titleToAlt
Por, në rastin e të varfërve, ishte e pamundur t'u fusje gjë në kokë. Ata vazhdonin të silleshin me të njëjtën shkujdesje, të qaheshin e ankoheshin pa fund kur sëmureshin, por të vepronin me papërgjegjshmëri të çmendur në lidhje me veten dhe të tregoheshin kokëkrisur dhe kokëfortë kur ishin mirë. Kur mund të gjenin punë, bënin çdo gjë, punët më të rrezikshme dhe më të mundshme për t'u infektuar; dhe po t'u flisje, përgjigja e tyre ishte, - E kam lënë në dorë të Zotit; po më zuri, atëherë do kujdeset Ai dhe ky ishte fati im, - dhe gjëra të tilla. Ose, - Përse, çfarë duhet të bëj? Mos duhet të vdes urie? Më mirë të më zërë murtaja se të vdes urie. Nuk kam punë, çfarë të bëj? Ose duhet të bëj këtë punë, ose të lyp.
Çmimi: 1400 Lekë
titleToAlt
Duke vështruar prapa, unë konstatova se tërë jetën me vetëdije nuk i kisha kuptuar as veten dhe as synimet e mia. Për një kohë të gjatë më ishte dukur e mirë, ajo që për mua kishte qenë fatale, ndërkohë që tërë kohën isha sulur në krahun e kundërt të asaj, që në të vërtetë kishte qenë e duhura për mua. Por ashtu si dallga që merr me vete dhe e flak në breg notuesin pa përvojë, ashtu edhe mua fatkeqësitë e njëpasnjëshme me dhimbje më kthyen në terrenin e fortë. Vetëm kështu munda ta kaloj atë rrugë, të cilën gjithmonë kisha dashur ta përshkoja. Me shpinën e kërrusur gati për t'u thyer, m'u desh mua të nxjerr nga vitet e burgut këtë përvojë: sesi njeriu bëhet i keq apo i mirë. I dehur nga sukseset në rini, e quaja veten të pagabueshëm, prandaj edhe sillesha ashpër. Prej pushtetit të tepërt u bëra vrasës dhe dhunues. Në momentet më të këqija isha i bindur se po veproja mirë, se isha i mbrojtur me konkluzione të arsyeshme. Por në atë kashtën e kalbur të burgut, ndjeva në vetvete tronditjen e parë të së mirës. Gradualisht m'u bë e qartë se kufiri që ndan të mirën nga e keqja, nuk kalonte përmes shtetesh, as midis klasave, as midis partive, por përmes çdo zemre njerëzore dhe përmes të gjitha zemrave bashkë. Ky kufi është i lëvizshëm; ai luhatet tek ne me vite të tëra. Madje në zemrën të pushtuar nga e keqja, ajo ruan një hapësirë të vogël mirësie. Gjithashtu edhe në zemrën më të mirë, akoma ruhet një qoshe e paçrrënjosur e së keqes. Që nga ajo kohë e kuptova të vërtetën e të gjitha feve të botës: ajo lufton kundër së keqes tek njeriu (tek cilido prej nesh). Është e pamundur të çrrënjoset plotësisht e keqja nga bota, por tek cilido individ ajo mund të izolohet. Që nga ajo kohë unë kuptova mashtrimin e tërë revolucioneve në histori: ata asgjësojnë vetëm bartësit e sotëm të së keqes (por pa kuptuar nga nxitimi edhe bartësit e së mirës). Prandaj vetë të keqen, me përmasa akoma më të mëdha, e marrin me vete si trashëgim. Në atë që i bën nder shekullit XX duhet futur procesi i Nurenbergut: mirëpo vetë idenë e së keqes, e cila kishte infektuar njerëzit, ai e asgjësoi shumë pak.
