Dëgjoni të rrahurat e zemrës së një të vdekuri, mbani vesh ulërimat rrëqethëse të dikujt që është varrosur për së gjalli, shikoni hijen e një fantazme që ngrihet nga varri! Hyni në botën drithëruese, të frikshme, krijuar prej shkrimtarit të parë të madh amerikan të misterit e që të mban zemrën ngrirë, Edgar Alan Po. Insekti prej ari, Shembja e shtëpisë së Ashërve, Zemra tradhtare dhe Fuçia e Amontijados, katër prej tregimeve më të famshme të Posë, janë mbledhur këtu në një variant të lehtë për t'u lexuar e të vështirë për t'u harruar.

Beteja epike midis njeriut dhe monstrës arrin pikën kulmore me historinë e famshme të Frankenshtajnit. Në përpjekje për të krijuar jetën, studenti i ri Viktor Frankenshtajn lëshon nga zinxhiri forca të pakontro-llueshme, duke vënë në lëvizje një varg të gjatë e tragjik ngjarjesh që e shpien edhe vetë Viktorin në buzë të greminës. Përpjekjet e tij për të shkatërruar krijesën e vet, ndërsa kjo e fundit shkatërron gjithçka të dashur për Viktorin, shpalosen në një histori të fuqishme, të paharrueshme dashurie, miqësie... dhe tmerri.

Xhejni dhe Elizabetë Beneti nuk janë vetëm motra, por edhe shoqe të ngushta. Ato ndajnë me njëra-tjetrën shpresat dhe ëndrrat. Kur Xhejni bie në dashuri, Elizabeta ngazëllehet për të. Mirëpo ëndrra e Xhejnit copëtohet dhe Elizabeta e di se kush e ka fajin: Darsi, një zotëri i pashëm dhe krenar, ai burrë, që Elizabeta e dashuron dhe e urren njëkohësisht! Si e gjejnë, më në fund, dashurinë vajzat Benet? Kjo eshte nje nga histonte me te njohura dhe më të dashura të rrëfyera ndonjëherë.

Djaloshi David Koperfild, i mbetur jetim që fëmijë, i braktisur nga një njerk i lig, duhet të mësojë t'i bëjë ballë vetë jetës. Në këtë roman të shkëlqyer të Çarls Dikensit, mësojmë për vitet e para të ashpra të Davidit...për adoptimin nga tetoja e tij e çuditshme... tradhtinë e një miku fëmijërie... trysninë e nisjes së një karriere... hapin e nxituar drejt një dashurie në moshë të re... dhe, më në fund, për shkëlqimin në karrierë dhe lumturinë personale. Tabloja e ndier e Çarls Dikensit mbi vitet e para të jetës së Davidit e ka bërë David Koperfildin një prej romaneve më të dashura në botë.

Me përfundimin e Luftës Civile Amerikane Klubi i Armëve i Baltimorës (i përkushtuar ndaj artilerisë) bie në depresion meqë ekspertiza e tij nuk i hynte më kujt në punë. Megjithatë, shpëtimi vjen kur presidenti i Klubit, Impej Barbikani, sfidon Klubin për.ta përdorur mjeshtërinë e shkencës së artilerisë në lëshimin e një mjeti drejt Hënës. Është lloji i sfidës, së cilës nuk mund t'i rezistojë dot asnjë amerikan, ndaj shumë shpejt bota përfshihet në orvatjen e parë për t'u larguar nga Toka.

