Fjalori themelor italisht-shqip ju ofron: • Italishte dhe shqipe moderne • Fjalë dhe terma nga më të përdorshmet • Thjeshtësi në përdorim • Ndihmesë në përkthimi në çdo kohë e kudo.

Ushtrime përgatitore për mësimin e italishtes: • Përgatit nxënësin të mësojë gjuhën italiane me themel; • Ushtrime të përmbledhura dhe njohuri themelore të gramatikës ; • Mësime të shkurtra dhe zhvillim gradual në ritmin e mësimit të gjuhës italiane.

Fjalor ital.-shqip-shqip-ital. Në vazhdën e botimit të fjalorëve me përmasa të ndryshme me synim të caktuar, i jepet përdoruesit dhe ky fjalor i ri kompakt për të dy gjuhët, fjalët më të zakonshme, pa lënë jashtë terma e fjalë speciale më të përdorshme, duke u mbështetur në të dhënat më të fundit të leksikografisë e në fjalorët më të përditësuar; po ashtu duke dhënë barazvlerësit më të njohur e më të gjallë në gjuhën tjetër. Këto karakteristika, si dhe vëllimi e formati praktik shpresojmë se do ta bëjnë këtë fjalor të ri një vepër të dobishme konsultimi për studiuesit e italishtes dhe të shqipes.

Ky fjalor përmban: •Rreth 25 000 fjalë-titull me barasvlerësit italisht • Fjalët më të përdorshme të shqipes • Ilustrime me shembuj të përdorimit të fjalëve • Shprehjet frazeologjike më të përdorshme.

Ky fjalor i ri praktik me rreth 30 000 fjalë, i drejtohet një publiku më të gjërë, kryesisht nxënës e studentë, por edhe atyre që komunikojnë në gjuhën italiane. Falë formatit më të përdorshëm mund të gjejë vend edhe në valixhen e atij që udhëton për punë, për specializim etj, në Itali.

Në këtë fjalor janë shtuar rreth 12 000 fjalë-titull të reja, fjalë që kanë hyrë gjerësisht në përdorim këto 10-15 vjetët e fundit: terma të politikës e të teknikës që pasqyrojnë zhvillimin e vrullshëm të Shqipërisë. Përveç fjalëve të reja, Fjalori është pasuruar dhe me sinonime në pjesën italisht e me shprehje nga të dy gjuhët .

Fjalori italisht-shqip me rreth 40 000 fjalë-titull është ribotim i fjalorit të mëparshëm me të njëjtat permasa por mund të quhet një vepër e re sepse është rishikuar tërësisht, është ndrequr e përmirësuar duke e ballafaquar e përditësuar me punimet më të mira të kohëve të fundit të leksikografisë italiane. Janë shtuar edhe mjaft fjalë të reja e shumë të përdorura në gjuhën esotme taliane. Ky fjalor i kushtohet një rrethi të gjerë studiuesish e përdoruesish përherë në rritje të italishtes si gjuha më e njohur sot e tradicionalisht në vendin tonë.

Disa nga karakteristikat themelor të këtij fjalori janë: •Rreth 55 000 fjalë-titull • Mbi 200 000 ilustrime me shembuj përdorimi e shprehje frazeologjike, barasvlerës të saktë e të zgjedhur shqip • Terma shkencore e teknike, shënime gramatikore e shënime përdorimi sipas fushave.