titleToAlt
Poema homerike “Odiseja” u krijua në shekullin e 8 para Krishtit. Ajo tregon aventurat e rrezikshmë të Odisesë (Uliksit), heroit grek dhe mbretit të Itakës, në Greqinë e Perëndimore. Pas rënies së Trojës, Odiseja detyrohet të endet për dhjetë vjet derisa kthehet në shtëpi te gruaja e tij Penelopa, në Itakë.
Çmimi: 1000 Lekë
titleToAlt
Poema homerike “Iliada”, është kronikë zhvendosjeje, në lëvizje popujsh, trupore, brutale drejt Lindjes. Ngjarjet e kësaj poeme janë të vendosura në vitin e fundit të luftës së Trojës. Konflikti legjendar përbën sfondin për subjektin kryesor të historisë: mërinë e heroit grek, Akilit.
Çmimi: 1000 Lekë
titleToAlt
Ky “Ditar” i fshehtë, i botuar për herë të parë në fitin 1973, pra më se njëqind e ca vjet pas hartimit të tij në kundërshtim të plotë me vullnetin e autores, nuk do të kishte dalë në dritë, po qe se ai do të kufizohej thjesht me ca imtësi therëse apo zbulime të papritura, që duket sikur nganjëherë e ulin figurën e njeriut për të cilin janë shkruar. Ana Grigoievna, gruaja e dytë e autorit të madh, shënon në këtë ditar vetëm gjëra thelbësore të jetës së saj me shkrimtarin e madh. Ana tregon me hollësi ngjarjet që shënojnë qëndrimin e tyre në Gjenevë. Dëshmia e saj mallëngjyese, aq e ngrohtë, aq e përmbajtur, ripërtërin gjininë e vështirë të ditarit intim që ka të bëjë me njeriun e madh, që e ka në të njëjtën kohë bashkëshort. Por kjo nuk është e papritura e këtij ditari, marrim vesh se sekretarja e re është vetë një shkrimtare.
Çmimi: 700 Lekë
titleToAlt
Sikundër nënkuptohet dhe nga titulli, Garcia Marquez ka shkruar një roman për dashurinë, Për dashurinë me të gjitha fytyrat e saj: dashurinë rinore, dashurinë bashkëshortore, dashurinë romantike, dashurinë e mishit, dashurinë madje edhe me shenjat e kolerës. Për më tepër , ai ka shkruar një vepër arti që rrezaton një humanizëm të atillë, që lexuesit do ta ruajnë thellë në zemër si diçka të shtrenjtë dhe do ta kujtojnë sa të kenë jetë në këtë botë.
Çmimi: 1000 Lekë
titleToAlt
“Karpa”, një roman kompleks që rrëfen dëshirat e papërmbushura të autorit Martin Camaj. Personazhi kryesor Voni, është një qenie e destinuar të mbijetojë falë vetive mbinjerëzore që i jep arti i të shkruarit. Bota e trilluar e Karpës është ngritur mbi dy shtylla: atë historike-gjuhësore dhe mbi shtyllën antropologjike. Ky parim i shfrytëzimit të rremë të botëve të trilluara dhe të banorëve të tyre i jep të drejtën letërsisë të sfidojë vdekjen në emër të jetës. Camaj i besoi personazhit kryesor detyrën “të rindërtojë” një botë që t’i ngjasojë atij, duke e lejuar të përdorë të gjitha mjetet e mundshme, kujtimet, mallin, për të krijuar një vend ideal, imagjinar, magjik, origjinal, ku njerëzit ëndërrojnë të lënë dëshirat e papërmbushura.
