titleToAlt
Në vizionin e Oshos, Zarathustra është, si të thuash, një njeri i përparuar dhe i shquar: njeri, i cili mund të qeshë e të derdhë lot njësoj si secili prej nesh, i cili mund të përjetojë tmerrin dhe teprinë e ndjenjave, krenarinë dhe vetëmohimin, dobësinë dhe fuqinë. Ai flet me ne fare haptas, duke ia lënë plotësisht gjykimit tonë, të jemi dakord apo jo, ta mbështesim atë apo të ecim në rrugën tonë. Dhe çdo gjë që na ka mësuar ai, na e ka mësuar si mik, duke çarë përmes të gjitha hyrjeve dhe daljeve drejt rrugës së të vërtetës, duke parë me vëmendje të përqendruar çdo hap dhe kthesë. Kështu që çdo bisedë e Oshos bëhet mësim për një temë të veçantë, kurse çdo temë është një hap në thellësi të udhëtimit. Kështu lindi "Perëndia që mund të vallëzojë" - njeriu që bëhet Perëndi, njeriu që guxoi të hiqte të gjitha prangat e virtyteve të rreme e të vlerave, i cili merr guximin të vallëzojë në pafajësinë tokësore dhe nga gëzimi i tepërt, duke kënduar "të shenjtën" po të vetë jetës.
Çmimi: 1000 Lekë
titleToAlt
Njerëzit e arsyeshëm, të ndjeshëm, krijues, synojnë ta ndiejnë atë parajsë, të cilën dikur e kanë njohur dhe për të cilën u kanë mbetur, fatkeqësisht, kujtime të dobëta. Ata fillojnë ta kërkojnë atë përsëri. Kërkimi i parajsës është një kërkim i ri i fëminisë. Natyrisht, trupi juaj tanimë nuk do të jetë më asnjëherë fëminor, mirëpo vetëdija juaj mund të jetë aq e pastër, si vetëdija e fëmijës. Këtu qëndron i gjithë sekreti i ngjitjes mistike: të bëhesh përsëri si fëmijë, i pafajshëm, me dituri të pafëlliqur, që nuk di asgjë, që çdo gjë që ndodh rrotull e vështron me kureshtje të madhe dhe me ndjesinë e së fshehtës, të cilën është e pamundur ta humbasësh.
Çmimi: 1200 Lekë
titleToAlt
Marrëdhëniet e ndërsjella midis njeriut dhe shoqërisë qysh prej shumë kohësh kanë tërhequr vëmendjen e filozofëve që përpiqeshin të përcaktonin se cili nga elementët e kësaj opozite të dyfishtë është parësor. Të jetë, vallë, antisocial individi nga vetë natyra e tij, siç thoshte Z. Frojdi, apo, në të kundërtën, njeriu është kafshë shoqërore, siç mendonte K. Marksi? Orvatje për t'i pajtuar këto pikëpamje të kundërta ka bërë themeluesi i "psikoanalizës humaniste" Erich Fromm. Shoqëria është e infektuar me zvetënimin e individit: kultura masive, arti masiv, politika masive, kushtëzohen nga tërësia e të gjitha kushteve të jetës së shoqërisë industriale të kohës sonë. Kjo sëmundje mund të shërohet vetëm duke fituar lirinë pozitive, lirinë jo në vetvete, jo shkatërruese, por "lirinë për diçka", duke kaluar nga gjendja "të kem" në gjendjen "të jem". Dhe vetëm një shoqëri, pjesëtarët e së cilës gëzojnë liri pozitive mund të quhet e shëndoshë.
Çmimi: 1200 Lekë
titleToAlt
Në dashuri ka tri përmasa. Një përmasë është ana shtazore: ky është vetëm epshi. Përmasa tjetër është ana njerëzore: ajo është mbi epshin, seksualitetin, ndjeshmërinë. Dashuria nuk është shfrytëzim, por shkëmbim i ndërsjellë i qenies, gëzimeve, muzikës, poezisë së kulluar të jetë. Kjo është bujari e ndërsjellë. I pari krijon skllavëri, i dyti të jep liri. Dhe përmasa e tretë e dashurisë është ana hyjnore: kjo ndodh kur nuk ka objekt dashurie, kur dashuria, në përgjithësi, nuk është marrëdhënie, kur dashuria bëhet gjendje e qenies tënde. Ti thjesht dashuron, jo i dashuruar në diçka në veçanti, por thjesht je në gjendje dashurie dhe çfarëdo që të bësh, ti e bën atë me dashuri; cilindo që të takosh, e përshëndet me dashuri.
