"“ Do të më tregosh një përrallë?“ Këto fjalë thonë fëmijët anembanë botës, kur vjen koha e gjumit. Nuk ka rëndësi se në cilin vend jetojnë, as nëse përrallat që dinë dhe zakonisht dëgjojnë, janë plot zana apo princesha, zebra apo gjirafa. Kjo ndodh sepse përfytyrimi i fëmijës mund të kapërcejë lehtësisht çdo kufi, çdo mur dhe çdo ndryshim mes kulturave dhe racave, pasi kërkon vetëm më të rëndësishmen, atë që është thelbësore te përralla: magjinë! Ky libër përmban përralla nga e gjithë bota, mes tyre edhe një shqiptare. Këto janë rrëfenja tipike për folklorin e traditave të largëta mes tyre, por që përmbajnë të njëjtën magji. Këto rrëfenja janë të shkurtra, të këndshme dhe plot aventura. Me to fëmijët do të udhëtojnë në të gjithë botën dhe do të njohin personazhe të paharrueshme. Këto janë kallëzime të përkryera për të nanuritur fëmijët në gjumë, duke u dhuruar ëndrrat e ëmbla që meritojnë, natë pas nate."

Së pari në to nuk ka elemente të tillë të mbinatyrshëm si dragonj, a, lugetër, sprija etj. etj. Në përfytyrimin e shëndoshë të popullit të indian e keqja ka fytyrë mjaft më konkrete: atë të raxhait, tregtarit, të mashtrues, ose, në një formë më të tërthortë, të luanit, tigrit, krokodilit. Kjo do të thotë se edhe lufta ndaj së keqes kuptohet në mënyrë konkrete. Së dyti ndëshkimi që pëson e keqja nuk shprehet me fjalë të dhunshme, me skena të përgjakshme, makabre, sepse edhe i miri, i drejti, i ndershmi dallohen për një shpirt të madh. Ata fitojnë, nuk masakrojnë. Rikujtoni pak se ç'ndodh në një lumë të tërë filmash modernë, ku e mira fiton mbi të keqen, pasi ka kaluar përmes një oqeani gjaku e malesh me kufoma. Së treti rrëfimi rrjedh përgjithësisht i qetë, pa trazime dhe përmbysje të mëdha. Për urtësinë indiane e vërteta dhe e mira e kanë të sigurt fitoren. Ato nuk e njohin stresin, ankthin. Ndërsa ne sot... Ndoshta ka edhe të tjera mësime, që secili prej lexuesve mund t'i shquajë gjatë leximit e, në i pëlqeftë, mund t'i përvetësojë, domethënë t'i kthejë në parime të jetës së vet. Duam ta mbyllim këtë hyrje me dëshirën që lexuesve, pavarësisht nga mosha, ky libërth t'u ringjallë shprehinë e vyer të të lexuarit të përrallave, sepse pa mësimet e tyre njerëzimi do të mbetej brenda botës së egërsisë, sepse nëpërmjet fantazisë së tyre kalon rruga për në veprimtarinë konkrete të dobishme, sepse, në fund të fundit, atje më shumë se kudo gjetkë E MIRA ka fituar mbi të keqen.

Përrallat janë thjesht fillimi Burri i Maskuar endet i lirë nëpër Vendin e Rrëfenjave dhe i takon Aleksias dhe Koner Bejlit ta ndalojnë... Por Aleksian e kanë dëbuar nga Këshilli i Zanave dhe askush nuk do ta besojë që bota e përrallave është në rrezik. Vetëm me ndihmën e miqve besnikë, si Flokarta, Xheku, Kësulëkuqja, Nëna Pata dhe patoku i saj, Lesteri, binjakët Bejli mund të marrin vesh planin sekret të Burrit të Maskuar: ai zotëron një melhem magjik të fuqishëm, i cili bën të mundur që çdo libër që spërkatet me të të shndërrohet në portal dhe ai po rekruton një ushtri me keqbërësit letrarë më të këqij! Kështu fillon ndjekja këmba-këmbës nëpër tokën magjike të Ozit, nëpër botën fantastike të Kurrkundit, nëpër marrëzinë e Botës së Çudirave e më tej. A do të mundë Aleksia dhe Koneri ta kapin Burrin e Maskuar apo do të jenë një hap më mbrapa, kur të jetë tashmë tepër vonë? Përrallat dhe romanet klasike shpalosen në këtë aventurë të katërt të serisë së shumëshitur "Vendi i Rrëfenjave", ndërsa binjakët udhëtojnë përtej mbretërive!