Ka, sidoqoftë, një numër shenjash paralajmëruese per keq. Njëri nga kapitenët e Greit Istërnit ka vdekur i mbytur. Një pasagjer është lënë në brakti i trallisur në thellësitë e anijes. Gjatë montimit të kaldajave, një mekanik eshtë mbyllur i salduar gabimisht në govatat e avullit. Ndonëse ky vapor ka kapercyer njëzet herë Aflantikun, askush nuk mund të mohojë se atë e pret një fat i paracaktuar. Megjithatë, është një kryeveper e ndërtimtarisë detare. Më shumë se një anije, një qytet lundrues! Dhe secili hipën në të mrekullohet. Për dreq! Edhe një herë, ende po pergatitet një dramë e re dhe terë aktoret e saj ndodhen të bashkuar rastësisht mbi vapor. Burra që ndeshen në duel. Dhe mallkimi i ndjek pas. Pa llogaritur katastrofën detare, më se të parashikuar. Një histori më dramatike se ajo e Titanikut.

Katër motra shumë të ndryshme nga njëra-tjetra. Megi dashuron gjërat e bukura. Bethi është e ndrojtur e mendimtare. Emi, më e vogla, mezi pret të rritet. Ndërsa çamarrokja Xhoui, me temperament të gjallë e humor, shpesh futet në telashe. Familja nuk ka shumë të holla. Po jetët e këtyre motrave janë plot gëzim e ëndrra. Ju nuk do t'i harroni kurrë, asnjërën nga këto.

Në këtë libër bëhet fjalë për një djalë që është bërë i famshëm me aventurat e tij. Ai është Tom Sojeri. Në një nga eksursionet e shkollës, ata shkuan në një shpellë. Tom Sojeri dhe Beki humbën në atë shpellë. Në këtë rast Tom Sojeri kontrollon të gjitha labirintet e shpellës dhe e gjen daljen. Por edhe e sheh armikun e tij indianin Xhoa. Pas daljes nga shpella Tom Sojeri tregon për indianin Xhoa dhe ata e burgosin.

Kur fëmijët e familjes Darling vizitohen nga Piter Pani dhe Lulekëmbana, ky i bind tre vogëlushët të fluturojnë drejt ishullit të Kurrëtokës, atje ku fëmijët nuk rriten kurrë! Këtu fëmijët takojnë Djemtë e Humbur, një krokodil gjigant dhe Çengelin, Kapitenin djallëzor. Zbuloni aventurat magjike të Piter Panit në këtë rrëfenjë klasike, që nuk njeh kufij kohorë.

Ndër romanet më të njohur fantashkencë të Zhyl Vernit, “20 000 lega nën det” tregon historinë fantastike të kapitenit Nemo dhe nëndetëses së tij Nautilius. Gjatë udhëtimit, kapiten Nemo me ekuipazhin shkojnë në pika të ndryshme të oqeaneve, disa prej të cilave Verni i njihte nëpërmjet tregimeve reale të udhëtarëve të ndryshëm, ndërsa disa të tjera janë krejtësisht të trilluara.

Pipi shtatëvjeçar është shegert farkëtari, por ëndërron për një jetë më të mirë. Kush mund ta ndihmojë djaloshin që t'i shndërrojë rreckat në xhevahire? Një i dënuar i rrezikshëm që arratiset nga burgu, një plakë e kamur, apo një bamirës i fshehtë? Ndiqni aventurën pa fund dhe lexoni gjithçka rreth atyre, që për Pipin janë shpresa të mëdha.

Ky libër është një përmbledhje përrallash ku përfshihen : Magjia, Shtatë pëllumbat, Uji i rinisë së përjetshme, Maçoku me çizme, Aladini, Bukuroshja e fjetur në pyll, Vajza që shkeli bukën, Vendi i qenve, Rubini i mrekullueshëm, Tre qentë, Princesha e magjepsur, Johani besnik, Princi i lumtur, Përralla e maceve, Gjarpri, Zogu i vezëve të arta, Pleshti dhe profesori, E burgosura e bukur, Pata e artë, Tri unazat, Mbretëresha e dëborës, Historia e plazheve, Lëkurëgomarja, Lulet e Idës së vogël, Bijtë e babagjyshit të krishtlindjes, Përralla e bredhit, Prlncesha dhe shtatë kalorësit, etj