Çmimi: 2000 Lekë
titleToAlt
Ktheu kokën duke ecur, por tashmë nuk e pa - ai ishte fshehur në shtëpizën e vet. Ajo e ndjeu veten mirë - ai kishte veshur xhaketën e saj dhe kishte ushqimet që i dha ajo. Për qëllimin e mëparshëm - të hidhej në lumë -ajo tashmë harroi dhe të mendonte. Tani, duke u kujtuar për këtë, e quajti dëshirë të pakuptimtë. Duke u rrudhur nga gudulisjet e flokëve të borës, Xhini buzëqeshi duke menduar për këtë njohje të çuditshme. A do ta gjejë vallë atë nesër në vendin e mëparshëm? Ndoshta jo. Por, gjithsesi, ai i kishte dhënë asaj shumë më tepër se ç’i kishte dhënë ajo atij. Ajo i dha djalit xhaketën dhe ushqimin, por e dinte se, po të mos shfaqej ai papritur -kush e di se nga - ajo do të ndodhej tani në fund të lumit.
Çmimi: 1400 Lekë
titleToAlt
Klarku ishte mjeshtër për të qëndruar larg rrezes së radarëve dhe të bënte një jetë shembullore, por herë pas here kishte disa gjëra, që edhe Aliksit i dukeshin tepër të bukura që të ishin të vërteta. Asaj i duhej të pranonte se ai ishte një njeri fatlum, që kishte vënë pasuri dhe ishte martuar dy herë. Sipas Feliksit, gjithë këto nuk ishin punë fati: as investimet fitimprurëse në bursë dhe, as paratë e së shoqes. Ai ishte shumë i pasur dhe për këtë nuk mund ta qortoje, por në fillim të karrierës nuk kishte qenë aspak. Atëherë, nga vinte tërë kjo pasuri? Kjo pikëpyetje e mundonte prej shumë kohësh Feliksin. Zëvendës-presidentin askush nuk e kishte akuzuar ndonjëherë për parregullsi, por Feliksi vriste mendjen se në ç'rrugë e kishte arritur ai tërë këtë.
Çmimi: 1400 Lekë
titleToAlt
Ata e quajnë materiali Uhan-400, sepse ishte zhvilluar në laboratorët e tyre të RDNA-së, jashte qytetit të Uhanit dhe ishte lloji i katërqindtë i mikroorganizmave artificiale, të krijuar në atë qendër kërkimore. Uhan-400 është një armë e përkryer. Prek vetëm qeniet njerëzore. Asnjë krijesë tjetër e gjallë nuk mund të infektohet. Dhe ashtu si sifilizi, Uhan-400 nuk mund të mbijetojë jashtë trupit të njeriut për më shumë se një minutë, gjë që nënkupton që nuk mund të infektojë për një kohë të gjatë objekte apo vende të tëra siç mund të bëjnë antraksi dhe mikroorganizma të tjera virulentë. Dhe kur bartësi vdes, Uhan-400 brenda tij zhduket pak më vonë, sapo temperatura e kufomës të bjerë nën tridhjetë gradë.
Çmimi: 1500 Lekë
titleToAlt
Ja, zotërinj, rregullat e mia: po të mos më eci - forcohem, po më eci - mbahem, dhe për çdo rast askujt nuk dua t'i bëj gropën. Nuk jam intrigant dhe me këtë krenohem. Si diplomat unë nuk do të mund të bëja. Thonë, gjithashtu, zotërinj, se zogu vetë i sulet gjuetarit. Ç'është e vërteta, jam gati ta pranoj: po kush është këtu gjuetari, cili është zogu? Kjo është pyetja, zotërinj!
