titleToAlt
Një autobiografi thellësisht prekëse rreth vitit që do të ndryshonte përgjithmonë një familje dhe një vend. "Një libër emocionues, udhëzues dhe thellësisht ndikues." IRISH INDEPENDENT "Në këtë libër të pasur në detaje marrin jetë prapaskenat e një drame njerëzore të rrëfyera me sinqeritet të thellë. Kushdo që ka humbur një njeri të dashur do të gjejë ngushëllim të vërtetë te fjalët e autorit. Fragmentet drithëmese që ndikojnë drejtpërdrejt te lexuesi, e bëjnë të paharrueshëm librin "Premtomë, baba". Detajet e vogla dhe prekëse që dëshmohen në marrëdhënien midis Bajdenit dhe djalit të tij në prag të vdekjes, do të qëndrojnë gjatë në kujtesën e lexuesit." NEW YORK TIMES "Në këtë rrëfim, Bajdeni ndërthur dramën e tij therëse me historinë e fushatave zgjedhore dhe me zhvillimet historike të marrëdhënieve me jashtë. Si rrjedhojë, ai ofron diçka për të gjithë sepse çdo lexues merr nga përvoja e autorit atë që i intereson më shumë." NEW YORK TIMES BOOK REVIEW
Price: 1400 Lekë
titleToAlt
Vetëm njëzet e gjashtë vjeç, heroi kryesor i këtij romani, Herri "Lepur" Engstrëm është një burrë-fëmijë, i zënë në një luftë midis instinktit dhe mendimit, vetvetes dhe shoqërisë, kënaqësisë seksuale dhe detyrës familjare. Frika se mos humbet në rutinën e jetës konvencionale shoqërore dhe fetare e bën të vrapojë dhe t'ia mbathë nga një situatë pa rrugëdalje në tjetrën. - Po ke guxim tëjesh vetja, të tjerët e paguajnë çmimin. - thotë Lepuri. "Lepur, vrapo" është romani i parë i tetralogjisë së Lepurit, që përcaktoi vendin e John Updike si një prej autorëve më të rëndësishëm amerikanë. Autori u vlerësua me çmimin Pulitzer për dy romanet vijuese, "Lepuri është i pasur" dhe "Lepuri prehet". Së bashku me romanin "Lepuri kthehet", kjo tetralogji unike rrëfen historinë nga rinia në vdekje të yllit të dikurshëm të basketbollit, Herri "Lepur" Engstrëm, i cili i përket shtresës së mesme të shoqërisë amerikane. Ngjarjet zënë fill në qytezën imagjinare të Bruërit, Pensilvani, kur instinktivisht, pa asnjë plan të paracaktuar, Lepuri braktis gruan shtatzënë dhe djalin. "Tetralogjia për Lepurin vazhdon të jetë romani më i mirë amerikan pas Luftës së Dytë Botërore". -Julian Barnes, The Guardian "Tetralogjia e Herri 'Lepur' Engstrëmit është kryevepra dhe, pa dyshim, monumenti letrar i Updike. Ashtu si Saul Bellow, Updike është mjeshtër i kalimit nga rrëfimi në vetën e tretë në atë në vetë të parë, nga metafora e fuqishme tek e përditshmja, nga detajet e veçanta te përgjithësimet, nga e njëmendta te metafizikja, nga e frikshmja te komikja". -Ian McEvvan, The New York Review
Price: 1000 Lekë
titleToAlt
I ri në moshë, kureshtar, dhe i sapo diplomuar në biznes, Phil Knight mori pesëdhjetë dollarë borxh nga babai dhe themeloi një kompani me një mision të thjeshtë: të importonte këpucë sportive me cilësi të lartë dhe kosto të ulët nga Japonia. Knight i shiti këpucët nga bagazhi i makinës së tij Plymouth Valiant, dhe në vitin e parë, në 1964-ën, arriti të ardhura bruto prej tetëmijë dollarësh. Sot, shitjet e kompanisë Nike e katojnë vlerën $30 miliard. Në këtë epokë start-up-esh, kompania Nike e Knight-it është standardi i artë, dhe logoja e saj është simbol i elegantes dhe madhështisë, një nga ikonat e pakta që njihen menjëherë në çdo cep të botës. Por Knight ka qenë gjithnjë