Në vëllimin e dytë të “Një botë me përralla”, mund të lexoni: Flaka e dëshirave, Forca e dashamirësisë, Princi qe u martua me nje bretkose, perandori dhe zanat Libri i madh i magjive, Muzikantet e Bremenit, Baresha dhe oxhakfshirësi, Peshku i artë, Rrobaqepësi dinak, Tre muzikantë, Tri dëshirat, Dielli, hëna dhe Talia, Sindbad detari

Në vëllimin e tretë të “Një botë me përralla”, mund të lexoni: Ali babai dhe dyzet hajdutët, Gjiganti egoist, Xhovanino kërkoi vdekjen, Tri Qitrot, Pallati i mbretëreshës së dënuar, Kripa, Një natë në parajsë, Nusja sirenë, Injoranti, Arusha, Nusja që jetonte prej erës, Historia e një gruaje dhe e pesë mëtuesve të saj, Zanat, Fyelli magjik, Breshka e magjepsur, Këpuca e artë, Tri tjerrëset, Majmuni ngjyrë rozë, Princi bretkosë, Gjarpri i madh i ujit, Brumbulli, Miu dhe bulkthi, Kokëbretkosa, Mbreti derr, Hundargjendi, Veza e zezë, Tre xhuxhët e pyllit, Njeriu i egër, Dhurata e zjarri, etj

Ai është Gjithkund - Dhe Askund! Një fshat i qetë, një stuhi e fortë bore, një i panjohur misterioz më se të mjaftueshme për t'i nxitur fshatarët në thashetheme dhe meditime. Kush mund të jetë ky njeri me pamje të dyshimtë, që e mban fytyrën të fshehur dhe u kthen shpinën të gjithëve? Po, kur, më në fund, i panjohuri përballet me ta, ka më shumë pyetje sesa përgjigje, terror nga më i paimagjinueshmi, ndërsa mizoria dhe vrasja e vënë fshatin e qetë në sundimin e një të çmenduri të papërmbajtshëm. Së fundi, zgjidhja e misterit mbetet në dorë të një njeriu, që ky t'i japë fund turbullirës e të zbulojë identitetin që ka Njeriu i padukshëm.

"Të gjithë për një e një për të gjithë!" Ejani me ne në Francën e shekullit të I7të me d'Artanjanin dhe tre miqtë e tij. Ata po rrezikojnë jetët e tyre, për të shpëtuar mbretëreshën. Dhe armiqtë e saj po u hapin jo pak telashe. Bëhuni pjesë e një aventure të pareshtur, duke udhëtuar me “Tre Musketierët”...

Shauzia, shoqja e ngushtë e Parvanës, është arratisur nga Afganistani dhe përballet e vetme me mbijetesën në rrugët e Peshavarit, në Pakistan. Me qenin, si mikun e saj të vetëm, ajo duhet të rrëmojë për ushqim, të lypë para e të kërkojë një vend të sigurt për të fjetur çdo natë. Mund të jetë më keq se jeta e kaluar në një karnp refugjatësh? Një histori e fuqishme, tejet njerëzore, e një vajze plot energji, të vendosur, që përpiqet të marrë n dorë frerët e jetës së saj.

Familja Robinson (anije e mbytur në një ishull të shkretë) duhet të zbulojë forcën e fshehur në vetvete për të mbijetuar! Shikoni sesi vetëmbrohen nga bishat e egra, sesi mësojnë të gjuajnë e të peshkojnë, si të gjejnë strehë. Ndërsa koha kalon, ata fillojnë të duan bukurinë e ashpër të ishullit të tyre, mbushur me kafshë të rralla, zogj ekzotikë dhe lule të egra aromatike. Kur një anije ankorohet në limanin, në të cilin kanë mbetur ata, u duhet të pyesin veten nëse duan vërtet të kthehen në shtëpi. Kjo histori e përjetshme e burimeve të brendshme dhe e dashurisë familjare ka emocionuar dhe kënaqur lexuesit e rinj për më shumë se dyqind vjet.

