titleToAlt
Mjeshtër Buçima: më i rrezikshëm se zonjusha Bulstronk, më tinëzar se zoti Ellemet. "Fëmijët nuk hyjnë në punë për asgjë. Ngathalaqë të ngratë. Të padobishëm. A ke parë ndonjëherë ndonjë fëmijë të shpallet kampion bote? Nuk ma merr mendja. Dhe, a e dini pse? Sepse nuk bëjnë më të mirën. Vë bast se edhe një lopë shtrembaluqe, nëse dëshiron, mund të bëhet kampione noti. Dhe tani, hopa, shpejt në ujë!" Lefi, sipas të atit, kishte një talent hyjnor në not, ndaj duhej të stërvitej nga legjendari Boris Buçima. Të gjithë mendojnë se ai është i mrekullueshëm, ngaqë është i pashëm dhe kujdeset për fokat e gjora. Por, Lefi di diçka më tepër: Buçima është mjeshtri më i tmerrshëm në botë. Dhe ja, Lefi zbulon një të fshehtë të frikshme... Buçima ka rrëmbyer një fëmijë. Bashkë me fqinjën e tij, Litën, hidhen në veprim. A do të munden ata t'ia çjerrin maskën mjeshtrit të tmerrshëm?
Price: 800 Lekë
titleToAlt
Në një botë të pushtuar nga informacione kaotike, kthjelltësia është forca e vërtetë. Por, si mund t'i shohim gjërat në një plan më të gjerë pa na e rrëmbyer shikimin vogëlsirat? Një nga mënyrat do të ishte kthimi i syve tek e shkuara, panorama e madhe e vërtetë e gjithë species njerëzore. Kjo novelë e parë me ilustrime e titulluar "Sapiens: lindja e njerëzimit" na rrëfen se si një majmun i madh Ape, tërësisht primitiv, u shndërrua në sunduesin e gjithë planetit Tokë, ia doli të ndante atomin, të fluturonte deri në Hënë e të manipulonte kodin gjenetik të jetës. Të udhëhequr nga Juval Noah Harari e nën shoqërinë e personazheve, si Bill Prehistoriku, Doktor Fantazia dhe Inspektori Lopez, ju ftojmë të ndërmerrni këtë udhëtim drejt skutave më të errëta të historisë. Kjo seri novelash është një ritregim thuajse i ri dhe tej mase argëtues i historisë së njerëzimit që ju tashmë njihni nga faqet e shumë lexuara të librit "Sapiens: një histori e shkurtër e njerëzimit", libër që numëron plot 16 milionë kopje të shitura dhe përkthime në 60 gjuhë të botës. Përplot me nota të fisme humori dhe larmishmëri personazhesh, për të thithur vëmendjen e atyre jo fort të pasionuarve pas shkencës dhe historisë. Nëse edhe ti je kureshtar të dish se përse të gjithë jemi robër të botës së të vdekurve, atëherë, ky padyshim është libri i duhur për ty.
Price: 2000 Lekë
titleToAlt
Pashë ushtarët me uniforma gri para nesh që ngritën armët dhe dëgjova uturimën vdekjeprurëse të një mitralozi... Në rrokopujën vdekjeprurëse të Luftës së Parë Botërore një kalë përjeton realitetin e betejës nga të dyja anët e llogoreve. Xhoi na tregon për mbijetesën e miqësive të vërteta edhe në kohërat më të tmerrshme. Ai na njeh me vrazhdëinë e luftës dhe me bukurinë e paqes. Kjo është historia e tij. Nga ish-laureati i letërsisë për fëmijë, Michael Morpurgo, vjen kjo histori legjendare e luftës, e miqësisë dhe e besnikërisë.
