titleToAlt
Në librin "Sapiens", Youval Noah Harari eksploroi të shkuarën tonë. Te "Homo Deus", ai hodhi vështrimin tek e ardhmja. Tani një nga mendimtarët më novatorë në planet i kthehet së tashmes për të kuptuar çështjet e saj më të nxehta. Si e ndryshojnë kompjuterat dhe robotët kuptimin e të qenit njeri? Si përballemi me epideminë e lajmeve të rreme? A janë kombet dhe fetë ende domethënëse? Çfarë duhet t'u mësojmë fëmijëve? "27 leksione për shekullin e 27" i Yuval Noah Harari-it është një hulumtim zhbirues dhe largpamës në problematikat më të nxehta të ditëve të sotme ndërkohë që lëvizim drejt hapësirave të panjohura të së ardhmes. Teksa teknologjia përparon më shpejt sesa vetë ndërgjegjësimi ynë rreth saj, pirateria informatike kthehet në një taktikë luftarake dhe bota ndihet më e polarizuar se kurrë, Harari na njeh me sfidat e rrjedhës së jetës në përballjen me ndryshimin konstant dhe të pa orientuar dhe shtron pyetje të rëndësishme ekzistencialiste që secili nga ne duhet t'ia bëjë vetes për të siguruar mbijetesën. Në njëzetë e një kapituj gjithëpërfshirës, e njëkohësisht provokues dhe të thellë, Harari shtjellon më tej tezat e shpalosura në librat e tij të mëparshëm, duke hedhur dritë mbi çështjet politike, teknologjike, sociale dhe ekzistenciale dhe jep këshilla se si të përgatitemi për një botë të së ardhmes krejtësisht të ndryshme nga e sotmja: Si mund të ruajmë lirinë e zgjedhjes kur Big Data na vëzhgon? Si do të duket forca punëtore e së ardhmes dhe si do të duhet ta përgatisim veten për këtë? Si duhet të përballemi me kërcënimin e terrorizmit? Pse është në krizë demokracia liberale? Aftësia unike e Hararit për të shpjeguar nga vijmë e ku shkojmë, ka ngacmuar imagjinatën e miliona lexuesve. Këtu ai na fton të marrim në konsideratë vlerat, kuptimin dhe angazhimin personal në një bote të tejmbushur me zhurmë dhe pasiguri. Kur rrethohemi nga informacione të pavërteta qartësia është pushtet. Paraqitja e sfidave komplekse dhe bashkëkohore në mënyrë të qartë e të kuptueshme, e bën "27 leksione për shekullin e 21" një libër thelbësor për t'u lexuar.
Price: 1500 Lekë
titleToAlt
Price: 900 Lekë
titleToAlt
Price: 1800 Lekë
titleToAlt
Kujtimi i Templarëve jehon përmes shekujve në Botën Perëndimore. Si arsye e misterit të së pavetëdijshmes kolektive, ngjashmërisht me të varfrin që kujton pasurinë e tij të dikurshme, të shqetësuarin me paqen e tij të mëparshme a të sëmurin me shëndetin që kishte, ekziston edhe te secili prej nesh një etje e vazhdueshme për të studiuar fenomenin e Templarëve. Pashmangshmërisht, ndjejmë se në të fshihet ende i gjallë një sekret i së shkuarës, si një çelës i ndritshëm për të hapur portat e së nesërmes. Ekzistojnë me mijëra libra të botuar mbi këtë temë, dhjetëra filma dhe dokumentarë, kërkime shpesh të sëmura dhe maniake deri në detaje vetëm e vetëm që të na zbulojnë diçka më tepër rreth tyre. Natyrshëm, pothuajse e paformuluar dhe e heshtur, na lind pyetja: mes mijëra teksteve të dedikuara këtyre mistikëve dhe luftëtarëve mbrojtës të udhëve (në të gjitha kuptimet e termit) e mes qindra tezave të cilat përpiqen të zbulojnë "sekretin" e Urdhrit Templar, për çfarë na flasin faqet e këtij libri? Kjo është një enigmë, të cilën duhet ta zbulojë vetë lexuesi, kur zemra e tij të ndërmarrë aventurën brenda muzikës dhe së vërtetës së këtyre faqeve, atëherë kur, sikurse thoshte Aristoteli, zëri i qartë ose jo i atij që depërton brenda, të shndërrojë "nga latente në të gjallë" gjithçka që fle dhe pret brenda këtij libri.