Aventura ju pret brenda çdo libri të serisë Shtëpia magjike mbi Pemë. Një aventurë që ju shkund! Këtë gjejnë Xheku dhe Eni, kur Shtëpia Magjike mbi Pemë i rrëmben dhe i kthen ne vitet 1870. Ata zbarkojnë në stepë, afër një shkolle njëdhomëshe, ku takojnë një mësuese adoleshente, disa fëmijë të lezetshëm dhe një kokoroç të madh e të tmerrshëm. Po gjëja më e madhe e më e frikshme nuk ka ndodhur ende! Koka do t'ju vijë rrotull, kur të lexoni “Tornadoja e së Martës!”

Antoni është një djalë nëntëvjeçar, që i pëlqejnë librat me histori të frikshme. Mirëpo një natë, në parvazin e dritares së dhomës së gjumit, zbriti një Gjë më e frikshme se King Kongu, më e frikshme se përbindëshi i Frankenshtajnit, madje më e frikshme se vetë Drakula. Gjëja në dritare quhej Rudiger dhe ishte një vampir i vogël. A ndodhet djali në rrezik nga Rudigeri? Po nga të afërmit e Rudigerit, të cilët janë vampirë të pamëshirshëm? Shfletoni librin për të mësuar se çfarë bën Antoni për të ruajtur sekretin e shoqërisë me një vampir.

Antoni mbetet pa fjalë, kur Rudigeri, vampiri i vogël, vjen papritur ta kërkojë në shtëpi. Rudigeri ka rënë në hall. Familja e tij e ka përzënë nga zgavra për shkak të shoqërimit me njerëzit. Antoni i gjen strehë vampirit në bodrumin e pallatit. Mirëpo për Antonin është shumë e vështirë të mbajë larg bodrumit prindërit, si edhe fqinjët kureshtarë, të cilëve u ngacmohet hunda nga kutërbimi që vampiri ka sjellë me vete. Antoni mezi pret ditën, kur familja Drithërima të mblidhet e të heqë masën e dëbimit për Rudigerin. Për këtë i lypset edhe ndihma e Anës pa Dhëmbë.

Kur prindërit e Antonit shpallin se do të kalojnë një javë pushimesh çlodhëse në Ligatinën e Poshtme, Antonin e kap paniku... çfarë dreqin mund të bëjë në një vend të tillë të humbur? Mirëpo, pasi ia mbush mendjen Rudiger Drithërimës, pra, vampirit të vogël, ta shoqërojë, djali është i bindur se do të kalojë pushimet më emocionuese të jetës së vet. E shqetëson vetëm një problem: si do ta çojnë Antoni dhe Rudigeri arkivolin e vampirit deri në fshat...?

Antoni dhe shoku i tij Rudiger , vampiri i vogël , po qëndrojnë në fermën e familjes Hering . Po Rudigeri është gjithë hundë e buzë , sepse nuk mund të gjejë diçka të përshtatshme për të ngrënë. Kur zonjusha Hering zbulon se dikush i ka thëthirë të gjitha vezët , dyshimet bien mbi Antonin … Por a do të zbulohet ky mister dhe cili do të jetë roli i doktor Rrëmuesit dhe dy heronjve tanë ?

Vampirët janë shqetësuar në zgavrën Fon Drithërima. Ka pak kohë që aty banon Olga fon Flluskëderri, mbesa e teto Dorotisë. Për më teper vampri i vogël po luan mendsh pas saj. Antoni nuk po e njeh më shokun e tij. Aq shumë është dobësuar e zverdhur sa mezi mbahet më këmbë. Fajin për këtë e ka Olga, për shkak se vampiri nuk mund të logjikojë më. Për të po rrezikon gjithçka, madje edhe të marrë mbi vete zemërimin e teto Dorotës. Enkas, Olga e lë në tarallisjen e tij dhe i mbetet Antonit dhe Anës të bëjnë diçka. Po çfarë?