titleToAlt
Një tjetër romancë që të bën të mbash frymën Tanja, valltarja misterioze me flokë të zinj si korbi e një taverne në Misisipi, nuk e dinte se ishte princesha e vërtetë Tatiana e mbretërisë së largët të Kardinias. Kur princi guximtar Stefan erdhi dhe e gjeti, i vendosur ta merrte me vete për të përmbushur porosinë e babait në shtratin e vdekjes, Tanja nuk e pranoi dashurinë e tij, por njëherësh ia ndezi gjakun mbretëror me një pasion të zjarrtë. Edhe pse u përpoq të ikte prej tij, prapë ndiente se princi e tërhiqte në mënyrë të papërmbajtshme, derisa princesha e re, më në fund, iu dha shpirtërisht princit këmbëngulës dhe zbuloi fatin e saj të vërtetë.
Çmimi: 1200 monedha
titleToAlt
"Kafshët" e Miguel Torga-s është një univers i skicuar ne 14 tregime, ku njerëz e kafshë bashkëndajnë karakteristikat dhe peripecitë e jetës, duke ngritur pyetje thelbësore mbi shoqërinë dhe vetë ekzistencën. Ky klasik i letërsisë portugeze u botua për herë të parë më 1940-n. Secili nga tregimet ka një personazh: një kafshë të humanizuar apo një njeri që është thuajse kafshë dhe të gjithë jetojnë në luftë me natyrën, Zotin apo me veten. Të ndryshme mes tyre, këto "bishëza", kafshë e njerëz, janë të gjitha në të njëjtën "Barkë të Noes", toka amë, të vëllazëruara në një luftë të njëllojtë për jetën e për lirinë. Historitë e tyre përfaqësojnë dilema shumë njerëzore. Në këtë libër, njeriu është një kafshëz më shumë mes të tjerave e nuk zë një vend të privilegjuar në krijim. Për Miguel Torga-n, evolucioni e largoi Njeriun nga natyra, duke e dënuar me humbje dhe ai udhëton me "kafshëzat" në kërkim të thelbit të tij të pazbutur, të pastërtisë së instinktit, duke vendosur në pikëpyetje Zotin, lirinë, shoqërinë dhe marrëdhënien e individit me to.
Çmimi: 700 Lekë
titleToAlt
... Sidoqoftë ishte në një mendje me Orestin i cili thoshte që uji të shijon më shumë kur e pi pasi je djegur nga etja. Edhe malli i mbledhur për fëmijët ishte si i një të eturi që mezi priste të arrinte burimin e ujit. Ky ishte shkaku madhor që e bënte të hapte sytë fort, t'i dilte gjumi e të mbaronte ëndrra. Por jo, mendoi e dyzuar. Kishte kohë. Ishte gjithë nata përpara saj, përpara të dyve, qe ëndrra të vazhdonte. Do t'i qëndronte deri në fund vendimit që kishte marrë. Nuk do ta linte fatin e saj dhe të Orestit peng të marrisë dhjetëvjeçare që i kishte pushtuar. Tani nuk donte të mendonte asgjë veç kthimit në kohë, ku një makinë çudibërëse do t'i çonte atë dhe Orestin dyzet vjet më parë, kur zemrat, mendjet, trupat e tyre digjeshin nga zjarri i madh i dashurisë...
