titleToAlt
Njëzet vjet pas  Ungjilli sipas Jezu Krishtit , José Saramago i kthehet përsëri trajtimit të fesë me një prozë të përsosur për nga stili dhe për nga ironia. Në qoftë se në të kaluarën fituesi i çmimit Nobel (1998) dha versionin e tij të Dhiatës së Re, tani vihet përballë Dhiatës së Vjetër. Dhe për ta bërë këtë, zgjedh personazhin më negativ, personifikimin biblik të së keqes, të atij që vrau vëllain e vet: Kainin. Duke përmbysur vlerësimin tradicional, Saramagoja na e jep Kainin si një qenie njerëzore as më i mirë dhe as më i keq se të tjerët. Përkundrazi, Zoti është një Zot i lig, i padrejtë dhe smirëzi, që nuk e di çfarë do dhe, mbi të gjitha, nuk i do njerëzit. Është një Zot që nuk pranon, vetëm nga trilli dhe mospërfillja, mblatën e Kainit, duke shkaktuar kështu vrasjen e Abelit. I dëbuar dhe i dënuar me një jetë endacake, Kaini niset drejt aventurës në hapësirën dhe kohën biblike. Dashnor i Lilithit të panginjur, ai herë është dëshmitar e herë protagonist i ngjarjeve kundër të cilave ngre krye. Ai ndal krahun e Abrahamit, kur do që të vrasë të birin, Isakun, sheh i tmerruar fëmijët që vdesin në flakët që përfshijnë Sodomën, sheh shembjen e Kullës së Babelit, merr pjesë në zemërimin e Moisiut, i cili shkon në shpatë vetë popullin e tij, vështron masakrat e Jerikos, përpiqet të zbusë vuajtjet e Jobit të gjorë dhe, në fund, kur hipën në Arkën e Noes, merr një vendim të prerë, që u jep fund bëmave të tepruara të Zotit inatçor, mizor dhe të shthurur, ku me një mjeshtëri të përsosur, autori e ndryshon rrënjësisht rrjedhën e historisë njerëzore. Romani "Kaini" është vepra më e madhe e shkrimtarit, pjekuria e të cilit ndoshta nuk është shpalosur kurrë kaq e lirë, kaq e kthjellët dhe kaq e mprehtë sa në këtë vepër. Romani "Kaini" tregon luftën mijëravjeçare midis njeriut dhe Zotit, midis krijuesit dhe krijesës së tij.
Price: 750 Lekë
titleToAlt
Sikur José Saramago të kishte jetuar disa shekuj më parë, pa asnjë dyshim që ky ungjill i pestë do t'i kishte marrë mbi vete rrufetë e Kishës dhe do t'i kishte kushtuar turrën e druve. Por, të kundërshtosh sot një histori, që prej dy mijëvjeçarëve është pjesë e së shenjtës, është kujtesë simbolike dhe model i qytetërimit tonë; ajo nuk përbën më një herezi apo blasfemi. Megjithatë, ende vende dhe fe të tjera nuk ngurrojnë të japin vendime të pamëshirshme vdekjeje kundër poetëve dhe poezisë. Por a është me të vërtetë caku i lirisë aq i madh sa duam ta besojmë? Kjo është pyetja që shtron këtu Saramagoja, duke e bëri Jezusin, këtë bir të Zotit që nuk donte të ishte i tillë, viktimë flijuese dhe instrument nga më absolutët të pushteteve siç është edhe ideja e Zotit, kundër të cilit çdo rebelim është i pamundur. Ashtu si revolucionet, fetë hanë fëmijët e tyre, sado të pafajshëm të jenë.Në këtë ungjill, që tregon fëmijërinë dhe jetën vetjake të Jezusit në një dramë romaneske madhështore, duke përzierë historinë, mitin dhe trillimin, Saramagoja fton lexuesin të marrë pjesë në debatin volterian, ku jepen Zoti, Djalli dhe Jezusi, duke mos qenë asnjëri ai që beson se është. Poezia e autorit dhe ironia e tregimtarit bashkohen në një stil madhështor, një nga më të përsosurit dhe më mjeshtërorët e letërsisë së sotme europiane dhe asaj botërore.
