titleToAlt
Që kur Apokalipsi i Përbindëshave ka pllakosur qytetin, trembëdhjetëvjeçari Xhek Salivan ka jetuar në një shtëpi mbi pemë, të cilën e ka armatosur dri në dhëmbë, për të mos përmendur videolojrat dhe rezervat e pafund me biskota Oreo, TË MARRA NGA DYQANET E BRAKTISURA. Po Xheku nuk mund t’ua dalë dot i vetëm hordhive me Zombi, djaj me krahë e kacavjerrëse të gjalla. Prandaj ngre një skuadër me: shokun e tij të ngushtë Kuint, Dërkun, Rovërin dhe Xhunin. A do të arrijë Xheku me ndihmën e tyre të mposhtë krijesat apokaliptike dhe të mos jetë më një djalë i zakonshëm?
Çmimi: 800 Lekë
titleToAlt
Ky roman është magjepsës, tejet origjinal, i shkruar bukur, me fantazi dhe zbulime befasuese. Megjithëse voluminoz lexohet me një frymë, sepse aventurat e heroit të vockël janë prekëse dhe me imagjinatë. Tobi është një hero i vërtetë. Mbajeni mirë mend emrin e tij, sepse tashmë ai bën pjesë në panteonin e personazheve të mirënjohur aventurat e të cilëve mbërthejnë lexuesit e çdo moshe. Ky roman është përkthyer në 31 gjuhë. Në Francë është vlerësuar me disa çmime mes të cilëve veçojmë: - ÇMIMIN E MADH TË LETËRSISË IMAGJINARE - ÇMIMIN E MADH TË LEXUESIT - ÇMIMIN E BIBLIOTEKAVE. "Pasi të lexoni këtë libër, do t'i shihni pemët me një sy tjetër." - Figaro "Një hyrje brilante në letërsinë imagjinare" - Le Monde Tobic Lolnes e ka shtatin një milimeter e gjysmë. Prej shekujsh, bashkëkombësit e tij jetojnë në trojet e tyre ne një lis të lartë e të dendur. .., Për shkak se i ati i Tobit nuk pranoi të tregonte sekretin e një zbulimi të ri familja e tyre u internua dhe u burgos. Teksa rend mes degëve të lisit, duke u fshehur në të Çarat e lëvores, Tobi largohet sepse bashkëvendësit e tij po e ndjekin këmba-këmbës për ta kapur. Tobi ia del të shpëtojë. Por, per sa kohë? ILUSTRUAR NGA FRANÇOIS PLACE
Çmimi: 800 Lekë
titleToAlt
Viki [Viktori] 10-vjeçar është një fëmijë i llastuar dhe i trazovaç i cili jeton në Pragë me mamanë e tij, Hanën, një aktore teatri, e cila përpiqet fort të menaxhojë jetën e saj, duke mos lënë pas dore edhe edukimin e të birit. Asaj i ofrohet të luajë një rol të rëndësishëm në një serial filmik që do të xhirohet larg Pragës. Që të mund t'i kushtohet totalisht këtij roli ajo e dërgon të birin të qëndrojë tek mamaja e saj në fshat, duke mos i marrë në konsideratë kundërshtimet e tij. Viki ndihet i "mashtruar dhe i tradhtuar" njëkohësisht dhe dëshpërohet akoma më shumë nga gjyshja e tij e rreptë, e cila me sa duket është e qarta në kërkesat e saj. Historia rrjedh duke i ndërthurur jetët e këtyre personazheve, ndërsa arrijmë të kuptojmë se marrëdhëniet e ngushta familjare dhe dashuria e ndërsjellë dhe pa kushte përbëjnë një bazament të fortë që të mbështetesh dhe të jep forcë për të përballuar të gjitha sfidat e jetës. "Autorja vërteton të gjitha pikat e saj të forta në këtë roman. Ajo është një psikologe e mirë dhe e njeh botën e personazheve, të cilët janë realë dhe mjedisi në të cilin i vendos ata është mjaft bindës. Gjuha që autorja përdor dhe veçanërisht dialogjet janë brilantë. Petra Soukupova është në kulmin e arritjeve të saj." —Milan Sefl Tydenik Rozhlas "Kjo shkrimtare e talentuar çeke na surprizon përsëri me këtë vepër. Ajo mbetet një vëzhguese shumë e mirë e marrëdhënieve njerëzore dhe shkruan shkurt dhe saktë me një gjuhë që nuk tingëllon aspak artificiale. Petra nuk stërhollohet në figurat letrare dhe "refuzon" që të marrë rolin e gjykatëses së personazheve. Teksti i saj mbart në vetvete një stilistikë të veçantë dhe i njeh mirë rregullat e romanit. Kjo është arësyeja që ky roman të mbetet gjatë në kujtesë" —Lubomir Jasko Knihy na dosah