Price: 800 Lekë
titleToAlt
Shumë nga ne besojnë se jemi të lirë t'i japim formë fatit tonë. Po sikur vullneti i lirë të mos ekzistonte? Po sikur jetët tona të ishin në pjesën më të madhe të tyre të paracaktuara, të skalitura në trurin tonë - zgjedhjet tona se çfarë do të hamë, me kë do të biem në dashuri, madje edhe ato që besojmë, të mos jenë vërtet zgjedhjet tona? Neuroshkenca po sfidon çdo gjë që mendojmë se dimë rreth vetes, duke nxjerrë në pah mënyrën se si i marrim vendimet dhe formojmë realitetin tonë, të pavetëdijshëm për rolin e pjesës së pandëgjegjshme të mendjeve tona. Hannah Critchlovv, një nga emrat më në zë të neuroshkencës, pasqyron në mënyrë të gjallë jetën e përditshme të saj dhe ekspertëve të tjerë të fushës, si potencialin e jashtëzakonshëm. Po ashtu edhe rreziqet, të cilat lindin si pasojë e të qenit në gjendje të parashikojmë të ardhmen tonë të mundshme - dhe mënyrat se si mund të ndryshojmë atë që tashmë është përgatitur për ne. Në mënyrë të qartë, ndriçuese dhe mbreslënëse, Shkenca e Fatit revolucionarizon të kuptuarit se cilët jemi - dhe na fuqizon në ndihmën për të t'i dhënë formë një të ardhmeje më të mirë për veten dhe botën që na rrethon.
Price: 1200 Lekë
titleToAlt
"Dua të divorcohemi." Mjaftuan pesë fjalë që universi i Polinës të tronditej. E strehuar me të birin katërvjeçar te prindërit e saj, ajo i lë ditët të rrjedhin duke pritur që dhimbja të venitet. Deri në çastin kur vendos të marrë në dorë jetën e saj. Nëse ndjenjat e Benit janë zhdukur, mjafton t'i gjallërojmë. Kështu, çdo ditë, ajo do t'i shkruajë një kujtim të historisë së tyre. Por kjo zhytje në të shkuarën mund të nxjerrë edhe sekretet e varrosura thellë. Me ndjeshmëri ekstreme dhe shumë humor, Virginie Grimaldi arrin të na bëjë të rijetojmë çastet e jetës dhe dashurisë, duke kaluar nga e qeshura në lot. Një histori universale.
Price: 1200 Lekë
titleToAlt
Gjatë gjithë jetës Evën e kanë mbajtur larg meshkujve. Larg të vërtetës, të së shkuarës së saj. Por me të mbushur të gjashtëmbëdhjetat Evës i duhet të përballet me fatin e vet. Për të janë përzgjedhur tre kandidatë të mundshëm. E ardhmja e njerëzimit tashmë është në duart e saj. Ajo gjithmonë e ka pranuar fatin. Derisa takoi Bramin. Eva do që të vendosë vetë për jetën e saj. Do që të jetë e lirë. Por si mund të zgjedhë mes dashurisë dhe të ardhmes së racës nierëzore? "Eva e njerëzimit" është libri i parë i një trilogjie mbresëlënëse, shkruar nga autorët bestseller Tom dhe Giovanna Fletcher
Price: 1500 Lekë
titleToAlt
Ka njerëz që grabisin banka sepse janë të babëzitur. Ka të tjerë që shijojnë adrenalinën. Unë? Unë grabita një bankë për shkak të ndjenjës së fajit. Më saktë: ndjenjës së fajit dhe një qiriu aromatik nepalez. Kur pesëmbëdhjetëvjeçari Dilan djeg shtëpinë e vajzës që do të bëjë për vete, mendon se vetëm një gjest i madh mund ta kompensojë këtë gjë: grabitja e bankës. Një punë e padëshiruar të shtunave, një motër e madhe që nuk rri pa futur hundët dhe një detyrë e papërfunduar historie qëndrojnë mes Dilanit dhe grabitjes së shekullit. Vërtet, sa keq mund të shkojnë gjërat?
Price: 1000 Lekë
titleToAlt
Xhovani është një fëmijë nga Palermo. Për dhjetë- vjetorin e ditëlindjes së tij, babai i dhuron një shëtitje për t’i shpjeguar se pse, nga të gjithë emrat e mundshëm, për të u zgjodh pikërisht emri Xhovani. Hap pas hapi, përgjatë rrëfimit, ringjallen ngjarjet kyçe të jetës së Xhovani Falkones, angazhimet e tij, fitoret dhe humbjet, fundi i tij tragjik. Xhovani zbulon se babai nuk i flet për gjëra abstrakte: mafia ekziston edhe në shkollë, ajo është një armike që duhet luftuar menjëherë, pa pritur që të rritemi.
