titleToAlt
Price: 1000 Lekë
titleToAlt
Në këtë udhërrëfyes motivues e tepër zbavitës, autorja bestseller #1 sipas gazetës New York Times dhe trajnerja e suksesshme që udhëton nëpër gjithë botën, Jen Sincero, na ofron 27 kapituj plot me histori frymëzuese dhe të hareshme, këshilla të urta, ushtrime të thjeshta dhe, aty-këtu, ndonjë sharje. Nëse je gati të bësh disa ndryshime serioze me jetën tënde, libri "Ti je vërtet i fortë" do të të vijë në ndihmë. Përmes tij do të identifikosh dhe ndryshosh besimet dhe sjelljet sabotuese që nuk të lejojnë të arrish atë që dëshiron, do të kapërcesh frikërat, me qëllim përballjen me rreziqe të mëdha emocionuese, do të gjesh si të fitosh më shumë para, do të mësosh si të duash veten dhe të tjerët, do të përcaktosh objektiva dhe do t'i arrish ato. Në thelb, ky libër të tregon si të krijosh jetën që e ke dashur gjithmonë me të vërtetë dhe si ta krijosh duke nisur nga tani. KUR TA KESH PËRFUNDUAR SË LEXUARI LIBRIN "Tl JE VËRTET I FORTË", DO TË KUPTOSH PSE JE Al QË JE, Sl TA DUASH ATË QË NUK E NDRYSHON DOT, Sl TA NDRYSHOSH ATË QË NUK E DO DHE Sl TA PËRDORËSH FORCËN PËR TË MPOSHTUR PENGESAT E BRENDSHME E TË JASHTME.
Price: 1000 Lekë
titleToAlt
Ai që shihet gjerësisht si "një nga librat më të spikatur të shkruar ndonjëherë që të ndryshon jetën", mund të jetë qasja më e thjeshtë për të arritur gjithçka që ke dëshiruar ndonjëherë, madje, më shpejt nga sa ke menduar se është e mundur. Po sikur të zgjohesh nesër dhe çdo fushë e jetës tënde të flllojë të shndërrohet? Çfarë do të ndryshoje? Metoda "Miracle Morning" tashmë po shndërron jetën e dhjetëra mijëra njerëzve anembanë botës, duke u treguar si të zgjohen çdo ditë me më tepër energji, motivim dhe fokus, për ta ngritur jetën në një nivel të ri. Ka qenë këtu, para syve tanë, gjatë gjithë kohës, por ky libër e solli më në fund në jetë.
Price: 1000 Lekë
titleToAlt
Lindur e rritur në Tiranë dhe e edukuar me dëshirën dhe dashurinë për jetën. Ka kryer studimet e larta për Ekonomi dhe Politika të Zhvillimit Rural dhe Studime Pasuniversitare Master në Ekonomi dhe Politika, pranë Fakultetit të Agrobiznesit "UBT", Tiranë. Rruga drejt njohjes së vetvetes shënoi një kthesë në jetën e saj. "Libri erdhi në jetë si një domosdoshmëri e qenësishme për të shprehur me fjalë ato që unë kërkoj në thellësinë e shpirtit tim. Dhe si një kërkesë nga lexuesit e librit tim të parë: "HAPAT DREJT VETVETES", me dëshirën për të qenë të parët që do të lexojnë këtë libër. Mirënjohëse! E shtyrë nga dashuria dhe domosdoshmëria për të ndarë qartësime të miat dhe njohuri nga përvoja ime drejt njohjes së vetvetes, për të ndikuar tek cilido që kërkon një rritje shpirtërore, atë të kthimit në vetvete." Pjesëmarrëse në aktivitete të ndryshme të lidhura me biznesin e saj, pjesëmarrëse në forumin e "Global Woman Business Forum" dhe Mastermind Class. E më pas anëtare e saj. Pjesëmarrëse në Programin "Inner Engineering Online" with Sadhguru, një mistik e vizionar indian. Një master I vetërealizuar. Krijuese e "Yoga and Meditation Centre" Shpirt i lirë. Motivuese dhe Trajnere shpirtërore. Krijuese e Programit "Seanca Vetëdijësimi me Elonën". “Në çdo moment ti zgjedh cilësinë e jetës që dëshiron Zgjedh të jetosh në lumturi Apo zgjedh të bësh një jetë të mjerueshme Është e gjitha në dorën tënde. Mos ia lër fatin tënd në dorë jetës, bëhu ti zot i fatit tënd.”