misterioz. Tani, në këtë autobiografi të habitshme, modeste, pa filtra, me humor, dhe të gdhendur bukur, ai tregon më në fund historinë e tij. Gjithçka nis me një moment tipik udhëkryqi. Njëzetekatër vjeç, duke udhëtuar me një çantë shpine përmes Azisë, Europës dhe Afrikës, në luftë me Pyetjet e Mëdha të jetës, Knight vendos se rruga e pashkelur është e duhura për të. Në vend që të punojë për një korporatë të madhe, ai do të krijojë diçka të tijën, diçka të re, dinamike, dhe ndryshe. Knight tregon në detaj rreziqet tmerruese me të cilat është përballur përgjatë rrugëtimit, vështirësitë dërrmuese, konkurrentët e pamëshirshëm, ata që hidhnin hije dyshimi dhe e kritikonin, bankierët armiqësorë, si dhe triumfet emocionuese. Mbi të gjitha, ai kujton marrëdhëniet themelore që krijuan zemrën dhe shpirtin e kompanisë Nike, me ish-trajnerin e tij gjaknxehtë dhe karizmatik, Bill Bovverman, dhe me punonjësit e tij të parë, një grup i çorganizuar jokonformistësh dhe intelektualësh, që shpejt u kthyen në vëllezër të çmendur pas kompanisë. Së bashku, duke shfrytëzuar fuqinë elektrizuese të një vizioni guximtar dhe besimin e përbashkët te fuqia shpëtuese dhe transformuese e sporteve, krijuan një brand dhe një kulturë, që ndryshoi gjithçka.
Price: 1500 Lekë
titleToAlt
Pasione 2020
"Tërë jetën kam qenë me fat, me shumë fat, mbase edhe me tepër fat, kur mendoj ata që nuk kanë rrugë tjetërpërveçse të përballen me zymtinë e një përditshmërie dëshpëruese dhe, shpeshherë, të dhimbshme. Nuk është se jeta m'i ka kursyer sprovat. Edhe unë kam pasur hisen time të dështimeve profesionale dhe personale. Madje më duket se ndonjëherë më është dashur ta paguaj shtrenjtë suksesin dhe famën. Porse asnjëherë, kurrën e kurrës, nuk e kam provuar se ç'është mërzitja. Qëkurse mbaj mend, kam mundur të jetoj me pasion, të takohem me bashkëbisedues që shpesh nuk ua gjen dot shokun, si dhe të përballem me ngjarje, kujtimi i të cilave mund të mbetet në histori. Pasioni dhe nevoja për t'u përfshirë kanë qenë përherë të pranishme në zemrën e identitetit tim. Fundja, ndonëse nuk e di përse-në e kësaj prirjeje kaq të ngulitur brenda meje, të paktën kam pasur dëshirën për ta shpjeguar sesi-në e saj. Më është dashur shumë kohë përpara se të futem në këtë rrugëtim të një të vërtete që dua të jetë më e sinqerta e mundshme, ndonëse e di që ajo, per vetë natyrën e saj, do të jetë relative."
Price: 1200 Lekë
titleToAlt
Unë 2020
Autobiografia UNË është e mbushur me dramë, që nga refuzimi i hershëm i punës së Eltonit me partnerin këngëshkrues Berni Topin deri në daljen jashtë kontrollit të superyllit që kryesonte listat e klasifikimit të këngëve; nga miqësia me Xhon Lenonin, Fredi Mërkërin dhe Xhorxh Majkëllin deri te vallëzimi disko me Mbretëreshën; nga orvatjet për vetëvrasje deri te varësia ndaj drogës, që do ta mbante mbërthyer për më shumë se një dekadë. Eltoni shkruan fuqishëm edhe për çtoksikimin dhe ngritjen e Fondacionit AIDS. Ai rrëfen për gjetjen e dashurisë së vërtetë me Dejvid Fërnishin, pushimet me Versaçen dhe interpretimin në ceremoninë mortore të Princeshës Diana. Përshkruan çastin ekzakt kur kupton se dëshiron të bëhet baba dhe jeta e tij ndryshon sërish kryekëput. Gazmore, argëtuese dhe herë-herë thellësisht prekëse, autobiografia UNË do t'ju çojë në një udhëtim intim me nje legjendë të gjallë.