Çmimi: 1000 Lekë
titleToAlt
Çmimi: 1200 Lekë
titleToAlt
Romani më i shitur i një historie alternative të Philip Rothit - historia tronditëse e asaj që ndodh me një familje, kur Amerika zgjedh një president karizmatik, ithtar i izolimit! Në një vepër të jashtëzakonshme narrative, Philip Rothi imagjinon një histori alternative të Amerikës, ku Franklin D. Roosevelt humbet zgjedhjet presidenciale të vitit 1940 dhe president i Amerikës bëhet aviatori heroik dhe izolacionisti i tërbuar Charles A. Lindbergh. Menjëherë pas fitores, Lindberghu negocion për një "mirëkuptim" të përzemërt me Adolf Hitlerin, ndërsa qeveria e re fillon një program të antisemitizmit njerëzor. Nga ky çast e tutje, Shtetet e Bashkuara ndalojnë së mbështeturi britanikët dhe francezët dhe, prapa neutralitetit në dukje, hyjnë në marrëveshje me Gjermaninë e Hitlerit. Dhe ndërkaq, një familje hebrenjsh në Newark, familja Roth, zbuion se nuk janë aq sa duhet amerikanë për shijet e presidentit të ri dhe fillon të frikësohet se edhe vendi i tyre, Amerika, do të kthehet në një mbretëri terrori. Mes kundër historisë dhe autobiografisë, portreti i Amerikës në formën e një makthi.
Çmimi: 1250 Lekë
titleToAlt
Në çastet pulsuese pasi e vranë dhe e lanë në një kazan mbeturinash jashtë Stambollit, Tekila Leila hyn në një gjendje vetëdijeje të thellë. Zemra i ka pushuar së rrahuri, por truri është ende aktiv - për 10 minuta e 38 sekonda. Ndërsa dielli turk lind dhe miqtë e saj ende flenë diku aty pranë, ajo sjell ndërmend jetën e vet - dhe jetët e të tjerëve, e njerëzve të përjashtuar nga shoqëria, si puna e saj. Kujtimet e Tekila Leilës na kthejnë në fëmijërinë e saj, në provincë, një mjedis tepër ndrydhës për shkak të fesë dhe traditës, një fëmijëri ku ka lënë gjurmë familja poligamike me dy nëna dhe një baba që sa vinte e bëhej më autoritar. Pasi u arratis drejt Stambollit, Leila përfundoi në industrinë e pistë të trafikimit seksual, duke gjetur strehë në Rrugën e Bordellove, një rrugë historike e qytetit. Është një botë e errët dhe e dhunshme, por Leila është e fortë dhe e hapur ndaj bukurisë, dritës dhe lidhjeve të forta miqësore. Përmes vdekjes së Tekila Leilës, dalin në dritë të fshehtat dhe mrekullitë e jetës moderne të Stambollit, të ngjyrosura gjithë gjallëri nga rrëfimet mahnitëse se si e njohën dhe e deshën Leilën miqtë e pakët që kishte. Ndërsa udhëtimi i saj epik drejt jetës së përtejme i afrohet fundit, janë pikërisht pjesëtarët e familjes së re, të zgjedhur prej saj, që e përmbyllin këtë histori në një mënyrë aq të gjallë sa të thyen zemrën.
Çmimi: 1200 Lekë
titleToAlt
Në vëllimin e parë, kaq shumë të pritur, drithërues, të memuarit të tij presidencial, Barak Obama rrëfen historinë e odisesë së tij të pamendueshme, nga koha kur ishte djalosh që kërkonte të gjente veten, deri kur u bë udhëheqësi i botës së lirë, duke përshkruar, me detaje tejet personale, si edukimin e tij politik, ashtu edhe momente të shënuara të mandatit të tij të parë të presidencës së tij historike - një kohë ndryshimesh dhe turbullirash dramatike. Obama i tërheq lexuesit në një udhëtim marramendës që nga aspiratat e tij më të hershme politike, tek pika e rëndësishme e kthesës, fitorja e vyer në asambletë zgjedhore në Ajova, që tregoi fuqinë e aktivizmit kokë më kokë me njerëzit, tek nata vendimtare e 4 nëntorit 2008, kut u zgjodh Presidenti i 44-t i Shteteve të Bashkuara, duke u bërë kështu i pari afro-amerikan që merrte postin më të lartë të vendit. Duke reflektuar për presidencën e tij, ai ofron një shqyrtim të veçantë dhe të thellë si të fuqisë mahnitëse të Presidentit, ashtu edhe të kufizimeve të saj, si dhe vëzhgime autentike të dinamikave të politikës partiake të Shteteve të Bashkuara dhe diplomacisë botërore. Obama i fut lexuesit në Zyrën Ovale, në Dhomën e Situatave të Shtëpisë së Bardhë, i merr me vete në Moskë, Kajro, Pekin e përtej. Ne na besohen mendimet e tij personale, ndërkohë që ngre kabinetin e tij, kur përballet me një krizë globale fmanciare, kur krijon gjykimin e tij për Vladimir Putinin, kur, përkundër shanseve të pamundura, arriti miratimin e Aktit për Kujdesin Shëndetësor të Përballueshëm, kur përplaset me gjeneralët mbi strategjinë e Shteteve të Bashkuara në Afganistan, kur merret me reformën për Uoll Stritin, kur i përgjigjet shpërthimit shkatërrues të sondës Deeptuater Horizon, apo kur autorizon Operacionin ' Shtiza e Neptunit", që solli vdekjen e Osama bin Ladenit.
