titleToAlt
“Valixhja e shqyer” është libri më i fundit i shkrimtarit Visar Zhiti, tregime të shoqëruara me vizatime nga Atjon Zhiti, atë e bir së bashku, botim i porsa dalë nga shtëpia botuese “OMSCA-1”. I veçantë dhe tërheqës për përmbajtjen dhe “historinë” e vet, album bardhë-e-zi ndërkohë, një pleksje moderne, që përçon ndër të tjera kumtet dhe emocionet e bashkëpunimit dhe të dashurisë mes brezave. Gjuha metaforike e Zhiti që shkruan, me gjuhën metaforike të Zhitit junior që vizaton, harmonia e fjalës me linjën, e ritmit me hijen, një risi që flet hijshëm nën një kopertinë domethënëse dhe të bukur si me shi yjesh. “Valixhja e shqyer” është një libër për të gjithë, i lexuesit pa moshë ose i çdo moshe, pra ka arritur më të vështirën, ndërkaq personazhet e tij më së shumti janë fëmijë e të rinj dhe lexuesi i parë sigurisht janë “ata që rriten”, teksa diçka mbetet e njëjtë e misterioze. Pikërisht këtë sjell dhe ky libër, ku, ndër të tjera, përzihen fantastikja e reales me lojën, ringjallje statujash e rrëfime gjallesash që nuk flasin, amfiteatro qiellorë me kërshërinë e së përditshmes, modernizime të legjendës shqiptare e origjinalitet i spikatur. Sinqeriteti dhe humori, poezia dhe trishtimi janë ‘princërore’, aq sa duket se kemi të bëjmë me një libër ‘princ’ si te Oscar Wilde e Antoine de Saint-Exupéry, por të mjediseve tona. “Valixhja e shqyer” nis me një ese, që ndërpritet, për të vazhduar si mbyllje tronditëse e librit, i cili mbart copëza kohe të një jete, që nga fillesat e saj shkrimore e deri më tani, i shoqëruar me vizatime të djalit të autorit, Atjoni, që është dhe personazh në 19 rrëfimet që përfshihen këtu, aq sa dhe mosha e tij. Prandaj dhe u rishkrua ky libër për të qenë i tillë, fëminor deri në trill, me urtësinë e të mëdhenjve, magjepsës gjithsesi. Vizatimet e freskëta, që mbartin dhe ato “rrëfimin” e tyre të pavarur, duke iu bashkuar tregimeve që “vizatojnë” pjesë jete e kanë fill lidhës mes tyre si krerët e një romani, zbulojmë se dy fëmini e dy adoleshenca japin dhe marrin në mënyrë të ndërsjellët në dy kohë, në dy gjini arti, ndërkaq duket sikur të shkuarës i është hijezuar e ardhmja, përvojës i është shtuar ngazëllimi, lojës mençuria, me një horizont fantastik pritjeje dhe dy autorët shkrihen në një, si në përqafimin e tyre babai me djalin. Një vlerë të re, një ngjarje mes ngjarjeve kulturore do ta quanim librin “Valixhja e shqyer”, të cilin Shtëpia Botuese “OMSCA-1” e shpërndan sot, në ditën kur Atjon Zhiti do të mbushte 21 vjeç, dhuratë që besojmë se do ta gëzojë dhe në Qiell. Ndërkaq kjo është dhe dhurata që i japet lexuesit dhe artdashësve, një trini moderne e atit dhe e birit dhe e shpirtit të tyre në një vepër. Visar Zhiti është shkrimtari shqiptar, jeta dhe vepra e të cilit mbase pasqyron më mirë historinë e kombit të tij... Robert Elsie ...ai është Shkrimtar nga ata që ka fare pak, nga ata që fjalën e kanë krah, fluturojnë me të në ferr e parajsë, pa u tretur nga flakët, pa u verbuar nga drita. Marisa Kërbizi …ka forcën t’ia ndryshojë lexuesit vizionin për botën… Kevin Higgins Atjoni i vogël e ka kuptuar dhe vizatimi i tij është një “strategji politike” e madhe, shumë më serioze dhe konkrete se ato të udhëhequra me forcën e armëve. Giampaolo Mattei Një lojë tensionesh dhe harmonish kromatike befasuese të krijuara me kokëshkrepjen dhe guximin tipik për temperamentet krijues. Këto tablo dhe vizatime të arrira janë dëshmitare të heshtura të energjisë, lirisë dhe dëshirës së natyrshme fëminore për të komunikuar. Gëzim Qendro
Çmimi: 700 Lekë
titleToAlt
Libri “Gjuetari i Balonave” tregon historinë e Amirit, një djali të ri nga Akbar Khan Ëazir e Kabulit, i cilit kishte mik të ngushtë Hasanin, shërbëtorin e ri të të atit Hazara. Historia është vendosur kundrejt një sfondi ngjarjesh të trazuara, nga rënia e monarkisë së Afganistanit gjatë pushtimit sovjetik, tek eksodi i refugjatëve në Pakistan dhe Shtetet e Bashkuara, si dhe shpjegon krijimin e regjimit Taleban në Afganistan.