Një libër i bukur me tregime klasike për fëmijë të ilustruara nga Maria Rita Gentili dhe Giorgia Farnesi. Tregimet klasike që përfshihen në këtë libër janë: Maçoku me çizme, Piter Pani, Pinoku, Tre derrkucët dhe Aladini dhe llamba magjike.

Letërsia është arti i fjalës. Ajo është tërësia e veprave artistike të shkruara nga autorët, por edhe të krijuara gojarisht, më herët, e që janë mbledhur dhe shkruar më vonë. Letërsia gojore, ose folklori popullor, nis që kur njerëzit nuk dinin shkrim dhe lexim. Ndodhitë apo tregimet e shkruara sot kanë qenë të rrëfyera e transmetuara gojarisht. Krijimtaria gojore e një populii, e trashëguar brez pas brezi dhe e përtëritur dhe pasuruar në varësi nga koha e vendi, përbën fondin e veçante që quhet letërsi gojore. Kjo krijimtari jep një pasqyrë afërsisht të sakte të jetës shpirtërore të një populli duke e vështruar atë nga aspektet shoqërore, ekonomike, familjare, mitologjike, kanunore, ndërnjerëzore dhe morale. Autorët e kësaj veprimtarie krijuese nuk e kanë nxjerr veten (nuk kishte shkrim) prandaj janë quajtur krijues anonim. Krijimtarinë gojore e përshkon optimizmi i çiltër, shpresa e madhe për të ardhmen, besimi tek fuqia e popullit për të kapërcyer të keqen, vuajtjen, roberinë etj. Krijuesit popullor kanë imagjinatë, besnikëri ndaj realitetit, vizion për të ardhmen. Letërsia gojore është pjesë e jetës së popullit prandaj është e lidhur ngushtë me zakonin dhe besimet e tij. Në këtë letërsi hyjnë krijimet si: Legjendat, përrallat, gojdhënat, këngët, mitet, eposet, gjëegjëzat, anekdotat, ninullat, fjalët e urta etj. Të gjitha këto u transmetoheshin brezave, në kuvende, në takime e biseda të iira, në shtëpi për fëmijët, në odat familjare, ndër miq e shokë.

E kishte ujdisur fati që Bardhyl Dardha të takohej me me të gjitha almiset e saj dhe ato të estetikës, me Fjalën, të cilën e ruante mënjanë si gjë të rrallë. Se e rrallë ajo ishte! Edhe ai i vetmuar, fillikat ndër korridoret e fjalës dhe gjente gardërobën e tyre, diku mbi një shtëpi të vjetër, diku bregut të detit, në lagjet jashtme të qytetit, pastaj duke ecur në rrafshinë, ku shkreta nuk humb larg dhe afër syrit kureshtar. Mblidhte dhe mbledh Fjalë Bardhyl Dardha, si të mblidhte shkarpa, ndizte dhe ndez zjarr me eshkë e uror me Fjalët ky Njeri Punës, vë në zjarr me ujë bjeshke Fjalët, qëron bykun dhe dhe pastaj del në dritë Rrëfenja, nga cilido vend i botës. Se e ka bërë punën pastaj për ta prurë shqip Bajram Karabolli, shqipëruesi dhe ky i jep po atë forcë që Fjala ka në origjinal dhe ia jep në dorë pastaj piktorit të madh Anastas Kostandini (Taso), i cili di t'u hyjë në Karakter dhe tu japë Fizionimi përplot personalitet dhe dritë, për t'i trupëzuar ato, duke u shtruar të hajë fillikat ose bashkë me personazhet pak bukë e ca më tej, në prush e nën hi fusë Fjalët dhe Ilustrimet, duke i mbështjellë me varak dhe u hyn përplot ëndje e pa fir në thelb të shpirtit, pasi e shkon nën hundë si një psherëtimë, duke belbëzuar gojëhapur në një zhaurimë që vërtet të kënaq, nëpër lloj-lloj britmash e vigmash, madje duke rrëkëllyer së bashku përkthyesi dhe piktori verën e kuqe, verë që e pinë drejt e nga gryka e shtambës duke e mbajtur lart me të dyja duart dhe ajo e uruar zvargohej teposhtë nëpër gjoks me një curril të hollë jete. Në ndërkohë ngrihet në sfond një muzikë me njëmijë e një tinguj njëherësh për t'u dhënë Fjalëve dhe Figurave dritë të veçantë perëndie....