Price: 1500 Lekë
titleToAlt
Autobiografitë janë si përrallat moderne. Në to, shkrimtari përballet me sfidën e vështirë të të përpjekurit për të kuptuar, falur e madje edhe për të dashur. Lexuesit do të mrekullohen nga inteligjenca dhe dashamirësia e fëmijëve të famiijes Uolls. "Kështjella prej xhami" është një autobiografi e shkëlqyer dhe argëtuese, e cila do t'ju njohë me një familje sa të çuditshme, aq edhe unike. Kur është esëll, babai karizmatik dhe brilant i Xhanetës, u kushton shumë kohë fëmijëve dhe madje u mëson atyre fizikën, gjeologjinë dhe se si t'i bëjnë ballë jetës pa iu trembur syri. Ama kur është i dehur, ai kthehet në një mashtrues dhe shkatërrimtar. Nëna e saj ishte një shpirt i lirë, së cilës nuk i pëlqeu kurrë përgjegjësia e rritjes së fëmijëve dhe mirëmbajtjes së shtëpisë. Kështu, fëmijët Uolls mësuan të kujdeseshin vetë për veten. Ata e ushqyen, veshën dhe e mbrojtën njëri-tjetrin, derisa një ditë të bukur arritën të shkonin në qytetin e Nju Jorkut. Ky libër portretizon mjeshtërisht një familje të veçantë, por shumë besnike. Xhaneta Uolls e tregon historinë e saj në një mënyrë brilante dhe pa asnjë grimë vetëmëshirimi.
Price: 1200 Lekë
titleToAlt
"Unë e di pse këndon zogu në kafaz" (1969), romani i parë autobiografik i Maya Angelou-t, është shndërruar tashmë në një klasik amerikan fort të dashur në mbarë botën. Është një roman i hareshëm dhe i dhembshëm, i mistershëm dhe i paharrueshëm siç është vetë fëmijëria. Ai përshkruan jetën e Margaritës (të cilën i vëllai e quan Maj, ose Maja), që nga mosha trevjeçare deri në shtatëmbëdhjetë dhe vuajtjet me të cilat përballet, sidomos racizmin, në Jugun e Shteteve të Bashkuara të Amerikës. "Unë e di pse këndon zogu në kafaz" është një histori rritjeje dhe formimi, që tregon se forca e karakterit kapërcimin e traumave dhe dashuria për letërsinë mund të ndihmojnë në kapërcimin e traumave dhe racizmit. Përgjatë librit, ashtu si dhe në jetën e saj të vërtetë, Maja shndërrohet nga viktimë e racizmit me një kompleks të theksuar inferioriteti, në një vajzë të re, të vendosur, me dinjitet, e zonja për t'iu kundërvënë çdolloj paragjykimi. Maja mëson se dashuria për veten, mirësia ndaj të tjerëve, shpirti i saj i fortë dhe leximi i shkrimtarëve të mëdhenj do ti japin mundësinë të jetë e lirë dhe jo më e robëruar. Ky roman, poetik dhe i fuqishëm, do të prekë zemrat dhe do të ndryshojë mendjet për sa kohë që njerëzit do të vazhdojnë të lexojnë.
Price: 1000 Lekë
titleToAlt
Në numrin e së dielës së Volkszeitung, një gazetë e Kärntnerit, në rubrikën TË NDRYSHME shkruhej: "Në të gdhirë të së shtunës, një shtëpiake pesëdhjetenjëvjeçare nga A. (komunë e G-së) vrau veten, pas marrjes së një doze të tepërt ilaçesh gjumi". Fillon kështu përballja e jashtëzakonshme e Peter Handkes me vdekjen e së ëmës. Në një përpjekje të dhimbshme dhe të guximshme për t'u marrë me tmerrin gati të padurueshëm të vetëvrasjes, ai zë e bashkon ngjarjet e jetës së saj. Çka del është portreti i dashur i një gruaje të pikëlluar, një gruaje të padukshme, që e jeton jetën në vitet e nazizmit në Austri, në Luftën e Dytë Botërore dhe deri te Europa e frikur e pasluftës. Një grua që, për ta bërë me baba djalin që pret prej një burri të martuar, heq dorë nga buzëqeshja, martohet me një nënoficer të Vermahtit dhe transferohet me të në Berlin. Në fund të luftës, kur kthehet në vendlindje, zbulon letërsinë - Hamsunin, Dostojevskin, Folknerin por nuk arrin ta gjejë ngushëllimin e dëshiruar. Buzëqeshja e humbur rilind si një ngërdheshje, ëndrrat e së ardhmes rrëgjohen e kthehen në përralla të së kaluarës. Në fund të një jete banale dhe të kursyer në ndjenja, në përpjekje për të ruajtur dukjen, kjo grua shpall papajtueshmërinë me botën dhe vendos të vetëvritet. Eshtë vetëm pesëdhjetë e një vjeç. Përballë kësaj vetëvrasjeje - lajmin e mëson nga gazetat - shkrimtari austriak asokohe i ri në moshë, ndien nevojën të kompensojë me fjalë atë jetë të pajetuar. E bën këtë duke iu drejtuar rrëfimit, si gjithmonë. Por kësaj here nuk ia del t'i shohë gjërat nga larg, sepse rrëfimi për nënën flet për një jetë të prerë në mes nga një epilog tragjik, i vullnetshëm.