Çmimi: 1200 Lekë
titleToAlt
Unë e shoh filozofinë plotësisht ndryshe. Unë besoj se të gjithë njerëzit janë filozofë, edhe pse disa janë më shumë filozofë se të tjerët. Natyrisht, unë e pranoj se ekziston, si të thuash, një grup i veçantë dhe ekskluziv i filozofëve universitarë, por nuk ndaj kurrsesi entuziazmin e Waismannit lidhur me veprimtarinë dhe pikëpamjet e këtyre filozofëve. Përkundrazi, jam i mendimit se shumë gjëra flasin në të mirë të atyre njerëzve (për mua, edhe ata janë një lloj filozofësh), që janë mosbesues ndaj filozofisë akademike. Sidoqoftë unë jam një kundërshtar i vendosur i teorisë që qëndron e pashprehur dhe e paverifikuar në themel të esesë brilante të Waismannit. E kam fjalën për teorinë lidhur me ekzistencën e një elite intelektuale dhe filozofike. Autori
Çmimi: 800 Lekë
titleToAlt
Nëse arrini të jetoni çastin e volitshëm, pikërisht atë që ekziston vërtet i plotë, vetëm atëherë mund të dashuroni. Dashuria është një lulëzim i rrallë dhe ndodh vërtet rrallë. Miliona njerëz jetojnë me iluzionin e rremë se gjoja dashurojnë. Përkundrazi, ata besojnë se dashurojnë, por nuk dashurojnë përnjimend. Dashuria është lulëzim i rrallë. Njerëzit që e shijojnë bukurinë e dashurisë janë të rrallë, sepse kjo ndodh vetëm nëse nuk ekziston frika. Kjo do të thotë që dashuria mund të ndodhë vetëm te njeriu besimtar dhe me botë të ndjeshme shpirtërore. Seksi është i mundur për të gjithë, njohja është e mundur për të gjithë, por jo dashuria.
Çmimi: 700 Lekë
titleToAlt
Ajo që duhet të mësojmë është kjo: Mund të jetosh kaq gjatë, por sapo mendon për vdekjen, fillon e dridhesh përsëri. Mos ki frikë dhe mësoje mirë këtë gjë, vdekja mund të vijë në çdo çast dhe ti duhet ta mirëpresësh. Ti do të jesh absolutisht gati në çdo çast për të shkuar. Para një njeriu të tillë edhe vdekja do të mposhtet. Vdekja mposhtet vetëm prej atyre njerëzve që janë gati në çdo çast pa kundërshtuar. Ata bëhen të pavdekshëm, ata bëhen Buda
Çmimi: 800 Lekë
titleToAlt
Pjesa më e madhe e njerëzimit duhet ta mësojë nevojën e kuptimit të drejtë të botës. Vetëm atëherë njeriu mund të bëhet me të vërtetë njeri. Tani njeriu mbetet njeri vetëm nga emri; në fakt ai ende nuk është shndërruar në njeri, meqenëse i mungojnë cilësitë e nevojshme: nuk ka dhembshuri, nuk ka dashuri, i mungon meditimi. Mungojnë lutja, mirënjohja, as festë nuk ka. Kryesorja është të kuptohet drejt e gjithë situata. Po si ka vepruar deri më tani njeriu? Çfarë nuk ka bërë drejt? Pse ka aq vuajtje rreth e rrotull? Pse nuk e shohim kurrë thelbin e vërtetë të problemit?
Çmimi: 1000 Lekë
titleToAlt
Jeta është aventurë: Shkohet vetiu rrugës, gjithnjë larg e më larg. Dhe sa më larg shkon, aq më i vuajtur dhe më i mjerë bëhesh. Vihesh në kërkim të lumturisë, por sa më shumë që e kërkon, aq më shumë largohesh prej saj. Ju mund ta shikoni këtë në jetën tuaj! Kjo nuk është filozofi. Ajo është thjesht një fakt. Secili është në kërkim të fatit, në kërkim të lumturisë. Por sa më shumë largohesh, aq më i varfër bëhesh.