Zini një qoshk të ngrohtë dhe lexoni këtë përmbledhje me rrëfenjat e dimrit! Argëtohuni bashkë me ketrin dhe me rakunin, njihuni me pinguinët patinatorë e me plot gjëra të tjera. Ky libër i përkryer do tju argëtojë pa masë.

Një përmbledhje e paharrueshme e përrallave me të bukura. Personazhe të jashtëzakonshëm do të të shoqërojnë në një botë fantastike dhe plot emocione.

Një përmbledhje e paharrueshme e përrallave më të bukura të të gjitha kohërave. Personazhe të jashtëzakonshëm do të të shoqërojnë në një botë fantastike e plot me emocione.

Kopshti që do të gjeni në këtë libër, është i magjepsur. Hyni në të dhe zbuloni të fshehtat e zanave të luleve. Me historitë magjike dhe vizatimet elegante, natyra do t’ju shpaloset në krejt bukurinë e saj, me aroma dhe ngjyra të shndritshme, gati për të ndryshuar teksa stinët ndjekin njëra-tjetrën. Po ta lexoni librin më ëndje, do të përjetoni e do të ndjeni si të gjallë gjithçka të bukur e gati hyjnore që përjetoni e ndjeni në natyrë në çdo stinë. Provojeni, vogëlushe!

Përralla të mrekullueshme, të pasura me ilustrime të shkëlqyera dhe personazhe të paharrueshme nga përralla tradicionale dhe legjenda mahnitëse nga anembanë botës.

Përralla të mrekullueshme, të pasura me ilustrime të shkëlqyera dhe personazhe të paharrueshme nga përralla tradicionale dhe legjenda mahnitëse nga anembanë botës.

Një përmbledhje e paharrueshme e përrallave me të bukura. Personazhe të jashtëzakonshëm do të të shoqërojnë në një botë fantastike dhe plot emocione.

Ky libër do t’i çojë lojtarët në vende fantastike e përrallore ku jetojnë magjistarë, zana, fëmijë aventurierë dhe kafshë që flasin. Është në dorën tënde të zgjedhësh nëse dëshiron të jesh njëri prej tyre, apo t’i sfidosh ata. Një gjë është e sigurt: në këtë libër janë përzgjedhur tetë lojërat më të këndshme të të gjitha kohërave dhe... ti do të argëtohesh pa fund, duke i luajtur ato! Çfarëdo loje të zgjedhësh... lojën e patës në xhunglën e Moglit, lojën e gjarpërinjve dhe të shkallëve, lojën e mullirit të Pied Piperit apo lojën “Mos u nxeh” ku mund të sfidosh kapiten Hukun... mjafton të marrësh gurët magjikë të përgatitur enkas për ty dhe t’i vendosësh në fushën e lojës. TANI... HIDH ZARIN DHE... ARGËTOHU!