Price: 800 Lekë
titleToAlt
Rite e simbole në ceremonialin e dasmës tradicionale është një studim në fushën e antropologjisë seritit tradicional në ceremonialin e dasmës shqiptare. Kjo është vepra e një studiuesje të antropologjisë së ritit, që vjen nga shkenca e folkloristikës, për të shfaqur, përmes një vepre ndërdisiplinare, kompetencën e saj si etnologe e suksesshme. Riti dhe shenja, më së shumti shoqërues të njëri-tjetrit, në studimin e Albana Velianjt shihen si nyja që mundësojnë stratifikimin shkencor të kulturës së familjes me rrjedhat e saj nëpër shkallë të ndryshme të" mendimit njerëzor, që kanë një kalendar tjetër prej atij të zhvillimit historik. I takon autores Albana Velianj merita që, larg cdo droje dhe ngurtësie, për të mos thënë dhe tabuje, përmes vëmendjes ndaj ritit, kulteve dhe ceremonialit, sipas asaj gjëndjeje që ruhen në këngët lirike të dasmës, ka arritur të shndërrojë në argument shkencor çështje të tilla si miti primordial i amësisë, kulti i pjellorisë, hyjnizimi i mashkullorësisë, motivimi erotik i rishtarëve në dasmë e në familjen e re. - Ndryshe prej një tradite jo të largët që ka qenë sunduese në studimet etnologjike shqiptare, traditë që mund ta përkufizonim si shkencë me erz, si shkencë namusqare, Albana Velianj kërkon kumte më të kristalizuara brenda zhguallit gjuhësor thuajse të desakralizuar, kumte që çojnë në thelbin antropologjik të së fshehtës.
Price: 800 Lekë
titleToAlt
Mbështetur fuqishëm mbi Urinë, mbi këtë kolonë bazike, në përpjekjet për nxjerrjen në pah të dinjitetit të njeriut, në respekt të lirisë dhe të drejtave të tij, tëe identiteteve të ndryshme, kulturës, gjuhës, traditës, etj., mund të arrihet të ndërtohet një rend i ri botëror i pavarësi-ndërvarësisë dhe i shumëllojshmërisë kulturore e pasurisë gjuhësore. Krahas zhvlerësimit në vazhdimësi të t(kurtheve" të shtetit-komb, ai mund të jetë dhe rendi i një ideologjie të përbashkët si ajo e lirive dhe të drejtave të njeriut, por dhe i një ekonomie morale tregu, një ekonomie metakapitaliste mjaft më sociale. Është pikërisht ky rend i ri që mund të vendosë në qendër të tij qytetarin global, të lirë, të barabartë e me dinjitet, që, pavarësisht përkatësisë së tij (etnike, fetare, kulturore e racës), të mund të deklarojë në ço çast dhe në çdo vend: Civis sum! (Unë jam qytetar!). Është pikërisht ky rend "atomik" i qytetar i të lirë e sovran, pavarësisht origjinës e përmasës konkrete të përkatësisë së tij kombëtare, që do të duhet të mishërojë të ardhmen e afërt të shoqërisë njerëzore, vetë ëndrrën e barazisë njerëzore dhe të lirisë, pra dhe rendin e vërtetë botëror, që duhet të konceptohet e të ndërtohet me një permbajtje të tillë. Por arritja e këtij niveli të zhvillimit njerëzor nuk duket aq i lehtë, për aq kohë që vetë rendi botëror akoma dhe aktualisht, me gjithë gërryerjen graduale, në kushtet e reja globale e hapësinore-kohore, vazhdon të konceptohet dhe të funksionojë si një rend i shteteve-kombë. Ky është dhe "kurthi" gati 400 vjecar që ky shtet-komb na ka ngritur, madje duke vazhduar të mbijetojë me konservatorizëm deri në ditët tona. R. Meidani
