit të kohës, kur ai dominoi në jetën politike dhe shoqërore. Fisnik në pamje, erudit në kulturën e tij, një personalitet poliedrik me botëkuptim të formuar nën ndikimin e disa kulturave, burrë i vërtetë shteti, orator dhe organizator i përkryer, ai i bënte vend vetes në të gjitha mjediset, shoqëritë dhe vendet ku ai jetoi pjesën më dinamike të jetës së tij. Dramat e K. Floqit përvijohen brenda caqeve të romantizmit të vonë. Në to, shquajmë motivet atdhetare, kontrastet dhe patoset e forta ideo-emocionale, duke prekur plagë e lëndime sociale. “Studiuesja i ka spikatur me kompetencë këto prirje, duke u ndalur sidomos edhe tek humori i komedive të tij, një humor disa herë tepër i hidhur, duke parapëlqyer kundërshti me peshë sociale, por pa i rënduar ato me antagonizma dhe papajtueshmëri të skajshme.” Prof. Dr. Josif Papagjoni Kritik teatri
Çmimi: 1500 Lekë
titleToAlt
"Unë e di pse këndon zogu në kafaz" (1969), romani i parë autobiografik i Maya Angelou-t, është shndërruar tashmë në një klasik amerikan fort të dashur në mbarë botën. Është një roman i hareshëm dhe i dhembshëm, i mistershëm dhe i paharrueshëm siç është vetë fëmijëria. Ai përshkruan jetën e Margaritës (të cilën i vëllai e quan Maj, ose Maja), që nga mosha trevjeçare deri në shtatëmbëdhjetë dhe vuajtjet me të cilat përballet, sidomos racizmin, në Jugun e Shteteve të Bashkuara të Amerikës. "Unë e di pse këndon zogu në kafaz" është një histori rritjeje dhe formimi, që tregon se forca e karakterit kapërcimin e traumave dhe dashuria për letërsinë mund të ndihmojnë në kapërcimin e traumave dhe racizmit. Përgjatë librit, ashtu si dhe në jetën e saj të vërtetë, Maja shndërrohet nga viktimë e racizmit me një kompleks të theksuar inferioriteti, në një vajzë të re, të vendosur, me dinjitet, e zonja për t'iu kundërvënë çdolloj paragjykimi. Maja mëson se dashuria për veten, mirësia ndaj të tjerëve, shpirti i saj i fortë dhe leximi i shkrimtarëve të mëdhenj do ti japin mundësinë të jetë e lirë dhe jo më e robëruar. Ky roman, poetik dhe i fuqishëm, do të prekë zemrat dhe do të ndryshojë mendjet për sa kohë që njerëzit do të vazhdojnë të lexojnë.
Çmimi: 1000 Lekë
titleToAlt
Duke analizuar një periudhë që shtrihet prej 1768 deri më 1849, autorja, një pasardhëse e drejtpërdrejtë e Muhamed Aliut, përshkruan në një mënyrë krejt të re, jetën e vrullshme të njeriut të madh. Romani, bazuar në fakte historike mjaft të sakta, në kronika familjare si edhe në legjenda të kaluara nga gjenerata në gjeneratë, na risjell ambjentin e kohës. Duke ringjallur dhe bërë të flasin ata që formojnë strukturën e këtij romani biografik, ne shohim historinë të shpaloset midis qenieve njerëzore me cilësitë dhe mangësitë e tyre, pikat e tyre të forta dhe të dobëta, dhe jo më midis personazheve të famshëm të cituar në librat e historisë.
Çmimi: 1200 Lekë
titleToAlt
Napoleon Bonaparti, figurë universale e gjenialitetit njerëzor, dështoi në themelimin e një dinastie, por përcaktoi politikën moderne. Me qeverinë e tij ai i tregoi botës se një vend mund të jetojë në mënyrë të qëndrueshme edhe nën një tjetër ligj, veç atij të monarkisë absolute dhe privilegjeve të trashëgueshme e kishtare. Në Francë, Kodi ynë Civil dhe shumë nga institucionet tona, që prej krijimit të tyre nga Napoleoni janë reformuar pak ose aspak dhe janë zbatuar e përshtatur në mbarë botën. Të sjellim fatin e jashtëzakonshëm të atij që Klauzeviç e quante "Zot i luftës", në dimensionin e jetës së një njeriu të zakonshëm, është sfida e këtij libri. Bonaparti u bind shumë shpejt se fati i tij ishte përcaktuar; kjo biografi na tregon rastësitë e jetës së tij. Pak nga pak, ai u flijua për shtetin francez, derisa sakrifikoi lirinë e përditshmërisë tij. Duke shkruan romanin e Bonapartit, Paskal Fotrie ia rikthen atij humanizmin.
Çmimi: 1300 Lekë
Të gjitha të drejtat e rezervuara. © 2015 Librari Albania