Price: 700 Lekë
titleToAlt
Saga e një vajze tiranase, e rritur në një familje të varfër dhe plot mundime. Me nënën në burg, kur ishte ende fëmijë, u detyrua të kujdesej për të rritur vëllezërit dhe të mbante familjen. Tornitore në moshën 14 vjeç dhe më pas e përjashtuar nga shkolla, per shkak të biografisë. Dashuria e pafat me djalin e një familjeje komuniste, lidhja me kryeinxhinierin e fabrikës dhe burgosja e të dyve për 'agjitacion e propagandë’. Drama e vajzës romantike që pëlqente letërsinë dhe, për shkak të poezive të saj, vuajti shtatë vite burg politik. Kjo është historia e Shpresa Dick (Refugjati), që përpiqet ti hedhë pas shpine vuajtjet e dikurshme, duke i kaluar ditët zvicerane me nostalgjinë për gëzimet që i dhuroi Zoti, nën shoqërinë e Emës së romanit "Zonja Bovari", që e donte aq shumë në moshën e rinisë...
Price: 800 Lekë
titleToAlt
Price: 1000 Lekë
titleToAlt
Eksod 2005
... Kronika dhe fantazia, shoqërorja dhe vetjakja, politika dhe dashuria, gëzimi dhe zhgënjimi, tronditësja dhe e rëndomta, shtëpia dhe qyteti... gjithçka gërshetohet në mënyrë organike dhe harmonike në romanin "Eksod". Heroi kryesor i romanit është intelektuali që ndjek hap pas hapi ngjarjet, nga të cilat gëzohet dhe trishtohet, mbi të cilat mediton dhe mban qëndrim kritik. Nuk u jep kurrë "çek të bardhë" as ngjarjes dhe as shokëve dhe miqve, qofshin këta edhe me bindje politike si të tijat. Transformimi, kalimi nga njëra parti në tjetrën, përpjekja e paskrupullt për protagonizëm politik, paaftësia e shtetit demokratik, rritja e papunësisë, korrupsioni dhe kriminaliteti që marrin udhë, ca rrethana familjare, dëshira dhe ëndrra vetjake, e shtyjnë drejt rrugës që pati shmangur për shumë kohë.
Price: 800 Lekë
titleToAlt
Rrëfimet 2018
Po nis një punë që është e pashembullt, të cilën nuk do ta imitojë askush. Dua t'u tregoj njerezve të tjerë jetën e një njeriu, pa fshehur asgjë që ka të bëjë me natyrën e tij dhe ky njeri do të jem unë. Vetëm unë. E ndiej ç'më thotë zemra dhe i njoh njerëzit. Nuk i ngjaj asnjërit nga ata që kam parë; guxoj të besoj se natyra nuk më ka bërë si ndonjë nga njerezit që ekzistojnë. Në qoftë se nuk vlej më shumë, së paku jam ndryshe nga ata. Po qe se natyra ka bërë mirë apo keq, duke e thyer kallëpin në të cilin më derdhi, për këtë gjë njerëzit mund të gjykojnë vetëm pasi të kenë lexuar librin tim. Le të buçasë kur të dojë trumbeta e Gjyqit të fundit, unë do të vij të paraqitem me këtë libër në dorë përpara gjykatësit sovran e do ti them me zë të lartë: "Ja çfarë kam bërë, çfërë kam menduar dhe cili kam qenë". Kam folur për të mirën dhe të keqen me të njëjtën çiltëri. Nuk kam heshtur për asnjë gjë të keqe, nuk kam shtuar asgje të mire dhe nëse më ka ndodhur të përdor ndonjë zbukurim që nuk ngre shume peshë, këtë e kam bërë vetëm për të mbushur një zbrazëti të rastit, të shkaktuar nga harresa; mund ta kem quajtur të vërtetë atë që e dija se ishte e tillë, asnjëherë atë që e dija se ishte e rreme. E kam treguar veten time ashtu siç kam qenë të përbuzshëm dhe të poshtër kur kam qenë i këtille; të mirë, bujar, sublim kur kam qenë i atillë e kam shpalosur botën time të brendshme, ashtu siç e ke parë ti vetë.