Price: 2000 Lekë
titleToAlt
« Deri te nënshkrimi i memorandumit erdhëm fale vullnetit të shefes së redaksisë së gjuhës shqipe, drejtorit Wang Gengnian dhe ambasadores Jiang Yu. Të gjithë ishim të motivuar për të institucionalizuar bashkëpunimin, si një nevojë e re komunikuese dhe i kaluam shpejt procedurat administrative e zyrtare, që jane pjesë e arsyeshme e komunikimit mes shteteve. U hap dritarja jone në CRI, po ashtu edhe dritarja e CRI në faqen e ATSH-se, u rrit shkëmbimi i lajmeve, fotot tona shpërndaheshin në mediume të ndryshme kineze dhe Shqiperia kishte një prezencë të shtuar në rrjetin mediatik kinez. Informacionet përcilleshin të drejtpërdrejta, refererencat ishin CRI dhe ATSH. CRI është një institution mediatik mjaft prestigjioz. Ajo transmeton në mbi 65 gjuhë të botës dhe mbetet një referencë mediatike e patjetërsueshme. Por edhe redaksia e vogël e shqipes, ku drejtonte Vera, ka peshën dhe rëndësinë e një mediumi që nuk përcaktohet fare nga numri. Ajo çfarë transmeton ka një vlerë të konsiderueshme jo vetëm për rëndësinë e lajmit, por edhe për diafragmën e madhe të transmetimit. Kjo redaksi i ka ndjerë mbi lekurë rete kalimtare të politikës, por ka ditur të orientohet mirë për të ruajtur ndjenjat e mirëkuptimit e të miqësisë. Mund të duket paksa patetike, por në fakt është në thelbin e punës së redaksisë, që seksioni shqip ka qenë gjithnjë në vullnetin pozitiv për të kontribuar në afrimin e dy popujve me njëri-tjetrin. E kam konsideruar një pedanë të fuqishme, hapin qëe hodhëm për t’i zgjeruar marrëdhëniet dhe çdo ditë që mbushej me informacione nga vendet tona respektive e dëshmonte këtë...
Price: 800 Lekë
titleToAlt
Për të shkuar në Berat nuk ka rrugë. Është një qytet mysliman, në të hyrë të një gryke të lumit Apsus (Osumi - shën. im) dhe për të mbërritur atje që nga Vlora duhen 15 orë me kalë. Pothuajse s'ka rrugë dhe qyteti është i besimit mysliman. Minaret e tij duken që larg e ngado zotërojnë shtëpi të bardha me kopshte. Në portat e qytetit, pasi le varrezat e vjetra, në qender gjen pazarin. Aty takon "haxhiun" me rroba jeshile dhe hoxhën me tyrben në kokë, si dhe ushtarakë e funksionare turq. Aty këtu ka dhe gege e vlleh, apo tregtarë nga kjo zonë bizantine e Belgradit të Mesjetes. Atje u prita nga Anthim Aleksudhi, mitropoliti i një dioqeze të madhe, një peshkop ortodoks dhe një prelat i shkëlqyer, me shumë kulturë. Ai i ishte kushtuar arkeologjisë dhe ishte anëtar i Sillogut të Kostandinopojës. Kur flasin për të, përmendin gjithnjë epitetin ‘’Miku i artit" dhe ai e ka merituar këtë. Anthimi ka gjetur në Berat dhe një numër hebrenjsh që i pikas nga kapuçi i zi në kokë. Por popullsia, si dhe gjuha është shqiptare. Qyteti lart është i rrethuar nga një mur bizantin gjysmë i rrënuar, ku s'ka asnjë dyqan apo xhami. Atje gjendet shtëpia e peshkopit dhe e shenjtërisëe së tij mitropolitit. Të gjithë njerëzit janë ortodoksë. Zbrita në lagjen e Kalasë dhe mora ... "
Price: 1000 Lekë
titleToAlt