Çmimi: 800 Lekë
titleToAlt
E parapëlqyer për vite radhazi, ky roman klasik ndjek aventurat e Ana Shirlit, kokëkuqes energjike, e cila shkon të jetojë pranë një familjeje në Grin Grejbëlls dhe fiton zemrat e gjithë atyre që takon aty. Romani “Ana flokëkuqja”, është një nga më të paharruarit dhe njëkohësisht një nga më të këndshmit nën të gjithë letërsinë botërore.
Çmimi: 1100 Lekë
titleToAlt
Dy dhelpra dhe një sekret. I takon Morisit që ta zbulojë. Në moshën 11-vjeçare sapo është shpërngulur në Dautremer, një fshat i përhumbur në Korsikë: ndërkohë që prindërit do të merren me drejtimin e hotelit të rrënuar Napoleon, ai do të vërdalloset duke regjistruar tingujt e detit. Të paktën, kjo ishte ideja, derisa një ditë takon Odrin, një moshatare të tij. Ajo i tregon për zhdukjen e një marinari gjerman. Ky nuk është i vetmi mister. Shumë shpejt, Morisi dhe Odri do të zbulojnë se në të gjithë fshatin fshihet një sekret i errët. që i ka rrënjët në Luftën e Dytë Botërore. Në të njëjtën Luftë, Romeli, gjenerali nazist i quajtur Dhelpra e Shkretëtirës, dhe Sant-Ekzuperi, autori i famshëm i Princit të vogëi mund të kenë bashkëpunuar për të ndryshuar fatin e konfliktit, duke nisur një gjueti thesari që zgjat prej 40 vjetësh dhe që shpie pikërisht në ata shkëmbinj...
Çmimi: 1100 Lekë
titleToAlt
Hapësira të pamasa bore, pyje të dendur e të vetmuar: ja bota e Dhëmbit të Bardhë. Këtu, jeta për qenin-ujk, është një luftë e përhershme me urinë, duhet të vrasë që të mos e vrasin, është një betejë e pamëshirshme kundër kafshëve të të njëjtit lloj, por edhe një lojë dinake kundër keqtrajtimeve të njeriut. Dhëmbi i Bardhë duket sikur njeh vetëm urrejtjen dhe mosbesimin... apo te ai ka vend edhe për ndjenja si dashuria dhe bujaria?
Çmimi: 1000 Lekë
titleToAlt
«Një përrallë e fuqishme për adoleshentët (dhe të rriturit) në lidhje me ankthin, dashurinë dhe miqsinë.»- Los Angeles Times «Një roman shtrëngues dhe zbavitës.» — New York Times «Një ulërimë ekzistenciale adoleshente.» —Vox «Një lexim shumë i dobishëm ... leximi më i pjekur i veprës së Green-it deri më sot dhe që meriton të gjitha akordet që me siguri do të vijnë në rrugën e vet.» — Blistlist
Çmimi: 1000 Lekë
titleToAlt
Beteja e fundit është më e madhja e të gjitha betejave. Narnia... ku gënjeshtrat ushqejnë frikën... ku besnikëria vihet në provë... ku shpresat duken të humbura. Në ditët e fundit, Narnia do të përballet me sfidën më të egër - jo një pushtues nga jashtë, por një armik nga brenda. Gënjeshtrat dhe mashtrimet kanë hedhur rrënjë dhe, në këtë fund të mrekullueshëm të "Kronikave të Narnies", vetëm Mbreti dhe një grusht pasuesish besnikë mund ta parandalojnë shkatërrimin e gjithçkaje të dashur për ta.