Price: 1100 Lekë
titleToAlt
Popuj të vegjël. Popuj të mëdhenj. Fate popujsh të vegjël. Fate popujsh të mëdhenj. Njerëz të vegjël. Njerëz të mëdhenj. Fate njereëzish të vegjël. Fate njerëzish të mëdhenj. Midis këtyre nocioneve gjenden ura lidhëse dhe ngjashmëri të çuditshme. Fatet e popujve përthyhen përherë në personalitetin njerëzor të individëve dhe këta të fundit, si bartësit e vetëm të mendësive të popujve, në fatin e tyre kanë skemat e historisë së popullit që i përkasin. Në një farë mënyre, gjithsecili individ rijeton historinë e popullit të vet, pavarësisht nga koha në të cilën vendoset. I vetmi vend në të cilin mund të shkosh në çdo kohë të kërkosh fate të vegjël a të mëdhenj popujsh është brenda fatit të individit.
Price: 500 Lekë
titleToAlt
Mari Magdalena është reale, siç janë edhe gratë e tjera rreth Jezusit, dishepujt, perandorët dhe një sërë emrash të tjerë.nA ishte Mari Magdalena e dashura e Jezusit As që duhet menduar! Shumë feministe bashkëkohore dhe admiruese perëndeshash janë përpjekur ta ngrenë Mari Magdalenën duke e lidhur atë me Jezusin seksualisht... një kundërshti në përqasje, edhe sikur të qe e tillë. Jezusi bëri një jetë pa mëkate, që përfshinte qëndrimin larg kurvërisë e qejfeve. Ai i qe kushtuar krejtësisht dëshirës së Atit dhe qëllimit të tij për çlirimin e njerëzimit.
Price: 500 Lekë
titleToAlt
Kam dashur të bëj përpjekjen për ta paraqitur Jezusin e Ungjijve si Jezusin real, si "Jezusin historik" në kuptimin e vërtetë dhe të mirëfilltë të fjalës. Unë jam i bindur, e shpresoj se edhe lexuesi do ta kuptojë, se kjo figurë është shumë më e logjikshme, dhe nga këndvështrimi historik, edhe më e kuptueshme se rindërtimet me të cilat na është dashur të përballohemi në dhjetëvjeçarët e fundit. Unë jam i mendimit se pikërisht ky Jezus - ai i Ungjijve - është një figurë historikisht e arsyetuar dhe bindëse. Vetëm nëse ka ndodhur diçka e jashtëzakonshme, në rast se figura dhe fjalët e Jezusit kishin tejkaluar rrënjësisht të gjitha shpresat dhe atë çka priste epoka, shpjegohet kryqëzimi i tij dhe shpjegohet efektshmëria e tij. Tashmë rreth njëzet vjet pas vdekjes së Jezusit e gjejmë të shpalosur plotësisht, në himnin e madh kushtuar Krishtit në Letrën filipianëve (khs. 2,6-11), një kristologji, ku thuhet se Jezusi ishte i barabartë me Zotin, por e zhveshi veten, u bë njeri, u përul deri në vdekjen në kryq dhe se Atij i takon nderi për krijimin, i takon adhurimi, që te profeti Isai (khs. 45-23) Zoti kishte shpallur se i përkiste vetëm Atij. Kërkimi në lëmin e kritikës e shtron me të drejtë pyetjen: çfarë ka ndodhur gjatë këtyre njëzet vjetëve që nga kryqëzimi i Jezusit? Si është arritur tek kjo kristologji? Veprimi i formacioneve komunitare anonime, tek të cilat bëhen përpjekje për të gjetur eksponentët, nuk shpjegon asgjë. Qysh vallë disa grupime të panjohura paskan mundur të jenë aq krijuese sa për të bindur të tjerët dhe për t'u imponuar në atë mënyrë? A nuk është më e logjikshme, edhe nga pikëpamja historike, se madhësia e ngjarjes ka zënë vend që në fillim dhe se figura e Jezusit, në praktikë i ka hedhur në erë të gjitha kategoritë e disponueshme dhe kështu ka pasur mundësi të kuptohet vetëm duke u nisur nga misteri i Zotit?"