Qytet, qëndër sanxhaku në mes të Shqipërisë, e varur nga vilajeti i Janinës, 145 km në veri-perëndim të saj, 185 km në jug të Shkodrës dhe 50 km në lindje të bregdetit të Adriatikut, buzë një lumi, me të njëjtin emër, që derdhet në Devoll, rrëze malit, në gjerësinë veriore 40°4/30 dhe në gjatësinë lindore 17036,27,,. Ka 10.000 frymë, pjesa më e madhe e të cilëve është myslimane. Ka 10 xhami, 12 xhami të vogla pa minare, 1 medrese me 15 dhoma përreth, 1 shkollë plotore, disa fillore, shumë teqe, 600 dyqane, 1 hamam dhe 1 bezistan. Në majë të kodrës qëe ngrihet në anën e sipërme të qytetit është një kala e vjetër shumë e rëndësishme. Megjithëse klima është pak e rëndë, vreshtat dhe kopshtiet janë të shumta. Është një vend me tregti të zhvilluar dhe tregu ka shumë lëvizje. Në lindje të qytetit shtrihet një mal i lartë, i veguar dhe me formë të çuditshme, i emërtuar Tomor, nga brendia e të cilit herë pas here ndihet një ushtimë e ngjashme me gjemimin e topit, e cila nga populli njihet si shenjë për një ngjarjë tëe jashtëzakonshme. Qyteti i Beratit gjatë sundimit bullgar u quajt Beligrad. Bejlerët e Beratit janë pasardhës të fisit të vezir Omer Pashë Vrionit, që u emërua qeveritar i Janines pas Ali Pashe Tepelenës. Xhamia më e madhe është ajo e ndërtuar nga sulltan....
Price: 1000 Lekë
titleToAlt
Ai që beson se shkencat historike dhe arkeologjike në pergjithesi jane ekzakte, nuk njeh proçesin zhvillues ciklik të të njëjtave disiplina dhe punën emocionuese e njëkohësisht të lodhëshme të interpretimit të vazhdueshëm të koncepteve. Grekët e lashtë e quajtën "Egjipt", tokën e vjetër të Kcra-it, çka do të thotë "mister" dhe "enigmë". Brenda kësaj enigme kemi zgjedhur zonën e qytetit të lashtë të quajtur Tebas. A ekziston ndonjë "histori tjetër" e Egjiptit dhe rjedhimisht, edhe e Tebasit? Nuk ekziston një variant i tillë i saktë, por ekzistojnë tradita që mund të shërbejnë si alternativa të mundshme ose të pakten, që janë disi më të mundshme sesa ato që ofron shkenca zyrtare. Me Tebasin do përpiqemi të heqim vellon, që mbulon misteret e Egjiptit te lashtë.
Price: 1000 Lekë
titleToAlt
Price: 800 Lekë
titleToAlt
“... Kur ndërmora të lëxoj dorëshkrimin Mbresa parisiane, u befasova. Ishte dhuratë e vyer për mua. Nëse doni të zhyteni në pasurinë e vërtetë të këtij qyteti, atë çka ai i ofron shpirtit njerëzor, të ecni në kthinat e qoshet e tij, të përjetoni historinë e marrëdhëniet e tij me figurat letraro-artistike të dy shekujve, atëherë merrni në duar Mbresa parisiane. Është një histori dashurie, një ftesë një grishje, e cila përmes detajesh marramendëse, forcës, thellësisë e saktësisë së fjalës, përcjell disa nga faktet më të rëndësishme artistike, letrare e kulturore të kohës, copëza të artit e kulturës që gjallon e rreh në zemrën e këtij qyteti. Është një guidë kulturore e historike, një shëtitje e këndëshme, një gosti e bollshme të marra së bashku, servirur, me përkushtim e finesë, ashtu siç di vetëm Luan Rama. Ky libër i vyer e i denjë për çdo bibliotekë, i bashkëngjitet Përballë tablosë dhe Parisi letrar të këtij autori, duke formuar kështu një triologji të përkorë, në gjuhën tonë të bukur.”