Çmimi: 600 Lekë
titleToAlt
Narnia... atje ku zgjohet një dragua... ku yjet çapiten mbi tokë... ku gjithçka mund të ndodhë. Një mbret dhe bashkudhëtarët e tij nisin një lundrim që do t'i çojë përtej tokave të njohura. Teksa lundrojnë gjithnjë e më larg cakut të njohur deri tani të ujërave, ata zbulojnë se kërkimi i tyre është më shumë nga ç'kanë perfytyruar dhe se fundi i botës është veçse fillimi... - Po Eustaku, nuk do të kthehet më kurrë këtu? - e pyeti Lusi. - Bija imë, - iu përgjigj Asllani, - vërtet duhet ta dish këtë? Eja, se do të hap portën e qiellit. Atëherë, brenda një çasti, u hoq muri i kaltër (sikur griset një perde) dhe një dritë tmerrësisht e bardhë u duk nga prapa qiellit, pastaj ata ndjenë prekjen e krifes së Asllanit dhe puthjen e Luanit mbi ballë e më pas e panë veten në dhomën e gjumit, nga ana e prapme, në shtëpinë e teze Albertës, në Kembrixh.
Çmimi: 600 Lekë
titleToAlt
Po ju çorodit rritja juaj? Përgjigjet i gjeni te ne! Ka ardhur koha për të zgjeruar dijet rreth personit më të rëndësishëm në jetën tuaj! Mos u besoni atyre që dëgjoni në kthinën e dollapëve në shkollë apo që shihni online. Mësoni të vërtetën për trupin që po ju ndryshon dhe çdo gjë në lidhje me këtë e gjeni te "Libri për trupin e djemve", librin nr.1 më të shitur për adoleshencën. Libri i vetëm që përmban: Informacione dhe këshilla nga specialistë të certifikuar në mjekësi dhe arsim llustrime të larmishme, me të gjitha llojet e aftësive përfshi edhe ato pozitive ndaj trupit Mënyra për të ndihmuar fëmijët që ndodhen nën presionin e shokëve, që ngacmohen dhe që përballen me situata të vështira Këshilla për sigurinë personale dhe kufij të shëndetshëm në jetën reale dhe atë online Këshilla se si të planifikoni të ardhmen, nga kolegji në shkollat tregtare Në këtë botim do të flasim për: Trupin që po ju ndryshon: mësoni gjithçka për këtë fazë të ngatërruar të jetës që quhet pubertet. Marrëdhëniet që po ju ndryshojnë: udhërrëtyesi juaj për kujdesin e prindërve, motrave dhe vëllezërve, shokëve, mësuesve dhe trajnerëve. Jetën që po ju ndryshon: nga e veshura për të qenë të suksesshëm, kujdesi në internet e deri te përzgjedhja e ushqimit dhe se si të silleni ndaj ngacmimeve (si në jetën reale ashtu dhe në internet). Do të përballeni me një botë tërësisht të re. Mos u shqetësoni! Ne jem këtu për t'ju ndihmuar!