Price: 1500 Lekë
titleToAlt
"Diplomat me pahir" është një vepër në të cilën jo vetëm pasqyrohet politika e jashtme dhe historia diplomatike e Turqisë, por sillet edhe një këndvështrim i ri për Luftën e Dytë Botërore. Botimi i parë i këtij libri ngjalli interes dhe pati jehonë brenda dhe jashtë vendit, duke u përkthyer në disa gjuhë të botës, me në krye rusishten, Libri me kujtime "Diplomat me pahir" lexohet me kureshtje dhe hedh dritë në periudhën kur Jakup Kadri Karaosmanolluja ka shërbyer si diplomat në vende të ndryshme të botës, mes tyre edhe në Shqipëri. Në këtë vepër shfaqet qartë mjeshtëria e Jakup Kadri Karaosmanollusë për pastërtinë dhe pasurinë gjuhësore.
Price: 700 Lekë
titleToAlt
Tri Ditë dhe Dy Netë, është një autobiografi e shkruar nga Hiljana Biba, studente në Fakultetin e Mjekësisë Tiranë, pak pas publikimit online të veprës "Më quajnë Xhulia". Kjo e fundit e vlerësuar rishtasi me çmime të ndryshme dhe e renditur ndër veprat më të lexuara fiction në Booksie. Midis këtyre faqeve, ilustrohet se si brenda një nate, një adoleshente e apasionuar pas jetës dhe e aftë të përballojë problemet kronike familjare e jo vetëm, mund të shndërrohet në një hipokondriake, në një pre të depresionit, OCD-së dhe ankthit. Në këtë libër, të shoqëruar nga melankolia dhe nostalgjia, ajo ju tregon se si ia arriti t'i mbijetojë këtij rrethi vicioz dhe jep disa këshilla për t’ju falur qetësi, të bashkangjitura me situata komike. Nëse jeni duke përjetuar një situatë jo të favorshme psikologjike, për çfarëdo lloj shkaku, ju nuk jeni vetëm. Ky libër është shkruar për ju, për t'ju ndihmuar...të shëroheni!
Price: 400 Lekë
titleToAlt
Pjesë nga libri: Tani gëzhojat duheshin hequr nga rruga. Në një kovë të vogël blu me njolla të bardha gëlqereje të tharë, po fusja gëzhojat që më zinte syri. Kur po afrohesha fare pranë njërës prej godinave të mugëta, ashtu gjysmëpërkulur, u kryqëzova në rrugicë me një grua të re, të bukur, në të tridhjetat. Mbante veshur një pallto bezhë dhe flokët ngjyrë gruri i derdheshin supeve gufueshëm. Po gjëja që më bëri më tepër përshtypje, ishin buzët e tulta, të lyera me një të kuqe të ndezur. Kujtova se ç'thuhej për gratë që shkonin atje në godinat e errëta. Ndoshta dikush e kishte thirrur për takim dhe e kishte lënë aty vetëm ose ajo po kërkonte dikëqë i kishte humbur. Ose... Më pikëlloi aq shumë humbja e saj dhe pata përshtypjen sepo të qëndronte më gjatë, do të zinte të qante. E ndoqa me sy, derisa u tret në rrugicën e ngushtë. Era e barutit të shponte hundët, ndërsa shpirti më ishte telikosur. Edhe ajo gruaja e bukur ashtu duhej të ndihej. Kishim shumë për të gëlltitur. «"Krom dhe luledele" është një prozë plot xixëllima (ashtu si gurët e kromit, që kanë vlerë tjetër e janë më të rëndë midis gurëve të zakonshëm). Gjuha e (auto)rrëfimit në këtë tekst është gjuha plot sharm, ironi, përsiatje paradoksale e tautologji infantile me përshkrime të imëta lirike e poetike, detaje skrupuloze, skena e situata të thukëta, të përcjella me vetëpërmbajtje ironike e koprraci të ndershme. Dominantja e këtij ligjërimi është letrariteti i spikatur, që e lejon autoren të çajë thellë në aventurën e saj të rizbulimit të Kohës dhe Gjuhës, për të ringjallur edhe një herë rrjedhën e viteve, qenien e vet të dikurshme brenda asaj guaske molusku, që tashmë qëndron aty, endur me rrathë të sedeftë. »Agron Tufa