Çmimi: 2500 Lekë
titleToAlt
“Tatiana Tibuleac i kthehet fuqishëm, në një tjetër kontekst dhe në një tjetër nivel, temës së amësisë, së fëmijës së dashur/të padashur, të pasojave tragjike të "të mosdashurit", të pendesës, në një libër turbullues. "Kopshti prej qelqi" konfirmon hyrjen në letërsinë bashkëkohore të një shkrimtareje të talentuar dhe inteligjente siç është Tibuleacu, e cila di të kombinojë mizorinë e vëzhgimit dhe dhembshurinë për vuajtjen, duke zbuluar tragjedinë e fateve dhe bukurinë e jetës.” Gabriela Adamesteanu “Tatiana Tibuleac është një rrëfimtare paradoksale. Ajo e di, sikundër shumë pak shkrimtarë bashkëkohorë rumunë, që "një histori kurrë nuk lë gjëra të pazgjidhura". Në romanin "Kopshti prej qelqi", ajo rrëfen për një botë në kufirin e paqëndrueshëm mes mpiksjes dhe shpërbërjes, mes Rusisë dhe Europës, mes luftës dhe fatalitetit. "Kopshti prej qelqi" është, në shumë mënyra, romani i një brezi të tërë femrash dhe një rrëfimtareje sa autentike, aq edhe befasuese. “ Simona Sora
Çmimi: 800 Lekë
titleToAlt
Natyra njerëzore nuk është gjë tjetër veçse një paralele e natyrës universale dhe mjeshtëritë e njeriut nuk janë gjë tjetër veçse një imitim a pasqyrim i mjeshtërive natyrore, ose i funksioneve trupore. Shpirti, një përzierje uji dhe zjarri, tretet gjatë foshnjërisë dhe pleqërisë, por zmadhohet gjatë kohës kur njeriu është i rritur. Këtu hasim atë doktrinë të vetme, jo pa marrë në konsiderate rrjedhën e mendimit biologjik të mëvonshëm që lidhet me faktin se të gjitha pjeset e trupit formohen njekohësisht në fetus.
Çmimi: 1200 Lekë
titleToAlt
Tërheqja që dikush gjen në ngjyra dhe në tingull e bën njeriun të pyesë nëse fshihet një mister pas tyre, nëse ka një gjuhë me ngjyra dhe tinguj që mund të mësohet. Dhe përgjigjja është se gjuha e ngjyrës dhe e tingullit është gjuha e shpirtit dhe se është gjuha jonë e jashtme ajo që na bën të hutojmë për kuptimin e asaj gjuhe të brëndshme. Ngjyra dhe tingulli janë gjuha e jetës. Jeta shprehet në të gjitha rrafshet e ndryshme të ekzistencës në formën e ngjyrës dhe tingullit. Por manifestimet e jashtme të jetës janë aq të ngurta dhe të dendura sa që sekreti i natyrës dhe karakterit të tyre është varrosur poshtë. Pse bota quhet iluzion nga mistikët? Sepse natyra e shfaqjes është e tillë që ajo e fsheh sekretin e vet brenda vetes dhe shfaqet në një formë kaq të ngurtë, saqë fshihen imtësi, bukuri dhe mister i karakterit të saj, Prandaj, kërkuesit e së vërtetës së jetës, studentët e jetës, janë dy lloje të kundërta. Njeri dëshiron të mësojë nga pamja e jashtme. Tjetri dëshiron të zbulojë sekretin që fshihet pas tij. Ai që mëson nga e jashtmja e merr njohurinë nga e jashtmja, të cilën ne e quajmë shkencë.
