Marinka ëndërron një jetë normale, ku shtëpia e saj të qëndrojë pa lëvizur mjaftueshëm që ajo të zërë shokë e shoqe. Por shtëpia e saj ka këmbëpule dhe lëviz pa asnjë paralajmërim. Sepse gjyshja e Marinkës është Baba Jaga, që përcjell shpirtrat në kalimin nga kjo botë në tjetrën. Marinka digjet nga dëshira për ta ndryshuar fatin e saj dhe ka ndër mend të çlirohet nga ndjekja e hapave të gjyshes, por shtëpia e saj ka tjetër mendje... "Një aventurë e fuqishme dhe e ndërtuar bukur. Shtëpia me këmbë pule është libër tërheqës, paksa i rrezikshëm dhe që hap një serë mundësish." Kiran Millwood hargrave "Një xhevahir i shkruar me ndjenjë e me shpirt... Më pëlqen që libri nuk druhet nga idetë e humbjes e të vetmisë por është inkurajues, frymëzues dhe shpresëdhënës." Liz Flanagan, autore e Verë në parajsë "Debutim fantastik! I mbushur me magji dhe joshje... Ka të gjitha shenjat e një veture klasike MG." Imogen Wite, autore e Misteret e Rozë Medlit

Përrallat janë thjesht fillimi Burri i Maskuar endet i lirë nëpër Vendin e Rrëfenjave dhe i takon Aleksias dhe Koner Bejlit ta ndalojnë... Por Aleksian e kanë dëbuar nga Këshilli i Zanave dhe askush nuk do ta besojë që bota e përrallave është në rrezik. Vetëm me ndihmën e miqve besnikë, si Flokarta, Xheku, Kësulëkuqja, Nëna Pata dhe patoku i saj, Lesteri, binjakët Bejli mund të marrin vesh planin sekret të Burrit të Maskuar: ai zotëron një melhem magjik të fuqishëm, i cili bën të mundur që çdo libër që spërkatet me të të shndërrohet në portal dhe ai po rekruton një ushtri me keqbërësit letrarë më të këqij! Kështu fillon ndjekja këmba-këmbës nëpër tokën magjike të Ozit, nëpër botën fantastike të Kurrkundit, nëpër marrëzinë e Botës së Çudirave e më tej. A do të mundë Aleksia dhe Koneri ta kapin Burrin e Maskuar apo do të jenë një hap më mbrapa, kur të jetë tashmë tepër vonë? Përrallat dhe romanet klasike shpalosen në këtë aventurë të katërt të serisë së shumëshitur "Vendi i Rrëfenjave", ndërsa binjakët udhëtojnë përtej mbretërive!

Gjithçka duket e humbur. Megjithatë, edhe një herë Dritës i duhet të tregojë fuqinë e vet dhe dashuria fsheh një tjetër sekret. LIBRI I FUNDIT EMOCIONUES I TRILOGJISË! Zoti i Territ po ia arrin qëllimit: frika e tradhtisë ka pushtuar Fairy Oak dhe Pervinka është detyruar të ikë. Binjaket janë ndarë... Aleanca e Lashtë midis Dritës dhe Territ është prishur. Mbrojtja e magjikëve thyhet, lufta është e humbur. Por ndoshta jo gjithçka është siç duket. Lufta përfshin Fairy Oak dhe Luginën e Sheshnajgjelbrës. Banorët e Fairy Oak organizojnë mbrojtjen, por dyshimi u helmon shpirtin: mos vallë Armiku është futur mes binjakeve? A është prishur Aleanca e Lashtë midis Dritës dhe Territ? Me gjithë dashurinë për Vaniljen, Pervinka është e detyruar të ikë dhe në këtë çast Armiku hidhet në sulmin e fundit. Muret e Fairy Oak duket se mbajnë ende, megjithatë Zoti i Territ ka një surprizë që do t’i tronditë të rrethuarit... Por ndoshta jo gjithçka është siç duket. Edhe një herë, Dritës i duhet të tregojë fuqinë e vet dhe dashuria fsheh një tjetër sekret. Me këtë ndodhi emocionuese përfundon rrëfimi i gjatë i Lumtit, zanës së vogël të shndritshme që vigjilon shtrigat binjake të Fairy Oak.