Price: 700 Lekë
titleToAlt
Orhan Pamuk, shkrimtari më rëndësishëm i Turqisë së sotme, fituesi i Çmimit Nobel në Letërsi për vitin 2006, në këtë libër të mrekullueshëm autobiografik, na bën një guidë gjeografike, historike dhe psikologjike, thellësisht melankolike e të ndjerë, nëpër Stambollin e tij të dashur, qytetin ku u lind dhe që nuk e braktisi kurrë, qyteti që i shenjoi sa trishtim aq edhe famë, qytetin që e deshi me të gjitha dritëhijet, me të gjitha "humbjet" dhe lavditë. Ndryshe nga shumë të tjerë, Orhan Pamuk, duke parë përtej joshjes së shkëlqimtë bosforiane, ka qenë, siç thotë edhe vetë, në kërkim të domethënies së aq pse-ve që ky libër ngre: "Pse në çaste dëshpërimi, zemërimi dhe brenge, më pëlqente ta përytyroja veten duke u endur rrugëve në mes të natës? Pse nuk më pëlqenin pamjet e ndriçuara të Stambollit, që u pëlqejnë turistëve e që shtypen nëpër kartolina, por rrugicat e pasme të mugëta, buzëmbrëmjet, netët e acarta të dimrit, njerëzit si hije që mezi shquhen nën dritën e Ilambave të zbehta të rrugës, rrugicat me kalldrëm dhe shkretia që tashmë po harroheshin nga të gjithë?
Price: 1400 Lekë
titleToAlt
«Nëna ime quhet Nexhmije Ibrahimi Nussbaumer dhe unë jam dëshmia e gjallë e filozofive të saj. Më kryesorja ndër to është se asgjë nuk përfundon, derisa të ketë një fund të lumtur - derisa të mbërrish te drita. » Kur ishte ende një vajzë e vogël në Shqipëri, prania e dashur dhe mbrojtëse e nënës së saj e mbajti Angelan larg varfërisë dhe tensioneve politike në rritje në atdheun e saj. Por, kur Angela mbushi dhjetë vjeç, ndodhën një numër ngjarjesh që do t'ua ndryshonin njëherë e përgjithmonë jetën asaj vetë dhe së ëmës. Duke pasur frikë për sigurinë e së bijës, e ëma, Nexhi, merr vendimin e dhimbshëm për ta dërguar Angelan të jetonte me të atin në Zvicër, ku ai kishte shkuar disa vjet më parë. Me vendosmërinë dhe guximin që e karakterizojnë, Nexhi kapërcen pengesa të shumta për t'u bashkuar më në fund me Angelan - disa muaj më vonë dhe në kushte krejt të ndryshme nga sa e kishte përfytyruar secila prej tyre. Rruga e jetës së saj ndryshoi sërish, kur vendosi të hynte në kursin e gjuhës gjermane, çka do ta ndihmonte të integrohej në kulturën zvicerane. E lindur për të qenë mësuese, madje e shkëlqyer në profesion, Nexhi shfrytëzon më pas njohuritë e fituara me vështirësi të mëdha dhe ndihmon gra të tjera të zhvendosura aty, me qëllim që ato të mësojnë gjuhën, të forcojnë besimin e tyre dhe t'i inkurajojë që t'ia nisin nga e para për të ngritur një jetë të re për veten dhe familjet e tyre. Si një nderim ndaj nënës së dashur të autores, por edhe në kujtime personale, "Dashuri, shpresë, dritë" është një histori prej disa brezash e këmbënguljes dhe forcës përtëritëse të dashurisë dhe familjes për të kapërcyer trillet e mbrapshta të fatit. ‘’Përvojat e jetës së nënës sime më kanë treguar se nuk duhet të strukem përballë së panjohurës. Të jesh sypatrembur do të thotë t'i kapësh mundësitë, kudo që janë. Të jesh sypatrembur do të thotë të mos i lejosh kurrë njerëzit apo rrethanat që të ta presin rrugën drejt qëllimeve. Të jesh sypatrembur do të thotë të duash sikur nuk je lënduar kurrë më parë. Të jesh sypatrembur do të thotë të çash rrugën përmes errësirës per të mbërritur te drita.’’ Angela Martin