Çmimi: 800 Lekë
titleToAlt
"Është e pamundur të përfytyrosh se sa të vështirë e ka pasur Hosseini botimin e ri "Një mijë diej vezullues", pas librit të tij të bujshëm "Gjuetari i balonave". Debutimi me këtë roman i një autori pothuajse të panjohur, ka sjellë me vete një fakt: shitjen e miliona kopjeve në mbarë botën. Por, kur kopjet e para të romanit "Një mijë diej vezullues" filluan të publikoheshin në Amazon.com, lexuesit reaguan me një entuziazëm të tillë që pak mund ta kemi rastisur më parë. "Gjuetari i balonave" është botim i veçantë, por "Një mijë diej vezullues" është edhe më i veçantë."
Çmimi: 1000 Lekë
titleToAlt
..Romani shfaqet si një tekst që kuptohet qartë dhe asimilohet menjëherë. Por teksti dëshmon të njëjtat cilësi (si çdo letërsi e madhe) dhe lëçitje nga një lexues tjetër i çfarëdollojtë dhe ky fakt i detyrohet talentit letrar të pakapërcyeshëm të Visar Zhitit, si dhe përvojave të tij si intelektual inteligjent, i kthjellët dhe pjesëmarrës... Liviu Lungu shkrimtar rumun Është një nga ata librat e rrallë që ka forcën t'ia ndryshojë lexuesit vizionin për botën. Merreni dhe mbajeni fort. Është dhe ilustrimi më i shkëlqyer që kam parë, ku shpjegohet se si shpresat e larta, me socializmin e fillimit të shekullit të 20-të, degjeneruan në një tirani të përditshme. Kevin Higgins shkrimtar dhe botues anglez
Çmimi: 1200 Lekë
titleToAlt
Pas botimit të romanit “Rrugët e ferrit” ose burgologji për Spaçin, vjen romani tjetër i autorit Visar Zhiti i titulluar “Ferri i çarë”, burgologjia për Qafë-Barin, një rrëfim tronditës, plot me episode befasuese, me mesazhe të thella njerëzore, me emocionin e bukur që përçon arti i lartë. Libri të përthith të gjithin duke ta mbajtur frymën pezull, ndërkohë është dokument i gjallë që dëshmon dhunën e madhe e të gjithanshme të diktaturës dhe qëndresën ende më të madhe të atyre që i dolën përballë. Në këtë roman na bëhet i njohur një tjetër burg, minierë tjetër, komandë tjetër, por po ajo përditshmëri e pabesueshme ferri, e cila kulmon me revoltën e të burgosurve, me shtypjen e dhunshme të saj, me pushkatimet e nismëtarëve. Është e vetmja vepër që na e jep qartë dhe dhembshëm këtë kryengritje të burgosurish, si nisi, pse, si u përhap, si veproi, çfarë kërkohej, si veproi diktatura, etj. Autori, i pranishëm në revoltë, i shkrin të dyja revoltat në një si palimpsest të vetëm, që fërgëllon i përgjakur në ajër. Pas ardhjes së helikopterit qeveritar me shefat e Ministrisë së dhunës, revolta shtypet me terror dhe përfundon me tragjedi
Çmimi: 1200 Lekë
titleToAlt
Një kënaqësi absolute që nuk duhet ta humbisni. Ndoshta është e vërtetë se nuk ka libra të përkryer, por, kur mbaron së lexuari këtë libër, ndryshon mendim. Metaforat që të lënë pa fjalë, dhe karakteret realiste janë kaq prekëse, sa nuk mund t'i mbani dot lotët. Thjesht: Libër shumë i bukur... Gjuhë mahnitëse... Të ofron bukuri, mister, zgjidhje, dhe të gjitha në të njëjtin sfond. Kidd ka shkruar një roman triumfues, drejtuar të gjitha moshave, rreth nevojës së të gjithëve për dashuri. Romani prek majat e "realizmit magjik", që harmonizojnë të mrekullueshmen me të zakonshmen, duke mbartur një rrëfim të jashtëzakonshëm.