Price: 700 Lekë
titleToAlt
“Pas një leximi plot ëndje dhe vëmendje, në çastin që e mbarova përkthimin e Qasje artit poetik të Aristotelit nga Anton Nikë Berisha, disa mendime m'u përvijuan vetvetiu në mendje. Përkthimi në fjalë i këtij gurthemeli të artit poetik botëror, ka përparësinë madhore se është bërë me përkushtim, dije të thella dhe duke përdorur metodën krahasuese, mes disa përkthimeve të mëparshme prej gjuhëve të ndryshme që Anton Nikë Berisha me të drejtë i ka përmendur, por edhe seriozitetin e tij të dëshmuar si njeri i gjuhës dhe kujdesin e skajshëm për ta prurë sa më pranë burimores këtë vepër. Kjo më pëlqeu edhe më shumë, duke qenë një veçori e përkthimit të tij, që duke e sjellë sa më kuptueshëm në shqip, 2300 vite pas shkrimit të kësaj vepre, ai ka ruajtur gjithsesi frymën burimore, tiparet dhe formën e vetë Aristotelit, sepse përndryshe vepra do të ishte padyshim e përçudnuar (si ndodh shpesh në përkthimin e klasikëve të lashtësisë), duke humbur përmbajtjen dhe tingullin e saj të mirëfilltë. Është këndshëm kur vepra ndihet e lashtë, edhe kur e lexon në 2020, po sërish është e kuptueshme, e kjo është merita e veçantë e këtij përkthimi. Qasje artit poetik rrjedhimisht do të përbëjë ndoshta një pikënisje, një udhëzim për përkthyes të tjerë, që duan të lëvrojnë letërsinë antike.” -Elvi Sidheri
Price: 800 Lekë
titleToAlt
Libri bestseller, "Si mendojnë njerëzit e suksesshëm", është materiali më i përsosur dhe i përmbledhur për t'u lexuar për botën e sotme që ecën me ritme kaq të shpejta. Eksperti botëror i lidershipit, John C. Maxwell do t'ju mësojë si të jeni më krijues dhe kur duhet të vini në pikëpyetje të menduarit e përgjithshëm. Do të mësoni si të kapni kuadrin e gjerë, ndërkohë që fokusoheni te të menduarit. Do të gjeni si të rrisni potencialin krijues, të zhvilloni idetë dhe të nxirrni mësime nga e shkuara për të kuptuar më mirë të ardhmen. Me këto njëmbëdhjetë çelësa për të menduarin më efikas, do ta shihni shumë qartë rrugën drejt suksesit personal. 11 çelësat për të menduarit e suksesshëm përfshijnë: • TË MENDUARIT NË PLAN TË GJERË: Si të shohësh botën përtej nevojave dhe si të çon, kjo drejt ideve të mëdha. • TË MENDUARIT E FOKUSUAR: Si të largosh pengesat dhe shpërqendrimet mendore përtë realizuar potencialin e plotë. • TË MENDUARIT KRIJUES: Si të mendosh në mënyrë të veçantë dhe të bësh zbulime. • TË MENDUARIT E PËRBASHKËT: Si të punosh me të tjerët për të arritur rezultate. • TË MENDUARIT REFLEKTUES: Si të shohësh të shkuarën dhe të fitosh një kuptim më të mirë për të ardhmen.