Çmimi: 900 Lekë
titleToAlt
Këtë radhë autori Camaj vjen me një libër me novela. Në këtë vepër autori është vetja që kërkon veten,të pandashmin nga fisi dhe atdheu. Në këtë libër do të gjeni këto novela: • Katundi me gjuhë të fshehtë • Rrungaja në Mars • Gjon Gazulli • Jasminë • Bigami • Pishtarët e natës • Shkundullima
Çmimi: 900 Lekë
titleToAlt
Libri “Tolstoi dhe gruaja e tij” është një histori dashurie. Autori na tregon se alternimi i fazave të zhvillimit të Tolstoit gërshetohet me rrethanat e jetës së tij intime. Ja përse, si sfond rrëfimi ka zgjedhur historinë e marrëdhënieve familjare të Tolstoit. Për studimin e figurës së tij, Autori Tihon Polner ka pasur mundësinë ti hidhte një sy ditarëve të pabotuara të Tolstoit, si dhe kujtimeve të gjetura në dorëshkrime.
Çmimi: 900 Lekë
titleToAlt
I fuqishëm, si një dozë me Viagra dhe gazmor, si jeta dashurore e çdo femre moderne, libri “Kërkohet një burrë impotent” është një vështrim thellësisht i paturpshëm i kërkimit të një gruaje për Mr. “Të duhurin”. Karmen Leg është rreth tridhjetë e pesë vjeç, tërheqëse dhe tunduese; si shumë gra bashkëkohore beqare, ajo shpreson të gjejë Princin e Kaltër, duke nxjerrë një lajmërim në gazetë, ku përshkruan dëshirën e saj: Kërkohet një burrë i zgjuar, inteligjent dhe impotent . Menjëherë pas lajmërimit, Karmeni takon lloj–lloj burrash dhe fillon të kuptojë se shmangia e seksit nuk është domosdoshmërisht rruga më e mire për të pasur marrëdhënie të kthjellëta.
Çmimi: 800 Lekë
titleToAlt
Zëvendësimi i madhështores, së paqartës dhe mizores me imazhin njerëzor dhe nivelin njerëzor është, ndoshta arritja më themelore dhe që do të zgjasë më shumë nga të gjitha arritjet e Greqisë, si në letërsi edhe në art. Të "Iliada" kjo arritje shfaqet tashmë e përfunduar. Ngjarjet e "Iliadës" janë vendosur në vitin e fundit të Luftës së Trojës. Konflikti legjendar përbën sfondin për subjektin qendror të historisë: mërinë e heroit grek, Akilit. Tipar karakteristik i mitologjisë greke është se në të kanë mbizotëruar heronjtë dhe historitë heroike. Kjo e bën atë unike midis mitologjive botërore. Në pjesën më të madhe të mitologjive, heronjtë janë ose të zakonshëm ose mungojnë krejtësisht. Pozicioni sipëran i poemave homerike në letërsinë greke është e lidhur me këtë, edhe pse ne nuk jemi në një fushë ku mund të gjejmë një marrëdhënie të thjeshtë shkak - pasojë.
Çmimi: 400 Lekë
titleToAlt
PËRSHËNDETJA E BEATRIÇES (nga "Vita nova") Të gjan aq e njerzishme e aq bujare Kur shkon tue përshëndetun zonja ime, Se ngec çdo gjuhë e heshtun prej drithtime, E syt guxim nuk kanë ta kqyrin fare. Nisë e stolisë në përvujtni mitare, Kalon tui ndie ta reshin me lavdime, E gjan nga qielli zbritë me rrezëllime, Me qenë mbi tokë për mrekull dëshmitare. Sa kush e pa, të gjithë mahnitun mbetën, Se u ra prej sysh në zemër nj’ambëlsi, Që kush nuk e provon slmund ta kuptojë. E thue po sheh fytyre t’i flurojë Nji afsh i kandshëm plot me dashuni Që shkon tue t'i thanë shpirtit: "Ah, të shkretënl"
Çmimi: 550 Lekë
titleToAlt
Drama "Pamje nga ura" trajton temën e emigracionit klandestin në Amerikën e vteve '50 por në të' ndërthuren një sërë problematikash: dashurore, sociale, psikologjike, të moralit, të ligjshmërisë dhe të inçestit, të komunikimit të qytetërimeve dhe kodeve të tyre. Intriga që e mban dramën në këmbë është gërshetimi apo kundërvënia e Kodit të nderit siçilian me Kodin ligjor amerikan, me kuptimet e qendrimet e tyre të ndryshme, që autori ua vesh personazheve në sjelljen skenike dhe në veprimin dramatik.