Çmimi: 800 Lekë
titleToAlt
"Lugina e kukullave", është klasifikuar një ndër dhjetë librat më të shitur të të gjitha kohërave dhe është një kujtesë se historitë e bukura, janë gjithmonë të bukura. "Lugina e kukullave", u bë një fenomen në botimet letrare dhe suksesi i jashtëzakonshëm i romanit bazohet te njohja e femrave dhe e ëndrrave të tyre nga ana e Jacqueline Susann-it, si dhe në përvojën e saj si aktore.
Çmimi: 1100 Lekë
titleToAlt
"Dashuri e huajtur", përshkruan se si është të jesh një femër tridhjetë vjeçe dhe njëkohësisht beqare në një qytet ku jeta vërtitet rreth miqësive, dashurisë dhe ndërlikimeve që sjell kjo. Giffin përshkruan marrëdhënien e ndërlikuar dhe të ndryshueshme të Rejçëllit me Darsin, shoqe që në shkollën fillore, brenda një periudhe kohe prej pesë muajsh, që nga fejesa e Darsit e deri në ditën e martesës së saj. Një emocion që nuk duhet shmangur pa e përjetuar.
Çmimi: 1000 Lekë
titleToAlt
I bazuar në historinë e vërtetë të Alexander Selkirk, i cili mbijetoi vetëm për afro 5 vjet në një ishull të pabanuar në brigjet e Kilit. Romani i Vernit tregon historinë e pesë burrave dhe një qeni, të cilët zbresin me balonë në një ishull fantastik dhe mundohen të mbijetojnë në atë tokë misterioze, duke zbuluar një nga një sekretet e saj.
Çmimi: 700 Lekë
titleToAlt
Ajo do të dukej e çuditshme edhe në fytyrën e një vajze njëmbëdhjetëvjeçare, kurse Sara Kru ishte vetëm shtatë vjeçe. Puna është se Sara nuk ngjante me fëmijët e tjerë. Ajo gjithnjë mendonte dhe ëndërronte për diçka të pazakontë dhe gjithmonë, për sa kohë e mbante mend veten, interesohej për të rriturit dhe jetën e tyre. Asaj i dukej sikur Jetonte në këtë botë prej shumë, shumë vjetësh.
Çmimi: 500 Lekë
titleToAlt
Romani, është i vendosur në vitin 1861 dhe përshkruan aventurat e ekspeditës britanike udhëhequr nga Kapiten Xhon Hateras në Polin e Veriut. Haterasi është i bindur se deti rreth polit nuk është i ngrirë dhe i është bërë obsesion, të arrijë këtë vend pa marrë parasysh pasojat. Revolta e ekuipazhit çon në shkatërrimin e anijes së tyre, por Hateras, me disa njerëz të besuar, vazhdon ekspeditën. Ata gjenden të bllokuar nga akujt por mbijetojnë falë doktorit të anijes. Kur dimrit mbaron deti bëhet pa akull. Udhëtarët ndërtuan një barkë dhe shkuan drejt polit. Këtu ata zbulojnë një ishull me një vullkan aktiv, dhe i vendosin emrin e Haterasit. Për më shumë lexoni librin!