Çmimi: 1500 Lekë
titleToAlt
Xhiuzepe Balsamo lindur në 1743 në Palermo, i arsimuar në shkollën e kishës së afërt të San Rokos, la qytetin në moshen 20 vjeçare për të vizituar Afrikën e Veriut, Levantin dhe Mesdheun. Pasi mori emrin Konti Kaliostro ai udhëtoi përreth Europës për një dhjetëvjeçar duke bërë çudira magjike, duke shëruar të sëmurët dhe duke themeluar degë të lëvizjes së tij Masonike Egjiptiane. I liruar nga akuza e mashtruesit pasi ishte burgosur në Bastijë më 1785, u kap nga Inkuzicioni Romak më 1789 dhe vdiq në 1795. Armiqtë e tij do të kishin qënë të lumtur për katandisjen e shtëpisë së Kaliostros në këtë gjendje të rënuar. Ata ishin shumë; Kazanova, dashnori më i madh i epokës, ishte xheloz i hidhur për të, Katerina e Madhe, perandoresha e Rusisë donte t'a mbyste; Johan von Gëte, nga më të nderuarit e shkrimtarëve gjermanë, ishte bërë si i çmendur nga urrejtja për të; Mbreti i Frances Luigji i XVI e përndoqi si një revolucionar të rrezikshëm; Mbretëresha Maria Antoneta e donte të mbyllur përgjithmonë në Bastijë pasi e kishte përfshirë në një mashtrim për një gjerdan diamanti; dhe Papa Piu i VI e akuzoi për kërcënim ndaj mbijetesës së Kishës Katolike. Do të ishte e vështirë të gjeje një përmendore më të trishtuar se shtëpia gërmadhë për dikë që ishte dikur një emër aq i njohur në botën perëndimore, një magjistar që monarkët i bënin lajka, peshkopët ia kishin frikën, artistët e kishin pikturuar, doktorët e kishin urryer dhe gratë e kishin dëshiruar.
Çmimi: 1300 Lekë
titleToAlt
Në sallat e ballove dhe ato të pikturës në Londrën e viteve 1800, rregullat qëndrojnë përmbi gjithçka. Fëmijët e aristokratëve mësojnë qysh në djep se si t'i drejtohen një konti apo se si të sillen para një princi. Një dukë i mirë duhet të jetë natyrë perandorake dhe distante. Një vajzë e re, në moshë për t'u martuar, duhet të jetë e përzemërt, por jo më shumë nga ç'duhet... Dafne Brixhërtoni ka dështuar gjithmonë në këtë të fundit. Fëmija i katërt nga tetë në familjen e saj të bukur, ajo ka bërë miq djemtë më të mirë të Londrës. Të gjithë e vlerësojnë dashamirësinë dhe zgjuarsinë e saj, por askush nuk e dëshiron si grua. Përzemërsia nuk është tipar dallues i Simon Basetit, dukës së Hastingsit. I kthyer së fundmi në Londër, ai ka vendosur të mos martohet kurrë, por një takim me motrën e shokut të tij të ngushtë, e lëkund vendosmërinë e tij. Bashkë thurin një plan të përsosur për t'u shpëtuar detyrimeve shoqërore. Fillimisht gjithçka shkon mirë, por mes shkëlqimit dhe thashethemeve të elitës së Londrës, vetëm një gjë mund të jetë e sigurt: dashuria nuk njeh rregulla... Me dhjetëra miliona kopje të shitura, seria "Brixhërtonët" nga shkrimtarja Julia Quinn, është përkthyer duke thyer rekorde në mbarë botën.