Për herë të parë në gjuhën shqipe vepra e Mark Tëain-it e mbetur dorëshkrim. Në një hotel në paris,në një mbrëmje të vitit 1879, Mark Tueini po qëndronte bashkë me vajzat e tij, të cilat iu lutën që t'u rrëfente një histori. Duke zgjedhur një skicë prej një reviste nga ku t'ia nisnin, Tueini zu t'u rrëfente historinë e Xhonit, një djali të varfër që zotëronte disa fara magjike, i cili e gjen veten përballë kërkesës për të shpëtuar princin e rrëmbyer. Më pas, Tueini do të hidhte disa shënime të papërpunuara rreth kësaj historie, por përralla mbeti e papërfunduar... gjer më sot. E nxjerrë prej arkivit të Mark Tueinit në Universitetin e Kalifornisë, në Berkelej, shënimet e Tueinit janë sot baza e një përralle me zana, e rimarrë mbi njëqind vite më pas. Me copëzat e përrallës së Tueinit dhe me një histori të ndërprerë udhës, autori Filip Sted ka shkruar një përrallë që na bën të imagjinojmë se si do të kish qenë vepra e Tueinit, po të ishte shkruar e plotë. E stolisur me ilustrimet e hijshme, argëtuese dhe të dhembshura të Erin Steadit, kjo është një histori që mbërrin për herë të parë te ne në formën e një libri për fëmijë me ilustrime. Kjo histori e autorit më legjendar amerikan, vjen nën vizionin e dy prej emrave më të rëndësishëm të letërsisë së sotme për fëmijë.

Zbavitu dhe lexo këto përralla të bukura me princeshat e magjishme. Ktheji 6 librat me shpinë dhe shfaqi që të krijosh figurën me princesha.

Përralla të bukura me kafshë dhe me ilustrime gazmore nga Ilustratori i njphur italian Claudio Cenuschi. 5 libërthat që përfshin kutia janë: Lopa, Qeni, Delja, Lepuri dhe Kali.

Një udhëtim i mahnitshëm në botën magjike të përrallave klasike! Një puzzle sekret në kopertinat e pasme të 6 libërthave.

Në një qytet të vogël buzë detit, banorët shohin shpesh një vajzë të vogël - Mariana emrin ia thonë - të marrë rrugën drejt bregut. Por jo për të luajtur me bashkëmoshatarët e saj! Mariana gërmon rërën e artë! Mariana është në kërkim të një miku të veçantë, të një dinozauri, të cilin beson se do ta ndërtojë nga kockat që gjen gjatë gërmimit, në bregun e detit. Një natë, ndërsa shtrihet për të fjetur, shpreh një dëshirë nga thellësia e zemrës, që dinozauri të bëhet prej vërteti!... Dhe ndonjëherë, kur dëshirat thuhen nga thellësia e zemrës, ndodh të realizohen... Gjithçka është e mundur dhe asgjë nuk është si duket!

Përrallat e Vëllezërve Grim, një trashëgimi e vyer e letërsisë për fëmijë, shërben si simbol i të gjitha përrallave botërore dhe si burim i pashtershëm i përrallave të shkrimtareve bashkëkohorë. Më veprën e tyre ata shpalosin përpara lexuesit figura mitologjike, popullore, figura kafshësh, pyje misterioze etj., duke i stolisur me një shpirt romantik, plot fantazi, me fjalë të urta, epitete e figura të bukura letrare. Nuk e teprojmë aspak, nëse themi se përrallat e Vëllezërve Grim nuk janë të bukura vetëm për fëmijët,por edhe për të rriturit, që duan të përjetojnë botën e përrallave kur ishin fëmijë dhe filozofinë e tyre. Duke ngritur lart të bukurën, të ndershmen, të hijshmen, të vërtetën dhe të virtytshmen, dhe duke ndëshkuar ligësinë, djallëzinë, dashakeqësinë, makutërinë, Vëllezërit Grim përcjellin ende sot vlera edukative, duke e bërë të pavdekshme dhe triumfuese të mirën dhe të ndershmen. Duke pasur në dorë këte libër me mbi 200 përralla të Vëllezërve Grim, fëmijët e shohin veten jo vetëm si lexues, por edhe si heronj, me një shpirt të pasur, heroik dhe me mendje inteligjente e plot fantazi.