Çmimi: 1200 Lekë
titleToAlt
Gjatë periudhës që jetoi në Paris Anzhelika kishte mësuar shumë në lidhje me qeniet njerëzore. Njerëz që as ta priste mendja e që hiqeshin sikur u përmbaheshin vlerave e parimeve të forta, bënin veprime krejt në kundërshtim me to. Mendoi për vajzat që kishin punuar për të dhe pavarësisht se çfarë bënin për të fituar jetën ato kishin vlera në krahasim me disa që pretendonin se i kishin por në të vërtetë ishin të shthurur. Gjatë atyre gjashtëmbëdhjetë muajve ajo kishte parë me sytë e saj se sa kollaj njerëzit tradhtonin njëri-tjetrin dhe sa e vështirë ishte të mbijetoje në këtë botë. Prej tri vjetësh nga vdekja e të atit ajo kishte marrë shumë mësime. Ishte e pamundur të përfytyronte reagimin e tij për jetën që kishte ndërtuar e bija dhe nëse do ishte krenar që ajo kishte arritur të mbijetonte, apo nëse do t'i vinte thellësisht turp. Shpresonte më shumë për të parën, por kishte disa aspekte, për të cilat as ajo vetë nuk ndihej krenare.. Kishte bërë më të mirën që kishte mundur në rrethana të caktuara dhe shpresonte që nëse ai e shikonte, të arrinte ta kuptonte.
Çmimi: 1500 Lekë
titleToAlt
Ky ishte vendi ku njerëz të fortë si Martez Todari dhe egërsira mizore si Inspektori Terotel do të qëronin hesapet e tyre. Ishte një përvojë aq e tmerrshme dhe acaruese sa mund të të sfiliste shpirtin. Në fakt, të shkoje atje ishte si të pranonte një njeri që nuk ka rrugëdalje, që nuk ka vend tjetër ku të shkojë - si unë. Për më tepër, unë do të isha në mes dy zjarresh, duke mashtruar njërën anë për hir të së mirës së tjetrës dhe duke u përpjekur të anoj peshoren në favor të së keqes.
Çmimi: 500 Lekë
titleToAlt
Sepse ajo çka, brenda nesh, e pandehim se është dashuri, xhelozi, nuk paraqitet si pasion i njëjtë, i pandërprerë, i pandalshëm. Ajo përbëhet nga një pafundësi dashurish të njëpasnjëshme, xhelozish të ndryshme e që janë kalimtare, por që, duke qenë kurdoherë me shumicë, krijojnë përshtypjen e vazhdimësisë, iluzionin e unitetit. Jetëgjatësia e dashurisë së Suanit, besnikëria e xhelozisë së tij përbëheshin nga vdekja, nga pabesia e dëshirave të panumërta, e dyshimeve të panumërta që kishin pa përjashtim Odetën si pikësynim. Po të kishte ndenjur gjatë pa e takuar, ato që jepnin shpirt nuk do të ishin zëvendësuar me të tjera. Veçse prania e Odetës vazhdonte të mbillte radhazi në zemrën e Suanit edhe dhembshuri, edhe mëdyshje.
Çmimi: 1200 Lekë
titleToAlt
Nga të gjitha vetitë që përbënin botën e atij Erih Maria Remarku që kam njohur, më kaprekur më shumë ndjeshmëria e tij e mahnitshme. Askush nuk pret të gjejë naivitet fëminor te njeriu që ndoshta ka shkruar librin më të plotë për përvojën e tij ushtarake vetjake. Kjo ka veçanërisht pak të ngjarë po qe se te ai sheh para së gjithash një shkrimtar me famë botërore, i cili e pranon me kaq bindje lavdinë dhe fatin e tij.Por në të vërtetë mbyllja në një koracë që e imitonte me kujdes, ishte mburoja e Remarkut, mbrojta e tij e sofistikuar nga ajo që ai vetë nuk arriti ta njihte deri në fund. Për mua, ai si njeri i vërtetë mu zbulua në krijimin e Alfredit, të këtij nxënësi të vogël e magjepës, të Siranoit personal të Remarkut, të krijuar prej tij për t' i ardhur rrotull nënës sime Marlen Ditrih, për ta sugj estionuar e joshur. Ai depërtonte në zemrën e saj duke kapërcyer barrierat emocionale që mund të përdoren kundër dashnorëve të zakonshëm. Fakti që as Remarku e as Ditrih nuk i kuptuan thellësitë e vërteta të kërkesave të Alfredit, pra, që pastërtia e vetëpërmbajtjes së tij nuk u vu re, është një humbje tjetër që duhet regjistruar në jetën e Erih Maria Remarkut.