Price: 700 Lekë
titleToAlt
"Kam kaluar shumë kohë duke fshehur një pjesë të mirë timen. Është shumë e vështirë të tregosh ato anë të vetes që të bëjnë të mos ndihesh mirë.” Tali është autike. Por e fsheh këtë me sa mundet. Ajo e di se sa bezdisen prej kësaj njerëzit që e rrethojnë - ata nuk e kuptojnë autizmin. Ata nuk e kuptojnë atë. Me fshehjen e autizmit,Tali është duke fshehur veten e saj të vërtetë. Por kur kjo vetvete është e fortë dhe e mrekullueshme, nuk mund të fshihet përgjithmonë. Bazuar në shënimet prekëse të ditarit të 11-vjeçares Libby Scott, e cila rrëfen përvojën vetjake të autizmit, libri "A më shikoni mua?"'është një bashkëpunim i jashtëzakonshëm, i fuqishëm dhe mbresëlënës I saj me autoren e famshme Rebecca Westcott. Ky libër do t'jua ndryshojë rrënjësisht mënyrën sesi mendoni për autizmin.
Price: 1000 Lekë
titleToAlt
Socializmi, çuditërisht është i pandjeshëm kundrejt provave të dështimit të tij, që sjell përvoja e botës reale. Gjatë njëqind viteve të fundit ka pasur më tepër se dy duzina përpjekjesh për të ndërtuar një shoqëri socialiste, duke filluar nga Bashkimi Sovjetik e deri te Kina maoiste dhe Venezuela. Po që të gjitha këto përpjekje, në masë të ndryshme kanë përfunduar me dështim. Por, sipas përkrahësve të socializmit, kjo ka ndodhur për arsye se asnjë prej këtyre eksperimenteve nuk ka qenë "socializëm real". Ky libër dokumenton historinë e këtij fenomeni, që tani është kthyer në një përgjigje standarde. Ai tregon se si pretendimi për një socializëm të rremë është ngritur gjithnjë vetëm pas dështimit të tij. Për sa kohë që ndonjë eksperiment socialist është në lulëzim, pothuajse askush nuk i vë në dyshim kredencialet e tij socialiste. Përkundrazi! Praktikisht, të gjitha regjimet socialiste kanë pasur muajin e vet të mjaltit, gjatë të cilit janë ngritur në qiell me entuziazëm nga shumë intelektualë të shquar perëndimorë. Vetëm kur dështimet e tyre ishin aq të dukshme, sa nuk mund të mohoheshin më, ato riklasifikoheshin në mënyrë retrospektive si "socializëm jo real". Në mesin e viteve 70, në rrethet marksiste 'enverizmi' u bë maoizmi i ri. Parti enveriste, si Partia Revolucionare Komuniste e Britanisë (Marksiste-Leniniste), u krijuan në të gjithë botën perëndimore, duke përfshirë SHBA-në, Kanadanë, Francën, Gjermaninë Perëndimore, Holandën, Suedinë, Norvegjinë, Spanjen dhe Italinë...