Çmimi: 400 Lekë
titleToAlt
Czestavv Mitosz mbetet jo thjesht krenaria e letërsisë polake, por vlerësohet edhe si një nga figurat më përfaqësuese të letërsisë evropiane të shekullit të XX. Vlerësimi i përgjithshëm kundrejt figurës së tij bëri që më 1980 të meritonte njëzëshëm Nobelin, çmimin më të madh në letërsi. I gjithë korpusi i veprës së tij, ku përfshihen poezi, ese, prozë dhe gjini të tjera u shkruan në polonisht, kurse në periudhën e fundit të jetës së tij edhe në anglisht, përshtatur dhe përkthyer nga ai vetë në këtë gjuhë. Millosh u lind në hapësirën që sot është Lituania, për t'i shpëtuar katrahurës në Poloni. Ai shkroi në polonisht dhe ky produkt ishte e vetmja pasuri që mori me vete, kur e la vendin e tij Poloninë, si reagim ndaj pushtetit të ashpër komunist ardhur në fuqi pas Luftës së Dytë Botërore. U shpërngul në SHBA, duke i dhënë një frymëmarrje talentit të tij dhe hapësirë të vërtetës. Ajo që nuk e braktisi asnjëherë në talentin e vet natyral ishte ndjesia e peshës së madhe të historisë mbi qenien, të cilën e ndjek gjithë kohën mallkimi i fatit të keq. Megjithatë, nga ajo botë, që nuk e dinte asfare historinë e vendit të tij, përcolli si askush evropian tjetër mesazhet e fuqishme të veprës së vet. "Në Bregun tjetër të lumit", sjell poezitë e Czestevv Mitosz në origjinal në polonisht dhe anglisht dhe në përkthimin shqip të Pandeli Çinës nga polonishtja dhe Ben Andonit nga anglishtja. U redaktuan nga Astrit Beqiraj, studiues i veprës së tij.
Çmimi: 700 Lekë
titleToAlt
Një atlet Olimpik i 100 metrave, i duartrokitur në një stadium të madh mbushur me tifozë, bëhet gati të niset në sprint. Tek pedana, ai përkulet përpara, pothuajse rrafsh me tokën, duke vështruar në horizontin e largët; në mes të garës e drejton shtatin, e mban drejt si të ishte Mali i Bardhë; pastaj teksa i afrohet vijës së fundit të garës e harkon trupin mbrapsht, jo thjesht nga stërmundimi por për t'i thurur lavde simetrisë së fshehur të universit. Kështu ndodh edhe me ritmin energjik të poezisë së Czestavv Mitosz. Mitosz shkruajti kohë më parë: "Fëmija i strehuar brenda nesh beson se diku afër gjenden njerëz të mençur që e dinë të vërtetën." Në këtë çast të qindvjeçarit të tij, ai vetë është bërë një prej atyre burrave të mençur Ai foli vetëm për fëmijërinë dhe, sidomos, se si kalonte çdo mëngjes kufirin Poloni-Lituani me karrocë me kuaj për të shkuar në shkollë. Të kalonte kufijtë, si kasnec, ndërmjetës, bashkues, u bë aktiviteti kryesor i një njeriu jeta e jashtëzakonshme e të cilit rroku 93 vite, pesë vende, dy kontinente, shumicën e shekullit XX dhe vitet e para të shekullit XXI.