Çmimi: 800 Lekë
titleToAlt
Historia i përket atij që jeton në marrëdhënie të trefishtë: si qenie që vepron e që përpiqet, si qenie që ruhet dhe që respekton, dhe më në fund si qenie që e ruajnë dhe që ka nevojë të çlirohet. Kësaj tresheje marrëdhëniesh i përgjigjet edhe një treshe llojesh të historisë, sipas së cilës ne mund të dallojmë këto lloje historish: monumentale, antike dhe kritike. Para së gjithash historia i përket njeriut veprimtar dhe të fortë, atij që bën një luftë të madhe e që ka nevojë për modele, mësues, ngushëllues dhe nuk mund t'i gjejë këta midis bashkëkohësve dhe në kohën e tashme.
Çmimi: 700 Lekë
titleToAlt
Cila është rëndësia e vërtetë e tempullit? Pse ujërat e Gangut zotërojnë veti të veçanta shëruese? Si ta shfrytëzosh fuqinë e "syrit të tretë"? Dhe çfarë të fshehtash mund të na zbulojë astrologjia? Autori i fton lexuesit në udhëtimin e habitshëm drejt dijeve të lashta, prej burimeve të të cilave kanë dalë të gjitha shkencat e sotme. A do të mundemi ta shfrytëzojmë ndihmën e mjeshtrit të përndritur? Gjithçka varet prej nesh.
Çmimi: 1000 Lekë
titleToAlt
“Puna ime është t'ju çliroj nga dualizmi i burrit dhe i gruas." Osho. Jin dhe Jang, burri dhe gruaja janë dy pole të jetës mbi tokë. Në përsiatjet dhe udhëzimet e tij, Osho mëson si të sjellim në harmoni artin e energjisë mashkullore dhe femërore dhe kështu të gjejmë një kuptim më të përgjithshëm për më shumë energji dhe gëzim jete.
Çmimi: 800 Lekë
titleToAlt
Ka qenë një dëshirë e hershme për t'i pasur në një libër të vetëm të gjithë kampionët e mëdhenj, edhe pse asnjërin prej tyre nuk e nxë dot një libër i vetëm; t'i "shihja" pranë njëri-tjetrit këta "mjeshtër të arsyetimit të qetë", "përleshur" sa herë "për vdekje" si gladiatorë mes tyre. Ata i bashkon talenti, vullneti, arritjet dhe ndihmesa e paçmuar në zhvillimin e pandalshëm të lojës magjike; i bashkon, në fund të fundit e mbi të gjitha, kënaqësia e pamatë që u japin miliona amatorëve në mbarë botën. Janë quajtur monarkë, por janë më demokratë se demokratët; janë thirrur sundimtarë, por nuk e njohin dhunën; është bërë humor me seriozitetin me të cilin merren me një ushtri të drunjtë, por janë aq mëndjekthjellët, sa i gjen edhe punëtorë, edhe specialistë të zotë, edhe shkencëtarë; janë po aq edhe të ndjeshëm, sa i ke shpesh edhe artistë apo shkrimtarë dhe vetëm rrallë, shumë rrallë,... politikanë. Thënë shkurt, vështirë të gjenden mbretër më të mire! Që t'i kthehemi fillimit, kur libri po "vonohej" dhe mes miqsh hasa të njëjtën dëshirë, nisa të mendoj se mund t'i hyja edhe vetë një ndërrmarjeje të tillë, por nuk "guxoja", gjersa nuk kishim akoma një histori tonën, për të cilën më mungonin burimet e mjaftueshme. Kështu që, kur K. Andoni e M. Ibrahimi nxorrën librin "Shahu shqiptar në vite", kënaqësia ime ishte e dyfishtë, sepse m'u "hap" edhe rruga... Përshkrim Në libër flitet shkurtimisht për historinë e kampionateve botërore për meshkuj e femra dhe përkatësisht pas tyre, për kampionët, sipas rendit kronologjik. Ai nuk i ndan lexuesit, por, nëse një pjesë e tyre mund të ndalen këtu, për amatorët e shahut aktiv, janë përzgjedhur disa nga lojërat më të mira të çdo kampioni e kampioneje, mjaft prej të cilave shoqëruar me diagrame, ndonjëherë edhe me ndonjë koment të shkurtër. Në fund, për kurreshtarët, jepen edhe disa statistika e mendime specialistësh, në përpjekje për t'ju përgjigjur pyetjes tunduese (edhe pse pak naive) "Cili ose / dhe cila është numri një i të gjitha kohëve?" Jo vetëm për të mënjanuar ndonjë dyshim për anësi, e shoh të nevojshme të sqaroj se hapësira kushtuar kampionëve nuk është (gjithnjë) tregues (vetëm) i forcës, por (më shumë) i vendit që u ka dhënë media (ata nuk janë parë vetëm si shahistë), kurse për lojtarët ende në aktivitet, libri është akoma "i hapur"...