Price: 1200 Lekë
titleToAlt
“Loja e syve - Histori e një jete” është vëllimi i fundit i trilogjisë autobiografike të shkrimtarit austriak me famë botërore Elias Kaneti, Laureat i Çmimit Nobel për letërsinë. Ngjarjet e shumta, të larmshme dhe interesante që përshkruan autori te ky vëllim zhvillohen kryesisht në Vjenë, në këtë qytet kozmopolit të viteve 1931-1937, në prag të katastrofës së madhe evropiane. “... Ka sy që të ngjallin frikë, sepse kërkojnë vetëm të shqyejnë, ata shërbejnë për të gjurmuar prenë, e cila, pasi është diktuar, s’mund të quhet ndryshe veçse pre; edhe në arriftë të shpëtojë, prapë do të mbetet e damkosur si e tillë. Është diçka e tmerrshme ngultësia e një vështrimi të pamëshirshëm. Kush hyn në fushën e saj pamore, shndërrohet në viktimë dhe mund të shpëtojë vetëm nëpërmjet një metamorfoze të plotë. Por, meqë në realitet është e pamundur kjo metamorfozë, për hir të saj krijohen mite e personazhe. Mitik është edhe syri që s’kërkon të shqyejë viktima, megjithëse nuk i ndahet kurrë asaj që ka parë. Ky mit është bërë realitet, dhe kushdo që e ka përjetuar rikujton me emocion e tmerr syrin që e detyroi të mbytej në thellësinë e tij të pamasë. Thellësia e syve të tillë është e pakufi. Asgjë që zhytet në të s’ia prek dot fundin, dhe asgjë nuk kthehet dot më në sipërfaqe. Deti i këtij syri s’ka kujtesë, është një det që vetëm kërkon e merr. Ia jep çdo gjë që ke, gjithçka që përbën natyrën tënde më intime. Ky veprim s’është i dhunshëm, këtu s’kemi të bëjmë me diçka që ta rrëmbejnë. Atë që jep, e jep me kënaqësi, thua se ky është synimi yt i natyrshëm, thua se s’mund të kesh asnjë synim tjetër.”
Price: 900 Lekë
titleToAlt
Për herë të parë, Hillari Klinton rrëfen përjetimet e saj gjatë një prej zgjedhjeve më kontroverse dhe të paparashikueshme në histori. Tanimë, e lirë nga çdo trysni, ajo flet për një garë presidenciale të mbushur me zemërim, seksizëm, ulje-ngritje të pazakonta dhe një kundershtar, i cili shkeli të gjitha rregullat e garës. Në këtë libër, ajo tregon se ç'do të thote të garosh kundër Donald Trampit, cilat ishin gabimet e saj, si e përballoi ajo atë humbje shkatërruese dhe si gjeti fuqi të mblidhte veten e të shihte përpara për të ardhmen; ç'sfida duhet të kalojë një grua për t'u shfaqur e fortë në sy të publikut të gjërë, kritikat për zërin, moshën dhe pamjen e saj, por, mbi të gjitha, për standardet e dyfishta me të cilat përballet një grua në politikë. Zgjedhjet e vitit 2016 në Amerikë u shënjuan nga një sulm i papreçedent në demokracinë e vendit, nga një kundërshtar i huaj. Duke analizuar faktet dhe duke vënë pikat mbi "I" Hillari Rodham Klinton tregon se sa i rrezikshëm ishte ai dhe pse Amerika duhet të dijë t'i mbrojë vlerat e demokracisë për të ardhmen.