Price: 1300 Lekë
titleToAlt
'Ky është një libër i shkruar bukur dhe i rëndësishëm. Lexojeni!' -Martin Wolf, Financial Times 'Ngërthyes... një eksplorim i thellë i institucioneve etike në themel të shoqërisë sonë të tregut - dhe një argument pasionant si t'i ringremë ato.’ -Jesse Norman/ New Statesman, Books Of The Year Paul Collier përdor në të njëjtën masë pasionin, pragmatizmin dhe ekonominë e mirë, për të na dhënë rrugëdaljen nga ndarjet që po shqyejnë kaq shumë vende perëndimore.’ -Mervyn King ‘Plot me ide të mira për reformimin e Britanisë pas Brexit-it, nga 'qendra e fortë'.’ -David Goodhart, Standardt Evening, Books Of The Year 'Libri i Paul Collier spikat se është pragmatik, i hapur dhe optimist' -Economist
Price: 1200 Lekë
titleToAlt
Ky botim sjell këndvështrime të reja për jetën e Titos si dhe për rolin e tij vendimtar për formimin dhe zhvillimin e një Jugosllavie tjetër. Autori është mbështetur mbi një numër dokumentesh, të cilat ruhen në arkivat personale dhe shtetërore në Lubjanë dhe në kryeqytete të tjera të republikave të ish-Jugosllavisë. Ai gjithashtu hulumtoi mes materialeve që janë në dispozicion në arkiva të ndryshme në VVashington, New York, Moskë, Berlin, Kajro, New Delhi... Autori gjatë kërkimve të ndryshme arriti të kishte qasje edhe tek materialet e arkivave të shërbimeve sekrete vendase dhe të huaja si STAS dhe KGB, ku mësoi fakte të reja për vendimet e Titos dhe reagimet e shokëve të tij më të afërt në momentet historike kyçe. Për herë të parë, libri sjell detaje nga përplasjet e forta te udhëheqësit jugosllav me Stalinin, flirtet me Çurçillin dhe presidentin amerikan, Nikson, si dhe ndihmat ushtarake dhe ekonomike që përfitoi nga SHBA dhe Anglia. Përse Tito kishte frikë prej shqiptarëve, raportet e vështira me Enver Hoxhën dhe infiltrimi i agjentëve nga Shqipëria në Kosovë...
Price: 2500 Lekë
titleToAlt
“Ju lutem, mos e hapni”, shkruhej në pakon misterioze që mori Nemo. Atëherë Nemo e hapi... UPS! Kur Nemo hapi pakon e rrallë, ndodhën tri gjëra: 1. Kërceu përpjetë një Kalorës Jeti i gjallë, i quajtur Ngrici – Monstra e Akullit. 2. Nisi të binte borë në mes të verës! 3. Dhe jeti nisi të zmadhohej. U zgjat 2.5 metër. Ndërkohë që qyteti u mbulua nga bora e ngrica, Nemos i shkonin djersët çurkë, pasi, ju lutem shumë tani, e si mund ta fshehësh një jeti të tillë?...
Price: 1200 Lekë
titleToAlt
Ngjarjet zhvillohen në vitin 1969, në Zonën e Ulet Lindore të qytetit të Nju-Jorkut. Janë përhapur fjalë për ardhjen e një gruaje mistike, një shtegtuese me fuqi të mbinatyrshme, e cila pretendon se është në gjendje t'i tregojë kujtdo ditën se kur do të vdesë. Fëmijët e familjes Gold - katër adoleshentë në pragun e vetëndërgjegjësimit - shkojnë fshehurazi tek ajo, për të dëgjuar fatin e tyre. Profecitë paraprijnë pesë dekadat e ardhshme të jetës së tyre. Simoni, djaloshi flokëverdhë, ia mbath për në Bregun Perëndimor, në San-Franciskon e viteve '80, në kërkim të dashurisë; ëndërrimtarja Klara bëhet një magjistare në Las Vegas dhe është e fiksuar pas përzierjes së realitetit dhe fantazisë; djali i madh, Danieli, përpiqet të ruajë sigurinë si mjek ushtarak; dhe Varya, e dhënë pas librave, ia ka kushtuar veten hulumtimeve mbi jetëgjatësinë, për të testuar kufirin midis shkencës dhe pavdekësisë. Duke qenë një roman i dyfishtë, një histori dashurie familjare verbuese dhe një roman gjithëpërfshirës i ambicies dhe i thellësisë së jashtëzakonshme, libri "Të pavdekshmit" trajton vijën delikate midis fatit dhe zgjedhjes, midis realitetit dhe iluzionit, të kësaj bote dhe asaj tjetrës. Ky libër është një testament thellësisht prekës i fuqisë së rrëfimit, i mënyrës së besimit dhe i lidhjes së ngushtë familjare.