Çmimi: 900 Lekë
titleToAlt
Nostramiusi kishte parashikuar gjithçka madje edhe Datën e Fundit të Botës! Unë dëshiroja të botoja dorëshkrimin, por në Mifurt, gjatë Panairit të Librit ndodhi diçka që s'jua rrok mendja. Të dashur miq brejtës, këtu në Miushëri, në Ishullin e Miushëve, librat e mi janë që të gjithë bestseller! Po si kështu, nuk i njihkeni?! Janë histori gazmo-re, më të buta se mocarela, më të shijshme se gruvieri, më ndjellëse se gorgonxola, histori për t'u pirë në kupë. Fjala e nderit e Jeronim Stiltonit!
Çmimi: 400 Lekë
titleToAlt
"Sekreti i shtëpisë në ishull", është një roman i paharrueshëm, ku fantastikja bashkohet me fotografinë, të rrëmben e të detyron ta lexosh me një frymë. Historia jonë çelet me një fatkeqësi në familje, e cila e nis Xhejkobin gjashtëmbëdhjetë vjeçar në një udhëtim drejt një ishulli të largët pranë bregut të Uellsit. Atje, ai zbulon rrënojat e jetimores së fëmijëve të veçantë, drejtoreshë e së cilës ka qenë zonjusha Fajkoi. Teksa eksploron dhomat dhe korridoret e braktisura, Xhejkobi e kupton se fëmijët e zonjushës Fajkoi kanë qenë më shumë se të veçantë. Mund të kenë qenë të rrezikshëm. Mund t'i kenë izoluar për një arsye të fortë në atë ishull të braktisur. Dhe, në njëfarë mënyre, sado e pamundur që duket, ata mund të jenë ende gjallë. Një histori rrëqethëse e llojit fantastik, "Sekreti i shtëpisë rnë ishull”, kënaq lexuesit e rritur dhe të rinj, si dhe të gjithë ata që pëlqejnë aventurat e frikshme.
Çmimi: 800 Lekë
titleToAlt
Alisia Bakëll është gruaja e një menaxheri simpatik reklamash. Ajo është një dramaturge e zhgënjyer dhe mësuese teatri. E pakënaqur me jetën, vendos të marrë pjesë në një sondazh online mbi martesën në shekullin XXI. Me përdoruesin "Gruaja 22", ajo zbulon se anonimiteti është çlirues. Por ajo fillon edhe të ndiejë gjëra që nuk duhet t'i ndiejë, gjëra që ka kohë që nuk i ndien. Historia shpaloset nëpërmjet statuseve në Facebook, kërkimeve në Google, pyetësorëve dhe rrëfimit në vetën e parë, duke satirizuar fiksimin tonë për internetin dhe lehtësinë për t'u shpalosur të huajve sekrete që nuk mund t'ua themi atyre që duam. "Të pathënat e një martese" është përkthyer në 30 gjuhë dhe po kthehet në film. Në pellgun e dyndur të romaneve mbi krizën e moshës së mesme, "Të pathënat e një martese" të ndihmon të mos mbytesh.Të pathënat e një martese" është lnstagram gazmor i dashurisë në një botë të ndërlidhur. Nuk është vetëm historia e një martese të lodhur apo drama e përvuajtur e një vajze beqare. Jo, ajo i prek nga pak të gjitha, duke filluar nga jeta familjare në shekullin XXI, te shokët në Facebook dhe tek akti i dhimshëm i google-imit të vetvetes.