Price: 800 Lekë
titleToAlt
"Ne kemi tashmë shumë të rinj e të reja që shkruajnë e botojnë libra, por jo të gjithë dinë të shkruajnë e të nyjëtojnë qartë e me mëtime të dukshme për saktësi e duke e tëholluar mirë brumin e shqipes. Kaon Serjani e ka nisur mbarë e mirë udhën e shkrimtarisë. Ai e ka në thua të shkruarit, por ka edhe zellin e përkushtimin për të bërë emër në letrat shqipe. Mbas romanit "Qelia e lirisë" dhe sprovave të tjera i është shtruar prozës filozofike e teologjike. Kemi nevojë për porozatorë që u qasen edhe lavrave studimore që kërkojnë dije e mençuri, sikundër është edhe libri Mbi të vërtetën, religjionin dhe moralin, të cilin e lexova me ëndje. Më duket se, në personin e Kaon Serjanit, ish-studentit tim të mirë, kemi një hulumtues të urtë e me perspektivë." Prof. Dr. Gjovalin Shkurtaj Akademik Emeritus "Kaon Serjani i prezanton lexuesit shqiptar me plot sukses të dhëna të reja empirike për sa i përket të së vërtetës, religjionit dhe moralit. Kjo është një prurje meritore për kuadrin e mendimit historik shqiptar për tri temat bosht që ka preokupuar kronologjikisht gjithë qytetërimin perëndimor. Autori ka përfituar të japë një përgjigje sa epistemologjike, pragmatike, etike po kaq edhe ontologjike bazuar në perceptimet, kërkesat dhe pikëpamje postmoderniste që po zotërojnë modelin dhe paradigmën e re jo vetëm shqiptare por edhe më gjerë këto dy dekadat e fundit" Dr. Femi Cakolli Instituti për Studime Shqiptare dhe Protestante "Kaon Serjanin e kam patur student në Seminarin e Denverit, ku shkëlqeu në lëndët që ndoqi, duke treguar premisa të mëdha për studiues. Këtë libër bën mirë ta lexojë cilido që po përpiqet të bëjë lidhjen e pjesëve të mozaikut të jetës sipas kuptimit të tyre." Dr. Douglas Groothuis Profesor i filozofisë dhe etikës në Seminarin e Denverit, Kolorado, SHBA.
Price: 600 Lekë
titleToAlt
Në këtë histori interesante psikologjike dhe shoqërore, Storr u përgjigjet pyetjeve: Nga krijohet ideja e "vetvetes së përsosur"? Pse është haq ndihuese te ne kjo ide? A ka ndonjë mënyrë për të thyer magjinë e saj? Për këtë ai mbështetet në Literaturën shkencore dhe interviston ekspertë Lidhur me çështje të personalitetit njerëzor. Ai përmbledh me mjeshtri qëndrime dhe besime të "mendimit perëndimor", nga Aristoteli, Kalvini. Frojdi, Sartri, Randi dhe Xhobsi, Selfie: Uni i unit është një analizë e "vetvetes moderne", shumë ndihmues për të gjithë ata që janë të fiksuar në veçantinë e vet. Është një histori e vetvetes që nga kohërat më të hershme (kur jemi përpjekur të rrisim statusin tonë brenda fisit) deri te vetja jonë e tanishme (e uritur për risitë teknologjike). Një gjë është e sigurt: problemet që ne reflektojmë në personalitetin tonë nuk lidhen me zhvillimin e teknologjisë. Ato lidhen me qytetërimin që ne kemi ndërtuar, një kulturë që për shumë dekada ka inkurajuar te ne nivele të larta përsosmërie.
Price: 1250 Lekë
titleToAlt
"Pas Hegelit nuk do të ketë më filozofi", një frazë kjo shumë e përhapur në shekullin e shkuar. Sistemi filozofik i Hegelit, pas atyre të Aristotelit, Thoma Akuinit dhe Kantit, ka qenë në të vërtetë projekti i fundit filozofik, i gjerë dhe i plotë, i cili është paraqitur dhe është gjykuar si i arrirë. Pas Hegelit, asnjë mendimtar tjetër nuk ka prodhuar një sistem të tillë të mbyllur, që të ketë pasur një ndikim të denjë për t'u shënuar lidhur me mënyrën se si shkon bota. Në këtë kuptim, Hegeli është vërtet "filozofi i fundit". Ka shumë arsye për ta lexuar Hegelin. Disa mendojnë se ai është paraardhësi i marksistëve. Për të tjerë, ai ka qene pararendësi i ekzaltimit fatal të shtetit, Por edhe në këtë rast, para se të pohojmë diçka të tillë, më parë mund të njohim Hegelin. Duhet shumë durim për të ndjekur gjurmët e mendimit të Hegelit, por një pasion edhe më i madh, ndërsa më i madhi që mendmi njerëzor ka provuar në rrjedhën e historisë së tij, është pasioni që të drejton te ky mendim". Kështu, lexuesi grishet të jetojë pak me këtë pasion të mendimit, ose të paktën “ta shijojë" atë. Ky libër është menduar si një interpretim letrar i përpiktë i tekstit, që e ngurtëson librin dhe e shndërron në një vepër të thatë, siç mund të jetë një leksik apo një fjalor. Më tepër, kjo është një përpjekje për një riprodhimtë druajturtë mendimittë fuqishëm të Hegelit, rrekje e ndërtuar në mënyrë që lexuesi, në vazhdën e një leximi progresiv, të kuptojë gjithnjë e më shumë, duke ndërthurur tekstet hegeliane me komente, nën drejtimin e Ralf Ludvvig, njërit prej njohësve më të mirë të Hegelit.