Çmimi: 800 Lekë
titleToAlt
Ajo kishte gjithçka: para, sukses, bukuri. Askush s'mund ta merrte me mend se nën maskën verbuese tulatej një femër që vuante marrëzisht nga vetmia e që ëndërronte për lumturi. Dikur ajo kish takuar një mashkull, i cili në vend që të bëhej armiku i saj, u bë i vetmi burrë i shumëpritur, i dashuruar kokë e këmbë pas saj dhe një mbrojtës që do ta bënte të lumtur.
Çmimi: 800 Lekë
titleToAlt
Era s'kish të pushuar dhe zhurmonte në majat e panjave dhe hera-herës e mbyste edhe muzikën. Turje pemëve dëgjoheshin zhurmat e vonuara të rrufeve. Kajin e mbërtheu një shqetësim, papritmas ndjeu se teksa qëndronte ulur këtu, gjysmindiferent, minutat dhe sekondat e jetës së tij iknin pa kthim, ndërkohë diku mes tyre rridhte e heshtur rrëkeja e Kohës, enigmatike dhe e frikshme në rrëshqitjen e saj të pandalshme të tejdukshme, si rrjedha e pamëshirshme e gjakut nga plaga. Në gjysmerrësirën e ngrohtë, ku era e kashtës përzihej me frymëmarrjen e kafshëve, mes kuajve qëndronte shtrirë qeni i tij, një qen i hirtë në të qielltë me nofkën Frute. Si dëgjoi hapat e të zotit, ai kërceu dhe, me një të lehur të zhurmshëm, u hodh i vendosur në drejtim të tij.
Çmimi: 800 Lekë
titleToAlt
“Etja për udhëtime”, tregon historinë e Audrey Driscoll e mbetur jetime në moshë të re. Audrey e kalon kohën duke u kujdesur për gjyshin e saj milioner dhe të çuditshëm dhe motrën e saj të vogël Anabelën, dhe duket sikur ka marrë përsipër që të jetë gjithmonë aty për ta. E ngarkuar me përgjegjësi që nuk i përshtaten me moshën dhe e stresuar nga e përditshmja, Audrey e cila është e etur për eksperienca të reja jetësore më në fund vendos të largohet. Kështu ajo largohet, me aparat në dorë, dhe krejt e vetme niset në zbulimin e botës së huaj.
Çmimi: 1400 Lekë
titleToAlt
Adriana, të dua. E kuptoj se mund të të duket absurde dhe vetëm prej pak kohësh kam filluar ta ndiej, por kjo është e vërtetë. Nuk kam ndërmend të të ngus, dhe, nëse nuk është çasti më i përshtatshëm, unë jam gati të të pres. Të lutem, mos e kundërshto propozimin tim që në nisje, lërmë një dritare hapur! I shqiptoi këto fjalë si duke psherëtirë; mandej, duke mos arritur ta mbante veten, e puthi. Në momentin e parë, Adriana u përpoq t'i rezistonte, por pak çaste më pas u lëshua në krahët e tij, duke e ndier se edhe ajo, pak e nga pak, po dashurohej. Jo, nuk mundem! Nuk ishte e drejtë! Ishte pa frymë dhe, kur Billi u shkëput, ajo ndiente ankth. I buzëqeshi duke ia bërë sssssss dhe i preku buzët me majën e gishtave. "Tashmë jam i rritur dhe di të përballem me njerëzit. Mos ki frikë se më turbullon nga ana emocionale. Mund të pres deri sa të mbarojë gjithçka me Stivenin.