Të gjithë banorët e luginës së Muminëve janë të emocionuar ngaqë kanë marrë vesh se pranë tyre do të kalojë një kometë. Por ata alarmohen shumë kur mësojnë se ka mundësi që kometa të bjerë e të shkatërrojë gjithçka në luginën e tyre. Atëherë Mumintrolli së bashku me mikun e tij Snifin, vendosin të ngjiten te Observatori, që ndodhet tek Malet e Vetmuara, për të biseduar e marrë vesh më shumë nga profesorët që gjenden atje. Gjatë rrugës ata kalojnë aventura të shumta, të mrekullueshme, me shpella të fshehta, shtëpi të ngritura majë pemëve, e kështu me radhë. Por në fund gjithçka zgjidhet më së miri dhe dielli vazhdon të ndriçojë luginën e tyre njëlloj si më parë. “Tove Jansson është padyshim një nga shkrimtaret më të mëdhaja të letërsisë për fëmijë të të gjitha kohërave. Ajo ka aftësinë e rrallë të shkruajë libra që iu pëlqejnë fëmijëve, por që ke qejf t'i lexosh me ëndje të madhe dhe kur i ke kaluartë gjashtëdhjetat, si unë.” - Terry Pratchett “Një kryevepër... njëthesarqë duhet rizbuluar.” -Neil Gaiman

Ngjarjet zhvillohen në vitin 1969, në Zonën e Ulet Lindore të qytetit të Nju-Jorkut. Janë përhapur fjalë për ardhjen e një gruaje mistike, një shtegtuese me fuqi të mbinatyrshme, e cila pretendon se është në gjendje t'i tregojë kujtdo ditën se kur do të vdesë. Fëmijët e familjes Gold - katër adoleshentë në pragun e vetëndërgjegjësimit - shkojnë fshehurazi tek ajo, për të dëgjuar fatin e tyre. Profecitë paraprijnë pesë dekadat e ardhshme të jetës së tyre. Simoni, djaloshi flokëverdhë, ia mbath për në Bregun Perëndimor, në San-Franciskon e viteve '80, në kërkim të dashurisë; ëndërrimtarja Klara bëhet një magjistare në Las Vegas dhe është e fiksuar pas përzierjes së realitetit dhe fantazisë; djali i madh, Danieli, përpiqet të ruajë sigurinë si mjek ushtarak; dhe Varya, e dhënë pas librave, ia ka kushtuar veten hulumtimeve mbi jetëgjatësinë, për të testuar kufirin midis shkencës dhe pavdekësisë. Duke qenë një roman i dyfishtë, një histori dashurie familjare verbuese dhe një roman gjithëpërfshirës i ambicies dhe i thellësisë së jashtëzakonshme, libri "Të pavdekshmit" trajton vijën delikate midis fatit dhe zgjedhjes, midis realitetit dhe iluzionit, të kësaj bote dhe asaj tjetrës. Ky libër është një testament thellësisht prekës i fuqisë së rrëfimit, i mënyrës së besimit dhe i lidhjes së ngushtë familjare.

Dëshira dhe Ksari tani ishin dëbuar, në arrati, dhe atyre u qenë vënë pas luftëtarë, magjistarë, dhe ç’është më e keqja, SHTRIGAT... A mund t’i gjejnë ata përbërësit e një magjie që heq qafe shtrigat, para se Mbreti i shtrigave të fusë në kthetrat magjinë-që-funksionon-edhe-në-hekur? Kjo avenuturë kërkimi është më e frikshmja dhe më e pabesa nga të gjitha. Për më tepër... DIKUSH do t’i tradhëtojë ata...

Kurrë nuk më shkonte mendja se unë, një adoleshente, do të isha personalitet aq i rëndësishëm në atë planet. Më prisnin me padurim. Masat për të më mbrojtur i kishin marrë po ata, një princ alien. Kundërshtari i tim eti që kish qënë i pari i Mbretërisë së Bardhë, më kish transferuar në tokë sapo kisha lindur. Ai i kishte dhënë besën babit tim para se të lindja për arsye që të më mbronte nga mamaja ime. Prapaskena dhe intriga midis mbretërive të ndryshme dhe më në fund asgjesimi i mbretit më të keq të planetit X, i cili kishte vrarë babain tim. Shoku im i fëmijërisë, Egi, ishte Princi Alien të cilin e kisha njohur pranë këndit të lojrave në tokë. Tashmë Ai ishte aleati im si princeshë e Mbretërisë së Bardhë por edhe si Zot i Qiellit, në planetin ku isha lindur...