Çmimi: 1000 Lekë
titleToAlt
E vërteta gjendet diku atje jashtë... Por, sa larg do të guxojë të kërcejë Xheku për ta gjetur? Alergjia e Xhekut ndaj dritës së diellit e detyron atë të mos dalë nga hija, e njëkohësisht të jetë i vetmuar dhe nën rrezikun e djegieve të rënda të lëkurës sa herë që përballet me dritën. Kapërcimi i hijeve mbi majat e çative në muzg e bën të ndihet i gjallë dhe i lirë. Por, gjendja e Xhekut papritur është bërë më keq se kurrë dhe vetëm babai i tij shkencëtar, që nuk dihet se ku ndodhet, mund ta shpëtojë. Ndërkohë që Xheku dhe mikesha e tij e re, Beti, nisin të rrëmojnë e hetojnë në të kaluarën e babait të tij për ndonjë gjurmë, as që u shkon nëpër mend se çfarë do të zbulojnë. Kudo shkojnë ndeshen me thashetheme tronditëse e sekrete të errëta. Xheku është trim kur rri mbi çati, por a mund ta gjejë ai guximin që të përballet me të vërtetën?
Çmimi: 800 Lekë
titleToAlt
Harriet Menërs di shumë gjëra, ajo di se: -Nju-Jorku është qyteti me popullsinë më të dendur në Shtetet e Bashkuara të Amerikës. -Motoja zyrtare e këtij qyteti është "Gjithnjë e më lart". -27% e amerikanëve nuk besojnë se njeriu ka shkuar ndonjëherë në Hënë. Por, ajo nuk ia ka idenë se si bëhet modelimi në Amerikë. Dhe më e rëndësishmja, ajo nuk e di se çfarë duhet të bëjë kur kupton se i dashuri i saj nuk është më ai romantiku i dikurshëm.
Çmimi: 1100 Lekë
titleToAlt
Udhëtimi në Botën Magjike vazhdon: Magjistari i fuqishëm i Territ, Gelert Grindelvaldi, u kap në Nju Jork, edhe me ndihmën e Njut Skamandërit. Por, besnik ndaj kërcënimeve të veta, Grindelvaldi arrin të arratiset. Ai nis të mbledhë njerëz, pjesa më e madhe e të cilëve nuk i njohin qëllimet e vërtëta të tij: dëshiron t'ua japë pushtetin magjistarëve gjakpastër dhe të nënshtrojë gjithë krijesat jomagjike. Ai që do t'i kundërvihet planit të çmendur të Grindelvaldit, është Albus Urtimori, i gatshëm të gjejë pasues midis ish studentëve të tij. Ai thërret për ndihmë Njutin dhe grupin e tij dhe e bind të jetë krah tij sërish, pavarësisht nga rreziqet. Tashmë frontet janë përcaktuar: dashuria dhe besnikëria do të vihen sërish në provë, pa kursyer miq dhe të afërm, në një botë magjike gjithmonë e më të ndarë. Kafshët Fantastike: Krimet e Grindelvaldit është skenari i dy të i një serie prej pesë filmash të shkruar nga J. K. RowIing-u,autorja e librave bestseller të Harry Potter-it. Ngjarjet ndodhin më 1927, disa muaj pas ngjarjeve te “Kafshët Fantasttke dhe ku mund te gjenden” dhe lëvizin nga Nju Jorku në Londër, në Paris dhe kthehen në Hogouorts. Kjo histori misteri dhe magjie do të zbulojë një kapitulli të ri dhe emocionues të Botës Magjike të J. K. RowIing-ut.
Çmimi: 1000 Lekë
titleToAlt
"Trupi i saj i puthitur pas timit ishte i ngrohtë. Flokët e saj te mjekra ime ishin të butë e të mëndafshtë. Por unë e urreja." Janë fjalët e Dantes, personazhit kryesor të këtij romani emocionues, nxënës në vitin e fundit të shkollës së mesme. Po mban në duar një foshnjë, për të cilën më parë nuk dinte asgjë dhe që, papritmas, e dashura e dikurshme ia lë në derë! Nëna e Dantes nuk jeton prej kohësh dhe i ati, i kujdesshëm, por i rreptë, nuk është nga ata që lë shteg për t'i ikur përgjegjësisë, kështu që Dante duhet t'i harrojë një herë për një herë, me gjithë dëftesën e tij me katër yje "A", planet e universitetit: shkollimi i lartë, karriera si gazetar, një e ardhme vezulluese fluturon e zhduket. Dante bëhet baba i vetëm, disa javë para ditëlindjes së tij të 18. Sikur të mos mjaftonte kjo, i vëllai, Adami, rrihet për vdekje nga një grup djemsh ... Malorie Blackmani ka krijuar një histori realiste për atë që ndodh në shoqëri tani. Jo një histori të sheqerosur, por thjesht siç ndodh përnjëmend. Ngjarje, me të cilat njerëzit përballen çdo ditë. Prindër adoleshentë të vetëm. Sjellje homofobike ndaj më të dobtëve. E megjithatë, ajo arrin të krijojë një histori plot shpresë, dashuri dhe humor që të bën të qash e të jesh i lumtur, së bashku me personazhet. Romani i ri dramatik i Blackmanit do t'ju shoqërojë në një udhëtim të vështirë të jetës së adoleshentëve sot...