Çmimi: 1000 Lekë
titleToAlt
Tetë ditë para solsticit të verës, një njeri masakrohet në një ritual sakrifikues gjakngrirës, në vendin e lashtë të Stonhenxhit, përpara një grupi adhuruesish. Brenda pak orësh, një nga zbuluesit e thesareve më të njohura në botë vret veten. Ai lë një letër shumë të mistershme për djalin e tij, arkeologun e ri Gideon Çeiz. Bashkë me Megan Bejkërin, një detektive e guximshme, Gideoni do të zbulojë një shoqëri sekrete, një Lidhje Ndërkombëtare, e përkushtuar e tëra ndaj Stonhenxhit. Mjeshtri i ri dhe karizmatik i kësaj Lidhjeje, së bashku me Apostujt e të Shenjtëve, kanë vendosur të kryejnë sakrifica njerëzore, për t'ua blatuar Të Shenjtëve, me qëllim që të depërtojnë në sekretet mijëravjeçare të gurëve. E zgjedhura e tyre e fundit do të jetë Kejtlin Lok, që krejt rastësisht është e bija e zëvendëspresidentit të ShBA-së. Kjo i ndërlikon gjërat për Anëtarët e Lidhjes. A do të mundet Gideoni ta shpëtojë atë nga kthetrat e tyre, apo Kejtlini do të jetë viktima e radhës?
Çmimi: 1000 Lekë
titleToAlt
Oskari është një djalë i ëmbël, me dellin shkatërrimtar të një vetmie të zgjedhur, një romantik nga Nju-Xhersi, i cili ëndërron të bëhet shkrimtar dhe mbi të gjitha, të gjejë dashurinë. Por, Oskari nuk arrin të marrë asnjëherë atë që do për shkak të një fuku-je: mallkimit që ka rënë mbi breza të tërë të familjes së tij duke i ndjekur ata në emigrime epike drejt Shteteve të Bashkuara dhe sërish gjatë kthimit për në atdhe. "Një histori e frikshme, tepër energjike... ta ka ënda ta lexosh, por, sidomos, ta rilexosh.
Çmimi: 1000 Lekë
titleToAlt
Fitues i çmimit të parë "Pulitzer" për një shkrimtare (1921), ky libër përshkruan gjallërisht dramën e një njeriu të përçarë midis pasionit të tij dhe nderit, familjes e presionit shoqëror. Historia përqendrohet rreth jetës së një çifti të sapofejuar të shoqërisë së lartë njujorkeze. Një grua e re dhe e bukur, por e damkosur nga një skandal bashkëshortor, hyn në jetën e tyre. Lumturia e çiftit "të përkryer në sytë e të gjithëve", fillon të lëkundet. Historia është bashkëkohore në kritikën ndaj moralit të rremë dhe strukturës shoqërore të ngurtë tipike të elitave kudo. Titulli ironizon mirësjelljen e qelibartë të shoqërisë së lartë, të krahasuar me intrigat e brendshme të saj.
Çmimi: 900 Lekë
titleToAlt
"Damka e turpit", është një nga klasikët më të njohur të letërsisë amerikane. I shkruar në vitin 1850 dhe mjeshtërisht i shqipëruar nga Amik Kasoruho, ky roman është një nga historitë romantike më prekëse të të gjitha kohërave. Temat e tij kryesore lidhen me rolin e gruas në familje dhe në shoqëri, me mëkatin dhe kontrastin midis së kaluarës e së ardhmes.
Çmimi: 800 Lekë
titleToAlt
Në Bashkimin Sovjetik stalinist, ndonëse miliona njerëz jetojnë në frikë, nuk ekziston krimi. Edhe dyshimi më i vogël për tradhti ndaj Shtetit apo fjala e gabuar në kohën e gabuar, mund ta çojnë një njeri të pafajshëm drejt ekzekutimit. Oficeri Leo Demidov, një hero lufte idealist, beson se po ndërton një shoqëri të përkryer. Por, besnikëria e tij nis të lëkundet, pasi bëhet dëshmitar i marrjes në pyetje të një njeriu të pafajshëm dhe kur merr urdhër të hetojë gruan e vet Raisën, ai detyrohet të zgjedhë të vërtetën që i dikton zemra. Atëherë ndodh e pabesueshmja. Një vrasës është i lirë të vrasë sa herë të dojë dhe dogmat e Leos marrin fund njëherë e përgjithmonë. I denoncuar nga armiqtë e vet dhe i internuar, vetëm me Raisën në krah, rrezikon edhe jetën për të gjetur këtë kriminel, të cilin, Shteti nuk pranon as që ekziston. Dhe ndërkaq, Leoja zbulon se rreziku i vërtetë nuk i kanoset nga vrasësi që përpiqet të kapë, por nga individi që përpiqet ta mbrojë.