Çmimi: 500 Lekë
titleToAlt
Libri të Kuptojmë Bursën ka ndihmuar të gjithë lexuesit e saj, që nga investitorët fillestarë e deri tek veteranët e Wall Street-it, për të kupluar me saktësi se si funksionon tregu dhe sesi të përcaktojnë se çfarë aksionesh të blejnë dhe cilat prej tyre ti shmangin. Ribotimi i përsëritur i këtij libri që ndodhet ne top-sell-ing guidë, është shume i lehtë për tu lexuar, praktik dhe i ndihmon lexuesit të njihen me të rejat e fundit të tregut të Bursës së Wall Street.
Çmimi: 1300 Lekë
titleToAlt
Çështja e martesës mund të përkthehet tek kjo alternativë: ose burri dhe gruaja, të konsideruar në shpërfaqjen e tyre të trefishtë fizike, intelektuale dhe morale, janë në të gjitha aftësitë të barabartë: prandaj, për këtë arsye duhet të jenë njësoj edhe në familje, edhe në luftë; pra, në çdo funksion publik dhe shtëpiak. Ky libër flet për diferencat gjinore dhe shumë më tepër në të gjitha fushat e funksionimit njerëzor.
Çmimi: 900 Lekë
titleToAlt
Në këtë libër jo konformist, Baroni Truscott, i cili është dhëndër rus dhe një ish përfaqësues i Britanisë së Madhe në Parlamentin Evropian, na paraqit me sukses origjinën familjare të V.Putin, duke filluar qysh me gjyshin e tij. Ai tregon se si ngjiti shkallët e suksesit profesional gjyshi i tij kuzhinier, duke ju shërbyer figurave më të rëndësishme në Kremlin, ku përfshihen edhe motra dhe gruaja (Nadjezhda) e bosit komunist V.I.Lenin. Në libër tregohet lufta heroike për mbijetesë e qytetarëve leningradas të rrethuar për 900 sitë nga ushtria naziste gjatë Luftës së Dytë si edhe aktet heroike të babait të V.Putin i cili edhe u gjymtua fizikisht në këtë luftë. Tregohet vdekja nga vuajtjet e dy vëllezërve të mëdhenj, të cilët ai nuk i njohu dot kurrë, vdekje të cilat zhvilluan tek ai ndjenjën e hakmarrjes. Në libër tregohen peripecitë dhe jeta e thjeshtë e prindërve të Vladimirit të vogël, kushtet e vështira të jetesës dhe fillimi i shkollës së liderit të ardhshëm të Federatës Ruse. Tregohen çapkënllëqet e tij të para dhe disa veprime rrugaçërore në adoleshencën e tij të hershme, pasioni për të mësuar gjermanishten dhe pasioni për tu marrë me artet marciale ku për peshën e tij arriti të rreshtohej si ndër më të suksesshmit në Leningrad dhe në Rusi. Autori tregon njohjen e tij me Ljudmillën, gruan e tij të pashme nga Kaliningradi (ish Këningsbergu gjerman dhe vendlindja e filozofit të madh gjerman E.Kant), stjuardesën simpatike me të cilën u dashurua me shikim të parë. Në libër shohim sesi gjatë viteve të punës si spiun i KGB në Dresden në vitet 1986-1990, gruaja e tij punonte si mbledhëse frutash. Kur po prishej ish- BRSS pas rënies së Murit të Berlinit një grup i revoltuar gjermanësh e rrethuan rezidencën e spiunazhit të KGB në Desdren dhe aty i vetmi që guxoi dhe u doli para për tu marrë vesh me ta ishte Putin.