Çmimi: 900 Lekë
titleToAlt
Laura, vogëlushja pesëvjeçare, ka lindur në një nga kampet e internimit te Stalinit në Siberi. Ajo dhe prindërit e saj janë duke u kthyer per në Letoni, një vend që Laura e njeh vetem nga përshkrimet e mrekullueshme gjatë kohës kur ishin në Gulag. lmazhi që ajo ka krijuar mbi Letoninë nga tregimet e prinderve dhe asaj se çfarë sheh në të vërtetë kur mbrrin në këtë vend, nuk kanë asgjë të perbashkët. Pavarësish zhgënjimit befasues rreth Letonisë së "ëndrrave", të imagjinuar nga rrëfimet, ajo 'eshtë e detyruar ta pranojë këtë realitet dramatik. Pak para se të vdiste, gjyshi i kishte lënë Laurës amanet një unazë, të cilen duhet të ia dorëzojë "kur të kthehet", Reinisit [xhaxhai i saj], të zhdukur pa gjurmë në kampet e internimit ne Siberi. Ajo është e motivuar që ta përmbushë këtë premtim. Ky libër me nota të shumta autobiografike, që është shkruar ne një gjubë të pasur, tregon historine e një vajze që zhvendoset mes botëve, me shpresën për të gjetur një atdhe që ajo mund ta quajë shtëpi. Veprat e Mara Zalites nuk i takojnë vetëm kulturës Letoneze. Ato konsiderohen si pasuri e të gjithë lexuesve nepër botë... sepse ajo denoncon tmerret dhe krimet e regjimit totalitar, duke permbushur nëpërmjet rrëfimit, edhe misionin e saj social.
Çmimi: 1000 Lekë
titleToAlt
Tes de Suza nuk është një jetime e zakonshme. Kur një pasanik i panjohur shfaqet në Strehën Ekërbi për të Humbur dhe të Braktisur. me pretendimin se ishte i afërmi saj, Tesi niset për një jetë të re me të. Nuk merr me vete asgjë më shumë se tarantulën e saj, Violetën dhe një pajisje të çuditshme, me të cilën e kishin lënë që foshnje. Po në vend që t'i japë përgjigje për të kaluarën e mistershme të Tesit, shpejt behet e qartë se interesi i kujdestarit të saj për të është pjesë e një plani të tmerrshëm. Këtu vihet në lojë fati i më shumë se një bote dhe i takon Tesit ta ndalë atë burrë...
Çmimi: 1000 Lekë
titleToAlt
Meri Popins është sqimatare, shihet shpesh në pasqyrë, iu dhuron fëmijëve aventura magjike dhe argëtuese, i zbret shkalIët duke rrëshqitur në parmakët e tyre, ndërsa valixhen duket sikur e ka bosh dhe të Iehtë, por prej saj dalin Iloj-Iloj objektesh me forma të çuditshme. Meri këmbëngul se të gjitha gjërat magjike ndodhin se ia kërkojnë fëmijët. Ajo është e rreptë dhe e dashur, ndonjëherë edhe e vrazhdë, por njëherësh, e aftë të këshillojë të vegjël e të rritur. Kur mendon se e ka përmbyllur misionin e saj Iargohet pa asnjë Iajmërim, me ndryshimin e erës, ashtu sikundër edhe erdhi duke u mbajtur në çadrën e saj të bukur me dorezë në formën e krokodilit. Por lë pas një familje të Iumtur. Kjo është Meri Popins dadoja më e famshme e të gjitha kohërave, fryt i fantazisë së shkrimtares australiane Pamela Travers, që ka shkruar tetë Iibra për fëmijë, dy prej të cilëve janë bërë filma nga kompania e famshme Disney.