Çmimi: 1400 Lekë
titleToAlt
Asnjë doktrinë tjetër nuk e ka ngulitur më fort mendimin kinez dhe historinë kineze se sa konfucianizmi. Si të tillë shërbejnë bisedat e Kontucit që ka lindur rreth 2500 vjet më parë. Këtu ai na mëson që njeriu me anë të sjelljes se duhur mund te arrijë harmoninë me rendin e përjetshëm botëror. Kjo sjellje mbështetet në besimin te vetja dhe te të tjerët, në thjeshtësinë, njerëzoren, ndershmërinë, përshtatshmërinë, në diturinë dhe në të vërtetën. Ajo është themeli i jetës së familjes dhe i shtetit. Edhe sot bisedat e Konfucit vlerësohen si udhëzues vetedukimi.
Çmimi: 1000 Lekë
titleToAlt
Në krahët e tij Slloun ndihej ngrohtë dhe e qetë, sikur të ndodhej në një pallto me astar gëzofi. Duket sikur qëndruan një shekull të tërë të përqafuar në atë mënyrë, zemrat e tyre rrihnin me të njëjtin ritëm, pasioni u shtohej nga çasti në çast. Pastaj ai e ngriti kokën dhe ia kapi buzët. Dëshira vlonte te Karteri. Për një hop sikur ngriu, pastaj gjuha e tij depërtoi te goja e saj. Nga gjoksi i Medisonit u shkëput një rënkim shtaze, gjuhët e tyre u gërshetuan dhe ata po pinin me lakmi nektarin e buzëve të njëri-tjetrit.
Çmimi: 800 Lekë
titleToAlt
Të flasësh për Fjodor Mihajlloviç Dostojevskin, për rëndësinë që ai ka për botën tonë të brendshme me fjalë të denja e të përshtatshme për të, është një punë e vështirë dhe me shumë përgjegjësi sepse gjerësia dhe fuqia e këtij njeriu të papërsëritshëm kërkon njësi të reja matëse. Duke iu afruar atij për herë të parë, kujtojmë se do të gjejmë një vepër të kryer, një poet, por në fakt zbulojmë një pakufishmëri, një botë të tërë me yje që i vijmë rrotull dhe me sfera që përmbajnë një muzikë të veçantë, dhe mendja jonë e humbet shpresën se mund të arrijë ndonjëherë të depërtojë deri në fund brenda kësaj bote.
Çmimi: 600 Lekë
titleToAlt
Tragjedia e Fridrih Niçes është një monodramë. Në skenën e fjalës së tij të shkurtër ai vetë është i vetmi personazh. Në çdo ortek të çdo akti qëndron një luftëtar i vetmuar nën qiellin gjithë shtrëngatë të fatit të tij. Pranë apo rrotull tij nuk ndodhet askush, nuk shohim ndonjë grua që të zbusë me praninë e saj atmosferën e tensionuar. Çdo lëvizje bëhet vetëm prej tij. Disa figura që shoqërojnë në fillim hijen e tij, shoqërojnë luftën e tij trimërore me ca gjeste memece çudie dhe tmerri dhe gradualisht prapësohen e tërhiqen sikur të ndodheshin pranë ndonjë rreziku. Askush nuk vendos të futet në rrethin e këtij fati. Gjatë gjithë jetës Niçja flet, lufton, vuan në vetmi.
Çmimi: 600 Lekë
titleToAlt
Por Frojdit i intereson vetëm sinqeriteti dhe jo mirësjellja. Ai ka rënë në disa gjurmë dhe i ndjek ato. Pikërisht drithma e kolegëve provon se padashur ai e ka vënë gishtin në vendin e sëmurë, e ka prekur nervin e çështjes me të parën. Me atë vendosmëri të palodhur, me atë guxim burrëror e me atë aftësi intuitive, të cilat, të marra së bashku, formojnë gjeninë e tij, ai vazhdon të shtypë gjithmonë e më fort vendin e ndjeshëm, gjersa, më në fund, i thati të çahet, plaga të pastrohet dhe të mund të shërohet. Kur fut sondën e tij për herë të parë në atë botë të panjohur, ky mjek i vetmuar nuk e parandien ende gjithçka do të zbulojë në errësirë. Por ai e merr me mend se ç'humnerë është dhe thellësia e tërheq pareshtur si magnet shpirtin krijues.