Çmimi: 1200 Lekë
titleToAlt
Publicisti Uvil Zajmi është lindur më 23 maj 1955 në Tiranë. I diplomuar në Fakultetin Filologjik, dega histori-gjeografi, veprimtarinë e tij e ka nisur fillimisht si gazetar sportiv, redaktor në të përditshmet shqiptare, duke bashkëpunuar edhe me shtypin e huaj. Është analist dhe opininonist i njohur radioteleviziv. Për shumë vjet ai ka qenë arbitër futbolli, si edhe më pas drejtues i sektorit të arbitrave në Federatën Shqiptare të Futbollit. Në vijim, ka qenë nëpunës në Ministrinë e Kulturës, Turizmit, Rinisë dhe Sporteve si dhe në Ministrinë e Arsimit, Rinisë e Sporteve. Ai është autor i shumë artikujve me tema sportive, historike dhe nostalgjike të botuara në median e shkruar, si edhe autor i librave sportivë "Emocione 1,2,3". Ky është libri i katërt, që Uvil Zajmi publikon. Është fitues i "Çmimit Anton Mazreku".
Çmimi: 1000 Lekë
titleToAlt
Remzi Ynali, një detektiv privat në Stamboll, bën një gabim. Ai nuk e merr seriozisht një aktore të re bukuroshe, që ndihet e kërcënuar. Tashmë ajo ka vdekur. Për të qetësuar ndërgjegjen dhe për të vënë nderin në vend, YnaIi i futet punës dhe rrëmon një fole grerëzash. Ai depërton në ambjentet e teatrove, bareve të errëta dhe strofkave të zymta të kumarit, për të zbuluar të vërtetën, sepse vetëm ajo mund ta shpëtojë. Me romanet e tij me dedektiv Remzi Ynalin, Xhelil Okeri na treson një Stamboll që nuk gjendet në guidat e udhëtimeve turistike.
Çmimi: 800 Lekë
titleToAlt
Ky libër analizon morfologjinë e krimit në shoqërinë shqiptare dhe njëherësh vërteton tezën sociale, që njeriu bëhet kriminel ose vetëvritet, pikërisht në momentin kur humbet "busullën e kontrollit". Kjo sjell vakum mental, më saktësisht një shkretëtirë mendore tërësisht individuale, e cila bëhet terren i favorshëm për kristalizimin e orientimit kriminal të sjelljes. Krimi, vrasjet, vetëvrasjet e kanë vënë shoqërinë shqiptare, njeriun normal, qytetarin e arsyeshëm, individin urban përballë dilemës: A mund të jetohet normalisht në një "shoqëri të kriminalizuar", në të cilën krimi dhe vetëvrasjet janë bërë si "buka e përditshme"? Ku duhet të jetojmë? Në një shoqëri që funksionon normalisht, apo në një shoqëri që vazhdon të pësojë metamorfozë regresive duke u transformuar paradoksalisht gati në "kopësht zoologjik" apo "spital psikiatrik"?
Çmimi: 1000 Lekë
titleToAlt
Këtu gjenden disa nga përrallat më të bukura të të gjitha kohërave. Tituj të njohur, si "Sirena e Vogël", janë përralla mbi vlerat që kanë ende rëndësi për ne sot, si familja dhe besnikëria, miqësia dhe kuraja, të shkuarit mirë në shoqëri dhe realizimi i ëndrrave. Në këtë libër do të gjeni përralla që tashmë janë të preferuara, si dhe të tjera që do t'i lexoni për herë të parë, por e sigurt që do të bëhen, gjithashtu, të preferuarat tuaja.