Çmimi: 1200 Lekë
titleToAlt
Një ditë, në breg të detit, një djalë dhe qeni i tij gjejnë një valixhe të vjetër, brenda së cilës ndodhet një e fshehtë që do të ndryshojë plotësisht jetën e tyre. Për shkak të kësaj të fshehte ata nisin një sërë aventurash dhe marrin një arrati të gjatë drejt vendesh të panjohura, duke krijuar miqësi të reja dhe duke provuar forcën e karakterit të tyre. Çfarë fshihej vallë brenda në valixhe...?
Çmimi: 500 Lekë
titleToAlt
Fati i dy njerëzve ndryshe në një shoqëri të mbyllur dhe paragjykuese, që luftojnë për të ndryshuar jetën e tyre...
Çmimi: 800 Lekë
titleToAlt
Një guidë sesi mund të kujdesemi më mirë për trupin dhe shëndetin tonë, i përshtatur më së miri për fëmijë. Secili tregim paraqet personazhe dinamikë dhe mesazhe të vyera mbi kujdesin përsonal fizik.
Çmimi: 600 Lekë
titleToAlt
Kujtuat se tmerri i Autobusit të drithërimave mbaroi kur shpikësi i tij, shkrimtari-vampir P. Onoval, vdiq? Jeni gabuar: ja ku mbërrin Edi Gj., Gjeniu i Kompjuterit që ringjall vampirin përmes një rituali makabër. Por Onovali i ringjallur mund të veprojë vetëm në internet, në realitetin virtual, të prodhuar nga kompjuteri... Veç nëse ai arrin të thithë tre djem dhe një vajzë, atëherë ruhuni... ai mund të kthehet në botën tonë. Kjo gjë u ndodh Riçardit Berrit , Lidias dhe Shakirit që kapen nga Edi dhe jetojnë si protagonistë të tmerruar në aventurat virtuale (që janë po aq të vërteta sa jeta) dhe rrezikojnë të bëhen përgjithmonë skllevërit e Onovalit...
Çmimi: 800 Lekë
titleToAlt
Armiku ka rrethuar Fairy Oak dhe fuqia e tij dita-ditës bëhet edhe më e fortë. Aleanca e lashtë midis Dritës dhe Territ lëkundet. Megjithatë, një lidhje duket e pazgjidhshme, ajo që bashkon Vaniljen dhe Pervinkën, shtrigat binjake, të njëjta sa edhe të ndryshme, Dritë dhe Terr në vogëlushet e një gjaku. Mbi këtë lidhje, Armiku do të lëshojë sëpatën e vet. A do të jetë në gjendje Pervinka t'i bëjë ballë magjisë së territ? Sepse nga kjo varet shpëtimi i Magjikëve dhe i Jomagjikëve.
Çmimi: 1000 Lekë
titleToAlt
E dini që do të mahniteni me krijesat e pabesueshme parahistorike që janë edhe personazhet e këtij libri? Në të do të zbuloni grabitqarët e mëdhenj mishngrënës, barngrënësit gjigantë dhe zvarranikët e famshëm parahistorikë të detit. Ky libër është i veçantë, sepse, nga hipotezat e paleontologëve të ndryshëm, mbërrijmë tek të vërtetat e zbuluara në ditët e sotme, që nuk i kemi ditur më parë.
Çmimi: 1200 Lekë
titleToAlt
Përralla shqiptare maqedonse dhe italjane
Çmimi: 600 Lekë
Të gjitha të drejtat e rezervuara. © 2015 Librari Albania