Çmimi: 500 Lekë
titleToAlt
Romani, i vendosur në vitin 1861, përshkruan aventurat e ekspeditës britanike udhëhequr nga Captain Hatteras John në Polin e Veriut. Një nga tregimet më pak të njohura të Zhyl Vern-it. Ashtu si shumë nga krijimet e përfytyruar Vern-it, përshkrimi i tij gjeografik i Arktikut është bazuar në njohuritë shkencore të kohë kur është shkruar romani (1866).
Çmimi: 500 Lekë
titleToAlt
Gidion Krosi. Po aq i bukur dhe i përkryer në pamje të jashtme, sa ishte edhe i rrënuar e i torturuar në shpirt. Ai ishte një flakë e ndritshme, përvëluese, që mua më zhuriste me kënaqësitë më të errëta. Nuk mund t'i qëndroja larg. Nuk doja. Ai ishte dëshira ime më e madhe. E shkuara ime ishte po aq e mbushur me dhunë sa e tij dhe unë isha e lënduar. Ne nuk mund të funksiononim kurrë si çift. Ishte shumë e vështirë, shumë e dhembshme... me përjashtim të çasteve kur çdo gjë ishte e përkryer, çaste kur dashuria e dëshpëruar dhe pasioni i tërbuar ishin çmenduria jonë më e madhe. Neve na mbante bashkë nevoja për njëri-tjetrin. Dhe pasioni do të na çonte përtej limiteve tona në tehun më të ëmbël e më të mprehtë të fiksimit...
Çmimi: 1000 Lekë
titleToAlt
Udhëtimi ynë nisi mes zjarrit. Gidion Krosi hyri në jetën time si vetëtima në errësirën e natës: i bukur dhe i shkëlqyer, i ashpër dhe përvëlues. Unë u dhashë pas tij siç nuk isha dhënë kurrë në jetën time pas ndokujt. Isha e dëshiruar për prekjet e tij edhe pse e dija se ato do të më bënin më të dobët. Isha e dërrmuar dhe e rrënuar dhe ai i hapi me kaq lehtësi portat brenda meje. Gidioni e dinte. Ai kishte demonët e vet. Dhe ne do të shndërroheshim në pasqyra që do të reflektonin plagët personale të njëri-tjetrit, sikurse edhe dëshirat. Prangat e dashurisë së tij më shndërruan plotësisht, ndërsa lutesha që pështjellimet e së shkuarës sonë të mos na ndanin nga njëri-tjetri. Kur është fjala për të përshkruar skenat e nxehta erotike, Sylvia Doy ka pak shkrimtarë rivalë. Sylvia Day jo vetëm që arrin t'i ndezë lexuesit, por edhe i përthith ata me një histori të fuqishme që nuk e lëshon dot nga dora.
Çmimi: 1000 Lekë
titleToAlt
Elena dhe Endi Graham gëzojnë një martesë të përkryer. Thellësia e devotshmërisë së tyre dhe natyrshmëria me të cilën nxjerrin në pah më të mirën e njëri-tjetrit, nuk mund të vihen në dyshim. Por një pasdite fatale Elena ndesh Leon, njeriun që nxori në dritë më të keqen tek ajo. Njeriun që e pati braktisur dhjetë yjet më parë. Njeriun të cilin ajo nuk mundi ta harronte kurrë plotësisht. Dhe, kur rishfaqja e tij rizgjon emocionet e përfjetura, Elena nis të pyesë veten a është jeta e saj aktuale pikërisht ajo që do të dëshironte të bënte. Ajo që Elena mëson, është thuajse magjike: ndonjëherë mund të të duhet të bësh gjithçka, që të jesh me njeriun që dashuron. Talenti i Giffinit qëndron në krijimin e situatave të lidhura natyrshëm me njëra-tjetrën dhe në kumtimin e një urtësie të mjaftueshme e një mbajtjeje pezull që i bëjnë ato të duken më se origjinale Giffin ia del mbanë të krijojë karaktere komplekse, që na shtyjnë të përpiqemi të zbulojmë se çfarë kërkojmë ne në të vërtetë nga jeta jonë.