Price: 600 Lekë
titleToAlt
Pragmatizmi, është një lëvizje filozofike, e zhvilluar në Shtetet e Bashkuara, e cila pohon qëndrimin sipas të cilit si domethënia ashtu dhe e vërteta e një ideje është në funksion të rezultatit të tij praktik. Pra, thelbësisht pragmatizmi është një antiabsolutizm i fortë: bindja që të gjitha parimet lipset të shihen më shumë si hipoteza në zhvillim e sipër se sa si aksioma rreptësisht metafizike. Si një shprehje moderne e empirizmit, pragmatizmi lulëzoi e arriti të ndikonte mjaft në jetën amerikane që në gjysmën e parë të shekullit XX, duke u prirur ti trajtonte rezultatet tradicionale filozofike nën dritën e zhvillimeve shkencore dhe sociale.
Price: 600 Lekë
titleToAlt
Si vepra e dytë monumentale e Nietzsche-s, pas "Kështu doli Zarathoustra", ky libër mund të shihet edhe i përshtatur me vetë nëntitullin e tij: Prelud i një filozofie të së ardhmes. Kjo pasi autori shpreh, me anë të po asaj gjuhe të zgjedhur e plot metafora të Zarathustrës, të buruara nga zemra e një dashurie vetmitare për njeriun dhe të ardhmen e tij - koncepte dhe opinione të ndryshme për historinë natyrale dhe morle, për paragjykimet e filozofëve, për shpirtin e lirë dhe qënien fetare, për popujt dhe shtetet, e së fundi, edhe për të virtytshmit dhe aristokratët.
Price: 800 Lekë
titleToAlt
Aristoteli 2003
Leksionet e Hegelit mbi Aristotelin, në natyrë të njëjtë me ato mbi Platonin, përbëjnë një monografi autentike, që konsiderohet absolutisht si një nga shtjellimet më të mira të filozofisë aristoteliane. Megjithëse nuk është aspak e volitshme të përcaktohet me siguri momenti kur Hegeli nisi të studionte Aristotelin në greqisht, as etapat, sipas të cilave u përshkallëzua rimendimi i filozofemave aristoteliane thelbësore, përsëri është e pamundur të nënvlerësohet rëndësia që Stagjiriti ka patur në formimin dhe konfigurirnin përfundimtar të mendimit hegelian. Në veçanti, mbi ndryshimin aristotelian mes potencës dhe aktit, Hegeli ka moduluar një prej dallimeve kapitale të dialektikës së vet, atë mes Në-vetvete dhe Për-vetveten [An-sich dhe Fur-sich]. Në hyrjen e "Leksione mbi Historinë e Filozofisë" ndodhet pjesa e rëndësishme në vazhdim: "Natyra e Idesë është thelbësisht ajo e zhvillimit dhe e kuptimit të vetvetes vetëm duke u zhvilluar, për t'u bërë ajo që është... Për të kuptuar se çfarë është zhvillimi duhen dalluar, për të thënë kështu, dy gjendje. E para njihet si "prirje", "potencë", si Të qenit-në-vetvete (siç e quaj unë), potentia, dynamis. Përcaktimi i dytë është Të qenit-për-vetveten, Realiteti (actus, energeia)". Duke u nisur prej këtej mund të kuptohet më mirë se përse i tërë trajtimi hegelian mbi Aristotelin është mbështetur te këto dy koncepte: bëhet fjalë, mes të tjerash, pikërisht për gërshetimet spekulative, për të cilat Hegeli i është veçanërisht borxhli Aristotelit.