Price: 1200 Lekë
titleToAlt
Si studiuese e gjuhës arabe dhe e civilizimit islam, Sherry Jones, vite me rradhë ka punuar për romanin e saj të parë "Xhevahiri i Medinës", me synimin që botës perëndimore t'i paraqiste njërën nga personalitetet më të jashtëzakonshme të islamit dhe njërën nga gratë më të mëdha në historinë e njerëzimit, Aishe bin Ebu-Bekirin, bashkëshorten më të dashur të të Dërguarit të Allahut, Muhametit. Ndërkohë që "Xhevahiri i Medinës" është romani, që i kushtohet periudhës së rritjes dhe të pjekurisë së Aishes, "Shpata e Medinës" është rrëfimi mbi transformimet e para në botën islame. Ai është rrëfim kushtuar katër Kalifve të Drejtë dhe, para së gjithash, kushtuar Aishes, si një grua e pjekur, si një politikane, si një luftëtare dhe nënë e myslimanëve.
Price: 1200 Lekë
titleToAlt
Ajo ishte bota e Aishes, bijë e Ebu-Bekirit. Kur ajo u Iind në vitin 613, gratë konsideroheshin pronë, zotërim i burrave, dhe ishin aq pa vlerë, saqë prindërit e tyre mund t'i groposnin të gjalla, nëse në atë vit do të kishin lindur shumë vajza. Që kur Aishen e fejuan në moshën gjashtëvjeçare, e kishin mbyllur në shtëpinë e prindërve, ia kishin ndaluar të vraponte e të luante jashtë, kurse me djemtë nuk i lejohej as të fliste. Por, megjithatë, ajo u bë një grua e fuqishme dhe me autoritet; u shndërrua në një bukuroshe flokëkuqe e të përmendur, me një mendje të zhvilluar dhe gjykim të mprehtë, duke u bërë një këshilltare politike me ndikim. Aishja u dallua si një luftëtare e dijetarit të fesë, duke u bërë personazh në njërën nga rrëfimet më prekëse të dashurisë që mbahen mend, si bashkëshorte e zgjedhur e Profetit Muhamed.
Price: 1200 Lekë
titleToAlt
Pjesa më e madhe e njerëzimit duhet ta mësojë nevojën e kuptimit të drejtë të botës. Vetëm atëherë njeriu mund të bëhet me të vërtetë njeri. Tani njeriu mbetet njeri vetëm nga emri; në fakt ai ende nuk është shndërruar në njeri, meqenëse i mungojnë cilësitë e nevojshme: nuk ka dhembshuri, nuk ka dashuri, i mungon meditimi. Mungojnë lutja, mirënjohja, as festë nuk ka. Kryesorja është të kuptohet drejt e gjithë situata. Po si ka vepruar deri më tani njeriu? Çfarë nuk ka bërë drejt? Pse ka aq vuajtje rreth e rrotull? Pse nuk e shohim kurrë thelbin e vërtetë të problemit?
Price: 1000 Lekë
titleToAlt
Libri "Feja: Nëse ka zot ..." është i pari që ai shkroi drejt e në anglisht dhe përbën një përmbledhje të thelbit të mendimit të tij filozofik për sa i takon fesë, duke parashtruar nga një kënd shikim historik argumentet pro e kundër ekzistencës së Zotit gjatë rrjedhës së shekujve, duke nisur nga epikurianët deri te Niçja, apo hulumtimet bashkëkohore antropologjike.
Price: 800 Lekë
 
All rights reserved. © 2015 Library Albania