Çmimi: 1000 Lekë
titleToAlt
Wm. Paul Yong e ka shkruar romanin "Sreha" si dhuratë për fëmijët e tij. Kjo vepër arriti shumë shpejt në vendin e parë të klasifikimeve bestseller të Neë York Times-it, sepse pikëpyetjet që shtrohen në këtë roman, janë ato kryqëzime të cilat i dalin në jetë çdo qenieje njerëzore. Maku është një njeri i paqetë, i tronditur nga humbja e vajzës së tij. Një ditë gjen në kutinë postare një letër misterioze, të nënshkruar nga dikush me emrin Papi, emërtim me të cilin gruaja e tij i drejtohej Zotit. Në letër i kërkohej që të shkonte te "Streha", pikërisht në vendin ku vajza e tij e vogël Misi u gjet e vrarë nga një maniak. Nën ritme të gjalla, romani "Streha" të trondit, të magjeps dhe të mëson se dhembja është shpeshherë rruga e vështirë për të njohur vetveten.
Çmimi: 700 Lekë
titleToAlt
"Rojë në thekërishtën buzë greminës", protagonisti i të cilit, Holden Kolfild, bëhet prototipi i rebelit në kërkim të së vërtetës. Mbas botimit të disa tregimeve në revista, Salingeri vendosi të dilte nga skena e letrave e të mos botonte më asgjë.Fillimisht i botuar për të rriturit, romani u bë pjesë e librave të këshilluar për shkollat e larta dhe kolegjet në të gjithë botën anglisht-folëse; gjithashtu është përkthyer në të gjitha gjuhët kryesore të botës.
Çmimi: 600 Lekë
titleToAlt
Romanet e shkrimtarit bashkëkohor Anatoli Toss: "Fantazitë e një gruaje" e "Një histori amerikane", janë të nominuara në Rusi për çmimin prestigjioz "Bukerov” dhe janë përkthyer në shumë gjuhë të botës. Në Rusi, ai është një nga shkrimtarët më të lexuar në ditët e sotme. Në romanin "Tej cakut të dashurisë", Anatoli Toss ngre probleme të rëndësishme jetësore, siç janë jeta e vdekja, pasioni, dashuria dhe tradhtia. Subjekti i romanit e mban lexuesin në tension, që nga faqet e para të librit e deri në fund të tij, duke e befasuar me ngjarjet dinamike të mbarsura me plot të papritura dhe duke e mbyllur në një fund krejt të paimagjinueshëm.
Çmimi: 1000 Lekë
titleToAlt
Romani i ri i Janush Vishnjevskit "Bikini", i botuar në origjinal në vitin 2009, ka korrur një sukses të jashtëzakonshëm. Në të rrëfehet historia e dashurisë së një gjermaneje me një amerikan, në fund të Luftës së Dytë Botërore. Nga Dresdeni i shkatërruar pas bombardimeve, nëpër Nju-Jorkun ku zien jeta, deri në atolin e virgjër, të paprekur nga qytetërimi, “Bikini”, është odiseja e Anës, e vajzës gjermane. Ajo është e bukur, e flet shkëlqyeshëm anglishten dhe ëndërron për karrierën e fotografit. Nga zjarri i luftës atë e tërheq Stenli, një fotoreporter amerikan, i dërguar me punë nga redaksia e "Nju-Jork Tajms"-it në Evropë. Si të dashurosh kur ke parë kaq shumë të liga? Si të besosh kur di se njeriu i dashur priret ndaj pabesisë? Si të jesh i lumtur, kur nuk mundesh, por dhe nuk ke të drejtë të harrosh? A i shkonte ndër mend Anës se punimet e saj më të mira do të ishin fotografitë e qytetit të shkatërruar të lindjes dhe se do të ndodhej fillimisht në Nju-Jorkun ku gëlon jeta, pastaj në atolin e magjishëm Bikini...?