Udhëtimi për në plantetin ku më prisnin nuk ishte i lehtë. Një jetë e panjohur për mua por edhe me shumë të papritura. Atje nuk jetonin njerëz por qenie që herë merrnin pamjen e njerëzve tokësorë herë qenie të padukshme, magjistar, dragonjë, fantazma, zota të qiellit, të tokës, të detrave, të dragonjve, të magjistarve etj. Një rrugë që, për mua kalonte nëpër të panjohura por që shoqëruesi im një kryemagjistar më mbronte, më këshillonte, më drejtonte por edhe më provokonte për t'ma bërë rrugën sa më të lehtë që të arrija në destinacionin e duhur. Nëse prisja me padurim të takoja nënën time Mbretëreshë nuke prisja që ftohtësia dhe armiqësia e saj të ishte më e keqja e mundshme...

Ne rrisim dragonj. Dhe, sa për ta ditur, ata janë një bela shumë më e madhe se kastravecët! Ndotin në trahananë e babit? PO. Të ndjekin macen? PO. I vënë zjarrin furçës së dhëmbëve? PO. Po ju them edhe diçka tjetër. Sytë e tyre si diamant shkëlqejnë kur të shohin. Fryma e tyre e ngrohtë të gudulis veshin. Dhe duhet ta mbani të fshehtë, sepse kush nuk do të donte një dragua?

Tmerri vrapon mbi rrota. Për klasën e Julias, këtë vit Java e Librit për Fëmijë ka ruajtur diçka të veçantë: kaq të veçantë, sa do t'i bëjë të ulërijnë... por, sigurisht, jo nga gëzimi. Profesori do t'i çojë fëmijët në ekskursion shkollor, tamam me Autobusin e Drithërimave! Çdo vend është një shtysë për një tregim tmerri gjithnjë e më rrëqethës... Por a janë vërtet vetëm tregime? Dhe profesori, a është vërtet ai që thotë se është? Udhëtimi i tmerrshëm rrezikon të bëhet vetëm vajtje... Një aventurë tjetër emocionuese, e frikshme në autobusin më të tmerrshëm -por edhe më të dashur që ekziston. Mosha e leximit: nga 11 vjeç.

Shtrigat po bënin kërdinë anembanë pyllit të egër dhe zinin prita pas çdo trungu peme. Dëshira është një vajzë nga fisi i Luftëtarëve, e cila zotëron një libër të fuqishëm: "Librin e Magjive". Ksari është një djalosh nga fisi i Magjistarëve, i cili ka një vragë prej gjaku shtrige në dorë. Ksarin dhe Dëshirën i ndan një mur, më i larti që mund të imagjinohet. Por koha nuk pret... Pak gjasa ka që këta dy heronj të takohen ndonjëherë. Le pastaj të takohen për herë të DYTE.

Beteja e fundit është më e madhja e të gjitha betejave. Narnia... ku gënjeshtrat ushqejnë frikën... ku besnikëria vihet në provë... ku shpresat duken të humbura. Në ditët e fundit, Narnia do të përballet me sfidën më të egër - jo një pushtues nga jashtë, por një armik nga brenda. Gënjeshtrat dhe mashtrimet kanë hedhur rrënjë dhe, në këtë fund të mrekullueshëm të "Kronikave të Narnies", vetëm Mbreti dhe një grusht pasuesish besnikë mund ta parandalojnë shkatërrimin e gjithçkaje të dashur për ta.

Narnia... atje ku zgjohet një dragua... ku yjet çapiten mbi tokë... ku gjithçka mund të ndodhë. Një mbret dhe bashkudhëtarët e tij nisin një lundrim që do t'i çojë përtej tokave të njohura. Teksa lundrojnë gjithnjë e më larg cakut të njohur deri tani të ujërave, ata zbulojnë se kërkimi i tyre është më shumë nga ç'kanë perfytyruar dhe se fundi i botës është veçse fillimi... - Po Eustaku, nuk do të kthehet më kurrë këtu? - e pyeti Lusi. - Bija imë, - iu përgjigj Asllani, - vërtet duhet ta dish këtë? Eja, se do të hap portën e qiellit. Atëherë, brenda një çasti, u hoq muri i kaltër (sikur griset një perde) dhe një dritë tmerrësisht e bardhë u duk nga prapa qiellit, pastaj ata ndjenë prekjen e krifes së Asllanit dhe puthjen e Luanit mbi ballë e më pas e panë veten në dhomën e gjumit, nga ana e prapme, në shtëpinë e teze Albertës, në Kembrixh.