Çmimi: 600 Lekë
titleToAlt
Qershori i vitin 1940 shënoi verën e disfatës për ushtarët francezë, të braktisur nga oficerët e tyre, të demoralizuar dhe duke pritur armëpushimin. Ditë pas dite, orë pas ore, “Vdekje në shpirt” shpalos ato që burrat menduan, ndjenë dhe bënë ndërkohë që Franca binte. Burra që qëndruan, burra që ikën, burra që luftuan dhe burra me fate tragjike si Methju, i cili ia kishte dedikuar jetën gjetjes së lirisë personale, por tashmë është i mbushur me hidhërim dhe pendim. “Vdekje në shpirt” është një përshkrim pikëllues i luftës dhe se çfarë do të thotë të humbësh.
Çmimi: 1200 Lekë
titleToAlt
“Rrugët e lirisë”, është një seri e novelave nga Jean-Paul Sartre. E menduar si një tetralogji, ajo u la e paplotë me vetëm tre nga katër vëllimet e planifikuara për publikim. Romanet, janë shkruar kryesisht në përgjigje të ngjarjeve të Luftës së Dytë Botërore dhe pushtimit nazist të Francës, dhe paraqesin ndryshimet në mendimin filozofik dhe pozitën filozofike të Sartrit. Kjo seri e romaneve është konsideruar se ka disa karakteristika autobiografike ku, Mathieu personifikon Sartrin, dhe Ivich përfaqëson Olga Kosakieëicz.
Çmimi: 1200 Lekë
titleToAlt
Romani i parë në serinë monumentale “Rrugët e Lirisë” të Sartrit, Mosha e arsyes është vendosur në vitin 1938 dhe tregon për Mathieu, një profesor francez i filozofisë i cili është i fiksuar me idenë e lirisë. Ndërkohë që hijet e Luftës së Dytë Botërore afrohen më afër - edhe pse jeta e tij personale është e komplikuar nga shtatzënia e zonjës së tij - kërkimi i tij për një mënyrë që të mbetet i lirë bëhet gjithnjë e më i fortë.
Çmimi: 1000 Lekë
titleToAlt
...S'mund të pranoja që qënia na vinte nga jashtë, që ajo mbahej për inerci dhe që lëvizjet e shpirtit ishin pasojë e lëvizjeve të mëparshme. Po pse e kaluara duhej të më pasuronte me çdo kusht? S'më kishte krijuar ajo, përkundrazi isha unë ai që, duke rilindur nga hiri im, e shkëpusja nga hiçi kujtesen time falë një krijimi që filionte gjithmonë nga e para. Vdekja, gjithmonë e më e afert, më ndriçonte më fort me dritën e saj të errët. E ula poshtë të kaluarën para së tashmes dhe këtë të fundit para së ardhmes....
Çmimi: 800 Lekë
titleToAlt
“Sa e ruan pastërtinë tënde, djalosh!. Sa frikë ke të ndyesh duart Mirë pra, qëndro i pastër! E kujt i duhet kjo dhe ç't'u desh që erdhe midis nesh? Pastërtia është ide e fakirëve dhe e murgjërve. Ju intelektualët, anarkistët borgjezë, nxirrni shkaqe për të mos bërë asgjë. Për të mos bërë asgjë, për të qëndruar mënjanë, pa luajtur gishtin, me duart ngjitur pas trupit, veshur me doreza. Duart e mia janë të ndyra deri në bërryi. I kam zhytur në mut dhe në gjak”. - E shkruar më 1948, “Duar të ndyra”,është një dramë me përmbajtje të theksuar politike, është një nga veprat teatrore më të shquara të autorit.
Çmimi: 500 Lekë
Të gjitha të drejtat e rezervuara. © 2015 Librari Albania