Price: 620 Lekë
titleToAlt
Ardhja në shqip e një autori sistem-krijues të teorisë së psikanalizës siç është Sigmund Freud, tashmë s'përbën një tabu, por nëse deri më tash, sistemi botues shqiptar i është përkushtuar sjelljes në mënyrën sa më të përshtatshme këtyre përkthimeve, duhet përmendur se këto përshtatje janë një kontribut për gjuhën pritëse. Në këtë botim të disa leksioneve të ripunuara në formën e veprës së plotë nga Freud gjatë mërgimit të tij në Angli, pra si mendimi përfundimtar i shkencës së psikanalizës të gjeniut të shekullit XX, kemi një qasje shkencore të përkthimit nga një autor i viteve '30 si Dr. Lazër Radi, i cili në thellësinë e tij të përvojës, i diplomuar në "La Sapienza", arrin të na e japë pas Branko Merxhanit në vitet '30, pjekurinë e patrandëshme të lakueshmërisë së gjuhës shqipe, qoftë edhe në termat teorike mjekësore. Pikërisht në ardhjen e termave në shqip, Dr. Lazër Radi ka shqyrtuar e përzgjedhur fjalën me kuptimin më adekuat në riprodhimin e mendimit sintetik të Dr. Freud-it. Duke qenë një i shkolluar në Perëndim, në kulmin e famës së Freudit, Radi na sjell një aromë romane në përkthimet e tij të viteve '90, dhe atyre katedrave të rrepta ku receptoheshin së pari teoritë moderne psikanalitike të Frojdit. Vlera e librit qëndron në njohjen e gjuhës korrente të termave siç konceptoheshin asokohe në Perëndim, po edhe si nostalgji e autorit për t'i transmetuar gjeneratës së ardhme, konceptet në njëmendësi.
Price: 1000 Lekë
titleToAlt
“Dy kryevepra të filozofisë botërore, "Apologjia e Sokratit" dhe "Simpoziumi" nga filozofi i antikitetit Platon, kanë rravguar në shqip përmes gjuhës së Lazër Radit, që e kthen imazhin e filozofit më të madh të të gjitha kohrave, Sokratin, në një veshje kuptimore të perceptueshme për të gjitha nivelet e leximit. E veçanta e këtij përkthimi është se ka substancën e një gjuhe të përpunuar filozofike, aq sa ta bëjë të dallueshme duke ringjallur skenat e mëdha të Akademisë dhe teatralitetin filozofal të Greqisë antike. Stili akribik i Radit është menduar në një plan të detajuar, për t'iu shmangur semiotikës polivalente aq sa është e mundur prej ambiguitetit që rezervon kjo gjuhë. Shmangia e lokucioneve dhe e sintetizmit të tepruar morfologjik e dallojnë përkthimin e një teksti filozofik nga letërsia. Dhe vetëm ata që e njohin shkrimin e letërsisë, mund të krijojnë një tekst filozofik qoftë edhe në përkthim, duke i rezistuar epshmërisë së mendimit më të lartë filozofal që kulmon te "Apologjia" dhe "Simpoziumi". Ardhja në shqip e Platonit fillimisht më 1993, mund të quhet edhe si fillim i erës së filozofisë perëndimore në literaturën shqipe. Lazër Radi një nga personalitetet e ringjalluara të viteve '30, diplomuar në Romë për jurisprudencë në vitet '40, e justifikon famën e atyre viteve, sikur t'i mbetet edhe vetëm përkthimi magjistral i Platonit.” -Leka Ndoja “Ardhja në shqip e Platonit, ishte misioni më i madh shpirtëror i Lazër Radit. Mbas një gjysëm shekulli diktaturë, ai ishte i bindur se shoqëria shqiptare ishte përballë një kataklizme të thellë të bjerrjes së vlerave; ndaj ai u shfaq me veprën e Platonit, si me një dorë hyjnore ndaj krejt atyre që luanin, të çoroditur, buzë greminës...” -Jozef Radi