Price: 900 Lekë
titleToAlt
Duke përvijuar lartësitë e spikatura të kulturës kineze, autorët ndajnë me ju vizionet e tyre për konceptet dhe pasionet e kombit kinez gjatë 5000 vjetëve të kaluar. Pas leximit të përshkrimit të këtij diapazioni historik të shënuar nga krijimtaria dhe prirja për risi, të dukshme edhe sot në kryeveprat e gjalla artistike dhe traditën folklorike, ju do të përfitoni shpejt një kuptim më të mirë të karakterit kulturor, pikëpamjeve për jetën, synimeve estetike dhe frymes kombëtare të popullit kinez. Përmes çdo vepre të artit ose arkitekturës shpaloset një histori apo legjendë magjepsëse.
Price: 1800 Lekë
titleToAlt
Price: 900 Lekë
titleToAlt
Price: 700 Lekë
titleToAlt
Gjendje e pashpresë? Të ndodhur përballë sfidave të globalizimit, i cili nuk i ka bërë njerëzit aq të lumtur sa parashikohej, përpara shpërthimit të një barbarie që mendohej se ishte lënë prej kohe pas nga "Përmbushja e Historisë", më në fund, dëgjojmë thirrjen se tani, për t'u mbrojtur, na duhet të nxjerrim kulturën si mburojë kundër nihilizmit dhe fanatizmit. Por, a bëhet fjalë vallë për një kulturë tregtare ku fusim gjithçka dhe që nuk njeh asnjë kufi, që nuk pranon asnjë përcaktim dhe paraqitet thjesht si argëtim? Apo përkundrazi, është fjala për një kulturë elitiste, të mbyllur, e cila u hapet vetëm profesionistëve të saj, si atëhere kur bëhet fjalë për teknoshkencat ashtu edhe në rastin e shkencave humane të lëna pas nga koha? Duke mos marrë përsipër përgjegjësinë për trashëgiminë e tyre kulturore, shoqëritë tona janë të dënuara të rrëzohen. Eshtë pikërisht ky boshllëk shpirtëror që sot lejon përhapjen e ideologjive radikale dhe të dhunshme, duke riprodhuar kështu edhe njëherë atë që dikur quhej boshësi dijeje. Ne notojmë në kohët moderne pa asnjë busull. Si do t'i gjejmë ne pikat tona orientuese në këtë xhungël dixhitale që kemi krijuar? A mos po ndodh përpara syve tanë përleshja e fanatikëve me njëri-tjetrin dhe përplasja midis klisheve ideologjike që në fakt nuk janë veçse kultura fallco? Francis Balle këtu zbulon se është ende koha për t'i dhënë shkollës dhe mediave mjetet për të rifituar atë terren që sot u është lënë në dorë ideologjive fanatike. U duhet kthyer dinjiteti arteve, historisë, letërsisë, filozofisë, kulturës. Profesor filozofie, përpara se të bëhej profesor i shkencave politike në Universitetin Panthëon-Assas (Paris2), Francis Balle, për disa vite, anëtar i Këshillit të Lartë të Audiovizualit (CSA), bashkëthemelues më 2007 i Revistës Evropiane të Mediave dhe Numerikut është autor i librit themeltar Mediat dhe Shoqëritë, botuar edhe në shqip (Papirus), si edhe i librave me titull Intelektuali dhe Tregtari (Flammarion) dhe Mediat (PUF).
Price: 700 Lekë
titleToAlt
Dikush mund të pyesë se çfarë kanë të përbashkët Parlamenti me një dhomë, rafti për tharjen e pjatave dhe tekstet e mesazheve. Apo çfarë lidhje ekziston midis pakos së lindjes, ksilitolit, saunës dhe vaktit falas në shkollë. Përgjigjja është e thjeshtë: të gjitha këto janë risi sociale finlandeze. Në Finlandë, si kudo gjetkë, atributet për arritjet ekonomike u takojnë risive teknike, por vetëm së fundi risitë sociale janë konsideruar si baza e harmonisë shoqërore. Barazia gjinore, arsimimi falas, siguria shoqërore universale dhe demokracia parlamentare, si dhe stabiliteti shoqëror që ata krijuan më pas, kanë siguruar mirëqenien e Finlandës. Ky libër, i cili është serioz dhe argëtues njëkohësisht, prezanton 100 risi sociale nga Finlanda.