I shihni në foto se si janë hedhur? Ato të dyja janë Este dhe Kokoja, kurse ajo teta është teta Natasha, autorja e këtij libri. Teta Natasha, kur ishte sa Este, të themi të vërtetën nuk ishte aq çamarroke, por ama i pëlqente shumë të luante, por edhe të bënte ca rrëmujë. Ashtu si Kokoja me Esten, edhe ajo nuk e linte të qetë vëllanë e vogël: ia ngatërronte gjërat, ia rrëmbente çokollatat dhe ia lexonte fshehurazi ditarin. Ama, kur ishte sa ju, kishte një mace të bukur, të quajtur Bardha, së cilës i ndriçonte qimja nga pastërtia, sepse e lante çdo ditë. Vetëm se... ato gjërat, iiii e kuptoni vetë se për çfarë e kam fjalën... ato nuk i pastronte kurrë, por ia linte gjyshes. Ashtu si Este, teta Natasha pëlqente shumë baletin, por, ama, ashtu si Kokoja nuk e shijonte fare qumështin. E shihni sa shumë ngjan ajo me Esten dhe Kokonë? E po, prandaj dhe e ka shkruar këtë libër të bukur, sepse herë pas here, edhe tani që është e rritur, asaj i pëlqen shumë të jetë si ju fëmijët. Mos u çudisni nëse ndonjë ditë e shihni të ulur te karuseli, apo në shilarësin pranë teje. Përshëndeteni dhe pyeteni nëse do të ketë një tjetër libër të tretë për bëmat e Estes dhe të Kokosë. Bah, por ku i dihet....

Gjuha është arti më mbresëlënës që kanë shpikur njerëzit dhe që përdoret nga çdokush çdo ditë. Sa shumë mesazhe, sa shumë emocione e befasi përcillen përmes fjalëve! Por edhe humor, i cili na pëlqen të gjithëve. Në këtë përrallë Fjala është një fëmijë çapkën e i hareshëm, që bën rrengje dhe i zbulon magjitë e botës duke luajtur. Librat e serisë “fjalistikei” janë si kënd argëtimi fjalësor, ku luhet me format e fjalëve, me përbërësit e tyre, me kuptimet, theksin, rimat, ritmin, tingullimitimet, antonimet e sinonimet, shprehjet frazeologjike etj. Aventurat fantastike-fjalistike të presin, vogëlush!

Pjesa e dytë e librit sensacional më të shitur të New York Times, Histori përpara gjumit për vajza rebele, i cili i frymëzon vajzat në mbarë botën për të ëndërruar më shumë, për të synuar më lart dhe për të luftuar më fort, është një përmbledhje krejtësisht e re me njëqind histori përpara gjumit, i cili kremton historitë e grave të jashtëzakonshme që nga Nefertiti te Beyonce, Rosalind Franklin dhe te J.K.Rowling. Mbretëresha dhe aktiviste, balerina dhe avokate, pirate dhe informaticiene, astronaute dhe shpikëse - një pranëvënie e mahnitshme që të lë një ndjesi emocionuese mundësish. Histori përpara gjumit për vajza rebele është kthyer me më shumë histori."- “Smart Grils” nga Amy Poehler "Lexime themelore për vajza, por dhe për djem; është e sigurt se fëmijët që e kanë lexuar këtë libër para gjumit do të shohin ëndrra të këndshme dhe frymëzuese."- Fiona Noble, The Guardian "Duket si libri i parë, por është bërë edhe më i mirë!"- Taylor Pittman, Huffington Post 'Libër kundër princeshave, që i mëson vajzat si të rebelohen."- Georgina Rannard, BBC News "Ky libër i mrekullueshëm tregon se vajzat mund të bëjnë gjithçka që duan."- Melinda Gates