Price: 1200 Lekë
titleToAlt
Suksesi ekstrem, sipas përkufizimit, shtrihet përtej veprimit normal. Nëse dëshironi të arrini sukses ekstrem, nuk mund të operoni njësoj si të tjerët e të pranoni mediokritetin. Ju duhet ta eliminoni fatin dhe shansin nga ekuacioni i biznesit, e të siguroni arritjen e suksesit masiv. Rregulli 10X ju tregon si! Suksesi është detyra, obligimi dhe përgjegjësia juaj, ndaj ky libër ju udhëzon hap pas hapi se si të arrini sukses fenomenal! Me Rregullin 10X ju do të mësoni të përcaktoni sasinë e përpjekjes që nevojitet për garantimin e suksesit dhe do të siguroheni që të operoni në këtë nivel përgjatë jetës suaj. Shumica e njerëzve e dëshirojnë suksesin dhe kanë ide të shkëlqyera, por nuk arrijnë të veprojnë aq sa duhet për ta çuar jetën e tyre në ato nivele të jashtëzakonshme që meritojnë. Ekzistojnë katër nivele veprimi dhe në mënyrë që të realizoni ëndrrat tuaja, duhet të mësoni të operoni në nivelin e katërt: Veprimi Masiv. Rregulli 10X do t'jua shpërbëjë frikën, do t'ju shtojë vetëbesimin, do të eliminojë zvarritjen dhe do t'ju japë një motiv të fortë. Rregulli 10X ju nxit ta shkëpusni veten prej çdokujt tjetër në treg - dhe këtë e arrini duke bërë atë çfarë të tjerët refuzojnë të bëjnë. Mjaft menduat për nevojat bazike dhe filloni të synoni bollëkun - në çdo fushë të jetës suaj. Rregulli 10X ju orienton drejt mendësisë të cilën e ndajnë të gjithë njerëzit e suksesshëm. Synoni dhjetë herë më lart sesa situata ku ndodheni tani -dhe nëse dështoni, sërish do të jeni shumë më përpara nga ç'do të ishit nëse do të ruanit gjendjen ekzistuese. Rregulli 10X ju mëson se si të: ■ Arrini synime të cilat më parë i mendonit të pamundura ■ Caktoni siç duhet synimet dhe të garantoni përmbushjen e tyre ■ Krijoni nivele të jashtëzakonshme të lumturisë e të kënaqësisë në çdo fushë të jetës suaj ■ Përdorni frikën si motivim për të vepruar ■ Merrni gjithçka që dëshironi e të mos kënaqeni kurrë me pak ■ Dominoni konkurrencën dhe të bëheni një shembull i suksesit
Price: 1500 Lekë
titleToAlt
"Arti i luftës" i gjeneralit Sun Tzu, është një traktat i lashtë ushtarak kinez që daton nga afërsisht në shekullin e 5-të para Krishtit. Vepra, e cila i atribuohet këtij strategu të lashtë ushtarak; është e përbërë nga 13 kapituj. Çdo kapitull i kushtohet një aspekti të veçantë të luftës; rregullave; strategjive dhe taktikave ushtarake, dhe si duhet të zbatohen ato. Ky material, që konsiderohet si një nga tekstetmë të rëndësishme mbi artin luftarak, dhe i përfshirë pothuajse në të gjitha antologjitë dhe traktatet ushtarake; është zyrtarizuar nga Perandori Shenzong në vitin 1080.
Price: 500 Lekë
titleToAlt
Unf*ck yourself është një shuplakë miqësore nga universi për të zgjuar potencialin tuaj të vërtetë dhe për të filluar të jetoni në mënyrë spektakolare. Autori i mirënjohur dhe trajneri i çështjeve personale Gary Bishop ju tregon se si t'ia mbyllni gojën atij kritikut tuaj të brendshëm dhe se si të luftoni për diçka më të mirë. Cilatdo qofshin problemet tuaja, mos humbni më kohë duke pritur një zgjidhje magjike, sepse ajo nuk ka ndërmend të vijë. Ajo që do t'ju gëzojë është lajmi i mirë se e vetmja pengesë që ju ndalon të keni një jetë më të lumtur dhe të përmbushur jeni vetë JU.