Çmimi: 1000 Lekë
titleToAlt
Autori # 1, më i shituri në Nju-Jork, Khaled Hosseini, vjen sërish me një libër të ri pas gjashtë vjetësh. Një libër emocional, provokues dhe i paharrueshëm, që përshkruan se si dashurojmë, si kujdesemi për njëri- tjetrin dhe se si zgjedhjet që bëjmë, reflektohen brez pas brezi. Në këtë roman, Hosseini shpalos mënyrat e larmishme se si familjet mbështetin, lëndojnë, tradhtojnë, nderojnë dhe sakrifikojnë për njëri-tjetrin. Duke ndjekur hap pas hapi personazhet e tij, zgjedhjet dhe dashuritë nëpër botë - nga Kabuli në Paris, më pas në San Fransisko dhe në ishullin grek Tinos - historia zgjerohet duke u bërë më e ndërlikuar emocionalisht, më tërheqëse dhe më e fuqishme pas çdo faqeje që shfletojmë.
Çmimi: 1000 Lekë
titleToAlt
Një histori e vërtetë për domethënien e jetës, e rrëfyer në këto faqe libri, mund të duket e paimagjinueshme, por Mitch Albom-i, shkrimtar bashkëkohor amerikan, e ka realizuar këtë. Ai rrëfen historinë e mësuesit që ia ndryshoi atij jetën, duke i treguar arsyet e vërteta pse kemi ardhur në këtë botë dhe gjërat të cilave duhet t'u gëzohemi. Kur ishte diplomuar, Mitch Albom-i, rrëfyesi, i kishte thënë profesorit të vet të parapëlqyer, Mori Shvarcit, se do t'i ruanin lidhjet. Megjithëkëtë, Mitch-i nuk merr vesh asgjë për profesorin e vjetër, derisa një ditë mëson nga një intervistë në televizion se mësuesi i tij i parapëlqyer në kolegj, Mori, vuan nga ALS, një sëmundje vdekjeprurëse. Ai përshkon shumë milje, takohet me mësuesin e vjetër çdo të martë dhe Mori, profesori i moshuar, i mëson gjëra të reja rreth jetës dhe se çfarë duhet të kërkojmë në të vërtetë. Mitch-i nis të kuptojë se si fillon të përmirësohet jeta e tij me ndihmën e Morit. “Të martat me Morin" është një kronikë magjike e kohës, ku shpalosen konceptet se çfarë është bota, keqardhja, pendimi, vdekja, familja, ndjenjat, plakja, paraja, dashuria, martesa, lumturia etj., nëpërmjet shembujve konkretë nga jeta e përditshme.
Çmimi: 600 Lekë
titleToAlt
"Një histori amerikane" jo vetëm e mbërthen lexuesin që nga faqja e parë deri tek e fundit, por edhe u jep përgjigje shumë pse-ve të jetës sonë të përditshme, me një fjalë të ndihmon të jetosh". "Një histori amerikane" - i shkruar bukur, roman shumë i fortë. Sa më shumë ta lexosh "Në histori amerikane", aq më shumë të lind pyetja: Si ka mundësi që ky autor të njohë aq thellë dhe kaq mirë psikologjinë e njerëzve dhe të na e zbulojë atë nëpërmjet faqeve të këtij libri? Letërsi cilësore, mund të thuash universale.
Çmimi: 1000 Lekë
titleToAlt
Mureja, pronar i një dyqani të madh mode, njeri me iniciativë dhe me një guxim dhelprak për t'i tunduar, për t'i shtënë në ngasje damat e Parisit, ngjit me shpejtësi shkallët e suksesit nën dritën e reklameve marramendëse e nën shtytjen e ingranazheve të luftës së egër të konkurrencës. Murenë përherë e rrëmbente vala e dashuriçkave të reja, mund të thuhej se ai përfshinte me një përkëdhelje gjithë seksin femëror, për ta dehur më mirë dhe për ta mbajtur nën thundrën e vet. Dikush e paralajmëron: Ato do të hakmerren... Ta dish se ato do të hakmerren... Përballë Muresë, në roman shpaloset dhe rritet figura e Denizës, vajzë 20-vjeçare e ardhur nga provinca, e ëmbël, me hire të fshehura dhe mishërim i virtytit.
Çmimi: 780 Lekë
Të gjitha të drejtat e rezervuara. © 2015 Librari Albania