Price: 1300 Lekë
titleToAlt
Nga një Biomë e fshehtë në xhungël, Lukrecia Katër planifikon të shkatërrojë botën me ligësinë e saj, vetëm nëse Darkusi, Virxhinia dhe Bertolti nuk gjejnë një mënyrë për ta ndalur. Në rast se dështojnë, ajo do të mbledhë një ushtri me brumbuj Frankenshtajnë dhe planeti nuk do të jetë më i njëjti. Njerëzimi është në rrezik. E ardhmja është në duart e tre fëmijëve dhe brumbujve të tyre…
Price: 1000 Lekë
titleToAlt
Dëshira dhe Ksari tani ishin dëbuar, në arrati, dhe atyre u qenë vënë pas luftëtarë, magjistarë, dhe ç’është më e keqja, SHTRIGAT... A mund t’i gjejnë ata përbërësit e një magjie që heq qafe shtrigat, para se Mbreti i shtrigave të fusë në kthetrat magjinë-që-funksionon-edhe-në-hekur? Kjo avenuturë kërkimi është më e frikshmja dhe më e pabesa nga të gjitha. Për më tepër... DIKUSH do t’i tradhëtojë ata...
Price: 1200 Lekë
titleToAlt
Gjak i keq 2020
Në vitin 2014, themeluesja dhe CEO e "Theranos"-it, Elizabeth Holmes-i, konsiderohej gjerësisht si Steve Jobs-i i radhës: ishte gjeniu që braktisi studimet në Universitetin e Stanfordit dhe kompania e saj e re, ose "njëbrirëshi", premtonte të revolucionarizonte industrinë e mjekësisë përmes pajisjes së saj inovative, e cila arrinte të kryente të gjithë gamën e analizave laboratorike vetëm me një pikë gjaku. Të mbështetur nga investitorë, të tillë si Larry Ellison dhe Tim Draper, në një raund për mbledhjen e fondeve, "Theranos"-i shiti aksione që e bënë kompaninë të vlerësohej me më shumë se 9 miliardë dollarë, duke e vendosur vlerën e Holmes-it përafërsisht në 4,5 miliardë dollarë. Por kishte një problem: teknologjia në pajisjen e re nuk po funksiononte. Rezultatet e gabuara i vinin pacientët në rrezik, shkaktonin diagnostikime të pasakta dhe trajtime të panevojshme. Gjatë gjithë kohës, Holmes-i dhe partneri i saj, Sunny Balwani, punuan fort që të heshtnin këdo që shprehte dyshime - nga gazetarët e deri te punonjësit e tyre. I raportuar me rreptësi dhe i shkruar pa frikë, "Gjak i keq” është historia mbërthyese e mashtrimit më të madh të korporative që nga "Enron"-i. Është një rrëfim i ambicies dhe i arrogancës që kanë zënë vend mes premtimeve guximshme të Silicon Valley.
Price: 1200 Lekë
titleToAlt
Napoleon Bonaparti, figurë universale e gjenialitetit njerëzor, dështoi në themelimin e një dinastie, por përcaktoi politikën moderne. Me qeverinë e tij ai i tregoi botës se një vend mund të jetojë në mënyrë të qëndrueshme edhe nën një tjetër ligj, veç atij të monarkisë absolute dhe privilegjeve të trashëgueshme e kishtare. Në Francë, Kodi ynë Civil dhe shumë nga institucionet tona, që prej krijimit të tyre nga Napoleoni janë reformuar pak ose aspak dhe janë zbatuar e përshtatur në mbarë botën. Të sjellim fatin e jashtëzakonshëm të atij që Klauzeviç e quante "Zot i luftës", në dimensionin e jetës së një njeriu të zakonshëm, është sfida e këtij libri. Bonaparti u bind shumë shpejt se fati i tij ishte përcaktuar; kjo biografi na tregon rastësitë e jetës së tij. Pak nga pak, ai u flijua për shtetin francez, derisa sakrifikoi lirinë e përditshmërisë tij. Duke shkruan romanin e Bonapartit, Paskal Fotrie ia rikthen atij humanizmin.