Price: 1000 Lekë
titleToAlt
A është e mundur ta gjejmë paqen e përhershme në jetën e përditshme? Si do t'ia japim mundësinë brezit të ardhshëm që ta bëjë botën një vend më të mirë? Çfarë do të thotë në të vërtetë të jesh i vetëdijshëm? Në këto relacione personale të botuara kohët e fundit, mësuesi i mirënjohur Jiddu Krishnamurti (1895-1986) shpalos edhe një herë stilin e tij mësimor të pandryshueshëm dhe urtësinë e tij të thellë teksa eksploron natyrën e përvojës së jetuar, detajet e kthimit të vëmendjes te vetvetja dhe se si të jetojmë një jetë të përmbushur. Proza e tij magjepsëse i kthen historitë e takimeve të tij reale me kërkues shpirtërorë në mbarë botën në dialogë të ngjashëm me fabulat. Kohët e vështira kërkojnë përgjigje të pastra si kristali dhe njohuritë depërtuese të Krishnamurtit do t'i frymë-zojnë, do t'i sfidojnë dhe do t'i provokojnë lexuesit që të kërkojnë brenda vetes së tyre dhe t'u qasen konflikteve dhe kërkesave të jetës me kurajë dhe gjakftohtësi. "Unë mendoj se pikëpamja e Krishnamurtit për kohën tonë është se njeriu duhet të mendojë vetë dhe jo të ndikohet nga ndonjë besim i jashtëm apo nga autoritetet shpirtërore."- Van Morrison "Ta dëgjoje Krishnamurtin ishte njëlloj si të dëgjoje nj'ë ligjëratë të Budës... një autoritet i lindur dhe tepër i fuqishëm." -Aldous Huxley
Price: 1000 Lekë
titleToAlt
Po nuk veprove në jetë, jeta vepron mbi ty Dua të "jem përdorur" mirë kur të vdes. Sepse sa më shumë punoj, aq më shumë jetoj. I gëzohem jetës për atë që është. Jeta nuk është qiri i shkurtër për mua. Ajo është një lloj pishtari i shndritshëm, që unë duhet ta mbaj për momentin në dorë dhe dua që të ndriçojë sa më fort që të mundet, përpara se t'ua kaloj brezave të ardhshëm. Një prej mësimeve që kam nxjerrë nga jeta, është se po nuk veprove në jetë, jeta e ka zakon që të veprojë mbi ty. Ditët bëhen javë, javët bëhen muaj dhe muajt bëhen vite. Shumë shpejt çdo gjë merr fund dhe ty s'të mbetet gjë tjetër, veç zemrës së mbushur me pengun e jetës së jetuar përgjysmë... ■ A e di se gëzon një privilegj të madh të ecësh në këtë planet?! ■ Si do të ndikojë jeta jote te brezat pas teje? ■ Çfarë trashëgimie do të lësh pas, kur të japësh frymën e fundit?
Price: 800 Lekë
titleToAlt
Eksperti i parë në botë për krijimin e zakoneve, ju tregon si mund të keni jetë më të lumtur dhe më të shëndetshme: duke e nisur pak e nga pak. Kur vjen puna te ndryshimi, vogëlsirat janë të fuqishme. Niseni me dy pompa mbi krahë në ditë, jo me stërvitje dy orëshe, me pesë frymëmarrje të thella në mëngjes, jo me një orë meditim. Te "Zakone të Vogla", BJ. Fogg sjell përvojën e tij në trajnimin e mbi 60,000 njerëzve, të cilët i ka ndihmuar të bien në peshë, të largojnë stresin, të flenë më mirë apo të arrijnë çfarëdolloj objektivi. Gjithçka ju duhet është vetëm formula e sjelljes që ka shpikur Fogg: Bëjeni të thjeshtë, gjejini një vend ku ta fusni në jetën tuaj dhe ndjehuni mirënjohës. Sa herë hipni në makinë, mbushuni një herë thellë me frymë. Buzëqeshni. Sa herë shtriheni në shtrat, fikeni telefonin. Përgëzojeni veten për këtë. Ndryshimi mund të jetë i thjeshtë, pasi fillon, vazhdon të rritet. Dhe BJ.Fogg jua tregon se si. Me "Zakone të Vogla" do të mësoni: • Një metodë të thjeshtë për t'i bërë qëllimet të vogla dhe të arritshme • Pse emocionet, dhe jo përsëritja, janë baza e krijimit të zakoneve • Si të hiqni qafe zakonet e këqija • Dhe shumë më tepër!