Price: 1400 Lekë
titleToAlt
Një libër i mire s'ka nevojë për komente. Ai është si kroi në mal: mjafton të bësh me shenjë ku ndodhet, i eturi shkon te gurra vetë. "Një jetë në diplomaci", - vetëm një jetë? Diplomati bën jetë paralele. Punët e dukshme, përditshmëria, si për çdo zyrtar, janë njëra. Por diplo¬mati duhet të lexojë gjëra që syri i të tjerëve nuk i sheh. Jo rrallë profesioni e do që tjetër të kesh në mendje e tjetër të thuash, tjetër të dëgjosh me veshë e tjetër të dëgjosh me mendje. E do të buzëqeshësh kur të dhemb shpirti ose e kundërta. Në këtë kuptim, ambasadori Peka mund të flasë për dyjetë. Vazhdimësia në detyrë në dy epoka aq larg njëra-tjetrës, nga diktatura në demokraci, është një përvojë e pazakontë. Po aq sa dhe misionet diplo-matike "flakë e bore": nga Vietnami në zjarr, ku skenat e luftës dridhnin planetin, në Parisin vezullues, ëndërr për çdo diplomat; nga bota arabe me veçoritë e kulturës dhe ekzotikën, në një metropol aziatik si Pekini, që tronditi botën me ritmet marramendëse të zhviliimit. Një kaleidoskop diplomatik i papërsëritshëm, me të cilin autori josh, intrigon, jo nën trysninë e emocioneve. Me të vërteta arritjesh dhe mos-arritjesh. Mund të thuhet se Maxhun Peka ka pasur fat? Me gjasë, fati në këtë botë vështirë përjashtohet si faktor. Por fati ka diçka të përbashkët me talentin.Të dyve duhet tu shërbesh fort me punë.Thonë fati duhet mbërthyer për flokësh. Si mund të mbërthehet "për flokësh" në diplomaci? Ka një formulë të thjeshtë sa dhe të nderlikuar, u thotë Peka pasardhësve me këto kujtime. Profesionalizmi mbi politikat e brendshme të ditës, mbi ideologjitë. Dashuria për vendin tënd, përkushtimi për të, jo për partitë e individët. Lëndë jetësore tepër e vëllimshme, si me e përmbledhë në një libër të vetëm? Në jetën profesionale të Pekës ka edhe plot ngjarje e imtësi, që bërtasin e shtyjnë me bërryla. Hapuni, edhe ne duam hapësirë në libër, kemi sharm, kemi domethënie. Duke hyrë në lëkurën e autorit, e ndiejmë që s'e ka pasur lehtë, çka me përzgjedhë më përpara? Zgjidhja më e mirë për këto "hatërmbetje", një libër i dytë. Nuk dimë ç'ka në mendje ambasadori Peka, mendjet e diplomatëve janë të palexueshme. Mehmet ELEZI
Price: 2000 Lekë
titleToAlt
Në ketë vëllim të At Zef Pllumit përfshihen tregimi autobiografik "Saga e fëmijnisë" i botuem në vitin 2009 ; Fjalime të pabotueme ; pjesë nga Letërkëmbimi i tij pothuej të gjitha të pabotueme; si dhe vepra "Dhetë vjet liri". Veprën "Dhetë vjet liri" autori e kishte synue si një vë-Uim të plotë, që do të ishte vëllim i katërt i veprës madhore "Rrno vetëm për me tregue", por që do të duhej të botohej mbas vdekjes së tij. Tue pa se teksti që ashtë ruejtë delte i vogël si vëllim, u përf shi në ketë botim në formatin që lexuesi ka në dorë. Me kllapa katrore me tri pika në mes [...], të përdoruna në ndonji vend, janë shmangë elemente që nuk paraqesin interes për publikun. Falënderoj studiuesen Ana Luka për punën, që e kreu pa u lodhun, për redaktimin e ketij botimi; po ashtu Prof. dr. Aljula Jubanin për këshillat dhe sugjerimet e çmueshme që dha gjatë leximit të veprës "Dhetë vjet liri"; në mënyrë të posaçme falënderoj studiuesin e censhëm Prof. dr. Aurel Plasarin, bashkëpuntori i ngushtë i At Zef Pllumit, që na vuni në dispozicion për botim nji pjesë të letrave të At Zef Pllumit. At Vitor Demaj, OFM
Price: 700 Lekë
titleToAlt
Price: 700 Lekë
 
All rights reserved. © 2015 Library Albania