Çmimi: 1199 Lekë
titleToAlt
Si destabilizonte NATO qeveritë e majta Perëndimore gjatë Luftës së Ftohtë? Të vërtetat që në shqip thuhen për herë të parë. Besojmë se të paktë janë lexuesit shqiptarë që e njohin historinë e "Gladios", e cila u përhap në formën e një skandali që shqetësoi të gjithë Evropën Perëndimore në fillim të viteve nëntëdhjetë të shekullit të kaluar, kur në Itali për herë të parë, u bë e njohur ekzistenca e një rrjeti sekret, i cili paraqiste një natyrë të frikshme dhe të mistershme fuqie. Në ato vite, dritaret për në botën perëndimore ishin ende të pahapura për ne shqiptarët, por dikush e kujton akoma bujën që shkaktoi në vitin 1991, situata e sikletshme e kryeministrit italian të kohës, Xhulio Andreoti, pavarësisht se për ne, emra të tillë si Propaganda Due (P2) apo Licio Gelli, si dhe fjalë të tilla si “Lozha Masonike”, ishte e vështirë të kuptoheshin thelbësisht. Ky skandal u përhap shumë shpejt dhe u pa se përfshiu çuditërisht edhe shtete si Franca, Spanja, Portugalia, Danimarka, Suedia, Greqia madje edhe Turqia. “Gladiatorët”, u përdorën nga CIA, MI6, MOSAD, etj deri në vende si Irani apo Nikaragua dhe e veçanta është se në nevojën për të rekrutuar brenda këtyre ushtrive sekrete, njerëz që nuk rrezikonin të kishin prirje të majta, ato u kthyhen në organizata të mirëfillta ekstremiste të djathta, në të cilat gjetën strehë jo vetëm elementë të rrezikshëm terroristë, por edhe ish-fashistë, ish-nazistë si dhe neofashistë me bindje ekstremiste.
Çmimi: 1250 Lekë
titleToAlt
E ardhmja është zgjedhja që bëjmë ne, jo një fatalitet. Të injorosh problemet që kemi sot, do të thotë të humbasësh shansin për t'i ndryshuar. Një libër i guximshëm, ku Thomas Friedman është një interpretues i rëndësishëm i botës së çoroditur në të cilën jetojmë. Bazuar në një punë kërkimore të hollësishme, godet ai vazhdimisht në shenjë. Libri përmban mjaft fakte tepër të rëndësishme, por, ç'është më e rëndësishmja merret me çështjen më të rëndësishme të kohës sonë.
Çmimi: 1000 Lekë
titleToAlt
Padyshim një nga figurat qëndrore të jetës e politikës shqiptare në vitet e trazuara kur u ngjiz shteti i pavarur shqiptar, Esat Pashë Toptani ka mbetur në kujtesën kolektive të shqiptarëve si sinonim i tradhtarit. Me gjithë ndonjë përpjekje të këtyre viteve të fundit për ta rehabilituar figurën e pashait, ai vazhdon të kujtohet si njeriut që për hir të interesave të veta për pushtet, qe gati ë shiste interesat e popullit e vendit të vet. Studimi i historianit serb Dushan T. Batakoviç hedh dritë pikërisht mbi një sërë aspektesh të panjohura të raporteve mes Esat Pashë Toptanit dhe shtetit serb, duke plotësuar kësisoj përfytyrimin tonë për këtë njeri që pretendoi të bëhej mbret i shqiptarëve, por në fund përfundoi i varrosur mes ushtarëve serbë, në varrezat serbe të Parisit.
Çmimi: 400 Lekë
titleToAlt
Libri "Feja: Nëse ka zot ..." është i pari që ai shkroi drejt e në anglisht dhe përbën një përmbledhje të thelbit të mendimit të tij filozofik për sa i takon fesë, duke parashtruar nga një kënd shikim historik argumentet pro e kundër ekzistencës së Zotit gjatë rrjedhës së shekujve, duke nisur nga epikurianët deri te Niçja, apo hulumtimet bashkëkohore antropologjike.
Çmimi: 800 Lekë
titleToAlt
Një libër tepër i rëndësishëm për t'u lexuar nga kushdo që do të dijë e të kuptojë të shkuarën nga vijmë, jo thjesht një fotografi të një çasti të rëndësishëm të historisë sonë pak kohë përpara shpalljes së pavarësisë, por para së gjithash, realitetin njerëzor të një pjese të Shqipërisë para se ajo të bëhej e pavarur. Por, po ashtu, padyshim një libër që të ndihmon të kuptosh sa shumë fije të dukshme e të padukshme vazhdojnë të na lidhin me të shkuarën tonë, pa të cilat në fakt, është e pamundur të shpjegohet ajo që është Shqipëria e sotme me gjithë kundërthëniet e sfidat e saj dramatike.