Çmimi: 620 Lekë
titleToAlt
Ai mendonte se Laide do ta vështronte, jo se e rrente mendja që ishte i bukur, por tekefundit një burrë si ai do të duhej t'i bënte qejfin, për fodullëk në mos për tjetër, të ndiheshe i mbrojtur nga një njeri kaq për së mbari, pastaj ajo nuk duhej të ishte aq e mësuar me një njeri kaq fisnik, pa dyshim një njeri kaq fisnik ajo s'e kishte hasur kurrë, ose ndoshta po, kishte hasur syresh pa dyshim, kishte vajtur në shtrat dhe i kishte puthur e s'kish lënë gjë pa bërë me ta, por asnjë prej këtyre burrave nuk e kishte trajtuar sigurisht si ai, të gjithë e kishin trajtuar si një çupërlinë që s'vlente veçse njëzet mijë lira, me të gjitha miklimet e rastit, pas të cilave fshihej një përçmim i skajshëm - kështu mendonte - ndërsa ai nuk bënte dallime nga për së mbari dhe jo për së mbari, ai e trajtonte si një zonjë, një princeshë nuk do ta trajtonte më mirë, nuk do të kishte patur kaq përkujdesje. Një buzëqeshje, një vështrim mirënjohjeje i dukej se e meritonte thuajse patjetër.
Çmimi: 1000 Lekë
titleToAlt
Për veprën "Marksi në Soho": A nuk ju ka shkuar mendja: pse duhet të më shpallin të vdekur herë pas here? Kjo monodramë e mprehtë dhe e hollë, kjo "dramë me historinë", fillon me një marrëveshje mes Karl Marksit dhe autoriteteve të jetës pas vdekjes. Kështu, Marksi fitoi të drejtën që të zbriste në Tokë për të pastruar emrin e vet. Mirëpo, pas një gabimi burokratik, Marksin e çojnë në Sohon e Nju-Jorkut, jo në lagjen e mykur të Londrës së dikurshme. Zinn-i na njeh me bashkëshorten e Marksit, Xhenin, me fëmijët e tij, me anarkistin Mikhail Bakunin, si dhe përmend e flet për personazhe të tjera të kohës. Marksi në Soho është një hyrje e shkëlqyer në jetën e Marksit, në analizën e shoqërisë sipas këndvështrimit të tij, si dhe në pasionin e tij për ndryshime rrënjësore. Po ashtu, Zinn-i na dëften sa të lidhura janë idetë e Marksit me realitetin e botës së sotshme.
Çmimi: 500 Lekë
titleToAlt
Çmimi: 1200 Lekë
titleToAlt
Çmimi: 900 Lekë
titleToAlt
"Papritmas, lulja nisi të lëvizte, a thua se frynte erë, majtas-djathtas, djathtas-majtas, me një rregullsi të harmonishme. Pastaj, si për çudi, mu zhduk nga sytë, sikur ta kishte përpirë nata, por nuk vonoi dhe u rishfaq në tërë freskinë e saj blu. Një dëshirë më lindi e më kaploi një si ethe përvëluese: të shndërrohesha në kërmill, t'i ngjitesha ngadalë, shumë ngadalë, ta përkëdhelja me brirthët e mi, ta njomja me lëngun tim thelbësor, t'i lëpija, pija, përpija vesën mbi petla; pastaj ndërrova mendim: më mirë të kthehesha në bletë të egër, të shkoja e t'i futesha mes petlave, t'i thithja nektarin, nektarin blu, për të prodhuar një mjaltë qumështor të rrallë."
Çmimi: 700 Lekë
titleToAlt
"Një mister pret që të zgjidhet në Havai: dikush ka ndër mend të vjedhë një gjerdan shumë të çmuar... Po kujt ia merrte mendja se për të gjetur hajdutin, duhet të merrja pjesë në një Garë Superserfi?"
Çmimi: 500 Lekë
Të gjitha të drejtat e rezervuara. © 2015 Librari Albania