♣ Ti ke një ke një sekret. Ti gëzon një talent të veçantë. Ti e vendos se si do ta përdorësh dhe askush tjetër.♣ Morigana Krou mund të ketë shpëtuar nga mallkimi që e ndiqte, mund t'i ketë kaluar me sukses të katër sprovat, mund të jetë bërë pjesë e Shoqërisë së famshme të Mrëkullit, por rrugëtimi i saj sapo ka filluar...Banorët e qytetit magjik të Nevërmurit i kanë ende të gjalla në kujtesë mizoritë e shkaktuara nga i vetmi Mjeshtër tjetër Mrekulli që njohin, Ezra Skuolli. Ndaj, pa i dhënë asaj mundësi që ta shpërfaqë veten, ata mendojnë se talenti i saj në thirrjen dhe përdorimin e Mrekullit, e bën atë po aq të rrezikshme. Prandaj, kur disa nga banorët e qytetit fillojnë të zhduken në mënyrë të mistershme, nuk është për t'u habitur që Morigana është e dyshuara kryesore. Është detyrë e Moriganës dhe e shokëve të saj që t'iu provojë të kundërtën, përpara se ta dëbojnë përgjithmonë nga Shoqëria e Mrekullit, nga shtëpia e saj e vërtetë. Ky libër magjepsës dhe drithërues që pason 'Nevërmur - Sprovat e Morigana Krout', bestseller sipas 'New York Times'dhe fitues i shumë çmimeve, është po aq interesant dhe tërheqës, dhe me siguri që do ta mbajë gjallë vëmendjen e lexuesit deri në faqen e fundit. Pjesë nga libri: — Tashmë ju jeni një njësi e vetme. Keni përgjegjësi për njëri-tjetrin. Duhet ta mbroni njëri-tjetrin. Prandaj,nëse dikush, kushdo prej jush, na e thyen besimin... E Urta Kuin ndaloi sëfoluri dhefytyra i mori njëpamje serioze. Ajo i pa tëgjithë me radhë derisa sytë i mbetën tek Morigana. — ...atëherë të nëntë do të përjashtoheni nga Shoqëria e Mrekullit. Përgjithmonë.

Tes de Suza nuk është një jetime e zakonshme. Kur një pasanik i panjohur shfaqet në Strehën Ekërbi për të Humbur dhe të Braktisur. me pretendimin se ishte i afërmi saj, Tesi niset për një jetë të re me të. Nuk merr me vete asgjë më shumë se tarantulën e saj, Violetën dhe një pajisje të çuditshme, me të cilën e kishin lënë që foshnje. Po në vend që t'i japë përgjigje për të kaluarën e mistershme të Tesit, shpejt behet e qartë se interesi i kujdestarit të saj për të është pjesë e një plani të tmerrshëm. Këtu vihet në lojë fati i më shumë se një bote dhe i takon Tesit ta ndalë atë burrë...

Se Muji ishte bir i kreshnikisë, nëse rapsodi e këndon, nuk i shton trimërisë së tij asnjë fije, as se ishte bujar me miqtë, (përvec rasës se Omerit të ri, duhet thënë, që nuk e ndihu plakun e cikës në Jutbinë). As se qe idhnak dhe i përmbyset me gumanat e shkjetë, nuk con peshë në kangë, por se Halilit i dridheshin telat e holla të dashnisë, qoftë për bjeshkatare apo për shkinë, për këtë mund të thuhet kaq pak, aq sa Zana e Jutbinës di. Në Krajli kishte rënë nata, hëna praronte majat e bjeshkëve. Nën rrapin shekullor të tridhjetë vajzat e Jutbinës ishin bashkuar, duke ua lene kullat e boshtet nënave. Shqerrat ua kishin lënë mrizeve. Të tridhjetë vajzat po pushonin nën hijet e degëve. Sipër ahishte e breshta vigjëlonin qark mrizit.