Çmimi: 1000 Lekë
titleToAlt
Martin Ibrahimi apo Marti, siç e thërrasin miqtë, diplomuar për letërsi në Universitetin e Tiranës dhe shitës në një librari gjithmonë bosh, është lideri i grupit rock "Lufta e Ftohtë". Jeta e tij merr një kthesë të çuditshme kur njeh Enxhin, e cila, me "enxhitetin"e saj, do ta sfidojë Martinin në një duel joshjesh e fjalësh, duke e tërhequr në një Tiranë të panjohur për të. Është një Tiranë që ka zhurmën e tregut të Medresesë, ironinë e mbrëmjeve poetike dhe sfidën e një proteste. Pastaj ka edhe zakone bilardosh, spitale të ndyra, ideale partish e mësime universitare, pa harruar provat për koncertin e radhës, të gjitha këto të shërbyera me zhargonin dhe humorin e rrugëve shqiptare. Në këtë vorbull ngjarjesh personazhet dalin nga bota e fantazisë e marrin shëmbëlltyrën e këtij apo atij personi që çdo lexues me siguri njeh. Martini na rrëfen rrugëtimin e tij duke u ndalur tek e përditshmja që e nervozon e ndaj së cilës i duhet të jetë indiferent; te pasioni i tij për muzikën e vërtetë, por që shumica nuk e kupton; te ngushëllimi që kërkon të gjejë tek antidepresivët, por që nuk mund t'ia zgjidhin problemet; te domethënia e një dashurie, ndaj së cilës realiteti i zymtë shqiptar ka vënë një zgjedhë.
Çmimi: 700 Lekë
titleToAlt
Mia Fredriksen, poetja ironike, rebele, tragjikomike dhe rrëfyese e "Një verë pa burra", ndihet e detyruar të rikonsiderojë jetën e saj. Një ditë, papriturazi, pas tridhjetë vitesh martesë, bashkëshorti i Mias, një neuroshkencëtar me famë, i kërkon të bëjnë një "pauzë". Kjo kërkesë e vrazhdë e shkund atë nga themelet dhe ajo përfundon në një pavijon psikiatrik. Në qershorin pasues të daljes nga spitali, ajo kthehet në qytezën lëndinore të fëmijërisë së saj, ku e ëma jeton në një shtëpi për të moshuar. E mbetur vetëm në një shtëpi me qira, Mia shkumëzon, turfullon dhe qan fatin e saj të mjerë. Megjithatë, ngadalë, ajo tërhiqet nga jetët e njerëzve përreth saj: të së ëmës dhe shoqeve të saj të ngushta, “pesë mjellmat”; të fqinjës së saj të re me dy fëmijë të vegjël dhe një burrë të zhurmshëm e nevrik; të vajzave adoleshente të grupit të poezisë në të cilin ajo jep mësim. Nga Siri Hustvedt, autorja bestseller në vende të ndryshme, vjen një roman që zbulon shumë të vërteta mbi gratë dhe vajzat, mbi dashurinë dhe martesën, dhe mbi pyetjen kaq të lashtë të ngjashmërisë dhe ndryshimeve midis sekseve.
Çmimi: 800 Lekë
titleToAlt
Kujtesa na perkufizon. Atehere, cdo te ndodhte sikur te humbisje kujtimet e tua sa here qe fie? Emri yt, vetvetja, e kaluara jote, edhe njerezit qe do - te gjitha te harruara brenda nates. Dhe i vetmi njeri te cilit i beson, ndoshta po te tregon vetem gjysmen e historise. Mire se erdhe ne jeten e Kristines.
Çmimi: 1000 Lekë
Të gjitha të drejtat e rezervuara. © 2015 Librari Albania