Price: 1000 Lekë
titleToAlt
Leximi i veprës "Rrënjët e Brazili"t është i domosdoshëm për të gjithë ata që kanë interes të njohin më mirë Brazilin. Eseja e Serzhio Buarke de Holanda është një "klasik i lindur", nëse duam të përdorim shprehjen e bukur të Antonio Kandido. Libri shpjegon dhe paraqet Brazilin. I botuar në vitin 1936 ai mbart gjurmë të kohës së tij, një periudhë intelektualisht pjellore që nxori vepra cilësore mbi formimin historik dhe kulturor të vendit. Por libri dallohet nga veprat e së njëjtës epokë nga perspektiva e tij për të ardhmen, sepse u drejtohet sfidave dhe tranzicionit që po kalonte vendi, mes të shkuarës agrare dhe urbanizimit, trashëgimisë së kolonizimit dhe kohëve të reja, mes oligarkisë dhe premtimit për demokraci. Aktualiteti i veprës qëndron në vlerësimin që jep mbi demokracinë dhe mbi kushtet e lindjes së një kulture demokratike në Brazil.
Price: 800 Lekë
titleToAlt
Libri “Kushti Post-modern”, është një libër filozofik i shkurtër por tejet ndikues ku analizohet epistemologjia e kulturës post-moderne dhe fundi i meta-narracioneve, thelb i modernitetit. Për Lyotar-in, meta-narracionet, mes të cilave, reduksionizmi dhe nocionet teologjike të historisë njerëzore si Iluminizmi dhe marksizmi janë zhvlerësuar prej zhvillimit teknologjik në fushat e komunikimit, masmediave dhe shkencave kompjuterike; shkenca moderne shkatërron meta-narrativën e vet. Kjo është dhe vepra që përdori së pari termin “post-modernizëm”.
Price: 500 Lekë
titleToAlt
Franz Kafka për Milena Jesenskan: "Një natë më parë ëndërrova për ju. Çfarë ndodhi me hollësi, mezi e kujtoj, por gjithçka di, është se po shkriheshim te njëri - tjetri. Unë isha ju, kurse ju ishit unë. Së fundmi, ju morët flakë. Por, përsëri, transformimi fizik filloi dhe shkoi aq larg, sa ju nuk ishit më aty. Në vendin tuaj, në zjarr isha unë dhe po përpiqesha ta shuaja atë me pallto." Napoleon Bonaparte për Josephine de Beauharnais: "Shpirti im dhemb dhe nuk do të ketë qetësi për të dashurin tuaj. Është një vuajtje e bukur që më zgjojnë ndjenjat e thella për ty. Me ç'mënyrë e ke mahnitur gjithë qenien time dhe ke bërë që ajo të përqendrohet e tëra te ju? Të jetoj për Josephinen, kjo është historia e jetës sime. Sa kohë do të kalojë deri sa ju t'i lexoni këto fjalë, këtë shprehje të dobët të një shpirti rob, ku ju jeni mbretëreshë?" Ludwig Van Bethoven së dashurës së tij të pavdekshme: "Edhe pse ende në shtrat, mendimet e mia shkojnë te ju, e dashura ime e pavdekshme! Herë me gëzim, herë me trishtim, pres të mësoj, nëse fati do të na dëgjojë. Unë mund ta jetoj jetën plotësisht vetëm bashkë me ju ose aspak. Ooh, vazhdo të më duash! Kurrë mos e gjykoni me dyshim zemrën besnike të të dashurit tuaj! Përgjithmonë i yti! Përgjithmonë e imja! Përgjithmonë e jona!"
Price: 700 Lekë
 
All rights reserved. © 2015 Library Albania