"Nga reja shpërtheu rrufeja që u drejtua mu në zemër të Nedit. Ai nuk pati kohë as të thërriste, as të lëvizte. Vetëm se ndjeu magjinë t'i ngjitej në lëkurë e t’i përhapej në të gjithë trupin duke vluar, rrëshqitur e futur thellë, aq thellë sa nuk kuptonte më ku mbaronte ajo e ku flllonte ai vetë." Kur Nedi dhe binjaku i tij rrëzohen nga trapi në lumin e tërbuar e të magjepsur, shpëton vetëm Nedi. Fshatarët janë të bindur se shpëtoi gjallë djali i gabuar. Dhe duket qartë që Nedi po rritet i dobët e i metë. Më të shumtën e kohës qëndron brenda shtëpisë e oborrit të familjes së tij. Por kur një Mbret Bandit vjen të vjedhë magjinë që i është besuar nënës së Nedit, magjistares, është Nedi ai që e shpëton magjinë dhe mbledh forcat për të mbrojtur familjen e fshatin e tij. Ndërkohë, në një tjetër mbretëri përtej pyllit që kufizohet me fshatin e Nedit, jeton Ejni, vajza e shkathët dhe praktike e Mbretit Bandit. Atë e ndjekin pas fjalët e fundit të së ëmës: "Djali i gabuar do të të shpëtojë ty jetën dhe ti do t'i shpëtosh atij jetën". Por kur rrugët e Ejnit dhe Nedit takohen, a do të besojnë ata sa duhet njëri-tjetrit që të mund të kalojnë përmes pyllit të pabesë e të ndalojnë luftën që po përgatitet të shpërthejë? Me penë të shkathët, shkrimtarja e njohur Kelly Barnhill përdor elementet e përrallave klasike me temë magjike: gurë që flasin, një ujk që bëhet mik me njeriun e një mbret te ri lakmitar dhe i ndërthur ato në një rrëfim plot bukuri që flet për të mirën e të keqen, për dashurinë dhe urrejtjen për magjinë dhe forcën e miqësisë. -

Mbretëresha Zemërkeqja është rikthyer në Mbretërinë Sekrete, ku nga libri i përrallave i Samarës ka çliruar gjashtë personazhe të këqinj! A do të munden Eli, Samëra dhe Jasmina ta kapin gjigandin e stërmadh dhe ta rikthejnë brenda në libër, para se ai të shkatërrojë të gjitha lulet e rrëshirëmblës që rriten në Pyllin e Luleve të Egra?

Eli, Samëra dhe Jasmina vizitojnë Pallatin e bukur të Njellmave, por tmerrohen kur zbulojnë se një shtrigë e keqe poi frikëson mjellmat. Mbretëreshë Zemërkeqja ka lëshuar një tjetër personazh të keq nga përrallat, në Mbretërinë Sekrete! Do të jenë në gjendje vajzat t'i shpëtojnë mjellmat dhe ta rikthejnë shtrigën brenda në libër?

Eli, Samëra dhe Jasmina po japin ndihmwn e tyre nw Pyllin e Arinjve tw Dwborws, kur njw pwrbindwsh i frikshwm nis tw vjedhw ushqimin e arinjve - duhet tw jetw ndonjw nga personazhet e kwqinj tw Mbretwreshw Zemwrkeqes! A do tw jenw nw gjendje vajzat ta kapin pwrbindwshin dhe ta rikthejnw nw libwr, apo tw gjitha kafshwt do tw vuajnw nga uria?

Është koha për shfaqjen e veçantë me fishekzjarre në Mbretërinë Sekrete, ku Eli, Samera dhe Jasmina mezi presin të shkojnë, mirëpo një magjistar i keq e ka rrëmbyer .Mbret Gazmorin! Vajzat duhet t'ia punojnë magjistarit dhe ta shpëtojnë mbretin, ndryshe toka magjike do të jetë në rrezik të paparë...

Është gara vjetore e bukurveshjes në Mbretërinë Sekrete, ku edhe Eli, Samëra, Jasmina dheTriksi do të veshin nga një kostum! Mirëpo, kur të gjithë banorët e mbretërisë janë të veshur me kostume, a do të munden vajzat ta shohin personazhin tjetër të keq nga përrallat e Mbretëreshë Zemërkeqes - Ujkun e Madh të Keq -para se ai të hungërijë dhe ta rrënojë mbretërinë?

Eli, Samëra dhe Jamina po shkojnë në Shpellën e Xhevahireve, pasi që një dragua i tmerrshëm frymëzjarr po shkakton telashe. A do të munden vajzat, bashkë me miqtë e tyre – dragonjtë e ëndrave, të kapin personazhin e fundit të keë dhe ta shpëtojnë Mbretërinë Magjike?