Një libër i mrekullueshëm. Vjersha të një niveli superior që argëtojnë dhe, njëkohësisht, arrijnë të japin mesazhe edukative. Ky libër shkathtëson dhe motivon, luan dhe mpreh imagjinatën e fëmijëve, formon shprehitë dhe i bën ata më krijues. Në kushtet e mungesës së librave cilësorë, ky botim vjen si një dhuratë e çmuar për fëmijët tanë.

Pas pëlqimit dhe vlerësimit, (prindër, fëmijë), të librit tim të parë "Ilaçi i diturisë", vendosa të sjell për ju vëllimin tjetër me vjersha dhe fabula, duke e bërë, përveçse argëtues, edhe disi enigmatik. Qëllimi im nuk është të vështirësoj leximin tuaj por përkundrazi, për ta bërë atë akoma më tërheqës, si edhe një shtysë për t'ju dhënë juve një farë mundësie për krijimtaritë tuaja personale, vjersha, përralla tregime. Pra, nëse mundesh të plotësosh fjalët që mungojnë, atëherë jam i bindur se mundesh të krijosh diçka tënden.

Një përmbledhje me vjersha të shkurtra për kafshët. Nëpërmjet tyre, fëmijët mësojnë artistikisht një vjershë dhe në të njëjtën kohë njihen me kafshë të rralla. Libri është një lloj enciklopedie poetike për fëmijë.

Libri, “Lodërzat e alfabetit”, ju mëson fëmijëve, 36 germat e alfabetit, nëpërmjet vjershëzave dhe ilustrimeve me ngjyra. Vjershëzat, mund të përdoren, sipas alfabetit, për t’u recituar në festën e abetares.

Era frynte degët tund, një kapel gjyshi e humb, pa kapel gjyshi mbeti, si e qysh ç’të bëj i shkreti. Te një deg u ndal kapela, se aty e hodhi era, një zog tha fole e re, ci-ci-ci kam ku të fle. Hidhet zogu krahët mbledhte, nis lazdrohet në kapele, kurse gjyshi trupin mbledhte, s’mund të blej të till kapele. E kërkon dot nuk e gjen, nje te vockël gjyshi blen, porse koka jasht i rrin, gjyshi hesht ç’të bëj tani. Një zog vjen e nis tregon, për kapelen që kerkon...

“Si ta mësojë Peshku Abetaren” është një nga librat më të bukur me vjersha për fëmijët nga parashkollori deri në klasën e gjashtë. Aty ata do të gjejnë veten me larminë e tematikave të vjershave dhe thjeshtësisë së ndërtimit të tyre. Poezitë për fëmijë të dr. Moikom Zeqos, para së gjithash lidhen me simbole kryesore të botës, të natyrës dhe të edukimit. Në to zotëron natyra fabulore, enigmat dhe të papriturat që fëmijët takojnë gjatë rritjes së tyre në lidhje me universin dhe njerëzit.

Kacamicri është i përbotshëm. Shëmbëlltyra e tij prej miushi dhe hi-hi-hi-ja e tij gazmore spikasin në folklorin e pothuajse çdo populli që nga ekuatori e deri në zonat polare. Autori na vjen me një libër me vjersha ku tregohen aventurat e miushit çamarrok dhe gazmor.