Price: 1300 Lekë
titleToAlt
Me mbi 100 lojëra enigma matematikore, ky libër nuk të lë cep të trurit pa sfiduar. Në këtë libër ka ushtrime që bazohen në tabelën e shumëzimit, ka figura me gjetje formash, labirinte mendore matematikore, piramida me numra, problema pamore dhe enigma sudoku. Është koha të provosh fuqinë tënde mendore.
Price: 800 Lekë
titleToAlt
“Në këtë ditar jam vetëm njëri prej atyre mijëra shqiptarëve që kaluan maleve kufirin me Greqinë. Fatmirësisht, nuk e pata fatin e keq të përballesha me ushtarët grekë apo të provoja burgun me kushte çnjerëzore. Por sigurisht që kam qenë një nga dëshmitarët e asaj kohe të trazuar dhe me ditarin personal mund të shërbej si kronikan i një historie dhimbjeje dhe shprese, që përcaktoi fatin e mbijetesës së shqiptarëve pas përmbysjes së komunizmit. Kur u nisa drejt Greqisë si emigrant ilegal, në nënvetëdijen time e kisha edhe një dëshirë gazetareske: që përveç marrjes së provimit për të treguar se sa i zoti isha ta përballoja jetën në atë mënyrë që zgjodhi shumica e të rinjve shqiptarë, të realizoja edhe një reportazh për atë kohë të vështirë, që ndoshta nuk do të përsëritet kurrë...”- Ylli Molla
Price: 600 Lekë
titleToAlt
Saga e një vajze tiranase, e rritur në një familje të varfër dhe plot mundime. Me nënën në burg, kur ishte ende fëmijë, u detyrua të kujdesej për të rritur vëllezërit dhe të mbante familjen. Tornitore në moshën 14 vjeç dhe më pas e përjashtuar nga shkolla, per shkak të biografisë. Dashuria e pafat me djalin e një familjeje komuniste, lidhja me kryeinxhinierin e fabrikës dhe burgosja e të dyve për 'agjitacion e propagandë’. Drama e vajzës romantike që pëlqente letërsinë dhe, për shkak të poezive të saj, vuajti shtatë vite burg politik. Kjo është historia e Shpresa Dick (Refugjati), që përpiqet ti hedhë pas shpine vuajtjet e dikurshme, duke i kaluar ditët zvicerane me nostalgjinë për gëzimet që i dhuroi Zoti, nën shoqërinë e Emës së romanit "Zonja Bovari", që e donte aq shumë në moshën e rinisë...
Price: 800 Lekë
titleToAlt
Rebelet 2020
Vajzat rebele reagojnë! Vivian Karterit i ka ardhur në majë të hundës me shkollën e mesme në një qytet të vogël të Teksasit ku ajo shkon e ku mbahet me hatër vetëm skuadra e futbollit të djemve. Është e mërzitur me dallimet seksiste në kodin e veshjes dhe me ngacmimet nëpër korridoret e shkollës. Por, mbi të gjitha, Viv Karterit I ka ardhur në majë të hundës me rregullat që duhet të ndjekë. Mamaja e Vivianit ka qenë një rrokere rebele e muzikës pank rrok në vitet '90. Vivi merr një fletushkë që mamaja e ruante në një kuti me kujtime dhe krijon një revistë feministe, të cilën e shpërndan në mënyrë anonime në të gjithë ambientet e shkollës. Po e bën ketë thjesht për t'u shfryrë, por ja që mjaft vajza e mbështesin. Shumë shpejt, Vivi krijon miqësi të reja me vajza të grupeve të tjera shoqërore dhe kupton se çfarë ajo ka nisur s'është veçse një "revolucion" vajzash. REBELET është një libër për jetën shkollore që do t'ju bëj të rebeloheni!
Price: 1000 Lekë
titleToAlt
A do të jetë kjo ditëlindje e Nikit e gëzuar apo e gabuar?
Price: 1000 Lekë
 
All rights reserved. © 2015 Library Albania