Price: 1200 Lekë
titleToAlt
“Qëllimi i jetës është një jetë me qëllim”. Murgu që shiti ferrarin është një tregim për avokatin e shkëlqyer Julian Mantëlli, të cilin mënyra e vështirë e jetës që bënte e çoi drejt një infarkti fatal, në mes të sallës së gjyqit mbushur plot me njerëz. Shkatërrimi fizik e çoi drejt krizës shpirtërore, e nxiti të mendonte për jetën e tij dhe të kërkonte përgjigjen e pyetjeve më të rëndësishme të jetës. Me shpresë se do të gjente lumturinë dhe ushqimin shpirtëror, ai niset drejt një udhëtimi të jashtëzakonshëm. Duke njohur një kulturë të lashtë nga Të Urtit që jetonin në malet e Himalajeve, ai zbulon mënyrën e fuqishme se si të çlirojë potencialet e trurit, trupit dhe të shpirtit...
Price: 900 Lekë
titleToAlt
Shkalla magjike drejt suksesit është klasiku i humbur i Napoleon Hill-it, dhe libri që parapriu bestsellerin Mendo dhe pasurohu. Kopja origjinale e tij është vlerësuar te mbi 40,000 $. Tashmë edhe ju mund të keni një riprodhim të versionit origjinal që zotërohet prej Fondacionit Napo-leonHill. Shkalla magjike drejt suksesit është vëllimi ku Hill-i distiloi për herë të parë shtatëmbëdhjetë faktorët që përbëjnë filozofinë e tij të "Ligjit të suksesit", duke zbuluar se si njerëzit mund të bëhen të pasur nëse dëshirojnë vërtet dhe ndërmarrin veprimet e nevojshme përmes shfrytëzimit të intelektit. Këto parime kyçe paraqesin etikën dhe veprimet të cilat u japin të gjithë atyre që i zbatojnë, fuqinë për t'u bërë liderë në fushën që zgjedhin. Hill-i argumenton se liderët nuk janë të lindur; ata formohen nga zakone shumë të ngjashme, të thjeshta dhe dinamike. Në këtë libër zbulohet një thesar dijesh. Hill-i ofron një udhë të përmbledhur, hap pas hapi, për të ngjitur shkallën e suksesit, një përparim që varet nga organizimi i proceseve mendore. Shkalla magjike drejt suksesit vlen të lexohet shumë herë dhe të zbatohet përgjatë jetës.
Price: 1000 Lekë
titleToAlt
"Magjepsës .. Rrëfimi i tij është i zgjuar e me humor, dhe ashtu si vepra e Dr. Oliver Sacks, i mbushur me një humanizëm që e lejon autorin t'i paraqesë misteret e trurit brenda një konteksti më të gjerë filozofik dhe kulturor.” -Michiko Kakutani, The New York Times Ndërsa studionte një artikull mbi kampionatin amerikan të memories, Joshua Foer u ndie po aq dyshues sa ç'ishte i intriguar nga deklarata e njërit prej konkurrentëve se edhe një memorie e zakonshme si ajo e tij, "nëse do të përdorej siç duhet", mund ta fitonte këtë kampionat. Pas një viti me trajnime, ai u gjend në finalen e të njëjtit kampionat. Nën mbikëqyrjen e "atletëve mendorë", Foer mëson teknika të lashta që më parë përdoreshin nga Cicero për të fiksuar në kujtesë fjalimet e tij, dhe nga studiuesit mesjetarë për të fiksuar libra të tërë. Shëtitje në hënë me Ajnshtajnin merr nga zbulimet më të fundit, nga një histori e papritur e memories dhe nga teknika mentalistëve për të transformuar kuptimin tonë të të mbajturit mend. Përmes odisesë së tij të jashtëzakonshme, ne fitojmë një vlerësim thellë për një dhuratë të cilën të gjithë e zotërojmë, por që shpeshherë e harrojmë.
Price: 1400 Lekë
 
All rights reserved. © 2015 Library Albania