Çmimi: 1100 Lekë
titleToAlt
Padyshim një zbulim! Një libër magjepsës! Një nga dëshmitë më interesante për këdo që dëshiron të njohë të shkuarën tonë, atë çka se gjen dot në librat e historisë. Që të ndihmon të kuptosh shumë çka sot në kundërshtitë e dritëhijeve të jetës shqiptare. Një rrëfim ku ndjen drithërimat e jetës së trazuar të një njeriu që në muzg të tij, i syrgjynosur diku larg në mërgim të detyruar, i vihet punës për të ndërtuar copëza, tablo, fytyra, emocione, ngjarje të së shkuarës së tij. Një vepër që do të hyjë në fondin e aftë të letrave shqipe, duke shtuar aty diçka që na mungonte. Pinjoll i një prej familjeve të mëdha të Shqipërisë e të Perandorisë Otomane, kushëri i afërt i Ismail Qemalit, dëshmitar/protagonist i disa dekadave tepër të rëndësishme të historisë së Shqipërisë, një nga njerëzit më të kulturuar të kohës, me një ndjeshmëri që e bën të tingëllojë aq modem, Eqrem Bej Vlora na ka dhënë një ndër dëshmitë më interesante e më të ndershme për një nga periudhat më të trazuara të historisë sonë. Dëshmi dramatike të përmbysjes së madhe të një Perandorie, çka shënon fillimin e dhimbshëm e kaotik të transformimit të shqiptarëve dhe, njekohësisht, të lindjes së Shqipërisë moderne. Dëshmi dramatike e shembjes së një bote të tërë, që merr me vete te poshtë ata që deri atëherë qëndronin në majat e hierarkisë së shoqërisë, duke i “humbur nën gërmadhat dhe në pluhurine e marrëzisë së barazimtarise', siç shprehet autori, që, tek kupton pashmangshmërinë e ndryshimeve, i përjeton ato si një dramë personale... Pra, një libër nga ata që ska nevojë për komente, që mjafton ta lexosh. Piro Misha Eqrem Bej Vlora i shkroi kujtimet e tij në gjermanisht. Vdekja e tij e papritur në vitin 1964, në Vjenë, ku ai jetoi pjesën më të madhe të periudhës së pasluftës, për fat të keq bëri që ato të mbeten të papërftmduara. Libri u botua nga Instituti i Studimeve për Evropën Juglindore në Mynih, Gjermani, në vitin 1973.
Çmimi: 1200 Lekë
titleToAlt
Në se dyert e perceptimit do të ishin të kthjellëta, çdo gjë do t”i shfaqej njeriutashtu siç është, e pafundme. Ky libër flet për studimet shkencore që kanë bazë ndryshimin e vetë dijes individuale në pë rmjet pë rdorimit të substancave psikoaktive që e kanë prejardhjen nga natyra dhe përdoreshin nga parardhësit tanë në ritet e lartësimit shpirtëror dhe të kurimit të trupit dhe shpirtit dhe perdoren ende nga indianët e Meksikës. Psikologë të asaj kohe nisën studime të përbë ries kimike të meskalinës që gjendet në kaktuset pejote dhe rezultuan se kjo substancë kishte disa veti shë ruese dhe të lartë simit shpirtëror. Ky libë r ju ndihmon të kuptoni ndikimin e drogave bimore ndryshuese të ndë rgjegjies. Në qoftë se realiteti ju duket i mërzitshëm ky libër mund të hapë dyer të reja perceptimi.
Çmimi: 400 Lekë
titleToAlt
Dokumentet që sjell ky punim janë një copëz e "këtij mozaiku" të madh, që "stuhitë" e kohëve e kanë shpënë larg në Arkivat Britanike. Ato vijnë për herë të parë për të plotësuar sadopak të panjohurat e shumta që ka "mozaiku i lashtë" i historisë së vendit tonë. Fondi i tyre na bën me dije për anë dhe çështje tërësisht të panjohura të një figure pak të njohur, shumë të debatuar, por që zë një vend të rëndësishëm në historinë e vendit tonë, Ali Pashës. Veç lëvizjeve pak të ndriçuara me karakter politik, ushtarak, diplomatik, apo ekonomik të këtij hegjemoni, dokumentet e arkivave britanike të këtij botimi sjellin edhe të dhëna me mjaft interes rreth përpjekjeve të këtij burri për mëvetësi dhe indipendencë. Këto dokumente vënë përpara drojës pretendimet e historiografisë tradicionale vendase apo të huaj për fillesat e nacionalizmit dhe përpjekjet gati një shekull më parë të këtij hegjemoni për një shtet të mëvetësuar dhe indipendent.
Çmimi: 2000 Lekë
Të gjitha të drejtat e rezervuara. © 2015 Librari Albania